ដោយមានការអនុញ្ញាតដ៏ខ្ពង់ខ្ពស់ពីឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែកក្កដា ឆ្នាំ ២០២៦ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានដឹកនាំក្រុមការងារបច្ចេកទេសនៃអាជ្ញាធរទន្លេសាប និងតំណាងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ វាយតម្លៃ និងប្រគល់-ទទួលការងារបោះបង្គោលព្រំដីតំបន់កាត់ឆ្វៀល តំបន់១ តំបន់២ ស្ថិតក្នុងតំបន់៣ នៃភូមិសាស្ត្រខេត្តពោធិ៍សាត់ ជំហានទី១ ចំនួន ៦៥០បង្គោល។
សូមជម្រាបជូនថា ក្រោមការយកចិត្តទុកដាក់ការពារថែរក្សាធនធានធម្មជាតិនៅតំបន់ទន្លេសាប ពិសេសព្រៃលិចទឹកនៅក្នុងតំបន់៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប តែងតែចាត់តាំងក្រុមការងារចុះពិនិត្យ តាមដានជាប្រចាំនៅខេត្តជុំវិញបឹងទន្លេសាប ដើម្បីចូលរួមសហការជាមួយអាជ្ញាធរដែនដី សមត្ថកិច្ចពាក់ព័ន្ធក្នុងការទប់ស្កាត់បទល្មើសផ្សេងៗដែលតែងកើតមានឡើងនៅតំបន់ជុំវិញបឹងទន្លេសាប និងបន្តចុះអនុវត្តការងារបោះបង្គោលជំហានទី២ ឱ្យចប់រួចរាល់ក្នុងឆ្នាំ២០១៦នេះ៕
