នាថ្ងៃអង្គារ ៧កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែតុលា ឆ្នាំ២០២៥ លោក ឡូញ ណារិន្ន ប្រធានការិយាល័យកសិកម្មចម្រុះ នាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ ស្តីពីគម្រោង “ឆ្ពោះទៅរកការបែងចែកដីប្រកបដោយនិរន្តរភាព និងយុត្តិធម៌ សម្រាប់ការតាំងទីលំនៅឡើងវិញរបស់កសិករក្នុងតំបន់អាស៊ីអាគ្នេយ៍ ដែលទទួលរងគ្រោះពីការប្រែប្រួលអាកាសធាតុ” នៅសណ្ឋាគារសាន់វេ រាជធានីភ្នំពេញ ដែលដឹកនាំ និងសម្របសម្រួលដោយ ឯកឧត្តម តាំង ជុងលី រដ្ឋលេខាធិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តម សរ បូរីក្ស នាយកវិទ្យាស្ថានជាតិសង្គមកិច្ច។
គោលបំណង នៃសិក្ខាសាលាពិគ្រោះយោបល់ ដើម្បីរួមគ្នាបង្កើតវិធីសាស្ត្រជាក់លាក់របស់ប្រទេស និងកំណត់អថេរដែលពាក់ព័ន្ធ ដែលអាចយកទៅប្រើប្រាស់សម្រាក់ការធ្វើផែនទី បំលាស់ទីលំនៅដោយសារការប្រែប្រួលអាកាសធាតុដោយផ្អែកលើ GIS។
សូមជម្រាបជូនថា សិក្ខាសាលាពិគ្រោះយោបល់ខាងលើសហការរៀបចំដោយ វិទ្យាស្ថានជាតិសង្គមកិច្ច នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងសាលាគោលនយោបាយសាធារណៈ នៃសាកលវិទ្យាល័យឈៀងម៉ៃ ព្រមទាំងមានការចូលរួមពី ក្រសួង គណៈកម្មាធិការជាតិ អាជ្ញាធរជាតិ កាកបាទក្រហមកម្ពុជា ស្ថាប័នស្រាវជ្រាវ អង្គការ និងស្ថាប័នពាក់ព័ន្ធ ដែលមានសមាសភាពសរុបប្រមាណចំនួន ៥០នាក់៕
