កាលពីថ្ងៃអង្គារ ២កើត ដល់ពុធ ៣កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ដល់១៧ ខែមិថុនា ឆ្នាំ២០២៦ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមវគ្គបណ្តុះបណ្តាល ស្តីពីភាពជាអ្នកដឹកនាំរបស់ស្ត្រីក្នុង ការលើកកម្ពស់សមភាពយេនឌ័រ នៅក្នុងការប្រែប្រួលអាកាសធាតុ និងកាត់បន្ថយហានិភ័យ គ្រោះមហន្តរាយ នៅសណ្ឋាគាកាំបូឌីយ៉ាណា រាជធានីភ្នំពេញ។ ដែលមានសមាសភាពចូលរួមពីថ្នាក់ដឹកនាំ និងមន្ត្រីបច្ចេសដែលមកពីក្រសួង ស្ថាប័នពាក់ព័ន្ធមានចំនួន ៣៩រូប ក្នុងនោះមានស្ត្រីចំនួន ៣២រូប។
សូមជម្រាបជូនថា វគ្គបណ្តុះបណ្តាលនេះមានគោលបំណង៖
- ដើម្បីពង្រឹងនូវភាពជាអ្នកដឹកនាំរបស់ស្ត្រីក្នុងការលើកកម្ពស់សមភាពយេនឌ័រនៅក្នុងការប្រែប្រួលអាកាសធាតុ និងកាត់បន្ថយហានិភ័យគ្រោះមហន្តរាយ
- ដើម្បីបង្កើននូវជំនាញ ចំណេះ ទំនុកចិត្ត ក្នុងភាពជាអ្នកដឹកនាំប្រកបដោយបរិយាបន្ន ភាពធន់ និងដោយមានការឆ្លើយតបនឹងយេនឌ័រ
- ដើម្បីវិភាគយេនឌ័រក្នុងបរិបទការប្រែប្រួលអាកាសធាតុ និងកាត់បន្ថយគ្រោះមហន្តរាយ
- ដើម្បីកំណត់នូវគម្លាតយេនឌ័រ ហានិភ័យ និងដំណោះស្រាយដែលមានសក្តានុពលដោយ ប្រើប្រាស់ឧបករណ៍ទិន្នន័យបែងចែកតាមភេទ អាយុ និងពិការភាព
- ដើម្បីទទួលស្គាល់ថា ការវិភាគយេនឌ័រផ្តល់នូវភស្តុតាងសម្រាប់ការស្វែងរកការគាំទ្រមតិ
- បង្កើនសមត្ថភាពក្នុងការប្រើប្រាស់ឧបករណ៍ តាមរយៈការអនុវត្តឧបករណ៍៕
