នាថ្ងៃព្រហស្បតិ៍ ៤រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែកញ្ញា ឆ្នាំ២០២៥ លោក អ៊ុក បញ្ញារិទ្ធ អនុប្រធាននាយដ្ឋាន រដ្ឋបាល ផែនការ និងសហប្រតិបត្តិការ បានដឹកនាំក្រុមការងារការិយាល័យ ផែនការ និងសហប្រតិបត្តិការ ចុះអនុវត្តន៍គម្រោងសកម្មភាពការងារតាមដាន វាយតម្លៃ និងចងក្រងគម្រោងដែលមាននៅតំបន់ទន្លេសាប និងតំបន់ពាក់ព័ន្ធ ស្ថិតនៅស្រុកសង្កែ ខេត្តបាត់ដំបង។ ដំណើរការចុះអនុវត្តន៍សកម្មភាពក្រុមការងារជួបពិភាក្សាការងារជាមួយ លោកអភិបាលរងស្រុក ការិយាល័យផែនការ និងគាំទ្រឃុំ/សង្កាត់ និងការិយាល័យកសិកម្ម ធនធានធម្មជាតិ និងបរិស្ថាន នៃស្រុកសង្កែ។
សូមជម្រាបជូនថា សកម្មភាពខាងលើនេះមានគោលបំណងសម្រាប់ធ្វើបច្ចុប្បន្នភាពគម្រោងកម្រិតថ្នាក់ស្រុកដែលកំពុងដំណើរការ គម្រោងវិនិយោគដែលមានថវិកាគាំទ្រ និងគម្រោងវិនិយោគដែលមិនមានថវិកាគាំទ្រ នៅតំបន់ទន្លេសាប និងតំបន់ពាក់ព័ន្ធ និងធ្វើការតាមដានត្រួតពិនិត្យថាតើគម្រោងអាទិភាពសំខាន់ៗមានការជះឥទ្ធិពលជាវិជ្ជមាន និងអវិជ្ជមានដល់វិស័យអ្វីខ្លះ! នៅបឹងទន្លេសាប និងតំបន់ពាក់ព័ន្ធ៕
