តបតាមការណែនាំ និងចង្អុលបង្ហាញដ៏ខ្ពង់ខ្ពស់របស់ឯកឧត្តម ថោ ជេដ្ឋា ប្រធានអាជ្ញាធរទន្លេសាប នាថ្ងៃចន្ទ ៣រោច ខែស្រាពណ៍ ដល់ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ដល់ថ្ងៃទី១ ខែកញ្ញា ឆ្នាំ២០២៦ ឯកឧត្តមអគ្គលេខាធិការនៃអាជ្ញាធរទន្លេសាប បានចាត់ក្រុមការងារបច្ចេកទេសនៃនាយកដ្ឋានធនធានធម្មជាតិ ដែលដឹកនាំដោយលោក វិន ប៊ុនពៅ ប្រធាននាយកដ្ឋានធនធានធម្មជាតិ ចុះពិនិត្យ និងវាយតម្លៃពីស្ថានភាពលំហូរទឹកស្ទឹងសំខាន់ៗនៅជុំវិញបឹងទន្លេសាប ក្នុងនោះក្រុមការងារបាន ចុះពិនិត្យលំហូរទឹកនៃអាងស្ទឹងបរិបូណ៍ ស្ថិតក្នុងភូមិសាស្ត្រ ខេត្តកំពង់ឆ្នាំង និងស្ទឹងពោធិ៍សាត់ ស្ថិតក្នុងភូមិសាស្ត្រ ខេត្តពោធិ៍សាត់។ ក្រុមការងារបានធ្វើការសហការជាមួយមន្ទីរធនធានទឹក និងឧតុនិយមខេត្តកំពង់ឆ្នាំង និងខេត្តពោធិ៍សាត់ និងឆ្មាំទំនប់អាងទឹក។ គោលបំណងដើម្បី:
១. ពិនិត្យជាក់ស្តែងលើស្ថានភាពរបបទឹកតាមទំនប់អាងទឹក និងទឹកស្ទឹងសំខាន់ៗក្នុងខេត្តកំពង់ឆ្នាំង និងខេត្តពោធិ៍សាត់
២. វាយតម្លៃលើមូលហេតុ និងឧបសគ្គនៃរបបទឹក និងលំហូរទឹកស្ទឹង ដែលហូរចូលទៅក្នុងបឹងទន្លេសាបនារដូវវស្សា
៣. តាមដានស្ថានភាពរបបជលសាស្ត្រតាមដងស្ទឹង និងបរិមាណរបបទឹកភ្លៀងនៅតាមបណ្តាអាងស្ទឹងនីមួយៗខាងលើ ៕
