សកម្មភាពទូទៅ

សិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង(National Training Workshop for River Flood and Flash Flood in The Lower Mekong Basin) នៅខេត្តកំពង់ចាម

2024-05-11T05:11:39+00:00

នាថ្ងៃពុធ ១កើត ខែពិសាខ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី០៨ ខែឧសភា ឆ្នាំ២០២៤ លោក ហេង បូរាណ ជំនួយការផ្ទាល់ឯកឧត្តមអនុប្រធានក្តាប់រួម នៃអាជ្ញាធរទន្លេសាបបានចូលរួមសិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង ។ កិច្ចប្រជុំពិគ្រោះយោបល់នេះមានការចូលរួមពីមន្ត្រីតំណាងក្រសួង-ស្ថាប័នពាក់ព័ន្ធ រួមមាន ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន គណៈកម្មាធិការជាតិទន្លេមេគង្គកម្ពុជា គណៈកម្មាធិការជាតិគ្រប់គ្រងគ្រោះមហន្តរាយ មន្ទីរធនធានទឹក និងឧតុនិយម ខេត្តពាក់ព័ន្ធ ក្រុមជំនាញពីមជ្ឈមណ្ឌលគ្រប់គ្រងទឹកជំនន់ និងភាពរាំងស្ងួតថ្នាក់តំបន់ Regional Flood and Drought Management Centre (RFDMC) នៃលេខាធិការដ្ឋានគណៈកម្មការទន្លេមេគង្គ (MRC) សរុប ២៨រូប។

គោលបំណងនៃវគ្គបណ្តុះបណ្តាលនេះគឺ ១)បង្ហាញអំពីការប្រើប្រាស់ឧបករណ៍បច្ចេកទេសបានធ្វើបច្ចុប្បន្នភាពសម្រាប់ការព្យាករទឹកជំនន់ទន្លេមេគង្គ និងជំនន់ទឹកភ្លៀង ២)ពង្រឹងសមត្ថភាពមន្ត្រីជំនាញលើប្រព័ន្ធណែនាំការព្យាករទឹកជំនន់ទឹកភ្លៀង និងទឹកជំនន់ទន្លេ រួមការរៀបចំព្រឹត្តិប័ត្រព័ត៌មាន ៣) ការផ្សព្វផ្សាយព្រឹត្តិប័ត្រព័ត៌មានប្រចាំថ្ងៃ និងពង្រឹងកិច្ចសម្របសម្រួលក្រុមជំនាញការថ្នាក់តំបន់ និងថ្នាក់ជាតិ។

សូមបញ្ចាក់ថា៖ អាងទន្លេមេគង្គមានប្រវែង ៤,៨០០គីឡូម៉ែត្រ ដែលមានផ្ទៃអាង ៧៩៥,០០០គីឡូម៉ែត្រការ៉េ មានប្រភពពីខ្ពង់រាបទីបេ ដែលមានធាទឹកហូរកាត់ប្រទេសចិន ភូមា ឡាវ ថៃ កម្ពុជា និងវៀតណាម ដែលបានគ្របដណ្តប់ផ្ទៃដី ៨៦%ប្រទេសកម្ពុជា ៩៧%ប្រទេសឡាវ ៣៦%ប្រទេសថៃ ២០%ប្រទេសវៀតណាម ការប្រែប្រួលរបបជលសាស្ត្រគឺអាស្រយលើកត្តាធម្មជាតិរួមមាន ទឹកភ្លៀង អាកាសធាតុ សណ្ឋានដី និងកត្តាមនុស្សមានដូចជា គម្រោងវីរីអគ្គសនី ធារាសាស្ត្រកសិកម្ម និងការដកហូតបង្វែទឹកសម្រាប់វិស័យឧស្សាហកម្ម រួមនិងលក្ខណគ្រួសារ។ តាមរយៈសមិតិកម្មខាងលើនេះនាំអោយមានកង្វល់ជាច្រើន ក្នុងនោះមានបញ្ហាគ្រោះទឹកជំនន់តែងតែកើតមានឡើងក្នុងអាងទន្លេមេគង្គផ្នែកខាងក្រោមជាពិសេសប្រទេសកម្ពុជាដែលទទួលរងផលប៉ះពាល់ធន់ធ្ងរ និងកើតឡើងញឹកញាប់ជាងគេ។ ដើម្បីបន្ធូរបន្ថយពីស្ថានភាពនេះលេខាធិការដ្ឋានគណៈកម្មការទន្លេមេគង្គបានបងើ្តតយុទ្ធសាស្ត្រអភិវឌ្ឍអាងទន្លេមេគង្គឆ្នាំ២០២១ ដល់ឆ្នាំ២០៣០ និងផែនការយុទ្ធសាស្ត្រឆ្នាំ២០២១ ដល់ឆ្នាំ២០២៥ ដោយផ្តោតសំខាន់ការធ្វើទំនើបកម្មប្រព័ន្ធការទទួលបាន រក្សាទុក និងចែករំលែកទិន្នន័យ ជាការងារស្នូលរបស់គណៈកម្មការទន្លេមេគង្គ។

សិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង(National Training Workshop for River Flood and Flash Flood in The Lower Mekong Basin) នៅខេត្តកំពង់ចាម

2024-05-11T05:11:39+00:00

ឯកឧត្តម ជា សុខនី អគ្គលេខាធិការរងនៃអគ្គលេខាធិការដ្ឋាន អាជ្ញាធរទន្លេសាប និងមន្ត្រីបច្ចេកទេស បានអញ្ជើញចូលរួមក្នុងកិច្ចប្រជុំពាក់ពន្ធ័នឹងការស្នើសុំជួយស្តារខ្សាច់កក់ដុះ តាមដងស្ទឹងពោធិ៍សាត់ ផ្នែកខាងក្រោម ចំនួន ០២ ទីតាំងក្នុងមូលដ្ឋាន ឃុំ

2024-05-01T09:00:11+00:00

នាថ្ងៃចន្ទ ៦រោច ខែចេត្រ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី ២៩ ខែមេសា ឆ្នាំ២០២៤ ឯកឧត្តម ជា សុខនី អគ្គលេខាធិការរង នៃអគ្គលេខាធិការដ្ឋានអាជ្ញាធរទន្លេសាប និងមន្ត្រីបចេ្ចកទេស បានអញ្ជើញចូលរួមក្នុងកិច្ចប្រជុំពាក់ព័ន្ធនឹងការស្នើសុំជួយស្តារខ្សាច់កក់ដុះ តាមដងស្ទឹងពោធិ៍សាត់ ផ្នែកខាងក្រោម ចំនួន ០២ ទីតាំង ស្ថិតក្នុងមូលដ្ឋាន ឃុំកញ្ជរ ស្រុកកណ្តៀង ខេត្តពោធិ៍សាត់ នាទីស្តីការក្រសួងរ៉ែ និងថាមពល ។

ទីតាំងដែលត្រូវធ្វើការស្នើសុំស្តារមានដូចខាងក្រោម ៖
- ទីតាំងទី ១: ចាប់ពីចំណុចបង្ហៀរ ភូមិតាម៉ៅ ដល់តំបន់តាចាន់ ជាប់បឹងទន្លេសាប មានចម្ងាយប្រមាណ ១៨ គីឡូម៉ែត្រ
- ទីតាំងទី ២: ពីចំណុចទំនប់បង្ហៀរ ភូមិផ្លូវលួង ដល់តំបន់ស្ទឹងឈូរ មានចម្ងាយប្រមាណ ០៧ គីឡូម៉ែត្រ។

កិច្ចប្រជុំ មានការអញ្ជើញចូលរួមពីតំណាងក្រសួងរ៉ែ និងថាមពល ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ក្រសួងធនធានទឹក និងឧតុនិយម និង អាជ្ញាធរទន្លេសាប។ បន្ទាប់ពីការធ្វើបទបង្ហាញពីតំណាងក្រសួងរ៉ែ និងថាមពល ទីតាំងដែលស្នើសុំស្តារនេះ មួយផ្នែកស្ថិតក្នុងតំបន់៣ នៃបឹងទន្លេសាប ដែលជាតំបន់ហាមឃាត់ ។ អង្គប្រជុំបានសម្រេចឯកភាពគ្នា ចាត់អ្នកបច្ចេកទេស របស់ក្រសួងស្ថាប័នពាក់ព័ន្ធចុះធ្វើការសិក្សាឱ្យបានច្បាស់លាស់ជាមុនសិន មុននឹងអនុញ្ញាតឱ្យធ្វើការបូមស្តារ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំពាមបាង បានអញ្ជើញចុះសួរសុខទុក្ខ និងជួបសំណេះសំណាលជាមួយក្រុមប្រឹក្សាឃុំ និងអាជ្ញាធរមានសមត្ថកិច្ចជំនាញ ក្នុងឃុំពាមបាង ស្រុកស្ទោង

2024-04-28T08:25:08+00:00

នៅថ្ងៃសៅរ៍ ៤ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែមេសា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំពាមបាង តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា និងជា ប្រធានក្រុមការងារថ្នាក់ជាតិចុះមូលដ្ឋានស្រុកស្ទោង ខេត្តកំពង់ធំ អមជាមួយអនុប្រធាន អគ្គលេខាធិការ អគ្គលេខាធិការរង និងសមាជិកនៃក្រុមការងារថ្នាក់ជាតិ ដែលជាថ្នាក់ដឹកនាំ និងមន្ត្រីក្រោមឱវាទអគ្គលេខាធិការដ្ឋាន អាជ្ញាធរទន្លេសាប បានអញ្ជើញចុះសួរសុខទុក្ខ និងជួបសំណេះសំណាលជាមួយអាជ្ញាធរភូមិ-ឃុំ ក្រុមប្រឹក្សាឃុំ រដ្ឋបាលជលផល មន្ត្រីបរិស្ថាន សហគមន៍នេសាទ សមាគមគ្រូបង្រៀន សេវាសង្គម និងកងកម្លាំង ប្រជាការពារឃុំ សរុបចំនួន ៥៣នាក់ ដើម្បីស្វែងយល់ពីស្ថានភាពទូទៅក្នុងមូលដ្ឋានរបស់ឃុំ ផ្សារភ្ជាប់ជាមួយការការពារ និងគ្រប់គ្រងសក្តានុពលធនធានតំបន់បឹងទន្លេឆ្មារ ដូចជាធនធានធម្មជាតិ, បរិស្ថាន, ជីវៈចម្រុះ, ជីវភាពរស់នៅ, ភូមិ-ឃុំ សុវត្ថិភាព, និងការបម្រើសេវាកម្មផ្សេងៗ នៅក្នុងឃុំពាមបាង ស្រុកស្ទោង ។

សូមជម្រាបថា នៅក្នុងពិធីជួបសំណេះសំណាលនេះ ឯកឧត្តម ក៏បានពាំនាំនូវការ សាកសួរសុខទុក្ខ និងការនឹករលឹក ពីសំណាក់ ឯកឧត្តម រដ្ឋមន្ត្រី ថោ ជេដ្ឋា និងលោកជំទាវ ជូនចំពោះអាជ្ញាធរដែនដី សមាជិកក្រុមប្រឹក្សាឃុំ និងអង្គភាពជំនាញពាក់ព័ន្ធទាំងអស់ ដែលបានកំពុងយកចិត្តទុកដាក់បម្រើការងារជូនប្រជាពលរដ្ឋ និងការការពារធនធានធម្មជាតិនៅក្នុងឃុំពាមបាង បានល្អប្រសើរ ព្រមទាំងជម្រាបជូនអំពីតួនាទី ភារកិច្ច និងការទទួលខុសត្រូវរបស់អាជ្ញាធរទន្លេសាប ផ្សារភ្ជាប់ជាមួយនឹងភារកិច្ចក្រុមការងារថ្នាក់ជាតិទទួលជួយឃុំពាមបាងនេះផងដែរ ។

បន្ទាប់ពីលោកមេឃុំពាមបាង បានធ្វើរបាយកាណ៍សង្ខេបពីស្ថានភាពទូទៅភូមិសាស្ត្រ និងសភាពការណ៍រួមរបស់ឃុំ អំពី ភូមិឃុំសុវត្ថិភាព សេវាសាធារណៈ ការគ្រប់គ្រងធនធានធម្មជាតិ បរិស្ថាន និងជីវភាពរស់នៅប្រចាំថ្ងៃរបស់ប្រជាពលរដ្ឋ រួមទាំងបញ្ហាប្រឈម និងសំណូមពរនានារួចមក ។ ឯកឧត្តមប្រធានអង្គប្រជុំ ក៏បានផ្តល់ជាគំនិតផ្តួចផ្តើមណែនាំ និងដំណោះស្រាយមួយចំនួនជូនដល់អាជ្ញាធរដែនដី និងសមាជិកក្រុមការងារ ដើម្បីជម្រុញប្រសិទ្ធភាព និងប្រសិទ្ធផលការងារបន្តទៀត រួមមាន÷
១. រួមគ្នាគិតគូរ និងពង្រឹងការផ្តល់សេវាសាធារណៈ ភូមិឃុំមានសុវត្ថិភាព និងចូលរួមដោះស្រាយទុក្ខលំបាកជូនប្រជាពលរដ្ឋក្នុងមូលដ្ឋាន
២. រួមគ្នាគិតគូរដោយកិច្ចសហការរវាងអាជ្ញាធរមូលដ្ឋានជាមួយក្រុមការងារថ្នាក់ជាតិ ក្នុងការទប់ស្កាត់បទល្មើស ការបំផ្លាញធនធានធម្មជាតិ បរិស្ថាន ជីវចម្រុះនៅតំបន់ទន្លេសាប ជាពិសេសធនធាននៅតំបន់បឹងទន្លេឆ្មារ
៣. ក្រុមការងារថ្នាក់ជាតិមន្ត្រីអាជ្ញាធរទន្លេសាប នឹងយកចិត្តទុកដាក់សហការជាមួយអង្គភាពជំនាញ លើការសិក្សាបន្ថែម ពីភាពប្រឈម និងដំណោះស្រាយផលប៉ះពាល់ធនធានធម្មជាតិ បរិស្ថាននៅបឹងទន្លេឆ្មារ
៤. ទទួលយករាល់សំណើ យកមកសិក្សាបន្ថែម ដើម្បីធ្វើរបាយការណ៍ជូនឯកឧត្តមរដ្ឋមន្ត្រី និងជាប្រធានក្រុមការងារពិនិត្យ និងផ្តល់អនុសាសន៍ណែនាំ។

សូមជម្រាបផងដែរថា ឆ្លៀតក្នុងឱកាសពិធីសំណេះសំណាលខាងលើនេះ ក៏មានក្រុមការងារមន្ត្រីថ្នាក់ជាតិ របស់អាជ្ញាធរទន្លេសាប ដែលដឹកនាំដោយ ឯកឧត្តម លឹម ពុយ អនុប្រធាន អាជ្ញាធរទន្លេសាប បានចុះធ្វើការសិក្សាអំពីរបបជលសាស្ត្រ គុណភាពទឹក ជីវៈចម្រុះ ផលចាប់ត្រី និងប្រព័ន្ធអេកូឡូស៊ីនៅក្នុងបឹងទន្លេឆ្មារ ផងដែរ ដើម្បីស្វែងយល់ពីសក្តានុពលធនធានធម្មជាតិបឹងទន្លេឆ្មារនារដូវប្រាំង និងវិភាគរៀបចំនូវផែនការដោះស្រាយបញ្ហាប្រឈម ក្នុងការធានានិរន្តរភាពនៃធនធានជលផល និងជីវៈចម្រុះនាពេលបច្ចុប្បន្ន និងអនាគត។
មួយវិញទៀត ផ្សារភ្ជាប់នឹងបេសកកម្មខាងលើនេះដែរ នៅរសៀលថ្ងៃដដែល ឯកឧត្តមហ៊ែល តូនី អនុប្រធានក្តាប់រួម អាជ្ញាធរទន្លេសាប រួមជាមួយថ្នាក់ដឹកនាំ និងមន្ត្រីបច្ចេកទេស ក៏បានបន្តចុះពិនិត្យលក្ខណៈបច្ចេកទេស នៃការសាងសង់បោះបង្គោលព្រំតំបន់ ៣ កំណត់ដែនព្រៃលិចទឹក ស្ថិតក្នុងទីតាំងភូមិសាស្ដ្រឃុំកំពង់លួង ស្រុកក្រគរ ខេត្តពោធិ៍សាត់ ។

សូមបញ្ជាក់ថា ក្រុមការងាររាជរដ្ឋាភិបាលចុះមូលដ្ឋានស្រុកស្ទោង ត្រូវបានចាត់តាំងឡើងដោយសេចក្តីសម្រេចលេខ ០៧ សសរ ចុះថ្ងៃទី២៣ ខែកុម្ភៈ ឆ្នាំ២០២៤ របស់ក្រុមការងារថ្នាក់ជាតិចុះមូលដ្ឋានខេត្តកំពង់ធំ ដែលមានតួនាទីភារកិច្ច ស្របតាមសេចក្តីណែនាំលេខ ០៤ សណន ចុះថ្ងៃទី៣០ ខែវិច្ឆិកា ឆ្នាំ២០២៣ របស់រាជរដ្ឋាភិបាល ដើម្បីអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាល នីតិកាលទី៧ នៃរដ្ឋសភា៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-04-28T08:02:43+00:00

កាលពីថ្ងៃអង្គារ ១៥ កើត ដល់ថ្ងៃសៅរ៍ ៤ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ដល់ថ្ងៃទី ២៧ ខែមេសា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ របស់ អគ្គលេខាធិការដ្ឋានអាជ្ញាធរទន្លេសាបក្នុងគោលបំណង:
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យ ហ្វ្រេកង់បណ្តោយ និងបណ្តោយទម្ងន់ របស់ត្រីគ្រប់ប្រភេទដែលបានរកឃើញ
- អង្កេតឧបករណ៍ចេញនេសាទតាមខែ
- អង្កេតចំនួនថ្ងៃចេញនេសាទតាមខែ និង
- ប្រើប្រាស់កម្មវិធី (MicrosoftAccess) ដើម្បីវិភាគទិន្នន័យ...។

៣- តំបន់គោលដៅនៃការសិក្សា:
- ស្រុកកំពង់ត្រឡាច: មានឃុំកំពង់ត្រឡាច លង្វែក តាជេស អំពិលទឹក និងឃុំសែប
- ស្រុកជលគីរី: មានឃុំកោះថ្កូវ ជលសា ព្រៃគ្រី កំពង់អុស និងឃុំពាមឆ្កោក
- ស្រុករលាប្អៀរ: មានឃុំទឹកហូត ឃុំគោកបន្ទាយ និងឃុំស្វាយជ្រុំ។

៤- លទ្ធផលសិក្សាសង្ខេប:
- នៅតំបន់ ស្រុកកំពង់ត្រឡាច ស្រុកជលគីរី និងស្រុករលាប្អៀរ ខែមេសា ឆ្នាំ២០២៤
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries)និងសម្រាប់ (Brush park) ចំនួន ១,១៨៩ គ្រួសារ ប្រើប្រាស់ឧបករណ៍នេសាទ ១១ ប្រភេទផ្សេងៗគ្នា
- ផលចាប់សរុប: ៦០៣.៧៣ តោន
- ប្រភេទត្រីបូកយោង ១៤២ ប្រភេទ
- តម្លៃផលនេសាទសរុប: ៣,៣២០.៥២លានរៀល
- ស្មើនឹង ៨០៩,៨៨១.៧១ ដុល្លាសហរដ្ឋអាមេរិក (៤,១០០៛/១ដុល្លា)។

៤-អនុសាសន៍សម្រាប់ ធ្វើឱ្យត្រី ឬ វារីសត្វកុំ ជាឧបករណ៍ហាមឃាត់ដាច់ខាត(ច្បាប់ជលផល)។ តែត្រូវបានគេប្រើឧបករណ៍នេសាទហ៊ុមព័ទ្ធចាប់យកត្រី ជាពិសេសពេលយប់ក្នងខែមេសា ជាច្រើនករណី និងជារៀងរាល់ឆ្នាំផងដែរ៕

លោក អុល សុជាតិ ប្រធានការិយាល័យសម្របសម្រួលវិវាទ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេត្តបន្ទាយមានជ័យ

2024-04-27T17:24:22+00:00

នាថ្ងៃព្រហស្បតិ៍ ២រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៥ ខែមេសា ឆ្នាំ២០២៤ ក្រុមការងារមន្ត្រីការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក អុល សុជាតិ ប្រធានការិយាល័យ បានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកព្រះនេត្រព្រះ ខេត្តបន្ទាយមានជ័យ ។

សូមជម្រាបជូនថា ការបន្តចុះអនុវត្តន៍សកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា៖
- ជួបពិភាក្សាស្វែងយល់ និងប្រមូលទិន្នន័យ-ព័ត៌មានជាមួយខណ្ឌជលផលខេត្តបន្ទាយមានជ័យ
- ជួបពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទកំបោរ ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប ដឹកនាំប្រជុំពិនិត្យតាមដានការអនុវត្តការងារប្រចាំត្រីមាសទី ១ ឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប

2024-04-23T16:43:16+00:00

នាព្រឹកថ្ងៃអង្គារ ១៥ កើត ខែចេត្រ ឆ្នាំរោង ព.ស ២៥៦៧ ត្រូវនឹងថ្ងៃទី ២៣ ខែមេសា ឆ្នាំ ២០២៤ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំកិច្ចប្រជុំពិនិត្យ តាមដានលើលទ្ធផលនៃការអនុវត្តការងារប្រចាំត្រីមាសទី ១ ឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប ដែលមានការចូលរួមពី ឯកឧត្តមអនុប្រធាន អគ្គលេខាធិការ អគ្គលេខាធិការរង លោកទីប្រឹក្សា ប្រធាននាយកដ្ឋាន អនុប្រធាននាយកដ្ឋាន និងមន្ត្រីបច្ចេកទេសក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ។

សូមជម្រាបជូនថា កិច្ចប្រជុំនេះ គឺដើម្បី (១). ពិនិត្យតាមដានវឌ្ឍនភាពនៃការអនុវត្តការងារ ស្របនឹងតួនាទីភារកិច្ចការទទួលខុសត្រូវ និងគម្រោងសកម្មភាពអនុវត្តបានដាក់ចេញនៅក្នុងផែនការប្រចាំឆ្នាំ ២០២៤ សម្រាប់ត្រីមាសទី១ របស់អគ្គលេខាធិការដ្ឋានអាជ្ញាធរទន្លេសាប ផ្តោតសំខាន់លើលទ្ធផលការងារ បញ្ហាប្រឈម និងគោលដៅអនុវត្តបន្ត និង (២) ពង្រឹងយន្តការការងារ ក្នុងក្របខ័ណ្ឌប្រសិទ្ធភាពការងារផ្ទៃក្នុង ឱ្យដើរទន្ទឹមនឹងបរិបទការងាររបស់សង្គម និងបរិការណ៍ឌីជីថល ។ ឯកឧត្តម ក៏បានលើកឡើងផងដែរ អំពីសារៈសំខាន់របស់ព័ត៌មាន-ទិន្នន័យ ដែលទទួលពីការសិក្សាស្រាវជ្រាវនៅតំបន់ជុំវិញទន្លេសាប និងតំបន់ពាក់ព័ន្ធរបស់អាជ្ញាធរទន្លេសាប ស្របពេលដែលក្រសួង ស្ថាប័នពាក់ព័ន្ធ និងអង្គការដៃគូអភិវឌ្ឍន៍នានា ត្រូវការជាចាំបាច់ ក្នុងការរៀបចំគោលនយោបាយ ផែនការយុទ្ធសាស្ត្រអភិវឌ្ឍន៍ គម្រោង/កម្មវិធី និងរួមគ្នាដោះស្រាយលើបញ្ហាប្រឈម ដែលបាន និងកំពុងតែកើតឡើងនៅក្នុងតំបន់បឹងទន្លេសាប ដូចជា វិស័យកសិកម្ម បរិស្ថាន ធនធានទឹក ជលផល សេដ្ឋកិច្ចសង្គម និងសុខភាពអនាម័យ ជាដើម ។

បន្ទាប់មកកិច្ចប្រជុំ បានធ្វើសេចក្តីរាយការណ៍ អំពីលទ្ធផលអនុវត្តការងារក្នុងរយៈពេល ៣ ខែកន្លងមក តាមរយៈសកម្មភាពអនុវត្តរបស់ឯកឧត្តមអគ្គលេខាធិការ ឯកឧត្តមអគ្គលេខាធិការរង លោកទីប្រឹក្សា និងនាយកដ្ឋានទាំង៤ ក្រោមឱវាទអគ្គលេខាធិការដ្ឋាន លើលទ្ធផលសម្រេចបាន បញ្ហាប្រឈម ទិសដៅបន្ត និងពិភាក្សារួចមក ។ ឯកឧត្តមប្រធានអង្គប្រជុំ បានវាយតម្លៃខ្ពស់ចំពោះការអនុវត្តនូវតួនាទីភារកិច្ច ការទទួលខុសត្រូវ និងផែនការសកម្មភាពប្រចាំឆ្នាំក្នុងត្រីមាសទី១ និងការអនុវត្តបទបញ្ជារបស់រាជរដ្ឋាភិបាល ក្នុងការកំណត់ដែនព្រៃលិចទឹក និងព្រៃលិចទឹកតំបន់១ តំបន់២ និងតំបន់៣ នៃខេត្តទាំង ៦ ជុំវិញបឹងទន្លេសាប ។

ជាមួយគ្នានោះដែរ ឯកឧត្តមប្រធានអង្គប្រជុំ ក៏បានផ្តល់ការណែនាំដល់ ឯកឧត្តមអគ្គលេខាធិការ ត្រូវសហការការងារជាមួយថ្នាក់ដឹកនាំ និងមន្ត្រីក្រោមឱវាទអគ្គលេខាធិការដ្ឋាន បន្តយកចិត្តទុកដាក់ពង្រឹងការងារបន្ថែម ពិនិត្យ ដោះស្រាយបញ្ហាប្រឈម ដែលបានលើកឡើង និងបានធ្វើឱ្យរាំងស្ទះការងារនៅក្នុងត្រីមាសទី ១ នេះ ដើម្បីកែលម្អការអនុវត្តនៅត្រីមាសទី ២ ឱ្យទទួលបានជោគជ័យ និងមានប្រសិទ្ធភាព និងទទួលបានឯកសាររបាយការណ៍បច្ចេកទេសសិក្សាស្រាវជ្រាវប្រកបដោយគុណវុឌ្ឍ ។

នៅចុងបញ្ចប់នៃកិច្ចប្រជុំ ឯកឧត្តមប្រធានអង្គប្រជុំ ក៏បានពាំនាំការផ្តាំផ្ញើដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ជូនដល់ឯកឧត្តម លោក លោកស្រី បន្តយកចិត្តទុកដាក់ និងជម្រុញការអនុវត្តការងារឱ្យមានប្រសិទ្ធភាព រួមមាន ៖
១. ជម្រុញបង្កើតឱ្យមាន Tonle Sap E-library និងពង្រឹងប្រព័ន្ធផ្សព្វផ្សាយ (Media) របស់អាជ្ញាធរទន្លេសាប
២. ពង្រឹងប្រសិទ្ធភាពគ្រប់គ្រងទិន្នន័យ-ព័ត៌មាន (Sever ) ដោយមានការចូលរួមកាន់តែសកម្មក្នុងការបញ្ចូល-ចែករំលែកទិន្នន័យ-ព័ត៌មាន
៣. ពង្រឹងការសិក្សាស្រាវជ្រាវ និងផលិតរបាយការណ៍របកគំហើញការសិក្សាស្រាវជ្រាវ ដើម្បីជូនរាជរដ្ឋាភិបាល និងក្រសួងស្ថាប័នពាក់ព័ន្ធ ជ្រាបជារបាយការណ៍ និងប្រើប្រាស់ជាប្រយោជន៍ក្នុងការចូលរួមលើកកម្ពស់ប្រសិទ្ធភាពការអនុវត្តយុទ្ធសាស្ត្របញ្ចកោណដំណាក់កាលទី ១ របស់រាជរដ្ឋាភិបាល
៤. បន្តការយកចិត្តទុកដាក់សម្របសម្រួល និងពង្រឹងកិច្ចសហការជាមួយក្រសួងស្ថាប័ន និងដៃគូរពាក់ព័ន្ធទាំងថ្នាក់ជាតិ និងថ្នាក់ក្រោមជាតិ ក្នុងការចូលរួមអនុវត្តសកម្មភាពសិក្សាស្រាវជ្រាវនៅតំបន់បឹងទន្លេសាប និងតំបន់ពាក់ព័ន្ធ
៥. បន្តពង្រឹងអភិបាលកិច្ចការងារ កសាងសមត្ថភាពដល់មន្ត្រី និងលើកទឹកចិត្តមន្ត្រីសកម្ម ។

សូមបញ្ជាក់ថា ផែនការសកម្មភាពប្រចាំឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប សម្រាប់គាំទ្រផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨ ត្រូវបានដាក់ឱ្យដំណើរអនុវត្តកាលពីថ្ងៃទី ២៥ ខែមករា ឆ្នាំ២០២៤ ដែលមានសកម្មភាពចំនួន ២៨ ហើយសកម្មភាពទាំងនោះបានបន្ស៊ីជាមួយនឹងសកម្មភាពយុទ្ធស្រាស្ត្រ ទិសដៅយុទ្ធសាស្ត្រ និងគោលដៅយុទ្ធសាស្ត្រ នៃផែនការយុទ្ធសាស្ត្រ អាជ្ញាធរទន្លេសាប (២០២៤-២០២៨)។

ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី នៅសណ្ឋាគារ Hyatt Regency ភ្នំពេញ

2024-04-22T21:58:19+00:00

នាថ្ងៃចន្ទ ១៤កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែមេសា ឆ្នាំ២០២៤ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប និងលោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី ក្រោមអធិបតីភាពឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន។

សិក្ខាសាលាថ្នាក់ជាតិនេះមាន គោលបំណង៖
- ការចែករំលែកនូវលទ្ធផល និងបទពិសោធន៍ និងការរៀនសូត្រពីគម្រោង
- ផ្តល់ជាគម្រូដល់ភាគីពាក់ព័ន្ធ លើការដាំស្តារទេសភាពព្រៃឈើឡើងវិញ
- ស្វែងរកតម្រូវការ ដើម្បីនិរន្តរភាពក្នុងការងារដាំស្តារ និងឱកាសការងារសម្រាប់សហគមន៍ និងកសិករ
- កិច្ចប្រជុំពិភាក្សារវាងក្រុមបច្ចេកទេស ADB ជាមួយនឹងស្ថាប័នថ្នាក់ជាតិ និងអង្គការលើចំណុចគន្លឹះ បញ្ហាប្រឈម វិធីសាស្ត្រដាំស្តារទេសភាពព្រៃឈើ វិធានការការងារ និងការទទួលគំនិត មតិយោបល់
- វេទិកាតុមូលសំណួរ និងចម្លើយ រវាងវាគ្មិន និងអ្នកចូលរួម។

សូមជម្រាបជូនថាៈ សិក្ខាសាលាថ្នាក់ជាតិនេះមានការគាំទ្រដោយស្ថាប័នថ្នាក់ជាតិ និងអង្គការពាក់ព័ន្ធ ជាពិសេស ក្រសួងបរិស្ថាន ដែលស្របទៅនឹងយុទ្ធសាស្ត្រចក្រាបៃតង ក្នុងការដាំស្តារទេសភាពព្រៃអោយគ្របដណ្តប់ប្រទេសឱ្យបាន ៦០%, ទប់ស្កាត់ ការពារ និងអភិរក្ស ព្រៃឈើប្រកបដោយចីរភាព, អប់រំប្រជាពលរដ្ឋ យុវជន ឱ្យចេះស្រឡាញ់ដើមឈើ, យុទ្ធនាការដាំដើមឈើឱ្យបាន១លានដើមក្នុងមួយឆ្នាំ៕

ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី នៅសណ្ឋាគារ Hyatt Regency ភ្នំពេញ

2024-04-22T21:58:19+00:00

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចុះពិនិត្យការសាងសង់បោះបង្គោលព្រំការពារដែនព្រៃលិចទឹក និងព្រៃលិចទឹកតំបន់៣ ក្នុងតំបន់បឹងទន្លេសាប

2024-04-22T06:51:12+00:00

នាថ្ងៃ អាទិត្យ ១៣កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២១ ខែមេសា ឆ្នាំ ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អមដោយលោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ចុះពិនិត្យការសាងសង់បោះបង្គោលព្រំតំបន់ ៣ ការពារដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រស្រុកក្រគរ ឃុំកំពង់លួង និងស្រុកកណ្តៀង ឃុំកញ្ជរ និងឃុំស្យា ខេត្តពោធិ៍សាត់ បន្ទាប់ពីក្រុមការងារមន្ត្រីបច្ចេកទេសផែនទី របស់អាជ្ញាធរទន្លេសាប សហការជាមួយមន្ត្រីជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តពោធិ៍សាត់) និងអាជ្ញាធរដែនដី បានបញ្ចប់ការចុះពិនិត្យផ្ទៀងផ្ទាត់និយាមកាសព្វគ្រប់ និងត្រឹមត្រូវរួចហើយទៅតាមចំនុចទីតាំងនីមួយៗក្នុងភូមិសាស្ត្រខេត្តពោធិ៍សាត់ ។

សូមជម្រាបថា ខេត្តពោធិ៍សាត់ ជាខេត្តមួយក្នុងចំណោមខេត្តទាំង ៦ អមផ្លូវជាតិលេខ ៥ និងផ្លូវជាតិលេខ ៦ ជាប់ផ្ទាល់នឹងតំបន់បឹងទន្លេសាប ដែលមានស្រុកចំនួន ៣ និងឃុំចំនួន ១៤ ជាប់ពាក់ព័ន្ធផ្ទាល់ជាមួយនឹងតំបន់ដែនព្រៃលិចទឹក (តំបន់៣) ។ ជារួមសកម្មភាពនៃការដាំបង្គោលការពារដែនព្រៃលិចទឹកព្រំតំបន់ ៣ ក្នុងខេត្តពោធិ៍សាត់ គិតមកត្រឹមថ្ងៃទី ២១ ខែមេសា ឆ្នាំ ២០២៤ នេះ គឺបានសម្រេចចំនួន ៣៥ បង្គោល លើ ១៤៦ ចំនុច ស្មើនឹង ២៤% ។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អញ្ជើញជាអធិបតីបើកសន្និបាតបូកសរុបលទ្ធផលការងារក្រសួងធនធានទឹក និងឧតុនិយម គណ:កម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ឆ្នាំ២០២៣ និងទិសដ

2024-04-09T20:25:51+00:00

នាព្រឹកថ្ងៃអង្គារ ១កើត ខែចេត្រ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៩ ខែមេសា ឆ្នាំ២០២៤ ឯកឧត្តមរដ្ឋមន្ត្រី ថោ ជេដ្ឋា និងជា ប្រធានអាជ្ញាធរទន្លេសាប បានអញ្ជើញជាអធិបតីបើកសន្និបាតបូកសរុបលទ្ធផលការងារជាលើកដំបូង របស់ក្រសួងធនធានទឹកនិងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ឆ្នាំ២០២៣ និងទិសដៅអនុវត្តឆ្នាំ២០២៤ នៅទីស្តីការក្រសួង ក្បាលថ្នល់ ។

ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានមានប្រសាសន៍លើកឡើងថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន វិស័យធនធានទឹក និងឧតុនិយម សម្រេចបាននូវសមិទ្ធិផលជាច្រើននៅក្នុងឆ្នាំ២០២៣ និងបានចូលរួមចំណែកយ៉ាងសកម្មដល់ការអនុវត្តអាទិភាពគន្លឹះយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលនីតិកាលទី៦ នៃរដ្ឋសភា “មនុស្ស ផ្លូវ ទឹក និង ភ្លើង” និងក្នុងអាណត្តិថ្មីនេះ បាននិងកំពុងបន្តដាក់ចេញនូវអាទិភាពគន្លឹះចំនួន៥ ក្នុងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា “មនុស្ស ផ្លូវ ទឹក ភ្លើង និង បច្ចេកវិទ្យា” ក្រោមការដឹកនាំប្រកបដោយសក្តានុពលរបស់ សម្តេចធិបតី នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីឈានទៅសម្រេចបានចក្ខុវិស័យកម្ពុជាឆ្នាំ២០៣០ និងឆ្នាំ២០៥០។

ជាមួយគ្នានោះដែរ ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានសង្កត់ធ្ងន់ថា វិស័យធនធានទឹក មិនត្រឹមតែបម្រើឱ្យការងារស្រោចស្រពដំណាំកសិកម្មប៉ុណ្ណោះទេ ប៉ុន្តែវិស័យធនធានទឹក បាននិងកំពុងបម្រើដល់គ្រប់វិស័យដែលពាក់ព័ន្ធ ដែលតម្រូវឱ្យក្រសួង-ស្ថាប័នពាក់ព័ន្ធ ចូលរួមសហការគាំទ្ររួមមាន ៖ ក្រសួងបរិស្ថាន ក្រសួងសាធារណ:ការ និងដឹកជញ្ជូន ក្រសួងរ៉ែនិងថាមពល ក្រសួងអភិវឌ្ឍន៍ជនបទ ក្រសួងឧស្សាហកម្ម ក្រសួងទេសចរណ៍ និងគណ:កម្មាធិការជាតិគ្រប់គ្រងគ្រោះមហន្តរាយជាដេីម ។

ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានបញ្ជាក់ផងដែរថា លទ្ធផលដែលសម្រេចបានក្នុងឆ្នាំ២០២៣ នឹងក្លាយជាកម្លាំងចលករជម្រុញការលើកទឹកចិត្តដល់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់របស់ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ព្រមទាំងក្រសួង-ស្ថាប័នពាក់ព័ន្ធនានា ក៏ដូចជាដៃគូអភិវឌ្ឍន៍ ដើម្បីបន្តអនុវត្តផែនការការងារសម្រាប់ឆ្នាំបន្តបន្ទាប់៕

កិច្ចប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការ និងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន (CRBC)

2024-04-09T16:25:48+00:00

នាព្រឹកថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នាំ២០២៤ ក្រុមការងារមន្ត្រីបច្ចេកទេសអាជ្ញាធរទន្លេសាប បានជួបប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការនិងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន(CRBC) លើ ករណីស្នើសុំការផ្ដល់ព័ត៌មាន និងឯកសារ ទិន្នន័យពាក់ព័ន្ធនឹងតំបន់ស្ថិតក្រោមការគ្រប់គ្រងរបស់អាជ្ញាធរទន្លេសាប ដើម្បីជួយសម្រួលដល់ការសិក្សាគម្រោងផ្លូវល្បឿនលឿនតភ្ជាប់ពី រាជធានីភ្នំពេញ-ខេត្តសៀមរាប-ក្រុងប៉ោយប៉ែត ។

គោលបំណងនៃកិច្ចប្រជុំពិភាក្សាការងារនេះគឺ ស្នើសុំការចូលរួមសហការការងារ និងពិនិត្យលទ្ធភាពការផ្តល់ទិន្នន័យ-ព័ត៌មាន និងឯកសាររបាយការណ៍បច្ចេកទេសពាក់ព័ន្ធ ជាជំនួយសម្រួលដល់ការសិក្សា វិភាគការជ្រើសរើសខ្សែផ្លូវអាទិភាព គម្រោងផ្លូវល្បឿនលឿន។

ជាលទ្ធផលកិច្ចប្រជុំពិភាក្សា ក្រុមការងារបច្ចេកទេស បានឯកភាពលើចំណុចរួមមាន ៖
- បានឯកភាពគ្នាក្នុងកិច្ចសហការការងារ ការចែករំលែកទិន្នន័យ-ព័ត៌មាន និងឯកសាររបាយការណ៍បច្ចេកទេស
- ឱ្យមានការចូលរួមពីស្ថាប័នពាក់ព័ន្ធ ជាពិសេសថ្នាក់ដឹកនាំ និងអ្នកជំនាញបច្ចេកទេស ពីអាជ្ញាធរទន្លេសាប លើកិច្ចការងារពិភាក្សា រួមទាំងការសិក្សា ការវាយតម្លៃផលប៉ះពាល់ធនធានធម្មជាតិ និងសង្គម ក្នុងតំបន់ទន្លេសាប
- បន្តយន្តការកិច្ចសហការណ៍ ក្រុមការងារបច្ចេកទេសលើការផ្លាស់ប្តូរ ចែករំលែកព័ត៌មាន-ទិន្នន័យរវាងស្ថាប័នអាជ្ញាធរទន្លេសាប និងក្រសួងសាធារណៈការ និងដឹកជញ្ជូន ដើម្បីឱ្យការសិក្សាគម្រោងសាងសង់ផ្លូវល្បឿនលឿន ដែលតភ្ជាប់ពី រាជធានីភ្នំពេញ-ខេត្តសៀមរាប-ក្រុងប៉ោយប៉ែត បញ្ចប់តាមការគ្រោងទុក និងប្រកបដោយប្រសិទ្ធភាព ៕

កិច្ចប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការ និងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន (CRBC)

2024-04-09T16:25:48+00:00

មន្ត្រីបច្ចេកទេសអាជ្ញាធរទន្លេសាប ចុះពិនិត្យផ្ទៀងផ្ទាត់ចំណុចនិយាមកាព្រំប្រទល់តំបន់៣ កំណត់ដែនព្រៃលិចទឹក ខេត្តបាត់ដំបង

2024-04-09T16:20:40+00:00

នារសៀលថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នា២០២៤ ក្រុមការងារមន្ត្រីបច្ចេកទេសអាជ្ញាធរទន្លេសាប បានបញ្ចប់បេសកកម្មការងារ ពិនិត្យផ្ទៀងផ្ទាត់ភាពត្រឹមត្រូវ នៃចំណុចនិយាមកាក្នុងខេត្តបាត់ដំបង ចំនួន ១៧១ចំនុច ដែលបានចាប់ផ្តើមចុះអនុវត្តកិច្ចការងារពីថ្ងៃទី១ ដល់ថ្ងៃទី៨ ខែមេសា ឆ្នាំ២០២៤ ដោយមានកិច្ចសហការចូលរួមពី អាជ្ញាធរមានសមត្ថកិច្ច អាជ្ញាធររដ្ឋបាលដែនដី និងជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តបាត់ដំបង) ។

សូមជម្រាបផងដែរថា កាលពីថ្ងៃ២៥ ខែមីនា ឆ្នាំ២០២៤ បន្ទាប់ពីក្រុមការងារមន្ត្រីបច្ចេកទេសផែនទី បានបញ្ចប់សកម្មភាពចុះពិនិត្យផ្ទៀងផ្ទាត់ភាពត្រឹមត្រូវនៃចំណុចនិយាមកាចំនួន ១៤៦ ចំនុច នៅខេត្តពោធិ៍សាត់រួចរាល់។ នាថ្ងៃទី១ ខែមេសា ឆ្នាំ២០២៤ លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានដឹកនាំក្រុមការងារមន្ត្រីបច្ចេកទេស ចុះពិនិត្យការជីករណ្តៅ និងដាំបង្គោលជាបន្តបន្ទាប់ទៅតាមចំណុចនិយាមកា បានកំណត់ដៅត្រឹមត្រូវតាមទីតាំងព្រំ នៃដែនព្រៃលិចទឹកក្នុងខេត្តពោធិ៍សាត់ ។

សូមបញ្ជាក់ថា តំបន់បឹងទន្លេសាប ត្រូវបានកំណត់បែងចែកជា ៣ តំបន់ :
- តំបន់១. ជាតំបន់ភូមិឋាន ដែលអនុញ្ញាតឱ្យចុះបញ្ជីដីធ្លីជាប្រព័ន្ធចេញប័ណ្ណកម្មសិទ្ធិជូនប្រជាពលរដ្ឋ
- តំបន់២. ជាតំបន់ទ្រនាប់ ស្ថិតនៅចន្លោះរវាងតំបន់១ និងតំបន់៣ ប្រជាពលរដ្ឋមានសិទ្ធិប្រើប្រាស់ និងអាស្រ័យផល
- តំបន់៣. ជាតំបន់ព្រៃលិចទឹក ដែលត្រូវការពារ និងហាមឃាត់ដាច់ខាត ៕

ឯកឧត្តម ហ៊ែល តូនី អនុប្រធានក្តាប់រួម ដឹកនាំពិភាក្សាកិច្ចការបច្ចេកទេសគ្រប់គ្រងរបបជលសាស្ត្រនៅតំបន់បឹងទន្លេសាប

2024-04-08T21:47:10+00:00

នាព្រឹកថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នាំ២០២៤ នៅសាលប្រជុំអគ្គលេខាធិការដ្ឋានអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម បានដឹកនាំកិច្ចប្រជុំពិភាក្សាជាមួយ ឯកឧត្តម សរ គឹមសាន្ត អគ្គលេខាធិការ ឯកឧត្តម ជា សុខនី អគ្គលេខាធិការរង លោក ហេង បូរាណ ជំនួយការអនុប្រធានក្តាប់រួម លោក វិន ប៊ុនពៅ ប្រធាននាយកដ្ឋាន លោក ខ្វាន់ ភក្ត្រា អនុប្រធាននាយកដ្ឋានធនធានធម្មជាតិ និងមន្ត្រីថ្នាក់ការិយាល័យធនធានទឹក ដើម្បីពិនិត្យ និងប្រមូលព័ត៌មាន ទិន្នន័យ នៃស្ថានីយជលសាស្ត្រពាក់ព័ន្ធនឹងរបបទឹកនៅក្នុងតំបន់បឹងទន្លេសាប ទាំងរដូវប្រាំង និងរដូវវស្សា (លំហូរចូល-ចេញ, កម្ពស់ទឹក, ធារទឹក ។ល។) សម្រាប់ធ្វើការវិភាគ និងរៀបចំរបាយការណ៍បច្ចេកទេសរបបជលសាស្ត្រ នៅតំបន់ទន្លេសាបជូនថ្នាក់ដឹកនាំ ក៏ដូចជារាជរដ្ឋាភិបាល និងធ្វើការផ្សព្វផ្សាយ ដោយធ្វើការសម្របសម្រួលកិច្ចសហការជាមួយនាយកដ្ឋានជលសាស្ត្រ និងការងារទន្លេ (ក្រសួងធនធានទឹក និងឧតុនិយម) គណៈកម្មាធិការជាតិទន្លេមេគង្គកម្ពុជា មជ្ឈមណ្ឌលគ្រប់គ្រងគ្រោះទឹកជំនន់ និងរាំងស្ងួតប្រចាំតំបន់ (គណៈកម្មការមេគង្គ) និងខេត្តទាំង ៨ ក្នុងតំបន់ទន្លេសាប (ខេត្តកណ្តាល, កំពង់ចាម, កំពង់ធំ, សៀមរាប, បន្ទាយមានជ័យ, បាត់ដំបង, ពោធិ៍សាត់, និងកំពង់ឆ្នាំង) ។

សូមជម្រាបផងដែរថា កាលពីថ្ងៃទី៥ ខែមេសា ឆ្នាំ២០២៤ កន្លងទៅនេះ ក្រុមការងារបច្ចេកទេសអគ្គលេខាធិការដ្ឋានអាជ្ញាធរទន្លេសាប ដឹកនាំដោយ ឯកឧត្តម សរ គឹមសាន្ត អគ្គលេខាធិការ ក៏បានជួបពិភាក្សាលើកិច្ចការជលសាស្ត្រ និងឧតុនិយម ជាមួយក្រុមការងារបច្ចេកទេសក្រសួងធនធានទឹក និងឧតុនិយម ដឹកនាំដោយ លោកជំទាវ សិទ្ធ វណ្ណារ៉េត ទីប្រឹក្សាក្រសួង លើបញ្ហាកិច្ចសហប្រតិបត្តិការចែករំលែកព័ត៌មាន ទិន្នន័យស្ថានីយជលសាស្ត្រទាំង ៨ នៅតំបន់ទន្លេសាប ដែលគ្រប់គ្រងដោយអាជ្ញាធរទន្លេសាប ។

សូមបញ្ជាក់ថា បឹងទន្លេសាប មានទំនាក់ទំនងនឹងទន្លេមេគង្គ តាមរយៈទន្លេសាប ដែលជាប្រព័ន្ធផ្លូវទឹកដ៏សំខាន់ ទទួលឥទ្ធិពលរបបទឹកពីទន្លេមេគង្គនៅរដូវវស្សា និងហូរត្រឡប់ទៅទន្លេមេគង្គវិញនៅរដូវប្រាំង ដែលជាបាតុភូតដ៏កម្រមួយក្នុងពិភពលោក ។ ជាទូទៅទឹកក្នុងបឹងទន្លេសាបនៅរដូវវស្សាបានមកពីទន្លេមេគង្គប្រមាណ ៦២ភាគរយ និង ៣៨ភាគរយ ទៀត បានមកពីបណ្តាស្ទឹងធំៗជុំវិញបឹងទន្លេសាបទាំង ១១ ស្ទឹង ៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងខេត្តសៀមរា

2024-04-04T15:53:44+00:00

នាថ្ងៃពុធ ១០រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣ ខែមេសា ឆ្នាំ២០២៤ ក្រុមការងារមន្ត្រីការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ស្ថិតនៅក្នុងភូមិសាស្ត្រស្រុកសូទ្រនិគម ខេត្តសៀមរាប ។

ក្នុងចុះអនុវត្តសកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា៖
- ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌជលផលខេត្តសៀមរាប
- ជួបពិភាក្សា និងប្រមូលទិន្នន័យ-ព័ត៌មានជាមួយរដ្ឋបាលស្រុកសូទ្រនិគម និងអាជ្ញាធរឃុំកំពង់ឃ្លាំងស្រុកសូទ្រនិគមខេត្តសៀមរាប ។

- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទព្រែកស្រមោច។
សូមជម្រាបជូនថាៈ សកម្មភាពចុះសិក្សាសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ មានគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធនធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចុះពិនិត្យការសាងសង់បង្គោលព្រំតំបន់ ៣ ការពារដែនព្រៃលិចទឹក ក្នុងតំបន់បឹងទន្លេសាប

2024-04-04T09:37:08+00:00

បន្ទាប់ពីក្រុមមន្ត្រីបច្ចេកទេសផែនទី អាជ្ញាធរទន្លេសាប សហការជាមួយមន្ត្រីជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តពោធិ៍សាត់) និងអាជ្ញាធរដែនដី បានចុះពិនិត្យផ្ទៀងផ្ទាត់និយាមកាចំនួន ១៤៦ ចំនុចនៅក្នុងខេត្តពោធិ៍សាត់បានត្រឹមត្រូវ នៅថ្ងៃពុធ ១០រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ៣ ខែមេសា ឆ្នាំ ២០២៤ លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ អមដោយមន្ត្រីបច្ចេកទេសអាជ្ញាធរទន្លេសាប បានចុះពិនិត្យការសាងសង់បង្គោលព្រំតំបន់ ៣ ការពារដែនព្រៃលិចទឹក និងព្រៃលិចទឹក ស្ថិតក្នុងទីតាំងភូមិសាស្ត្រភូមិផ្លូវលួង ឃុំកញ្ជរ និងភូមិធ្លក ឃុំស្យា ស្រុកកណ្តៀង ខេត្តពោធិ៍សាត់ ។

សូមជម្រាបថា អាជ្ញាធរទន្លេសាប ត្រូវបានរាជរដ្ឋាភិបាល សម្រេចឱ្យទទួលខុសត្រូវ ពង្រឹងការអនុវត្តភារកិច្ចស្របតាមសមត្ថកិច្ចកំណត់ និងជំរុញបញ្ចប់ការធ្វើបច្ចុប្បន្នភាពផែនទីតំបន់១ តំបន់២ និងតំបន់៣ នៃតំបន់ទន្លេសាប និងធ្វើការបោះបង្គោលព្រំស្របតាមលក្ខណៈបច្ចេកទេស (សេចក្តីជូនដំណឹងលេខ ១៨៨ សជណ.ដប ចុះថ្ងៃទី៩ ខែកុម្ភៈ ឆ្នាំ២០២៤)៕

ឯកឧត្តមរដ្ឋមន្រ្តី ថោ ជេដ្ឋា ប្រធានអាជ្ញាធរទន្លេសាប អមដំណើរឯកឧត្តមឧបនាយករដ្ឋមន្ត្រី សាយ សំអាល់ ចុះពិនិត្យស្ថានភាពទូទៅជុំវិញបឹងទន្លេសាប តាមឧទ្ធម្ភាគចក្រ

2024-04-04T09:19:11+00:00

នាព្រឹកថ្ងៃពុធ ១០រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣ ខែមេសា ឆ្នាំ ២០២៤ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមជាមួយឯកឧត្តមរដ្ឋមន្រ្តី និងថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ក្រសួងរៀបចំដែនដី នគរូបនីយកម្ម និងសំណង់ និងអាជ្ញាធរទន្លេសាប បានអមដំណើរឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ តាមឧទ្ធម្ភាគចក្រ ដើម្បីពិនិត្យមើលពីស្ថានភាពទូទៅនៅជុំវិញតំបន់បឹងទន្លេសាប។ អានត...

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានចូលរួមក្នុងកិច្ចប្រជុំ ស្តីពីការអភិវឌ្ឍន៍សមត្ថភាពទិន្នន័យនយោបាយទឹក ក្រោមកម្មវិធីអភិបាលកិច្ចទឹកតំបន់មេគង្គ

2024-04-03T06:52:41+00:00

តបតាមការអញ្ជើញរបស់អង្គការ OXFAM និងបានទទួលការឯកភាពដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នារសៀលថ្ងៃអង្គារ ៩រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២ ខែមេសា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម និងលោក ហេង បូរាណ ជំនួយការឯកឧត្តមអនុប្រធានក្តាប់រួម បានចូលរួមចែករំលែកការយល់ដឹងលើទស្សនៈវិស័យយុទ្ធសាស្ត្រ របស់អាជ្ញាធរទន្លេសាបក្នុងការគ្រប់គ្រងបឹងទន្លេសាប ក្នុងកិច្ចប្រជុំការអភិវឌ្ឍន៍សមត្ថភាពទិន្នន័យនយោបាយទឹក ក្រោមកម្មវិធីអភិបាលកិច្ចទឹកតំបន់មេគង្គ ដែលបានប្រព្រឹត្តិទៅនៅ Palace Gate Hotel & Resort, Phnom Penh និងមានការចូលរួមពីក្រុមមន្ត្រីគ្រប់គ្រងកម្មវិធីអភិបាលកិច្ចមេគង្គ OXFAM ។

សូមជម្រាបថា កិច្ចប្រជុំខាងលើ មានគោលបំណង (១). លើកកម្ពស់សមត្ថភាពក្រុមមន្ត្រី ក្នុងការគាំទ្រភាគី/សហគមន៍គោលដៅពាក់ព័ន្ធ ឱ្យមានលទ្ធភាពទទួលបាននូវព័ត៌មាន ទិន្នន័យ និងចំណេះដឹង សម្រាប់ការទ្រទ្រង់ជីវភាពរស់នៅ និងភាពធន់ និងលទ្ធភាពក្នុងការចែករំលែកព័ត៌មាន និងបទពិសោធន៍ជាមួយអ្នកប្រើប្រាស់/សហគមន៍ផ្សេងទៀត (២).ធានាបាននូវគណនេយ្យភាពខ្ពស់ និងទំនួលខុសត្រូវរាល់សកម្មភាពអនុវត្តន៍ ព្រមជាមួយការធ្វើឱ្យប្រសើរឡើងនូវការអន្តរាគមន៍នៃវដ្តជីវិតដែលពាក់ព័ន្ធប្រកបដោយនិរន្តរភាព។

ជារួម បន្ទាប់ពីការចូលរួមចែករំលែកគំនិតទស្សនៈទានរបស់ថ្នាក់ដឹកនាំ អាជ្ញាធរទន្លេសាប ចំពោះផែនការយុទ្ធសាស្ត្ររយៈពេលវែង របស់អាជ្ញាធរទន្លេសាប ជាមួយនឹងការគ្រប់គ្រងបឹងទន្លេសាប ដោយបន្ស៊ីជាមួយគោលនយោបាយយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ និងគោលដៅអភិវឌ្ឍន៍ប្រកបដោយចីរភាព ។ អង្គប្រជុំ បានយកចិត្តទុកដាក់ និងចាប់អារម្មណ៍ជាខ្លាំង ជាមួយនឹងកិច្ចការដំណើរការការងាររបស់អាជ្ញាធរទន្លេសាប បាននិងកំពុងគិតគូរដោយហ្មត់ចត់ចំពោះវិធានការការពារថែរក្សា អភិរក្ស និងគ្រប់គ្រងធនធានទឹក ធនធានធម្មជាតិ និងបរិស្ថាននៅតំបន់បឹងទន្លេសាប ដែលបច្ចុប្បន្នបឹងទន្លេសាប បាននិងកំពុងតែទទួលរងនូវផលប៉ះពាល់បណ្តាលមកពីការអភិវឌ្ឍន៍ហួសកម្រិត វិសមភាពនៃការទាញអត្ថប្រយោជន៍ និងបម្រែបម្រួលអាកាសធាតុ ។ ក្នុងនោះដែរ អង្គប្រជុំក៏បានគិតគូរ នឹងរៀបចំនូវកម្មវិធីការងារក្នុងការពង្រឹងកិច្ចសហប្រតិបត្តិការជាមួយ អាជ្ញាធរទន្លេសាប ដើម្បីចូលរួមចំណែកគាំទ្រដល់ការគ្រប់គ្រង និងអភិវឌ្ឍន៍តំបន់ទន្លេសាបប្រកបដោយចីរភាព៕

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាបអញ្ជើញចុះពិនិត្យ និងស្វែងយល់ពីស្ថានភាពបឹងទន្លេសាបក្នុងភូមិសាស្ត្រខេត្តកំពង់ឆ្នាំង និងខេត្តកំពង់ធំ

2024-03-26T15:07:36+00:00

នៅថ្ងៃអង្គារ ២រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដំណើរដោយឯកឧត្តមថ្នាក់ដឹកនាំក្រសួង និងអាជ្ញាធរទន្លេសាប មន្ត្រីបច្ចកទេសក្រសួងនិងមន្ទីរ រួមជាមួយអាជ្ញាធរមូលដ្ឋាន បានចុះពិនិត្យនិងស្វែងយល់ពីស្ថានភាពទូទៅ និងការរស់នៅរបស់បងប្អូនប្រជាពលរដ្ឋនៃសហគមន៍នេសាទភូមិបណ្តែតទឹកក្នុងតំបន់បឹងទន្លេសាប ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ និងឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង។

សូមជម្រាបថា ដំណើរចុះបេសកកម្មរបស់ ឯកឧត្តមរដ្ឋមន្ត្រី ប្រធានអាជ្ញាធរទន្លេសាប នាពេលនេះគឺក្នុងគោលបំណង ដើម្បីពិនិត្យ និងស្វែងយល់ពី ទី១)ស្ថានភាពតំបន់ដែនព្រៃលិចទឹក និងព្រៃលិចទឹក ក្នុងតំបន់៣ ដែលនឹងត្រូវបោះបង្គោលព្រំការពារថែរក្សា ទី២)ការគ្រប់គ្រងធនធានទឹកសម្រាប់ការបង្កបង្កើនផលលើផ្ទៃដីកសិកម្មក្នុងតំបន់អាស្រ័យផលក្នុងតំបន់២ ទី៣)ការគ្រប់គ្រងរបស់អាជ្ញាធរដែនដីមានសមត្ថកិច្ច និងសហគមន៍ក្នុងកិច្ចការពារធនធានធម្មជាតិ ទី៤)ស្ថានភាពទឹកបឹងទន្លេសាប និងទី៥)ការទ្រទ្រង់ជីវភាពរស់នៅរបស់ប្រជាពលរដ្ឋនៅតាមសហគមន៍ សម្រាប់ធ្វើជាធាតុចូលដ៏សំខាន់ក្នុងការផ្តួចផ្តើមគំនិតពីការគិតគូរដោយយកចិត្តទុកដាក់ចំពោះបញ្ហាគ្រប់គ្រងធនធានទឹក និងធនធានធម្មជាតិឱ្យមានប្រសិទ្ធភាពខ្ពស់នៅក្នុងតំបន់ទន្លេសាប និងឈានទៅរៀបចំកសាងនូវគោលនយោបាយមួយច្បាស់លាស់ និងផែនការយុទ្ធសាស្ត្ររយៈពេលវែងក្នុងការគ្រប់គ្រង និងអភិវឌ្ឍន៍តំបន់ទន្លេសាបប្រកបដោយចីរភាព ដើម្បីចូលរួមចំណែកលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងបាវចនាទាំង៥ ៖ កំណើន ការងារ សមធម៌ ប្រសិទ្ធភាព ចីរភាព ដើម្បីកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជាឆ្នាំ២០៥០។

ក្នុងឱកាសនោះ ឯកឧត្តមរដ្ឋមន្ត្រី និងជាប្រធានអាជ្ញាធរទន្លេសាបក៏បានជួបសំណេះសំណាលជាមួយអាជ្ញាធរមូលដ្ឋាន ប្រជាពលរដ្ឋ និងសហគមន៍នេសាទ ដែលកំពុងរស់នៅប្រកបរបរចិញ្ចឹមជីវិតអាស្រ័យនឹងធនធានធម្មជាតិរបស់បឹងទន្លេសាប ស្ថិតក្នុងតំបន់នោះផងដែរ។ ឯកឧត្តមរដ្ឋមន្ត្រី បានបង្ហាញនូវការចាប់អារម្មណ៍យ៉ាងខ្លាំងជាមួយនឹងការប្រែប្រួលរបបទឹកនៅក្នុងរដូវប្រាំងធៀបនឹងរដូវវស្សា ការរេចរិលនៃធនធនធម្មជាតិ គុណភាពទឹក សេវាកម្មទេសចរ និងការរស់នៅរបស់ប្រជាពលរដ្ឋសហគមន៍ក្នុង ការប្រើប្រាស់ទឹកប្រចាំថ្ងៃ ការវេចខ្ចប់កាកសំណល់រឹងរាវ ការធ្វើអនាម័យ និងការបញ្ចេញទឹកកខ្វក់ពី អាជីវកម្មខ្នាតតូចនៅលើទឹកបឹង ដែលពាក់ព័ន្ធជាមួយនឹងសុខមាលភាពរបស់បឹងទាំងមូល។

ជាមួយគ្នានេះ ឯកឧត្តមរដ្ឋមន្ត្រី ប្រធានអាជ្ញាធរទន្លេសាប ក៏បានលើកឡើងពីសារសំខាន់របស់បឹងទន្លេសាប ដែលជាសម្បត្តិធនធានធម្មជាតិមិនអាចកាត់ថ្លៃបាន និងបានបញ្ជាក់ពីការយកចិត្តទុកដាក់ និងការប្តេជ្ញាចិត្តរបស់រាជរដ្ឋាភិបាល នីតិកាលទី៧ នៃរដ្ឋសភា ក្នុងការការពារថែរក្សា និងគ្រប់គ្រងតំបន់ទន្លេសាបប្រកបដោយចីរភាព ព្រមទាំងបានណែនាំដល់អាជ្ញាធរមូលដ្ឋានគ្រប់លំដាប់ថ្នាក់ត្រូវរួមសហការគ្នាជាមួយក្រសួង ស្ថាប័នជំនាញ ក្នុងការចូលរួមលើកកម្ពស់ប្រសិទ្ធភាពនៃការការពារ ការអភិរក្ស និងការគ្រប់គ្រងធនធានធម្មជាតិ និងបរិស្ថានរបស់បឹងទន្លេសាបឱ្យមាននិរន្តរភាព ។

គួរបញ្ជាក់ថា បឹងទន្លេសាប គឺជាបឹងទឹកសាបមួយដែលធំជាងគេក្នុងភូមិភាគអាស៊ីអាគ្នេយ៍ និងជាប្រព័ន្ធអេកូឡូស៊ីធម្មជាតិមានតម្លៃមិនអាចកាត់ថ្លៃបានទាំងផ្នែកសង្គម សេដ្ឋកិច្ច វប្បធម៌ និងបរិស្ថាន ដែលកំណត់ពីអត្តសញ្ញាណជាតិ និងបានដើរតួនាទីយ៉ាងសំខាន់ក្នុងការផ្តល់សន្តិសុខស្បៀង និងផ្គត់ផ្គង់ជីវភាពរស់នៅប្រជាពលរដ្ឋកម្ពុជាទូទាំងប្រទេស។ ការទាញយកផលប្រយោជន៍ពីធនធានធម្មជាតិបឹងទន្លេសាបហួសកម្រិត រួមជាមួយការប្រែប្រួលអាកាសធាតុ បានធ្វើឱ្យបឹងទន្លេសាប ទទួលរងនូវការគំរាមកំហែងគួរឱ្យព្រួយបារម្ភ ដែលនឹងអាចធ្វើឱ្យបាត់នូវលំនឹងប្រព័ន្ធអេកូឡូស៊ី៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់លើកទី ១ ស្តីពីផែនការគ្រប់គ្រងអាងស្ទឹងជីនិត របស់គម្រោងកែលម្អប្រព័ន្ធធារាសាស្ត្រកសិកម្ម នៅក្រុងស្ទឹងសែន ខេត្តកំពង់ធំ

2024-03-21T15:11:09+00:00

នៅថ្ងៃព្រហស្បតិ៍ ១២ កើត ដល់ថ្ងៃសុក្រ ១៣ កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២១ ដល់ ២២ ខែមីនា ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ ត្រូវបានចាត់តាំងឱ្យ ចូលរួមសិក្ខាសាលាពិគ្រោះយោបល់លើកទី១ ស្តីពីផែនការគ្រប់គ្រងអាងស្ទឹងជីនិតរបស់គម្រោងកែលម្អប្រព័ន្ធធារាសាស្ត្រកសិកម្មនៅផ្នែកខាងត្បូងក្រុងស្ទឹង សែនខេត្តកំពង់ធំនៅសណ្ឋាគារកំពង់ធំរ៉ូយ៉ាល់។

អង្គសិក្ខាសាលាបានដឹកនាំ និងសម្របសម្រួលដោយ ឯកឧត្តម ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយម និងសមាសភាពតំណាងចូលរួមពីក្រសួង-ស្ថាប័នថ្នាក់ជាតិ និងថ្នាក់ក្រោមជាតិ រួមមាន៖ ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងរ៉ែ និងថាមពល អាជ្ញាធរទន្លេសាប មន្ទីរធនធានទឹក និងឧតុនិយមខេត្ត មន្ទីរកសិកម្ម រុក្ខាប្រមាញ់ និងនេសាទ មន្ទីររ៉ែ និងថាមពល មន្ទីរឧស្សាហកម្ម មន្ទីររៀបចំដែនដី នគរូបនីយកម្ម និងសំណង់ មន្ទីររដ្ឋាករទឹកស្វយ័តខេត្ត សរុបចំនួន ៥០រូប ។

អង្គសិក្ខាសាលាបានផ្តោតលើ៖
១. សាវតារបស់គម្រោងកែលម្អប្រព័ន្ធធារាសាស្ត្រអាងស្ទឹងជីនិត និងប្រភពថវិកា
២. ការកសាងផែនការគ្រប់គ្រងអាងស្ទឹងជីនិត
៣. លទ្ធភាពប្រើប្រាស់ទឹក និងការផ្គត់ផ្គង់ទឹកសម្រាប់អាងស្ទឹង
៤. បម្រែបម្រួលអាកាសធាតុ របបជលសាស្ត្រ-ឧតុនិយម និងផលប៉ះពាល់បាតុភូតផ្សេងៗមកលើអាងស្ទឹង និង
៥. ការចែករំលែកបទពិសោធន៍លើការងារគ្រប់គ្រងធនធានទឹក កសិកម្ម ធនធានរ៉ែ និងការប្រើប្រាស់ទឹកក្នុងវិស័យឧស្សាហកម្មក្នុងអាងស្ទឹងជីនិត ។

លទ្ធផលអង្គសិក្ខាសាលាបានពិភាក្សាលើ៖
• ផែនការគម្រោងកែលម្អប្រព័ន្ធធារាសាស្ត្រអាងស្ទឹងជីនិត
• ការព្យាករណ៍អាកាសធាតុ ជលសាស្ត្រ និងឧតុនិយម ច្រើនឆ្នាំសម្រាប់អាងស្ទឹង
• គម្រោងកែលម្អប្រព័ន្ធធារាសាស្ត្របានផ្តោតលើទីតាំង ចំនួន ៥ ខេត្ត (ខេត្តបាត់ដំបង កំពង់ចាម កំពង់ធំ កំពត និងតាកែវ)
• បញ្ហាប្រឈម ដំណោះស្រាយ និងតម្រូវការទឹកប្រើប្រាស់នៅក្នុងគម្រោងកែលម្អប្រព័ន្ធធារាសាស្ត្រអាងស្ទឹងជីនិត៕

ឯកឧត្តម ហ៊ែល តូនី ដឹកនាំគណៈប្រតិភូធនាគារពិភពលោក ចុះពិនិត្យស្វែងយល់ពីស្ថានភាពភាពទូទៅ និងការរស់នៅរបស់ប្រជាពលរដ្ឋភូមិបណ្តែតទឹកក្នុងតំបន់បឹងទន្លេសាប ស្ថិតក្នុងភូមិសាស្ត្រឃុំកំពង់លួង ស្រុកក្រគរ ខេត្តពោធិ៍សាត់

2024-03-20T23:49:43+00:00

បន្ទាប់ពីជំនួបពិភាក្សាការងាររវាង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ជាមួយប្រតិភូធនាគារពិភពលោក លោកស្រី Maria Angelica Sotomayor ប្រធានទទួលបន្ទុកផ្នែកទឹកប្រចាំតំបន់អាស៊ីខាងកើត និងប៉ាស៊ីហ្វិក កាលពីព្រឹកថ្ងៃទី១៩ ខែមីនា ឆ្នាំ២០២៤ នៅទីស្តីការក្រសួងធនធានទឹក និងឧតុនិយម ។ នៅថ្ងៃពុធ ១១កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២០ ខែមីនា ឆ្នាំ២០២៤ នេះ ឯកឧត្តម ហ៊ែល តូនី អនុប្រធានក្តាប់រួម ជាមួយនឹងក្រុមការងារមន្ត្រីបច្ចេកទេសអាជ្ញាធរទន្លេសាប បានដឹកនាំក្រុមគណៈប្រតិភូធនាគារពិភពលោក លោកស្រី Maria Angelica Sotomayor ចុះពិនិត្យស្វែងយល់ពីស្ថានភាពទូទៅ និងការរស់នៅរបស់ប្រជាពលរដ្ឋភូមិបណ្តែតទឹកក្នុងតំបន់បឹងទន្លេសាប ស្ថិតក្នុងភូមិសាស្ត្រឃុំកំពង់លួង ស្រុកក្រគរ ខេត្តពោធិ៍សាត់ ។

សូមជម្រាបថា ក្នុងដំណើរទស្សនៈកិច្ចរបស់គណៈប្រតិភូធនាគារពិភពលោកនៅទីតាំងផ្នែកមួយនៃតំបន់បឹងទន្លេសាប គឺដើម្បីផ្តួចផ្តើមគំនិតពីការគិតគូរដោយហ្មត់ចត់ចំពោះការរៀបចំនូវការគ្រប់គ្រងធនធានទឹក និងធនធានធម្មជាតិ បរិស្ថានតំបន់អាងបឹងទន្លេ សាបសម្រាប់កំណើនប្រកបដោយចីរភាព ដោយធ្វើការវាយតម្លៃលើស្ថានភាពទូទៅរបស់អាងបឹងទន្លេសាបជាមួយនឹងការរៀបចំផែនការយុទ្ធសាស្ត្ររយៈពេលវែងក្នុងការគ្រប់គ្រង និងអភិវឌ្ឍន៍តំបន់ទន្លេសាប ដែលមាន អាជ្ញាធរទន្លេសាប ជាស្ថាប័នសេនាធិការឱ្យរាជរដ្ឋាភិបាល ដែលជាស្ថាប័នមួយ ដើរតួនាទីយ៉ាងសំខាន់លើកិច្ចការសម្របសម្រួលអន្តរវិស័យ ក្នុងតំបន់អាងទន្លេសាប។

សូមជម្រាបជូនថា បេសកកម្មរយៈពេលមួយថ្ងៃនេះ គណៈប្រតិភូ បានចុះពិនិត្យដល់ទីតាំងជាក់ស្តែង និងបានស្វែងយល់ជាបឋមលើការគ្រប់គ្រងធនធានធម្មជាតិ និងបរិស្ថាន ដែលពាក់ព័ន្ធជាមួយនឹងការប្រើប្រាស់ទឹក, គុណភាពទឹក, ការគ្រប់គ្រងថង់ប្លាស្ទិក និងការបញ្ចេញចោលរាល់កាកសំណល់ទៅក្នុងទឹកបឹង ដែលផ្សារភ្ជាប់ទៅនឹងសុខុមាលភាពរបស់បឹងទាំងមូល ជាមួយនឹងការស្វែងយល់ពីការរស់នៅរបស់ប្រជាពលរដ្ឋនៅភូមិបណ្តែតទឹក ដែលរស់នៅពឹងផ្អែកទាំងស្រុងទៅលើធនធានធម្មជាតិ របស់បឹងទន្លេសាប ជាពិសេសការចិញ្ចឹមជិវិតប្រចាំថ្ងៃជាមួយនឹងរបរនេសាទ អាជីវកម្មខ្នាតតូចជាលក្ខណៈគ្រួសារ និងសេវាកម្មទេសចរ នៅលើផ្ទៃបឹងទន្លេសាប ។

សូមបញ្ជាក់ថា កាលពីពេលថ្មីៗកន្លងទៅនេះ ធនាគារពិភពលោក បានអនុម័តកញ្ចប់ថវិកា សម្រាប់ការសិក្សាជំហានបឋមតំបន់បឹងទន្លេសាប ដើម្បីឈានទៅធ្វើការគ្រប់គ្រង និងអភិរក្សតំបន់បឹងទន្លេសាបឱ្យមាននិរន្តរភាពយូរអង្វែង ស្របពេលដែលរាជរដ្ឋាភិបាលអាណត្តិ ទី ៧ ក្រោមការដឹកនាំដ៏ខ្ពង់ខ្ពស់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាននិងកំពុងដាក់ចេញនូវវិធានការយ៉ាងក្តៅចំពោះការការពារថែរក្សា និងគ្រប់គ្រងដែនព្រៃលិចទឹក និងព្រៃលិចទឹកនៅក្នុងខេត្តទាំង ៦ ជុំវិញបឹងទន្លេសាប ។

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អញ្ជើញចូលរួមកិច្ចប្រជុំសមាសភាពសមាជិកគណៈកម្មាធិការជាតិទន្លេមេគង្គកម្ពុជា លើកដំបូងឆ្នាំ២០២៤

2024-03-20T14:59:47+00:00

ដោយមានការឯកភាពដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ប្រធានគណៈកម្មាធិការជាតិទន្លេមេគង្គកម្ពុជា និងជាប្រធានអាជ្ញាធរទន្លេសាប នៅព្រឹកថ្ងៃពុធ ១១ កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប រួមជាមួយលោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងលោក វិន ប៊ុនពៅ ប្រធាននាយកដ្ឋានធនធានធម្មជាតិ បានអញ្ជើញចូលរួម “កិច្ចប្រជុំលើកដំបូង នៃសមាសភាពសមាជិកគណៈកម្មាធិការជាតិទន្លេមេគង្គកម្ពុជាឆ្នាំ២០២៤” ក្នុងអាណត្តិរាជរដ្ឋាភិបាលនីតិកាលទី៧នៃរដ្ឋសភា នៅសាលប្រជុំទីស្តីការក្រសួងធនធានទឹក និងឧតុនិយម ។

កិច្ចប្រជុំនេះ មានការចូលរួមពីសមាសភាពសមាជិកគណ:កម្មាធិការជាតិទន្លេមេគង្គកម្ពុជា នាយកខុទ្ទកាល័យ ឯកឧត្តមរដ្ឋមន្ត្រី ឯកឧត្តម លោកជំទាវ ជាអនុប្រធាន អនុប្រធានអចិន្ត្រៃយ៍ ឯកឧត្តមទីប្រឹក្សា អគ្គលេខាធិការ អគ្គលេខាធិការង មន្ត្រីថ្នាក់នាយកដ្ឋាន គ.ទ.ជ.ក និង ឯកឧត្តម លោក លោកស្រី មន្ត្រីអមឯកឧត្តមរដ្ឋមន្ត្រី មានចំនួន៧០រូប។

សូមជម្រាបជូនថា កិច្ចប្រជុំនេះមានគោលបំណង ដើម្បី៖

i. ជម្រាបជូនដល់ឯកឧត្តម លោកជំទាវ ជារដ្ឋលេខាធិការ និងអគ្គលេខាធិការក្រសួងស្ថាប័ន ដែលទេីបទទួលបានការតែងតាំងជាសមាសភាព គ.ជ.ទ.ក ក្នុងអាណត្តិរាជរដ្ឋាភិបាល នីតិកាលទី៧ នៃរដ្ឋសភា

ii. អំពីការងាររបស់គណៈកម្មាធិការជាតិទន្លេមេគង្គកម្ពុជា នៅថ្នាក់ជាតិ និងកិច្ចសហប្រតិបត្តិការក្នុងក្របខ័ណ្ឌគណៈកម្មការទន្លេមេគង្គ (MRC)។

ក្នុងឱកាសដ៏មានតម្លៃនេះដែរ ឯកឧត្តមរដ្ឋមន្ត្រី និងជាប្រធាន គ.ជ.ទ.ក បានលើកឡើងថា គណៈកម្មាជាតិទន្លេមេគង្គកម្ពុជា ជាស្ថាប័នសម្របសម្រួលក្នុងក្របខ័ណ្ឌកិច្ចសហប្រតិបត្តិការមេគង្គសម្រាប់កម្ពុជា បានធ្វើការយ៉ាងជិតសិ្នទ្ធ និងប្រកបដោយកិច្ចសហការល្អជាមួយក្រសួង ស្ថាប័ន និងភាគីពាក់ព័ន្ធផ្សេងទៀតនៅថ្នាក់ជាតិ និងនៅកម្រិតតំបន់ គ.ជ.ទ.ក បានចូលរួមយ៉ាងសកម្ម និងធ្វើកិច្ចសហការយ៉ាងជិតស្និទ្ធជាមួយប្រទេសជាសមាជិក (ប្រទេសឡាវ ថៃ និងវៀតណាម) និងជាមួយដៃគូសន្ទនា (ប្រទេសចិន និងប្រទេសមីយ៉ាន់ម៉ា) ព្រមទាំងដៃគូសហការពាក់ព័ន្ធដទៃទៀត សំដៅការពារ អភិរក្ស និងអភិវឌ្ឍន៍ធនធានទឹក និងធនធានធម្មជាតិ ដើម្បីផលប្រយោជន៍ជាតិ និងប្រជាជន ប្រកបដោយសន្តិភាព មិត្តភាព និងកិច្ចសហប្រតិបត្តិការល្អក្នុងតំបន់មេគង្គ ។

ឯកឧត្តមរដ្ឋមន្ត្រីបញ្ជាក់ថា សមិទ្ធិផលក្នុងក្របខ័ណ្ឌកិច្ចសហប្រតិបត្តិការមេគង្គទាំងនៅថ្នាក់ជាតិ និងថ្នាក់តំបន់ដែលសម្រេចបាន គឺបង្ហាញពីការយកចិត្តទុកដាក់ និងកិច្ចខិតខំប្រឹងប្រែងក្នុងស្មារតីទទួលខុសត្រូវខ្ពស់ក្នុងការចូលរួមអនុវត្តគោលនយោបាយ និងផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភា ដោយមានការគាំទ្រ និងកិច្ចសហការល្អពីគ្រប់ក្រសួង ស្ថាប័នជាសមាជិក និងភាគីពាក់ព័ន្ធទាំងអស់សម្រេចបានសមិទ្ធិផលធំៗ ក្នុងការជម្រុញ ពង្រឹង និងលើកកម្ពស់កិច្ចសហប្រតិបត្តិការលើការគ្រប់គ្រងធនធានទឹក និងធនធានពាក់ព័ន្ធក្នុងអាងទន្លេមេគង្គ ដើម្បី “កំណើន ការងារ សមធម៌ ប្រសិទ្ធភាព និងចីរភាព” និងមានគោលដៅជាយុទ្ធសាស្ត្រ ដែលបានកំណត់យកវិស័យអាទិភាពគន្លឹះចំនួន ៥ រួមមាន មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្នុងគោលដៅប្រែក្លាយកម្ពុជាទៅជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ ដើម្បីកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាឆ្នាំ២០៥០ ៕

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពីបម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តកំពង់ឆ្នាំង ពោធិ៍សាត់ និងខេត្តកំពង់ធំ

2024-03-16T09:15:56+00:00

កាលពីថ្ងៃចន្ទ ២កើត ដល់ថ្ងៃសុក្រ ៦កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១១ ដល់ថ្ងៃទី ១៥ ខែមីនា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងតំបន់ឆ្នុកទ្រូ ឃុំឆ្នុកទ្រូ ស្រុកបរិបូរណ៌ ខេត្តកំពង់ឆ្នាំង តំបន់កំពង់លួង ឃុំកំពង់លួង ស្រុកក្រគរ ខេត្តពោធិ៍សាត់ និងតំបន់ផាត់សណ្តាយ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញថា ៖
១. រកឃើញប្រភេទត្រីចំនួន ៣៨ ប្រភេទ តាមរយៈការនេសាទដោយប្រើប្រាស់នូវឧបករណ៍ចំនួន ៤ ប្រភេទ គឺឧបករណ៍មងអូស មងសង្គ្រប់ សំណាញ់ និងបរ ។
២. ធនធានក្រៅពីត្រីមានចំនួន ៧ប្រភេទ និងការប្រើប្រាស់ធនធានត្រីសម្រាប់វារីវប្បកម្មនៅក្នុងតំបន់សិក្សា ។
៣. ការវាស់សំណាកគុណភាពទឹកដោយឧបករណ៍ស្វ័យប្រវត្តិបឋមនៅតាមតំបន់សិក្សារួមមាន៖ កម្រិតភាពថ្លានៃទឹក, អុកស៊ីសែនរលាយក្នុងទឹក(DO), ប៉េហាស (pH), កម្រិតកម្ពស់ទឹក, សីតុណ្ហភាពទឹកបឹង និងកម្រិតស្លែ និងកកររបស់ទឹកបឹង ព្រមទាំងការពិនិត្យភាពសម្បូរនៃប្លង់តុង (ប្លង់តុងរុក្ខជាតិ និងប្លង់តុងសត្វ) ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តកំពង់ឆ្នាំង ពោធិ៍សាត់ និងខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា។
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក។ (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូត៍ដាយត្រី និងតំបន់ពាក់ព័ន្ធ។
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី ។

កិច្ចប្រជុំអន្តរក្រសួងស្ថាប័ន ពិភាក្សាពាក់ព័ន្ធនឹងឋបនីយជីវមណ្ឌលបឹងទន្លេសាប

2024-03-16T08:58:08+00:00

ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នាថ្ងៃព្រហស្បតិ៍ ៦កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម, រួមជាមួយឯកឧត្តម សរ គឹមសាន្ត អគ្គលេខាធិការ, ឯកឧត្តម ជា សុខនី អគ្គលេខាធិការរង និងលោក ហេង បូរាណ ជំនួយការអនុប្រធានក្តាប់រួម អាជ្ញាធរទន្លេសាប បានអញ្ជើញចូលរួមកិច្ចប្រជុំអន្តរក្រសួងស្ថាប័ន ពិភាក្សាពាក់ព័ន្ធនឹងឋបនីយជីវមណ្ឌលបឹងទន្លេសាប ស្របតាមការស្នើសុំរបស់គណៈកម្មាធិការជាតិទន្លេមេគង្គកម្ពុជា ដែលបានប្រព្រឹត្តិទៅនៅសាលប្រជុំគណ:កម្មាធិការជាតិទន្លេមេគង្គកម្ពុជា ដោយមានការចូលរួមពីថ្នាក់ដឹកនាំក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, រដ្ឋបាលជលផល, ក្រសួងបរិស្ថាន, និងអគ្គលេខាធិការដ្ឋានគណៈកម្មាធិការជាតិទន្លេមេគង្គកម្ពុជា ផងដែរ ។

សូមជម្រាបថា កិច្ចប្រជុំនេះ គឺមានបំណងស្វែងរកគំនិតរួមគ្នា និងការព្រមព្រៀងជាឯកឆន្ទ ក្នុងការផ្ទេរអង្គភាពលេខាធិការដ្ឋានឋបនីយជីវមណ្ឌលបឹងទន្លេសាប ពីការគ្រប់គ្រងរបស់គណៈកម្មាធិការជាតិទន្លេមេគង្គកម្ពុជា ឱ្យមកស្ថិតក្រោម ការគ្រប់គ្រងរបស់ អាជ្ញាធរទន្លេសាបវិញ ។

ជារួមបន្ទាប់ពីអង្គប្រជុំ ធ្វើការពិភាក្សា និងចូលរួមយោបល់ពីក្រសួងស្ថាប័នជំនាញ ដោយធ្វើការពិនិត្យលើទិដ្ឋភាពបទប្បញ្ញត្តិច្បាប់ និងទិដ្ឋភាពបច្ចេកទេស អង្គប្រជុំ ក៏បានឯកភាពយល់ព្រម ក្នុងការផ្ទេរឋបនីយជីវមណ្ឌលបឹងទន្លេសាប ឱ្យមកនៅក្រោមអាជ្ញាធរទន្លេសាប ដើម្បីឱ្យស្របទៅនឹងបេសកកម្ម និងដែនវិសាលភាពគ្រប់គ្រងរបស់អាជ្ញាធរទន្លេសាប ។ ទន្ទឹមនេះ ត្រូវគិតគូរយកចិត្តទុកដាក់ឱ្យបានស៊ីជម្រៅក្នុងការរៀបចំនីតិវិធីច្បាប់ និងលិខិតបទដ្ឋានពាក់ព័ន្ធឱ្យបានត្រឹមត្រូវ ដេីម្បីសុំសេចក្តីសម្រេចពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា ។

សូមបញ្ជាក់ថា ផ្អែកលើសារៈសំខាន់នៃប្រព័ន្ធអេកូឡូស៊ី បរិស្ថាន សេដ្ឋកិច្ច សង្គម និងវប្បធម៌បឹងទន្លេសាប ឱ្យស្របតាមលក្ខន្តិក ស្តីពីប្រព័ន្ធឋបនីយជីវមណ្ឌលពិភពលោក, ឋបនីយជីវមណ្ឌលបឹងទន្លេសាប ត្រូវបានបង្កើតឡើងស្របតាមព្រះរាជក្រឹត្យលេខ នស/រកត/០៤០១/០៧០ ចុះថ្ងៃទី ១០ ខែមេសា ឆ្នាំ ២០០១ ។ ចំណែកការបង្កើតឱ្យមានលេខាធិការដ្ឋានឋបនីយជីវមណ្ឌលបឹងទន្លេសាប អនុក្រឹត្យលេខ ៩៤ អនក្រ.បក ចុះថ្ងៃទី ២០ ខែកញ្ញា ឆ្នាំ ២០០១ ស្ថិតក្រោមគណៈកម្មាធិការជាតិទន្លេមេគង្គកម្ពុជា គឺដើម្បីជួយដល់ការសម្របសម្រួល ពង្រឹងការងារទំនាក់ទំនង និងសហការរវាងក្រសួង ស្ថាប័នជាតិ និងអន្តរជាតិ អាជ្ញាធរដែនដី និងសង្គមស៊ីវិល ក្នុងកិច្ចការការពារ និងគ្រប់គ្រងឋបនីយជីវមណ្ឌលបឹងទន្លេសាប ប្រកបដោយនិរន្តរភាព ។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ដឹកនាំកិច្ចប្រជុំពិគ្រោះយោបល់ជាមួយសមាសភាពសមាជិកអាជ្ញាធរទន្លេសាប

2024-03-15T06:41:53+00:00

ថ្ងៃព្រហស្បតិ៍ ៥កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែមីនា ឆ្នាំ២០២៤ នៅទីស្តីការក្រសួងធនធានទឹក និងឧតុនិយម បានរៀបចំកិច្ចប្រជុំពិគ្រោះយោបល់ជាមួយសមាសភាពអាជ្ញាធរទន្លេសាប ស្តីពី ការពង្រឹងយន្តការថែរក្សា ការពារ និងគ្រប់គ្រងធនធានធម្មជាតិ និងដែនព្រៃលិចទឹក ក្នុងខេត្តទាំង ៦ ជុំវិញបឹងទន្លេសាប ក្រោមអធិបតីភាពដ៏ខ្ពស់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ដោយមានការអញ្ជើញចូលរួមពីថ្នាក់ដឹកនាំជា រដ្ឋលេខាធិការ អនុរដ្ឋលេខាធិការ អគ្គលេខាធិការ អគ្គលេខាធិការរង នៃបណ្តាក្រសួងស្ថាប័នពាក់ព័ន្ធ និងអភិបាល-អភិបាលរងនៃគណៈអភិបាលខេត្តទាំង ៨ ជុំវិញតំបន់ទន្លេសាប ដែលជាអនុប្រធាន អនុប្រធានអចិន្ត្រៃយ៍ និងជាសមាជិកសមាសភាព របស់អាជ្ញាធរទន្លេសាប រួមជាមួយប្រធានមន្ទីរធនធានទឹក និងឧតុនិយម នៃខេត្តទាំង ៨ ជុំវិញតំបន់ទន្លេសាប សរុបចំនួន ៥៧នាក់ ។

សូមជម្រាបថា កិច្ចប្រជុំពិគ្រោះយោបល់សមាសភាពអាជ្ញាធរទន្លេសាប ដែលបានប្រព្រឹត្តទៅនារសៀលនេះ គឺជាកិច្ចប្រជុំលើកដំបូង ស្ថិតក្នុងដំណើរការការងារអាណត្តិទី ៧ ក្រោមការដឹកនាំចង្អុលបង្ហាញដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងស្មារតីផ្សារភ្ជាប់ជាមួយនឹងការយកចិត្តទុកដាក់ និងលើកកម្ពស់ដល់ការអនុវត្តគោលនយោបាយយុទ្ធសាស្ត្របញ្ចកោណ ដំណាក់កាលទី ១ ប្រកបដោយប្រសិទ្ធភាព ដើម្បីកសាងមូលដ្ឋានគ្រឹះឆ្ពោះទៅចក្ខុវិស័យកម្ពុជាឆ្នាំ២០៥០។

កិច្ចប្រជុំខាងលើនេះ គឺមានគោលបំណងពិភាក្សា និងពិគ្រោះយោបល់ សំដៅប្រមូលរាល់គំនិតយោបល់ និងការចែករំលែកនូវបទពិសោធន៍ការងារ ពីថ្នាក់ដឹកនាំដែលជាសមាជិកមកពីបណ្តាក្រសួងស្ថាប័នពាក់ព័ន្ធចំនួន ២៨ និងខេត្តទាំង ៨ ជុំវិញតំបន់ទន្លេសាប ដែលជាធាតុចូលមួយដ៏មានសារៈសំខាន់ ក្នុងការកំណត់បាននូវសកម្មភាពយុទ្ធសាស្ត្រការងារជាអាទិភាព ដើម្បីចូលរួមពង្រឹងយន្តការថែរក្សា ការពារ និងគ្រប់គ្រងធនធានធម្មជាតិ និងដែនព្រៃលិចទឹក ក្នុងខេត្តទាំង ៦ ជុំវិញបឹងទន្លេសាបប្រកបដោយចីរភាព ។

ជារួមអង្គប្រជុំទាំងមូល បានគាំទ្រចំពោះយន្តការដំណើរការការងារអាជ្ញាធរទន្លេសាប ដែលបាន និងកំពុងអនុវត្តផ្ទាល់ជាមួយនឹងកិច្ចការការពារ ថែរក្សា និងគ្រប់គ្រងធនធានធម្មជាតិ និងដែនព្រៃលិចទឹកនៅតំបន់ជុំវិញបឹងទន្លេសាប និងបានចូលរួមនូវគំនិត ការផ្តល់យោបល់ និងចែករំលែកបទពិសោធន៍ល្អៗ ក្នុងកិច្ចសហការយ៉ាងជិតស្និតក្នុងក្របខ័ណ្ឌបច្ចេកទេស សំដៅដល់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាបប្រកបដោយនិរន្តរភាព ។

សូមបញ្ជាក់ថា អាជ្ញាធរទន្លេសាប គឺជាស្ថាប័នសេនាធិការឲ្យរាជរដ្ឋាភិបាលផ្ទាល់ ក្នុងបេសកកម្មការងារសម្របសម្រួលដល់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ។ ក្នុងនោះដែរ អាជ្ញាធរទន្លេសាប ក៏មានសមាសភាពជាសមាជិក មកពីបណ្តាក្រសួងស្ថាប័នចំនួន ២៨ និងខេត្តទាំង ៦ ជុំវិញបឹងទន្លេសាប និងខេត្ត ២ បន្ថែមទៀត ដែលជាប់តំបន់ទន្លេសាប ហើយត្រូវបានបង្កើតឡើងស្របតាមសេចក្តីសម្រេចលេខ ២៤៣ សសរ ចុះថ្ងៃទី ២៥ ខែធ្នូ ឆ្នាំ ២០២៣ ស្តីពីការកែសម្រួលសមាសភាព របស់អាជ្ញាធរទន្លេសាប ៕

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បញ្ចប់ការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេ

2024-03-13T07:46:29+00:00

នៅថ្ងៃអង្គារ ៣កើត ខែផល្គុន ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី១២ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បញ្ចប់ការចុះផ្សព្វផ្សាយការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកក្រគរ ស្រុកកណ្តៀង ស្រុកបាកាន ខេត្តពោធិ៍សាត់ និងស្រុកសូទ្រនិគម ស្រុកជីក្រែង ខេត្តសៀមរាប។

គោលបំណងនៃកិច្ចប្រជុំផ្សព្វផ្សាយខាងលើ ផ្ដោតសំខាន់លើ ការចុះបោះបង្គោលកំណត់ព្រំតំបន់៣ នៃដែនព្រៃលិចទឹក ទៅកាន់ស្ថាប័នជំនាញពាក់ព័ន្ធ អាជ្ញាធរមូលដ្ឋាន ភូមិ ឃុំ ស្រុក ដែលពាក់ព័ន្ធនឹងតំបន់៣ នៃដែនព្រៃលិចទឹក ជុំវិញបឹងទន្លេសាប ដើម្បីផ្ដល់កិច្ចសហការ និងចូលរួមអនុវត្តឱ្យមានប្រសិទ្ធភាពខ្ពស់។

ថ្លែងក្នុងកិច្ចប្រជុំផ្សព្វផ្សាយ ឯកឧត្តម ក៏បានសង្កត់ធ្ងន់លើសារ:សំខាន់នៃបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបាន និងកត្តាប្រឈមនានា ដែលបាន និងកំពុងជះឥទ្ធិពលគម្រាមកំហែងមកលើប្រព័ន្ធអេកូឡូស៊ីបឹងទន្លេសាប ជាពិសេស សកម្មភាពក្នុងការទន្ទ្រានដីព្រៃលិចទឹកធ្វើកសិកម្ម និងការនេសាទខុសច្បាប់ ជាដើម។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការពិនិត្យ ផ្ទៀងផ្ទាត់ទិន្នន័យ-ព័ត៌មាន និងផែនទី ក្នុងការកំណត់តំបន់១ តំបន់២ និងតំបន់៣ រួមនឹង ការចុះបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ

2024-03-12T05:33:20+00:00

នៅថ្ងៃចន្ទ ២កើត ខែផល្គុន ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី១១ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកស្ទោង ស្រុកកំពង់ស្វាយ ស្រុកសន្ទុក ស្រុកបារាយណ៍ ស្រុកតាំងគោក ក្រុងស្ទឹងសែន ខេត្តកំពង់ធំ និងស្រុកក្រឡាញ់ ស្រុកពួក ស្រុកប្រាសាទបាគង ក្រុងសៀមរាប ខេត្តសៀមរាប។

ក្រុមការងារមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានចុះសិក្សាស្តីពី សក្តានុពលធនធានទឹកនៅជុំវិញតំបន់បឹងទន្លេសាប និងតំបន់ពាក់ព័ន្ធ ស្ថិតក្នុងស្រុកបរិបូណ៌ ខេត្តកំពង់ឆ្នាំង

2024-03-09T11:06:41+00:00

កាលថ្ងៃចន្ទ ៩រោច ដល់ថ្ងៃសុក្រ ១៣រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ៤ ដល់ ៨ ខែមីនា ឆ្នាំ២០២៤ លោក វិន ប៊ុនពៅ ប្រធាននាយកដ្ឋាន បានដឹកនាំក្រុមការងារមន្ត្រីនាយកដ្ឋានធនធានធម្មជាតិ នៃអាជ្ញាធរទន្លេសាប ចុះសិក្សាស្តីពី សក្តានុពលធនធានទឹកនៅតំបន់ជុំវិញបឹងទន្លេសាប និងតំបន់ពាក់ព័ន្ធ ក្នុងស្រុកបរិបូណ៌ ខេត្តកំពង់ឆ្នាំង ។

គោលបំណងនៃការចុះសិក្សារួមមាន៖
១. បន្តការតាមដាន និងបច្ចុប្បន្នភាពរបបជលសាស្ត្រ-ឧតុនិយមក្នុងទឹកបឹងទន្លេសាប (១១ស្ទឹង និងបឹងទន្លេសាប)
២. បន្តវាយតម្លៃបរិមាណលំហូរទឹក/ធារទឹកស្ទឹងនៅតាមបណ្តាអាងស្ទឹងជុំវិញបឹងទន្លេសាប និងតំបន់ពាក់ព័ន្ធ
៣. បន្តបច្ចុប្បន្នភាពប្រព័ន្ធធារាសាស្ត្រនៅក្នុងអាងស្ទឹង និងស្វែងរកប្រភពធនធានទឹក លទ្ធភាពប្រើប្រាស់ ព្រមទាំងវាយតម្លៃលើការគ្រប់គ្រងធនធានទឹកនៅតំបន់បឹងទន្លេសាប និងតំបន់ពាក់ព័ន្ធ ។

ជាលទ្ធផលរបស់ក្រុមការងារដែលបានចុះសិក្សាបឋមមានដូចខាងក្រោម:
១- ស្រុកបរិបូណ៌មានប្រព័ន្ធធារាសាស្ត្រខ្នាតធំ មធ្យម និងតូច សរុបចំនួន ៦ ប្រព័ន្ធ ។
២- បច្ចុប្បន្នរបបទឹកស្ទឹងបរិបូណ៌នារដូវប្រាំង ត្រូវបានគោករីងស្ងួតដោយកន្លែង នៅតាមដងស្ទឹង ជាពិសេសផ្នែកខាងក្រោមប្រព័ន្ធធារាសាស្ត្រទំនប់រំហាច និងទំនប់អាចាង ។
៣- ប្រព័ន្ធធារាសាស្ត្រមួយចំនួនត្រូវការស្តារ និងជួសជុលឡើងវិញ ព្រមទាំងសាងសង់បន្ថែម ដើម្បីធានាបាននូវនិរន្តរភាពទឹកស្ទឹងទៅពេលអនាគត ។
៤- ផលប៉ះពាល់លំហូរទឹក និងធារទឹកស្ទឹងដោយផ្ទាល់ និងប្រយោល គឺដោយសារតែការប្រែប្រួលរបបទឹកភ្លៀង និងការប្រែប្រួលអាកាសធាតុ។
៥- ការងារបង្កបង្កើនផលស្រូវរបស់ប្រជាកសិករនៅក្នុងតំបន់សិក្សា ត្រូវបានប្រមូលផលស្ទើររួចរាល់ ឬបានប្រមាណជា ៩០% នៃផ្ទៃដីសរុបក្នុងតំបន់សិក្សា ។
៦- ចំណែកឯ ស្រូវប្រាំងដែលនៅសេសសល់ ឬមិនទាន់ប្រមូលផល គឺស្រូវស្រែធ្វើឡើងក្នុងដំណាក់កាលទី ២ និងដំណាក់កាលទី ៣ ព្រោះស្រែនៅជិតប្រភពទឹក និងស្រែអាស្រ័យផលមួយចំនួនទៀតនៅក្នុងអាងទឹក ។
៧- បច្ចុប្បន្នមានការទាញយកធនធានរ៉ែខ្សាច់នៅតាមដងស្ទឹង និងខ្សាច់បក ។

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-03-09T10:50:16+00:00

នៅថ្ងៃព្រហស្បតិ៍ ១២រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែមីនា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី ស្ថិតនៅក្នុងភូមិសាស្ត្រឃុំកំពង់ត្រឡាច ឃុំសែប ស្រុកកំពង់ត្រឡាច, ឃុំទឹកហូត ស្រុករលាប្អៀរ, ឃុំកោះថ្កូវ ឃុំជលសា ស្រុកជលគីរី ខេត្តកំពង់ឆ្នាំង។

ការចុះសិក្សាស្រាវជ្រាវនេះ ក្រុមការងារបានជួបប្រជុំជាមួយអាជ្ញាធរមូលដ្ឋាន សហគមន៍នេសាទ ដែលធ្លាប់បានបណ្តុះបណ្តាល ដើម្បីប្រមូលទិន្នន័យដូចជា: ១/.ស្ថិតិគ្រួសារចេញធ្វើនេសាទនៅក្នុងខែមីនា, ២/.ប្រភេទឧបករណ៍ប្រើប្រាស់ក្នុងការចាប់ត្រី, ៣/.ចំនួនថ្ងៃចេញនេសាទក្នុងខែ, ៤/.ផលចាប់មួយឧបករណ៍ ក្នុងមួយថ្ងៃ, ៥/.តម្លៃផលនេសាទគិតតាមប្រភេទត្រីលេខ១,២ និងលេខ៣, ៦/. ធ្វើការប្រៀបធៀប ផលនេសាទមានការកើនឡើង ឬថយចុះទៅនឹងឆ្នាំមុន។ល។

គម្រោង/សកម្មភាពខាងលើមានគោលបំណង:
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមាននិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ

2024-03-08T00:13:04+00:00

នាថ្ងៃព្រហស្បតិ៍ ១២រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកមោងឫស្សី ស្រុកសង្កែ ខេត្តបាត់ដំបង និងស្រុកព្រះនេត្យព្រះ ស្រុកមង្គលបូរី ខេត្តបន្ទាយមានជ័យ ។

គោលបំណងនៃកិច្ចប្រជុំ ផ្សព្វផ្សាយខាងលើផ្ដោតសំខាន់លើ ការចុះបោះបង្គោលកំណត់ព្រំតំបន់៣ នៃដែនព្រៃលិចទឹក ទៅកាន់ស្ថាប័នជំនាញពាក់ព័ន្ធ អាជ្ញាធរមូលដ្ឋាន ភូមិ/ឃុំ/ស្រុក ដែលពាក់ព័ន្ធនឹងតំបន់៣ នៃដែនព្រៃលិចទឹក ជុំវិញបឹងទន្លេសាប ដើម្បីផ្ដល់កិច្ចសហការ និងចូលរួមអនុវត្តអោយមានប្រសិទ្ធភាពខ្ពស់។

ថ្លែងក្នុងកិច្ចប្រជុំផ្សព្វផ្សាយ ឯកឧត្តម អគ្គលេខាធិការ ក៏បានសង្កត់ធ្ងន់លើសារ:សំខាន់នៃបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបាន និងកត្តាប្រឈមនានា ដែលបាន និងកំពុងជះឥទ្ធិពលគម្រាមកំហែងមកលើប្រព័ន្ធអេកូឡូស៊ីបឹងទន្លេសាប ជាពិសេស សកម្មភាពក្នុងការទន្ទ្រានដីព្រៃលិចទឹកធ្វើកសិកម្ម និងការនេសាទខុសច្បាប់ ជាដើម។

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស ធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្

2024-03-06T22:51:53+00:00

នាថ្ងៃពុធ ១១រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៦ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស ធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកកំពង់លែង ស្រុកជលគីរី និងស្រុកបរិបូណ៌ នៃកំពង់ឆ្នាំង និងក្នុងភូមិសាស្ត្រស្រុកមោងឫស្សី ស្រុកសង្កែ ស្រុកឯកភ្នំ និងស្រុកថ្មគោល នៃខេត្តបាត់ដំបង ។

កិច្ចប្រជុំពិភាក្សាលើកផែនការចុះផ្សព្វផ្សាយការបោះបង្គោលព្រំកំណត់តំបន់៣ នៃដែនព្រៃលិចទឹក ស្ថិតក្នុងខេត្តទាំ៦ជុំវិញបឹងទន្លេសាប នារសៀលថ្ងៃចន្ទ ៩រោច ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៤ ខែមីនា ឆ្នាំ២០២៤ ឯកឧត្ត

2024-03-05T09:38:30+00:00

នារសៀលថ្ងៃចន្ទ ៩រោច ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៤ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និងជាប្រធានក្រុមការងារ បានដឹកនាំកិច្ចប្រជុំក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតនៅក្នុងខេត្តទាំង៦ ជុំវិញបឹងទន្លេសាប នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប ។

កិច្ចប្រជុំនេះ ដើម្បីពិភាក្សា លើកផែនការចុះផ្សព្វផ្សាយការបោះបង្គោលព្រំកំណត់តំបន់៣ នៃដែនព្រៃលិចទឹក ស្ថិតក្នុងខេត្តទាំង៦ ជុំវិញបឹងទន្លេសាប មានខេត្តកំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ និងខេត្តកំពង់ឆ្នាំង ។

សូមបញ្ជាក់ថា ក្រុមការងាររបស់អាជ្ញាធរទន្លេសាបទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតនៅក្នុងខេត្តទាំង៦ ជុំវិញបឹងទន្លេសាបនេះ ត្រូវបានបង្កើតឡើងដោយសេចក្តីសម្រេចលេខ ២៣៦ អទស ចុះថ្ងៃទី០២ ខែតុលា ឆ្នាំ២០២៣។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ នៅក្នុងភូមិសាស្ត្រខេត្តពោធិ៍សាត់ និងខេត្តកំពង់ឆ្នាំង

2024-03-01T12:28:42+00:00

ថ្ងៃពុធ ៤រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តពោធិ៍សាត់ និងខេត្តកំពង់ឆ្នាំង។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងអាជ្ញាធរឃុំ ។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កេីនផលនៅក្នុងតំបន់៣ ។

ជំនួបពិភាក្សាថ្នាក់ដឹកនាំ អាជ្ញាធរទន្លេសាប និង គណៈកម្មាធិការជាតិទន្លេមេគង្គកម្ពុជា អំពីការផ្ទេរការគ្រប់គ្រងលេខាធិការដ្ឋានឋបនីយជីវមណ្ឌលបឹងទន្លេសាប

2024-03-01T11:56:06+00:00

អនុលោមតាមការណែនាំចង្អុលបង្ហាញដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា នារសៀលថ្ងៃព្រហស្បតិ៍ ៥រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២៩ ខែកុម្ភៈ ឆ្នាំ២០២៤ នៅអគ្គលេខាធិការដ្ឋាន គណៈកម្មាការជាតិទន្លេមេគង្គកម្ពុជា មានកិច្ចប្រជុំពិភាក្សា ស្តីពីការផ្ទេរការគ្រប់គ្រងលេខាធិការដ្ឋានឋបនីយជីវមណ្ឌលបឹងទន្លេសាប រវាងថ្នាក់ដឹកនាំអាជ្ញាធរទន្លេសាប ដឹកនាំដោយឯកឧត្តម ហ៊ែល តូនី អនុប្រធានក្តាប់រួម ជាមួយថ្នាក់ដឹកនាំគណៈកម្មាធិការជាតិទន្លេមេគង្គកម្ពុជា ដឹកនាំដោយ ឯកឧត្តម តែ ណាវុធ អនុប្រធានអចិន្ត្រៃយ៍ និងមានការចូលរួមពីឯកឧត្តមអគ្គលេខាធិការ អគ្គលេខាធិការរង ទីប្រឹក្សា ប្រធាននាយកដ្ឋានជំនាញបច្ចេកទេស នៃស្ថាប័នទាំងពីរ ផងដែរ ។សូមបញ្ជាក់ផងដែរថា លេខាធិការដ្ឋានឋបនីយជីវមណ្ឌលបឹងទន្លេសាប បង្កើតឡើងនៅឆ្នាំ ២០០១ ដោយព្រះរាជក្រឹត្យលេខ នស/រកត/០៤០១/០៧០ ហើយបច្ចុប្បន្នស្ថិតក្រោមការគ្រប់គ្រង របស់គណៈកម្មាធិការជាតិទន្លេមេគង្គកម្ពុជា ។ ដោយពិនិត្យឃើញថា កិច្ចការសម្របសម្រួលដល់ការគ្រប់គ្រង អភិរក្ស និងអភិវឌ្ឍន៍តំបន់ឋបនីយជីវមណ្ឌលបឹងទន្លេសាប មានសង្គតភាព និងស្របជាមួយដែនសមត្ថកិច្ច បេសកកម្ម និងភារកិច្ចទទួលខុសត្រូវរបស់អាជ្ញាធរទន្លេសាប ជាពិសេសស្របទៅនឹងដំណើរការកំណែទម្រង់ស៊ីជម្រៅរដ្ឋបាលសាធារណៈ និងរួមចំណែកលើកកម្ពស់ប្រសិទ្ធភាពនៃការអនុវត្តយុទ្ធសាស្ត្របញ្ចកោណ ដំណាក់កាលទី ១ នៃរាជរដ្ឋាភិបាលកម្ពុជា អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា បានប្រជុំពិភាក្សា និងឯកភាពគ្នាក្នុងការផ្ទេរឋបនីយជីវមណ្ឌលបឹងទន្លេសាបឱ្យមកស្ថិតក្រោមការគ្រប់គ្រង របស់អាជ្ញាធរទន្លេសាបវិញ និងបានពិភាក្សាពិនិត្យលើផ្លូវច្បាប់ និងបច្ចេកទេស ដើម្បីដាក់ប្រជុំពិភាក្សាជាមួយអន្តរក្រសួង-ស្ថាប័ន ដែលជាសមាជិកនាពេលខាងមុខ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ ក្នុងភូមិសាស្ត្រខេត្តបាត់ដំបង

2024-02-29T07:54:43+00:00

ថ្ងៃអង្គារ ៣រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តបាត់ដំបង ។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងកម្លាំងកងរាជអាវុធហត្ថ សឹករង អធិការដ្ឋាននគរបាលស្រុក ប្រជាការពារភូមិ និងសហគមន៍នេសាទ ដែលមានសមាសភាពចូលរួមសរុបចំនួន ៣៤នាក់។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កេីនផលនៅក្នុងតំបន់ ៣ ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ ក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ

2024-02-29T07:38:52+00:00

ថ្ងៃសៅរ៍ ១៥កើត ដល់ថ្ងៃពុធ ៤រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៤ ដល់ថ្ងៃទី ២៨ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ ។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងកម្លាំងកងរាជអាវុធហត្ថ សឹករង អធិការដ្ឋាននគរបាលស្រុក ប្រជាការពារភូមិ និងសហគមន៍នេសាទ ។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កើនផលនៅក្នុងតំបន់ ៣ ។

លោកស្រី ទេស សុដាវី អនុប្រធាននាយកដ្ឋាន បានដឹកនាំក្រុមការងារយេនឌ័រ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តអនុវត្តន៍សកម្មភាព ស្តីពីការចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ នៅតំបន់បឹងទន្លេសាប នៅខេត

2024-02-27T07:34:39+00:00

នាថ្ងៃចន្ទ ២រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្រុមការងារយេនឌ័រ នៃនាយកដ្ឋានរដ្ឋបាល ផែនការ និងសហប្រតិបត្តិការ ដឹកនាំដោយ លោកស្រីទេស សុដាវី អនុប្រធាននាយកដ្ឋាន បានបន្តអនុវត្តន៍សកម្មភាព ស្តីពីការចុះសិក្សាស្វែងយល់ពីការយល់ដឹងយេនឌ័រឱ្យស្គាល់ពីអត្ថប្រយោជន៍ធនធានធម្មជាតិ នៅតំបន់បឹងទន្លេសាប ស្ថិតនៅឃុំសែប ស្រុកកំពង់ត្រឡាច ខេត្តកំពង់ឆ្នាំង។

ការអនុវត្តសកម្មភាពខាងលើមានដូចជា៖
- ជួបជាមួយអាជ្ញាធរមូលដ្ឋានប្រមូលព័ត៌មាន-ទិន្នន័យពាក់ព័ន្ធយេនឌ័រ
- ជួប និងពិភាក្សាពីតួនាទី ភារកិច្ចរបស់ស្ត្រី និងបុរស និងបញ្ហាយេនឌ័រពាក់ព័ន្ធនឹងការអនុវត្តការងារក្នុងការគ្រប់គ្រងធនធានធម្មជាតិ
- បញ្ជ្រាប និងពង្រឹងការយល់ដឹងយេនឌ័រឱ្យស៊ីជម្រៅពីការអនុវត្តអនុសញ្ញា ស្តីពីការលុបបំបាត់រាល់ទម្រង់ នៃ ការរើសអើងប្រឆាំងនឹងនារីភេទ
- សិក្សាស្វែងយល់ពីការយល់ដឹងក្នុងការចូលរួម របស់យេនឌ័រលើគ្រប់គ្រង ការពារធនធានធម្មជាតិ និងការ អាស្រ័យផលនៅក្នុងតំបន់ជុំវិញបឹងទន្លេសាប
- សិក្សាលើចំនួនប្រជាជនយល់ដឹងពីសារៈប្រយោជន៍ធនធានធម្មជាតិរបស់បឹងទន្លេសាប
- សម្ភាសន៍ក្រុមប្រឹក្សាឃុំទទួលបន្ទុកការរងារយេនឌ័រ។

ការអនុវត្តសកម្មភាពខាងលើទទួលបានលទ្ធផលដូចខាងក្រោម៖
១. បានផ្សព្វផ្សាយអនុសញ្ញា ស្តីពីការលុបបំបាត់រាល់ទម្រង់ នៃការរើសអើងប្រឆាំងនឹងនារីភេទ
២. បានបញ្ជ្រាប និងពង្រឹងការយល់ដឹងពីយេនឌ័រ ជូនដល់អាជ្ញាធរមូលដ្ឋាន ពីគុណតម្លៃ សារៈប្រយោជន៍ធនធានធម្មជាតិ និងការអាស្រ័យផល របស់ប្រជាជននៅតំបន់ បឹងទន្លេសាប
៣. បានចែករំលែកចំណេះដឹង និងបទពិសោធន៍ក្នុងការអនុវត្តការងារយេនឌ័រដោយសមត្ថភាព សមធម៌ជូន ដល់អាជ្ញាធរមូលដ្ឋាន ដើម្បីឱ្យស្ត្រីមានសិទ្ធិ និងបង្កើនស្មារតីស្ត្រីចូលរួមបញ្ចេញមតិ ការសម្រេចចិត្ត មិនមានភាពរើសអើង ដែលពាក់ព័ន្ធក្នុងការគ្រប់គ្រង អភិរក្ស និងការពារធនធានធម្មជាតិនៅតំបន់បឹងទន្លេសាប។

សូមជម្រាបជូនថាៈ សកម្មភាពចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ មានគោលបំណងឱ្យស្ត្រី និងបុរស មានការចូលរួមក្នុងការគ្រប់គ្រង ការពារធនធានធម្មជាតិដោយសមធម៌ និងឱ្យយល់ដឹងពីសារៈប្រយោជន៍ និងផលប្រយោជន៍ពីធនធានធម្មជាតិក្នុងតំបន់ជុំវិញបឹងទន្លេសាបប្រកបដោយនិរន្តរភាព។

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពី ការសិក្សាតាមដានគុណភាពទឹកនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តកំពង់ឆ្នាំង ខេត្តកំពង់ធំ និងខេត្តពោធិ៍សាត់

2024-02-25T10:54:44+00:00

កាលពីថ្ងៃចន្ទ ១០កើត ដល់ថ្ងៃសុក្រ ១៤កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ដល់២៣ ខែកុម្ភ: ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចុះសិក្សាតាមដានគុណភាពទឹកនៅតំបន់បឹងទន្លេសាប និងតំបន់ពាក់ព័ន្ធ នៅក្នុងតំបន់ឆ្នុកទ្រូ ខេត្តកំពង់ឆ្នាំង តំបន់ផាត់សណ្តាយ ខេត្តកំពង់ធំ និងតំបន់កំពង់លួង ខេត្តពោធិ៍សាត់ ។

ការចុះសិក្សានេះ ក្រុមការងារបានជួបសម្ភាសន៍ជាមួយប្រជាពលរដ្ឋ អាជ្ញាធរដែនដី និងការចុះយកសំណាកទឹកនៅលើទីតាំងជ្រើសរើសសិក្សា ដើម្បីពិនិត្យពីស្ថានភាពប្រើប្រាស់ទឹករបស់ប្រជាជនភូមិបណ្តែតទឹក និងស្ថានភាពកាកសំណល់ទូទៅក្នុងតំបន់សិក្សានីមួយៗ។

ជាមួយនឹងសកម្មភាពចុះសិក្សាស្រាវជ្រាវខាងលើ ទទួលបានលទ្ធផលដូចខាងក្រោម :

ទី១. ក្រុមការងារបានធ្វើការជ្រើសរើសទីតាំងចំនួន ១២ កន្លែង សម្រាប់វាយតម្លៃបឋមដោយប្រើប្រាស់ឧបករណ៍វាស់គុណភាពទឹកស្វ័យប្រវត្តិជាលក្ខណៈរូប ដែលមានប៉ារ៉ាម៉ែត្រ pH, ORP, CT, DO, TDS, Turbidity, Transparency, chlorophyll, Cyanobacteria និងកករទឹក និងកម្រិតថ្លាក្នុងទឹក ។
ទី២. យកសំណាកទឹកមកធ្វើការពិនិត្យ និងវិភាគ/វាយតម្លៃលើលក្ខណៈគីមីចំនួន ១៣ ប៉ារ៉ាម៉ែត្រ ដូចជា TSS, អាសូតសរុប (Total Nitrogen), នីត្រាត (NO3¬-), អាម៉ូញ៉ូម (NH4-) និងផូស្វរសរុប (Total Phoshorus), TSS, NO3, NH4, TN, TP, ហ្វីកាល់កូលីហ្វម (Fecal coliform), អឺកូលី (E.Coli) និងការបកស្រាយលទ្ធផលសំណាកទឹកពីស្ថានភាពគុណភាពទឹក ដែលបានពីមន្ទីរពិសោធន៍វិភាគគុណភាពទឹក នៅមន្ទីរពិសោធន៍គុណភាពទឹក របស់ក្រសួងធនធានទឹក និងឧតុនិយម។
ទី៣. លើបញ្ហាការគ្រប់គ្រងកាកសំណល់ក្នុងតំបន់សិក្សាប្រជាពលរដ្ឋមួយភាគធំទុកដាក់កាកសំណល់ និងការគ្រប់គ្រងនៅមានកម្រិត គឺបានចោលចូលទៅក្នុងទន្លេ និងលើដីគោក ជាពិសេសពពួកថង់ប្លាស្ទិក សំបកបេ សិប្បីសត្វ និងកាកសំណល់ផ្សេងៗ លើកលែងតែដបទឹកសុទ្ធ សំបកកំប៉ុង និងធុងសាំង ឬធុងជ័រ ដែលមានការប្រមូលទិញ ដើម្បីកែច្នៃឡើងវិញ ទើបប្រមូលរក្សាទុកលក់ (អេតចាយ) ។

សូមជម្រាបជូនថា ៖ សកម្មភាពចុះសិក្សាតាមដានគុណភាពទឹក នៅភូមិបណ្តែតទឹកបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង ៖
១. បច្ចុប្បន្នភាពផលប៉ះពាល់គុណភាពទឹកបឹងលើបរិស្ថាន ជីវៈចម្រុះ និងត្រួតពិនិត្យតាមដានការប្រែប្រួលគុណភាពទឹកក្នុងបឹងទន្លេសាប និងតំបន់ពាក់ព័ន្ធ។
២. ចងក្រងទិន្នន័យ-ព័ត៌មានគុណភាពទឹកបឹងទន្លេសាបនៅខេត្តទាំង៦ជុំវិញបឹងទន្លេសាប និងនៅភូមិបណ្តែតទឹក។

ក្រុមការងារការិយាល័យនីតិកម្ម នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយលោក សុខ មុនី ប្រធានការិយាល័យ បានចុះអនុវត្តន៍សកម្មភាព សិក្សាពីស្ថានភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ក្នុងភូមិសាស្ត

2024-02-23T17:14:51+00:00

នាថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែកុម្ភៈ ឆ្នាំ២០២៤ ក្រុមការងារការិយាល័យនីតិកម្ម ដឹកនាំដោយ លោក សុខ មុនី ប្រធានការិយាល័យ បានចុះអនុវត្តន៍សកម្មភាពសិក្សាពីស្ថានភាពជីវភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប សិ្ថតនៅក្នុងភូមិសាស្ត្រឃុំជលសារ ស្រុកជលគិរី ខេត្តកំពង់ឆ្នាំង ។

សកម្មភាពខាងលើ ក្រុមការងារបានជួបសម្ភាសន៍ជាមួយ ៖
១. ជួបសម្ភាសន៍ជាមួយប្រជាជនដែលមានមុខរបរទ្រទ្រង់ជីវភាពដោយការអាស្រ័យផលលើធនធានធានធម្មជាតិ
២. ជួបសម្ភាសន៍ជាមួយអាជ្ញាធរមូលដ្ឋានភូមិ ឃុំ ពាក់ព័ន្ធនឹងស្ថានភាពទូទៅរបស់តំបន់ ។

ក្នុងការចុះសិក្សានៅតំបន់ខាងលើ ក្រុមការងារ ទទួលបានលទ្ធផល ដូចតទៅ ៖
១. ប្រជាជននៅក្នុងតំបន់សិក្សាមានមុខរបរសំខាន់ៗ ដើម្បីទ្រទ្រង់ជីវភាពរួមមាន ការបង្កបង្កើនផលស្រូវប្រាំង(២ដងក្នុងមួយឆ្នាំ), ដាំឈូក , ការងារនេសាទត្រី , ចូកលៀស , ដងអន្ទង់ នៅតាមដងទន្លេសាប
២. ជីវភាពរស់នៅប្រចាំថ្ងៃរបស់ប្រជាជនក្នុងតំបន់សិក្សាមានបញ្ហាប្រឈមដោយពួកគាត់ មិនមានមុខរបរអ្វីផ្សេងក្រៅពីធ្វើស្រែ និងការធ្វើនេសាទ

៣. កត្តាមួយចំនួនដែលជះឥទ្ធិពលលើជីវភាពរបស់ពួកគាត់រួមមាន
-កត្តាគ្រួសារ : ខ្វះកម្លាំងពលកម្មក្នុងគ្រួសារ(សមាជិកតិច), ជម្ងឺ , និងការអប់រំទាប
- កត្តាធម្មជាតិ : មានគ្រោះរាំងស្ងួត, សត្វចង្រៃបំផ្លាញស្រូវ, និងការថយចុះធនធានធម្មជាតិ(ត្រី លៀស)
- កត្តាសង្គម : ថ្លៃកសិផលមិនមានស្ថេរភាព, ខ្វះបច្ចេកទេសកសិកម្ម, និងការចំណាយច្រើនទៅការព្យាបាលសុខភាព ។

៤. ប្រជាជនក្នុងតំបន់សិក្សាមានតម្រូវការចំបាច់មួយចំនួនដើម្បីជម្រុញជីវភាពរស់នៅរបស់ពួកគាត់មានភាពប្រសើរឡើង
- ជួយផ្តល់ឥណទានដែលមានអត្រាការប្រាក់ទាប
- ជួយអោយស្រូវមានតម្លៃសមរម្យ
- បញ្ចុះតម្លៃធាតុចូលកសិកម្ម
- ជួយបណ្តុះបណ្តាលបច្ចេកទេសកសិកម្ម
- កសាងហេដ្ឋារចនាសម្ព័ន្ធធារាសាស្ត្របន្ថែមទៀត ។

សូមជម្រាបជូនថាៈ សកម្មភាពចុះសិក្សាពីស្ថានភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាបមានគោលបំណង ១).កំណត់ពីសក្តានុពលធនធានធម្មជាតិនៅតំបន់បឹងទន្លេសាប ២). វាយតម្លៃពីកត្តាផ្សេងៗ ដែលជះឥទ្ធិពលដល់ជីវភាពរស់នៅរបស់ប្រជាជន និង៣). វិភាគពីតម្រូវការរបស់ប្រជាជនរស់នៅតំបន់បឹងទន្លេសាប ។

កិច្ចប្រជុំប្រជុំគណៈកម្មាធិការ និងកិច្ចប្រជុំក្រុមការងារបច្ចេកទេស សម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប ស្តីពីកិច្ចពិគ្រោះយោបល់ និងប្រមូលធាតុចូលសម្រាប់រៀបចំផែនការយុទ្ធសាស្ត្រឋបនីយជីវមណ្ឌលបឹងទន្លេសាប ២០២៤-២០២៨ ដែលដឹកនាំ

2024-02-23T08:04:27+00:00

នាថ្ងៃចន្ទ ១០កើត ដល់ថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ដល់ថ្ងៃទី២០ ខែកុម្ភៈ ឆ្នាំ២០២៤ លោក ខ្វាន់ ភត្ត្រា អនុប្រធាននាយកដ្ឋាននាយកដ្ឋាន ធនធានធម្មជាតិ តំណាងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចូលរួមទស្សនកិច្ច ឋបនីយជីវមណ្ឌលបឹងទន្លេសាប ព្រែកទាល់ និងកិច្ចពិគ្រោះយោបល់ផែនការយុទ្ធសាស្ត្រឋបនីយជីវមណ្ឌលបឹងទន្លេសាប សិ្ថតនៅឃុំកោះជីវាំង ស្រុកឯកភ្នំ ខេត្តបាត់ដំបង។

ដំណើរទស្សនកិច្ច និងកិច្ចពិគ្រោះយោបល់នេះមានគោលបំណង ដើម្បីស្វែងយល់ពីបញ្ហាប្រឈមលើបរិស្ថាន ជីវៈចម្រុះ ការគ្រប់គ្រងសំណល់រឹង និងរាវ ទឹកស្អាតនិងអនាម័យ និងដើម្បីប្រមូលមតិយោបល់ពីសហគមន៍ អង្គការដៃគូពាក់ព័ន្ធទាំងថ្នាក់ជាតិ និងថ្នាក់ក្រោមជាតិ នៃខេត្តទាំង ៦ ជុំវិញបឹងទន្លេសាប ដើម្បីប្រមូលធាតុចូលសម្រាប់កសាងផែនការយុទ្ធសាស្ត្រឋបនីយជីវមណ្ឌលបឹងទន្លេសាប ២០២៤-២០២៨។

ជាមួយនឹងកិច្ចពិគ្រោះយោបល់លើផែនការយុទ្ធសាស្ត្រនេះ ត្រូវបានកំណត់របៀបវារៈជាអាទិភាពលើប្រាំមួយចំណុច៖ (១) អភិបាលកិច្ចនិងការគ្រប់គ្រង, (២) ការបំពុលបរិស្ថាន (៣) ធនធានធម្មជាតិ និងជីវៈចម្រុះ (៤) ជីវភាពរស់នៅ (៥) ជលសាស្ត្រ និង(៦) ការគ្រប់គ្រងការប្រើប្រាស់ដី ដោយប្រើវិធីសាស្ត្រការវិភាគ SWOT (ភាពខ្លាំង ភាពខ្សោយ ឱកាស និងការគម្រាមកំហែង )

ជាលទ្ធផលសង្ខេបសំខាន់បឋមមានដូចតទៅ៖
- ភាពខ្លាំង៖ ឯកសារគតិយុត្តនានាគាំទ្រឋបនីយជីវមណ្ឌលបឹងទន្លេសាប, ទីជម្រកដែនសត្វស្លាប និងជីវៈចម្រុះធំជាងគេនៅអាស៊ីអាគ្នេយ៍ ។ល។
- ភាពខ្សាយ៖ ខ្វះទឹកស្អាត, ខ្វះសមាហរណកម្មផែនការយុទ្ធសាស្ត្រ ពីអន្តរភាគីពាក់ព័ន្ធ, ការអនុវត្តភារកិច្ចត្រួតស៊ីគ្នា ដោយមិនទាន់បានចែករំលែកទិន្នន័យ ព័ត៌មាន និងសកម្មភាព, ការប្រែប្រួលអាកាសធាតុ, ការគ្រប់គ្រងសំណល់រឹងរាវ។ល។
- ឱកាស៖គោលនយោបាយគាំទ្ររាជរដ្ឋាភិបាលច្បាស់លាស់, នឹងមានឱកាសរៀបចំផែនការយុទ្ធសាស្ត្ត្ររួមគ្នាគ្រប់ជ្រុងជ្រោយ, បង្កើតមុខរបរ និងការងារដល់ប្រជាសហគមន៍ ។ល។
- ការគម្រាមកំហែង៖ ការកាប់ទន្ទ្រាន និងដុតព្រៃលិចទឹក, ការប្រែប្រួលរបបជលសាស្ត្រ, ការថយចុះបរិមាណនិងពូជជីវៈចម្រុះ ។ល។

ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានចុះសិក្សាស្រាវជ្រាវលើ កាកសំណល់ឧបករណ៍នេសាទ នៅក្នុងភូមិបណ្ដែតទឹកកំពង់លួង ខេត្តពោធិ៍សាត់

2024-02-20T23:20:40+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៥ ខែកុម្ភ: ឆ្នាំ២០២៤ ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ កាកសំណល់ឧបករណ៍នេសាទនៅក្នុងភូមិបណ្ដែតទឹកកំពង់លួង ឃុំកំពង់លួង ស្រុកក្រគរ ខេត្តពោធិ៍សាត់ ។

ជាលទ្ធផលក្រុមការងារទទួលបាន :
១- ជួបជាមួយអាជ្ញាធរដែនដី ពិភាក្សាអំពីការទុកដាក់សំរាម(ឧបករណ៍នេសាទ) របស់ប្រជាជន លើភូមិបណ្ដែតទឹកឃុំកំពង់លួង
២-ជួបសម្ភាសន៍ជាមួយប្រជានេសាទពាក់ព័ន្ធ និងការប្រើប្រាស់ឧបករណ៍នេសាទ តម្លៃទិញចូល អាយុកាលប្រើប្រាស់ និងរបៀបគ្រប់គ្រងកាកសំណល់ឧបករណ៍នេសាទ ក្រោយពេលផុតអាយុកាលប្រើប្រាស់។
៣- ជួបពិភាក្សាអាជីវករលក់ដូរឧបករណ៍នេសាទលើភូមិបណ្ដែតទឹក ដឹងពីតម្លៃទីផ្សារប្រភេទឧបករណ៍នីមួយៗ និងឧបករណ៍ដែលពេញនិយមដូចជា បរ មង និងអ៊ុយ ជាដើម។

សូមបញ្ជាក់ថាសកម្មភាពខាងលេីនេះមានគោលបំណង ៖
- សិក្សាវាយតម្លៃលើប្រភេទឧបករណ៍នេសាទដែលប្រជានេសាទពេញនិយមក្នុងការប្រើប្រាស់ចំនួនបីប្រភេទ រួមមាន ប្រភេទឧបករណ៍នេសាទ បរ មង និងអ៊ុយ និងសិក្សាវាយតម្លៃលើប្រភេទឧបករណ៍នេសាទដែលប្រជាជនប្រើប្រាស់ ជាលក្ខណៈគ្រួសារ។
- សិក្សាពីលំហូរ នៃផលប៉ះពាល់បណ្ដាលមកពីឧបករណ៍នេសាទទៅលើអេកូស៊ីស្ទែមបឹងរួមជាមួយនឹងតម្លៃសេដ្ឋកិច្ច ទៅលើប្រភេទឧបករណ៍នេសាទនីមួយៗ និងរយៈពេលនៃការប្រើប្រាស់។
- ការបញ្ជ្រាប និងលើកកម្ពស់ការយល់ដឹង ស្ដីពី ផលប៉ះពាល់នៃកាកសំណល់ឧបករណ៍នេសាទដល់ប្រជានេសាទ ប្រជាជនដែលរស់នៅលើភូមិបណ្ដែតទឹកខេត្តជុំវិញបឹងទន្លេសាប។

ក្រុមការងារយេនឌ័រនៃនាយកដ្ឋានរដ្ឋបាល ផែនការ សហប្រតិបត្តិការ បានដឹកនាំដោយ លោកស្រី ទេស សុដាវី អនុប្រធាននាយកដ្ឋាន បានចុះអនុវត្តន៍សកម្មភាព ចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិតំបន់បឹងទន្លេសាប ស្ថិតនៅខេត្តកំពង់ធំ

2024-02-20T23:08:53+00:00

នាថ្ងៃចន្ទ ១០កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែកុម្ភៈ ឆ្នាំ២០២៤ ក្រុមការងារយេនឌ័រនៃនាយកដ្ឋានរដ្ឋបាល ផែនការ សហប្រតិបត្តិការ ដឹកនាំដោយ លោកស្រីទេស សុដាវី អនុប្រធាននាយកដ្ឋានបានចុះអនុវត្តន៍សកម្មភាពសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិនៅតំបន់បឹងទន្លេសាប និងតំបន់ពាក់ព័ន្ធ សិត្ថនៅក្នុងឃុំកកោះ ស្រុកសន្ទុក ខេត្តកំពង់ធំ ។

សកម្មភាពខាងលើ ក្រុមការងារយេនឌ័របានជួបជាមួយអាជ្ញាធរមូលដ្ឋាន មានដូចជា៖
១. ជួបពិភាក្សាស្វែងយល់យេនឌ័រ និងប្រមូលទិន្នន័យ-ព័ត៌មាន ជាមួយអាជ្ញាធរឃុំ និងមន្ត្រីទទួលបន្ទុកការងារយេនឌ័រ
២. ជួបពិភាក្សា និងសម្ភាសន៍ជាមួយសហគមន៍។

ក្នុងតំបន់សិក្សាខាងលើទទួលបានលទ្ធផល ដូចខាងក្រោម៖
១. អនុវត្តការងារយេនឌ័រក្នុងការគ្រប់គ្រងធនធានធម្មជាតិ:
- សមត្ថភាព និងការយល់ដឹងយេនឌ័រ ពីតួនាទី ភារកិច្ចការគ្រប់គ្រង ថវិកា សម្ភារៈគម្រោង របស់គណៈកម្មការសហគមន៍នៅមានកម្រិត
- មានទំនាក់ទំនង និងកិច្ចសហការល្អ ជាមួយជំនាញពាក់ព័ន្ធ អាជ្ញាធរមូលដ្ឋាន និងសហគមន៍
- មានការចូលរួមយេនឌ័រដោយសមធម៌ក្នុងគ្រប់គ្រងធនធានធម្មជាតិ តាមរយៈសកម្មភាពចេញល្បាតញឹកញាប់ ការផ្តល់ព័ត៌មានទាន់ហេតុការណ៍ពីសកម្មភាពប្រព្រឹត្តបទល្មើសនេសាទ និងការដាំកូនឈើ និងអភិរក្សពូជត្រីនៅក្នុងសហគមន៍
- មានការគាំទ្រផ្នែកថវិកាមួយចំនួនតាមរយៈគម្រោងមួយរយៈពេលក្រោយមកគម្រោងត្រូវបានបញ្ចប់

២. បញ្ជ្រាប និងការកសាងសមត្ថភាពយេនឌ័រ :
- ធ្វើការបណ្តុះបណ្តាល/ណែនាំ
- អនុវត្តន៍ទៅតាមនីតិវិធីច្បាប់ អនុសញ្ញាស៊ី_ដ
- ធ្វើការផ្សព្វផ្សាយបទដ្ឋានគតិយុត្ត និងឯកសារពាក់ព័ន្ធឱ្យបានទូលំទូលាយ
- អាជ្ញាធរ និងជំនាញពាក់ព័ន្ធ បានធ្វើការប្រជុំពិភាក្សា លើករណីអាស្រ័យផលប្រជាពលរដ្ឋនៅក្នុងដែនសហគមន៍ (ស្ថិតនៅក្នុងតំបន់២) ។

សូមជម្រាបជូនថាៈ សកម្មភាពចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ មានគោលបំណងឱ្យស្ត្រី និងបុរស ដើម្បីបង្កើនកិច្ចសហការល្អ រវាងអាជ្ញាធរមូលដ្ឋាន មន្ត្រីជំនាញពាក់ព័ន្ធ និងសហគមន៍ ឱ្យយល់ដឹងពីតម្លៃ ពីផលប៉ះពាល់ធនធានធម្មជាតិ រួមទាំងការចែករំលែកនូវទិន្នន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងផលប្រយោជន៍ពីការទាញយកធនធនធម្មជាតិសម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយនិរន្តរភាព។

ក្រុមការងារនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ វារីវប្បកម្ម និងចរន្តទីផ្សារច្រកចេញ-ចូល នៅខេត្តពោធិ៍សាត់

2024-02-20T15:56:10+00:00

នាថ្ងៃអង្គារ ៤កើត ដល់ថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៣ ដល់ថ្ងៃទី១៧ ខែកុម្ភៈ ឆ្នាំ២០២៤ ក្រុមការងារមន្ត្រីនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានដឹកនាំក្រុមការងារចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅភូមិសាស្ត្រឃុំកំពង់លួង ស្រុកក្រគរ, ឃុំកញ្ជរ និងឃុំរាំងទិល ស្រុកកណ្តៀង ខេត្តពោធិ៍សាត់ ។

ការចុះសិក្សានេះ ក្រុមការងារបានធ្វើការចុះជួបជាមួយ ៖
១. ជួបសម្ភាសន៍ជាមួយអាជ្ញាធរដែនដី
២. សម្ភាសន៍ជាមួយប្រជានេសាទ
៣. សម្ភាសន៍ជាមួយអាជីវករទិញ-លក់ត្រី ត្រីនុយ និងសិប្បីសត្វ
៤. ជួបសម្ភាសន៍ជាមួយអ្នកចឹញ្ចឹមត្រី។

ក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលរកឃើញថា ៖
១. បានធ្វើការសិក្សាតាមដាននៅច្រកសំខាន់ៗចំនួន ៣ ច្រក គឺនៅច្រកកំពង់លួង ស្ថិតនៅឃុំកំពង់លួង ស្រុកក្រគរ ច្រកព្រែកត្របែក ស្ថិតនៅឃុំកញ្ជរ និងច្រករាំងទិល ស្ថិតនៅឃុំរាំងទិល ស្រុកកណ្តៀង ។
២. មានការធ្វើអាជីវកម្មត្រីជាមធ្យមប្រមាណ ៥.៧០០គ.ក្រ/ថ្ងៃ និងសរុបប្រមាណ ២៨.៥០០គ.ក្រ/៥ថ្ងៃ ។
- មានការធ្វើអាជីវកម្មត្រីនុយជាមធ្យមប្រមាណ ៣.៧៥០គ.ក្រ/ថ្ងៃ និងសរុបប្រមាណ ១៨.៧៥០គ.ក្រ/៥ថ្ងៃ ។
- មានការធ្វើអាជីវកម្មសិប្បីសត្វជាមធ្យមប្រមាណ ៥.៦០០គ.ក្រ/ថ្ងៃ និងសរុបប្រមាណ ២៨.០០០គ.ក្រ/៥ថ្ងៃ ។
- វារីវប្បករ បានដាក់ចិញ្ចឹមត្រីប្រមាណ ៨.០០០ ទៅ ១០.០០០ក្បាល/ស្រះ ឬ បែរ ទំងន់ត្រីបច្ចុប្បន្នចន្លោះពី ០.៥ ទៅ ០.៨គ.ក្រ/ក្បាល ជាទូទៅគាត់បានប្រើចំណីប្រមាណ ១៥០ ទៅ ២០០គ.ក្រ/ថ្ងៃ ។

៣. ការធ្វើអាជីវកម្មត្រី ត្រីនុយ និងសិប្បីសត្វនៅក្នុងខេត្តពោធិ៍សាត់ មានប្រភពមកពីការនេសាទក្នុងបឹងទន្លេសាទ បឹងទន្លេឆ្មារ នៃខេត្តកំពង់ធំ ខេត្តបាត់ដំបង ខេត្តកំពង់ឆ្នាំង ការធ្វើវារីវប្បកម្ម និងត្រីនាំចូលពីក្រៅប្រទេស ។
៤. សម្រាប់ត្រី ត្រីនុយ និងសិប្បីសត្វ អ្នកនេសាទដឹកយកមកលក់នៅមាត់ទឹកទៅអោយឈ្មួញកណ្តាល ឈ្មួញកណ្តាល លក់រាយ ឬ បោះដុំក្នុងតំបន់ និងដឹកជញ្ជូនទៅលក់បន្តនៅរាជធានីភ្នំពេញ ខេត្តបាត់ដំបង និងខេត្តបន្ទាយមានជ័យ ។ ត្រីនុយជាប្រភេទត្រីតូចៗ និងចម្រុះច្រើនប្រភេទ ។
- តម្លៃត្រីស្រស់មានតម្លៃចន្លោះពី ២.០០០ ទៅ ៥០.០០០៛/គ.ក្រ ត្រីនុយ ១.៥០០ ទៅ ២.០០០៛/គ.ក្រ លៀស ២០០ ទៅ ២.០០០៛/គ.ក្រ ខ្ចៅ ១.០០០ ទៅ ២.០០០៛/គ.ក្រ និងខ្យង ២.០០០ ទៅ ៥.០០០៛/គ.ក្រ ។
៥. នៅក្នុងទីតាំងច្រកឡើងត្រីទាំងបីកន្លែងនេះមានការប្រែប្រួលទាំងបរិមាណនៃការធ្វើអាជីវកម្ម និងតម្លៃជាប្រចាំ អាស្រ័យលើស្ថានភាពទៅតាមរដូវកាល និងការចុះបង្ក្រាបបទល្មើសរបស់មន្ត្រីជំនាញ និងអាជ្ញាធរមូលដ្ឋាន ។
៦. ផលវិជ្ជមាន: នៃការធ្វើអាជីវកម្មធនធានធម្មជាតិ បង្កើនប្រាក់ចំណូលប្រចាំថ្ងៃ មានតម្រូវការបរិភោគខ្ពស់ បំពេញតម្រូវការក្នុងការធ្វើវារីវប្បកម្ម កែច្នៃជាចំណីសត្វ កាត់បន្ថយការនាំចូលត្រីត្រីនុយពីប្រទេសក្រៅ និងបំពេញតម្រូវការនាំចេញទៅក្រៅប្រទេស។
- ផលអវិជ្ជមាន: កំណើនប្រជាជនតាមតំបន់ធ្វើអោយកើនឡើងចំនួនអ្នកនេសាទ ការប្រើឧបករណ៍នេសាទខុសច្បាប់បានធ្វើឱ្យធនធានត្រី និងសិប្បីសត្វថយចុះ ធ្វើអោយប៉ះពាល់ជម្រក កន្លែងពងកូន ប្រភពចំណី ចំនួនមេពូជថយចុះ និងប៉ះពាល់ដល់គុណភាពទឹក កាលណាបរិមាណ នៃប្រភេទធនធានធម្មជាតិថយចុះនឹងធ្វើអោយតម្លៃរបស់វាឡើងថ្លៃជាងមុន បើសិនជាត្រីក្នុងបឹងទន្លេសាបថយចុះ ការធ្វើវារីវប្បកម្មក្នុងស្រុកតិច មិនអាចផ្គត់ផ្គង់តម្រូវការក្នុងស្រុកគ្រប់គ្រាន់ នឹងមានការនាំចូលត្រីពីប្រទេសក្រៅកាន់តែច្រើនជាងមុន ។

សូមជម្រាបជូនថា៖ សកម្មភាពចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ និងចរន្តទីផ្សារតាមច្រកចេញ-ចូល នៅបណ្តាខេត្តទាំង ៦ ជុំវិញបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ ២០២៤ របស់អាជ្ញាធរទន្លេសាប ។
សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្មធនធានធម្មជាតិនៅតំបន់បឹងទន្លេសាប
- សិក្សាពីប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម
- សិក្សាចរន្តទីផ្សារ នៃការធ្វើអាជីវកម្មធនធានធម្មជាតិ
- សិក្សាពីផលប៉ះពាល់ នៃការធ្វើអាជីវកម្មធនធានធម្មជាតិ ។

ក្រុមការងារនៃនាយកដ្ឋាន រដ្ឋបាល ផែនការ និងសហប្រតិបត្តិការ ដឹកនាំដោយលោក អ៊ុក បញ្ញារិទ្ធ អនុប្រធាននាយកដ្ឋាន ធ្វើការចុះតាមដាន និងវាយតម្លៃប្រសិទ្ធភាពគម្រោងដែលបាននឹងកំពុងអនុវត្តនៅក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង

2024-02-20T15:46:23+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែកុម្ភៈ ឆ្នាំ២០២៤ ក្រុមការងារនៃនាយកដ្ឋាន រដ្ឋបាល ផែនការ និងសហប្រតិបត្តិការ ដឹកនាំដោយលោក អ៊ុក បញ្ញារិទ្ធ អនុប្រធាននាយកដ្ឋាន ធ្វើការចុះតាមដាន និងវាយតម្លៃប្រសិទ្ធភាពគម្រោងដែលបាននឹងកំពុងអនុវត្តនៅក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង។

ការចុះសិក្សានេះ ក្រុមការងារបានធ្វើលើ ការសម្ភាសន៍ជាមួយអ្នកអនុវត្តន៍គម្រោង (លោកមេឃុំ និងសហការីឃុំ)៖
១.ដើម្បីជ្រើសរើសគម្រោងអាទិភាពថ្នាក់ឃុំដែលបាន និងកំពុងអនុវត្តន៍សម្រាប់ធ្វើការត្រួតពិនិត្យតាមដានពីភាពរីកចម្រើន/ប្រសិទ្ធភាពនៃការអនុវត្តគម្រោង
២. ផ្លាស់ប្តូរបទពិសោធន៍អំពីនីតិវិធីតាមដាន និងវាយម្លៃគម្រោង។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលសង្ខេបបានធ្វើការត្រួតពិនិត្យតាមដានគម្រោងដូចក្រោម ៖
ទី១. គម្រោងស្តាបឹងអង្ក្រងផ្តល់ផលប្រយោជន៍ជាលទ្ធភាពស្រោចស្រពទៅដល់ដីជាច្រើនហិកតាសម្រាប់ធ្វើស្រែ និងចំការ
ទី២. គម្រោងជ្រើសរើសប្រជាជន ១១ នាក់សម្រាប់ធ្វើជាជនបង្គោលដើម្បីផ្សព្វផ្សាយពីការចិញ្ចឹមមាន់ទៅតាមគ្រួសារនីមួយៗនៅក្នុងភូមិដែលផ្តល់ផលប្រយោជន៍ទៅលើមុខរបរ និងជីវភាពរស់នៅរបស់អ្នកភូមិ
ទី៣. គម្រោងសាងសង់ផ្លូវគ្រួសក្រហមផ្តល់ផលប្រយោជន៍ដល់ការធ្វើដំណើររស់នៅក្នុងភូមិ
ទី៤. ទទួលបានជាមេរៀនបទពិសោធន៍រវាងក្រុមការងារ និងឃុំអំពីនីតិវិធីតាមដាន និងវាយតម្លៃសម្រាប់គ្រប់គ្រងគម្រោងសម្រេចបានលទ្ធផលដែលយើងចង់បាន។

សកម្មភាពខាងលើនេះ មានគោលបំណង៖ ប្រមូលចងក្រង វិភាគព័ត៌មានពីប្រសិទ្ធភាព នៃការអនុវត្តគម្រោងថ្នាក់ឃុំអាទិភាពដែលបានកំពុងអនុវត្តន៍ និងធ្វើការត្រួតពិនិត្យភាពរីកចម្រើនគម្រោង, ១. ថាតើគោលបំណង និងគោលដៅសូចនាករ របស់គម្រោង ឆ្លើយតបទៅនឹងលទ្ធផលរំពឹងទុក និងលទ្ធផលចុងក្រោយបែបណា, ២.ថាតើគម្រោងទាំងនោះផ្តល់ផលប្រយោជន៍ជាវិជ្ជមាន និងអវិជ្ជមានអ្វីខ្លះទៅដល់បឹងទន្លេសាប និងតំបន់ពាក់ព័ន្ធ។

ទិដ្ឋភាពប្រសព្វខ្សែទឹកទន្លេសាប និងខ្សែទឹកទន្លេមេគង្គនៅរាជធានីភ្នំពេញ រដូវប្រាំង

2024-02-20T15:37:49+00:00

លំហូរទឹកទន្លេមេគង្គ បានបណ្តាលឱ្យទឹកក្នុងទន្លេសាប ហូរបញ្ច្រាសទិសត្រឡប់ឆ្ពោះទៅបឹងទន្លេសាប បង្កបានជាបាតុភូតជលសាស្ត្រធម្មជាតិ ដែលកម្រមានក្នុងសាកលលោក ។

វិសាលភាពបឹងទន្លេសាប មានការប្រែប្រួលតាមរដូវកាល នៅរដូវប្រាំងជម្រៅ ១ម៉ែត្រ-២ម៉ែត្រ ផ្ទៃក្រឡាប្រមាណ ២៥០ ០០០ ហិកតា និងរដូវវស្សាជម្រៅ ៨ម៉ែត្រ-១១ម៉ែត្រ ផ្ទៃក្រឡាប្រមាណ ១ ៥០០ ០០០ ហិកតា ។ មាឌទឹកបឹងទន្លេសាបប្រែប្រួលប្រមាណពី ៤ ៥០០លានម៉ែត្រគូប នៅរដូវប្រាំង ទៅ ១៣៥ ០០០លានម៉ែត្រគូប នៅរដូវវស្សា ។

ទឹកក្នុងបឹងទន្លេសាបនៅរដូវវស្សាបានមកពីទន្លេមេគង្គ ៦២% និង៣៨% ទៀតបានមកពីបណ្តាស្ទឹងធំៗទាំង ១១ ជុំវិញបឹងទន្លេសាប ។

ទឹកជំនន់មកពីទន្លេមេគង្គ មានឥទ្ធិពលទាំងបរិមាណ និងគុណភាពទឹក ហូរចាក់ទៅក្នុងបឹងទន្លេសាប បាននាំមកនូវដីល្បាប់ភក់ផ្តល់នូវជីជាតិយ៉ាងសម្បូរបែប សម្រាប់វាលទំនាបព្រៃលិចទឹកជុំវិញបឹងទន្លេសាប ដែលជម្រកពងកូន និងបង្កជាចំណីដល់ជីវៈចម្រះគ្រប់ប្រភេទ ព្រមជាមួយធនធានជលផលផងដែរ ។(ប្រភព-Alpha Water & Electric Supply, 19 February 2024)

លោក វិន ប៊ុនពៅ ប្រធាននាយកដ្ឋានធនធានធម្មជាតិបានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តសៀមរាប និងខេត្តបាត់ដំបង

2024-02-19T21:56:21+00:00

កាលពីថ្ងៃអង្គារ ៤កើត ដល់ ថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៣ ដល់ ១៧ ខែកុម្ភៈ ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិបានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធ នៅតំបន់ចុងឃ្នៀស ខេត្តសៀមរាប និង តំបន់ព្រែកទាល់ ខេត្តបាត់ដំបង ។

ការចុះសិក្សានេះ ក្រុមការងារបានធ្វើលើ ៖
ទី ១/. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា
ទី២/. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ, វាស់គុណភាពទឹកបឋម និងពិនិត្យលើលំនៅដ្ឋានធនធានជលផលនៅរដូវប្រាំង ។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញថា ៖
១. រកឃើញប្រភេទត្រីចំនួន ៣៥ ប្រភេទ តាមរយៈការនេសាទដោយប្រើប្រាស់នូវឧបករណ៍ចំនួន ២ ប្រភេទ គឺឧបករណ៍មងរាយ និងបរ ។
២. ធនធានក្រៅពីត្រីមានចំនួន ៦ ប្រភេទ និងការប្រើប្រាស់ធនធានត្រីសម្រាប់វារីវប្បកម្មនៅក្នុងតំបន់សិក្សា ។
៣. ការវាស់សំណាកគុណភាពទឹកដោយឧបករណ៍ស្វ័យប្រវត្តិនៅតាមតំបន់សិក្សា រួមមាន៖ កម្រិតភាពថ្លានៃទឹក, អុកស៊ីសែនរលាយក្នុងទឹក(DO), ប៉េហាស (pH), កម្រិតកម្ពស់ទឹក, សីតុណ្ហភាពទឹកបឹង និងកម្រិតស្លែ និងកកររបស់ទឹកបឹង ព្រមទាំងការពិនិត្យភាពសម្បូរនៃប្លង់តុង (ប្លង់តុងរុក្ខជាតិ និងប្លង់តុងសត្វ) ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តសៀមរាប និងខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូតិ៍ដាយត្រី និងតំបន់ពាក់ព័ន្ធ
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី ។

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ ចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅខេត្តកំពង់ធំ

2024-02-17T08:09:08+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែកុម្ភៈ ឆ្នាំ២០២៤ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ នៅក្នុងខេត្តកំពង់ធំ ។
ក្នុងពេលបំពេញការងារអនុវត្តន៍សកម្មភាពខាងលើ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា ៖
១/. ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌរដ្ឋបាលជលផលខេត្ត
២/. ជួបពិភាក្សា និងប្រមូលទិន្នន័យ-ព័ត៌មានជាមួយរដ្ឋបាលឃុំត្រពាំងឬស្សី និងរដ្ឋបាលស្រុកកំពង់ស្វាយ ខេត្តកំពង់ធំ ។
៣/. ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទឧកញ៉ាមហាពពាយ។

ជាមួយនឹងការអនុវត្តសកម្មភាពក្នុងតំបន់សិក្សាខាងលើ ជាលទ្ធផលបឋម ទទួលបានដូចខាងក្រោម ៖
១. ការតាមដានការអនុវត្តការងារក្នុងការគ្រប់គ្រងធនធានធម្មជាតិ
- សមត្ថភាព និងការយល់ដឹងពីគោលការណ៍ តួនាទីភារកិច្ច រួមនឹងការសម្របសម្រួល និងការគ្រប់គ្រង ថវិកា សម្ភារគម្រោង របស់គណៈកម្មការសហគមន៍នេសាទឧកញ៉ាមហាពពាយ មានកម្រិតល្អ
- មានទំនាក់ទំនង និងកិច្ចសហការល្អ ជាមួយជំនាញពាក់ព័ន្ធ អាជ្ញាធរមូលដ្ឋាន និងអង្គការ ដៃគូអភិវឌ្ឍ
- មានការចូលរួមក្នុងការគ្រប់គ្រងធនធានធម្មជាតិ តាមរយៈសកម្មភាពចេញល្បាតញឹកញាប់ ការផ្តល់ព័ត៌មានទាន់ហេតុការណ៍ពីសកម្មភាពប្រព្រឹត្តបទល្មើសនេសាទ និងការដាំ/ថែទាំព្រៃលិចទឹកក្នុងសហគមន៍
- មានការគាំទ្រផ្នែកថវិកាចំនួន ៤លានរៀល ក្នុង ១ឆ្នាំតាមរយៈគម្រោង CAPFISH-Capture ក្រោមការសម្របសម្រួលដោយខណ្ឌរដ្ឋបាលជលផលខេត្តកំពង់ធំ

២. ករណីវិវាទផលប្រយោជន៍ក្នុងសហគមន៍
- វិវាទលើការប្រើប្រាស់ឧបករណ៍នេសាទខុសច្បាប់ និងការលបលួចចូលនេសាទក្នុងដែនអភិរក្សសហគមន៍
- វិវាទដីអាស្រ័យផល របស់ប្រជាពលរដ្ឋចំនួន ២២៨ គ្រួសារ នៅក្នុងដែនសហគមន៍នេសាទ (ស្ថិតនៅក្នុងតំបន់២)

៣. យន្តការដោះស្រាយវិវាទ
- ធ្វើការសម្របសម្រួល អប់រំ/ណែនាំ ដល់អ្នកប្រព្រឹត្តល្មើសក្នុងកម្រិតស្រាល
- អនុវត្តន៍ទៅតាមនីតិវិធីច្បាប់ ចំពោះបុគ្គល/ក្រុមដែលប្រព្រឹត្តល្មើសធ្ងន់ធ្ងរ
- ធ្វើការផ្សព្វផ្សាយបទដ្ឋានគតិយុត្ត និងឯកសារពាក់ព័ន្ធឲ្យបានទូលំទូលាយ
- រដ្ឋបាលខេត្ត និងមន្ទីរជំនាញពាក់ព័ន្ធ បានធ្វើការប្រជុំពិភាក្សា លើករណីវិវាទដីអាស្រ័យផលប្រជាពលដ្ឋទាំង ២២៨ គ្រួសារ នៅក្នុងដែនសហគមន៍ ។

សូមជម្រាបជូនថាៈ សកម្មភាពនៃចុះសិក្សាលើប្រធានបទ សម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ មានគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្នន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធនធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បន្តដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកប្រចាំមុខព្រួញខេត្តកំពង់ធំ សៀមរាប និងបន្ទាយមានជ័យ

2024-02-04T00:10:28+00:00

នៅថ្ងៃសុក្រ ៨ រោច ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០២ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ខេត្តកំពង់ធំ សៀមរាប និងបន្ទាយមានជ័យ ដឹកនាំដោយ ឯកឧត្តម ខូវ មាស អគ្គលេខាធិការរង និងជាប្រធានក្រុមមុខព្រួញ អមដោយលោក ហេង សុវណ្ណារ៉ា ប្រធានមុខព្រួញ ខេត្តកំពង់ធំ និង លោក លឹម វុទ្ធី ប្រធានមុខព្រួញខេត្តបន្ទាយមានជ័យ។

សកម្មភាពក្រុមការងារមានគោលបំណងសំខាន់ដើម្បី៖
- ឆ្លើយតបនឹងតម្រូវការរបស់ថ្នាក់ដឹក ក្នុងការចុះអង្កេតតាមដាន និងត្រួតពិនិត្យផ្ទៀងផ្ទាត់ លើតំបន់ដី តំបន់ ៣ ដែលរងការទន្ទ្រានដីស្រែក្រៅពីតំបន់កាត់ឆ្វៀល និងឈូសឆាយដីថ្មីក្នុងតំបន់ ៣។
- ក្រុមការងារបានសហការណ៍សម្របសម្រួលជាមួយរដ្ឋបាលសាលាខេត្ត ស្រុក ស្ថាប័នពាក់ព័ន្ធ និងអាជ្ញាធរដែនដី ដើម្បីចុះអធិការកិច្ចផ្ទាល់លើតំបន់កាត់ឆ្វៀល និងតំបន់រងការទន្ទ្រាន...។
- ជុំរុញការផ្សព្វផ្សាយ និងសូមឱ្យមានការចូលរួមយ៉ាងសកម្មក្នុងការអនុវត្ត និងគោរពតាមបទដ្ឋានគតិយុត្តដែលមានកន្លងមកដូចជា អនុក្រឹត្យ ១៩៧ អនក្រ.បក និងសារាចរណែនាំ របស់រាជរដ្ឋាភិបាល និងអនុក្រឹត្យនៃការកាត់ឆ្វៀលតាមបណ្តាខេត្តទាំង ៦ ជុំវិញបឹងទន្លេសាប ប្រកបដោយសុក្រឹត្យភាព ប្រសិទ្ធភាពខ្ពស់ និងចូលរួមទប់ស្កាត់គ្រប់សកម្មភាពនៃការទន្ទ្រានចូលក្នុងតំបន់ ៣ ដោយត្រូវមានវិធានការតឹងរឹងបំផុត។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកឯកភ្នំ និងស្រុកថ្មគោល ខេត្តបាត់ដំបង

2024-02-03T12:32:22+00:00

នៅថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០១ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំព្រែកហ្លួង ព្រែកនរិន្ទ និងឃុំពាមឯក ស្រុកឯកភ្នំ, ឃុំបឹងព្រីង ជ្រោយស្តៅ តាម៉ឺន និងឃុំតាពូង ស្រុកថ្មគោល ខេត្តបាត់ដំបង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម ភូមិបាលស្រុក សហគមន៍នេសាទ រួមនឹងកម្លាំងកងរាជអាវុធហត្ថ សឹករង វរសេនាតូចលេខ៣ និងអធិការដ្ឋាននគរបាលស្រុក ខេត្តបាត់ដំបង និងបានធ្វើកំណត់ហេតុលើលទ្ធផលចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកមោងឫស្សី និងស្រុកសង្កែ ខេត្តបាត់ដំបង

2024-02-03T12:09:53+00:00

នៅថ្ងៃសុក្រ ៨រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០២ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រឃុំតាប៉ុន រកា កំពង់ព្រះ និងឃុំកំពង់ព្រៀង ស្រុកសង្កែ និងឃុំឫស្សីក្រាំង ជ្រៃ តាលាស់ កកោះ និងឃុំព្រៃតូច ស្រុកមោងឫស្សី ខេត្តបាត់ដំបង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម មន្ត្រីភូមិបាលស្រុក ផ្នែកជលផល សហគមន៍នេសាទ រួមនឹងកម្លាំងកងរាជអាវុធហត្ថ សឹករង និងអធិការដ្ឋាននគរបាលស្រុក ខេត្តបាត់ដំបង និងបានធ្វើកំណត់ហេតុលើលទ្ធផលនៃការចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន៣ ដែលមានការទន្ទ្រាន។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រខេត្តកំពង់ធំ សៀមរាប និងខេត្តបន្ទាយមានជ័យ

2024-02-03T11:51:37+00:00

នៅថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០១ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ធំ សៀមរាប និងខេត្តបន្ទាយមានជ័យ និងទទួលបានលទ្ធផលពីការចុះអធិការកិច្ចនេះផងដែរ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផលនៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកកណ្តៀង និងស្រុកបាកាន ខេត្តពោធិ៍សាត់

2024-02-03T11:35:00+00:00

នៅថ្ងៃ ពុធ ៦រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣១ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រ ឃុំកញ្ជរ, ស្យា, កណ្តៀង, ស្រែស្តុក និងឃុំរាំងទិល ស្រុកកណ្តៀង និងឃុំស្នាមព្រះ, បឹងបត់កណ្តោល, មេទឹក និងឃុំអូរតាប៉ោង ស្រុកបាកាន ខេត្តពោធិ៍សាត់ តាមស្មារតីអនុក្រឹត្យលេខ ១៩៧អនក្រ.បក។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម ភូមិបាលស្រុក សង្កាត់រដ្ឋបាលជលផល រួមនឹងកម្លាំងកងរាជអាវុធហត្ថ សឹករង និងអធិការដ្ឋាននគរបាលស្រុក ខេត្តពោធិ៍សាត់ និងបានធ្វើកំណត់ហេតុលើលទ្ធផលចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញខេត្តកំពង់ធំ សៀមរាប និងបន្ទាយមានជ័យ

2024-02-01T09:15:09+00:00

នៅថ្ងៃចន្ទ ៤រោច ដល់ថ្ងៃ ពុធ ៦រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ដល់ថ្ងៃទី ៣១ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ដោយបានបែងចែកជា ៣ ក្រុមមុខព្រួញ៖
* ខេត្តសៀមរាប ដឹកនាំដោយ ឯកឧត្តម ខូវ មាស
* ខេត្តកំពង់ធំ ដឹកនាំដោយ លោក ហេង សុវណ្ណារ៉ា
* ខេត្តបន្ទាយមានជ័យ ដឹកនាំដោយ លោក លឹម វុទ្ធី
#. មុខព្រួញខេត្តសៀមរាប បានសហការជាមួយគណៈបញ្ជាការឯកភាពស្រុកកងកម្លាំងប្រដាប់អាវុធ អាជ្ញាធរមូលដ្ឋានពាក់ព័ន្ធ បានចុះទៅដល់ទីតាំងជាក់ស្តែងដែលមានលទ្ធផលបឋមជូនដូចខាងក្រោម៖
- ស្រុកជីក្រែង ឃុំសង្វើយ : មានការទន្ទ្រានថ្មី ចំនួន ៥ហិកតា និងដីក្រៅតំបន់កាត់ឆ្វៀល(ទន្ទ្រានចាស់) ចំនួន ៥.៧៣ហិកតា ។ ចំពោះការទន្ទ្រានដីថ្មីខាងលើនេះត្រូវបានជំនាញទប់ស្កាត់ទាន់ពេលវេលាដោយបានកសាងសុំណុំរឿងទៅតុលាការ។
- ស្រុកសូទ្រនិគម ឃុំកំពង់ឃ្លាំង : ប្រជាជនបានធ្វើស្រែក្រៅតំបន់កាត់ឆ្វៀល (ទន្ទ្រានចាស់) ២គ្រួសារ ចំនួន ៣ហិកតា។
- ឃុំដានរុន : ប្រជាជន ១គ្រួសារបានទៅទន្ទ្រានដីថ្មីចំនួន ៣ហិកតា ។

អាជ្ញាធរស្រុកបានធ្វើកិច្ចសន្យា និងបានដកហូតមកវិញ។
- ស្រុកប្រាសាទគង : ពុំទាន់រកឃេីញការទន្ទ្រានចូលក្រៅពីតំបន់កាត់ឆ្វៀល និងតំបន់តំបន់ ៣ ទេ។
- ក្រុងសៀមរាប សង្កាត់ស្រង៉ែ : ការទន្ទ្រានដីក្នុងតំបន់ពុំបានកាត់ឆ្វៀល(ទន្ទ្រានចាស់) ចំនួន ២៧ ហិកតា (២២គ្រួសារ)។

#. មុខព្រួយខេត្តកំពង់ធំ ក្រុមការងារសហការជាមួយគណ:បញ្ជាការកងឯកភាពខេត្ត ស្រុក មេឃុំ មន្ទីរ-ការិយាល័យជំនាញពាក់ពន្ធ័ បានចុះពិនិត្យទីតាំងផ្ទាល់ក្នុង ស្រុកតាំងគោក ស្រុកបារាយណ៍ ស្រុកសន្ទុក និងក្រុងស្ទឹងសែន ជាលទ្ធផលបឋម ៖

+ ស្រុកតាំងគោកផ្ទៃដីរំលោភទន្ទ្រានមានចំនួន ៤២.១០ហិកតា ក្នុងនោះមានៈ
- តំបន់ស្វាខ្មៅ ឃុំស្រឡៅមាន ចំនួន ២៥.០៥ ហិកតា
- តំបន់ខាងជេីងព្រែកទាល់ឃុំស្រឡៅ ចំនួន ៥.០៥ ហិកតា
- តំបន់ខាងលិចព្រែកទាល់ឃុំស្រឡៅ ចំនួន១២ហិកតា
- អ្នកទន្ទ្រានកាន់កាប់ជាប្រជាពលរដ្ឋឈ្មោះ ហាង អ៊ុំ និងឈ្មោះ នាង ប្រេីស។

+ ស្រុកបារាយណ៍ផ្ទៃដីរំលោភទន្ទ្រានមានចំនួន ១២៣.២ ហិកតា ក្នុងនោះមានៈ
- តំបន់អន្លង់កីមាន ចំនួន ៣.២ ហិកតា
- តំបន់បឹងផ្ទោលមាន ចំនួន ១២ ហិកតា
- តំបន់អូរសាលា ឃុំបារាយណ៍មាន ចំនួន ៣៧ហិកតា
- តំបន់បឹងវៀន ឃុំចុងដូងមាន ចំនួន ៥៣ ហិកតា
- តំបន់បឹងត្រាវ ឃុំចុងដូងមាន ចំនួន ១៨ ហិកតា។
- អ្នកទន្ទ្រានកាន់កាប់ជាប្រជាពលរដ្ឋមិនទាន់កំណត់អត្តសញ្ញាណបាន។

+ ស្រុកសន្ទុកផ្ទៃដីរំលោភទន្ទ្រានមានចំនួន ៥ ហិកតា ស្ថិតក្នុងតំបន់រវ្វង់ខែ ឃុំព្នៅ។ |
+ ក្រុងស្ទឹងសែនផ្ទៃដីរំលោភទន្ទ្រានមានចំនួន ៦៣៥.៣៧ ហិកតា ក្នុងនោះមានៈ
- តំបន់គោកព្រះឃុំស្រយ៉ូវមាន ចំនួន៤១៨.៣១ហិកតា
- តំបន់ខ្ទម្ភមួយដេីម ឃុំស្រយ៉ូវមាន ចំនួន ១៦៣.៧២ ហិកតា
- តំបន់អាងស្នែងក្របី ឃុំស្រយ៉ូវមាន ចំនួន ៥៣.៣៤ ហិកតា
- អ្នកទន្ទ្រានកាន់កាប់ជាប្រជាពលរដ្ឋជួលពីឈ្មួញមិនទាន់កំណត់អត្តសញ្ញាណបាន។

#. មុខព្រួយខេត្តបន្ទាយមានជ័យ ក្រុមការងារបានចុះសហការ ជាមួយអាជ្ញាធរដែនដីដូចខាងក្រោម៖
- ស្រុកមង្គលបុរី ក្រុមការងារសហការជាមួយគណ:បញ្ជាការកងឯកភាពខេត្ត ស្រុក មន្ទីរ ការិ-ជំនាញពាក់ពន្ធ័ មេឃុំ មេភូមិ សរុបសមាសភាពចូលរួម ចំនួន ២២រូប បានចុះពិនិត្យដល់ទីតាំង ឃុំសំបួរ ពុំរកឃេីញមានការទន្ទ្រានដីលេីសពីតំបន់ដែលបានកាត់ឆ្វៀលនោះទេ ។
- ស្រុកព្រះនេត្រព្រះ ក្រុមការងារបានចុះពិនិត្យទីតាំងផ្ទាល់ក្នុង ឃុំភ្នំលៀប និងភូមិកាបៅ និងកំពង់ក្រសាំង ឃេីញថាទីតាំងឃុំភ្នំលៀប ប្រជាពលរដ្ឋកំពុងធ្វើស្រែនៅក្នុងតំបន់ ៣ ក្រៅពីតំបន់កាត់ឆ្វៀល(ទន្ទ្រានចាស់)មាន ចំនួន ១៥គ្រួសារ ដែលកំពុងធ្វើស្រែនៅលើផ្ទៃដីប្រមាណពី ១៥០ ទៅ២០០ ហិកតា ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកក្រគរ ខេត្តពោធិ៍សាត់

2024-02-01T08:52:11+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំអន្សាចំបក់ ក្បាលត្រាច កំពង់លួង អន្លង់ត្នោត ស្នាអន្សា អូរសណ្តាន់ និងឃុំកំពង់ពោធិ៍ ស្រុកក្រគរ ខេត្តពោធិ៍សាត់ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម សង្កាត់រដ្ឋបាលជលផល រួមនឹងកម្លាំងកងរាជអាវុធហត្ថ និងអធិការដ្ឋាននគរបាលស្រុក ខេត្តពោធិ៍សាត់ និងបានធ្វើកំណត់ហេតុលើលទ្ធផលចុះអធិការកិច្ចនេះ ព្រមទាំងបានចាក់សារសំឡេង របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញថ្លែងក្នុងពិធីបិទសន្និបាតបូកសរុបការងារ ឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងកសិកម្ម រុក្ខាប្រមាញ់ និងនេសាទ នៅក្នុងអង្គប្រជុំ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកបរិបូណ៌ ខេត្តកំពង់ឆ្នាំង

2024-02-01T08:30:54+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំឆ្នុកទ្រូ, ត្រពាំងចាន់, ខុនរ៉ង, មេលំ និងឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រខេត្តកំពង់ធំ សៀមរាប និងខេត្តបន្ទាយមានជ័យ

2024-02-01T00:42:18+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ធំ សៀមរាប និងខេត្តបន្ទាយមានជ័យ និងទទួលបានលទ្ធផលពីការចុះអធិការកិច្ចនេះផងដែរ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផលនៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងប្រជុំត្រួតពិនិត្យការចុះបញ្ជីដីធ្លីនៅតំបន់ទន្លេសាប

2024-01-31T23:23:58+00:00

នៅទីស្តីការក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែមករា ឆ្នាំ២០២៤ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដោយឯកឧត្តមរដ្ឋលេខាធិការប្រចាំការ ឯកឧត្តមថ្នាក់ដឹកនាំក្រសួង និងឯកឧត្តមអនុប្រធានអាជ្ញាធរទន្លេសាប និងមន្ត្រីបច្ចេកទេស បានអញ្ជើញចូលរួមក្នុងកិច្ចប្រជុំអន្តរក្រសួងដើម្បីពិភាក្សា...អានត

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកកំពង់លែង ខេត្តកំពង់ឆ្នាំង

2024-01-30T16:47:57+00:00

នៅថ្ងៃចន្ទ ៤រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំផ្លូវទូក, ពោធិ៍, ច្រណូក, ដារ, សំរោងសែន និងឃុំស្វាយរំពារ ស្រុកកំពង់លែង ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ឆ្នាំង និងបានធ្វើកំណត់ហេតុលើលទ្ធផលចុះអធិការកិច្ចនេះផងដែរ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ តាមរយៈលិខិតលេខ ២៦ សជណ ចុះថ្ងៃទី ០៥ ខែមករា ឆ្នាំ២០២៤ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកជលគីរី ខេត្តកំពង់ឆ្នាំង

2024-01-29T16:29:01+00:00

នៅថ្ងៃសុក្រ ១រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៦ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះតាមដានត្រួតពិនិត្យ និងផ្ទៀងផ្ទាត់ និយាមកាបង្គោលព្រំការពារដែនព្រៃលិចទឹក និងព្រៃលិចទឹក ស្ថិតនៅក្នុងភូមិសាស្ត្រ ឃុំពាមឆ្កោក ស្រុកជលគីរី ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានការចូលរួមពីតំណាងរដ្ឋបាលស្រុក អាជ្ញាធរឃុំ និងប៉ុស្តិ៍នគរបាលឃុំ និងធ្វើកំណត់ហេតុលើលទ្ធផលចុះអធិការកិច្ចនេះផងដែរ ។- ចុះដល់ទីតាំង និងពិនិត្យស្ថានភាពបង្គោលព្រំតំបន់៣ នៅឃុំពាមឆ្កោក ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅឃុំពាមឆ្កោក ។
- បានចុះដល់ចំនុចព្រែកកំពង់តាអួរ, ជ្រុងត្រែង, ទំនប់ឆ្តោ, ចុងខ្សាច់, ទួលវាលស្រង៉ែ, វាលសំណាប, ព្រែកប្រណាក, បាក់កាំភ្លើង, ព្រែកអញ្ចាញ, ព្រែកធំ, ក្រោយភូមិក្បាលក្រឡង់, កោះរការ និងស្តីដក់គង ។

ជាការកត់សំគាល់ ៖
- បង្គោលព្រំដែនព្រៃលិចទឹកតំបន់ ៣ ស្ថិតក្នុងឃុំពាមឆ្កោក បានបោះចំទីតាង ក្នុងនោះមាននៅឈរត្រង់ល្អភាគច្រើន មួយចំនួនដួលរលំ និងបាត់មួយចំនួនផងដែរ ។
- ផ្ទៃដីក្នុងដែនព្រៃលិចទឹកតំបន់ ៣ នៅតែមានប្រជាពលរដ្ឋបន្តចូលប្រើប្រាស់ អាស្រ័យផល និងទន្ទ្រានថ្មី នៅតំបន់ខ្លះ និងមានករណីជីកស្រះចិញ្ចឹមត្រី ជីកយកអាចម៍ដី និងប្រឡាយទឹក ទោះបីមានការហាមឃាត់តឹងរឹងពីអាជ្ញាធរដែនដីក៏ដោយ ។

សូមជម្រាបជូនថា ៖ សកម្មភាពចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រខេត្តកំពង់ឆ្នាំង ក្រុមការងារជំនាញបច្ចេកទេសដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាបនឹងបន្តចុះសិក្សាបន្ថែមទៀតរហូតបញ្ចប់តាមផែនការគ្រោងទុក ។

សកម្មភាពខាងលើនេះ មានគោលបំណងសំខាន់ដើម្បី ៖
- តាមដាន ត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងព្រៃលិចទឹកតំបន់ ៣
- សហការសម្របសម្រួលជាមួយស្ថាប័នជំនាញ និងអាជ្ញាធរដែនដីពាក់ព័ន្ធ ដើម្បីចុះអធិការកិច្ចលើរាល់គ្រប់សកម្មភាពពាក់ព័ន្ធដែនព្រៃលិចទឹក និងព្រៃលិចទឹក
- ពិនិត្យ ជួសជុល និងថែទាំ ឬ ដាំបង្គោលព្រំ និងស្លាកសញ្ញាការពារដែនព្រៃលិចទឹក និងព្រៃលិចទឹក
- ចូលរួមគ្រប់សកម្មភាពការពារធនធានធម្មជាតិ ពិសេសព្រៃលិចទឹក និងដែនព្រៃលិចទឹកនៅជុំវិញបឹងទន្លេសាប និងតំបន់ពាក់ព័ន្ធប្រកបដោយប្រសិទ្ធភាពខ្ពស់ ៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រស្រុកស្ទោង ខេត្តកំពង់ធំ

2024-01-26T08:37:23+00:00

នៅថ្ងៃអង្គារ ១៣កើត ដល់ថ្ងៃព្រហស្បតិ៍ ១៥កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ដល់ថ្ងៃទី ២៥ ខែមករា ឆ្នាំ២០២៤ ក្រុមការងារចុះពិនិត្យតាមដាន ចុះពិនិត្យដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ៦ ដឹកនាំដោយ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចុះតាមដានត្រួតពិនិត្យ និងផ្ទៀងផ្ទាត់ និយាមកាបង្គោលព្រំការពារដែនព្រៃលិចទឹក និងព្រៃលិចទឹកស្ថិតនៅឃុំចំណារក្រោម ឃុំសំព្រោច និងឃុំម្សាក្រង ស្រុកស្ទោង ខេត្តកំពង់ធំ តាមស្មារតីអនុក្រឹត្យលេខ ១៩៧ អនក្រ.បក។

ដំណើរការ និងលទ្ធផលរបស់ក្រុមការងារសម្រេចបាន៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ បានចុះអនុវត្តផ្ទាល់ដល់ទីតាំង និងបានពិភាក្សាការងារជាមួយ តំណាងរដ្ឋបាលខេត្តកំពង់ធំ អភិបាល-អភិបាលរងស្រុកស្ទោង មេបញ្ជាការ-មេបញ្ជាការរងស្រុកស្ទោង អធិការ-អធិការរងស្រុកស្ទោង ប្រធានការិយាល័យច្រកចេញចូលតែមួយ នាយសង្កាត់ជលផលស្រុកស្ទោង ប្រធានការិយាល័យរៀបចំដែនដី នគរូបនីយកម្ម និងសំណង់ ប្រធានស្តីទីការិយាល័យនីតិកម្ម និងមេឃុំ-ក្រុមប្រឹក្សាទាំង ៤ឃុំ។
- ចុះដល់ទីតាំង និងពិនិត្យស្ថានភាពបង្គោលព្រំតំបន់៣ នៅឃុំចំណារក្រោម ឃុំសំព្រោច និងឃុំម្សាក្រង។
- ចុះពិនិត្យផ្ទៃដីដែលប្រជាពលរដ្ឋកំពុងអាស្រ័យផល ស្ថិតនៅអាងទឹកសហគមន៍ ៣ ភូមិ ស្ថិតនៅឃុំចំណារក្រោម មានប្រជាពលរដ្ឋមកពីភូមិត្រពាំងជ័រ ភូមិក្លិន ភូមិប្រាសាទ នៃឃុំចំណារលើ, ភូមិស្ពានក្រង ភូមិសណ្តាន់ ភូមិនាងណយ នៃឃុំចំណារក្រោម ។
- បានចុះដល់ចំនុចផ្តៅពេន និងចំនុចត្រពាំងក្រប៉ៅ មានប្រជាពលរដ្ឋទាំងអស់មកពីភូមិសំបួរត្បូង និងភូមិបត់ត្រង់ ឃុំម្សាក្រង ។

ជាការកត់សំគាល់៖
- បង្គោលព្រំ ដែនព្រៃលិចទឹកតំបន់៣ ស្ថិតក្នុងឃុំចំណារក្រោម ឃុំសំព្រោចនិងឃុំម្សាក្រង បានបោះចំទីតាងនិងត្រង់ល្អភាគច្រើន។
- ផ្ទៃដីក្នុងដែនព្រៃលិចទឹកតំបន់ ៣ នៅតែមានប្រជាពលរដ្ឋមួយចំនួន បន្តចូលទៅទន្ទ្រាន នៅតំបន់ខ្លះ ទោះបីមានការហាមឃាត់តឹងរឹងពីអាជ្ញាធរស្រុកស្ទោងក៏ដោយ ។

សូមជម្រាបជូនថា ៖ សកម្មភាពចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រខេត្តកំពង់ធំ ក្រុមការងារជំនាញបច្ចេកទេសដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាបនឹងបន្តចុះសិក្សាបន្ថែមទៀតរហូតបញ្ចប់តាមផែនការគ្រោងទុក ។

ថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប ចុះពិនិត្យទីតាំងឈួសឆាយទន្ទ្រានដីព្រៃលិចទឹក ក្នុងតំបន់ ៣ នៃខេត្តកំពង់ធំ

2024-01-23T17:29:58+00:00

ដោយទទួលបានការណែនាំដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នាថ្ងៃទី ២២ ខែមករា ឆ្នាំ២០២៤ ក្រុមមន្ត្រីបច្ចេកទេសរបស់អាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចុះពិនិត្យអធិការកិច្ចលើទីតាំង ដែលបានឈួសឆាយទន្ទ្រានយកដីព្រៃលិចទឹកនៅក្នុងតំបន់ ៣ ស្ថិតក្នុងភូមិសាស្ត្រតំបន់ឃុំកំពង់គោ ស្រុកកំពង់ស្វាយ ខេត្តកំពង់ធំ ។ ក្រោយពីថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប ដោយសហការជាមួយថ្នាក់ដឹកនាំអាជ្ញាធរខេត្ត និងមន្ត្រីអាជ្ញាធរមូលដ្ឋានស្រុក ឃុំពាក់ព័ន្ធទីតាំងឈួសឆាយទន្ទ្រានខាងលើ បានពិនិត្យឃើញថា ផ្ទៃដីស្ថិតក្នុងតំបន់ ៣ ត្រូវបានក្រុមឈ្មួញឃុបឃិតគ្នា ធ្វើការឈួសឆាយ ដើម្បីពង្រីកផ្ទៃដីស្រែប្រាំង ឬស្រូវប្រដេញទឹកបន្ថែមទៀត បើទោះបីតំបន់នេះ ត្រូវបានរាជរដ្ឋាភិបាល បានធ្វើការកាត់ឆ្វៀលជូនកន្លងមកក៏ដោយ ។

សូមបញ្ជាក់ថា ទីតាំងតំបន់ដីវាលក្រោមស្ថិតក្នុងភូមិសាស្ត្រ ខេត្តកំពង់ធំ កាលពីឆ្នាំ ២០២២ រាជរដ្ឋាភិបាល បានធ្វើការកាត់ឆ្វៀលផ្ទៃដីពីតបន់ ៣ មកតំបន់ ២ ទំហំ ៣៤ ១៥៩ហិកតា ៧០អា ស្មើ ៨ ៦៦១ គ្រួសារ សម្រាប់អាស្រ័យផល និងកាត់ពីតំបន់ ២ មកតំបន់ ១ ទំហំ ១៧ ៣៣៩ហិកតា ៥៦អា ស្មើ ១០ ៨០៣ គ្រួសារ សម្រាប់លំនៅដ្ឋាន ។

បន្ទាប់ពីចុះពិនិត្យជាក់ស្តែងលើទំហំផ្ទៃដី ដែលទទួលរងការឈួសឆាយទន្ទ្រានរួចមក ថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប បានរៀបចំកំណត់ហេតុ និងបានអោយអាជ្ញាធរខេត្ត ស្រុក និងឃុំពាក់ព័ន្ធទីតាំងទន្ទ្រាននេះ ទទួលស្គាល់ និងសន្យាការពារមិនអោយមានការដាំដុះនៅលើដីដែលបានទន្ទ្រាននេះឡើយ បើពុំនោះនឹងទទួលខុសត្រូវចំពោះមុខច្បាប់ជាធរមាន ហើយក៏ត្រូវបន្តសកម្មភាពស្វែងរកបុគ្គលឈ្មួញ ដែលបានប្រព្រឹត្ត យកមកដោះស្រាយតាមនីតិវិធីច្បាប់ ។ ក្នុងនោះដែរ ត្រូវបន្តកិច្ចសហការ និងអនុវត្តតាមស្មារតីនៃតួនាទី និងការទទួលខុសត្រូវដូចបានកំណត់ក្នុងអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១។

សូមបញ្ជាក់ថា ៖ អាជ្ញាធរទន្លេសាប គឺជាស្ថាប័នមួយដែលជាសេនាធិការឲ្យរាជរដ្ឋាភិបាល ក្នុងអាណត្តិការងារសម្របសម្រួលក្នុងការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ។ ដោយឡែកក្នុងស្មារតីខ្លឹមសារមាត្រា ៤ អនុក្រឹត្យលេខ ១៩៧ អនក្រ.បក បានចែងថា អាជ្ញាធរទន្លេសាបមានភារកិច្ចធ្វើអធិការកិច្ចលើសកម្មភាពដែនព្រៃលិច និងព្រៃលិចទឹក រួចធ្វើរបាយការណ៍ជូននាយករដ្ឋមន្ត្រី ដើម្បីមានវិធានការសម្រេច៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អញ្ជើញជាអធិបតីភាពដឹកនាំសម្របសម្រួលកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប

2024-01-18T10:58:48+00:00

រាជធានីភ្នំពេញៈ នៅអាជ្ញាធរទន្លេសាប នាព្រឹកថ្ងៃពុធ ៧កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៧ ខែមករា ឆ្នាំ២០២៤ អាជ្ញាធរទន្លេសាប បានរៀបចំកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប ដឹកនាំសម្របសម្រួលដោយឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាបតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប។

កិច្ចប្រជុំពិគ្រោះយោបល់នេះ ក៏មានការអញ្ជើញចូលរួមពី ឯកឧត្តមអគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន ក្រុមការងារមន្ត្រីបច្ចេកទេសអាជ្ញាធរទន្លេសាប និងឯកឧត្តម អស់លោកតំណាងក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងបរិស្ថាន, ក្រសួងកសិកម្ម រុក្ខាប្រមាញ់ និងនេសាទ, ក្រសួងអភិវឌ្ឍន៍ជនបទ, រដ្ឋបាលជលផល មានចំនួនសរុប ៤១រូប ។

សូមបញ្ជាក់ថា កិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួងនេះ មានគោលបំណង ដូចខាងក្រោម ៖

១. ពិនិត្យ និងផ្ទៀងផ្ទាត់ព័ត៌មាន ទិន្នន័យឡើងវិញ បន្ទាប់ពីកិច្ចប្រជុំជាមួយថ្នាក់ខេត្ត នៃខេត្តទាំង ៦ ជុំវិញបឹងទន្លេសាប

២. ពិភាក្សា និងពិនិត្យព័ត៌មាន ទិន្នន័យមានលក្ខណៈបច្ចេកទេសត្រឹមត្រូវ និងរៀបចំកំណត់ផែនទីរួមតែមួយ ក្នុងការបែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ឲ្យបានច្បាស់លាស់

៣.ស្វែងរកធាតុចូលឲ្យបានត្រឹមត្រូវ សំដៅរកការឯកភាព និងសម្រេចបាននូវគោលគំនិតរួមតែមួយ អំពីការកំណត់បែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ដើម្បីដាក់ជូនថ្នាក់ដឹកនាំក្រសួង/ស្ថាប័ន និងរាជរដ្ឋាភិបាល ពិនិត្យ សម្រេច និងផ្តល់អនុសាសន៍ណែនាំ។

ជាកិច្ចចាប់ផ្តើម ឯកឧត្តម ហ៊ែល តូនី បានសម្តែងនូវសេចក្តីរីករាយ និងស្វាគមន៍ចំពោះឯកឧត្តម អស់លោកតំណាងក្រសួង-ស្ថាប័នពាក់ព័ន្ធ ដែលបានឆ្លៀតពេលវេលាដ៏មានតម្លៃចូលរួមក្នុងកិច្ចប្រជុំដ៏មានសារ:សំខាន់នាព្រឹកនេះ និងថ្លែងអំណរគុណចំពោះកិច្ចសហការពីក្រសួង-ស្ថាប័ន ថ្នាក់ជាតិ និងថ្នាក់ក្រោមជាតិ (អាជ្ញាធរខេត្ត ស្រុក ឃុំ) ដែលបានចូលរួមកិច្ចប្រជុំពិភាក្សា ស្តីពីការចុះពិនិត្យផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកតំបន់ជុំវិញបឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង, កំពង់ធំ, ពោធិ៍សាត់, បាត់ដំបង, បន្ទាយមានជ័យ និងខេត្តសៀមរាប ចាប់តាំងពីខែវិច្ឆិកា ឆ្នាំ ២០២៣ មកដល់ពាក់កណ្តាលខែមករា ឆ្នាំ ២០២៤ ។

ក្នុងកិច្ចប្រជុំពិគ្រោះយោបល់នេះ ក៏បានធ្វើបទបង្ហាញពីទិន្នន័យ និងផែនទីបែងចែកដីព្រំប្រទល់ដែនព្រៃលិចទឹក និងព្រៃលិចទឹកតំបន់ ១ តំបន់២ និងតំបន់៣ នៅក្នុងភូមិសាស្ត្រខេត្តទាំង៦ ជុំវិញបឹងទន្លេសាប មានខេត្តកំពង់ធំ, សៀមរាប, បន្ទាយមានជ័យ, បាត់ដំបង និងខេត្តកំពង់ឆ្នាំង ព្រមទាំងពិភាក្សាលើលទ្ធផលវឌ្ឍនភាពការកាត់ឆ្វៀលផ្ទៃដីព្រៃលិចទឹករវាងក្រុមការងារអាជ្ញាធរទន្លេសាប និងក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលជលផល។

ជារួមកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប បានលទ្ធផល និងឯកភាពជាគោលការណ៍មួយចំនួនរួមមាន៖
១. ទទួលបានធាតុចូលសំខាន់ៗ និងការផ្តល់យោបល់ល្អៗ ព្រមទាំងកិច្ចសហការយ៉ាងជិតស្និទ្ធពីក្រសួងស្ថាប័ន/ជំនាញពាក់ព័ន្ធ
២. ឯកភាព ទទួលយកការពិភាក្សា និងពិនិត្យជាបន្តបន្ទាប់លើព័ត៌មានទិន្នន័យឲ្យបានច្បាស់លាស់ ដើម្បីរៀបចំកំណត់បានជាផែនទីរួមតែមួយ ប្រកបដោយត្រឹមត្រូវមុននឹងរៀបចំរបាយការណ៍ក្នុងការបែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ដាក់ជូនថ្នាក់ដឹកនាំក្រសួង/ស្ថាប័ន និងរាជរដ្ឋាភិបាល ស្នើសុំការពិនិត្យ សម្រេច និងផ្តល់អនុសាសន៍ណែនាំ
៣. ឯកភាព ឲ្យមន្ត្រីបច្ចេកទេសក្រសួងស្ថាប័នទាំង បី ( អាជ្ញាធរទន្លេសាប, ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលជលផល) បន្តធ្វើការរួមគ្នាពិនិត្យ និងផ្ទៀងផ្ទាត់ឡើងវិញលើព័ត៌មាន ទិន្នន័យ និងរៀបចំផែនទីរួម ក្នុងការកំណត់បែងចែកតំបន់ ១ តំបន់ ២ និងតំបន់ ៣ ជុំវិញបឹងទន្លេសាប ដើម្បីដាក់ប្រជុំពិនិត្យ និងពិភាក្សារួមជាមួយក្រសួងស្ថាប័នពាក់ព័ន្ធ មុននឹងសម្រេចចុងក្រោយ ដាក់ជូនថ្នាក់ដឹកនាំ និងរាជរដ្ឋាភិបាល ពិនិត្យ និងសម្រេច
៤. បន្តរក្សាស្មារតីអនុវត្តខ្លឹមសារអនុក្រឹត្យលេខ១៩៧ អនក្រ.បក ជាមូលដ្ឋាន ព្រមជាមួយបទដ្ឋានគតិយុត្តិពាក់ព័ន្ធនឹងការការពារដែនព្រៃលិចទឹកតំបន់បឹងទន្លេសាប ក្រោយពីការកាត់ឆ្វៀលត្រូវបានបិទបញ្ចប់ក្នុងខេត្តទាំង ៦ ជុំវិញបឹងទន្លេសាប
៥. ក្រសួងជំនាញពាក់ព័ន្ធ នឹងទទួលយកនូវទិន្នន័យគោលនេះ ទៅពិនិត្យលើឯកសារគតិយុត្តនានា របស់អង្គភាពសាម៉ី ដើម្បីធ្វេីការអភិវឌ្ឍន៍ និងអភិរក្សបរិស្ថានធនធានធម្មជាតិ នៅក្នុងតំបន់ជុំវិញបឹងទន្លេសាប ព្រមទាំងចូលរួមសហការមានវិធានការការពារដែនព្រៃលិចទឹកតំបន់៣ ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ក៏បានកំណត់ទំហំនៃដែនព្រៃលិចទឹក (តំបន់៣) និងនិយាមការស្ថិតក្នុងភូមិសាស្ត្រខេត្តទាំង ៦ ជុំវិញបឹងទន្លេសាប មានខេត្តកំពង់ឆ្នាំង កំពង់ធំ ពោធិ៍សាត់ បាត់ដំបង បន្ទាយមានជ័យ និងខេត្តសៀមរាប ព្រមជាមួយការកំណត់បែងចែកតួនាទី ភារកិច្ច និងការទទួលខុសត្រូវច្បាស់លាស់ ក្នុងការចូលរួមការពារដែនព្រៃលិចទឹក (តំបន់ ៣) ជុំវិញបឹងទន្លេសាប ។

គួរបញ្ជាក់ផងដែរថា អាជ្ញាធរទន្លេសាប ជាអង្គភាពថ្នាក់ជាតិដែលមានភារកិច្ចសិក្សាស្រាវជ្រាវ សម្របសម្រួលក្នុងការគ្រប់គ្រង អភិរក្ស និងអភិវឌ្ឍន៍តំបន់ទន្លេសាបឱ្យមានប្រសិទ្ធភាព ដើម្បីធានាបាននូវផលប្រយោជន៍ប្រកបដោយនិរន្តរភាព។ ដោយចាប់បង្កើតឡើងក្នុងឆ្នាំ២០០៧ អាជ្ញាធរអាងទន្លេសាប បានប្តូរឈ្មោះជាអាជ្ញាធរទន្លេសាបវិញក្នុងឆ្នាំ២០០៩ ។ អាជ្ញាធរទន្លេសាបបានដើរតួនាទីជាសេនាធិការឱ្យរាជរដ្ឋាភិបាល ៕

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អញ្ជើញជាអធិបតីភាពដ៏ខ្ពង់ខ្ពស់បើកកិច្ចប្រជុំវាយតម្លៃការអនុវត្តផែនការសកម្មភាពការងារប្រចាំឆ្នាំ ២០២៣ ពិនិត្យវឌ្ឍនភាពការងារអាជ្ញាធរទន្លេសាបឆ្នាំ២០២៣

2024-01-17T12:55:47+00:00

នារសៀលថ្ងៃអង្គារ ៦ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែមករា ឆ្នាំ ២០២៤ នៅសាលប្រជុំទីស្តីការក្រសួង ក្រោមអធិបតីភាព ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញជាកិត្តិយសបើកកិច្ចប្រជុំវាយតម្លៃការអនុវត្តផែនការសកម្មភាពការងារប្រចាំឆ្នាំ ២០២៣ ពិនិត្យវឌ្ឍនភាពការងារអាជ្ញាធរទន្លេសាបឆ្នាំ២០២៣ និងលើកទិសដៅបន្តអនុវត្តន៍សម្រាប់ឆ្នាំ២០២៤ ដោយមានការអញ្ជើញចូលរួមពីឯកឧត្តម អនុប្រធាន អាជ្ញាធរទន្លេសាប ឯកឧត្តម អគ្គលេខាធិការ អគ្គលេខាធិការរង លោកទីប្រឹក្សា លោក-លោកស្រី ប្រធាន-អនុប្រធាននាយកដ្ឋាន និងមន្ត្រីរាជការក្រោមឱវាទអគ្គលេខាធិការដ្ឋានអាជ្ញាធរទន្លេសាប មានចំនួនសរុប ៦១រូប ។

ក្នុងឱកាសបើកកិច្ចប្រជុំ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានមានមតិសំណេះសំណាល និងណែនាំអំពីការងារចំពោះមុខ ដែលបានកំណត់ពីបេសកកម្មស្នូល និងការទទួលខុសត្រូវរបស់អាជ្ញាធរទន្លេសាប និងបានគូសបញ្ជាក់ជាអង្គភាពថ្នាក់ជាតិពាក់ព័ន្ធនឹងកិច្ចការពហុវិស័យស្ថិតក្នុងដែនវិសាលភាពបឹងទន្លេសាប ក្នុងតួនាទី ភារកិច្ច លើការសិក្សាស្រាវជ្រាវ និងសម្របសម្រួល សម្រាប់ការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ បរិស្ថាន និងសេដ្ឋកិច្ចសង្គមតំបន់បឹងទន្លេសាបប្រកបដោយនិរន្តរភាព។

ទន្ទឹមគ្នានេះដែរ ឯកឧត្តមប្រធាន អាជ្ញាធរទន្លេសាប បានផ្តាំផ្ញើដល់ថ្នាក់ដឹកនាំ និងមន្ត្រីនៃអគ្គលេខាធិការដ្ឋាន អាជ្ញាធរទន្លេសាប បន្តយកចិត្តទុកដាក់ពង្រឹងការអនុវត្តការងារឱ្យកាន់តែសកម្ម ច្បាស់លាស់ និងមានប្រសិទ្ធភាពថែមទៀត ដោយធ្វើយ៉ាងណាឲ្យលេចចេញជាសមិទ្ធផល របស់ស្ថាប័នអាជ្ញាធរទន្លេសាប ដែលអាចយកទៅប្រើប្រាស់បាន និងទទួលស្គាល់ជាផ្លូវការ សម្រាប់ការរៀបចំគោលនយោបាយ ផែនការយុទ្ធសាស្ត្រ គាំទ្រដល់កម្មវិធីឬគម្រោងនានា និងសម្រាប់ជាមូលដ្ឋានសំខាន់ដល់អ្នកសិក្សាស្រាវជ្រាវ ។

ក្រោយពីឯកឧត្តមប្រធាន អាជ្ញាធរទន្លេសាប បានធ្វើការណែនាំ និងផ្តល់អនុសាសន៍ដ៏ខ្ពង់ខ្ពស់មួយចំនួននៅក្នុងការបើកកិច្ចប្រជុំនារសៀលនេះ ឯកឧត្តមប្រធាន ក៏បានប្រគល់ជូននូវ សៀវភៅផែនការយុទ្ធសាស្ត្រ រយៈពេល ៥ ឆ្នាំ របស់អាជ្ញាធរទន្លេសាប (២០២៤-២០២៨) ដើម្បីធ្វើជាត្រីវិស័យក្នុងដំណើរការការអនុវត្ត និងចូលរួមចំណែកគាំទ្រលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាល ក្នុងនីតិកាលទី ៧ ។

បន្ទាប់ពីបទបង្ហាញ និងកិច្ចពិភាក្សាវឌ្ឍនភាពនៃការអនុវត្តន៍ផែនការសកម្មភាពឆ្នាំ២០២៣ របស់ថ្នាក់ដឹកនាំ និងនាយកដ្ឋានទាំង ៤ រួចមក ឯកឧត្តម សរ គឹមសាន្ត អគ្គលេខាធិការ ក៏បានលើកបង្ហាញពីទិសដៅសម្រាប់អនុវត្តន៍នៅក្នុងឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប ក្នុងការគាំទ្រដល់ដំណើរការអនុវត្តផែនការយុទ្ធសាស្ត្រ របស់អាជ្ញាធរទន្លេសាប ២០២៤-២០២៨ ឲ្យសម្រេចបានជោគជ័យ ដែលក្នុងនោះមានសកម្មភាពសរុបមានចំនួន ២៨ សកម្មភាព ផ្តោតលើអន្តរវិស័យក្នុងដែនគ្រប់គ្រង អភិរក្ស និងអភិវឌ្ឍន៍ បរិស្ថានធនធានធម្មជាតិ នៅតំបន់ជុំវិញបឹងទន្លេសាប ព្រមទាំងបានយកអនុសាសន៍ណែនាំដ៏ខ្ពង់ខ្ពស់ពីឯកឧត្តមប្រធានអាជ្ញាធរទន្លេសាប ដូចខាងក្រោម៖

1. ចុះសិក្សាស្រាវជ្រាវប្រមូលទិន្នន័យច្បាស់លាស់ និងធ្វើការវិភាគ
2. រៀបចំចងក្រងបោះពុម្ពសមិទ្ធផលដែលរកឃើញ
3. ធ្វើការផ្សព្វផ្សាយ និងចែករំលែកព័ត៌មានទិន្នន័យ។

ក្នុងឱកាសបូកសរុបកិច្ចប្រជុំនេះ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានផ្តល់មតិណែនាំបន្ថែម ផ្តោតសំខាន់ទៅលើ៖
- បង្កើនកិច្ចសហការជាមួយដៃគូអភិវឌ្ឍន៍ និងសាកលវិទ្យាល័យក្នុងស្រុក លើការសិក្សាស្រាវជ្រាវ និងចែករំលែករបកគំហើញពីការសិក្សាស្រាវជ្រាវ
- បង្កើនការយកចិត្តទុកដាក់លើប្រសិទ្ធភាពការផ្សព្វផ្សាយតាមប្រព័ន្ធឌីជីថល និងជាឯកសាររង(ទស្សនាវដ្តី ខិតប័ណ្ណ ...)
- ពិនិត្យលើការលើកផែនការសកម្មភាពអន្តរវិស័យឆ្នាំ២០២៤ ត្រូវអនុវត្តសិក្សារួមគ្នារវាងនាយកដ្ឋានជំនាញនៃអគ្គលេខាធិការដ្ឋាន ។

លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់ស្តីពី ការបំពុលប្លាស្ទិកក្នុងទន្លេនៅប្រទេសកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ

2024-01-15T12:34:05+00:00

នាថ្ងៃព្រហស្បតិ៍ ១កើត ដល់ថ្ងៃសុក្រ ២កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១១ ដល់ថ្ងៃទី១២ ខែមករា ឆ្នាំ២០២៤ លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ ស្តីពីការបំពុលប្លាស្ទិកក្នុងទន្លេនៅប្រទេសកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ ដែលរៀបចំដោយអគ្គនាយកដ្ឋានគាំពារបរិស្ថាន នៃក្រសួងបរិស្ថានសហការជាមួយកម្មវិធីអភិវឌ្ឍន៍អង្គការសហប្រជាជាតិ (UNEP)។

គោលបំណងសំខាន់ នៃសិក្ខាសាលាពិគ្រោះយោបល់៖
១. លើកកម្ពស់ការយល់ដឹង ដល់ មន្ត្រីក្រសួងស្ថាប័នពាក់ព័ន្ធលើការអនុវត្តអនុសញ្ញាបាសែល ដើម្បីទប់ស្កាត់ការបំពុលសំណល់ប្លាស្ទិកក្នុងទន្លេ សំដៅចូលរួមដល់ការការពារសុខភាពសារធារណៈ និងកិច្ចគាំពារបរិស្ថានតាមរយៈការចែករំលែកព័ត៌មានស្តីពីលទ្ធផលនៃការសិក្សាការវាយតម្លៃការបំពុលប្លាស្ទិកក្នុងទន្លេ និងការគ្រប់គ្រងសំណល់រឹងនៅកម្ពុជា និងបទបង្ហាញសេចក្តីណែនាំសង្ខេបអំពីទម្រង់ និងការរចនានៃការរៀបចំឯកសារសំណើគម្រោង ស្ថានភាពម្ចាស់ជំនួយជាតិនៅកម្ពុជាដែលអាចស្នើសុំថវិកាពីធនាគារ និងគំនិតផ្តួចផ្តើមស្តីពីការតាមដានការបំពុលប្លាស្ទិកក្នុងទន្លេ
២. ការពិភាក្សា ពិគ្រោះយោបល់លើ (i) ឧបករណ៍ និងវិធីសាស្ត្រសម្រាប់ការវាយតម្លៃប្លាស្ទិក និងផែនការការងារដើម្បីឲ្យប្រសើរឡើងនូវការវាយតម្លៃ និងការតាមដានការបំពុលប្លាស្ទិកនៅក្នុងទន្លេ ព្រមទាំងលើ (ii) សកម្មភាពគម្រោងដែលមានសក្តានុពលសម្រាប់គម្រោងដែលអាចស្នើសុំថវិកាពីធនាគារនៅកម្ពុជា ។

ជាលទ្ធផលនៃអង្គសិក្ខាសាលាពិគ្រោះ សិក្ខាកាមដែលបានអញ្ជើញមកពីក្រសួង ស្ថាប័ន NGOs និងវិស័យឯកជនពាក់ព័ន្ធ បានផ្តល់ធាតុចូលបន្ថែមជាច្រើនដល់គម្រោងក្នុងការរៀបចំបង្កើតសកម្មភាពគម្រោងក្នុងការតាមដានលើការបំពុលប្លាស្ទិកក្នុងទន្លេ ការចូលរួមការកាត់បន្ថយការប្រើប្រាស់ប្លាស្ទិក ព្រមទាំងវិធានការការពារការបំពុលប្លាស្ទិកនៅក្នុងទន្លេ។

សូមជម្រាបជូនថា ៖ សិក្ខាសាលាបណ្តុះបណ្តាលនេះ បានប្រព្រឹត្តទៅក្រោមអធិបតីភាព ឯកឧត្តម សាបូ អូហ្សាណូ រដ្ឋលេខាធិការ នៃក្រសួងបរិស្ថាន ដោយមានការអញ្ជើញចូលរួមមកពីតំណាងក្រសួងស្ថាប័នពាក់ព័ន្ធ និងNGOs រួមមាន MoE, MISTI, MoP, MoC, MoH, MoT, TSA , UNEP, UNDP, GIZ, JICA នៅ MoE, EPA, iDE, GRID-ARENDAL, Eco-bricks, TONTOTON, ROC, RUPP, RUA និងមន្ត្រីពីអគ្គនាយកគាំពារបរិស្ថានសរុបអ្នកចូលរួមចំនួន ៣៥ រូប (ស្រី ១៤រូប)។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានចូលរួមសិក្ខាសាលាស្តីពី ភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា ដែលសហការរៀបចំដោយ ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (ក.ស.វ) និងផ្នែកដោះស្រោយការអភិវឌ្ឍដ

2024-01-13T12:00:26+00:00

នាថ្ងៃព្រហស្បតិ៍ ១កើត ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១១ ខែមករា ឆ្នាំ២០២៤ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អមដោយមន្ត្រីបច្ចេកទេសពីររូប លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ និងលោក សុខ រ៉ាយ៉ុង ប្រធានការិយាល័យអភិរក្ស ត្រូវបានចាត់អោយទៅចូលរួមសិក្ខាសាលាស្តីពី ភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា។

គោលបំណងសំខាន់នៃអង្គសិក្ខាសាលាគឺដើម្បីស្វែងរកដំណោះស្រាយលើការអភិវឌ្ឍន៍ប្រកបដោយចីរភាពសម្រាប់កម្ពុជាលើវិស័យរួមមាន សេដ្ឋកិច្ច ថាមពល និងកិច្ចសហការអាស៊ានជាមួយចិន ជប៉ុន កូរ៉េ អូស្ត្រាលី និង New Zealand និងការសំណួរចម្លើយរវាងអង្គសិក្ខាសាលាជាមួយវាគ្មិន។

សូមជម្រាបជូនថា ៖ សិក្ខាសាលាស្តីពីភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា បានប្រព្រឹត្តទៅក្រោមអធិបតីភាព ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងលោកសាស្តាចារ្យ Jeffrey Sachs ប្រធានមជ្ឈមណ្ឌលសម្រាប់ការអភិវឌ្ឍនប្រកបដោយចីរភាពនៃសាកលវិទ្យាល័យ កូឡុំប៊ី (Columbia) និងជាប្រធានផ្នែកដោះស្រាយការអភិវឌ្ឍដោយចីរភាព របស់អង្គការសហប្រជាជាតិ។

លទ្ធផលនៃអង្គសិក្ខាសាលាលោកសាស្ត្រាចារ្យបានផ្តល់នូវសសរស្តម្ភចំនួនបីលើការអភិវឌ្ឍប្រកដោយចីរភាពសម្រាប់កម្ពុជា៖
១. វិបុលសុខ, យុត្តិធម៌និងតម្លាភាព និងសន្តិភាព (Prosperity, fair, transparency and Peace); ២. ហេដ្ឋារចនាសម្ព័ន្ធ និងសេដ្ឋកិច្ច ( Infrastructure &Economic) និង៣. ចីរភាពបរិស្ថាន និងថាមពលស្អាត (Sustainable Environment & Green Energies); លោកសាស្ត្រាចារ្យបានគូសបញ្ចាក់ថា កម្ពុជាត្រូវតែបន្តកិច្ចសហការប្រទេសក្នុង និងក្រៅតំបន់រួមមាន អាស៊ាន, ចិន, ជប៉ុន, កូរ៉េ, អូស្ត្រាលី, សហភាពអឺរ៉ុប និងសហរដ្ឋអាមេរិក។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម នាក់ ណេរ៉ុន អភិបាលរងខេត្តនៃគណៈអភិបាលខេត្តសៀមរាប បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តស

2024-01-13T11:45:06+00:00

នៅព្រឹកថ្ងៃព្រហស្បតិ៍ ១កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែមករា ឆ្នាំ២០២៤នៅសាលប្រជុំសាលាខេត្តសៀមរាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និងឯកឧត្តម នាក់ ណេរ៉ុន អភិបាលរងនៃគណ:អភិបាលខេត្តសៀមរាប បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្តសៀមរាប ។ កិច្ចប្រជុំនេះ មានការអញ្ជើញចូលរួមពី អគ្គលេខាធិការ អគ្គលេខាធិការរង ប្រធាននាយកដ្ឋាន និងក្រុមការងារអាជ្ញាធរទន្លេសាប ព្រមទាំង តំណាងក្រសួងស្ថាប័នពាក់ពន្ធ័ថ្នាក់ជាតិ មន្ទីរ អង្គភាពជំនាញ កងកម្លាំង អាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តសៀមរាប ចំនួនសរុប ៨៩ នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំពីសក្តានុពល ដ៏មានសារៈសំខាន់នៃបឹងទន្លេសាប និងបញ្ហាប្រឈមដែលបាន និងកំពុងបង្កផលប៉ះពាល់ធ្ងន់ធ្ងរដល់បឹងទន្លេសាបនាពេលបច្ចុប្បន្នដោយកត្តាធំៗគឺ កត្តាធម្មជាតិ (បម្រែបម្រួលអាកាសធាតុ) និងកត្តាមនុស្ស។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំពិភាក្សានេះឡើង មានគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖
១- បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តសៀមរាប
៤- រួមសហការជាមួយក្រសួង-ស្ថាប័នមន្ទីរជំនាញពាក់ពន្ធ័ ថ្នាក់ដឹកនាំខេត្ត កងកម្លាំង អាជ្ញាធរមូលដ្ឋានពាក់ព័ន្ធ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥- ដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងភូមិសាស្ត្រខេត្តសៀមរាប។

សូមរម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) ក្នុងភូមិសាស្ត្រខេត្តសៀមរាប មាន ២៩៤ បង្គោល ទំហំផ្ទៃដីដែនព្រៃលិចទឹក (តំបន់៣) សរុបចំនួន: ១២៦,៨៤៥ ហិកតា លើកផ្ទាំងប៉ាណូផែនទីបង្ហាញដែនព្រៃលិចទឹកតំបន់៣ បានចំនួន: ១២ ផ្ទាំង និងបានបោះបង្គោលប្រវត្តិសាស្ត្រចំនួន ៦ បង្គោល ។
- នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីពីតំបន់៣ មកតំបន់១ មានចំនួន: ៦៤០.៤១ហិកតា និងពីតំបន់៣ មកតំបន់២ មានចំនួន: ២៣,៧៩៥.១៣ ហិកតា ។
- ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តសៀមរាប បានកែសម្រួលពីទំហំ ១២,៨៤៥ ហិកតា មកនៅសល់ចំនួន ១០២,៤៤៤.៤៦ ហិកតា បន្ទាប់ពីរាជរដ្ឋាភិបាលកាត់ឆ្វៀលជូនប្រជាពលរដ្ឋប្រើប្រាស់ជាលំនៅឋាន និងអាស្រ័យផល។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ច
6. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម លី សុវណ្ណារិទ្ធ អភិបាលស្តីទី បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តបន្ទាយមានជ័យ

2024-01-13T11:11:03+00:00

នៅព្រឹកថ្ងៃពុធ ១៤រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១០ ខែមករា ឆ្នាំ២០២៤នៅសាលប្រជុំ (ខ) សាលាខេត្តបន្ទាយមានជ័យ ក្រុមការងារអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និង

ឯកឧត្តម លី សុវណ្ណារិទ្ធ អភិបាលស្តីទីនៃគណ:អភិបាល ខេត្តបន្ទាយមានជ័យ បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្តបន្ទាយមានជ័យ ដែលកិច្ចប្រជុំនេះ មានការអញ្ជើញចូលរួមពីតំណាងក្រសួងស្ថាប័នថ្នាក់ជាតិ និងតំណាងមន្ទីរ អង្គភាពជំនាញ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តបន្ទាយមានជ័យចំនួនសរុប ៥៩នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំ អំពីសារៈសំខាន់ធនធានធម្មជាតិនៃបឹងទន្លេសាប និងបញ្ហាប្រឈមកំពុងបង្កផលប៉ះពាល់ធ្ងន់ធ្ងរដល់បឹងនាពេលបច្ចុប្បន្នដោយកត្តាធំដោយកត្តាមនុស្ស និងកត្តាធម្មជាតិ(បម្រែបម្រួលអាកាសធាតុ) ។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំពិភាក្សានេះឡើង មានគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖
១. បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២. ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣. ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តបន្ទាយមានជ័យ
៤. រួមសហការពីក្រសួង-ស្ថាប័នជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥. ការរៀបចំផែនការចុះអនុវត្តការងារតាមតំបន់គោលដៅជាក់ស្តែង ក្នុងខេត្តបន្ទាយមានជ័យ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) ខេត្តបន្ទាយមានជ័យ មាន ៤៨ បង្គោលទំហំផ្ទៃដីដែនព្រៃលិចទឹក (តំបន់៣) សរុប ១២,២៩៥ ហិកតា និងលើកផ្ទាំងប៉ាណូផែនទីកំណត់ដែនព្រៃលិចទឹកក្នុងតំបន់៣ បានចំនួន ០៦ ផ្ទាំង បង្គោលប្រវត្តិសាស្ត្រចំនួន ០២បង្គោល។
- នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីតំបន់២ មកតំបន់១ មានចំនួន ៣,៤៩៩.២៦ ហិកតា និងពីតំបន់២ មកតំបន់១ មានទំហំ ៣១៦.០២ហិកតា ។
- ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តបន្ទាយមានជ័យ បានកែសម្រួលពីទំហំ ១២,២៩៥ហិកតា មកនៅត្រឹម ៨,៧៩៥.៧៣ហិកតា បន្ទាប់ពីរាជរដ្ឋាភិបាលកាត់ឆ្វៀលជូនប្រជាពលរដ្ឋជាកម្មសិទ្ធិ(លំនៅឋាន) និងអាស្រ័យផល។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការរៀបចំផែនការចុះអនុវត្តការងារតាមតំបន់ជាក់ស្តែង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ច
6. បន្តអនុវត្តតាមស្មារតីខ្លឹមសារអនុក្រឹត្យលេខ ១៩៧ ។

សូមជម្រាបជូនផងដែរថា បន្ទាប់ពីបញ្ចប់កិច្ចប្រជុំ ឯកឧត្តម អនុប្រធានក្តាប់រួម បានដឹកនាំក្រុមការងារចុះពិនិត្យជាក់ស្តែងទីតាំងដែនដីកាត់ឆ្វៀលតំបន់២ ស្ថិតនៅភូមិសាស្ត្រចំណុចបឹងដង្កៀបក្តាមមានជ័យ និងតំបន់កំព្រីងធំ និងផ្ទាំងប៉ាណូផែនទីបង្ហាញព្រំប្រទល់ព្រៃលិច ចន្លោះបង្គោលលេខ ៣៦៥ ដល់ ៣៦៦ ក្នុងឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម សឿម ប៊ុនរិទ្ធ អភិបាលស្តីទី នៃគណៈអភិបាល ខេត្តបាត់ដំបង បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេ

2024-01-10T23:35:50+00:00

នៅព្រឹកថ្ងៃអង្គារ ១៣រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៩ ខែមករា ឆ្នាំ២០២៤ នៅសាលប្រជុំសាលាខេត្តបាត់ដំបង ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និង

ឯកឧត្តម សឿម ប៊ុនរិទ្ធ អភិបាលស្តីទី នៃគណៈអភិបាល ខេត្តបាត់ដំបង បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ ខេត្តបាត់ដំបង ដែលកិច្ចប្រជុំនេះ មានការអញ្ជើញចូលរួមពីតំណាងក្រសួងស្ថាប័នថ្នាក់ជាតិ និងតំណាងមន្ទីរ អង្គភាពជំនាញ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តបាត់ដំបង ចំនួនសរុប ៩៤ នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំពីសក្តានុពល និងសារៈសំខាន់នៃបឹងទន្លេសាប និងបញ្ហាប្រឈមដែលបាន និងកំពុងបង្កផលប៉ះពាល់ធ្ងន់ធ្ងរដល់បឹងទន្លេសាបនាពេលបច្ចុប្បន្នដោយកត្តាធំៗគឺ កត្តាធម្មជាតិ (បម្រែបម្រួលអាកាសធាតុ) និងកត្តាមនុស្ស។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការផ្ទាល់ឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេស ការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំនេះឡើង ក្នុងគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖

១- បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣) ជាមួយនឹងមតិយោបល់កែលម្អ
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តបាត់ដំបង
៤- កិច្ចសហការពីក្រសួង-ស្ថាបន័ជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធក្នុងខេត្តបាត់ដំបង ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តបាត់ដំបង ។
ជាលទ្ធផល បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ ក្នុងខេត្តបាត់ដំបង
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តបាត់ដំបង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ចរបស់ខេត្តបាត់ដំបង
6. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ព្រំដែនព្រៃលិចទឹក (តំបន់៣) ក្នុងខេត្តបាត់ដំបង មានចំនួន ១១២ បង្គោល ទំហំផ្ទៃដីដែនព្រៃលិចទឹក (តំបន់៣) សរុបចំនួន ២០៦,៨៥០ហិកតា និងលើកផ្ទាំងប៉ាណូផែនទីបង្ហាញដែនព្រៃលិចទឹកក្នុងតំបន់៣ បានចំនួន ១៩ ផ្ទាំង ។
✓ នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីតំបន់៣ មកតំបន់២ មានចំនួន ១០,៨៣២.៥៧ហិកតា និងពីតំបន់៣ មកតំបន់១ មានចំនួន ១,៣៥៣.៣៤ហិកតា ។
✓ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តបាត់ដំបង បានកែសម្រួលពីទំហំ ២០៦,៨៥០ហិកតា មកនៅត្រឹម ១៩៤,៦៦៤.០៩ហិកតា បន្ទាប់ពីរាជរដ្ឋាភិបាលបានកាត់ឆ្វៀលជូនប្រជាពលរដ្ឋជាកម្មសិទ្ធិ (លំនៅឋាន)ខ្លះ និងអាស្រ័យផលមួយចំនួនរួចមក ។

សូមជម្រាបជូនផងដែរថា បន្ទាប់ពីបញ្ចប់កិច្ចប្រជុំ ឯកឧត្តម ហ៊ែល តូនី បានដឹកនាំក្រុមការងារចុះពិនិត្យជាក់ស្តែងទីតាំងដែនដីកាត់ឆ្វៀលនៅចំណុចបង្គោល និងផ្ទាំងប៉ាណូផែនទីបង្ហាញព្រំប្រទល់ព្រៃលិចទឹក បង្គោលលេខ 279, 280, 281, 287, 288, 289, 290 ស្ថិតនៅតំបន់អាងទឹក អាងភាស ក្នុងភូមិគោកដូង ភូមិព្រែកឆ្តោរ ឃុំពាមឯក ស្រុកឯកភ្នំ ខេត្តបាត់ដំបង ៕

លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាស្តីពី របាយការណ៍បញ្ចប់ការសិក្សាសាកល្បងនៃប្រព័ន្ធតាមដានការប្រើប្រាស់ទឹកក្នុងអាងស្ទឹងព្រែកត្នោត នៅសាលប្រជុំគណៈកម្មាធិការជាតិទន្លេមេគង្គកម្

2023-12-31T10:43:07+00:00

រាជធានីភ្នំពេញ៖ ថ្ងៃ១៥កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៧ ខែធ្នូ ឆ្នាំ២០២៣ លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ ត្រូវបានចាត់អោយទៅចូលរួមសិក្ខាសាលាស្តីពី របាយការណ៍បញ្ចប់ការសិក្សាសាកល្បងនៃប្រព័ន្ធតាមដានការប្រើប្រាស់ទឹកក្នុងអាងស្ទឹងព្រែកត្នោត។

គោលបំណង នៃសិក្ខាសាលាគឺ៖
១. ដើម្បីបង្ហាញពីសេចក្តីព្រាងបញ្ចប់របាយការណ៍ស្តីពីការសិក្សាសាកល្បងនៃប្រព័ន្ធតាមដានការប្រើប្រាស់ទឹកនៅកម្ពុជា ដោយការប្រើប្រាស់ម៉ូឌែល (WA+) ការគណនេយ្យទឹក និង SWAT
២. ដើម្បីធ្វើការចូលរួមពិភាក្សា ប្រមូលមតិយោបល់ និងផ្តល់ជាអនុសាសន៍ កែលម្អដល់របាយការណ៍ក្នុងការធ្វើអោយលទ្ធផល នៃការសិក្សាដែលទទួលបាននោះប្រាកដដោយសមិទ្ធផល។

សូមជម្រាបជូន៖ សិក្ខាសាលានេះបានប្រព្រឹត្តទៅនៅក្រោមអធិបតីភាពរបស់ ឯកឧត្តម គឹម សីហា ជាអគ្គលេខាធិការរងនៃគណៈកម្មការជាតិទន្លេមេគង្គ ដោយមានការអញ្ចើញចូលរួមពីក្រសួង ស្ថាប័ន និងមន្ទីរពាក់ព័ន្ធ, មន្ត្រីអគ្គលេខាដ្ឋានដែលបានចូលរួមតាមប្រព័ន្ធអនឡាញ, មន្ត្រីសម្របសម្រួលគណៈកម្មការជាតិទន្លេមេគង្គ សរុបអ្នកចូលរួមមានចំនួន ២០រូប (ស្រី ០៣រូប)។

លោក ឡូញ ណារិន្ន ប្រធានការិយាល័យកសិកម្មចម្រុះ នៃនាយកដ្ឋានធនធានធម្មជាតិ បានចូលរួមសិក្ខាសាលាបណ្តុះបណ្តាល ស្តីពីការរៀបចំផែនទីទឹកជំនន់សម្រាប់ការសិក្សាសាកល្បងផ្នែកទឹកជំនន់ នៅស្ទឹងស្ទោង ទីរួមខេត្តកំពង់ធំ

2023-12-28T22:17:39+00:00

នាថ្ងៃចន្ទ ១៣កើត និងថ្ងៃអង្គារ ១៤កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ និងទី២៦ ខែធ្នូ ឆ្នាំ២០២៣ លោក ឡូញ ណារិន្ន ប្រធានការិយាល័យកសិកម្មចម្រុះ នៃនាយកដ្ឋានធនធានធម្មជាតិ របស់អាជ្ញាធរទន្លេសាប បានចូលរួមសិក្ខាសាលាបណ្តុះបណ្តាល ស្តីពីការរៀបចំផែនទីទឹកជំនន់សម្រាប់ការសិក្សាសាកល្បងផ្នែកទឹកជំនន់ នៅស្ទឹងស្ទោង នៅភោជនីយដ្ឋានឡូវ គឹម សេង ទីរួមខេត្តកំពង់ធំ ដែលរៀបចំដោយគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់ នៃសិក្ខាសាលាបណ្តុះបណ្តាល ៖
១. ដើម្បីបង្ហាញលទ្ធផលសំខាន់ៗ ពីការសិក្សាសាកល្បងទឹកជំនន់
២. ដើម្បីពង្រឹងការកសាងសមត្ថភាពក្រុមមន្ត្រីបច្ចេកទេស ដែលពាក់ព័ន្ធនឹងការសិក្សាសាកល្បងទឹកជំនន់ និងក្រសួង ស្ថាប័នពាក់ព័ន្ធ លើការប្រើប្រាស់ឧបករណ៍រៀបចំផែនទីទឹកជំនន់ ។

សូមជម្រាបជូនថា ៖ សិក្ខាសាលាបណ្តុះបណ្តាលនេះ បានប្រព្រឹត្តទៅក្រោមអធិបតីភាព ឯកឧត្តម សូ សុភ័ទ្ទ អគ្គលេខាធិការ នៃគណៈកម្មាធិការជាតិទន្លេមេគង្គកម្ពុជា ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម ក្រសួងសាធារណការ និងដឹកជញ្ជូន, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), អាជ្ញាធរទន្លេសាប, គណៈកម្មាធិការជាតិគ្រប់គ្រងគ្រោះមហន្តរាយ, មន្ទីរធនធានទឹកខេត្តកំពង់ធំ, មន្ទីរធនធានទឹកខេត្តព្រះវិហារ, មន្ត្រីពីគណៈកម្មាធិការជាតិទន្លេមេគង្គកម្ពុជា និងជំនាញការជាតិ សរុបអ្នកចូលរួមចំនួន ១៧ រូប។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម ឡាយ វិសិដ្ឋ អភិបាលរង នៃគណៈអភិបាល ខេត្តពោធិ៍សាត់ បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តពោធិ៍ស

2023-12-28T16:05:04+00:00

នាថ្ងៃពុធ ១៥កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែធ្នូ ឆ្នាំ២០២៣ នៅសាលប្រជុំសាលាខេត្តពោធិ៍សាត់ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាបជាតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានសម្របសម្រួលដឹកនាំក្រុមការងារចូលរួមកិច្ចប្រជុំពិភាក្សាលើការពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប ស្ថិតក្នុងភូមិសាស្ត្រ ខេត្តពោធិ៍សាត់ ។

សូមជម្រាបថា កិច្ចប្រជុំបានប្រព្រឹត្តទៅដោយមានការអញ្ជើញជាអធិបតីភាពឯកឧត្តម ឡាយ វិសិដ្ឋ អភិបាលរង នៃគណៈអភិបាលខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខួយ រីដា អភិបាលខេត្ត និងមានការអញ្ជើញចូលរួមពីថ្នាក់ដឹកនាំអគ្គលេខាធិការដ្ឋាន នាយកដ្ឋាន និងមន្ត្រីបច្ចេកទេសនៃក្រុមការងារតាមដាន និងអធិការកិច្ចដែនព្រៃលិចទឹក នៃអាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងពីក្រសួងស្ថាប័នថ្នាក់ជាតិ រួមមានក្រសួងរៀបចំដែនដីនគរូបនីយកម្ម និងសំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន និងមន្ត្រីបច្ចេកទេស និង ថ្នាក់ដឹកនាំមន្ទីរ អង្គភាពជំនាញពាក់ព័ន្ធជុំវិញសាលាខេត្តពោធិ៍សាត់ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តពោធិ៍សាត់ មានចំនួនសរុប ៦៩ រូប។

ឯកឧត្តម ហ៊ែល តូនី បានជម្រាបជូនអង្គប្រជុំថា ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជារដ្ឋាភិបាល រួមជាមួយភារកិច្ចទទួលខុសត្រូវ ដែល បានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា។

កិច្ចប្រជុំពិភាក្សានេះ មានគោលបំណងពិភាក្សាលើចំនុចមួយចំនួន ដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប។
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣) ជាមួយនឹងមតិយោបល់កែលម្អ។
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់ ១តំបន់ ២ និងតំបន់ ៣ ក្នុងខេត្តពោធិ៍សាត់ ។
៤- កិច្ចសហការពីក្រសួង-ស្ថាបន័ជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធក្នុងខេត្តពោធិ៍សាត់ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប ។
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តពោធិ៍សាត់ ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ ក្នុងខេត្តពោធិ៍សាត់ ។
៣. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៤. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តពោធិ៍សាត់។
៥. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ចរបស់ខេត្តពោធិ៍សាត់។
៦. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

សូមបញ្ជាក់ផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) មានទំហំផ្ទៃដីសរុបចំនួន ៦៤៧,៤០៦ ហិកតា និងបោះបង្គោលកំណត់ព្រំប្រទល់ព្រៃលិចទឹកតំបន់៣ មានចំនួន ៨០២ បង្គោល ស្ថិតនៅក្នុងភូមិសាស្ត្រខេត្តទាំង៦ ជុំវិញបឹងទន្លេសាប មានខេត្តកំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ និងខេត្តកំពង់ឆ្នាំង ។ ដោយឡែក ខេត្តពោធិ៍សាត់ មានទំហំផ្ទៃដីដែនព្រៃលិចទឹក (តំបន់៣) សរុបមានចំនួន ៩៤,០៤២ ហិកតា ក្រោយពីយុទ្ធនាការកាត់ឆ្វៀលហេីយផ្ទៃដីតំបន់៣ មាន ៩០, ៥៩៣.២៣ ហិកតា និងបង្គោលកំណត់ព្រំតំបន់៣ ចំនួន ៧៦បង្គោល ។

ក្នុងឱកាសនោះដែរ បន្ទាប់ពីបញ្ចប់កិច្ចប្រជុំ ឯកឧត្តមអនុប្រធានក្តាប់រួម បានដឹកនាំក្រុមការងារចុះជាក់ស្តែង ៖
1.ចុះពិនិត្យទីតាំងដែនដីកាត់ឆ្វៀលនៅចំនុចបង្គោលលេខ២០៩ និងផ្ទាំងប៉ាណូផែនទីបង្ហាញព្រំប្រទល់ព្រៃលិច ស្ថិតនៅតំបន់វាលក្តាន់ធាក់ ក្នុងភូមិសាស្ត្រឃុំអន្សាចំបក់។
2.ស្វែងយល់ពីស្ថានភាពជីវភាពរស់នៅប្រចាំថ្ងៃរបស់ប្រជាពលរដ្ឋភូមិបណ្តែតទឹក ក្នុងភូមិសាស្ត្រភូមិកំបង់ថ្កោល ឃុំអន្សាចំបក់ ស្រុកក្រគរ ខេត្តពោធិ៍សាត់។

សូមរម្លឹកផងដែរថា អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប៕

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ចុះស្វែងយល់ការប្រមូលផលត្រីនៅដាយត្រីស្រុកពញាឮ ខេត្តកណ្តាល

2023-12-23T14:36:59+00:00

នាព្រឹកថ្ងៃសៅរ៍ ១១កើត ខែមិគសិរ ឆ្នាំថោះ ព.ស.២៥៦៧ ត្រូវនឹងថ្ងៃទី២៣ ខែធ្នូ ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំប្រតិភូអាជ្ញាធរទន្លេសាប អញ្ជើញចុះស្វែងយល់ពីការប្រមូលផលនេសាទនៅដាយលេខ១៥E ស្ថិតក្នុងភូមិសាស្ត្រភូមិតាពៅ ឃុំកោះចិន ស្រុកពញាឮ ខេត្តកណ្តាល។ អានត...

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមពិធីប្រកាសផ្សព្វផ្សាយស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ នៅសណ្ឋាគារភ្នំពេញ

2023-12-21T10:49:33+00:00

នាថ្ងៃពុធ ៨កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២០ ខែធ្នូ ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅ ចូលរួមពិធីប្រកាសផ្សព្វផ្សាយ ស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ ។

គោលបំណងសំខាន់ នៃការផ្សព្វផ្សាយរួមមាន៖
១. សាវតានៃគម្រោងអង្កេតកសិកម្មកម្ពុជា ២០២១
២. ការប្រមូលចងក្រងព័ត៌មាន ទិន្នន័យ និងវិធីសាស្ត្រវាយតម្លៃ
៣. ការរៀបចំរបាយការណ៍ស្ថិតិអង្កេតកសិកម្មកម្ពុជា
៤. ការរៀបចំផែនទីស្ថិតិអង្កេតកសិកម្មកម្ពុជាឆ្នាំ ២០២១ ។

លទ្ធផលនៃពិធីប្រកាសផ្សព្វផ្សាយ ស្តីពីរបាយការណ៍លទ្ធផលអង្កេតកសិកម្មបានផ្តោតលើ៖
១. វិធីសាស្ត្រ និងទិដ្ឋភាពទូទៅពីសារៈសំខាន់នៃស្ថិតិអង្កេតកសិកម្មកម្ពុជាឆ្នាំ ២០២១ (ផលិតកម្មដំណាំ, ការចិញ្ចឹមបសុសត្វ និងបក្សី, វារីវប្បកម្ម និងនេសាទ, កម្លាំងពលកម្ម និងសេដ្ឋកិច្ច)។
២. ការផ្សព្វផ្សាយព័ត៌មាន និងបច្ចេកវិទ្យាកសិកម្ម ដើម្បីគាំទ្រដល់សន្តិសុខស្បៀង អាហារូបត្ថម្ភ និងលើកកម្ពស់វិស័យកសិកម្មប្រកបដោយចីរភាព ។
៣. សម្រេចអោយបានសមភាពយេនឌ័រ និងកុមារ។
៤. របាយការណ៍អង្កេតកសិកម្មឆ្លុះបញ្ចាំងពីគោលដៅអភិវឌ្ឍន៍ប្រកបដោយចីរភាពឆ្នាំ ២០៣០ ។
៥. ការដាក់អោយប្រើប្រាស់ជាផ្លូវការពីលទ្ធផលរបាយការណ៍អង្កេតកសិកម្ម ដើម្បីជួយការកាត់បន្ថយ និងបញ្ចប់ភាពក្រីក្រនៅកម្ពុជា និងសកល ។

សូមជម្រាបជូនថា ៖ ពិធីប្រកាសផ្សព្វផ្សាយស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ បានប្រព្រឹត្តទៅក្រោមអធិបតីភាព ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ និងលោកស្រី Rebekah Bell តំណាងអង្គការស្បៀង និងកសិកម្ម នៃអង្គការសហប្រជាជាតិប្រចាំកម្ពុជា ព្រមទាំងអញ្ជើញចូលរួមមកពីតំណាងក្រសួង-ស្ថាប័ន ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, អាជ្ញាធរទន្លេសាប អង្គការក្រៅរដ្ឋាភិបាល អង្គការជាតិ និងអន្តរជាតិ វិទ្យាស្ថានស្រាវជ្រាវ និងដៃគូផ្សេងៗ និងជំនាញការជាតិ និងអន្តរជាតិ សរុបចំនួនប្រមាណ ១០០រូប ។

លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាផ្សព្វផ្សាយស្តីពី ការពង្រឹងការគ្រប់គ្រងហានិភ័យទឹកជំនន់ និងរាំងស្ងួតនៅអាងទន្លេមេគង្គក្រោមនៃប្រទេសកម្ពុជា នៅវិទ្យាស្ថានបច្ចេកវិទ្យាកម្ពុជា

2023-12-14T23:22:15+00:00

រាជធានីភ្នំពេញ៖ ថ្ងៃពុធ ១កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែធ្នូ ឆ្នាំ២០២៣ លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាផ្សព្វផ្សាយ ស្តីពី ការពង្រឹងការគ្រប់គ្រងហានិភ័យ និងរាំងស្ងួត នៅអាងទន្លេមេគង្គក្រោមនៃប្រទេសកម្ពុជា នៅវិទ្យាស្ថានបច្ចេកវិទ្យាកម្ពុជា។

គោលបំណងនៃសិក្ខាសាលាគឺដើម្បី៖ ១. បង្ហាញ និងចែករំលែកលទ្ធផលស្រាវជ្រាវនៃគម្រោង HEIP-ITC-SGA #19 ដោយរួមបញ្ចូល ការវាយតម្លៃទឹកជំនន់ ការព្យាករណ៍ទឹកជំនន់ ព្រមទាំងការវាយតម្លៃ និងការគ្រប់គ្រងគ្រោះរាំងស្ងួត។
២. ចែករំលែកពីតួនាទី និងមុខងារនៃស្ថានីយឧតុនិយម និងស្ថានីយជលសាស្ត្រស្វ័យប្រវត្តិ ព្រមទាំងមានការផ្តល់ជាប្រភពព័ត៌មានដែលទាក់ទងនឹងការវាយតម្លៃ និងការព្យាករណ៍គ្រោះទឹកជំនន់ និងគ្រោះរាំងស្ងួត។
៣. ពិភាក្សាអំពីផលប៉ះពាល់ដែលបានរកឃើញ និងគម្លាតយន្តការសម្រាប់គោលនយោបាយ ការអនុវត្ត និងការសហការនាពេលអនាគតសម្រាប់ការប្រតិបត្តិការស្ថានីយឧតុនិយម និងស្ថានីយជលសាស្ត្រស្វ័យប្រវត្តិទាំងនេះ។
៤. ជំរុញកិច្ចសហប្រតិបត្តិការ និងបណ្តាញរវាងភាគីពាក់ព័ន្ធ។

សូមបញ្ជាក់ផងដែរថា សិក្ខាសាលានេះ មានការអញ្ជើញចូលរួមពីមន្ត្រីបច្ចេកទេសនៃក្រសួងធនធានទឹក និងឧតុនិយម (MOWRAM), គណៈកម្មាធិការជាតិគ្រប់គ្រងគ្រោះមហន្តរាយ(NCDM), ក្រសួងបរិស្ថាន(MoE), ក្រសួងកសិកម្ម រុក្ខាប្រមាញ់ និងនេសាទ (MAFF), ក្រសួងសាធារណៈការ និងដឹកជញ្ជូន(MPWT), ក្រសួងអភិវឌ្ឍន៍ជនបទ(MRD), អាជ្ញាធរទន្លេសាប(TSA), មន្ទីរធនធានទឹក និងឧតុនិយមខេត្តកំពង់ស្ពឺ, វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា(CDRI), អ្នកស្រាវជ្រាវ និងនិស្សិត នៃវិទ្យាស្ថានបច្ចេកវិទ្យាកម្ពុជា (ITC), និងសមាជិកនៃគម្រោង HEIP-ITC-SGA#19 សរុបអ្នកចូលរួមមានចំនួន ៤០នាក់។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម ទូច សុខា អភិបាលរង នៃគណៈអភិបាលខេត្តកំពង់ធំ បានអញ្ជើញដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តកំពង់ធំ

2023-12-14T22:30:11+00:00

ខេត្តកំពង់ធំ: នៅសាលប្រជុំសាលាខេត្តកំពង់ធំ នាថ្ងៃព្រហស្បតិ៍ ២ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៤ ខែធ្នូ ឆ្នាំ២០២៣ ជាតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្រី្ត ក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារទទួលបន្ទុកក្តាប់រួម ចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក បានដឹកនាំប្រតិភូចូលរួមកិច្ចប្រជុំពិភាក្សាលើការ ពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប ស្ថិតក្នុងភូមិសាស្ត្រ ខេត្តកំពង់ធំ ។

កិច្ចប្រជុំបានពិភាក្សាលេីចំនុចមួយចំនួនដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប។
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)។
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់ ១ តំបន់ ២ និងតំបន់ ៣ ក្នុងខេត្តកំពង់ធំ ។
៤- កិច្ចសហការពីថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរដែនដីមូលដ្ឋានពាក់ព័ន្ធក្នុងខេត្តកំពង់ធំ ក្នុងការ ចូលរួមការពារ ថែរក្សាធនធានធម្មជាតិ និងបរិស្ថាន តំបន់ ១ តំបន់ ២ និងតំបន់ ៣ ។
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ធំ ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួល ខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. អង្គប្រជុំ បានយល់ស្រប បន្តកិច្ចសហការ រវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វេីការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ចំណុចលម្អៀង នៃទិន្នន័យ របស់អាជ្ញាធរទន្លេសាប និងមន្ទីររៀបចំដែនដី នគរូបនីយកម្ម និងសំណង់ខេត្តកំពង់ធំ ។
៣. ឯកភាពប្រើប្រាស់ទិន្នន័យផែនទី របស់ក្រសួងរៀបចំដែនដី នគរូបនីយកម្ម និងសំណង់ ជាគោល ។ រាល់ទិន្នន័យដែលពាក់ព័ន្ធ គឺអាចស្នើសុំមកក្រសួងរៀបចំដែនដី នគរូបនីយកម្ម និងសំណង់ ប្រសិនបើមានតម្រូវការចាំបាច់។
៤. ឯកភាពចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៥. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ធំ ។
៦. អនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

កិច្ចប្រជុំនេះដែរ មានការអញ្ជើញចូលរួមពីមន្ត្រីបច្ចេកទេសក្រុមការងារតាមដាន និងអធិការកិច្ចដែនព្រៃលិចទឹក នៃអាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងពីក្រសួងស្ថាប័នថ្នាក់ជាតិ រួមមានក្រសួងរៀបចំដែនដី នគរូបនីយកម្ម និងសំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន និងមន្ត្រីបច្ចេកទេសសាលាខេត្តកំពង់ធំ ថ្នាក់ដឹកនាំមន្ទីរជំនាញពាក់ព័ន្ធជុំវិញសាលាខេត្តកំពង់ធំ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានពាក់ព័ន្ធ នៃស្រុក ឃុំ ភូមិពាក់ព័ន្ធ ក្នុងខេត្តកំពង់ធំ ចំនួន ៧៣ រូប។

បន្ទាប់ពីបញ្ចប់កិច្ចប្រជុំ ឯកឧត្តមអនុប្រធានក្តាប់រួម បានដឹកនាំក្រុមការងារចុះទៅទីតាំងកាត់ឆ្វៀលផ្ទាល់ក្នុងភូមិសាស្ត្រ ភូមិរកា និងភូមិចំបក់ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
សូមបញ្ជាក់ថា: អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ)៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមទស្សនៈកិច្ចនៅតំបន់ព្រែកទាល់ នៃគម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គក្រោមក្នុងប្រទេសកម្ពុជា នៅខេត្តសៀមរាប

2023-12-13T13:53:49+00:00

នាថ្ងៃអង្គារ ១៥ រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១២ ខែធ្នូ ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅចូលរួមកម្មវិធីទស្សនៈកិច្ចនៅតំបន់ព្រែកទាល់ នៃគម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គក្រោមក្នុងប្រទេសកម្ពុជា រៀបចំដោយក្រសួងបរិស្ថាន និងសម្របសម្រួលពីគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់នៃទស្សនៈកិច្ច ដើម្បី៖
១. ដំណើរទស្សនៈកិច្ចមជ្ឈមណ្ឌលគ្រប់គ្រង និងអភិរក្សតំបន់ដីសើមរ៉ាមសារព្រែកទាល់
២. ដំណើរទស្សនៈកិច្ចសំបុកសត្វស្លាបទឹកសាបក្នុងតំបន់អភិរក្សរ៉ាមសារសត្វស្លាបព្រែកទាល់
៣. ការចុះពិនិត្យ និងវាយតម្លៃសមិទ្ធផលបញ្ចប់គម្រោង (ការជួសជុលអាគារ បង្គោលព្រំអភិរក្សតំបន់រ៉ាមសារ ម៉ាស៊ីនបូប ទឹកសម្រាប់ការងារអន្តរាគមន៍ពន្លត់អគ្គិភ័យចល័ត ការបំពាក់បរិក្ខារមួយចំនួន និងផែស្នាលបណ្តុះកូនឈើព្រៃលិចទឹក) ។

សូមជម្រាបជូនថា ៖ ដំណើរទស្សនៈកិច្ចនេះ បានប្រព្រឹត្តទៅក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា (គជទមក) និងមន្ត្រីតំណាងក្រសួងបរិស្ថាន ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), អាជ្ញាធរទន្លេសាប អង្គការក្រៅរដ្ឋាភិបាល និងដៃគូ និងមន្ត្រីពីគ.ជ.ទ.ម.ក និងជំនាញការជាតិ អ្នកចូលរួមចំនួន ១៨រូប។

លទ្ធផលទទួលបានពីដំណើរទស្សនៈកិច្ច បានផ្តល់ការយល់ដឹងពី៖
១. សាវតានៃការគ្រប់គ្រង និងអភិរក្សតំបន់ដីសើមព្រែកទាល់ (រ៉ាមសារ)។
២. ការតាមដាន កត់ត្រា និង ចំណាត់ថ្នាក់ប្រភេទសត្វស្លាបជាប្រចាំថ្ងៃពីមន្ត្រីអនុរក្សប្រចាំការ។
៣. ការងារគ្រប់គ្រងធនធានធម្មជាតិ ជលផល និងការបង្ក្រាបបទល្មើសក្នុងតំបន់ដែនអភិរក្សរ៉ាមសារព្រែកទាល់។
៤. វិធីសាស្ត្រ ឬនិតិវិធីវិភាគទិន្នន័យសត្វស្លាបដោយប្រើប្រាស់វិធីសាស្ត្រស្ថិតិកត់ត្រាប្រចាំថ្ងៃ ខែ និងឆ្នាំលើការងារបន្លាស់ទី ចំណី ការបន្តពូជ និងប្រភេទសត្វ ។

ថ្នាក់ដឹកនាំអាជ្ញាធរទន្លេសាប ជួបសំណេះសំណាល និងពិភាក្សាពង្រឹងការងារនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប

2023-12-13T13:41:39+00:00

ព្រឹកថ្ងៃអង្គារ ១៥រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១២ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានជួបសំណេះសំណាល និងពិភាក្សាការងារជាមួយលោកប្រធាន អនុប្រធាន និងមន្ត្រីក្រោមឱវាទនាយកដ្ឋាននីតិកម្ម និងផ្សព្វផ្សាយ ដើម្បីពង្រឹងប្រសិទ្ធភាពការងារក្នុងនាយកដ្ឋាន ក្នុងស្មារតីលើកកម្ពស់ប្រសិទ្ធភាពការងាររបស់អាជ្ញាធរទន្លេសាប ។ ក្នុងកិច្ចសំណេះសំណាលនេះ ឯកឧត្តមអនុប្រធានក្តាប់រួម ក៏បានណែនាំដល់នាយកដ្ឋាន ឲ្យរៀបចំរបាយការណ៍ ស្តីពីវឌ្ឍនភាពការងាររបស់នាយកដ្ឋានឆ្នាំ ២០២៣ និងប្រមូលផ្តុំចងក្រងរាល់ឯកសារច្បាប់ បទដ្ឋានគតិយុត្តពាក់ព័ន្ធនឹងការប្រព្រឹត្តទៅរបស់អាជ្ញាធរទន្លេសាបរហូតមកដល់បច្ចុប្បន្ន ដើម្បីប្រជុំបូកសរុប ស្តីពីវឌ្ឍនភាពការងារ ២០២៣ របស់អាជ្ញាធរទន្លេសាប នាដើមខែមករា ឆ្នាំ ២០២៤ និងផ្សព្វផ្សាយដាក់ឲ្យអនុវត្តនូវផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប ។

សូមបញ្ជាក់ថា : អាជ្ញាធរទន្លេសាប ជាស្ថាប័នសេនាធិការឲ្យរាជរដ្ឋាភិបាល ត្រូវបានបង្កើតឡើងនាឆ្នាំ ២០០៩ ក្រោមព្រះរាជក្រឹត្យលេខ នស/រកត/០៦០៩/៧០៥ ស្ថិតក្រោមការដឹកនាំរបស់រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ហើយដែលមាននាយកដ្ឋានចំនួន ០៤ និងការិយាល័យចំនួន ១៤ នៅក្រោមឱវាទអគ្គលេខាធិការដ្ឋាននៃអាជ្ញាធរទន្លេសាប ។

ថ្នាក់ដឹកនាំអាជ្ញាធរទន្លេសាប ដឹកនាំប្រជុំតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-09T13:09:54+00:00

រសៀលថ្ងៃសុក្រ ១១រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៨ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងជាប្រធានក្រុមការងារ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំពិភាក្សាតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប មុននឹងក្រុមការងារទទួលខុសត្រូវតាមមុខព្រួញបណ្តាខេត្តអមផ្លូវជាតិលេខ ៥ និងលេខ ៦ ចុះអនុវត្តការងារអធិការកិច្ច និងស្រង់ព័ត៌មាន ទិន្នន័យពាក់ព័ន្ធបង្គោលកំណត់ព្រំតំបន់ ៣, ផ្ទាំងប៉ាណូ, តំបន់ផ្ទៃដីទន្ទ្រានព្រៃលិចទឹក (ចាស់-ថ្មី), តំបន់កាត់ឆ្វៀល ដែលស្ថិតនៅតាមទីតាំងជាក់ស្តែងក្នុងតំបន់ ១ តំបន់ ២ និងតំបន់ ៣ ក្នុងខេត្តទាំង ៦ ជុំវិញបឹងទន្លេសាប ។

សូមជម្រាបថា : កិច្ចប្រជុំពិភាក្សានេះ មានការចូលពី ឯកឧត្តមអគ្គលេខាធិការ អគ្គលេខាធិការរង ប្រធាននាយដ្ឋាន អនុប្រធាននាយកដ្ឋាន និងមន្ត្រី ដែលជា ប្រធាន អនុប្រធាន និងសមាជិកនៃក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប សរុបចំនួន : ២២នាក់ ។

កិច្ចប្រជុំ គឺបានពិភាក្សាផ្តោតលើ :
១. កិច្ចការបច្ចេកទេស (ផែនការការងារ, ការចាត់ចែងសមាជិកក្រុមការងារ, វិធីសាស្ត្រ, និងសម្ភារៈបច្ចេកទេស)
២. កិច្ចការហិរញ្ញវត្ថុក្នុងការចំណាយ
៣. បញ្ហាផ្សេងៗ

សូមបញ្ជាក់ថា : ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប របស់អាជ្ញាធរទន្លេសាប បាន និងកំពុងតែចុះជួបពិភាក្សាជាមួយអាជ្ញាធរដែនដី និងមន្ទីរជំនាញពាក់ព័ន្ធ នៅតាមបណ្តាខេត្តទាំង ៦ ជុំវិញបឹងទន្លេសាប ដើម្បីធ្វើការផ្ទៀងផ្ទាត់ព័ត៌មាន ទិន្នន័យបឋមមុននឹងក្រុមការងារចុះដល់ទីតាំងជាក់ស្តែង ។ ដោយឡែក មន្ត្រីក្រុមការងារជំនាញបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ក៏បាននិងកំពុងយកចិត្តទុកដាក់កែសម្រួល និងរៀបចំរាល់ឯកសារបច្ចេកទេស និងផែនទីពាក់ព័ន្ធ (ទាំងផ្នែកទន់ និងផ្នែករឹង) ដើម្បីជួយគាំទ្រ និងសម្រួលដល់ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប និងបានផ្តល់ការបណ្តុះបណ្តាលពីការប្រើប្រាស់កម្មវិធីចុះប្រមូលទិន្នន័យ-ព័ត៌មាន ដោយប្រើប្រាស់កម្មវិធី (KOBO Collect) ។

ថ្នាក់ដឹកនាំអាជ្ញាធរទន្លេសាប ដឹកនាំប្រជុំតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-09T13:09:54+00:00

ថ្នាក់ដឹកនាំអគ្គលេខាធិការដ្ឋាននៃអាជ្ញាធរទន្លេសាប រៀបចំបណ្តុះបណ្តាលដល់សមាជិកក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-08T20:28:48+00:00

ព្រឹកថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំវគ្គបណ្តុះបណ្តាលការងារបច្ចេកទេសក្នុងការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាបដោយប្រើប្រាស់ប្រព័ន្ធ KoboCllection ដឹកនាំដោយ ឯកឧត្តម សរ គឹមសាន្ត អគ្គលេខាធិការ នៃអគ្គលេខាធិការដ្ឋានអាជ្ញាធរទន្លេសាប ដើម្បីត្រៀមលក្ខណៈ ក្នុងការចុះអនុវត្តការងារតាមដានត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងតំបន់កាត់ឆ្វៀល ក្នុងតំបន់ ១ តំបន់ ២ និងតំបន់ ៣ ដែលស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

សូមបញ្ជាក់ថា : រាជរដ្ឋាភិបាលបានកាត់ឆ្វៀលដីមួយចំនួនចេញពីដែនព្រៃលិចទឹកពីតំបន់៣ មកតំបន់២ និង.ពីតំបន់២ មកតំបន់១ នៃអនុក្រឹត លេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ជូនប្រជាពលរដ្ឋ អាស្រ័យផល និងតាំងទីលំនៅ ។ ហើយបច្ចុប្បន្នក្រុមការងារអាជ្ញាធរទន្លេសាប បាន និងកំពុងបន្តអនុវត្តន៍តួនាទីភារកិច្ច ក្នុងការប្រមូលផ្ទៀងផ្ទាត់ទិន្នន័យ ព័ត៌មានជាក់លាក់ ដើម្បីពិភាក្សាជាមួយក្រសួង ស្ថាប័នពាក់ព័ន្ធ និងថ្នាក់ក្រោមជាតិនៃខេត្តទាំង ៦ ជុំវិញបឹងទន្លេសាប និងឈានទៅរៀបចំរបាយការណ៍ជូនថ្នាក់ដឹកនាំ និងប្រមុខរាជរដ្ឋាភិបាល ។

ថ្នាក់ដឹកនាំអាជ្ញាធរទន្លេសាប ជួបសំណេះសំណាល និងពិភាក្សាពង្រឹងការងារនាយកដ្ឋានរដ្ឋបាល ផែនការ និងសហប្រតិបត្តិការ នៃអគ្គលេខាធិការដ្ឋាន អាជ្ញាធរទន្លេសាប

2023-12-08T20:13:03+00:00

រសៀលថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានជួបសំណេះសំណាល និងពិភាក្សាការងារជាមួយលោកប្រធាន អនុប្រធាន និងមន្ត្រីក្រោមឱវាទនាយកដ្ឋានរដ្ឋបាល ផែនការ និងសហប្រតិបត្តិការ ដើម្បីពង្រឹងប្រសិទ្ធភាពការងារក្នុងនាយកដ្ឋាន ក្នុងស្មារតីលើកកម្ពស់ប្រសិទ្ធភាពការងាររបស់អាជ្ញាធរទន្លេសាប និងត្រៀមរៀបចំឯកសាររបាយការណ៍បូកសរុបស្តីពីវឌ្ឍនភាពការងាររបស់អាជ្ញាធរទន្លេសាបឆ្នាំ ២០២៣ ដើម្បីប្រជុំផ្សព្វផ្សាយនាដើមខែមករា ឆ្នាំ ២០២៤ រួមជាមួយការដាក់ឲ្យអនុវត្តនូវផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប ។

ថ្នាក់ដឹកនាំអគ្គលេខាធិការដ្ឋាននៃអាជ្ញាធរទន្លេសាប ដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-07T18:23:51+00:00

នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំកិច្ចប្រជុំពិភាក្សាការងារបច្ចេកទេសជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប ក្រោមការដឹកនាំដោយប្រធានក្រុមការងារទទួលខុសត្រូវប្រចាំតាមមុខព្រួញ ដែលជាថ្នាក់ដឹកនាំនៃអគ្គលេខាធិការដ្ឋានអាជ្ញាធរទន្លេសាប ដើម្បីត្រៀមលក្ខណៈកិច្ចការបច្ចេកទេស ក្នុងការដាក់ផែនការចុះផ្សព្វផ្សាយ និងចុះអនុវត្តន៍តាមដានត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងតំបន់កាត់ឆ្វៀល ក្នុងតំបន់ ១ តំបន់ ២ និងតំបន់ ៣ ដែលស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

សូមជម្រាបថា : (1). ប្រធានក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធ ដឹកនាំដោយ ឯកឧត្តម សរ គឹមសាន្ត អគ្គលេខាធិការ នៃអាជ្ញាធរទន្លេសាប, (2). ប្រធានក្រុមការងារទទួលបន្ទុកប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង នៃអាជ្ញាធរទន្លេសាប និង (3). ប្រធានក្រុមការងារទទួលបន្ទុកប្រចាំមុខព្រួញផ្លូវជាតិលេខ ៥ ដឹកនាំដោយឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប ។

សូមបញ្ជាក់ថា : អាជ្ញាធរទន្លេសាប បានបង្កើតក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតក្នុងខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ, សៀមរាប និងខេត្តកំពង់ធំ) ដែលរាជរដ្ឋាភិបាលបានឆ្វៀលចេញពីដែនព្រៃលិចតំបន់៣ មកតំបន់២ និង. ពីតំបន់២ មកតំបន់១ នៃអនុក្រឹត លេខ ១៩៧ អនក្រ.បកចុះថ្ងៃទី ២៩ ខែសីហា ឆ្នាំ២០១១ ដែលមានដែនទំហំ ៦៤៧,៤០៦ហិកតា ជូនប្រជាពលរដ្ឋ អាស្រ័យផល និងតាំងទីលំនៅ ។ ក្រុមការងារ បាន និងកំពុងបន្តអនុវត្តន៍តួនាទីភារកិច្ច ក្នុងការប្រមូលផ្ទៀងផ្ទាត់ទិន្នន័យ ព័ត៌មានជាក់លាក់ ដើម្បីពិភាក្សាជាមួយក្រសួង ស្ថាប័នពាក់ព័ន្ធ និងថ្នាក់ក្រោមជាតិនៃខេត្តទាំង ៦ ជុំវិញបឹងទន្លេសាប និងធ្វើការផ្សព្វផ្សាយបង្កើនការយល់ដឹងពីសារប្រយោជន៍ធនធានធម្មជាតិ និងចូលរួមកិច្ចការការពារ ធនធានធម្មជាតិបឹងទន្លេសាបប្រកបដោយចីរភាព។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អញ្ជើញជួបពិភាក្សាការងារលើកិច្ចសហប្រតិបត្តិការជាមួយគណៈប្រតិភូមេគង្គ-ឡានឆាង

2023-12-02T09:43:36+00:00

នាព្រឹកថ្ងៃសុក្រ ៤រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០១ ខែធ្នូ ឆ្នាំ២០២៣ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានទទួលជួបពិភាក្សាការងារជាមួយគណៈប្រតិភូមេគង្គ-ឡានឆាង ដែលដឹកនាំដោយ លោក Li Ge អគ្គនាយករង ក្រសួងធនធានទឹក នៃសាធារណរដ្ឋប្រជាមានិតចិន និង Dr. Zhou Zhiwei, អគ្គលេខាធិការ មជ្ឈមណ្ឌលកិច្ចសហប្រតិបត្តិការធនធានទឹកឡានឆាង-មេគង្គ (LMC) ។

សូមជម្រាបថា កិច្ចប្រជុំនេះ មានការចូលរួមពីឯកឧត្តមអគ្គលេខាធិការ ប្រធាននាយកដ្ឋាននីតិកម្ម និងផ្សព្វផ្សាយ អនុប្រធាននាយកដ្ឋានធនធានធម្មជាតិ មន្ត្រីបច្ចេកទេស នៃអាជ្ញាធរទន្លេសាប ព្រមទាំងមន្ត្រីបច្ចេកទេសនៃក្រសួងធនធានទឹកចិន និងមេគង្គ-ឡានឆាង។

ក្នុងឱកាសជំនួបនេះដែរ ឯកឧត្តម អនុប្រធាន បានជម្រាបជូនគណៈប្រតិភូ អំពីតួនាទី ភារកិច្ច បេសកកម្មស្នូល និងសមិទ្ធផលស្នាដៃដែលអាជ្ញាធរទន្លេសាបសម្រេចបានកន្លងមក ព្រមទាំងបានបង្ហាញពីទស្សនទានការងារដែលកំណត់នៅក្នុងផែនការយុទ្ធសាស្ត្ររបស់អាជ្ញាធរទន្លេសាប ២០២៤-២០២៨ ផ្សាភ្ជាប់នឹងបញ្ហាប្រឈម និងវិធានការទប់ស្កាត់ផលប៉ះពាល់មកលើបឹងទន្លេសាបនាពេលបច្ចុប្បន្ន និងទៅអនាគត រួមជាមួយការលើកឡើងភាពទំនាក់ទំនងរវាងបឹងទន្លេសាប ជាមួយទន្លេមេគង្គ ។

ជាមួយនេះដែរ ប្រធានគណៈប្រតិភូ រួមជាមួយក្រុមប្រតិភូ ឡានឆាង-មេគង្គ បានចាប់អារម្មណ៍យ៉ាងខ្លាំង ជាមួយការលើកឡើងពាក់ព័ន្ធនឹងទស្សនទានការងាររបស់អាជ្ញាធរទន្លេសាបផ្សាភ្ជាប់នឹងបញ្ហាបឹងទន្លេសាប និងភាពទំនាក់ទំនងរវាងបឹងទន្លេសាប ជាមួយទន្លេមេគង្គ ។

ជាលទ្ធផលនៃកិច្ចពិភាក្សា គណៈប្រតិភូឡានឆាង-មេគង្គ លោក Li Ge និង Dr. Zhou Zhiwei, បានទទួលយកនូវសំណើរបស់ ឯកឧត្តមអនុប្រធានអាជ្ញាធរទន្លេសាប ក្នុងការពង្រឹងចំណងមិត្តភាព និងកិច្ចសហប្រតិបត្តិការយូរអង្វែងរវាង អាជ្ញាធរទន្លេសាប និងឡានឆាង-មេគង្គ ហើយនឹងចាត់តាំងមន្ត្រីបច្ចេកទេស ០១រូប ដើម្បីសហការជួយរៀបចំសំណើគម្រោង Project Proposal កិច្ចសហប្រតិបត្តិការរវាង អាជ្ញាធរទន្លេសាប និង Lancang-Mekong Water Resources Cooperation-LMC នាពេលខាងមុខ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំកិច្ចប្រជុំពិនិត្យពិភាក្សាលើផែនការសកម្មភាពអគ្គលេខាធិការដ្ឋាន អាជ្ញាធរទន្លេសាប ឆ្នាំ២០២៤

2023-12-01T10:13:40+00:00

នៅព្រឹកថ្ងៃព្រហស្បតិ៍ ៣រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃ៣០ ខែវិច្ឆិកា ឆ្នាំ២០២៣ នាសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ដឹកនាំកិច្ចប្រជុំពិនិត្យផែនការសកម្មភាពអគ្គលេខាធិការដ្ឋាន អាជ្ញាធរទន្លេសាប ឆ្នាំ២០២៤ ។

សូមជម្រាបថា កិច្ចប្រជុំនេះមានការចូលរួមពីឯកឧត្តមអគ្គលេខាធិការ ឯកឧត្តមអគ្គលេខាធិការរង ប្រធាននាយកដ្ឋាន និងមន្ត្រីបច្ចេកទេស។

ឯកឧត្តមអនុប្រធាន បានឱ្យដឹងថា គោលបំណងនៃកិច្ចប្រជុំ ដើម្បីពិនិត្យ និងពិភាក្សាកែសម្រួល លើផែនការសកម្មភាពឆ្នាំ២០២៤ ដែលបានលើកឡើងដោយថ្នាក់ដឹកនាំ និងនាយកដ្ឋានទាំង៤ ចំណុះអគ្គលេខាធិការដ្ឋាន អាជ្ញាធរទន្លេសាប ស្របតាមផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងយុទ្ធសាស្ត្របញ្ចកោណរបស់រាជរដ្ឋាភិបាល ដើម្បីអនុវត្តន៍ប្រកបដោយប្រសិទ្ធភាពតាមតួនាទីភារកិច្ច របស់នាយកដ្ឋាននីមួយៗ ៕

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តចុះសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តកំពង់ធំ

2023-11-24T23:42:32+00:00

នាថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ខែវិច្ឆិកា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានបន្តចុះអនុវត្តសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តកំពង់ធំ ។

សកម្មភាពខាងលើ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដើម្បី៖
១. ពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌជលផលខេត្តកំពង់ធំ
២. ពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំប្រាសាទ ស្រុកសន្ទុក ខេត្តកំពង់ធំ និងសហគមន៍នេសាទតាគង់អន្លង់ត្រីបឹងទក់បឹងគួយ។

ជាមួយនឹងការអនុវត្តន៍សកម្មភាពក្នុងតំបន់សិក្សាខាងលើ ជាលទ្ធផលបឋម បានបង្ហាញឃើញថា៖
១. សហគមន៍នេសាទតាគង់អន្លង់ត្រីបឹងទក់បឹងគួយ បានបង្កើតឡើងក្នុងឆ្នាំ២០០៧ មានសមាជិកគណៈកម្មការសហគមន៍ចំនួន ១១នាក់ ស្រី ១នាក់ហើយមិនទាន់បោះឆ្នោតជ្រើសរើសគណៈកម្មការថ្មីនៅឡើយ។ សហគមន៍នេសាទនេះមានបឹងអភិរក្សចំនួន ២កន្លែង គឺ បឹងទក់ មានទំហំ ១៥០មx៣០០ម និង បឹងគួយ ទំហំ ១៥០ម×៣០០ម ដែលព័ទ្ធជុំវិញទៅដោយស្រែប្រាំង ។
២. គិតត្រឹមខែវិច្ឆិកា ឆ្នាំ២០២៣ នេះ ស្ថាប័នជំនាញពាក់ព័ន្ធ បានបំពេញការងារ និងបានសហការធ្វើការបង្ក្រាបបទល្មើសនេសាទ ក៏ដូចជាការចូលរួមការពារ អភិរក្ស និងអភិវឌ្ឍន៍ធនធានធម្មជាតិ សម្រេចបានការដកហូត និងបំផ្លាញចោលឧបករណ៍នេសាទខុសច្បាប់ រួមមាន៖
- ឧបករណ៍ឡុក ចំនួន ៤,៣៣១គ្រឿង
- ឧបករណ៍របាំងស្បៃម៉ុងប្រវែង ៦៤,០៤៣ម៉ែត្រ
- ឧបករណ៍របាំងសាច់មងប្រវែង៦៧,៧៧៥ម៉ែត្រ
- ឧបករណ៍សម្រាស់ទំហំ ១,៣៤៦ម៉ែត្រការ៉េ
- ខ្សែរចងប្រវែង ៤៨៥ម៉ែត្រ
- លបប្រើស១០០ ចំនួន ២,៩៨៩គ្រឿង
- អួន ចំនួន ៣វង់
- ដុំភ្លើងឆក់ ចំនួន ១៦គ្រឿង
- ដងឆក់ ចំនួន ១៤គូរ
- ខ្សែរភ្លើងប្រវែង ៨៤គ្រឿង
- អាគុយ ចំនួន ១៦គ្រឿង
- បង្គោល ចំនួន ៧៤,៦២០ដើម
- បានប្រលែងត្រីចូលបឹងធម្មជាតិ ចំនួន ២,៧១០គីឡូក្រាម។
សូមជម្រាបជូនថា៖ សកម្មភាពចុះសិក្សាសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន មានគោលបំណង ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការ ជាមួយមន្ត្រីស្ថាប័នជំនាញពាក់6ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម សាន់ យូ អភិបាលរងនៃគណ:អភិបាលខេត្តកំពង់ឆ្នាំង បានអញ្ជើញដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តកំពង់ឆ្នាំង

2023-11-23T18:37:15+00:00

នៅសាលប្រជុំសាលាខេត្តកំពង់ឆ្នាំង នាថ្ងៃព្រហស្បត្តិ៍១១កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារទទួលបន្ទុកក្តាប់រួម ចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្រី្ត ក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំប្រតិភូថ្នាក់ដឹកនាំ និងមន្ត្រីបច្ចេកទេស នៃអាជ្ញាធរទន្លេសាប ចូលរួមកិច្ចប្រជុំពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងភូមិសាស្ត្រខេត្តកំពង់ឆ្នាំង ដែលមានការចូលរួមពីថ្នាក់ដឹកនាំ និងមន្ត្រីក្រុមការងារបច្ចេកទេស របស់អាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងក្រសួងស្ថាប័នថ្នាក់ជាតិ រួមមានក្រសួងរៀបចំដែនដី នគរូបនីយកម្ម និង សំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន, ថ្នាក់ដឹកនាំខេត្ត និងមន្ត្រីបច្ចេកទេសសាលាខេត្តកំពង់ឆ្នាំង, មន្ទីរជំនាញពាក់ព័ន្ធ ក្នុងខេត្តកំពង់ឆ្នាំង និងអាជ្ញាធរដែនដីរដ្ឋបាលថ្នាក់មូលដ្ឋានពាក់ព័ន្ធ នៃស្រុក/ឃុំ/ភូមិពាក់ព័ន្ធ ក្នុងខេត្តកំពង់ឆ្នាំង ចំនួន ៧៧នាក់។

កិច្ចប្រជុំបានពិភាក្សាលេីចំនុចមួយចំនួនដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១, តំបន់២ និងតំបន់ ៣ ក្នុងខេត្តកំពង់ឆ្នាំង
៤- កិច្ចសហការពីថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរដែនដីមូលដ្ឋានពាក់ព័ន្ធក្នុងខេត្តកំពង់ឆ្នាំង ក្នុងការ ចូលរួមការពារ ថែរក្សាធនធានធម្មជាតិ និងបរិស្ថាន តំបន់ ១ តំបន់ ២ និងតំបន់ ៣
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ឆ្នាំង ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. អង្គប្រជុំ បានយល់ស្រប បន្តកិច្ចសហការ រវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វេីការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ចំណុចលម្អៀង នៃទិន្នន័យ របស់អាជ្ញាធរទន្លេសាប និងមន្ទីររៀបចំដែនដី នគរូបនីយកម្ម និងសំណង់ខេត្តកំពង់ឆ្នាំង ។
៣. ឯកភាពប្រើប្រាស់ទិន្នន័យផែនទី របស់ក្រសួងរៀបចំដែនដី នគរូបនីយកម្ម និងសំណង់ ជាគោល ។ រាល់ទិន្នន័យដែលពាក់ព័ន្ធ គឺអាចស្នើសុំមកក្រសួងរៀបចំដែនដី នគរូបនីយកម្ម និងសំណង់ ប្រសិនបើមានតម្រូវការចាំបាច់។
៤. ឯកភាពចែករំលែកទិន្នន័យ ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៥. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ឆ្នាំង ។
៦. អនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

សូមបញ្ជាក់ថា អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT)

2023-11-21T11:05:46+00:00

ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប តបតាមការគោរពអញ្ជើញរបស់សាកលវិទ្យាល័យជាតិបាត់ដំបង ។ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានអញ្ជើញចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT) ដែលបានប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី១៨ ដល់ ២០ ខែវិច្ឆិកា ឆ្នាំ២០២៣ នៅសណ្ឋាគារអង្គរប៉ារ៉ាឌី ខេត្តសៀមរាប ។

កម្មវិធីនេះ រៀបចំដោយសាកលវិទ្យាល័យជាតិបាត់ដំបង ក្នុងគម្រោងកសាងសមត្ថភាពឧត្តមសិក្សា ERSMUS+ EBHE INOWASIA ដែលផ្តោតលើនវានុវត្តន៍ ការអភិវឌ្ឍកម្មវិធីអប់រំសម្រាប់បណ្តុះបណ្តាលអ្នកបច្ចេកទេសលើវិស័យធនធានទឹកឈានមុខនៅតំបន់អាស៊ីអាគ្នេយ៍។ សន្និសីទអន្តរជាតិនេះមានការចូលរួមពីអ្នកស្រាវជ្រាវថ្នាក់ជាតិ ប្រទេសក្នុងអនុតំបន់មេគង្គ និងអន្តរជាតិ រួមជាមួយក្រសួងស្ថាប័នជំនាញពាក់ព័ន្ធរបស់រាជររដ្ឋាភិបាល ។

សន្និសីទនេះរៀបចំឡើងក្នុងគោលបំណងសំខាន់ចំនួន ៣ រួមមាន ៖
• ពិភាក្សាអំពីបញ្ហាប្រឈមទាក់ទងនឹងការបណ្តុះបណ្តាលការស្រាវជ្រាវ និងកាលានុវត្តភាពលើវិស័យធនធានទឹកនិងបរិស្ថាននៅកម្ពុជា និងតំបន់អាស៊ីអាគ្នេយ៍
• ផ្តល់ឱកាសសម្រាប់អ្នកស្រាវជ្រាវក្នុងតំបន់ និងអន្តរជាតិ និងភាគីពាក់ព័ន្ធអាចផ្លាស់ប្តូរចំណេះដឹង ឧត្តមានុវត្ត និងដំណោះស្រាយបែបវិទ្យាសាស្ត្រដើម្បីដោះស្រាយបញ្ហាប្រឈមទឹក និងបរិស្ថានក្នុងតំបន់
• កំណត់ផែនទីចង្អុលផ្លូវសម្រាប់ដំណើរការអភិវឌ្ឍកម្មវិធីអប់រំ ស្រាវជ្រាវ និងនវានុវត្តន៍ពាក់ព័ន្ធនឹងទឹក និងបរិស្ថាននាពេលអនាគត ដើម្បីការអភិវឌ្ឍប្រកបដោយចីរភាពនៅក្នុងតំបន់អាស៊ីអាគ្នេយ៍ ឈានទៅសម្រេចគោលដៅអភិវឌ្ឍន៍ប្រកបដោយចីរភាព (SDGs) ឆ្នាំ២០៣០។

សន្និសីទបានរៀបចំជា ៤ផ្នែក សំខាន់ៗដូចជា ៖
ផ្នែកទី ១/. កម្មវិធីអប់រំការច្នៃប្រឌិតចម្រុះសម្រាប់លើវិស័យការងារទឹក
ផ្នែកទី ២/. សហប្រតិបត្តិការសាកលវិទ្យាល័យ-ឧស្សាហកម្មដើម្បីលើកកម្ពស់ការអប់រំ និងការស្រាវជ្រាវក្នុងវិស័យទឹក
ផ្នែកទី ៣/. និរន្តរភាពបរិស្ថាននៅតំបន់អាស៊ីអាគ្នេយ៍ និងបញ្ហាប្រឈមការគ្រប់គ្រងទឹក
ផ្នែកទី ៤/. មុខងារអេកូឡូស៊ី និងការអភិរក្សជីវៈចម្រុះដែលប្រឈមមុខនឹងការផ្លាស់ប្តូរសកល ។

ក្នុងអង្គពិធីសន្និសីទនេះដែរ ឯកឧត្តម ហ៊ែល តូនី បានចូលរួមចែករំលែកបទពិសោធន៍ ចំណេះដឹង ទិសដៅ និងទស្សនៈវិស័យរបស់អាជ្ញាធរទន្លេសាប ស្តីអំពី បច្ចុប្បន្នភាព និងអនាគតបឹងទន្លេសាប ដើម្បីធានាការប្រើប្រាស់សេវាអេកូឡូស៊ីបឹងទន្លេសាប ដែលកំពុងប្រឈមនឹងការផ្លាស់ប្តូរជាសកល។ ឯកឧត្តមក៏បានចូលរួមជាវាគ្មិនកិត្តិយសសម្រាប់កិច្ចពិភាក្សា ជាមួយភាគីពាក់ព័ន្ធ ជាតិ និងអន្តរជាតិលើប្រធានបទ៖(១).ការបណ្តុះបណ្តាលជំនាញទឹកនៅក្នុងតំបន់អាស៊ីអាគ្នេយ៍ដើម្បីសម្រេចគោលដៅអភិវឌ្ឍន៍ប្រកបដោយ ចីរភាព(SDGs) នៃកម្មវិធីអប់រំការច្នៃប្រឌិតចម្រុះសម្រាប់ការងារលើវិស័យទឹក, (២). គម្លាតការស្រាវជ្រាវ នៅតំបន់បឹងទន្លេសាប និងទន្លេមេគង្គសម្រាប់ទិសដៅសិក្សាស្រាវជ្រាវនាពេលអនាគត នៃមុខងារអេកូឡូស៊ីនិងការអភិរក្សជីវៈចម្រុះដែលប្រឈមមុខនឹងការផ្លាស់ប្តូរសកល, (៣). ការរៀបចំឯកសារសំណើស្តីពី ការរៀបចំមន្ទីរពិសោធន៍អន្តរជាតិរួមគ្នា ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT)

2023-11-21T11:05:46+00:00

ក្រុមការងារបច្ចេកទេស នាយកដ្ឋាននីតិកម្ម និងផ្សព្វផ្សាយ បានបន្តសកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ

2023-11-20T07:50:13+00:00

នាថ្ងៃព្រហស្បតិ៍ ៤កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១៦ ខែវិច្ឆិកា ឆ្នាំ២០២៣ មន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាការវិភាគតម្លៃ និងផលចំណេញក្នុងផលិតកម្មស្រូវនៅវាលទំនាបបឹងទន្លេសាប នៅឃុំពង្រ, ទ្រៀល, ជ្រលង, សូយោង និងឃុំស្រឡៅ ស្រុកតាំងគោក ខេត្តកំពង់ធំ។

ការសិក្សានេះ ទទួលបានលទ្ធផលបឋម ដូចខាងក្រោម៖
- ផ្ទៃដីស្រែប្រាំងក្នុងស្រុកតាំងគោកមានចំនួន ២៣.០០០ ហិកតា ក្នុងតំបន់២
- ធ្វើស្រែប្រាំងបាន ២ដង ក្នុងមួយឆ្នាំ
- ទិន្នផលបាន ៣ ទៅ ៤ តោន ក្នុងមួយហិកតា ដោយប្រើប្រាស់ពូជស្រូវ OM5154 សែនក្រអូប និងរំដួល
- តម្លៃស្រូវក្នុងឆ្នាំ២០២៣ គឺ ១២០០រៀល/គក្រ
- ការធ្វើស្រែប្រាំង របស់កសិករក្នុងតំបន់នេះ ចំណាយអស់ប្រមាណ ២,៨ លានរៀល/ហត ដូចជា ថ្លៃពូជស្រូវ ថ្លៃជួលភ្ជួររាស់ ជួលច្រូត ជួលដឹកជញ្ជូន ថ្លៃថ្នាំ-ជីគីមី និងប្រេង/សាំង។
- ចំណេញចន្លោះពី ១,០០,០០០ ទៅ ១,៥០០,០០០ រៀល ក្នុងមួយហិកតា ក្នុងមួយដង
- បច្ចេកទេសធ្វើស្រែ និងការប្រើប្រាស់ថ្នាំគីមី ជីគីមី គឺធ្វើតាមតៗគ្នា។
- ប្រជាជនស្រុកតាំងគោក មានសមាជិកគ្រួសារចន្លោះពី ៤ ទៅ ៦នាក់/គ្រួសារ ប៉ុន្តែកម្លាំងពលកម្មធ្វើស្រែមានតែ ១ ទៅ ២នាក់ ប៉ុណ្ណោះ គឺការធ្វើស្រែដោយជួលគេធ្វើឲ្យ ដែលធ្វើឲ្យចំណាយច្រើន។
- ការធ្វើស្រែក្នុងស្រុកតាំងគោក គឺអនុវត្តន៍កសិកម្មជាលក្ខណៈគ្រួសារ ដែលមានផ្ទៃដី ២ទៅ ២០ ហិកតា/គ្រួសារ។

សូមជម្រាបជូនថា៖ សកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ គឺជាសកម្មភាពមួយក្នុងចំណោមសកម្មភាព ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៣ របស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណងដើម្បី៖
- វិភាគចរន្តសេដ្ឋកិច្ចពីរបរស្រែប្រាំងក្នុងតំបន់សិក្សា
- វិភាគថ្លៃដើមផលិតកម្ម និងផលិតផលផលិតកម្មស្រែប្រាំង
- ស្វែងយល់ និងវិភាគចំណូលចំណាយពីការធ្វើរបរស្រែប្រាំង
- បញ្ហាប្រឈមក្នុងការងារធ្វើស្រែរបស់ប្រជាពលរដ្ឋ
- ចងក្រងជាឯកសារពីតម្លៃស្រូវ ទីផ្សារ ទិន្នផល ពូជស្រូវតាមឆ្នាំ/តំបន់។

លោក សុខ រ៉ាយ៉ុង ប្រធានការិយាល័យអភិរក្ស នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បាន ដឹកនាំមន្ត្រីបច្ចេកទេស បន្តចុះសិក្សាស្រាវជ្រាវពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ ។

2023-11-19T11:19:37+00:00

នាថ្ងៃពុធ ៣ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែវិច្ឆិកា ឆ្នាំ២០២៣ លោក សុខ រ៉ាយ៉ុង ជាប្រធានការិយាល័យអភិរក្ស របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារបន្តចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។

ការសិក្សាស្រាវជ្រាវនេះ ក្រុមការងារបាន ៖
ទី១. ជួបជាមួយក្រុមប្រឹក្សាឃុំ សង្កាត់រដ្ឋបាលជលផលដើម្បីដឹងពីបម្រែបម្រួលស្ថានភាពបរិស្ថាន ធនធានជលផល មូលហេតុនៃបម្រែបម្រួលទាំងនេះ និងស្ថានភាពជលសាស្ត្រ។
ទី២. ជួបជាមួយប្រជានេសាទ ដើម្បីយល់ដឹងពីបរិមាណផលនេសាទ បម្រែបម្រួលផលនេសាទ និងកត្តាបទល្មើសផ្សេងៗ។
ទី៣. ពិនិត្យ និងអង្កេតផ្ទាល់ពីស្ថានភាពទូទៅមួយចំនួនក្នុងតំបន់រ៉ាមសារស្ទឹងសែន។

ជាមួយនឹងសកម្មភាពសិក្សានៅតំបន់ពាក់ព័ន្ធខាងលើនេះ ក្រុមការងារមន្ត្រីបច្ចេកទេស បានរកឃើញនូវលទ្ធផលដូចខាងក្រោម៖
១. ស្ថានភាពទឹកទន្លេមានលក្ខណៈឡើងយឺត និងទឹកស្អុយរយៈពេលយូរជាងរាល់ឆ្នាំ ហើយកម្ពស់ទឹកឆ្នាំនេះទាបជាងឆ្នាំមុនជាង ០១ម៉ែត្រ។ ស្ថានភាពនេះធ្វើឲ្យត្រីមានការបន្តពូជយឺត និងលូតលាស់ធំធាត់យឺតផងដែរ។
២. បញ្ហាអាកាសធាតុនៅក្នុងតំបន់នេះមានការប្រែប្រួលខ្លាំងដូចជា ការកើនឡើងកំដៅ ទឹកកង្វក់ខ្យល់ព្យុះ ឬខ្យល់កន្ត្រាក់តែងកើតមានជាញឹកញាប់ ធ្វើអោយប្រជាជននៅក្នុងតំបន់នេះពិបាកក្នុងការរស់នៅ ពិសេសប្រជាជនដែលពឹងផ្អែកទាំងស្រុងលើរបរនេសាទ។
៣. មានការកើនឡើងច្រើនគួរអោយកត់សម្គាល់ រួមមានសត្វស្លាប ពស់ថ្លាន់ ស្វា និងភេ។
៤. បរិមាណផលនេសាទ មិនទាន់មានការប្រែប្រួលណាមួយ ដែលអាចវាយតម្លៃពីភាពសម្បូរ ឬខ្សត់នៅឡើយ ព្រោះបច្ចុប្បន្ននៅមានភ្លៀង ផ្គរ ស្ទើររាល់ថ្ងៃ ជាហេតុធ្វើអោយត្រីមិនទាន់បំលាស់ទីចេញពីក្នុងព្រៃ និងជម្រករបស់វាចុះមកទន្លេមេគង្គតាមទន្លេសាបនៅឡើយ។
៥. ប្រជានេសាទជាច្រើនមានការត្អូញត្អែរពីការកើនឡើងនៃសត្វភេ ដែលតែងតែមកចាប់ហែកលបយកត្រីធ្វើជាចំណី ដែលពី៤ ឬ ៥ឆ្នាំមុន ស្ទើតែមិនធ្លាប់ជួបប្រទះ។

សកម្មភាពខាងលើនេះ មានគោលបំណង៖
- ស្វែងយល់ពីស្ថានភាពបរិស្ថាន និងធនធានជលផលនៅតំបន់រ៉ាមសារស្ទឹងសែន។
- វាយតម្លៃបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន។
- ផ្តល់ជាអនុសាសសម្រាប់កែលម្អ និងវិធានការបន្សាំទៅនឹងការប្រែប្រួលដើម្បីធានាបាននូវការអភិរក្ស អភិវឌ្ឍន៍បរិស្ថាន និងធនធានជលផលក្នុងតំបន់រ៉ាមសារស្ទឹងសែនឲ្យមានភាពប្រសើរឡើង។

ឯកឧត្តម ហ៊ែល តូនី អនុប្រធាន ទទួលបន្ទុកក្តាប់រួម អាជ្ញាធរទន្លេសាប ដឹកនាំពិភាក្សា អំពីយន្តការ និងដំណើរការនៃការរៀបចំរបាយការណ៍បច្ចេកទេសលទ្ធផលសិក្សាស្រាវជ្រាវរបស់អាជ្ញាធរទន្លេសាប

2023-11-19T11:02:15+00:00

នាព្រឹកថ្ងៃព្រហស្បតិ៍ ៤ កើត ខែកត្តិក ឆ្នាំថោះ ព.ស ២៥៦៧ ត្រូវនឹងថ្ងៃទី ១៦ ខែវិច្ឆិកា ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំពិភាក្សា អំពីយន្តការ និងដំណើរការនៃការរៀបចំរបាយការណ៍បច្ចេកទេសលទ្ធផលសិក្សាស្រាវជ្រាវរបស់អាជ្ញាធរទន្លេសាប ក្រោមការដឹកនាំសម្របសម្រួលដោយ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម និងមានការចូលរួមពី ឯកឧត្តមអនុប្រធាន អគ្គលេខាធិការ អគ្គលេខាធិការរង ប្រធាននាយកដ្ឋាន និងមន្ត្រីបច្ចេកទេសក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ។

ក្នុងអង្គប្រជុំនេះផងដែរ ឯកឧត្តម លឹម ពុយ អនុប្រធាន អ.ទ.ស បានធ្វើការចែករំលែកនូវទស្សនៈវិស័យសម្រាប់សកម្មភាពស្រាវជ្រាវ នៅបឹងទន្លេសាបក្នុងឆ្នាំ ២០២៤ និងការធ្វើសំយោគឯកសារបច្ចេកទេសជា ៣ ផ្នែក ៖
* ផ្នែកទី១. ស្ថានភាពជីវវិទ្យា នៃបឹងទន្លេសាប ក្រោមផ្លូវជាតិលេខ ៥ និងលេខ ៦ (ខេត្តកំពង់ឆ្នាំង ពោធិ៍សាត់ បាត់ដំបង សៀមរាប និងកំពង់ធំ)។
* ផ្នែកទី២. ស្ថានភាពធនធានជលផល នៅតំបន់ទន្លេសាប, ព្រៃលិចទឹក លំនៅដ្ឋានធនធានត្រី និងវិស័យកសិកម្មនៅតំបន់៣ ។
* ផ្នែកទី៣. ទស្សនៈវិស័យក្នុងការគ្រប់គ្រងនាពេលអនាគត។

បន្ទាប់ពីអង្គប្រជុំ បានស្តាប់បទបង្ហាញនៃការចែករំលែក និងពិភាក្សា ឯកឧត្តមប្រធានអង្គប្រជុំ បានកោតសរសើរចំពោះការចែករំលែកគំនិតទស្សនៈទានរបស់ ឯកឧត្តម លឹម ពុយ ក្នុងស្មារតីចូលរួមគាំទ្រដំណើរការនៃការរៀបចំឯកសារបច្ចេកទេសលទ្ធផលសិក្សាស្រាវជ្រាវរបស់ អាជ្ញាធរទន្លេសាប ឲ្យមានប្រសិទ្ធភាព ។ ជាមួយគ្នានោះដែរ ឯកឧត្តមប្រធានអង្គប្រជុំ ក៏បានផ្តល់ការណែនាំទៅឯកឧត្តម សរ គឹមសាន្ត អគ្គលេខាធិការ ឲ្យពិនិត្យរៀបចំក្រុមការងារ ដើម្បីរៀបចំឯកសារបច្ចេកទេសដែលបានសិក្សាស្រាវជ្រាវកន្លងមករបស់អាជ្ញាធរទន្លេសាប ស្របតាមការណែនាំ និងឯកភាពដ៏ខ្ពង់ខ្ពស់ពី ឯកឧត្តមប្រធាន អាជ្ញាធរទន្លេសាប និងពិនិត្យមើលការពង្រឹងយន្តការការងារជាមួយនាយកដ្ឋាននីតិកម្ម និងផ្សព្វផ្សាយ ក្នុងការជម្រុញការរៀបចំ Tonle Sap E-library ឲ្យស្របតាមការកំណត់នៅក្នុងផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨ ។

លោក អុល សុជាតិ ប្រធានការិយាល័យសម្របសម្រួលវិវាទ បានដឹកនាំក្រុមការងារ បានចុះអនុវត្តបញ្ចប់សកម្មភាពសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព នៅខេត្តបន្ទាយមានជ័យ

2023-11-17T08:15:30+00:00

នាថ្ងៃពុធ ៣ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែវិច្ឆិកា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានដឹកនាំក្រុមការងារ ចុះអនុវត្តបញ្ចប់សកម្មភាពសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព ប្រចាំឆ្នាំ២០២៣។

ការចុះសិក្សានេះ ក្រុមការងារបាន ៖
ទី ១. ជួបពិភាក្សាជាមួយអាជ្ញាធរដែនដី ឃុំរហាល និងឃុំប្រាសាទ។
ទី ២. ជួបពិភាក្សាជាមួយសហគមន៍នេសាទស្ទឹងកំបុតមានជ័យ ក្នុងឃុំរហាល និងសហគមន៍នេសាទដង្កៀបក្ដាមមានជ័យ ក្នុងឃុំប្រាសាទ ស្រុកព្រះនេត្រព្រះ ។

សម្រាប់ការអនុវត្តសកម្មភាពសិក្សានៅតំបន់ពាក់ព័ន្ធខាងលើ ជាលទ្ធផល បានបង្ហាញឲ្យឃើញថា ៖
១. ស្ថានភាពសហគមន៍ក្នុងការគ្រប់គ្រងធនធានធម្មជាតិ :
- ចំណេះដឹងរបស់គណៈកម្មការសហគមន៍នេសាទទាំង២ នៅមានកម្រិត ដែលជាផលវិបាក ក្នុងការដឹកនាំ អនុវត្តន៍ការងារអោយមានប្រសិទ្ធភាព
- កង្វះការចូលរួមក្នុងការការពារ អភិរក្ស និងអភិវឌ្ឍន៍ធនធានធម្មជាតិ ជាពិសេស កម្លាំងស្នូលយុវជន នៅតាមសហគមន៍នេសាទនីមួយៗ
- កង្វះការបណ្ដុះបណ្ដាលសមត្ថភាពគណៈកម្មការសហគមន៍នេសាទ ជាពិសេស បច្ចេកទេសសំខាន់ៗ ដូចជាៈ ការរៀបចំកសាងផែនការគ្រប់គ្រងសហគមន៍ របៀបសរសេររបាយការណ៍ និងសំណើគម្រោងគាំទ្រសកម្មភាពជាដើម
- កង្វះការគាំទ្រនូវមធ្យោបាយ សម្ភារៈ ធនធានថវិកា សម្រាប់គាំទ្រដំណើរការការងារប្រចាំថ្ងៃ។

២. ប្រសិទ្ធភាពការអនុវត្ត ផែនការគ្រប់គ្រងសហគមន៍ :
- ការអនុវត្តផែនការគ្រប់គ្រងសហគមន៍មិនបានពេញលេញ និងមិនឆ្លើយតបទៅ នឹងទំហំការងារ និងការទទួលខុសត្រូវ របស់គណៈកម្មការសហគមន៍
- ប្រភពធនធានថវិកា សម្រាប់ការគាំទ្រដំណើរការអនុវត្តផែនការ គឺមានកម្រិត បើធៀបទៅនឹងផែនការគ្រប់គ្រងសហគមន៍ទាំងមូល
- កង្វះការតាមដាន ត្រួតពិនិត្យ និងវាយតម្លៃលក្ខណៈស៊ីជម្រៅទៅលើប្រសិទ្ធភាពនៃការអនុវត្តផែនការគ្រប់គ្រងសហគមន៍ពីសំណាក់អ្នកពាក់ព័ន្ធ។

សូមជម្រាបជូនថា : សកម្មភាពចុះសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព ខាងលើនេះ មានគោលបំណងស្វែងយល់ ៖
- យន្តការគន្លឹះក្នុងការរៀបចំផែនការគ្រប់គ្រងសហគមន៍
- ប្រសិទ្ធភាពនៃការអនុវត្តផែនការគ្រប់គ្រងសហគមន៍នេសាទនៅតាមបណ្តាសហគមន៍នេសាទ
- កិច្ចសហការ សម្របសម្រួល ជាមួយនឹងស្ថាប័នជំនាញ និងអ្នកពាក់ព័ន្ធ ក្នុងការគ្រប់គ្រងធនធានធម្មជាតិនៅតំបន់បឹងទន្លេសាប

លោក សុខ មុនី ប្រធានការិយាល័យនីតិកម្ម នៃនាយកដ្ឋាននីតិកម្ម និងផ្សព្វផ្សាយ បានចូលរួមវគ្គបណ្តុះបណ្តាលថ្នាក់ជាតិ ស្តីពីប្រព័ន្ធព័ត៌មាន ប្រព័ន្ធគ្រប់គ្រងឯកសារ និងផែនទីអាងទន្លេមេគង្គ នៅខេត្តកំពង់ចាម

2023-11-17T08:04:19+00:00

នាថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ លោក សុខ មុនី ប្រធានការិយាល័យនីតិកម្ម នៃនាយកដ្ឋាននីតិកម្ម និងផ្សព្វផ្សាយ និងជាមន្ត្រីទុកដាក់ទិន្នន័យ នៃអាជ្ញាធរទន្លេសាប បានចូលរួមវគ្គបណ្តុះបណ្តាលថ្នាក់ជាតិ ស្តីពីប្រព័ន្ធព័ត៌មាន ប្រព័ន្ធគ្រប់គ្រងឯកសារ និងផែនទីអាងទន្លេមេគង្គ ដែលរៀបចំដោយគណៈកម្មាធិការជាតិទន្លេមេគង្គកម្ពុជា ក្រោមអធិបតីភាព ឯកឧត្តម សូ សុភ័ទ្ទ អគ្គលេខាធិការគណៈកម្មាធិការជាតិទន្លេមេគង្គកម្ពុជា (គជទមក) នៅខេត្តកំពង់ចាម។

វគ្គបណ្តុះបណ្តាលនេះ ក្នុងគោលបំណងដើម្បី៖
១. បង្ហាញពីវឌ្ឍនភាពនៃប្រព័ន្ធគ្រប់គ្រងឯកសារ (DoMS) និងការអនុវត្តជាក់ស្តែង ក្នុងការលើកកម្ពស់ការប្រើប្រាស់មុខងារ និងបង្ហាញពីឧបករណ៍ សេវាកម្មដែលបានធ្វើឲ្យប្រសើរឡើងនៃសេវាកម្មគេហទំព័រព័ត៌មាននៃប្រព័ន្ធព័ត៌មានរបស់ MRC ទៅកាន់អ្នកប្រើប្រាស់ទិន្នន័យ។
២. បង្ហាញពីវឌ្ឍនភាពនៃផែនទីអាងទន្លេមេគង្គ និងការកែប្រែថ្មីអ្នកប្រើប្រាស់ទិន្នន័យ ។
សូមជម្រាបជូនថា វគ្គបណ្តុះបណ្តាលនេះ បានអញ្ជើញចូលរួមពីមន្ត្រីតំណាងក្រសួងធនធានទឹក និងឧតុនិយម, ក្រសួងបរិស្ថាន, ក្រសួងផែនការ, អាជ្ញាធរទន្លេសាប និងមន្ត្រីពី គ.ជ.ទ.ម.ក និងជំនាញការជាតិ អន្តរជាតិ សរុបចំនួន ២៨ រូប។

លោក អ៉ី ពុទ្ធាលី អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាផ្សព្វផ្សាយ ស្តីពីរបាយការណ៍គុណភាពទឹកឆ្នាំ២០២២ នៅសណ្ឋាគារកំពង់ធំផាលេស ខេត្តកំពង់ធំ

2023-11-15T17:04:41+00:00

នៅថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ លោក អ៉ី ពុទ្ធាលី អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ របស់អាជ្ញាធរទន្លេសាប ត្រូវបានចាត់អោយទៅចូលរួមសិក្ខាសាលាផ្សព្វផ្សាយ ស្តីពីរបាយការណ៍គុណភាពទឹកឆ្នាំ២០២២ ដែលរៀបចំដោយគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់នៃកិច្ចប្រជុំ ដើម្បី៖
១. ជម្រាបជូនអំពីរបាយការណ៍ស្ថានភាពតាមដានគុណភាពទឹកឆ្នាំ២០២២ ក្នុងអាងទន្លេមេគង្គក្រោម។
២. ពង្រីកការយល់ដឹងដល់ក្រសួង ស្ថាប័នពាក់ព័ន្ធអំពីការតាមដានគុណភាពទឹករបស់ MRC។
៣. ជម្រុញការយល់ដឹងអំពីសមិទ្ធផលដល់ក្រសួង ស្ថាប័នពាក់ព័ន្ធ និងការប្រើប្រាស់ផលិតផលរបស់ MRC។

សូមជម្រាបជូនថា ៖ សិក្ខាសាលាថ្នាក់ជាតិនេះ បានប្រព្រឹត្តទៅក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា (គជទមក) ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), ក្រសួងបរិស្ថាន, អាជ្ញាធរទន្លេសាប និងមន្ត្រីពី គ.ជ.ទ.ម.ក និងជំនាញការជាតិ សរុបអ្នកចូលរួមចំនួន ១៥ រូប។

លទ្ធផលទទួលបាន ពីសិក្ខាសាលាផ្សព្វផ្សាយ បានផ្តល់ការយល់ដឹងពី៖
- ស្ថានភាពគុណភាពទឹកទៅតាមស្ថានីយ៍តាមដានសរុបចំនួន ៤៨ ក្នុងនោះរួមមាន ១៩ ស្ថានីយ៍របស់ប្រទេសកម្ពុជា។
- ការកំណត់ស្តង់ដាគុណភាពទឹកលើប៉ារ៉ាម៉ែត្រសំខាន់និងវិធីសាស្ត្រប្រមូលសំណាកគុណភាពទឹក ។
- ការវិភាគទិន្នន័យគុណភាពទឹកដោយប្រើប្រាស់វិធីសាស្ត្រស្ថិតិវិភាគ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ទទួលជួបពិភាក្សាការងារជាមួយនាយកសាលាវិស្វករកសិកម្ម Toulous និងនាយកប្រតិបត្តិអង្គការ Loir Grands Migrateurs នៃប្រទេសបារាំង

2023-11-14T22:52:19+00:00

រសៀលថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១៤ ខែវិច្ឆិកា ឆ្នាំ ២០២៣ នៅអគ្គលេខាធិការដ្ឋានអាជ្ញាធរទន្លេសាប, ឯកឧត្តម ហ៊ែល តូនី អនុប្រធានក្តាប់រួម, ឯកឧត្តម លឹម ពុយ អនុប្រធាន, ឯកឧត្តម សរ គឹមសាន្ត អគ្គលេខាធិការ, ឯកឧត្តម ជា សុខនី អគ្គលេខាធិការរង និងមន្ត្រីបច្ចេកទេសក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប បានទទួលជួបពិភាក្សាការងារកិច្ចសហប្រតិបត្តិការជាមួយ លោក Pascal LAFAILLE នាយកសាលាវិស្វករកសិកម្ម Toulouse និងលោកស្រី Aurore BAISEZ នាយកប្រតិបត្តិនៃអង្គការ Loire Grands Migrateurs (LOGRAMI) នៃប្រទេសបារាំង ។

ក្នុងជំនួបកិច្ចពិភាក្សានេះ ភាគីទាំងពីរ បានលើកបង្ហាញពីបេសកកម្មការងារ កិច្ចការចាំបាច់របស់អង្គភាព និងតម្រូវការនៃការចូលរួមពីភាគីពាក់ព័ន្ធ សំដៅពង្រឹងកិច្ចសហប្រតិបត្តិការ ដើម្បីដោះស្រាយ និងកាត់បន្ថយបញ្ហាប្រឈមនាពេលបច្ចុប្បន្ន និងទៅអនាគតនៅតំបន់បឹងទន្លេសាប ។

ជារួមកិច្ចពិភាក្សា បានប្រព្រឹត្តិទៅក្រោមបរិយាកាសរីករាយនិងស្និទ្ធស្នាល និងបានឯកភាពលើ ៣ ចំនុចដូចខាងក្រោម ៖
១. ពិនិត្យឡើងវិញលើខ្លឹមសារអនុស្សារណៈកិច្ចព្រមព្រៀង (MoU) រវាង សាលាវិស្វករកសិកម្ម Toulouse និង អាជ្ញាធរទន្លេសាប ដើម្បីស្នើសុំការអនុម័តជាថ្មីពី ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប។
២. ការផ្លាស់ប្តូរចំណេះដឹង និងពង្រឹងសមត្ថភាពមន្ត្រីបច្ចេកទេសអាជ្ញាធរទន្លេសាប តាមរយៈវគ្គបណ្តុះបណ្តាល និងទស្សនៈកិច្ចសិក្សាស្វែងយល់នៅប្រទេសបារាំង។
៣. ពង្រឹងបច្ចេកទេសសិក្សាស្រាវជ្រាវ រៀបចំរបាយការណ៍បច្ចេកទេស និងការគ្រប់គ្រងព័ត៌មាន-ទិន្នន័យ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ទទួលជួបពិភាក្សាការងារជាមួយនាយកសាលាវិស្វករកសិកម្ម Toulous និងនាយកប្រតិបត្តិអង្គការ Loir Grands Migrateurs នៃប្រទេសបារាំង

2023-11-14T22:52:19+00:00

ឯកឧត្តម សរ គឹមសាន្ត តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា ប្រធានអាជ្ញាធរទន្លេសាប បានចូលរួមថ្លែងសុន្ទរកថាបើកកម្មវិធីស្តីពី សិក្ខាសាលាផ្សព្វផ្សាយ របាយការណ៍សិក្សាស្រាវជ្រាវ ផលប៉ះពាល់នៃលំហូរទឹកទាបពីទន្លេមេគង្គទៅកាន់បឹងទន្លេសាបលើជីវភ

2023-11-14T15:30:32+00:00

នៅសណ្ឋាគារសាន់វេ រាជធានីភ្នំពេញ នាព្រឹកថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញចូលរួមថ្លែងសុន្ទរកថា និងប្រកាសបើកកម្មវីធីស្តីពី សិក្ខាសាលាផ្សព្វផ្សាយ របាយការណ៍សិក្សាស្រាវជ្រាវផលប៉ះពាល់នៃលំហូរទឹកទាប ពីទន្លេមេគង្គទៅកាន់បឹងទន្លេសាបលើជីវភាពរបស់សហគមន៍បឹងទន្លេសាប និងបរិស្ថានធម្មជាតិ ដោយមានការចូលរួមពីសហគមន៍បឹងទន្លេសាប និងទន្លេមេគង្គគណៈកម្មាធិការជាតិទន្លេមេគង្គកម្ពុជា, តំណាងរដ្ឋបាលជលផល, អង្គការ World Fish, តំណាងអង្គការ Oxfam និងតំណាងរដ្ឋសភា ដែលមានមនុស្សសរុប ៤៤នាក់ (ស្រី ៩នាក់) ។

សុន្ទរកថាគន្លឺះរបស់ឯកឧត្តមបានផ្តោតថា បឹងទន្លេសាបជាបេះដូងកម្ពុជា បឹងទន្លេសាបជាជម្រុក និងជម្រកជីវចម្រុះគ្រប់ប្រភេទ បឹងទន្លេសាបធំជាងគេនៅអាស៊ីអាគ្នេយ៍ ដែលអាចរីកក្រឡាផ្ទៃរហូតដល់ជាង 15,000 គីឡូម៉ែត្រការ៉េ ជាមួយជម្រៅទឹកបឹង 10 ម៉ែត្រ នៅរដូវវស្សា ឆ្នាំ២០០០ ដែលបង្កដោយលំហូរទឹកទន្លេមេគង្គទៅកាន់បឹងទន្លេសាប។ តែជាងពីរទសវត្សរ៍ចុងក្រោយនេះ ការអភិវឌ្ឍតាមដងទន្លេមេគង្គផ្នែកខាងលើ ការប្រែប្រួលអាកាសធាតុ កត្តាមនុស្ស និងកត្តាផ្សេងៗទៀត បានដាក់សម្ពាធលើទន្លេមេគង្គ ហើយបានបន្តជះឥទ្ធិពលយ៉ាងខ្លាំងលើការប្រែប្រួលរបបលំហូរជលសាស្ត្រទន្លេមេគង្គមកកាន់បឹងទន្លេសាប។ ជាក់ស្តែងឆ្នាំ២០២៣នេះ បឹងទន្លេសាបមានកម្ពស់អតិបរិមាត្រឹមតែ 6.95 ម៉ែត្រ (ហើយមានរយៈពេលខ្លី មិនដល់ត្រឹម១០ថ្ងៃផង កម្ពស់ទឹកចាប់ ផ្តើមស្រកទៅវិញ) បើប្រៀបធៀបនឹងកម្ពស់ទឹកឆ្នាំ២០០០ ខុសគ្នាប្រមាណជា 30% ។ កត្តានេះបានបង្កដល់ការប៉ះពាល់យ៉ាងខ្លាំង មិនត្រឹមតែជីវភាពរបស់ប្រជាសហគមន៍បឹងទន្លេសាបនោះទេ ថែមទាំងប៉ះពាល់ដល់ជីវចម្រុះផងដែរ។

ឯកឧត្តមបានមានប្រសាសន៍ផ្តាំផ្ញើដល់អ្នកចូលរួមទាំងអស់ឲ្យសស្រាក់សស្រាំផ្តល់គំនិតយោបល់ មតិត្រលប់ និងមតិកែលម្អ លើលទ្ធផលសិក្សាស្រាវជ្រាវនេះឲ្យកាន់តែគ្រប់ជ្រុងជ្រោយសម្រាប់ថ្ងៃនេះ និងអនាគត ដើម្បីបឹងទន្លេសាបរបស់យើងទាំងអស់គ្នា។

សូមជម្រាបថា៖ ក្នុងសិក្ខាសាលាផ្សព្វផ្សាយនេះដែរ លោកខ្វាន់ ភត្ត្រា អនុប្រធាននាយកដ្ឋានធនធានធម្មជាតិ បានចូលរួមជាវាគ្មិនឆ្លើយសំណួរ និងពិភាក្សា “ដំណោះស្រាយបែបណាលើផលប៉ះពាល់សហគមន៍ និងបឹងទន្លេសាបដោយលំហូរទាបពីទន្លេមេគង្គទៅកាន់បឹងទន្លេសាប” (១). អាជ្ញាធរទន្លេសាបមានផែនការយុទ្ធសាស្ត្ររបស់ខ្លួន 2024-2028 ដោយមានផ្នែកសេដ្ឋកិច្ចសង្គម ជាទិសដៅយុទ្ធសាស្ត្រ សម្រាប់ការសិក្សាស្រាវជ្រាវ និងរៀបចំគោលនយោបាយការងារ និងមុខរបរ តំបន់បឹងទន្លេសាប(២). បឹងទន្លេសាបមានប្រភពទឹកចំនួនបីធំៗ ទឹកពីទន្លេមេគង្គប្រមាណ ៥២% ទឹកពីដៃស្ទឹងធំៗទាំង១១ ប្រមាណ ៣៨% និងទឹកពីទឹកភ្លៀងប្រមាណ ១០% យើងពិតជាពិបាកណាស់ក្នុងការធ្វើឲ្យលំហូរទឹកទន្លេមេគង្គត្រលប់មកភាពប្រក្រតីមកវិញ តែយើងអាចឲ្យបឹងទន្លេសាបបន្សាំខ្លួន (resilience) បានទៅនឹងការប្រែប្រួលរបបជលសាស្ត្រ ទោះជម្រៅទឹក ៦ម៉ែត្រ ឬ ៧ម៉ែត្រក្តី ដោយមានការសិក្សាបែបវិទ្យាសាស្ត្រមួយថា តើបឹងទន្លេសាបយើងត្រូវការទឹកចំនួនប៉ុន្មានដើម្បីរស់ដោយផ្សាភ្ជាប់ជាមួយប្រព័ន្ធអេកូឡូស៊ីរួមមាន ទឹក ត្រី ព្រៃ មនុស្ស និងបរិស្ថានធម្មជាតិ។

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាថ្នាក់ជាតិលើកទី២ ស្តីពីការចាត់អាទិភាពរបាំងត្រី និងការតាមដានផ្លូវត្រី នៅខេត្តកំពង់ធំ

2023-11-13T09:54:05+00:00

ថ្ងៃសុក្រ ១២រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១០ ខែវិច្ឆិកា ឆ្នាំ២០២៣ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅចូលរួមសិក្ខាសាលាថ្នាក់ជាតិលើកទី២ ស្តីពីការចាត់អាទិភាពរបាំងត្រី និងការតាមដានផ្លូវត្រី ដែលរៀបចំដោយគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់នៃកិច្ចប្រជុំគឺដើម្បី៖
១. ពិភាក្សាសេចក្តីព្រាងឯកសាររបាយការណ៍ស្តីពីការចាត់អាទិភាពរបាំងត្រី និងការតាមដានផ្លូវត្រី។
២. ស្វែងរកមតិយោបល់ ដើម្បីកែសម្រួលសេចក្តីព្រាងឯកសាររបាយការណ៍ចុងក្រោយ ស្តីពីការចាត់អាទិភាពរបាំងត្រីសម្រាប់ការវិនិយោគក្នុងការសាងសង់សំណង់ជណ្តើរត្រីនៅក្នុងឆ្នាំ២០២៤ និងសកម្មភាពត្រួតពិនិត្យផ្លូវត្រី ។

សូមជម្រាបជូនថា ៖ សិក្ខាសាលាថ្នាក់ជាតិនេះ បានប្រព្រឹត្តទៅក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា (គជទមក) ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), ក្រសួងបរិស្ថាន, ក្រសួងរ៉ែ និងថាមពល, ក្រសួងអភិវឌ្ឍន៍ជនបទ, អាជ្ញាធរទន្លេសាប និងមន្ត្រីពី គ.ជ.ទ.ម.ក និងជំនាញការជាតិ សរុបអ្នកចូលរួមចំនួន ២០ រូប។

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមមន្ត្រីក្នុងនាយកដ្ឋាន បន្តចុះសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍នេសាទ នៅខេត្តបាត់ដំបង

2023-11-13T09:42:56+00:00

នាថ្ងៃអង្គារ ៩រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៧ ខែវិច្ឆិកា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប ដឹកនាំដោយ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គម របស់ប្រជាសហគមន៍នេសាទ ជំហាន១ នៅខេត្តបាត់ដំបង ។

ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា មន្ទីរផែនការ ខេត្តបាត់ដំបង អាជ្ញាធរឃុំព្រែកហ្លួង ស្រុកឯកភ្នំ និងឃុំជ្រៃ ស្រុកមោងឬស្សី ។

ជាមួយនឹងការសិក្សាខាងលើ ជាលទ្ធផលបឋម បានបង្ហាញឃើញថា ៖
ក. ប្រជាសាស្ត្រ៖ មានគ្រួសារសរុបចំនួន ៦,០៨៤គ្រួសារ ស្មើ ២៦,៤៦៧នាក់ (ស្រី ១២,៨២០នាក់) ប្រជាពលរដ្ឋ ១៨ឆ្នាំឡើង ១៦,៩១៥នាក់ (ស្រី ៧,៦៧០នាក់)។ អត្រាភាពក្រីក្រប្រមាណ ២៣% ធៀបទៅនឹងគ្រួសារសរុប និងពលរដ្ឋចំណាកស្រុកក្នុង-ក្រៅប្រទេសមានប្រមាណជា ១៦.៩% ។

ខ. ស្ថានភាពសេដ្ឋកិច្ចសង្គម៖- ប្រជាសហគមន៍ឃុំទាំងពីរ ពឹងផ្អែកលើវិស័យកសិកម្មជាចម្បង មានប្រមាណ ៧៤.៩% ដែលភាគច្រើនធ្វើស្រូវវស្សា ស្រូវប្រាំង និងដំណាំរួមផ្សំ។ មុខរបរចម្បងផ្នែកវិស័យសិប្បកម្ម ០.២៥% និងសេវាកម្ម មានប្រមាណជា ២៤.៨៥% (លក់ដូរនិងជំនួញ ជាងជួសជុល ដឹកជញ្ជូន ស៊ីឈ្នួលក្នុងវិស័យកសិកម្ម កម្មករសំណង់ កម្មកររោងចក្រ បុគ្គលិកអង្គការ និងមន្ត្រីរាជការ) ។
- ប្រជាពលរដ្ឋទទួលបានសេវាសុខភាពល្អប្រសើរមានប្រមាណជា ៩៥% បានទទួលសេវានៅ មណ្ឌលសុខភាព និងក្រៅពីនេះ ពួកគេទៅទទួលសេវាសុខភាពឯកជន និងមន្ទីរពេទ្យខេត្ត។
- ប្រជាសហគមន៍ឃុំទាំងពីរ មានទឹកស្អាតប្រើប្រាស់១០០% ក្នុងនោះមានប្រព័ន្ធទឹកស្អាតមានប្រមាណ ៥៩.២% និងមានតែ ៤០.៨% ប្រើប្រាស់ទឹកស្រះ ទន្លេ អណ្តូង។ ប្រជាពលរដ្ឋគ្រប់គ្រួសារមានការយល់ដឹងបរិភោគទឹកស្អាត និងដាំចម្អិនដាំឆ្អិន ដែលមានគ្រួសារទទួលទានទឹកឆ្លងកាត់ប្រព័ន្ធទឹកស្អាត មានប្រមាណ ៧៥.៧៩% ក្រៅពីនេះ ប្រើប្រាស់ទឹកដាំពុះ និងទឹកសុទ្ធ។ ការប្រើប្រាស់បង្គន់អនាម័យ មានចំនួន ៧៦.៨៥% ប៉ុន្តែមានតែ ៧២.៧% មានបង្គន់អនាម័យស្តង់ដារ ។
គ. បរិស្ថានធនធានធម្មជាតិ៖ បម្រែបម្រួលអាកាសធាតុពីមួយឆ្នាំទៅឆ្នាំ បានបង្កទៅជាគ្រោះមហន្តរាយផ្សេងៗ (គ្រោះរាំងស្ងួត គ្រោះទឹកជំនន់...) ការប្រើប្រាស់ជី/ថ្នាំគីមីក្នុងវិស័យកសិកម្ម បានបង្កឲ្យមានផលប៉ះពាល់ដល់បរិស្ថានធម្មជាតិ ជាមួយគ្នានេះសកម្មភាពលបលួចទន្ទ្រានព្រៃលិចទឹកនៅតែមាន និងកត្តាភ្លើងឆេះព្រៃលិចទឹកដែលជាជម្រកត្រីពងកូនតាមរូបភាព ដុតរកសត្វ(ឃ្មុំ និងអណ្តើក) ជាដើម។ សកម្មភាពប្រើប្រាស់ឧបករណ៍នេសាទខុសច្បាប់នៅតែមានក្នុងភូមិសាស្ត្រឃុំទាំងពីរ ។

សូមជម្រាបជូនថាៈ សកម្មភាពចុះសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍នេសាទនៅតំបន់ជុំវិញបឹងទន្លេសាប មានគោលបំណង ដើម្បីស្វែងយល់៖
១. ស្ថានភាពសេដ្ឋកិច្ចសង្គមពីជីវភាពរស់នៅរបស់ប្រជាសហគមន៍នេសាទលើការប្រើប្រាស់ធនធានធម្មជាតិនៅក្នុងតំបន់បឹងទន្លេសាប
២. ការប្រមូលចងក្រងបច្ចុប្បន្នភាពទិន្នន័យ-ព័ត៌មាន សម្រាប់ជាធាតុចូលក្នុងការរៀបចំឯកសារគោលនយោបាយក្នុងការគ្រប់គ្រង អភិរក្ស និងអភិវឌ្ឍន៍ធនធានធម្មជាតិសម្រាប់ចូលរួមដល់ការគ្រប់គ្រងបឹងទន្លេសាប ប្រកបដោយនិរន្តរភាព ។

ក្រុមការងារមន្ត្រីបច្ចេកទេសនៃនាយកដ្ឋានធនធានធម្មជាតិ ដឹកនាំដោយ លោក វិន ប៊ុនពៅ ប្រធាននាយកដ្ឋាន បានបន្តចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ នៅខេត្តបន្ទាយមានជ័យ

2023-11-13T09:35:31+00:00

នាថ្ងៃសុក្រ ៥រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៣ ខែវិច្ឆិកា ឆ្នាំ២០២៣ ក្រុមការងារមន្ត្រីបច្ចេកទេសនៃនាយកដ្ឋានធនធានធម្មជាតិ ដឹកនាំដោយ លោក វិន ប៊ុនពៅ ប្រធាននាយកដ្ឋាន បានបន្តចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ ស្ថិតនៅក្នុងភូមិសាស្ត្រ ឃុំប៉ោយចារ ស្រុកភ្នំស្រុក និងឃុំគយម៉ែង ស្រុកមង្គលបុរី ខេត្តបន្ទាយមានជ័យ ។
ក្នុងសកម្មភាពនេះ ក្រុមការងារបានជួបពិភាក្សា និងសាកសួរព័ត៌មានជាមួយអាជ្ញាធរដែនដី ប្រជាពលរដ្ឋ និងការចុះដល់ទីតាំងសិក្សា ដើម្បីពិនិត្យស្ថានភាពការប្រើប្រាស់ទឹកពីប្រព័ន្ធស្រោចស្រពខាងលើ និងស្ថានភាពបង្កបង្កើនផលទូទៅរបស់ប្រជាពលរដ្ឋ ។

ជាមួយនឹងសកម្មភាពនេះ ការចុះសិក្សាស្រាវជ្រាវខាងលើ ទទួលបានលទ្ធផលដូចខាងក្រោម ៖
ទី១. ប្រព័ន្ធធារាសាស្ត្រទំនប់អាងត្រពាំងថ្ម ស្រុកភ្នំស្រុក ខេត្តបន្ទាយមានជ័យ ដែលបច្ចុប្បន្នអាងអាចស្តុកទឹកបានប្រមាណពី ៣០០-៥០០ លានម៉ែត្រគូប និងមានលទ្ធភាពស្រោចស្រពលើផ្ទៃដីស្រែស្រូវវស្សា និងស្រូវប្រាំងប្រមាណ ១០ ម៉ឺនហិកតា រួមមានប្រឡាយមេ ប្រឡាយរង ប្រឡាយស្រោចស្រព និងប្រឡាយនាំទឹកមានសរុប ១៥ ខ្សែ ប្រវែងសរុប ២០-៣០ គម និងទំនប់បង្ហៀរ ទំនប់សណ្តរ និងសំណង់ទ្វារទឹកស្វ័យប្រវត្តិ ។
ទី២. សំណង់ទំនប់ស្ទាក់ទឹកសិរីមង្គល ស្រុកបង្គលបុរី ខេត្តបន្ទាយមានជ័យ ដែលអាចរក្សាទឹកបានប្រមាណ ៥០ លានម៉ែត្រគូប និងមានលទ្ធភាពស្រោចស្រព ចំនួន ១០.០០០ ហិកតា ។
ទី៣. ទ្វារទឹកនៃអាងត្រពាំងថ្ម គឺត្រូវបានបើក ដើម្បីបង្ហូរទឹកចេញពីអាងមួយចំនួនតូច សម្រាប់បម្រើអោយប្រជាកសិករនៅផ្នែកខាងលើទំនប់ប្រមូលផលស្រូវវស្សា និងបន្តធ្វើស្រែប្រាំង ឬស្រូវដើមរដូវ និងសំណង់ស្ទាក់ទឹកសិរីមង្គលត្រូវបានលិច ។ បច្ចុប្បន្នក្នុងសិក្សានៅមិនទាន់ចាប់ផ្តើមការងារបង្កបង្កើនផលទេ ព្រោះដីស្រែនៅបន្តមានជំនន់ទឹកលិចពី ៣០ ទៅ ៨០ សម ។
ទី៤. អាងត្រពាំងថ្ម ចាប់ផ្តើមសាងសង់ដំបូង នៅឆ្នាំ១៩៧៧ ដោយកម្លាំងមនុស្សរាប់ពាន់នាក់ នារបបខ្មែរក្រហម ដែលអាចមានលទ្ធភាពស្តុកទឹកបានប្រមាណតែ ៥០ លានម៉ែត្រគូប ។ អាងទឹកនេះត្រូវបានចាប់ផ្តើមស្តារឡើងវិញនៅខែសីហា ឆ្នាំ២០០៤ ក្រោមមូលនិធិបដិភាគនៃគម្រោងរបស់រដ្ឋាភិបាលជប៉ុន សហការជាមួយក្រសួងធនធានទឹក និងឧតុនិយម និងសំណង់ស្ទាក់ទឹកស្ទឹងមង្គលបុរី ចាប់ផ្តើមសាងសង់នាឆ្នាំ ២០១៨ ។

សូមជម្រាបជូនថា ៖ សកម្មភាពចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ ក្នុងខេត្តបន្ទាយមានជ័យ នៃខេត្តទាំង ៦ ជុំវិញតំបន់ទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់ការិយាល័យធនធានទឹកនៃនាយកដ្ឋានធនធានធម្មជាតិ របស់អាជ្ញាធរទន្លេសាប ។

សកម្មភាពខាងលើនេះ មានគោលបំណងដើម្បី ៖
- ប្រមូលព័ត៌មាន ទិន្នន័យ និងបច្ចុប្បន្នភាពស្តីពីប្រព័ន្ធធារាសាស្ត្រ ក្នុងខេត្តទាំង ៦ ជុំវិញតំបន់ទន្លេសាប។
- ពិនិត្យវាយតម្លៃលើការប្រើប្រាស់ទឹក និងគ្រប់គ្រងធនធានទឹក ក្នុងខេត្តទាំង ៦ ជុំវិញតំបន់ទន្លេសាប ។

ប្រជុំពិនិត្យពិភាក្សា លើសេចក្តីព្រាងផែនការយុទ្ធសាស្ត្រ សម្រាប់អាជ្ញាធរទន្លេសាប ២០២៤-២០២៨ និងដំណើរការរៀបចំផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន នៃអាជ្ញាធរទន្លេសាប

2023-11-11T11:37:41+00:00

នៅសាលប្រជុំទីស្តីការក្រសួងធនធានទឹក និងឧតុនិយម នាថ្ងៃសុក្រ ១២រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែវិច្ឆិកា ឆ្នាំ២០២៣ ឯកឧត្តម ហ៊ែល តូនី អនុប្រធានក្តាប់រួម ទទួលរៀបចំគោលនយោបាយ និងផែនការយុទ្ធ របស់អាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពិនិត្យពិភាក្សា លើសេចក្តីព្រាងផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨ និងដំណើរការរៀបចំផែនការសកម្មភាពប្រចាំឆ្នាំ២០២៤ របស់អគ្គលេខាធិការដ្ឋាននៃអាជ្ញាធរទន្លេសាប ។
សូមជម្រាបថា កិច្ចប្រជុំពិនិត្យពិភាក្សាខាងលើនេះ មានការអញ្ជើញចូលរួមពីឯកឧត្តមអនុប្រធាន ឯកឧត្តមអគ្គលេខាធិការ ឯកឧត្តមអគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីក្រោមឱវាទអគ្គលេខាធិការដ្ឋានអាជ្ញាធរទន្លេសាប សរុបចំនួន ៦៩ រូប ។

កិច្ចប្រជុំ បានពិនិត្យ និងពិភាក្សាលើ ៖
១. លទ្ធផល និងបទពិសោធន៍នៃការអនុវត្តរយៈពេល ៣ ឆ្នាំ នៃដំណើការផែនការយុទ្ធសាស្ត្រ អាជ្ញាធរទន្លេសាប ២០២១-២០២៥ ដើម្បីធ្វើបច្ចុប្បន្នភាពផែនការឲ្យស្របនឹងគោលនយោបាយ យុទ្ធសាស្ត្របញ្ចកោណដំណាក់កាលទី ១ របស់រាជរដ្ឋាភិបាល
២. សេចក្តីព្រាងផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨
៣. ទម្រង់តារាងម៉ាទ្រិចសកម្មភាពផែនការប្រចាំឆ្នាំ ២០២៤ របស់អគ្គលេខាធិការដ្ឋាន នៃអាជ្ញាធរទន្លេសាប ដើម្បីចូលរួមអនុវត្តគាំទ្រដល់ដំណើរការផែនយុទ្ធសាស្ត្រ អាជ្ញាធរទន្លេសាប ២០២៤-២០២៨ ឲ្យមានប្រសិទ្ធភាព ។

តាមរយៈនៃការពិនិត្យ និងពិភាក្សា អង្គប្រជុំ បានចូលរួមមតិយោបល់ ដែលជាធាតុចូលដ៏មានសារៈសំខាន់បន្ថែមទៀតក្នុងការធ្វើឲ្យផែនការយុទ្ធសាស្ត្រកាន់តែប្រសើរឡើង និងយកទៅអនុវត្តឲ្យស្របតាមបរិបទជាក់ស្តែង ។ ជារួម អង្គប្រជុំ បានឯកភាព និងគាំទ្រ ៖ (១). ខ្លឹមសារ អត្ថន័យ (ចក្ខុវិស័យ, បេសកកម្ម, គោលដៅ, ទិសដៅ សកម្មភាពយុទ្ធសាស្ត្រ និងការតាមដានត្រួតពិនិត្យ វាយតម្លៃ) លើសេចក្តីព្រាងផែនការយុទ្ធសាស្ត្រ អ.ទ.ស ២០២៤-២០២៨ ដែលនឹងចូលរួមលើកកម្ពស់ដល់ការអនុវត្តគោលនយោបាយយុទ្ធសាស្ត្របញ្ចកោណ របស់រាជរដ្ឋាភិបាល, (២). បន្តពិនិត្យរៀបចំសកម្មភាពអនុវត្តប្រចាំឆ្នាំ ២០២៤ ចូលតារាងម៉ាទ្រិច ឲ្យបានត្រឹមត្រូវស្របនឹងតួនាទីភារកិច្ចរបស់នាយកដ្ឋាន និងការិយាល័យក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ដើម្បីរៀបចំផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន នៃអាជ្ញាធរទន្លេសាប ក្នុងស្មារតីយកចិត្តទុកដាក់ និងគាំទ្រផែនការយុទ្ធសាស្ត្រ ២០២៤-២០២៨ ឲ្យមានប្រសិទ្ធភាពខ្ពស់ ។

មន្ត្រីបច្ចេកទេសនៃការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវ អំពី ការវាយតម្លៃលើការធ្វេីអាជីវកម្មត្រី ត្រីនុយ វ

2023-11-08T13:27:35+00:00

នៅថ្ងៃអង្គារ ៩រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៧ ខែវិច្ឆិកា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការ អំពី ការវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល សស្ថិតនៅឃុំឆ្នុកទ្រូ ស្រុកបរិបូរណ៍ និងសង្កាត់ផ្សារឆ្នាំង ក្រុងកំពង់ឆ្នាំង ។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសជាមួយអាជ្ញាធរដែនដី និងវារីវប្បករ
២. ជួបសម្ភាសជាមួយប្រជានេសាទ និងអាជីវករទិញ-លក់ត្រី
៣. ដឹងពីបរិមាណនៃការធ្វើអាជីវកម្មត្រី ត្រីនុយ និងតម្លៃ។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. ការធ្វើអាជីវកម្មត្រីមានចំនួន ២ ច្រក (ច្រកផ្សារឆ្នាំង និងឆ្នុកទ្រូ) បរិមាណត្រីនៅច្រកផ្សារឆ្នាំងមានជាមធ្យមប្រមាណ ២តោន/ថ្ងៃ និងត្រីនុយជាមធ្យម ៣តោន/ថ្ងៃ និងច្រកឆ្នុកទ្រូត្រីមានជាមធ្យមប្រមាណ ៤តោន/ថ្ងៃ និងត្រីនុយជាមធ្យម ៧តោន/ថ្ងៃ ។
ទី២. ការធ្វើអាជីវកម្មត្រី និងត្រីនុយ ប្រជានេសាទប្រើប្រាស់ឧបករណ៍នេសាទ មងរាយ បរ សម្រាស់ ឡើរ ឆ្នុកអំពូល លបម៉ាឡេ....។
ទី៣. តម្លៃត្រីសម្រាប់បរិភោគមានតម្លៃ
- ត្រីលេខ១ចន្លោះពី : ១២.០០០-៤០.០០០ រៀល/គីឡូក្រាម
- ត្រីលេខ២ : ៦.០០០-១០.០០០ រៀល/គីឡូក្រាម
- ត្រីលេខ៣ : ៣.០០០-៥.០០០ រៀល/គីឡូក្រាម
- តម្លៃត្រីនុយ ចន្លោះពី: ១.០០០-១.២០០ រៀល/គីឡូក្រាម ។
ទី៤. ត្រីសម្រាប់បរិភោគអាជីវករលក់ក្នុងតំបន់ និងមួយចំនួនទៀតលក់នៅផ្សារទីរួមខេត្ត និងតាមយឿត្រីនៅរាជធានីភ្នំពេញ ចំណែកត្រីនុយលក់អោយវារីវប្បករនៅក្នុងតំបន់។
ទី៥. ការធ្វើវារីវប្បកម្ម មានពីរប្រភេទ ចិញ្ចឹមក្នុងស្រះ និងចិញ្ចឹមក្នុងបែរ។ ត្រីនុយត្រូវបានយកធ្វេីជាចំណីសម្រាប់ការចិញ្ចឹម។

សូមជម្រាបជូនថា ៖ សកម្មភាពចុះសិក្សាវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប។
សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្មត្រី និងត្រីនុយ
- ប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម
- ចរន្តទីផ្សារនៃការធ្វើអាជីវកម្មធនធានធម្មជាតិ។

លោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ របស់នាយកដ្ឋានត្រួតពិនិត្យការធ្វអាជីវកម្ម និងអភិរក្ស បានបន្តចុះសិក្សាស្រាវជ្រាវការធ្វើអាជីវកម្ម សិប្បីសត្វ និងឧរង្គសត្វ ក្នុងខេត្តសៀមរាប

2023-11-07T22:45:02+00:00

នៅថ្ងៃអង្គារ ៩ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែវិច្ឆិកា ឆ្នាំ២០២៣ ក្រុមការងាររបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច បានបន្តចុះសិក្សាស្រាវជ្រាវការធ្វើអាជីវកម្ម សិប្បីសត្វ និងឧរង្គសត្វ នៅឃុំកំពង់ឃ្លាំង ស្រុកសូទ្រនិគម, ឃុំកំពង់ភ្លុក ស្រុកប្រាសាទបាគង, ឃុំកែវពណ៌ ស្រុកពួក និងសង្កាត់ចុងឃ្នៀស ក្រុងសៀមរាប ។

ការចុះសិក្សានេះ ក្រុមការងារស្រាវជ្រាវបាន៖
១. បានជួបសម្ភាសជាមួយអាជ្ញាធរដែនដី ដើម្បីស្វែងយល់ពីស្ថានភាពលើការធ្វើអាជីវកម្មលៀស ខ្ចៅ ខ្យង និងពស់ អណ្តើក។
២. ជួបសម្ភាសជាមួយអ្នកនេសាទ និងអាជីវករលើការធ្វើអាជីវកម្ម លើប្រភេទ លៀស ខ្ចៅ ខ្យង ពស់ និងអណ្តើក។
៣. ការចុះពិនិត្យ កត់ត្រាទម្ងន់ តម្លៃ នៅតាមទីតាំងអាជីវកម្មនីមួយៗ។

ជាមួយនឹងសកម្មភាពនេះផងដែរក្រុមការងារបានចុះសិក្សាលើការធ្វើអាជីវកម្ម សិប្បីសត្វ និងឧរង្គសត្វ ជាលទ្ធផលឃើញថា ៖
១. ការធ្វើអាជីវកម្មមានចំនួន ៤ ទីតាំង
-លៀស ខ្ចៅ ខ្យង មានប្រមាណ ១-២តោន/ថ្ងៃ
-ពស់ និងអណ្តើក មានប្រមាណ ៦០-៨០ គីឡូក្រាម/ថ្ងៃ។
២. អាជីវកម្ម លៀស ខ្ចៅ ខ្យង ពស់ និងអណ្តើកមានបរិមាណថយចុះនៅក្នុងរដូវបើកនេសាទ
-តម្លៃលៀសសម្រាប់ហូប ១.០០០-១.៥០០រៀល/គីឡូក្រាម លៀសចំណីសត្វ ៥០០-៨០០រៀល/គីឡូក្រាម
-តម្លៃខ្ចៅដូង ២.៥០០-៣.០០០រៀល/គីឡូក្រាម
-តម្លៃខ្យង ៤.៥០០-៥.០០០រៀល/គីឡូក្រាម
-តម្លៃពស់ ១.២០០០-៤០.០០០ រៀល/គីឡូក្រាម
-តម្លៃអណ្តើក ៤.០០០០-៥០.០០០ រៀល/គីឡូក្រាម។
៣. ការធ្វើអាជីវកម្មលៀស ខ្ចៅ ខ្យង ពស់ និងអណ្តើក គឺឈ្មួញលក់ក្នុងខេត្តផ្ទាល់ និងមួយ និងនាំចេញទៅប្រទេសថៃ និងប្រទេសវៀតណាម។

សូមជម្រាបជូនថា៖ សកម្មភាពចុះសិក្សាស្រាវជ្រាវការធ្វើអាជីវកម្មសិប្បីសត្វ និងឧរង្គសត្វ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្ម លៀស ខ្ចៅ ខ្យង ពស់ និងអណ្តើក
- សិក្សាចរន្តទីផ្សារនៃការធ្វើអាជីវកម្មលៀស ខ្ចៅ ខ្យង ពស់ និងអណ្តើក
- សិក្សាពីផលប៉ះពាល់នៃការធ្វើអាជីវកម្ម លៀស ខ្ចៅ ខ្យង និងពស់ អណ្តើក។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមទិវាជាតិអាហារូបត្ថម្ភលើកទី១០

2023-11-07T14:52:43+00:00

រាជធានីភ្នំពេញ : ថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៨ ខែវិច្ឆិកា ឆ្នាំ២០២៣ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានសហការជាមួយក្រសួង-ស្ថាប័ន ដៃគូរអភិវឌ្ឍ និងសង្គមស៊ីវិលនានា បានរៀបចំវេទិកាជាតិអាហារូបត្ថម្ភលើកទី១០ ក្រោមប្រធានបទ ស្តីពី "ការពង្រឹងប្រព័ន្ធស្បៀងក្នុងបរិបទនៃការប្រែប្រួលអាកាសធាតុ" ក្រោមអធិបតីភាពឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ដ្រី និងជាប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ។ អង្គវេទិកាបានអានសារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងវេទិកាជាតិអាហារូបត្ថម្ភ លើកទី១០ ដែលក្នុងនោះរាជរដ្ឋាភិបាលបានផ្តល់នូវអនុសាសន៍សំខាន់ៗមួយចំនួន ស្របតាមយុទ្ធសាស្ត្របញ្ចកោណ ដំណាក់ទី ១ ឱ្យទទួលបានជោគជ័យ ពិសេសមុំទី៤ " ការពង្រឹងប្រព័ន្ធគាំពារសង្គម និងប្រព័ន្ធស្បៀង "។ តំណាងដៃគូអភិវឌ្ឍ បានធ្វើបង្ហាញពីតម្រូវការនៃអាហារូបត្ថម្ភទូទៅសម្រាប់ប្រជាជនកម្ពុជា និងវិភាគអំពីបញ្ហានៃការបំពេញកង្វះសារធាតុចិញ្ចឹម ទាក់ទងទៅនឹងបម្រែបម្រួលអាកាសធាតុដែលយើងកំពុងជួបប្រទះ។ ឯកឧត្តមទេសរដ្ឋមន្ត្រី បានបញ្ជាក់បន្ថែមអំពី ការរៀបចំទិវាជាតិអាហារូបត្ថម្ភ គឺបានប្រារព្វចំនួន ៩ លើករួចមកហើយចាប់តាំងពីឆ្នាំ២០១៤ មក ដោយជ្រើសយក ថ្ងៃទី ០៦ ខែវិច្ឆិកា ជារាងរាល់ឆ្នាំ និងសូមគ្រប់ក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ ដៃគូអភិវឌ្ឍ អង្គការសង្គមស៊ីវិល និងវិស័យឯកជន អនុវត្តតាមអនុសាសន៍ សម្តេចមហាបវរធិបតី ហ៊ុន ម៉ាណែត ក្នុងការយកចិត្តទុកដាក់លើការពង្រឹងប្រព័ន្ធស្បៀងឱ្យបានរឹងមាំ សំដៅរួមចំណែកកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាពលរដ្ឋ ឆ្ពោះទៅសម្រេចបានគោលដៅអភិវឌ្ឍប្រកបដោយចីរភាពឆ្នាំ ២០៣០ ពិសេសគោលដៅទី២ គឺ បញ្ចប់ភាពអត់ឃ្លាន សម្រេចឱ្យបាននូវសន្តិសុខស្បៀង ធ្វើឱ្យប្រសើរឡើងវិញអាហារូបត្ថម្ភ និងលើកកម្ពស់កសិកម្មប្រកបដោយចីរភាព។

សកម្មភាពចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីលទ្ធផលនៃការវាយតម្លៃតម្រូវការសមត្ថភាព និងសេចក្តីព្រាងផែនការពង្រឹងសមត្ថភាព សម្រាប់ការគ្រប់គ្រងបណ្តាញតាមដានទន្លេ របស់គណៈកម្មការទន្លេមេគង្គ

2023-11-07T14:32:18+00:00

រាជធានីភ្នំពេញ៖ នាថ្ងៃសុក្រ ៥រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៣ ខែវិច្ឆិកា ឆ្នាំ២០២៣ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការ ធ្វើអាជីវកម្ម និងអភិរក្ស និងកញ្ញា ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ ថ្នាក់ជាតិ ស្តីពីលទ្ធផលនៃការវាយតម្លៃតម្រូវការសមត្ថភាព និងសេចក្តីព្រាងផែនការពង្រឹង សមត្ថភាព សម្រាប់ការគ្រប់គ្រងបណ្តាញតាមដានទន្លេ របស់គណៈកម្មការទន្លេមេគង្គ ក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍ នៃគណៈកម្មាធិការជាតិទន្លេមេគង្គកម្ពុជា (គជទមក)។ សមាសភាពចូលរួមសិក្ខាសាលា អញ្ជើញមកពីក្រសួង-ស្ថាប័នពាក់ព័ន្ធ រួមមាន ក្រសួងធនធានទឹក និងឧតុនិយម, រដ្ឋបាលជលផល, អាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា (CNMC), គណៈកម្មការទន្លេមេគង្គ (MRC) និងក្រុម GIZ។

សិក្ខាសាលា បានពិភាក្សាពិគ្រោះយោបល់ បានផ្តោតសំខាន់លើ៖
១. តម្រូវការសមត្ថភាព និងអាទិភាពនៃអ្នកពាក់ព័ន្ធលើលទ្ធផលនៃការវាយតម្លៃ
២. ស្ថាប័នណាខ្លះគួរអនុវត្តន៍ និងចូលរួមវគ្គបណ្តុះបណ្តាលគ្រូបង្គោល និងគួរទទួលបានការបណ្តុះបណ្តាលអ្វី
៣. ពិភាក្សាលើបញ្ហាប៉ារ៉ាម៉ែត្រតាមផ្នែកនីមួយៗពាក់ព័ន្ធនឹង ផ្នែកជលសាស្ត្រ, ផ្នែក Fisheries, ផ្នែក Sediments, Water Quality, Ecological Health និងយេនឌ័រ និងបរិយាបន្នលើវិធីសាស្ត្រសម្រាប់ផែនការសកម្មភាពអភិវឌ្ឍន៍សមត្ថភាព (CDAP) និងការដាក់ពិន្ទុក្នុងការធ្វើចំណាត់ថ្នាក់អាទិភាពសម្រាប់ការគ្រប់គ្រងបណ្តាញតាមដានទន្លេមេគង្គឆ្លងដែនរបស់ MRC ។

សូមបញ្ជាក់ថា សិក្ខាសាលានេះមានគោលបំណង ដើម្បី ៖
- ដើម្បីបង្ហាញលទ្ធផលនៃការវាយតម្លៃតម្រូវការសមត្ថភាព (CNA) និងដើម្បីបញ្ជាក់ឡើងវិញនូវតម្រូវការសមត្ថភាព និងចន្លោះខ្វះខាតដែលកំណត់ដោយថ្នាក់ជាតិ ។
- ដើម្បីបង្ហាញនិងពិភាក្សាលើសេចក្តីព្រាងផែនការសកម្មភាពអភិវឌ្ឍន៍សមត្ថភាព (CDAP) ។
- ដើម្បីទទួលបានមតិកែលម្អ និងអនុសាសន៍ពីប្រទេសសមាជិកចំពោះ (CDAP) ដែលបានធ្វើបច្ចុប្បន្នភាព។

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយជុំវិញបឹងទន្លេសាប ជាមួយគោលដៅអភិវឌ្ឍន៍ប្រកបដោយចីរភាព និងពិគ្រោះយោបល់ប្រាស្រ័យទាក់ទង និងចែករំលែកការ យល់ដឹងជាមួយ environmental think tanks និងសម្របសម្រួលទំនាក់ទំនងបណ្តាញការងារthink

2023-11-06T12:40:33+00:00

នៅថ្ងៃអង្គារ ២រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣១ ខែ តុលា ឆ្នាំ២០២៣ មន្ត្រីនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក យ៉ាន់ សំរិទ្ធ ប្រធាននាយកដ្ឋាន បានបន្តចុះសិក្សាស្វែងយល់ពីនិរន្តរភាពសហគមន៍ជុំវិញបឹងទន្លេសាប ជាមួយគោលដៅអភិវឌ្ឍន៍ប្រកបដោយចីរភាព និងពិគ្រោះយោបល់ប្រាស្រ័យទាក់ទង និងចែករំលែកការយល់ដឹងជាមួយ environmental think tanks និងសម្រប សម្រួលទំនាក់ទំនងបណ្តាញការងារ think tanks ស្ថិតនៅក្នុងឃុំតាប៉ុន ស្រុកសង្កែ និងឃុំតាលាស់ ស្រុកមោងឬស្សី ខេត្តបាត់ដំបង ។

ការសិក្សានេះ ក្រុមការងារស្រាវជ្រាវបាន៖
១. ជួបពិភាក្សាការងារជាមួយអាជ្ញាធរដែនដី និងសហគមន៍នេសាទស្វាយស សហគមន៍បឹងទឹម សហគមន៍បាសែត និងសហគមន៍ម៉ាណោក-សួស្តី
២. ជួបជាមួយប្រជាពលរដ្ឋ ពីស្ថានភាពទូទៅពាក់ព័ន្ធនឹងជីវភាពរស់នៅ និងធនធាននៅក្នុងតំបន់។

ជាមួយនឹងសកម្មភាពនេះដែរ ការសិក្សានៅតំបន់ពាក់ព័ន្ធខាងលើ ទទួលបានលទ្ធផល ដូចខាងក្រោម៖
ទី១. មុខរបរសំខាន់ៗរបស់ប្រជាពលរដ្ឋក្នុងតំបន់សិក្សារួមមាន ធ្វើស្រែវស្សា- ស្រែប្រាំងប្រមាណ ៨០%, អ្នកលក់ដូរនៅតាមផ្ទះ, នេសាទត្រី, ចំណាកស្រុក ធ្វើសំណង់ និងសុីឈ្នួលវិស័យកសិកម្ម, រោងចក្រកាត់ដេរ និងចិញ្ចឹមសត្វគោ ក្របី មាន់ ទា ជាដើម ។
ទី២. សហគមន៍នេសាទទាំងនេះទទួលបានការគាំទ្រតិចតួចប៉ុណ្ណោះពីអង្គការដៃគូតាមរយ:រដ្ឋបាលជលផលសម្រាប់ការងារចុះល្បាត និងបង្ក្រាបបទល្មើស ។ រីឯអង្គការដៃគូមួយចំនួនទៀតដែលធ្លាប់បានគាំទ្រកន្លងមកបានបញ្ចប់គម្រោងរបស់ពួកគេ ។ ដូច្នេះ សហគមន៍នេសាទទាំងបីខាងលើ បាន និងកំពុងជួបនឹងបញ្ហាប្រឈមមួយចំនួនក្នុងការអនុវត្តការងាររបស់ខ្លួនក្នុងការអភិរក្សធនធានធម្មជាតិ ។
ទី៣. ធនធានត្រីថយចុះ បើប្រៀបធៀបនឹង ៤-៥ឆ្នាំមុន ដោយសារមានកត្តាមួយចំនួន ការប្រើជី ថ្នាំកសិកម្ម ការបាត់បង់ព្រៃលិចទឹក បទល្មើសប្រើប្រាស់ឧបករណ៍ខុសច្បាប់ និងការគោករាក់ព្រែក បឹងផ្សេងៗ ។

សូមជម្រាបជូនថា : សកម្មភាពសិក្សាស្វែងយល់ពីនិរន្តរភាពសហគមន៍ជុំវិញបឹងទន្លេសាប ជាមួយគោលដៅអភិវឌ្ឍន៍ប្រកបដោយចីរភាព និងពិគ្រោះយោបល់ ប្រាស្រ័យទាក់ទង និងចែករំលែកការយល់ដឹងជាមួយ environmental think tanks និង សម្របសម្រួលទំនាក់ ទំនងបណ្តាញការងារ think tanks មានគោលបំណងដើម្បី ៖
- ពិគ្រោះយោបល់ និងសិក្សាស្វែងយល់ ដើម្បីប្រមូលចងក្រងរាល់ព័ត៌មានទិន្នន័យ ដែលពាក់ព័ន្ធនឹងការគ្រប់គ្រង អភិរក្ស និងអភិវឌ្ឍន៍ធនធានកម្របឹងទន្លេសាប ។
- ចែករំលែកការយល់ដឹងពីហេតុផលប៉ះពាល់ និងការផ្តួចផ្តើមគំនិតក្នុងការការពារធនធានកម្រនៃបឹងទន្លេសាប ។
- ចងក្រងបណ្តាញទំនាក់ទំនងជាមួយ environmental think tanks ក្នុងកិច្ចសហប្រតិបត្តិ ការចែករំលែកព័ត៌មានទិន្នន័យក្នុងការចូលរួមដល់ការគ្រប់គ្រង អភិរក្ស និងអភិវឌ្ឍន៍ធនធានកម្របឹងទន្លេសាប ។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អញ្ជើញចូលរួមបិទកិច្ចប្រជុំរៀបចំផែនការសកម្មភាពសម្រាប់គ្រប់គ្រង និងអភិវឌ្ឍវិស័យធនធានទឹក និងឧតុនិយមឆ្នាំ២០២៤

2023-11-06T12:01:46+00:00

នៅសាលប្រជុំ ក្រសួងធនធានទឹក និងឧតុនិយម នារសៀលថ្ងៃសុក្រ ៥រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣ ខែវិច្ឆិកា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រី ក្រសួងធនធានទឹក និងឧតុនិយម បានអញ្ជើញចូលរួមក្នុងពិធីបិទកិច្ចប្រជុំពិភាក្សារៀបចំផែនការសកម្មភាពសម្រាប់គ្រប់គ្រង និងអភិវឌ្ឍវិស័យធនធានទឹក និងឧតុនិយមប្រចាំឆ្នាំ២០២៤ និងការរៀបចំផែនការយុទ្ធសាស្ត្រ និងផែនការសកម្មភាពរយៈពេល ៣ឆ្នាំរំកិល (២០២៥-២០២៧)។ អានត...

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អញ្ជើញចូលរួមពិធីសម្ពោធរបាយការណ៍អាកាសធាតុ និងការអភិវឌ្ឍប្រទេសកម្ពុជា (CCDR) របស់ធនាគារពិភពលោក

2023-11-06T11:51:15+00:00

នៅសណ្ឋាគារហ្វ៊ែរហ្វៀល នារសៀលថ្ងៃអង្គារ ២រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣១ ខែតុលា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បាន អញ្ជើញចូលរួមជាវាគ្មិនក្នុងពិធីសម្ពោធរបាយការណ៍អាកាសធាតុ និងការអភិវឌ្ឍប្រទេសកម្ពុជា (CCDR) ដែលរៀបចំដោយធនាគារពិភពលោក (WB)។ អានត...

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំកិច្ចប្រជុំពិភាក្សាក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅតាមបណ្តាខេត្តជុំវិញបឹងទន្លេសាប

2023-10-30T21:59:52+00:00

នាព្រឹកថ្ងៃទី ៣០ ខែតុលា ឆ្នាំ២០២៣ នៅអាជ្ញាធរទន្លេសាប មានកិច្ចប្រជុំពិភាក្សាក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់, បាត់ដំបង, បន្ទាយមានជ័យ, សៀមរាប និងខេត្តកំពង់ធំ) ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងមានការចូលរួមពីថ្នាក់ដឹកនាំអគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ ដែលជាក្រុមការងារ សរុបចំនួន ២៧រូប ។

កិច្ចប្រជុំនេះ មានគោលបំណងពិនិត្យ និងពិភាក្សា ទៅលើ ៖
១. ផែនទីតំបន់៣ ទំហំផ្ទៃដីដែលបានកាត់ឆ្វៀលទៅជាតំបន់ ២ និងតំបន់ ១ ។
២. វិធីសាស្ត្រចុះសិក្សាតាមដានត្រួតពិនិត្យ និងស្រង់ទិន្នន័យ-ព័ត៌មានពាក់ព័ន្ធនឹងតំបន់ ៣ តំបន់ ២ និងតំបន់ ១ បន្ទាប់ពីការកាត់ឆ្វៀល។
៣. ទម្រង់របាយការណ៍លទ្ធផលបន្ទាប់ពីចុះសិក្សាតាមដានត្រួតពិនិត្យរបស់ក្រុមការងារតាមតំបន់នីមួយៗក្នុងខេត្តទាំង ៦ ជុំវិញបឹងទន្លេសាប ដើម្បីបូកសរុប និងរាយការណ៍ជូនថ្នាក់ដឹកនាំ និងរាជរដ្ឋាភិបាល ពិនិត្យ និងសម្រេច
៤. នីតិវិធីចុះផ្សព្វផ្សាយ ណែនាំ អំពីច្បាប់ បទដ្ឋានគតិយុត្ត ព័ត៌មាន គោលនយោបាយ និងចំណេះដឹងពាក់ព័ន្ធ ដល់ថ្នាក់ក្រោមជាតិ និងសហគមន៍មូលដ្ឋាន ស្ថិតក្នុងខេត្តទាំង ៦ ជុំវិញបឹងទន្លេសាប ។

សូមបញ្ជាក់ជូនថា អាជ្ញាធរទន្លេសាប បានបង្កើតក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតក្នុងខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ, សៀមរាប និងខេត្តកំពង់ធំ) ដែលរាជរដ្ឋាភិបាលបានឆ្វៀលចេញពីដែនព្រៃលិចតំបន់៣ មកតំបន់ ២ និងពីតំបន់២ មកតំបន់ ១ នៃអនុក្រឹត លេខ ១៩៧ អនក្រ.បកចុះថ្ងៃទី ២៩ ខែសីហា ឆ្នាំ២០១១ ដែលមានដែនទំហំ ៦៤៧,៤០៦ហិកតា ជូនប្រជាពលរដ្ឋ អាស្រ័យផល និងតាំងទីលំនៅ ។ ក្រុមការងារ បាន និងកំពុងបន្តអនុវត្តន៍តួនាទីភារកិច្ច ក្នុងការប្រមូលផ្ទៀងផ្ទាត់ទិន្នន័យ ព័ត៌មានជាក់លាក់ ដើម្បីពិភាក្សាជាមួយក្រសួង ស្ថាប័នពាក់ព័ន្ធ និងថ្នាក់ក្រោមជាតិនៃខេត្តទាំង ៦ ជុំវិញបឹងទន្លេសាប និងធ្វើការផ្សព្វផ្សាយបង្កើនការយល់ដឹងពីសារប្រយោជន៍ធនធានធម្មជាតិ និងចូលរួមកិច្ចការការពារ ធនធានធម្មជាតិបឹងទន្លេសាបប្រកបដោយចីរភាព ។

លោក ខូវ វេងសុង ប្រធានការិយាល័យធនធានរ៉ែ និងលោក ឃាន ច័ន្ទតារា អនុប្រធានការិយាល័យព័ត៌មានភូមិសាស្ត្រ និងផែនទី បានចូលរួមសិក្ខាសាលាស្តីពី ការដាក់លេខកូដនាមភូមិសាស្ត្រ និងការប្រើប្រាស់នៅកម្ពុជា នៅទីស្តីការក្រសួងដែនដី នគរូបនីយកម្ម និងសំណង់

2023-10-28T08:04:08+00:00

នាថ្ងៃពុធ ១១កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២៥ ខែតុលា ឆ្នាំ២០២៣ លោក ខូវ វេងសុង ប្រធានការិយាល័យធនធានរ៉ែ និងលោក ឃាន ច័ន្ទតារា អនុប្រធានការិយាល័យព័ត៌មានភូមិសាស្ត្រ និងផែនទី បានចូលរួមសិក្ខាសាលាស្តីពី ការដាក់លេខកូដនាមភូមិសាស្ត្រ និងការប្រើប្រាស់នៅកម្ពុជា នៅទីស្តីការក្រសួងដែនដី នគរូបនីយកម្ម និងសំណង់ ក្រោមអធិបតីភាព ឯកឧត្តម សរ សុវណ្ណ រដ្ឋលេខាធិការក្រសួងដែនដី នគរូបនីយកម្ម និងសំណង់ ហើយមានការសម្របសម្រួលដោយអគ្គនាយកដ្ឋានសុរិយោដី និងភូមិសាស្ត្រ ដែលមានសិក្ខាកាមចូលរួមមកពីតំណាងក្រសួង-ស្ថាប័នពាក់ព័ន្ធ តំណាងរាជធានី-ខេត្តទាំង២៥ ក្រុមហ៊ុនឯកជន សរុបអ្នកចូលរួមចំនួន ១៨០រូប ។

សិក្ខាសាលានេះមានគោលបំណង ៖
១. ជម្រាបជូនដល់គ្រប់ក្រសួងស្ថាប័នបានយល់ពីការដាក់លេខកូដនាមភូមិសាស្ត្រត្រឹមត្រូវឲ្យមានការឯកភាពគ្នា។
២. ផ្សព្វផ្សាយពីអត្ថប្រយោជន៍ការប្រើប្រាស់លេខកូដនាមភូមិសាស្ត្រទូទាំងប្រទេស ។

ទន្ទឹមនឹងនេះក្រសួងដែនដី នគរូបនីយកម្ម និងសំណង់ ស្នើសុំគ្រប់ក្រសួងស្ថាប័ន បន្តផ្តល់កិច្ចសហការ និងការប្រើប្រាស់លេខកូដនាមភូមិសាស្ត្រ ដែលក្រសួងរៀបចំដែនដី នគរូបនីយកម្ម និងសំណង់ បានកំណត់ និងប្រើប្រាស់ដូចមាននៅក្នុងបញ្ជីរាយនាមភូមិសាស្ត្រ ក្នុងគោលដៅធានាបាននូវការឯកភាព និងស្តង់ដាសម្រាប់បម្រើអោយការប្រើប្រាស់ ក៏ដូចជាការផ្លាស់ប្តូរទិន្នន័យភូមិសាស្ត្រនៅក្នុងព្រះរាជាណាចក្រកម្ពុជា ។

លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យអាជីវកម្ម និងអភិរក្ស ចូលរួមកិច្ចប្រជុំជំនាញផ្នែកបរិស្ថានថ្នាក់តំបន់ ស្តីពីរបាយការណ៍តាមដានភាពសម្បូរបែប និងភាពផ្សេងគ្នានៃប្រភេទត្រីឆ្នាំ២០១៨-២០២២ នៅប្រទេសវៀតណាម

2023-10-28T07:50:01+00:00

ថ្ងៃ ១១កើត ដល់ ១២កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ -២៦ ខែតុលា ឆ្នាំ២០២៣ ក្រុមការងារកម្ពុជាដែលមានការចូលរួមពីអាជ្ញាធរទន្លេសាប, រដ្ឋបាលជលផល និងគណៈកម្មាធិការជាតិទន្លេមេគង្គកម្ពុជា បានចូលរួមកិច្ចប្រជុំជំនាញផ្នែកបរិស្ថានថ្នាក់តំបន់ ស្តីពីរបាយការណ៍តាមដានភាពសម្បូរបែប និងភាពផ្សេងគ្នា នៃប្រភេទត្រី ឆ្នាំ ២០១៨-២០២២ និងឯកសារគោលនយោបាយជម្រើសការវិនិយោគ និងវិធានការពាក់ព័ន្ធ ដើម្បីបង្កើនប្រសិទ្ធភាពផលិតកម្មជលផល ក្រោមការផ្លាស់ប្តូរស្ថានភាពទន្លេថ្ងៃទី២៥-២៦ ដោយមានការចូលរួមពីប្រទេសជាសមាជិកគណៈកម្មការទន្លេមេគង្គ (កម្ពុជា ឡាវ ថៃ និងវៀតណាម) និងមន្ត្រីលេខាធិការដ្ឋានគណៈកម្មការទន្លេមេគង្គ។

កិច្ចប្រជុំនេះមានគោលបំណង ៖
១. ចែករំលែករបកគំហើញ ក៏ដូចជាស្ថានភាព និងនិន្នាការនៃរបាយការណ៍តាមដានសម្បូរបែប និងភាពផ្សេងគ្នានៃប្រភេទត្រីក្នុងអាងទន្លេមេគង្គក្រោម សម្រាប់ឆ្នាំ ២០១៨-២០២២។
២. ពិភាក្សាលើការរួមបញ្ចូលទិន្នន័យការតាមដានភាពសម្បូរបែប និងភាពផ្សេងគ្នានៃប្រភេទត្រី ជាមួយការវាយតម្លៃទិន្នផលជលផលទៅតាមប្រភេទទីជម្រក និងការរួមចំណែកដល់របាយការណ៍ស្ថានភាពអាងទន្លេមេគង្គឆ្នាំ២០២៣។
៣. ប្រមូលមតិយោបល់ និងអនុសាសន៍ពីប្រទេស ជាសមាជិក ដើម្បីបង្កើនគុណភាពនៃរបាយការណ៍។
៤. ពិនិត្យ និងពិភាក្សាអំពី ឯកសារគោលនយោបាយជម្រើសការវិនិយោគ និងវិធានការពាក់ព័ន្ធដើម្បីបង្កើនប្រសិទ្ធភាពផលិតកម្មជលផល ក្រោមការផ្លាស់ប្តូរស្ថានភាពទន្លេ។
៥. ពិភាក្សាអំពីជំហ៊ានបន្តដើម្បីអនុវត្តឯកសារគោលនយោបាយនេះ។

លោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវ អំពីការវាយតម្លៃលើការធ្វើអាជីវកម្មត្រី ត្រី

2023-10-28T07:38:56+00:00

នៅថ្ងៃអង្គារ ៣កើត ដល់ថ្ងៃសៅរ៍ ៧កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៧ ដល់ថ្ងៃទី២១ ខែតុលា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ព្រហ្ម សុគំនិត អនុប្រធានការិយាល័យ បានបន្តចុះសិក្សាការ អំពី ការវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅឃុំកំពង់លួង ស្រុកក្រគរ និងឃុំកញ្ជរ ស្រុកកណ្តៀង ខេត្តពោធិ៍សាត់។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសជាមួយអាជ្ញាធរដែនដី និងវារីវប្បករ។
២. ជួបសម្ភាសជាមួយប្រជានេសាទ និងអាជីវករទិញ-លក់ត្រី។
៣. ដឹងពីបរិមាណនៃការធ្វើអាជីវកម្ម និងតម្លៃត្រី។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. ការធ្វើអាជីវកម្មត្រីមានចំនួន ២ ទីតាំង បរិមាណត្រី ក្នុងមួយទីតាំងជាមធ្យមប្រមាណ ២.៥តោន/ថ្ងៃ និងត្រីនុយជាមធ្យម ៣.៥តោន/ថ្ងៃ ។
ទី២. ការធ្វើអាជីវកម្មត្រី និងត្រីនុយ ប្រជានេសាទប្រើប្រាស់ឧបករណ៍នេសាទ មងរាយ បរ សម្រាស់ ឡើរ របាំងស្បៃមុង....។
ទី៣. តម្លៃត្រីសម្រាប់បរិភោគមានតម្លៃចន្លោះពី ១០.០០០- ៥០.០០០រៀល/គីឡូក្រាម និងតម្លៃត្រីនុយ ចន្លោះពី ១.៣០០-២.០០០ រៀល/គីឡូក្រាម។ ត្រីសម្រាប់បរិភោគអាជីវករលក់ក្នុងតំបន់ និងមួយចំនួនទៀតលក់នៅផ្សារទីរួមខេត្ត និងតាមយឿត្រីនៅរាជធានីភ្នំពេញ ចំណែកត្រីនុយលក់អោយវារីវប្បករនៅក្នុងតំបន់។
ទី៤. ការធ្វើវារីវប្បកម្ម មានពីរប្រភេទ ចិញ្ចឹមក្នុងស្រះ និងចិញ្ចឹមក្នុងបែរ។ ប្រភេទត្រីចិញ្ចឹមក្នុងស្រះ មានប្រភេទត្រីឆ្តោរ ត្រីប្រា ត្រីពោ បរិមាណចិញ្ចឹមចាប់ពី ១០.០០០ ទៅ ៣០.០០០ ក្បាល/ស្រះ និងចិញ្ចឹមតាមបែរ មានប្រភេទ ត្រីរ៉ស់ និងត្រីអណ្តែង បរិមាណចិញ្ចឹមចាប់ពី ១.០០០ ទៅ ៥.០០០ ក្បាល/បែរ។

សូមជម្រាបជូនថា៖ សកម្មភាពចុះសិក្សាវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប ។
សកម្មភាពខាងលើនេះ មានគោលបំណង៖
- សិក្សាតាមដានបរិមាណ នៃការធ្វើអាជីវកម្មធនធានធម្មជាតិត្រី និងត្រីនុយ។
- ប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម។
- ចរន្តទីផ្សារ នៃការធ្វើអាជីវកម្មធនធានធម្មជាតិ។

លោក វិន ប៊ុនពៅ ប្រធាននាយកដ្ឋាន បានចូលរួមសិក្ខាសាលាពិគ្រោះយោបល់លើរបាយការណ៍បឋម នៃការសិក្សាស្រាវជ្រាវ ស្តីពីផលប៉ះពាល់ នៃកម្ពស់ទឹកទាប របស់បឹងទន្លេសាបលើជីវចម្រុះ និងជីវភាព របស់សហគមន៍លើបឹងទន្លេសាប

2023-10-25T15:05:25+00:00

រាជធានីភ្នំពេញ ៖ នាថ្ងៃចន្ទ ៩ កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២៣ ខែតុលា ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅចូលរួមសិក្ខាសាលាពិគ្រោះយោបល់លើរបាយការណ៍បឋម នៃការសិក្សាស្រាវជ្រាវ ស្តីពីផលប៉ះពាល់ នៃកម្ពស់ទឹកទាប របស់បឹងទន្លេសាបលើជីវចម្រុះ និងជីវភាពរបស់សហគមន៍លើបឹងទន្លេសាប ដែលបានដឹកនាំ និងសម្របសម្រួលដោយ លោក ចាន់ វិចិត្រ ប្រធានវេទិកា នៃអង្គការមិនមែនរដ្ឋាភិបាល ស្តីពីកម្ពុជា និងលោកបណ្ឌិត ដោក ដុម៉ា ជំនាញការគម្រោង និងមានសមាសភាពចូលរួមពីមន្ត្រីតំណាងពីក្រសួងកសិកម្ម រុក្ខាប្រមាញ់ និងនេសាទ, អាជ្ញាធរទន្លេសាប, មេឃុំ, ប្រធានភូមិ អនុភូមិ, ប្រធានសហគមន៍នេសាទ (៣ឃុំ/៣ខេត្ត) វិទ្យាស្ថាន និងគ្រឹះស្ថានសិក្សាស្រាវជ្រាវ ព្រមទាំងអង្គការផ្សេងៗ (សិក្សាក្នុងតំបន់ទន្លេសាប ដូចជា OFARM, FAC.. ) សរុបអ្នកចូលរួមចំនួន ៣០ រូប ។

គោលបំណងសំខាន់នៃកិច្ចប្រជុំពិគ្រោះយោបល់ គឺដើម្បី៖
១. ដើម្បីពិនិត្យលើខ្លឹមសារសង្ខេបសិក្សាស្រាវជ្រាវ ពីផលប៉ះពាល់ នៃលំហូរទឹកទាបនៅបឹងទន្លេសាប និងជីវភាពរស់នៅរបស់សហគមន៍ក្នុងតំបន់កំពង់ឃ្លាំង ខេត្តសៀមរាប, តំបន់រហាលសួង ខេត្តបាត់ដំបង និងតំបន់កំពង់លួង ខេត្តពោធិ៍សាត់ ។
២. ដើម្បីពិនិត្យការប្រែក្លាយសង្គម សេដ្ឋកិច្ច និងយុទ្ធសាស្ត្រដោះស្រាយរបស់សហគមន៍នីមួយៗ (៣តំបន់) ។
៣. ពិនិត្យលើការសិក្សាពីបម្រែបម្រួលប្រព័ន្ធអេកូឡូស៊ីសំខាន់ៗ របស់បឹងនៃលក្ខខណ្ឌលំហូរទឹកទាប(២០១៩-២០២៣)។
៤. ពិនិត្យលើកម្រិតនៃផលប៉ះពាល់ដល់សហគមន៍ខាងលើ
៥. ស្វែងយល់បន្ថែមពីការប្រែប្រួលប្រព័ន្ធបរិស្ថាន និងជីវភាពប្រជាជននៅតំបន់សិក្សា ។

ទន្ទឹមនឹងនោះ អង្គសិក្ខាសាលាពិគ្រោះយោបល់ខាងលើ ទទួលបានលទ្ធផលដូចខាងក្រោម ៖
- ស្នើសុំពិនិត្យ និងសិក្សាបន្ថែមលើផលប៉ះពាល់ ប្រភពទិន្នន័យសម្រាប់រៀបចំរបាយការណ៍បឋមក្នុងការសិក្សា (ត្រូវយកទិន្នន័យផ្លូវការ និងមានការចូលរួមពិនិត្យ និងវាយតម្លៃបន្ថែមលើលទ្ធផលសិក្សា មុនរៀបចំជាផែនការ និងយុទ្ធសាស្ត្រផ្សព្វផ្សាយបន្ត ឬដាក់ជូនរាជរដ្ឋាភិបាល) ។
- ស្នើសុំ NGO-FORUM សិក្សាបន្ថែមលើផលប៉ះពាល់បរិស្ថាន ធនធានទឹក ជីវចម្រុះ និងសេដ្ឋកិច្ចសង្គម ។ល។
- ស្នើសុំពិនិត្យ និងកែសម្រួលទិន្នន័យបន្ថែមក្នុងរបាយការណ៍បឋម ដើម្បីរកធាតុចូលត្រឹមត្រូវពីក្រសួង ស្ថាប័នជំនាញ និងពាក់ព័ន្ធ (ថ្នាក់ជាតិ និងក្រោមជាតិ) ។
- ជាពិសេស អាជ្ញាធរទន្លេសាប ស្នើដល់ក្រុមការងាររៀបចំរបាយការណ៍ត្រូវសិក្សាបន្ថែមលើទិន្នន័យ និងអ្នកចូលរួម (ក្រសួង ស្ថាប័នជំនាញ) ដើម្បីវាយតម្លៃលើលទ្ធផលសិក្សានេះ ព្រោះការចងក្រងលទ្ធផលនេះមានរយៈពេលខ្លីណាស់ គឺប្រមាណជា ១ ទៅ ២ ខែ ។
- តំណាងក្រុមការងារគម្រោង NGO-FORUM ក៏បានទទួលយកនូវសំណូមពរ និងសំណើទាំងអស់ក្នុងពេលនេះ ដើម្បីធ្វើការពិនិត្យ និងរៀបចំកែសម្រួលបន្ថែមនូវអ្វីដែលអង្គសិក្ខាកាមបានលើកឡើង ។

លោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវអំពី ការកែច្នៃធនធានជលផល និងចរន្តអាជីវកម្ម នៅខេត្តកំពង់ឆ្

2023-10-25T14:46:50+00:00

នៅថ្ងៃសុក្រ ៦កើត ដល់ថ្ងៃសៅរ៍ ៧កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ដល់ថ្ងៃទី២១ ខែតុលា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការកែច្នៃធនធានជលផល និងចរន្តអាជីវកម្ម នៅឃុំឆ្នុកទ្រូ, ឃុំកំពង់ហៅ, ឃុំពាមឆ្កោក និងសង្កាត់ផ្សារឆ្នាំង ខេត្តកំពង់ឆ្នាំង ។

ការចុះសិក្សានេះក្រុមការងារស្រាវជ្រាវបានធ្វើការជាមួយ៖
១. ជួបសម្ភាសន៍ជាមួយឈ្មួញកណ្តាល (អ្នកទិញ-លក់ផលជលផលស្រស់)
២. ជួបសម្ភាសជាមួយអាជីវករ (លក់ដុំ និងលក់រាយ) និងអ្នកកែច្នៃត្រី (លក្ខណះគ្រួសារ និងលក្ខណះមធ្យម)
៣. ដឹងពីបរិមាណត្រីស្រស់ ប្រភេទនៃការកែច្នៃ បច្ចេកទេសនៃការកែច្នៃតាមប្រភេទនីមួយៗ ដឹងពីចរន្តអាជីវកម្ម ការវិវត្តន៍ នៃទីផ្សារ និងស្ថានភាពទូទៅរបស់អ្នកកែច្នៃត្រី។

ជាមួយនឹងសកម្មភាពនេះផងដែរក្រុមការងារចុះសិក្សា និងទទួលបានជាលទ្ធផលបឋមដូចខាងក្រោម ៖
- ស្ថិតិអ្នកកែច្នៃត្រីនៅក្នុងខេត្តកំពង់ឆ្នាំង មានចំនួនប្រមាណ ៤០ គ្រួសារ
- មានការច្នៃត្រីចំនួន ៤ ប្រភេទ ដូចជា ត្រីឆ្អើរ ប្រហុក ត្រីងៀត និងត្រីប្រម៉ា ប្រើបរិមាណត្រីស្រស់អស់ប្រមាណ ៣៩.៥០០ គ.ក្រ និងបានបរិមាណត្រីកែច្នៃរួច ១៨.៨០១ គ.ក្រ។
- សម្រាប់បច្ចេកទេសក្នុងការកែច្នៃត្រីគឺមានលក្ខណៈបច្ចេកទេសបុរាណធ្វើតាមទំលាប់។
- ប្រភពត្រីមកពីបឹងទន្លេសាប ទន្លេសាប ដៃទន្លេ ស្ទឹង ព្រែក ការធ្វើវារីវប្បកម្ម ខេត្តពោធិ៍សាត់ ខេត្តកំពង់ចាម និងមួយផ្នែកទៀតនាំចូលពីប្រទេសវៀតណាម។
- គិតលើការចំណាយទិញត្រីស្រស់ ឈ្នួលកម្មករ ចង្កាក់ និងអុស អ្នកកែច្នៃត្រីឆ្អើរលេខ ១ អាចចំណេញបានចន្លោះពី ២០.០០០ ទៅ ៣៥.០០០ រៀល/គ.ក្រ (ប្រភេទត្រីកេស ក្លាំងហាយ និងត្រីក្រម៉ម) ត្រីឆ្អើរលេខ២ ចន្លោះពី ១៥.០០០ ទៅ ២០.០០០ រៀល/គ.ក្រ (ប្រភេទត្រីកេស ក្លាំងហាយ និងត្រីក្រម៉ម) និងត្រីឆ្អើរលេខ៣ ចន្លោះពី ១០.០០០ ទៅ ១៥.០០០ រៀល/គ.ក្រ (ត្រីរៀល)។ អ្នកកែច្នៃប្រហុក អាចចំណេញបានចន្លោះពី ៥០០ ទៅ ៧០០ រៀល/គ.ក្រ។ អ្នកកែច្នៃត្រីងៀតលេខ ១ អាចចំណេញបានចន្លោះពី ១០.០០០ ទៅ ១២.០០០ រៀល/គ.ក្រ ត្រីងៀតលេខ២ ចន្លោះពី ៥.០០០ ទៅ ៧.០០០ រៀល/គ.ក្រ។ អ្នកកែច្នៃត្រីប្រម៉ា អាចចំណេញបានចន្លោះពី ១០.០០០ ទៅ ១២.០០០ រៀល/គ.ក្រ ត្រីងៀតលេខ២ ចន្លោះពី ៦.០០០ ទៅ ១០.០០០ រៀល/គ.ក្រ។
- ស្ថានភាពនៃការកែច្នៃប្រហុក នៅដើមរដូវបើកនេសាទនេះ មានសកម្មភាពកែច្នៃដែលមានបរិមាណត្រីច្រើនជាងគេគឺឃុំឆ្នុកទ្រូ (ទីតាំងឡើងត្រី)។|
- ទំហំត្រីយកមកធ្វើការកែច្នៃប្រហុកនៅមានទំហំតូចនៅឡើយ ប៉ុន្តែមានតម្លៃថ្លៃ ២.០០០រៀល/គ.ក្រ។
- ចំពោះទីផ្សារលក់ផលិតផលកែច្នៃរបស់អ្នកកែច្នៃ គ្មានការជួយជ្រោមជ្រែងពីស្ថាប័នជំនាញពាក់ព័ន្ធនោះទេ។

សូមជម្រាបជូនថា៖ សកម្មភាពការកែច្នៃធនធានជលផល និងចរន្តអាជីវកម្មនៅខេត្តកំពង់ឆ្នាំង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- តាមដានបរិមាណត្រីស្រស់ ប្រភេទនៃការកែច្នៃ និងបច្ចេកទេសនៃការកែច្នៃតាមប្រភេទនីមួយៗ
- សិក្សាការវិវត្តន៍នៃទីផ្សារតាមតំបន់នីមួយៗ។

ស្ថានភាពទឹកបឹងទន្លេសាប បានហូរត្រឡប់មកចាក់ចូលទន្លេមេគង្គវិញ តាមទន្លេសាប តាំងពីថ្ងៃទី ១០ ខែតុលា ឆ្នាំ ២០២៣

2023-10-22T15:27:31+00:00

នាព្រឹកថ្ងៃទី ២១ ខែតុលា ឆ្នាំ ២០២៣ មន្ត្រីបច្ចេកទេសនាយកដ្ឋានធនធានធម្មជាតិ និងនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ក្រោមឱវាទអគ្គលេខាធិការដ្ឋាននៃអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ បានចុះសិក្សាពីស្ថានភាពរបបទឹកទន្លេតាមគន្លងឡូត៍ដាយមួយចំនួនតាមដងទន្លេសាប មុនពេលដំណើរការពេញលេញនូវការធ្វើអាជីវកម្មឡូត៍ដាយ នៅក្នុងរដូវបើកការនេសាទ ២០២៣ ក្នុងខេត្តកណ្តាល និងរាជធានីភ្នំពេញ ។ ជារួម លទ្ធផលនៃការចុះវាស់កម្រិតទឹករបស់ក្រុមការងារពិនិត្យឃើញថា ទីតាំងមាត់ដាយលេខ ១៥E មានកម្ពស់ទឹក ២២.២ម៉ែត្រ ល្បឿនទឹក ០.៧៣ ម៉ែត្រ/វិនាទី Ph ៥.៩ និងសីតុណ្ហភាព ៣០ អង្សាសេ រីឯទីតាំងមាត់ដាយ ១៥A មានកម្ពស់ទឹក ១៤.២ម៉ែត្រ ល្បឿនទឹក ០.៥៣ ម៉ែត្រ/វិនាទី Ph ៥.៩ និងសីតុណ្ហភាព ៣០ អង្សាសេ ។

……..បើតាមការសង្កេត និងបទពិសោធន៍ រួមជាមួយការដាក់ឧបករណ៍នេសាទចាប់ត្រីសាកល្បង (តាមកិច្ចសម្ភាសម្ចាស់ដាយ) ឆ្នាំនេះបរិមាណត្រី នឹងអាចទទួលបានទិន្នផលច្រើនជាងឆ្នាំកន្លងទៅ ពិសេសត្រីក្រឡង់ និងបង្កងមានច្រើនជាងឆ្នាំមុន……….។

លោក ស្រ៊ុន ស៊ីលីន អនុប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំមន្ត្រីបច្ចេកទេស បន្តសកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ

2023-10-22T15:11:38+00:00

នាថ្ងៃសុក្រ ៦កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២០ ខែតុលា ឆ្នាំ២០២៣ មន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក ស្រ៊ុន ស៊ីលីន អនុប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាការវិភាគតម្លៃ និងផលចំណេញក្នុងផលិតកម្មស្រូវនៅវាលទំនាបបឹងទន្លេសាប នៅឃុំបារាយណ៍ ឃុំបឹង និងឃុំត្នោតជុំ ស្រុកបារាយណ៍ ខេត្តកំពង់ធំ។

ការសិក្សានេះ ទទួលបានលទ្ធផលបឋម ដូចខាងក្រោម៖
- ផ្ទៃដីស្រែប្រាំងក្នុងស្រុកបារាយណ៍មានចំនួន ១៩,៨៣៧ ហិកតា ក្នុងតំបន់២
- ធ្វើស្រែប្រាំងបាន ២ដង ក្នុងមួយឆ្នាំ
- ទិន្នផលបាន ៥ ទៅ ៦ តោន ក្នុងមួយហិកតា
- ការធ្វើស្រែប្រាំងរបស់កសិករក្នុងតំបន់នេះ ចំណាយអស់ប្រមាណ ៤ លានរៀល/ហត ដូចជា ថ្លៃពូជស្រូវ ថ្លៃជួលភ្ជួររាស់ ជួលបាចជី ជួលព្រួស ជួលបាញ់ថ្នាំ ជួលច្រូត ជួលដឹកជញ្ជូន ថ្លៃថ្នាំ-ជីគីមី និងប្រេង/សាំង។
- ចំណេញបានប្រមាណ ២,០០០,០០០ ទៅ ២,៥០០,០០០ រៀល ក្នុងមួយហិកតា
- ប្រជាកសិករមួយចំនួនធំក្នុងឃុំបារាយណ៍ ជួលដីស្រែប្រាំងពីក្រុមហ៊ុនចិន ចន្លោះ ពី ០៥ ទៅ១០ហិកតាក្នុង មួយគ្រួសារ មានតម្លៃ ១៥០$/ហត និង ទិញទឹកតម្លៃ ៧០$/ហត។

សកម្មភាពខាងលើនេះ មានគោលបំណងដើម្បី៖
- វិភាគចរន្តសេដ្ឋកិច្ចពី របរស្រែប្រាំងក្នុងតំបន់សិក្សា
- វិភាគថ្លៃដើមផលិតកម្ម និងផលិតផលផលិតកម្មស្រែប្រាំង
- ស្វែងយល់ និងវិភាគចំណូលចំណាយពីការធ្វើរបរស្រែប្រាំង
- បញ្ហាប្រឈមក្នុងការងារធ្វើស្រែរបស់ប្រជាពលរដ្ឋ
- ចងក្រងជាឯកសារពីតម្លៃស្រូវ ទីផ្សារ ទិន្នផល ពូជស្រូវតាមឆ្នាំ/តំបន់។

លោក ជួង សុវណ្ណគីរី អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ ដឹកនាំមន្ត្រីបច្ចេកទេស របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវការធ្វើអាជីវកម្ម សិប្បីសត្វ និងឧរង្គសត្វ នៅខេត្តប

2023-10-22T11:30:50+00:00

នៅថ្ងៃសុក្រ ៦កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២០ខែតុលា ឆ្នាំ២០២៣ ក្រុមការងាររបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ជួង សុវណ្ណគីរី អនុប្រធានការិយាល័យ បានបន្តចុះសិក្សាស្រាវជ្រាវការធ្វើអាជីវកម្ម សិប្បីសត្វ និងឧរង្គសត្វ នៅឃុំព្រែកនរិន្ធ និងឃុំកោះជីវាំង ស្រុកឯកភ្នំ ខេត្តបាត់ដំបង ។

ការសិក្សានេះ ក្រុមការងារបាន ៖
១. ជួបសម្ភាសន៍ជាមួយអាជ្ញាធរដែនដី
២. ជួបសម្ភាសន៍ជាមួយអ្នកនេសាទ និងអាជីវករលើការធ្វើអាជីវកម្មលើសិប្បីសត្វ និងឧរង្គសត្វ លើប្រភេទ លៀស ខ្ចៅ ខ្យង ពស់ និងអណ្តើក
៣. ការតាមដាន ពិនិត្យ វាស់ប្រវែង កត់ត្រាទម្ងន់ តម្លៃ នៅតាមទីតាំងអាជីវកម្មនីមួយៗ។

ជាមួយនឹងសកម្មភាពនេះផងដែរក្រុមការងារ បានបន្តចុះសិក្សាលើការធ្វើអាជីវកម្ម សិប្បីសត្វ និងឧរង្គសត្វ ជាលទ្ធផលឃើញថា ៖
ទី១. ការធ្វើអាជីវកម្មលៀស ខ្ចៅ ខ្យង ពស់ និងអណ្តេីក មានចំនួន ៤ទីតាំង ស្ថិតក្នុងឃុំកោះជីវាំង ឈ្មួញប្រមូលទិញ និងនាំយកទៅលក់បន្តនៅច្រកមេជ្រៃ និងច្រកចុងឃ្នៀស ខេត្តសៀមរាប ។
ទី២. បរិមាណការធ្វើអាជីវកម្ម លៀស ខ្ចៅ ខ្យង ពស់ និងអណ្តើក បានថយចុះ តែតម្លៃថ្លៃ បើធៀបទៅនឹងឆ្នាំមុន នៅក្នុងរដូវបើកនេសាទដូចគ្នា។
ទី៣. គ្មានសកម្មភាពធ្វើអាជីវកម្មលៀសសម្រាប់ចំណីសត្វ នៅក្នុងតំបន់ឃុំព្រែកនរិន្ទ និងឃុំកោះជីវាំង។
ទី៤. ការធ្វេីអាជីវកម្មលៀស ខ្ចៅ ខ្យង ពស់ និងអណ្តើក គឺឈ្មួញនាំចេញទៅលក់ក្នុងខេត្តបាត់ដំបង និងមួយផ្នែកធំនាំចេញទៅខេត្តសៀមរាប និងនាំចេញតាមច្រកប៉ោយប៉ែត ទៅប្រទេសថៃ។
ទី៥. ការធ្វើអាជីវកម្មលៀស ខ្ចៅ ខ្យង ពស់ និងអណ្តើក មានផលវិជ្ជមាន(ជួយបំពេញតម្រូវការបរិភោគ និងតម្រូវការខាងផ្នែកកែច្នៃចំណីសត្វ) តែផលអវិជ្ជមាន(ការនេសាទហួសកម្រិតធ្វើអោយប្រភេទសិប្បីសត្វខ្នាតធំមិនសូវសំបូរ និងបាត់បង់ប្រភេទឧរង្គសត្វដែលកម្រ និងងាយរងគ្រោះ ក្នុងបឹងទន្លេសាប។

សូមជម្រាបជូនថា៖ សកម្មភាពសិក្សាស្រាវជ្រាវការធ្វើអាជីវកម្មសិប្បីសត្វ និងឧរង្គសត្វ នៅខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប ។

សកម្មភាពសិក្សាខាងលើនេះ ក្នុងគោលបំណង ៖
- តាមដានបរិមាណការធ្វើអាជីវកម្ម លៀស ខ្ចៅ ខ្យង ពស់ និងអណ្តើក ។
- ចរន្តទីផ្សារនៃការធ្វើអាជីវកម្មលៀស ខ្ចៅ ខ្យង ពស់ និងអណ្តើក
- ផលប៉ះពាល់នៃការធ្វើអាជីវកម្ម លៀស ខ្ចៅ ខ្យង និងពស់ អណ្តើក។

លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់ស្តីពី ការត្រួតពិនិត្យតាមដានសូចនាករកម្រិតនៃការអនុវត្តការគ្រប់គ្រងធនធានទឹកចម្រុះ លើកទី៣ នៅរាជធានីភ្នំពេញ

2023-10-20T22:19:03+00:00

នាថ្ងៃសុក្រ ០៦កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែតុលា ឆ្នាំ២០២៣ លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់ស្តីពី ការត្រួតពិនិត្យតាមដានសូចនាករកម្រិតនៃការអនុវត្តការគ្រប់គ្រងធនធានទឹកចម្រុះ លើកទី៣ ក្រោមអធិបតីភាព ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការ ក្រសួងធនធានទឹក និងឧតុនិយម នៅសណ្ឋារគារហ៊ីម៉ាវ៉ារី រាជធានីភ្នំពេញ ។ សិក្ខាសាលាពិគ្រោះយោបល់ មានការអញ្ជើញចូលរួមពីតំណាងក្រសួងស្ថាប័នជំនាញពាក់ព័ន្ធ រួមទាំងមន្ទីរធនធានទឹក និងឧតុនិយម ខេត្តព្រៃវែង, ខេត្ដកណ្តាល, ខេត្ដកំពង់ធំ, ខេត្ដបាត់ដំបង, ខេត្ដក្រចេះ, ខេត្តរតនគិរី និងតំណាងក្រសួង ស្ថាប័នជាតិ វិទ្យាស្ថានស្រាវជ្រាវ សាកលវិទ្យាល័យ សហគមន៍ អង្គការមិនមែនរាជរដ្ឋាភិបាល និងទីប្រឹក្សាជាតិ។

សិក្ខាសាលាពិគ្រោះយោបល់នេះ មានគោលបំណង ដើម្បីប្រមូលធាតុចូល និងវាយតម្លៃរួមគ្នា និងស្វែងយល់ពីការអនុវត្តគម្រោងសកម្មភាពនានាក្នុងវិស័យធនធានទឹក ក្នុងការឆ្លុះបញ្ចាំងពីចំណុចខ្វះខាត បញ្ហាប្រឈមនានា និងកំណត់នូវសកម្មភាព មធ្យោបាយ ដែលជាធាតុចូលដ៏មានប្រសិទ្ធភាព លើការគ្រប់គ្រងធនធានចម្រុះនៅកម្ពុជាឱ្យកាន់តែមានសុក្រឹតភាព និងល្អគ្រប់ជ្រុងជ្រោយបន្ថែមទៀត។

អង្គសិក្ខាសាលាបានពិភាក្សា និងត្រួតពិនិត្យសូចនាករ នៃគោលដៅអភិវឌ្ឍន៍ប្រកបដោយចីរភាព (Sustainable Development Goals-SDG 6.5.1) ដែលមានសមាសភាព៤ រួមមាន៖
១. បរិយាកាសអំណោយផល (នយោបាយ ច្បាប់ ផែនការនានា)
២. ស្ថាប័ន និងការចូលរួម (ប្រភេទ និងតួនាទីនៃស្ថាប័ននយោបាយ សង្គម សេដ្ឋកិច្ច និងរដ្ឋបាល និងក្រុមអ្នកពាក់ផ្សេងៗ )
៣. ឧបករណ៍គ្រប់គ្រង (ឧបករណ៍ និងសកម្មភាពដែលជួយដល់អ្នកធ្វើការសម្រេចចិត្ត)
៤. ហិរញ្ញប្បទាន (ការរៀបចំថវិកា និងហិរញ្ញវត្ថុសម្រាប់ការអភិវឌ្ឍ និងការគ្រប់គ្រងធនធានទឹក)។

អង្គសិក្ខាសាលាបានពិគ្រោះយោបល់ និងការផ្តល់ពិន្ទុតាមសមាសភាព ៤ ខាងលើ ផ្អែកតាមស្ថាប័នពាក់ព័ន្ធនានា បានផ្តល់តម្លៃពិន្ទុជាមធ្យម នៃសមាភាពទាំង៤ សម្រាប់ឆ្នាំ២០២៣ ស្មើ នឹង ៦៦ពិន្ទុ ឃើញថាកើន ៧ពិន្ទុ បើប្រៀបធៀបនឹងឆ្នាំ២០២០ មានត្រឹមតែ៥៩ ពិន្ទុ ក្នុងនោះផ្តោតលើ៖
១. បរិយាកាសអំណោយផល មានពិន្ទុ ៧៤
២. ស្ថាប័ន និងការចូលរួម មានពិន្ទុ ៧៥
៣. ឧបករណ៍គ្រប់គ្រង មានពិន្ទុ ៦៣
៤. ហិរញ្ញប្បទាន មានពិន្ទុ ៥២ ។

សូមជម្រាបជូនថា៖ ការតាមដាន និងត្រួតពិនិត្យសកល នៃសូចនាករ SDG 6.5.1 ស្តីពី “កម្រិតនៃការអនុវត្តការគ្រប់គ្រងធនធានទឹកចម្រុះ” ដែលស្ថិតក្រោមគោលដៅអភិវឌ្ឍន៍ប្រកបដោយចីរភាពទី៦ (SDG 6) ស្តីពី “ធានាឱ្យមានទឹក និងអនាម័យ និងការគ្រប់គ្រងទឹក និងអនាម័យប្រកបដោយចីរភាពសម្រាប់ប្រជាជនគ្រប់រូប” ស្របតាមទម្រង់ ( Format) និងលក្ខណៈវិនិច្ឆ័យ (Criteria) ធ្វើឡើងជាទៀងទាត់រៀងរាល់ ៣ឆ្នាំម្តង៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំកិច្ចប្រជុំពិភាក្សាពីដំណើរការអនុវត្តការងាររបស់អគ្គលេខាធិការដ្ឋានអាជ្ញាធរទន្លេសាប

2023-10-20T08:25:29+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នៅព្រឹកថ្ងៃព្រហស្បតិ៍ ៥កើត ខែភទ្របទ ឆ្នាំថោះ ព.ស.២៥៦៧ ត្រូវនឹងថ្ងៃទី ១៩ ខែតុលា ឆ្នាំ ២០២៣ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានដឹកនាំកិច្ចប្រជុំពិភាក្សាពីដំណើរការអនុវត្តការងាររបស់អគ្គលេខាធិការដ្ឋាន អាជ្ញាធរទន្លេសាប ដែលមានការចូលរួមពីថ្នាក់ដឹកនាំ អគ្គលេខាធិការរង ទីប្រឹក្សា ប្រធាន-អនុប្រធាននាយកដ្ឋាន និងប្រធានការិយាល័យ សរុបចំនួន ២៧នាក់។

កិច្ចប្រជុំនេះមានគោលបំណងពិភាក្សាពីចំណុចខ្លាំង ចំណុចខ្សោយ បញ្ហាប្រឈម និងផ្តោតសំខាន់អំពីលទ្ធផល នៃការចុះសិក្សាស្រាវជ្រាវ ក្នុងផែនការសកម្មភាពប្រចាំឆ្នាំរបស់អាជ្ញាធរទន្លេសាប ។ នៅក្នុងកិច្ចប្រជុំមានការចូលរួមយ៉ាងផុលផុស ពិភាក្សា ផ្តល់គំនិតធាតុចូល និងបទពិសោធន៍ល្អៗ ដែលធ្លាប់បានឆ្លងកាត់កន្លងមក សំដៅលើកកម្ពស់ប្រសិទ្ធភាពបន្ថែមទៀតក្នុងការចុះសិក្សាស្រាវជ្រាវ រៀបចំរបាយការណ៍ពីលទ្ធផល ផ្តល់យោបល់ជូនថ្នាក់ដឹកនាំ ។

នៅក្នុងឱកាសនោះដែរ ឯកឧត្តមប្រធានអង្គប្រជុំបានណែនាំដល់នាយកដ្ឋានក្រោមឱវាទអគ្គលេខាធិការដ្ឋានត្រូវខិតខំយកចិត្តទុកដាក់ បន្តអនុវត្តផែនការសកម្មភាពការងារឆ្នាំ2023 និងគិតគូរគ្រោងផែនការសកម្មភាពឆ្នាំ2024 របស់ខ្លួនអោយស្របតាមតួនាទីភារកិច្ច លិខិតបទដ្ឋាននានា និងស្របតាមផែនការយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ។

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តចុះសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តបាត់ដំបង

2023-10-19T20:15:07+00:00

នាថ្ងៃពុធ ៤កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៨ ខែតុលា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានបន្តចុះអនុវត្តសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តបាត់ដំបង ។

ក្នុងពេលបំពេញការងារអនុវត្តសកម្មភាពខាងលើ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា ៖
១. ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌជលផល ខេត្តបាត់ដំបង
២. ជួបពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំពាមឯក ស្រុកឯកភ្នំ ខេត្តបាត់ដំបង ។
៣. ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទព្រែកឆ្តោរ។

ជាមួយនឹងការអនុវត្តន៍សកម្មភាពក្នុងតំបន់សិក្សាខាងលើ ជាលទ្ធផលបឋម ទទួលបានដូចខាងក្រោម៖
១. ស្ថានភាពទូទៅនៃសហគមន៍នេសាទព្រែកឆ្តោរ មានសមាជិកសរុប ៨៣០នាក់ ស្រី៣០០នាក់ ដែលបានបោះឆ្នោតចុងក្រោយក្នុងឆ្នាំ ២០២២និងមានសមាជិកគណៈកម្មការសហគមន៍ចំនួន៧នាក់ ស្រី ១នាក់។ សមាជិកគណៈកម្មការសកម្មមានចំនួន ៥នាក់។ សហគមន៍មានបឹងអភិរក្សចំនួន ១កន្លែង គឺ បឹងឆ្កែកូន មានទំហំ ១៥០ម x ៧០០ម។ សហគមន៍មួយនេះ បាន និងកំពុងអនុវត្តន៍កាងារនៅមានចន្លោះប្រហោងជាច្រើន ដែលបណ្តាលអោយប្រសិទ្ធភាពការងារមានការចុះខ្សោយ។ ព្រៃលិចទឹកនៅដែនសហគមន៍រងការបំផ្លិចបំផ្លាញអស់ប្រមាណជាង ៦០% ដោយសារកត្តាភ្លើងឆេះព្រៃ និងការរានដីព្រៃលិចទឹកធ្វើកសិកម្ម។
២. បញ្ហាប្រឈម ៖ ចំណេះដឹង និងសមត្ថភាពគណៈកម្មការនៅមានកម្រិត។ ភាពខ្វែងគំនិតគ្នាក្នុងការអនុវត្តការងាររួមទាំង កង្វះសម្ភារៈ មធ្យោបាយ ថវិកាក្នុងការចុះល្បាត។ កត្តាប្រជាពលរដ្ឋក្នុងសហគមន៍មិនត្រឹមតែការចូលរួមថែរក្សាធនធានធម្មជាតិប៉ុណ្ណោះទេ ថែមទាំងបានចូលនេសាទក្នុងតំបន់អភិរក្សជារឿយៗ។ ការប្រើប្រាស់ជី ថ្នាំគីមីលើដីកសិកម្មជុំវិញតំបន់អភិរក្សនៅតែបន្តកើតមាន ដែលបណ្តាលអោយមានត្រីពុលជារៀងរាល់ឆ្នាំផងដែរ។

ដោយឡែក គិតត្រឹមខែតុលា ឆ្នាំ២០២៣ នេះ ស្ថាប័នជំនាញពាក់ព័ន្ធ បានបំពេញការងារ និងបានសហការធ្វើការបង្ក្រាបបទល្មើសនេសាទ ក៏ដូចជាការចូលរួមការពារ អភិរក្ស និងអភិវឌ្ឍន៍ធនធានធម្មជាតិ ទទួលបានលទ្ធផលសម្រេចបានការដកហូត និងបំផ្លាញចោលឧបករណ៍នេសាទខុសច្បាប់ រួមមាន៖
- បញ្ជូនសំណុំរឿងបទល្មើសនេសាទទៅតុលាការចំនួន ៥ ករណី
- ឧបករណ៍ឡុក បានចំនួន ១៥៨គ្រឿង
- ឧបករណ៍លូស្បៃម៉ុងចំនួន ១៥មាត់
- ឧបករណ៍របាំងស្បៃម៉ុងប្រវែង ៣៩,០៥០ម៉ែត្រ
- ឧបករណ៍របាំងសាច់មងប្រវែង ៤៥០ម៉ែត្រ
- ឧបករណ៍ មងរាយប្រវែង ១៥០ម៉ែត្រ
- អាគុយចំនួន ៨គ្រឿង
- បង្គោលចំនួន ១៣,៦៥០ដើម
- បានប្រលែងត្រីចូលបឹងធម្មជាតិចំនួន ១,០៥៣គីឡូក្រាម។

សូមជម្រាបជូនថាៈ សកម្មភាពចុះសិក្សាសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន មានគោលបំណង ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប។

លោក វិន ប៊ុនពៅ ប្រធាននាយកដ្ឋាន បានចូលរួមកិច្ចប្រជុំពិគ្រោះយោបល់ថ្នាក់ជាតិលើកទី ១ ស្តីពីសំណើគម្រោងការបន្ថែមសមត្ថភាពផលិត ថាមពលពីទួប៊ីនចំនួន០៤ ទៅទួប៊ីនចំនួន ០៥ នៃគម្រោងវារីអគ្គិសនី ដនសាហុង (DSHPP Extension) របស់ប្រទេសឡាវ នៅទ

2023-10-19T13:53:23+00:00

នាថ្ងៃចន្ទ ២ កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១៦ ខែតុលា ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅចូលរួមប្រជុំពិគ្រោះយោបល់ថ្នាក់ជាតិលើកទី ១ ស្តីពីសំណើគម្រោងការបន្ថែមសមត្ថភាពផលិត ថាមពលពីទួប៊ីនចំនួន ០៤ ទៅទួប៊ីនចំនួន ០៥ នៃគម្រោងវារីអគ្គិសនី ដនសាហុង (DSHPP Extension) របស់ឡាវ ដែលបានដឹកនាំ និងសម្របសម្រួលដោយ ឯកឧត្តម តែណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា (គជទមក) ដែលមានសមាសភាពចូលរួមពីមន្ត្រីតំណាងពីក្រសួងធនធានទឹក និងឧតុនិយម ក្រសួងសាធារណៈការ និងដឹកជញ្ជូន, ក្រសួងបរិស្ថាន, ក្រសួងរ៉ែ និងថាមពល, អាជ្ញាធរទន្លេសាប, អគ្គសនីកម្ពុជា, មន្ទីរធនធានទឹក និងឧតុនិយមខេត្ត និងសហគមន៍នេសាទ នៃខេត្តស្ទឹងត្រែង, ក្រចេះ, កំពង់ចាម, កំពង់ធំ, កំពង់ឆ្នាំង មន្ត្រី និងទីប្រឹក្សា គ.ជ.ទ.ម.ក វិទ្យាស្ថាន និងគ្រឹះស្ថានអប់រំ អង្គការក្រៅរដ្ឋាភិបាល និងជំនាញការជាតិ និងតំបន់ (MRS) សរុបអ្នកចូលរួមប្រមាណចំនួន ២៨ រូប ។

គោលបំណងសំខាន់នៃកិច្ចប្រជុំពិគ្រោះយោបល់ គឺដើម្បី៖
១. ខ្លឹមសារសង្ខេបកិច្ចព្រមព្រៀងមេគង្គឆ្នាំ ១៩៩៥ នីតិវិធី ស្តីពីការជូនដំណឹង ការពិគ្រោះយោបល់ជាមុន និងការព្រមព្រៀង (PNPCA) ដំណើរការពិគ្រោះយោបល់ជាមុន សម្រាប់សំណើគម្រោងវារីអគ្គិសនី ដនសាហុង (DSHPP) និងស្ថានភាពបច្ចុប្បន្ន នៃសំណើគម្រោងការបន្ថែមសមត្ថភាពផលិតថាមពលពី ទួប៊ីនចំនួន ០៤ ទៅទួប៊ីនចំនួន ០៥ នៃ DSHPP ។
២. យល់ដឹងពីឯកសារសំណើគម្រោងការបន្ថែមសមត្ថភាពផលិតថាមពលពីទួប៊ីនចំនួន ០៤ ទៅទួប៊ីន ចំនួន ០៥ នៃគម្រោងវារីអគ្គិសនី ដនសាហុង (DSHPP) ដែលបានដាក់ជូនពិនិត្យជាផ្លូវការដោយភាគីឡាវ ។
៣. ជូនជ្រាបរបាយការណ៍សិក្សា ស្តីពីការពិនិត្យបច្ចេកទេសឡើងវិញ លើសំណើគម្រោងការបន្ថែមសមត្ថភាពផលិតថាមពលពីទួប៊ីនចំនួន ០៤ ទៅទួប៊ីនចំនួន ០៥ នៃ DSHPP ដែលបានរៀបចំដោយលេខាធិការដ្ឋាន MRC ផ្អែកលើឯកសារដែលបានដាក់ជូនពិនិត្យជាផ្លូវការដោយភាគីឡាវ ។
៤. ការផ្តល់យោបល់ និងទស្សនៈនានា ស្តីពីសំណើគម្រោងការបន្ថែមសមត្ថភាពផលិតថាមពលពីទួប៊ីនចំនួន ០៤ ទៅទួប៊ីនចំនួន ០៥ នៃ DSHPP និងរបាយការណ៍សិក្សាពិនិត្យបច្ចេកទេសឡើងវិញនៃ DSHPP ដែលបានធ្វើបច្ចុប្បន្នភាព។
៥. ការបែងចែកក្រុមពិភាក្សាចំនួន ០៣ ដើម្បីពិភាក្សាលើ Updated TRR ទាក់ទងនឹង៖ ជលសាស្ត្រ, សុវត្ថិភាពទំនប់, នាវាចរណ៍, ជលផល, កំណកកករល្បាប់, គុណភាពទឹក, អេកូឡូស៊ី, បរិស្ថាន និងសង្គម-សេដ្ឋកិច្ច ។

ជាមួយនឹងអង្គប្រជុំពិគ្រោះយោបល់ខាងលើ ទទួលបានលទ្ធផលដូចខាងក្រោម ៖
- ស្នើសុំពិនិត្យ និងសិក្សាបន្ថែមលើផលប៉ះពាល់បរិស្ថានធម្មជាតិ និងសង្គម-សេដ្ឋកិច្ច។
- សិក្សាបន្ថែមលើផ្លូវនាវាចរណ៍, លំហូរទឹក, ជលផល (ចរាចរណ៍ត្រី), កំណកកករ និងគុណភាពទឹក។
- សិក្សាបន្ថែម និងបន្តសិក្សាលំអិតលើស្ថានភាពធនធានធម្មជាតិផ្នែកខាងក្រោម (ព្រៃលិចទឹក, តំបន់រ៉ាមសារ និងជីវចម្រុះ...)។
- ពិនិត្យ និងវាយតម្លៃលើការងារគ្រប់គ្រងទ្វារទឹក (បិទ-បើក) តើពិតក្នុងកម្រិតណា បើគម្រោងខាងលើគឺដំណើរការតែនៅរដូវវស្សា (មិនដំណើរការនៅរដូវប្រាំង)។
- កម្ពុជាត្រូវការឡាវផ្តល់ទិន្នន័យ-ព័ត៌មានជាប្រចាំពាក់ព័ន្ធដំណើរការស្ថានីយវារីអគ្គសនី ។
- ស្នើសុំពិនិត្យ និងពិភាក្សាលើផែនការឆ្លងដែន និងផលប៉ះពាល់ផ្សេងៗ ។
- ស្នើគម្រោងសិក្សាបន្ថែម និងយោងលើឯកសារសិក្សាពីភាគី និងជំនាញការផ្សេងៗ ដើម្បីវាយតម្លៃលើផលប៉ះពាល់ទំនប់ដនសាហុង និងក្រៅពីគម្រោងក្នុងការវាយតម្លៃលម្អិត របស់គម្រោង និងផ្នែកខាងក្រោម ព្រមទាំងទន្លេសាប ។

លោក វិន ប៊ុនពៅ ប្រធាននាយកដ្ឋាន បានចូលរួមកិច្ចប្រជុំពិគ្រោះយោបល់ថ្នាក់ជាតិលើកទី ១ ស្តីពីសំណើគម្រោងការបន្ថែមសមត្ថភាពផលិត ថាមពលពីទួប៊ីនចំនួន០៤ ទៅទួប៊ីនចំនួន ០៥ នៃគម្រោងវារីអគ្គិសនី ដនសាហុង (DSHPP Extension) របស់ប្រទេសឡាវ នៅទ

2023-10-19T13:53:23+00:00

លោក ប៉ុន វុឌ្ឍី អនុប្រធាននាយកដ្ឋាន និងក្រុមការងារ នៃនាយកដ្ឋានធនធានធម្មជាតិ បានបន្តចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាប នៅខេត្តសៀមរាប និងខេត្តបាត់ដំបង

2023-10-18T10:52:42+00:00

នាថ្ងៃចន្ទ ១០រោច ខែភទ្របទ ដល់ ថ្ងៃសុក្រ ១៤រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៩ ដល់ ១៣ ខែ តុលា ឆ្នាំ២០២៣ ក្រុមការងារមន្ត្រីនាយកដ្ឋានធនធានធម្មជាតិ ដឹកនាំដោយលោក ប៉ុន វុឌ្ឍី អនុប្រធាននាយកដ្ឋាន បានបន្តចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រ តំបន់កំពង់ឃ្លាំង និងតំបន់ចុងឃ្នៀស ខេត្តសៀមរាប និងតំបន់ព្រែកទាល់ ខេត្តបាត់ដំបង។

ជាមួយនឹងសកម្មភាពសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញឃើញថា ៖
១. បានរកឃើញប្រភេទត្រីចំនួន ៣០ ប្រភេទ ដោយប្រើប្រាស់នូវឧបករណ៍ការនេសាទ ៣ ប្រភេទ គឺឧបករណ៍ មងរាយ បរ និងសន្ទូច ។
២. បានវាស់ ថ្លឹង និងកត់ត្រាលើប្រភេទវារីសត្វ/សិប្បីសត្វសរុបមានចំនួន ០៤ ពួកធំៗ ដោយចែកចេញជា ០៤ ថ្នាក់ ស្មើនឹង ០៥ លំដាប់ និង ០៨ អម្បូរ មាន ១៧ ប្រភេទ។ ក្នុងនោះវារីសត្វដូចជា (កំពឹស ពស់ទឹក) មានចំនួន ០៣ អម្បូរ ស្មើនឹង ០៦ ប្រភេទ និងសិប្បីសត្វដូចជា (លៀស ខ្យង ខ្ចៅ គ្រំ) មានចំនួន ០២ អម្បូរ ស្មើនឹង ១១ ប្រភេទ។
៣. គុណភាពទឹកបឹងទន្លេសាបនារដូវវស្សា នាពាក់កណ្តាលខែតុលា គឺជាទឹកដែលមានគុណភាពល្អសម្រាប់ធនធានជលផលគ្រប់ប្រភេទរស់នៅ លាក់ខ្លួន និងលូតលាស់ធំធាត់ ដោយទឹកមានភាពថ្លាចាប់ពី ១៥ ស.ម ទៅ ២០ ស.ម ស៊ីតុណ្ហភាពទឹកមានចន្លោះពី ៣០ ទៅ ៣១ អង្សារoC ចំណែកអុកស៊ីសែនរលាយក្នុងទឹកមានគ្រប់គ្រាន់លើសពី ៣ mgO2/L ។

សូមជម្រាបជូនថា៖ សកម្មភាពចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅភូមិសាស្ត្រ ក្នុងខេត្តសៀមរាប និងខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៣ របស់នាយកដ្ឋានធនធានធម្មជាតិ នៃអាជ្ញាធរទន្លេសាប
សកម្មភាពខាងលើនេះ មានគោលបំណងដើម្បី៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍
- តាមដាន និងវាយតម្លៃគុណភាពទឹកបឹងទន្លេសាបទៅតាមទីតាំងសិក្សា។
- តាមដានលើលក្ខណៈជីវសាស្ត្ររបស់ត្រី លៀស និងគ្រុំ លើការរស់នៅ ការបន្តពូជ និងការលូតលាស់ (រដូវប្រាំង/រដូវវស្សា)។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមដឹកនាំកិច្ចប្រជុំពិភាក្សាពីវឌ្ឍនភាពការងារអាជ្ញាធរទន្លេសាប

2023-10-14T08:13:43+00:00

នៅទីស្តីការក្រសួង នាព្រឹកថ្ងៃព្រហស្បតិ៍ ១៣រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែតុលា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញដឹកនាំកិច្ចប្រជុំពិភាក្សាពីវឌ្ឍនភាពការងារ និងទិសដៅអនុវត្តបន្តឆ្នាំ២០២៣ ដោយមានការចូលរួមពីឯកឧត្តម លោក លោកស្រី អនុប្រធានអាជ្ញាធរទន្លេសាប អគ្គលេខាធិការ អគ្គលេខាធិការរង ថ្នាក់ដឹកនាំ និងមន្ត្រីបច្ចេកទេស នៃនាយកដ្ឋានចំណុះអគ្គលេខាធិការដ្ឋានអាជ្ញាធរទន្លេសាបទាំងអស់។ អានត...

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារបច្ចេកទេសអគ្គលេខាធិការដ្ឋាន អាជ្ញាធរទន្លេសាប បន្តចុះពិនិត្យផ្ទៀងផ្ទាត់ការបញ្ជូនទិន្នន័យ ព័ត៌មានជលសាស្ត្រ និងឧតុនិយមស្វ័យប្រវត្តិ មក Master Station (Server) និង

2023-10-11T21:53:18+00:00

នាថ្ងៃចន្ទ ១០រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៩ ខែតុលា ឆ្នាំ២០២៣ ក្រុមការងារបច្ចេកទេស នៃគម្រោងសិក្សាគំរូបច្ចេកវិទ្យាសង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាប ប្រទេសកម្ពុជា (Pilot Project of Hydrological Data Observation and Transmission Technology for Tonle Sap Basin in Cambodia) ដឹកនាំដោយលោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងជាអនុប្រធានគម្រោង បានបន្តចុះធ្វើការពិនិត្យ-ផ្ទៀងផ្ទាត់ទិន្នន័យកម្ពស់ទឹក និងកម្រិតទឹកភ្លៀង (Server) ស្ថានីយចំនួន ០៥ស្ថានីយ នៅ ខេត្តកំពង់ឆ្នាំង, ពោធិ៍សាត់ និងខេត្តបាត់ដំបង មក Master Station អទស។

ដោយមានការជួយបច្ចេកទេសពីចម្ងាយរបស់ក្រុមជំនាញនៃវិទ្យាស្ថានស្រាវជ្រាវជលសាស្ត្រ និងស្វ័យប្រវត្តិកម្ម ការអភិរក្សទឹកណានជីង (NIHWA) នៃក្រសួងធនធានទឹកចិន ដើម្បីពិនិត្យ ផ្ទៀងផ្ទាត់ទិន្នន័យរួមគ្នា ដែលជាលទ្ធផលទទួលបាន ដូចខាងក្រោម៖
- ស្ថានីយឆ្នុកទ្រូ (AWS, HR): កម្រិតកំពស់ទឹក ៧.១៧ម និងកម្រិតទឹកភ្លៀងសរុប ៨៥៩មម គិតចាប់ពីស្ថានីយដាក់ដំណើរ រហូតដល់បច្ចុប្បន្ន។
- ស្ថានីយបាក់ត្រកួន (AWS and HQR): កំពស់ទឹកមាន ២.៣៨ម និងផលបូកកម្រិតទឹកភ្លៀងសរុប ៧២៩មម។
- ស្ថានីយច្រាំងចោត(H.R): កំពស់ទឹក ៣.៩០ម និងផលបូកកម្រិតទឹកភ្លៀងសរុប ៧៩៣មម។
- បានពិនិត្យផ្ទៀងផ្ទាត់ទិន្នន័យ ព័ត៌មានឧតុនិយម និងកម្រិតទឹកភ្លៀង ពីស្ថានីយឧតុនិយម AWS ចំនួន ០២ស្ថានីយ គឺស្ថានីយស្ថិតនៅក្នុងឃុំឆ្នុកទ្រូ ស្រុកបរិបូរណ៌ ខេត្តកំពង់ឆ្នាំង និងស្ថានីយស្ថិតស្ទឹងពោធិ៍សាត់ ស្រុកភ្នំក្រវាញ ខេត្តពោធិ៍សាត់ ។
- បានពិនិត្យ ផ្ទៀងផ្ទាត់ទិន្នន័យ ព័ត៌មានកម្ពស់ទឹក ពីស្ថានីយជលសាស្ត្រ H.R ចំនួន ០២ស្ថានីយ គឺស្ថិតនៅក្នុងឃុំឆ្នុកទ្រូ ស្រុកបរិបូរណ៌ ខេត្តកំពង់ឆ្នាំង និងស្ថានីយស្ទឹងសង្កែ (ស្ពានច្រាំងចោត), ស្រុកបាណន ខេត្តបាត់ដំបង។
- បានរៀបចំតេស្តិ៍សាកល្បងការភ្ជាប់បណ្តាញ (Set up for Configuration) បញ្ជួនទិន្នន័យ ព័ត៌មានជលសាស្ត្រ ពីស្ថានីយ H. Q.R ស្ថិតស្ទឹងពោធិ៍សាត់ (ស្ពានបាក់ត្រកួន) ស្រុកភ្នំក្រវាញ ខេត្តពោធិ៍សាត់ ។
- ការធ្វើតេស្តសាកល្បង (System Test situation) ដូចជា ការផ្តល់ថាមពល អាគុយ-សូឡា(power supply)
- បានធ្វើការថែទាំស្ថានីយ ដូចជា លាងសម្អាតតម្រងទឹកភ្លៀង និងក្តារម៉ែត្រ ផ្ទាំងសូឡា កាប់សម្អាតមែកឈើជុំវិញទីធ្លារ ស្ថានីយ។

សូមជម្រាបជូនថា៖ អាជ្ញាធរទន្លេសាប បានធ្វើកិច្ចសហការជាមួយវិទ្យាស្ថានស្រាវជ្រាវជលសាស្ត្រ និងស្វ័យប្រវត្តិកម្ម ការអភិរក្សទឹកណានជីង (NIHWA) នៃក្រសួងធនធានទឹកចិន ក្នុងការអនុវត្តគម្រោងសិក្សាគំរូបច្ចេកវិទ្យាសង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាប ប្រទេសកម្ពុជា (Pilot Project of Hydrological Data Observation and Transmission Technology for Tonle Sap Basin in Cambodia) ដែលមានចំនួន ១១ ស្ថានីយ លើទីតាំង ៨ កន្លែង សម្រាប់ប្រមូលទិន្នន័យរបបជលសាស្ត្រ និងអាកាសធាតុ នៅតំបន់ជុំវិញអាងទន្លេសាប ដែលបានចាប់ផ្តើមដំណើរសាងសង់ នៅខែមករា ឆ្នាំ២០២៣ និងបានបញ្ចប់ការដំឡើងស្ថានីយនៅខែមីនា ឆ្នាំ២០២៣ ។ ស្ថានីយទាំង ១១ រួមមាន៖
- ស្ថានីយមជ្ឈមណ្ឌលរក្សាទិន្នន័យចំនួន ០១ (Master station-Sever) នៅអាជ្ញាធរទន្លេសាប និងស្ថានីយជលសាស្ត្រ និងឧតុនិយមស្វ័យប្រវត្តិទាំង ១១ ស្ថានីយ ជុំវិញតំបន់អាងទន្លេសាប មាន៖
- មាន ០៤ ស្ថានីយជលសាស្ត្រ ឮ (H.R):ដែលខេត្តកំពង់ធំ ចំនួន ០១ ស្ថានីយ (ស្ទឹងជីនីត), ខេត្តបាត់ដំបង ចំនួន ០២ ស្ថានីយ(តំបន់ព្រែកទាល់ និងស្ទឹងសង្កែ-ច្រាំងចោត) និងខេត្តកំពង់ឆ្នាំង ចំនួន០១ ស្ថានីយ (តំបន់ឆ្នុលទ្រូ)។
-មាន ០៣ស្ថានីយជលសាស្ត្រ និងឧតុនិយម (ADCP, H.Q.R) : ខេត្ត កំពង់ធំ ចំនួន ០១ ស្ថានីយ(ស្ទឹងសែន), ខេត្តសៀមរាប ចំនួន ០១ ស្ថានីយ (ស្ទឹងស្រែង) និងខេត្តពោធិ៍សាត់ចំនួន ០១ ស្ថានីយ (ស្ទឹងពោធិ៍សាត់-បាក់ក្រកួន)។
- មាន ០៤ ស្ថានីយឧតុនិយម (AWS): ខេត្តកំពង់ធំ ០២ ស្ថានីយ (តំបន់ពាមបាង និងស្ទឹងសែន(តាអោក) , ខេត្តកំពង់ឆ្នាំង ចំនួន ០១ ស្ថានីយ(តំបន់ឆ្នុកទ្រូ) និងខេត្តពោធិ៍សាត់ ចំនួន ០១ ស្ថានីយ (ស្ទឹងពោធិ៍សាត់- បាក់ត្រកួន)៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារបច្ចេកទេសអគ្គលេខាធិការដ្ឋាន អាជ្ញាធរទន្លេសាប បន្តចុះពិនិត្យផ្ទៀងផ្ទាត់ការបញ្ជូនទិន្នន័យ ព័ត៌មានជលសាស្ត្រ និងឧតុនិយមស្វ័យប្រវត្តិ មក Master Station (Server) និង

2023-10-11T21:53:18+00:00

ទិដ្ឋភាព ឃុំកំពង់លួង ស្រុកក្រគរ ខេត្តពោធិ៍សាត់ នៅរដូវវស្សា ថ្ងៃទី៥ ខែតុលា ឆ្នាំ ២០២៣

2023-10-11T15:19:30+00:00

ឃុំកំពង់លួង ជាឃុំមួយក្នុងចំណោមឃុំទាំង ១១ របស់ស្រុកក្រគរ ខេត្តពោធិ៍សាត់ ស្ថិតនៅភាគខាងជើងនៃស្រុកក្រគរ និងមានចម្ងាយប្រមាណជា ៦ គីឡូម៉ែត្រពីទីរួមស្រុក ដែលមានព្រំប្រទល់ខាងត្បូងជាប់នឹងឃុំអន្លង់ត្នោត និងឃុំក្បាលត្រាច ខាងលិចជាប់នឹងឃុំអន្លង់ត្នោត ខាងកើតជាប់នឹងឃុំក្បាលត្រាច និងខាងជើងជាប់នឹងពាក់កណ្តាលបឹងទន្លេសាប ខេត្តកំពង់ធំ ដែលមានផ្ទៃដីសរុបចំនួន ៤,២០០ហ.ត។ ឃុំកំពង់លួង មាន ០៥ភូមិ ដែល ០៤ភូមិ ជាភូមិបណ្តែតទឹក គឺភូមិទី១ ទី២ ទី៣ និងភូមិទី៥ ចំណែកភូមិទី៤ ជាភូមិនៅលើដីគោក ដូច្នេះផ្ទះប្រជាពលរដ្ឋនៅក្នុងឃុំភាគច្រើនជាប្រភេទផ្ទះផែបណ្តែតទឹក (ផ្ទះបណ្តែតទឹក)។ ជីវភាពប្រជាពលរដ្ឋក្នុងឃុំចំនួនប្រមាណជា ៥០% ពឹងផ្អែកទៅលើរបរនេសាទ ជាចម្បង និងផ្នែកសេវាកម្មប្រមាណ ២៥% មានដូចជា អាជីវកម្មទិញត្រី លក់ដូរគ្រឿងទេស និងអ្នកដឹកភ្ញៀវ ៣% ចិញ្ចឹមត្រី ១០%, ធ្វើស្រែចំការ ៧% និងសប្បកម្ម ៥% ។

លោក វិន ប៊ុនពៅ ប្រធាននាយកដ្ឋាន បានដឹកនាំមន្ត្រីបច្ចេកទេស នៃនាយកដ្ឋានធនធានធម្មជាតិ បន្តចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ នៅក្នុងខេត្តបាត់ដំបង

2023-10-10T07:54:18+00:00

នៅថ្ងៃព្រហស្បតិ៍ ៦រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៥ ខែតុលា ឆ្នាំ២០២៣ ក្រុមការងារមន្ត្រីបច្ចេកទេសនៃនាយកដ្ឋានធនធានធម្មជាតិ ដឹកនាំដោយ លោក វិន ប៊ុនពៅ បានបន្តចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ ស្ថិតនៅក្នុងភូមិសាស្ត្រ ឃុំជ្រៃ ស្រុកមោងឬស្សី និងឃុំព្រែកនរិន្ទ ស្រុកឯកភ្នំ ខេត្តបាត់ដំបង ។

ការចុះសិក្សានេះ ក្រុមការងារបានជួបពិភាក្សា និងសាកសួរព័ត៌មានជាមួយអាជ្ញាធរដែនដី ប្រជាពលរដ្ឋ និងការចុះដល់ទីតាំងសិក្សា ដើម្បីពិនិត្យស្ថានភាពការប្រើប្រាស់ប្រព័ន្ធស្រោចស្រព និងស្ថានភាពបង្កបង្កើនផលរបស់ប្រជាពលរដ្ឋទូទៅ ។

ជាមួយនឹងសកម្មភាពនេះ ការចុះសិក្សាស្រាវជ្រាវខាងលើ ទទួលបានលទ្ធផលដូចខាងក្រោម ៖ទី១. មានប្រព័ន្ធធារាសាស្ត្រ សរុប ៧ខ្សែ (ប្រឡាយមេ ៥ខ្សែ, ប្រឡាយរង ២ខ្សែ និងផ្លូវជណ្តើរត្រី ២) ប្រវែងសរុប ១៥,០០០ម៉ែត្រ និងមានសំណង់ស្ទាក់ទឹក ១០កន្លែង ។ មានលទ្ធភាពស្រោចស្រពបាន ១២,៤០០ហិកតា ។
ទី២. ប្រព័ន្ធធារាសាស្ត្ររាមគន់ ទឹកមានកម្ពស់ ១៤.៥ម៉ែត្រ និងប្រព័ន្ធធារាសាស្ត្រទំនប់សាលាតាអន ទឹកមានកម្ពស់ ១១.៣ម៉ែត្រ ។
ទី៣. ទ្វាទឹក របស់ប្រព័ន្ធធារាស្ត្រ ទាំង ២ គឺត្រូវបានបើក ១០០% ពីព្រោះក្នុងពេលចុះសិក្សាស្ថានភាពទឹកនៅផ្នែកខាងលើ មានភ្លៀងធ្លាក់ខ្លាំង និងបង្កមានទឹកជំនន់នៅតាមតំបន់មួយចំនួន ជាពិសេសតំបន់វាលទំនាប និងដីស្រែ ។
ទី៤. ប្រព័ន្ធធារាសាស្ត្ររាមគន់ ចាប់ផ្តើមសាងសង់ នៅឆ្នាំ២០១៦ ហើយបញ្ចប់ការសាងសង់ នៅឆ្នាំ ២០២១ និងប្រព័ន្ធធារាសាស្ត្រសាលាតាអន ចាប់ផ្តើមសាងសង់ នៅឆ្នាំ២០១៨ ហើយបញ្ចប់ការសាងសង់ នៅឆ្នាំ ២០២១ ។

សូមជម្រាបជូនថា ៖ សកម្មភាពចុះសិក្សា ស្តីពីបច្ចុប្បន្នភាពប្រព័ន្ធធារាសាស្ត្រ ក្នុងខេត្តបាត់ដំបង នៃខេត្តទាំង ៦ ជុំវិញតំបន់ទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់ការិយាល័យធនធានទឹក នៃនាយកដ្ឋានធនធានធម្មជាតិរបស់អាជ្ញាធរ ទន្លេសាប ។

សកម្មភាពខាងលើនេះ មានគោលបំណងដើម្បី ៖
- ប្រមូលព័ត៌មាន-ទិន្នន័យ និងបច្ចុប្បន្នភាពស្តីពីប្រព័ន្ធធារាសាស្ត្រ ក្នុងខេត្តទាំង ៦ ជុំវិញតំបន់ទន្លេសាប។
- ពិនិត្យវាយតម្លៃលើការប្រើប្រាស់ទឹក និងគ្រប់គ្រងធនធានទឹក ក្នុងខេត្តទាំង ៦ ជុំវិញតំបន់ទន្លេសាប ។

លោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវ អំពី ការវាយតម្លៃលើការធ្វេីអាជីវកម្មត្រី ត្រីនុយ វារីវប្បកម្ម និងចរន្តទី

2023-10-09T06:15:49+00:00

នៅថ្ងៃសៅរ៍ ៨រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៧ ខែតុលា ឆ្នាំ២០២៣ ក្រុមការងារមន្ត្រីបច្ចេកទេសនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការ អំពី ការវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅនៅភូមិកំពង់ចិន ឃុំកំពង់ចិនត្បូង ស្រុកស្ទោង និងភូមិកំពង់ក្របៅ សង្កាត់កំពង់ក្របៅ ខេត្តកំពង់ធំ។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសន៍ជាមួយអាជ្ញាធរដែនដី និងវារីវប្បករ។
២. ជួបសម្ភាសន៍ជាមួយប្រជានេសាទ និងអាជីវករទិញ-លក់ត្រី។
៣. ដឹងពីបរិមាណ នៃការធ្វើអាជីវកម្ម និងតម្លៃត្រី។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. ការធ្វើអាជីវកម្មត្រីមានចំនួន ២ ទីតាំង បរិមាណត្រី ក្នុងមួយទីតាំងជាមធ្យម ៣០០ Kg/ថ្ងៃ និងត្រីនុយជាមធ្យម ២០០ Kg/ថ្ងៃ ។
ទី២. ការធ្វើអាជីវកម្មត្រី និងត្រីនុយ ប្រជានេសាទប្រើប្រាស់ឧបករណ៍នេសាទ មងរាយ បរ សម្រាស់ ឡើរ របាំងស្បៃមុង....។
ទី៣. តម្លៃត្រីសម្រាប់ហូបមានតម្លៃចន្លោះ ១៥.០០០-៥០.០០០ រៀល/គីឡូក្រោម និងតម្លៃត្រីនុយ ចន្លោះ ៨០០-១.៥០០ រៀល/គីឡូក្រាម ។ ត្រីសម្រាប់បរិភោគអាជីវករលក់ក្នុងតំបន់ និងមួយចំនួនទៀតលក់នៅផ្សារទីរួមខេត្ត ចំណែកត្រីនុយលក់អោយវារីវប្បករនៅក្នុងតំបន់។
ទី៤. ការធ្វើវារីវប្បកម្ម ភាគច្រើនចិញ្ចឹមត្រីក្នុង ស្រះ និងមានបន្តិចបន្តួចចិញ្ចឹមក្នុងបែរតាមស្ទឹង ។ ចំពោះប្រភេទត្រីចិញ្ចឹមភាគច្រេីនគេនិយមចិញ្ចឹមត្រីឆ្តោរ ត្រីរ៉ស់ ត្រីប្រា និងត្រីអណ្តែង។

សកម្មភាពខាងលើនេះ មានគោលបំណង៖
- សិក្សាតាមដានបរិមាណ នៃការធ្វើអាជីវកម្មធនធានធម្មជាតិត្រី និងត្រីនុយ។
- ប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម។
- ចរន្តទីផ្សារនៃការធ្វើអាជីវកម្មធនធានធម្មជាតិ។

លោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីជំនាញបន្តចុះសិក្សាស្រាវជ្រាវអំពី ការកែច្នៃធនធានជលផល និងចរន្តអាជីវកម្មនៅ ខេត្តកំពង់ធំ

2023-10-07T19:44:16+00:00

នៅថ្ងៃអង្គារ ៤រោច ដល់ថ្ងៃសៅរ៍ ៨រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣ ដល់ថ្ងៃទី ៧ ខែតុលា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការកែច្នៃធនធានជលផល និងចរន្តអាជីវកម្ម ស្ថិតនៅក្នុងភូមិកំពង់ចិន ភូមិកំពង់ក្តី ភូមិឈើទាល ភូមិលាបទង ឃុំកំពង់ចិនត្បូង, ភូមិត្រាច ឃុំកំពង់ចិនជើង ស្រុកស្ទោង និងភូមិកំពង់ក្រប៉ៅ សង្កាត់កំពង់ក្រប៉ៅ ក្រុងស្ទឹងសែន ខេត្តកំពង់ធំ។

ការចុះសិក្សានេះក្រុមការងារស្រាវជ្រាវបានធ្វើការជាមួយ៖
១. ជួបសម្ភាសន៍ជាមួយឈ្មួញកណ្តាល (អ្នកទិញ-លក់ផលជលផលស្រស់)
២. ជួបសម្ភាសន៍ជាមួយអាជីវករ (លក់ដុំ និងលក់រាយ) និងអ្នកកែច្នៃត្រី (លក្ខណៈគ្រួសារ និងលក្ខណៈមធ្យម)

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលបឋមរកឃើញថា ៖
ទី១. ដឹងពីបរិមាណត្រីស្រស់ ប្រភេទនៃការកែច្នៃ បច្ចេកទេសនៃការកែច្នៃតាមប្រភេទនីមួយៗ ដឹងពីចរន្តអាជីវកម្ម និងការវិវត្តន៍នៃទីផ្សារ។ ស្ថិតិអ្នកកែច្នៃត្រីនៅតំបន់សិក្សាខាងលើ មានចំនួនប្រមាណ ៥៧ គ្រួសារ។
ទី២. ត្រីបានកែច្នៃជា ៦មុខ ដូចជា ត្រីងៀត ប្រហុក ត្រីឆ្អើរ ផ្អក ត្រីប្រម៉ា និងត្រីហើម ដោយបានប្រើប្រាស់បរិមាណត្រីស្រស់អស់ប្រមាណ ១៩.៩៥ គ.ក្រ/៥ថ្ងៃ។
ទី៣. ប្រភពត្រីសម្រាប់ផ្គត់ផ្គង់ការកែច្នៃត្រីគឺមានប្រភពមកពីប្រទេសវៀតណាម ប្រទេសថៃ ការធ្វើវារីវប្បកម្មក្នុងស្រុក និងត្រីបឹងទន្លេសាប។
ទី៤. ចំពោះការកែច្នៃត្រី មិនទាន់មានលក្ខណៈបច្ចេកទេសនៅឡើយទេ។
ទី៥. ផលប៉ះពាល់ដែលកើតមានលើកែច្នៃត្រី៖ ពឹងផ្អែកលើត្រីនាំចូលពីក្រៅប្រទេស តម្លៃត្រីស្រស់កើនថ្លៃ ត្រីបឹងទន្លេសាបមិនអាចបំពេញតម្រូវការកែច្នៃ ពិបាកទុកដាក់ផលិតផលសម្រេច និងពិបាកលក់ផលិតផលកែច្នៃសម្រេច។

សូមជម្រាបជូនថា៖ សកម្មភាពការកែច្នៃធនធានជលផល និងចរន្តអាជីវកម្មនៅខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។សកម្មភាពសិក្សាខាងលើ គឺមានគោលបំណង៖
- តាមដានបរិមាណត្រីស្រស់ ប្រភេទនៃការកែច្នៃ និងបច្ចេកទេសនៃការកែច្នៃតាមប្រភេទនីមួយៗ
- សិក្សាការវិវត្តន៍នៃទីផ្សារតាមតំបន់នីមួយៗ។

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តចុះសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គម របស់ប្រជាសហគមន៍នេសាទនៅខេត្តពោធិ៍សាត់

2023-10-07T06:59:12+00:00

នាថ្ងៃពុធ ៥រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៤ ខែតុលា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានបន្តចុះអនុវត្តសកម្មភាពសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គម របស់ប្រជាសហគមន៍នេសាទ ស្ថិតនៅក្នុង ឃុំបឹងបត់កណ្តោល ស្រុកបាកាន និងឃុំក្បាលត្រាច ស្រុកក្រគរ ខេត្តពោធិ៍សាត់ ។

សកម្មភាពការសិក្សាជំហាន១ នេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា ៖
១. ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងមន្ទីរផែនការខេត្តពោធិ៍សាត់
២. ជួបពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំបឹងបត់កណ្តោល ស្រុកបាកាន និងឃុំក្បាលត្រាច នៃស្រុកក្រគរ ។

ជាមួយនឹងការអនុវត្តន៍សកម្មភាពក្នុងតំបន់សិក្សាខាងលើ ជាលទ្ធផលបឋម ទទួលបាន ៖
ក. ប្រជាសាស្ត្រ : មានគ្រួសារសរុបចំនួន ៥,៤៣១គ្រួសារ ស្មើនឹងប្រជាពលរដ្ឋសរុប ២៤,៤១៨នាក់ (ស្រី១២,២៩០នាក់) អត្រាភាពក្រីក្រប្រមាណ ១៧% ធៀបទៅនឹងគ្រួសារសរុប និងពលរដ្ឋចំណាកស្រុកក្នុង-ក្រៅប្រទេសមានប្រមាណជា ៣០.៣%។
ខ. ស្ថានភាពសេដ្ឋកិច្ច : ប្រជាពលរដ្ឋឃុំទាំងពីរ ពឹងផ្អែកលើវិស័យកសិកម្មជាចម្បង មានប្រមាណ ៨៧.៥% ដែលភាគច្រើនធ្វើស្រូវវស្សា និងស្រូវប្រាំង។ និងមុខរបរចម្បងផ្នែកវិស័យសិប្បកម្ម និងសេវាកម្ម មានប្រមាណជា១២.៥%។ ទន្ទឹមនឹង មុខរបរចម្បង ពួកគាត់ប្រកបរបរបន្ទាប់បន្សំ មានដូចជា នេសាទ ដាំដំណាំរួមផ្សំ ចិញ្ចឹមសត្វ វារីវប្បកម្ម ជាកម្មកររោងចក្រ-សំណង់ លក់ដូរគ្រឿងទេស ផ្នែកដឹកជញ្ជូន ជាដើម។
គ. សង្គមកិច្ច
- វិស័យសុខាភិបាល : ប្រជាពលរដ្ឋទទួលបានសេវាសុខភាពល្អប្រសើរមានប្រមាណ ៩០% បានទទួលសេវានៅ មណ្ឌលសុខភាព និងមានបណ្តាញក្រុមទ្រទ្រង់សុខភាពតាមភូមិនីមួយៗ ។
- សុខភាពអនាម័យ : ប្រជាពលរដ្ឋប្រមាណ ៦៨.៤៨% មានទឹកស្អាតប្រើប្រាស់ និង ៣១.៥២%បន្តប្រើប្រាស់ទឹកឆៅស្រះ ទន្លេ អណ្តូង និង ៦៩.៨% មានបង្គន់អនាម័យស្តង់ដារ ។
- សេវាសាធារណៈ : អាជ្ញាធរឃុំបានប្រើប្រាស់ថវិកាមូលនិធិឃុំប្រកបដោយមានតម្លាភាព គណនេយ្យ ទាំងការអភិវឌ្ឍហេដ្ឋារចនាសម្ព័ន្ធរូបវន្ត ការផ្ដល់ប័ណ្ណសមធម៌ និងផ្ដល់សេវារដ្ឋបាលល្អជូនប្រជាពលរដ្ឋ ។

+ ការសិក្សាស្វែងយល់ខាងលើ បានឃើញបញ្ហាប្រឈមមួយចំនួន ក្នុងនោះរួមមាន ៖
- ផលិតកម្មដំណាំស្រូវ បានចំណាយថ្លៃដើមខ្ពស់ (កម្លាំងពលកម្ម ការភ្ជួររាស់ ច្រូតកាត់ និងជី/ថ្នាំកំចាត់សត្វល្អិត)
- សិស្សមួយចំនួន បានបោះបង់ការសិក្សាដើម្បីជីវភាពគ្រួសារ និងចំណាកស្រុកជាមួយឪពុកម្តាយ
- ប្រជាពលរដ្ឋរស់នៅភូមិដាច់ស្រយាល និងជាប់តំបន់ទន្លេសាប ជួបលំបាកការទទួលបានសេវាសុខភាព និងអនាម័យ
- ការអនុវត្តផែនការអភិវឌ្ឍន៍ឃុំនីមួយៗ នៅមានកម្រិត ផ្តោតសំខាន់តែផ្នែកហេដ្ឋារចនាសម្ព័ន្ធផ្លូវថ្នល់
- បរិស្ថានធនធានធម្មជាតិបម្រែបម្រួលអាកាសធាតុពីមួយឆ្នាំទៅឆ្នាំ បានបង្កទៅជាគ្រោះមហន្តរាយផ្សេងៗ ដែលបណ្តាលអោយប៉ះពាល់ដល់បរិស្ថានធម្មជាតិ ជាមួយគ្នានេះកត្តាភ្លើងឆេះព្រៃលិចទឹកដែលជាជម្រកត្រីពងកូនតាមរូបភាព ដុតរកសត្វ(ឃ្មុំ និងអណ្តើក) ការធ្វេសប្រហេសរបស់ប្រជាជនចម្អិនអាហារ មិនពន្លត់ភ្លើងអោយបានត្រឹមត្រូវ និងការចោលកន្ទុយបារី...។ល។ យ៉ាងណាមិញ សកម្មភាពនេសាទដោយប្រើឧបករណ៍ខុសច្បាប់នៅតែមានក្នុងភូមិសាស្ត្រឃុំទាំងពីរ ។

សូមជម្រាបជូនថាៈ សកម្មភាពចុះសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គម របស់ប្រជាសហគមន៍នេសាទនៅតំបន់ជុំវិញបឹងទន្លេសាប។ មានគោលបំណង ដើម្បីស្វែងយល់ ៖
- ស្ថានភាពសេដ្ឋកិច្ចសង្គមពីជីវភាពរស់នៅរបស់ប្រជាសហគមន៍នេសាទលើការប្រើប្រាស់ធនធានធម្មជាតិនៅក្នុងតំបន់បឹងទន្លេសាប
- ការប្រមូលចងក្រងបច្ចុប្បន្នភាពទិន្នន័យ-ព័ត៌មាន សម្រាប់ជាធាតុចូលក្នុងការរៀបចំឯកសារគោលនយោបាយក្នុងការគ្រប់គ្រង អភិរក្ស និងអភិវឌ្ឍន៍ធនធានធម្មជាតិសម្រាប់ចូលរួមដល់ការគ្រប់គ្រងបឹងទន្លេសាប ប្រកបដោយនិរន្តរភាព ។

លោក វិន ប៊ុនពៅ ប្រធាននាយកដ្ឋាន បានដឹកនាំមន្ត្រីបច្ចេកទេស នៃនាយកដ្ឋានធនធានធម្មជាតិ បន្តចុះសិក្សាស្រាវជ្រាវ និងវាយតម្លៃដែនព្រៃលិចទឹកតំបន់ ៣ ជុំវិញតំបន់បឹងទន្លេសាប ខេត្តពោធិ៍សាត់

2023-10-03T23:57:15+00:00

នៅថ្ងៃសុក្រ ១៥កើត ដល់ថ្ងៃសៅរ៍ ០១រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ដល់ថ្ងៃទី ៣០ ខែកញ្ញា ឆ្នាំ២០២៣ ក្រុមការងារមន្ត្រីបច្ចេកទេស នៃនាយកដ្ឋានធនធានធម្មជាតិ ដឹកនាំដោយ លោក វិន ប៊ុនពៅ បានបន្តចុះសិក្សាស្រាវជ្រាវ និងវាយតម្លៃដែនព្រៃលិចទឹកតំបន់ ៣ ជុំវិញតំបន់បឹងទន្លេសាប នៅក្នុងស្រុកក្រគរ ខេត្តពោធិ៍សាត់ ។

ការចុះសិក្សានេះ ក្រុមការងារបាន៖
១. ជួបពិភាក្សាជាមួយអាជ្ញាធរដែនដី និងប្រជាពលរដ្ឋ ។
២. ចុះដល់ទីតាំង ដើម្បីពិនិត្យស្ថានភាពបង្គោលព្រំតំបន់៣ ផ្ទៃដីទន្ទ្រានក្នុងតំបន់ ៣ និងស្ថានភាពទូទៅ ។

ជាមួយនឹងសកម្មភាពនេះ ការចុះសិក្សាស្រាវជ្រាវខាងលើ ទទួលបានលទ្ធផលដូចខាងក្រោម ៖
១. បង្គោលព្រំដែនព្រៃលិចទឹកតំបន់ ៣ ចំនួន ២២បង្គោលដែលបានពិនិត្យ ឃើញថានៅឈរត្រង់បានល្អច្រើន(២០/២២នៃបង្គោលសរុប នៅស្រុកក្រគរ) និងមានទ្រេតតិចតួច (០២/២២បង្គោល) ។
២. ការកាត់ឆ្វៀលដីតំបន់៣ ចេញមកតំបន់ ២ នៅក្នុងស្រុកក្រគរ គឺមានទំហំ ១,១២២ ហិកតា ៤៥ អា ។
៣. ចំពោះផ្ទៃដីក្នុងដែនព្រៃលិចទឹកតំបន់ ៣ នៅតែមានប្រជាពលរដ្ឋមួយចំនួន បន្តចូលទៅធ្វើស្រែលើដីទន្ទ្រាន និងតំបន់ខ្លះក៏មិនហ៊ានចូលទៅធ្វើស្រែទេ ដោយការហាមឃាត់តឹងរឹងពីអាជ្ញាធរឃុំ ។
៤. ដីស្រែដែលទុកចោលក្នុងតំបន់ ៣ ឃើញមានដុះព្រៃលិចទឹកឡើងវិញ ដូចជាពពួកស្មៅ និងវល្លិ៍ដុះលឿនជាងគេ ។

សូមជម្រាបជូនថា ៖ សកម្មភាពចុះសិក្សាស្រាវជ្រាវ និងវាយតម្លៃដែនព្រៃលិចទឹកតំបន់ ៣ ជុំវិញបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ២០២៣ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។ សកម្មភាពខាងលើនេះ មានគោលបំណង ដើម្បី៖
- បន្តតាមដាន និងវាយតម្លៃបង្គោលព្រំ សរុប ៨០២បង្គោល និងផ្ទៃដីព្រៃកំណត់ដែនព្រៃលិចទឹកតំបន់ ៣ ។
- តាមដាន និងវាយតម្លៃផ្ទៃដីកាត់ឆ្វៀល(ថ្មី)ក្នុងតំបន់ ២ និងតំបន់ ៣ ។
- ពិនិត្យ និងវាយតម្លៃបឋមលើស្ថានភាពរបស់ប្រជាពលរដ្ឋក្រោយពីកាត់ដីឆ្វៀលក្នុងតំបន់ ២ និងតំបន់៣ ។
-តាមដានលើការលូតលាស់ប្រភេទព្រៃលិចទឹក(ថ្មី)នៅតាមទីតាំងដែលបានដកហូតមកវិញក្រោយពីការទន្ទ្រាន និងដីទុកចោល ព្រមទាំងដីព្រៃដែលបានភ្លើងឆេះកន្លងមក។

លោក ម៉ម សុធា ប្រធានការិយាល័យជីវចម្រុះ និងក្រុមការងារ នៃនាយកដ្ឋានធនធានធម្មជាតិ បានបន្តចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅភូមិសាស្ត្រ ក្នុងខេត្តកំពង់ឆ្នាំង ពោធិ៍សាត់ និងខេត្តកំព

2023-10-02T21:48:15+00:00

នាថ្ងៃចន្ទ ១១កើត ខែភទ្របទ ដល់ ថ្ងៃសុក្រ ១៥កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៥ ដល់ ២៩ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានធនធានធម្មជាតិ ដឹកនាំដោយ លោក ម៉ម សុធា ប្រធានការិយាល័យជីវចម្រុះ បានបន្តចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រ តំបន់ឆ្នុកទ្រូ ខេត្តកំពង់ឆ្នាំង, តំបន់កំពង់លួង ខេត្តពោធិ៍សាត់ និងតំបន់ផាត់សណ្តាយ ខេត្តកំពង់ធំ ។

ការចុះសិក្សានេះ ក្រុមការងារបានធ្វើលើ ៖
ទី១. សម្ភាសន៍ប្រជានេសាទ ដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា ។
ទី២. ប្រមូលសំណាកត្រី និងធនធានក្រៅពីត្រី, ទីតាំងនេសាទ (X,Y), វាស់ជម្រៅទឹកក្នុងតំបន់នេសាទនីមួយៗ, វាស់គុណភាពទឹកបឋម និងពិនិត្យលើលំនៅដ្ឋានធនធានត្រីនៅរដូវវស្សា ។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញថា ៖
១. រកឃើញប្រភេទត្រីចំនួន ៣៦ ប្រភេទ តាមរយៈការនេសាទដោយប្រើប្រាស់នូវឧបករណ៍ចំនួន ៣ ប្រភេទ គឺឧបករណ៍ មងរាយ បរ និងសន្ទូច ។
២. ធនធានក្រៅពីត្រីមានចំនួន ៦ ប្រភេទ ដូចជាកំពឹស កំពឹសអង្កាម លៀស គ្រុំចំពុះទា ខ្យងបឹង និងខ្យងគូថទាល និងការប្រើប្រាស់ធនធានត្រីសម្រាប់វារីវប្បកម្មនៅក្នុងតំបន់សិក្សា ។
៣. កម្រិតភាពថ្លានៃទឹកមានចាប់ពី ៥-១៥សម និងអុកស៊ីសែនរលាយក្នុងទឹក(DO)មានពី ១,២-១,៧mg/L ទៅតាមតំបន់សិក្សានីមួយៗ និងកម្រិតកម្ពស់ទឹកមានជម្រៅពី ៤.២ ដល់ ៩.០០ ម ។

សូមជម្រាបជូនថា៖ សកម្មភាពចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅភូមិសាស្ត្រ ក្នុងខេត្តកំពង់ឆ្នាំង ពោធិ៍សាត់ និងខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៣ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។ សកម្មភាពខាងលើនេះ មានគោលបំណងដើម្បី៖
- សិក្សាតាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍
- សិក្សាតាមដាន និងវាយតម្លៃគុណភាពទឹកបឹងទន្លេសាបទៅតាមទីតាំងសិក្សា។- សិក្សាតាមដានលើលក្ខណៈជីវសាស្ត្ររបស់ត្រី លៀស និងគ្រុំ លើការរស់នៅ ការបន្តពូជ និងការលូតលាស់ (រដូវប្រាំង/រដូវវស្សា)។

លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងក្រុមការងារបានចុះសិក្សាអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផល អតីតឡូត៍នេសាទលេខ៤ ខេត្តសៀមរាប

2023-10-02T14:45:55+00:00

នៅថ្ងៃព្រហស្បតិ៍ ១៤កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ២៨ ខែកញ្ញា ឆ្នាំ២០២៣ ក្រុមការងារមន្ត្រីបច្ចេកទេស ការិយាល័យអភិរក្ស របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផល អតីតឡូត៍នេសាទលេខ៤ ដោយមួយផ្នែកធំស្ថិតនៅសង្កាត់ចុងឃ្នៀស និងមួយផ្នែកតូចស្ថិតនៅឃុំកំពង់ភ្លុក ស្រុកប្រាសាទបាគង ខេត្តសៀមរាប។

ការចុះសិក្សានេះ ក្រុមការងារស្រាវជ្រាវបាន៖
១- ចុះជួបសម្ភាសន៍ជាមួយក្រុមប្រឹក្សាឃុំ សហគមន៍នេសាទ មន្ត្រីជំនាញជលផល និងប្រជានេសាទ រួមជាមួយការធ្វើអង្កេតផ្ទាល់ ដើម្បីស្វែងយល់អំពីស្ថានភាពទូទៅមាន៖ ប្រភេទមុខរបរ ការធ្វើនេសាទ ការប្រើប្រាស់ឧបករណ៍នេសាទ ទិន្នផលនេសាទ ការចូលរួម ឧបត្ថម្ភ គាំទ្រ សហការ ពីអង្គការ-ស្ថាប័នពាក់ព័ន្ធក្នុងកិច្ចការងារអភិរក្ស និងបញ្ហាប្រឈមនានាក្នុងការគ្រប់គ្រង។

ជាមួយនឹងសកម្មភាពនេះផងដែរក្រុមការងារមន្ត្រីបច្ចេកទេស បានចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា៖
១. អាជ្ញាធរមូលដ្ឋាន មន្ត្រីជំនាញ និងប្រជានេសាទ មានការសាទរចំពោះចំណាត់ការ របស់រាជរដ្ឋាភិបាលកន្លងមក ដែលបានចុះដកហូតកាណូតប្រព្រឹត្តបទល្មើសជលផលតាមខ្នងផ្ទះ មានដូចជា អួនអូសគូ ស៊ីប…។ល។ ព្រោះការប្រើប្រាស់ឧបករណ៍នេសាទទាំងនេះ មិនត្រឹមតែបំផ្លាញធនធានជលផលប៉ុណ្ណោះទេ ថែមទាំងបំផ្លាញឧបករណ៍នេសាទរបស់ប្រជានេសាទផងដែរ។
២. ប្រជានេសាទជាទូទៅភាគច្រើននៅរដូវវស្សានេះ ប្រើឧបករណ៍នេសាទដូចជា មងរាយ មងបណ្ដែត កន្សុំកំពឹស លបឡុក ដោយទទួលបានទិន្នផលជាមធ្យម ១០គីឡូក្រាម/ថ្ងៃ ចំណែកឯ កម្ពស់ទឹកគិតត្រឹមថ្ងៃ២៨ ខែកញ្ញា ឆ្នាំ២០២៣ មានកម្ពស់ ៦.២៧ ម៉ែត្រ (វាស់ពីបាតតំបន់អភិរក្ស)។
៣. ប្រភេទឧបករណ៍នេសាទដែលលួចចូលនេសាទក្នុងតំបន់អភិរក្សមាន សន្ទូច (ទំហំផ្លែ លេខ ៩ លេខ ១៥) និងមង (ទំហំក្រឡា ៩ហ៊ុន ទៅ ១.៤ តឹក) ហើយភាគច្រើនធ្វើសកម្មភាពនៅពេលយប់។
៤. មន្ត្រីជំនាញជលផលផ្នែក សង្កាត់ និងសហគមន៍នេសាទ បានសហការគ្នាចុះល្បាតរួមគ្នា មានចំនួន ១៤នាក់ ចែកចេញជាពីរក្រុម ប្ដូរវេនគ្នា ៣ថ្ងៃ ម្ដង ដោយទទួលបានការជួយឧបត្ថម្ភពីអង្គការ KFW តាំងពីឆ្នាំ ២០១៩ និងបញ្ចប់គម្រោងនៅខែធ្នូ ឆ្នាំ២០២៣ នេះ។ ទន្ទឹមនេះ មន្ត្រីជំនាញជលផលបានទទួលយកសំណើរបស់ ប្រជានេសាទដែលបានស្នើសុំដាក់ឧបករណ៍លបឡុកនៅរដូវបិទនេសាទប្រវែង ១០០ម៉ែត្រ និងរដូវបើកនេសាទប្រវែង ២៥០ម៉ែត្រ ក្រឡា ៣ហ៊ុន សំណើនេះមន្ត្រីជំនាញជលផលបានស្នើសុំទៅក្រសួងកសិកម្មរួចរាល់ហើយ។

សូមជម្រាបជូនថាៈ សកម្មភាពចុះសិក្សាស្រាវជ្រាវអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤ ខេត្តសៀមរាប។ គឺជាសកម្មភាពមួយ ក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង៖
- សិក្សាអំពីស្ថានភាពទូទៅ របស់តំបន់អភិរក្សជលផលអតីតឡូត៍នេសាទលេខ៤
- ស្វែងយល់អំពីបញ្ហាប្រឈម ក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤
- វិភាគស៊ីជម្រៅលើបញ្ហាប្រឈម ដែលពាក់ព័ន្ធក្នុងការគ្រប់គ្រង តំបន់អភិរក្សជលផលអតីតឡូត៍នេសាទលេខ៤ ដើម្បីផ្ដល់ជម្រើសដំណោះស្រាយសមស្រប។

ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ ខ្សែសង្វាក់សេវាកម្មទេសចរណ៍នៅក្នុងភូមិបណ្ដែតទឹកកំពង់លួង ខេត្តពោធិ៍សាត់

2023-10-01T16:23:47+00:00

នៅថ្ងៃសុក្រ ១៥កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែកញ្ញា ឆ្នាំ២០២៣ ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ ខ្សែសង្វាក់សេវាកម្មទេសចរណ៍នៅក្នុងភូមិបណ្ដែតទឹកកំពង់លួង ឃុំកំពង់លួង ស្រុកក្រគរ ខេត្តពោធិ៍សាត់ ។

ការចុះសិក្សានេះ ក្រុមការងារស្រាវជ្រាវបានធ្វើការលើ៖
១-ជួបជាមួយនឹងតំណាងអ្នកសម្របសម្រួលទេសចរណ៍នៅក្នុងឃុំកំពង់លួង ពិភាក្សានិងស្វែងយល់ពីស្ថានភាពទូទៅនៃទេសចរណ៍ដែលមាននៅក្នុងឃុំកំពង់លួង រួមបញ្ចូលទាំង ចំនួនភ្ញៀវទេសចរណ៍មកទស្សនា។
២- ការរៀបចំបែងចែកវេនសម្រាប់ប្រជាជនដែលបេីកទូកដឹកភ្ញៀវទេសចរណ៍ ចំនួនប្រជាពលរដ្ឋដែលបម្រេីសេវាកម្មទេសចរណ៍ (ចំនួនអ្នកបើកទូក/កាណូត ចំនួនផ្ទះស្នាក់) ដែលមានសរុបនៅក្នុងឃុំកំពង់លួង។
៣- ជួបជាមួយអាជ្ញាធរដែនដី ថ្នាក់ឃុំ អំពីផែនការដែលឃុំចូលរួមក្នុងការជួយដល់ផ្នែកទេសចរណ៍ក្នុងឃុំ និងដៃគូរសហការនានាពាក់ព័ន្ធនឹងវិស័យទេសចរណ៍ដែលជួយដល់ឃុំកំពង់លួង។
៤- ជួបជាមួយនឹងប្រជាជនដែលបម្រើសេវាកម្មទេសចរណ៍ (បើកទូកកាណូត)។

ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលេីនេះជាលទ្ធផលមានដូចជា៖
១. ចំនួនទូក/កាណូតដែលបម្រើដល់ភ្ញៀវទេសចរណ៍មានចំនួនសរុប ១៩ទូក ដែលទំហំ មធ្យមផ្ទុកមនុស្ស (១-៣០) ដែលតម្លៃអាស្រ័យទៅតាមទំហំទូក/កាណូត។
២. ចំនួនប្រជាពលរដ្ឋដែលបម្រើសេវាកម្មផ្នែកបើកទូកកាណូតដឹកភ្ញៀវទេសចរណ៍បច្ចុប្បន្នមានចំនួន ១៩នាក់ ដែលក្នុងនោះមានស្ត្រីបានចូលរួមចំណែកក្នុងវិស័យនេះផងដែរ ។
៣. ចំនួនផ្ទះស្នាក់ដែលមាននៅក្នុងឃុំកំពង់លួងមានចំនួន០២ ប៉ុន្តែ ត្រូវបានផ្អាកដំណើរការកាលពីឆ្នាំ២០២០ រហូតដល់បច្ចុប្បន្ន។
៤. ភ្ញៀវទស្សនានៅក្នុងតំបន់កំពង់លួង មានភ្ញៀវជាតិ ( ទស្សនានៅក្នុងរដូវបុណ្យទាននានា ភ្ជុំ ចូលឆ្នាំ ) ភ្ញៀវអន្តរជាតិ ( ទស្សនានៅក្នុងចន្លោះខែ០៩ ដល់ខែ០១ ) បច្ចុប្បន្នចំនួនភ្ញៀវអន្តរជាតិមានចំនួនតិចតួចប៉ុណ្ណោះមកទស្សនាក្នុងឃុំកំពង់លួង។ ភ្ញៀវបរទេសភាគច្រេីនមកទស្សនាក្នុងឃុំកំពង់លួង គឺក្រោយទស្សនានៅក្នុងខេត្តបាត់ដំបង បន្តមកទស្សនាក្នុងតំបន់កំពង់លួង។

សូមជម្រាបជូនថា៖ សកម្មភាពនេះមានគោលបំណង សិក្សាពីខ្សែសង្វាក់សេវាកម្មទេសចរណ៍នៅក្នុងតំបន់ទេសចរណ៍គោលដៅ និងសិក្សាពីផលប៉ះពាល់ដល់ប្រជាពលរដ្ឋដែលបម្រើសេវាកម្មទេសចរណ៍ក្រោយពេលដែល មានបញ្ហាការរីករាលដាលនៃជំងឺកូវីដ-១៩។

លោក សុខ រ៉ាយ៉ុង ជាប្រធានការិយាល័យអភិរក្ស នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីបច្ចេកទេសបន្តសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ

2023-10-01T15:12:41+00:00

នៅថ្ងៃព្រហស្បតិ៍ ១៤កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកញ្ញា ឆ្នាំ២០២៣ លោក សុខ រ៉ាយ៉ុង ជាប្រធានការិយាល័យអភិរក្ស របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារបន្តចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។

ការចុះសិក្សានេះ ក្រុមការងារស្រាវជ្រាវ បាន ៖
ទី១. ជួបជាមួយក្រុមប្រឹក្សាឃុំ សហគមន៍នេសាទ និងមន្ត្រីបរិស្ថាន ដើម្បីដឹងពីបម្រែបម្រួលស្ថានភាពបរិស្ថាន ធនធានជលផល មូលហេតុនៃបម្រែបម្រួលទាំងនេះ ការចល័តលំនៅឋាននារដូវទឹកដំឡើង និងស្ថានភាពជលសាស្ត្រ ។
ទី២. ជួបជាមួយប្រជានេសាទ ដើម្បីយល់ដឹងពីបរិមាណផលនេសាទ បម្រែបម្រួលផលនេសាទ និងកត្តាបទល្មើសផ្សេងៗ។
ទី៣. ពិនិត្យ និងអង្កេតផ្ទាល់ពីស្ថានភាពទូទៅមួយចំនួនក្នុងតំបន់រ៉ាមសារស្ទឹងសែន។

ជាមួយនឹងសកម្មភាពនេះផងដែរក្រុមការងារមន្ត្រីបច្ចេកទេស បានចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា៖
១. ទោះបីក្នុងឆ្នាំនេះស្ថានភាពទឹកទន្លេឡើងយឺត ហើយទឹកមានលក្ខណៈស្អុយ តែមកដល់ពេលនេះស្ថានភាពទឹកបានល្អប្រសើរឡើងវិញ ដែលអាចអោយអ្នកនេសាទធ្វើការនេសាទវិញបានសម្រាប់ផ្គត់ផ្គង់ជីវភាពគ្រួសារ ហើយកម្ពស់ទឹកបានហក់ឡើងប្រមាណជិត ៦ ម៉ែត្រផងដែរគិតត្រឹមថ្ងៃ២៨ ខែកញ្ញាឆ្នាំ២០២៣។
២. ប្រជាជននៅក្នុងតំបន់នេះដែលតាំងលំនៅតាមដងស្ទឹង មាត់ទន្លេ និងតាមព្រែកបានចល័តទៅរកកន្លែងមានសុវត្តិភាព ដើម្បីការពារពីគ្រោះធម្មជាតិ។
៣. ក្នុងតំបន់រ៉ាមសារស្ទឹងសែន ជួបនូវបញ្ហាខ្លាំងពីការប្រែប្រួលអាកាសធាតុដូចជា ការកើនឡើងកំដៅ ទឹកកង្វក់ខ្យល់ព្យុះ ឬខ្យល់កន្ត្រាក់តែងកើតមានជាញឹកញាប់ ធ្វើអោយប្រជាជននៅក្នុងតំបន់នេះពិបាកក្នុងការរស់នៅ ពិសេសប្រជាជនដែលពឹងផ្អែកទាំងស្រុងលើរបរនេសាទ។
៤. បរិមាណផលនេសាទនៅក្នុងឆ្នាំនេះសម្បូរជាងឆ្នាំមុនៗ ព្រោះក្រោយពេលទឹកទន្លេឈប់ស្អុយអ្នកនេសាទអាចរកត្រីបានច្រើនគួរអោយកត់សម្គាល់ គ្រាន់តែប្រភេទត្រីរាងល្អិតៗបន្តិចតែប៉ុណ្ណោះ។
៥. សត្វស្លាបនៅក្នុងតំបន់នេះ មានការកើនឡើងផងដែរ ដោយប្រជានេសាទបានបញ្ជាក់ថា មានសត្វស្លាបចុះមករកចំណីច្រើនខុសធម្មតាទាំងប្រភេទ និងបរិមាណពិសេសសត្វទង់ ក្រសា មាន់ទឹក ទាទឹក ជាដើម។
៦. ការចោលសំរាមជារៀងរាល់ថ្ងៃយ៉ាងហោចណាស់ ២ គ.ក/គ្រួសារ។ ដោយឡែកតាមសាលារៀន ឃុំបានស្នើគម្រោងជាផែដាក់សំរាមទៅអង្គការ និងអ្នកពាក់ព័ន្ធរួចហើយ តែមិនទាន់មានដំណឹងនៅឡើយដូចជាអង្គការសេវ (Save) ហ្វេក(face) ទស្សនៈពិភពលោក(World Vision) ប៊ឺតឡាយ(Bird Life)...។

សូមជម្រាបជូនថា៖ សកម្មភាពចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។
សកម្មភាពខាងលើនេះ មានគោលបំណង៖
- ស្វែងយល់ពីស្ថានភាពបរិស្ថាន និងធនធានជលផលនៅតំបន់រ៉ាមសារស្ទឹងសែន។
- វាយតម្លៃបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន។
- ស្វែងយល់ពីកត្តាជម្រុញឲ្យមានការបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន។
- ផ្តល់ជាអនុសាសន៍សម្រាប់កែលម្អ និងវិធានការបន្សាំទៅនឹងការប្រែប្រួលដើម្បីធានាបាននូវការអភិរក្ស អភិវឌ្ឍន៍បរិស្ថាន និងធនធានជលផលក្នុងតំបន់រ៉ាមសារស្ទឹងសែនឲ្យមានភាពប្រសើរឡើង។

លោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យ បន្តចុះសិក្សាស្រាវជ្រាវ អំពី ការវាយតម្លៃលើការធ្វើអាជីវកម្មត្រី ត្រីន

2023-09-29T15:54:20+00:00

នៅថ្ងៃព្រហស្បតិ៍ ១៤កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការ អំពី ការវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅភូមិសាស្ត្រឃុំកំពង់ឃ្លាំង ស្រុកសូទ្រនិគមន ឃុំកំពង់ភ្លុក ស្រុកប្រាសាទបាគង សង្កាត់ចុងឃ្នៀស ក្រុងសៀមរាប និងឃុំកែវពណ៌ ស្រុកពួក ខេត្តសៀមរាប។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសន៍ជាមួយអាជ្ញាធរដែនដី និងវារីវប្បករ។
២. ជួបសម្ភាសន៍ជាមួយប្រជានេសាទ និងអាជីវករទិញ-លក់ត្រី ដើម្បីដឹងពីបរិមាណនៃការធ្វើអាជីវកម្ម និងតម្លៃត្រី។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. ការធ្វើអាជីវកម្មត្រីមានចំនួន ៤ ច្រក បរិមាណត្រីក្នុងមួយច្រកជាមធ្យម ១.០០០ គីឡូក្រាម/ថ្ងៃ និងត្រីនុយជាមធ្យម ៥០០ គីឡូក្រាម/ថ្ងៃ បរិមាណនេះមានការថយចុះជាងរដូវបើកនេសាទ។
ទី២. ការធ្វើអាជីវកម្មត្រី និងត្រីនុយប្រជានេសាទប្រើប្រាស់ឧបករណ៍នេសាទ មងរាយ បរ សម្រាស់ ឡើរ របាំងស្បៃមុង....។
ទី៣. តម្លៃត្រីសម្រាប់ហូបមានតម្លៃចន្លោះ ៥.០០០- ៤.៥០០ រៀល/គីឡូក្រាម តម្លៃនេះថ្លៃជាងឆ្នាំមុនៗ និងតម្លៃត្រីនុយចន្លោះ ១.០០០-២.៥០០ រៀល/គីឡូក្រាម ។ ត្រីសម្រាប់ហូបអាជីវករលក់ក្នុងតំបន់ និងមួយចំនួនទៀតលក់នៅផ្សារទីរួមខេត្ត ចំណែកត្រីនុយលក់អោយវារីវប្បករនៅក្នុងតំបន់។
ទី៤. ការធ្វើវារីវប្បកម្មនៅខេត្តសៀមរាប ភាគច្រើនចិញ្ចឹមត្រីក្នុងស្រះ និងមានបន្តិចបន្តួចចិញ្ចឹមក្នុងបែរ បច្ចុប្បន្នរដូវទឹកឡើងស្រះមួយចំនួនត្រូវបានលិច តែវារីវប្បករបាំងរបាំងព្រួលបន្ថែមការពារកុំអោយត្រីចេញ។
ទី៥. ការធ្វើអាជីវកម្មលើប្រភេទត្រីនុយមានមានផលវិជ្ជមាន (បំពេញតម្រូវការវារីវប្បកម្មក្នុងស្រុក) ផលអវិជ្ជមាន(ធ្វេីឱ្យធនធានត្រីថយចុះ និងបាត់បង់ប្រភេទត្រីសាច់សម្រាប់ហូប)។

សូមជម្រាបជូនថា៖ សកម្មភាពចុះសិក្សាវាយតម្លៃលើការធ្វលអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្មធនធានធម្មជាតិត្រី និងត្រីនុយ។
- ប្រភព និងប្រភេទត្រីនុយដែលធ្វើអាជីវកម្មលេីវារីវប្បកម្ម។
- ចរន្តទីផ្សារនៃការធ្វលអាជីវកម្មធនធានធម្មជាតិ។

ឯកឧត្តម ហ៊ែល តូនី បានដឹកនាំកិច្ចប្រជុំពិភាក្សាការងារពាក់ព័ន្ធនឹងតួនាទីភារកិច្ច និងការទទួលខុសត្រូវរបស់នាយកដ្ឋានរដ្ឋបាល ផែនការ និងសហប្រតិបត្តិការ

2023-09-29T15:44:43+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ។
ព្រឹកថ្ងៃសុក្រ ១៥កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ខែកញ្ញា ឆ្នាំ ២០២៣ នៅអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម បានដឹកនាំកិច្ចប្រជុំពិភាក្សាការងារពាក់ព័ន្ធនឹងតួនាទីភារកិច្ច និងការទទួលខុសត្រូវរបស់នាយកដ្ឋានរដ្ឋបាល ផែនការ និងសហប្រតិបត្តិការ ដើម្បីពិនិត្យមើលពីវឌ្ឍនភាពការងារ និងគំនិតទស្សនទានរបស់នាយកដ្ឋាន ក្នុងការគ្រប់គ្រង ដឹកនាំ និងអនុវត្តតួនាទីភារកិច្ចប្រកបដោយប្រសិទ្ធភាព និងប្រសិទ្ធផល ។
+ កិច្ចប្រជុំនេះ មានការចូលរួមពីឯកឧត្តមអគ្គលេខាធិការ ប្រធាន អនុប្រធាននាយកដ្ឋាន ប្រធាន អនុប្រធានការិយាល័យ និងមន្ត្រីរាជការក្រោមឱវាទនាយកដ្ឋានរដ្ឋបាល ផែនការ និងសហប្រតិបត្តិការ ។
+ បន្ទាប់ពីស្តាប់បទបង្ហាញស្តីពីវឌ្ឍនភាព និងគំនិតទស្សនទានរយៈពេល ៩ខែដើមឆ្នាំ ២០២៣ របស់ប្រធាននាយកដ្ឋាន និងចំណាប់អារម្មណ៍របស់ថ្នាក់ដឹកនាំ និងមន្ត្រីរួចមក ។ ឯកឧត្តម ប្រធានអង្គប្រជុំ បានឯកភាពអំពីគំនិតទស្សនទាន ដែលមានចក្ខុវិស័យច្បាស់លាស់ របស់ប្រធាននាយកដ្ឋានរដ្ឋបាល ផែនការ និងសហប្រតិបត្តិការ ព្រមទាំងបានចង្អុលបង្ហាញនូវគំនិតជាយុទ្ធសាស្ត្រគន្លឹះមួយចំនួនបន្ថែមទៀត ដើម្បីបង្កើនប្រសិទ្ធភាពក្នុងការគ្រប់គ្រង និងអនុវត្តតួនាទីភារកិច្ចឲ្យបានកាន់តែល្អប្រសើរក្នុងការលើកស្ទួយស្ថាប័ន ដោយស្មារតីចូលរួមលើកកម្ពស់ប្រសិទ្ធភាព និងប្រសិទ្ធផលការងារ ស្របតាមគោលនយោបាយយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧ ៖
១- បន្តរួមសាមគ្គីភាពផ្ទៃក្នុងនាយកដ្ឋាន ក៏ដូចជាអង្គភាពទាំងមូល និងពង្រឹងការគ្រប់គ្រង ទទួលខុសត្រូវ តាមការិយាល័យជំនាញ ដើម្បីប្រសិទ្ធភាពការងារ និងសុខដុមផ្ទៃក្នុងរបស់នាយកដ្ឋាន
២- បន្តផ្តល់ការលើកទឹកចិត្ត និងផ្តល់ឱកាសស្មើគ្នាដល់មន្ត្រីក្នុងនាយកដ្ឋាន ដោយគិតគូអ្នកបន្តវេន តាមរយៈការពិនិត្យវាយតម្លៃលក្ខណៈសម្បត្តិ អត្តចរិក និងលទ្ធផលបំពេញការងារ ដោយផ្តោតលើភាព ក្លាហាន (សមត្ថភាព) វិន័យ និងគុណធម៌
៣- ត្រូវយកចិត្តទុកដាក់លើការអនុវត្តគម្រោងសកម្មភាព ឆ្នាំ២០២៣ និងរៀបចំគម្រោងសកម្មភាពការងារសម្រាប់អនុវត្តន៍ឆ្នាំ២០២៤ ស្របតាមតួនាទីភារកិច្ចរបស់នាយកដ្ឋាន និងស្ថាប័នក៏ដូចជាគាំទ្រគោលនយោបាយយុទ្ធបញ្ចកោណ ៖
-កំណែទម្រង់រដ្ឋបាលសាធារណៈ
-កំណែទម្រង់ហិរញ្ញវត្ថុសាធារណៈ
-ពង្រឹងសមត្ថភាពមន្ត្រីអោយស្របទៅនឹងសង្គមធីជីថល។
៤- ពង្រឹងកិច្ចការតាមដានត្រួតពិនិត្យ និងវាយតម្លៃ នៃវឌ្ឍនភាពការងារអង្គភាព និងគម្រោងសកម្មភាពគាំទ្រដល់ការអនុវត្តផែនការយុទ្ធសាស្ត្រ របស់អាជ្ញាធរទន្លេសាប រួមជាមួយគម្រោង/កម្មវិធីនានា នៅតំបន់ទន្លេសាប
៥- បន្តជម្រុញការកសាងសមត្ថភាពធនធានមនុស្ស តាមរយៈការបណ្តុះបណ្តាល និងផ្លាស់ប្តូរបទពិសោធន៍ទាំងក្នុងស្រុក និងក្រៅស្រុកដល់មន្ត្រីជំនាញបន្ថែមទៀត ។

ឯកឧត្តម ហ៊ែល តូនី បានដឹកនាំកិច្ចប្រជុំពិភាក្សាពីវឌ្ឍនភាពការងារ និងគំនិតទស្សនទាន របស់នាយកដ្ឋានធនធានធម្មជាតិ

2023-09-28T16:14:22+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ។
ព្រឹកថ្ងៃព្រហស្បតិ៍ ១៤កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកញ្ញា ឆ្នាំ ២០២៣ នៅអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម បានដឹកនាំកិច្ចប្រជុំពិភាក្សាការងារពាក់ព័ន្ធនឹងតួនាទីភារកិច្ច និងការទទួលខុសត្រូវរបស់នាយកដ្ឋានធនធានធម្មជាតិ ដេីម្បីពិនិត្យមើលពីវឌ្ឍនភាពការងារ និងគំនិតទស្សនទានរបស់នាយកដ្ឋាន ក្នុងការគ្រប់គ្រង និងអនុវត្តតួនាទីភារកិច្ចប្រកបដោយប្រសិទ្ធភាព និងប្រសិទ្ធផល ។
+ កិច្ចប្រជុំនេះ មានការចូលរួមពីឯកឧត្តម អនុប្រធាន អគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាននៃនាយកដ្ឋានចំណុះអគ្គលេខាធិការដ្ឋាន អទស , ប្រធាន-អនុប្រធានការិយាល័យ ក្រោមឱវាទនាយកដ្ឋានធនធានធម្មជាតិ ។
+ បន្ទាប់ពីស្តាប់បទបង្ហាញស្តីពីវឌ្ឍនភាព និងគំនិតទស្សនទានរយៈពេល ៩ខែដើមឆ្នាំ ២០២៣ របស់ប្រធាននាយកដ្ឋាន
និងចំណាប់អារម្មណ៍របស់ថ្នាក់ដឹកនាំ និងមន្ត្រីបច្ចេកទេសរួចមក ឯកឧត្តម ប្រធានអង្គប្រជុំ បានឯកភាពអំពីគំនិតទស្សនទាន ដែលបានលើកឡើងរបស់នាយកដ្ឋានធនធានធម្មជាតិ ព្រមទាំងបានចង្អុលបង្ហាញនូវគំនិតជាយុទ្ធសាស្ត្រគន្លឹះមួយចំនួនបន្ថែមទៀត ដើម្បីបង្កើនប្រសិទ្ធភាពក្នុងការគ្រប់គ្រង និងអនុវត្តតួនាទីភារកិច្ចឲ្យបានកាន់តែល្អប្រសើរក្នុងការលើកស្ទួយស្ថាប័ន ដោយស្មារតីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧ ដូចជា ៖
1- កែលម្អក្នុងការគ្រប់គ្រង និងទទួលខុសត្រូវរបស់ថ្នាក់ដឹកនាំនាយកដ្ឋាន តាមការិយាល័យជំនាញ ដើម្បីប្រសិទ្ធភាពការងារ និងសុខដុមក្នុងនាយកដ្ឋាន
2- បន្តផ្តល់ការលើកទឹកចិត្តដល់មន្ត្រីក្នុងនាយកដ្ឋាន និងគិតគូអ្នកបន្តវេន តាមរយៈការពិនិត្យវាយតម្លៃលក្ខណៈសម្បត្តិ អត្តចរិត និងលទ្ធផលបំពេញការងារ ដោយផ្តោតលើភាពក្លាហាន សមត្ថភាព និងគុណធម៌
3- កែលម្អ និងអនុវត្តបញ្ចប់គម្រោងសកម្មភាព 2023 និងរៀបចំពិនិត្យ កែសម្រួលឲ្យបានច្បាស់លាស់ត្រឹមត្រូវ សម្រាប់ចងក្រងជារបាយការណ៍បច្ចេកទេសតាមសកម្មភាពនីមួយៗចុងឆ្នាំ២០២៣ និងត្រៀមលក្ខណៈបច្ចេកទេសឲ្យបានគ្រប់ជ្រុងជ្រោយចំពោះរបកគំហើញលទ្ធផលស្រាវជ្រាវ ក្នុងកិច្ចប្រជុំអន្តរក្រសួងជំនាញ
4- ពិនិត្យខ្លឹមសារបច្ចេកទេសគម្រោង ដែលត្រូវលើកឡើងសម្រាប់អនុវត្តន៍ឆ្នាំ 2024 អោយស្របនឹងតួនាទីភារកិច្ច និងការទទួលខុសត្រូវរបស់នាយកដ្ឋាន
5- តាមរយៈការលើកស្នើឡើងក្នុងអង្គប្រជុំចំពោះការសុំបន្តអនុវត្តគម្រោងសកម្មភាពសិក្សាផលចាប់ឡូត៍ដាយឆ្នាំ២០២៣-២០២៤ នៅឡូត៍លេខ ១៣ និង១៥ ក្នុងខេត្តកណ្តាល។ ប្រធានអង្គប្រជុំ បានប្រគល់ជូនឯកឧត្តម លឹម ពុយ ដឹកនាំប្រជុំពិភាក្សាបែងចែកការទទួលខុសត្រូវឲ្យបានច្បាស់លាស់ជាមួយនាយកដ្ឋានធនធានធម្មជាតិ និងនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដើម្បីសិក្សាបន្ត ។

ក្រុមការងារបច្ចេកទេសនៃអាជ្ញាធរទន្លេសាប បានបន្តចុះសិក្សាស្រាវជ្រាវពីការប្រើប្រាស់ជីគីមី និងថ្នាំពុលកសិកម្ម ដែលប្រជាកសិករប្រើប្រាស់សម្រាប់ដំណាំស្រូវ ក្នុងភូមិសាស្ត្រឃុំប្រឡាយ ស្រុកស្ទោង ខេត្តកំពង់ធំ

2023-09-28T13:08:04+00:00

ថ្ងៃពុធ ១៦ កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ២៧ ខែកញ្ញា ឆ្នាំ ២០២៣ ក្រុមការងារមន្ត្រីបច្ចេកទេស អាជ្ញាធរទន្លេសាប បានបន្តចុះសិក្សាស្រាវជ្រាវពីការប្រើប្រាស់ជីគីមី និងថ្នាំពុលកសិកម្ម ដែលប្រជាកសិករប្រើប្រាស់សម្រាប់ដំណាំស្រូវ ស្ថិតក្នុងភូមិសាស្ត្រ ឃុំប្រឡាយ ស្រុកស្ទោង ខេត្តកំពង់ធំ។ ការចុះសិក្សានេះក្រុមការងារ៖ បានជួបជាមួយអាជ្ញាធរដែនដី អាជីវករលក់ជីគីមី និងថ្នាំពុលកសិកម្ម និងប្រជាកសិករ។

ការសិក្សានេះ គឺដើម្បីចងក្រងប្រភេទជីគីមី និងថ្នាំពុលកសិកម្ម ដែលបាន និងកំពុងប្រើប្រាស់ក្នុងតំបន់សិក្សា វាយតម្លៃកម្រិត និងបរិមាណប្រើប្រាស់សារធាតុគីមី របស់ប្រជាកសិករ និងសិក្សាបន្ទុកបំពុលនៃសារធាតុគីមីដែលចេញពីការធ្វើស្រែចំការ ដែលសល់នៅក្នុងដី ទឹក និងទឹកក្រោមដី។ ក្នុងការសិក្សានេះដែរ ក្រុមការងារបានចុះធ្វើការសម្ភាសន៍ផ្ទាល់ជាមួយប្រជាកសិករ អាជ្ញាធរ និងអាជីវករប្រកបរបរលក់ជីគីមី និងថ្នាំគីមីនៅក្នុងទីតាំងសិក្សា និងបានប្រមូលសំណាកដី និងទឹកមកធ្វើការវិភាគ នៅមន្ទីរពិសោធន៍ផងដែរ។

ជាមួយនឹងសកម្មភាពនេះដែរក្រុមការងារចុះសិក្សានៅតំបន់ខាងលើ ជាលទ្ធផលបឋមរកឃើញថា:
១. ក្នងតំបន់២ ឃុំប្រឡាយ ប្រជាកសិករធ្វើស្រែប្រាំងបាន ១ដង/ឆ្នាំ ទទួលបានផលបាន ៥តោន/ហ.ត និងប្រើពូជស្រូវ OM៥៤៥១
២. ផ្ទៃដីតំបន់២នៃ ឃុំប្រឡាយ មានជាង៥០០០ហិកតា គឺបានប្រើជីគីមីគ្រាប់ចំនួន ១៥០០តោន/ឆ្នាំ ដែលមានប្រភេទជីគីមីគ្រាប់ដូចជា៖ អ៊ុយរ៉េ ដេអាប៉េ និងអិនប៉េការ សរុបចំនួន ៣០០គក្រ/ហត និងជីទឹកបំប៉ន ៣លីត្រ/ហ.ត។ រួមទាំងថ្នាំកំចាត់ស្មៅ ថ្នាំសម្លាប់សត្វល្អិត និងថ្នាំជំងឺស្រូវ ជាច្រើនទៀត។
៣. ប្រជាកសិករខ្វះចំណេះដឹង និងបច្ចេកទេសក្មុងការប្រើប្រាស់ជីគីមីតាមតម្រូវការរបស់ដំណាំ។ ពួកគាត់ប្រើតាមការតាមគ្នា និងតាមការផ្សព្វផ្សាយ របស់ក្រុមហ៊ុនជីគីមីប៉ុណ្ណោះ។ ការប្រើថ្នាំ និងជីគីមីមិនតាមបច្ចេកទេស របស់ការដាំស្រូវ ធ្វើឲ្យខាតបង់លុយ ខូចគុណភាពដី និងបរិស្ថាន។

៤. កសិករ ចង់បានព័ត៌មានពីគុណភាពដីតើដីរបស់គាត់ត្រូវដាក់ជីប្រភេទអ្វីខ្លះដើម្បីឲ្យត្រូវនឹងតម្រូវការលូតលាស់ របស់ស្រូវ។

សូមជម្រាបជូនថា៖ សកម្មភាពសិក្សាស្រាវជ្រាវពីការប្រើប្រាស់ជីគីមី និងថ្នាំពុលកសិកម្ម ដែលប្រជាកសិករប្រើប្រាស់សម្រាប់ដំណាំស្រូវដែលអនុវត្តនៅភូមិសាស្ត្រ ស្រុកកំពង់ស្វាយ ស្រុកស្ទោង មានគោលបំណង៖
- សិក្សាស្រាវជ្រាវប្រភេទថ្នាំសម្លាប់សត្វល្អិត និងជីគីមី ដែលបាន និងកំពុងប្រើប្រាស់ក្នុងតំបន់សិក្សា
- វាយតម្លៃកម្រិត និងបរិមាណប្រើប្រាស់សារធាតុគីមី របស់ប្រជាកសិករ
- វិភាគលើសារធាតុគីមី និងថ្នាំសម្លាប់សត្វល្អិតមាននៅក្នុងដីស្រែ និងទឹកស្រោចស្រព
- រៀបចំឯកសារសំយោគប្រៀបធៀបការប្រើប្រាស់ជីគីមី និងថ្នាំសម្លាប់សត្វល្អិត ទៅនឹងស្តង់ដារសុវត្ថិភាព
- រៀបចំជាកាតាឡុកប្រភេទជីគីមី និងថ្នាំសម្លាប់សត្វល្អិតដែលមានប្រើប្រាស់ក្នុងតំបន់សិក្សា។

លោក អ៊ុក បញ្ញារិទ្ធ អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមប្រជុំពិគ្រោះយោបល់ថ្នាក់ជាតិ ស្តីពីទិន្នន័យសេដ្ឋកិច្ច-សង្គម យេនឌ័រ និងភាពងាយរងគ្រោះ នៅខេត្តកំពង់ធំ

2023-09-26T16:59:28+00:00

នៅថ្ងៃចន្ទ ១១កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៥ ខែកញ្ញា ឆ្នាំ២០២៣ លោក អ៊ុក បញ្ញារិទ្ធ អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមប្រជុំពិគ្រោះយោបល់ថ្នាក់ជាតិ ស្តីពីទិន្នន័យសេដ្ឋកិច្ច-សង្គម យេនឌ័រ និងភាពងាយរងគ្រោះ ក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា នៅសណ្ឋាគារកំពង់ធំផាលេស ទីរួមខេត្តកំពង់ធំ ។ កិច្ចប្រជ្រុំនេះមានការចូលរួមពីមន្ត្រីពាក់ព័ន្ធចំនួន ១៥រូប (ស្រី ០១រូប) ។

កិច្ចប្រជុំខាងលើនេះមានគោលបំណងសំខាន់ចំនួន ៣ គឺ៖
១. ពិភាក្សាបញ្ជាក់ និងណែនាំអំពីទិន្នន័យ Socio-Economic (SE) និង Gender and Vulnerability (G&V) ដែលអាចមាន។ ឱ្យនិយមន័យអំពីទិន្នន័យ និងចន្លោះខ្វះខាតអំពីទិន្នន័យដែលត្រូវបានប្រមូលដោយ MCs ជាមួយនឹងដំណើរការនៃការរៀបចំ និងធ្វើ Quality Assurance (QA)/ Quality Check (QC) ដើម្បីធ្វើ Dataset និងរបាយការណ៍ចុងក្រោយដែលបានទិន្នន័យពី Socio-Economic (SE) និង Gender and Vulnerability (G&V) ។
២. ស្វែងរកមតិយោបល់ និងការឯកភាពគ្នាលើការធ្វើ Validation និងការឯកភាពលើទិន្នន័យ Socio-Economic (SE) និង Gender and Vulnerability (G&V) ដែលបានបញ្ជូន និងប្រើប្រាស់។ វិធីសាស្ត្រ/ដំណោះស្រាយនៃការប្រមូលផ្តុំទិន្នន័យ/ការវិភាគ លទ្ធផល និងសារសំខាន់ៗនៃវិមតិសង្គម និងសេដ្ឋកិច្ច នៃសេចក្តីព្រាងទី 1 និងទី 2 នៃសេចក្តីព្រាង SOBR ឆ្នាំ 2023 និងសេចក្តីព្រាង Mekong Atlas ដែលបានធ្វើបច្ចុប្បន្នភាព ផែនទី ។
៣. ពិភាក្សាអំពីជំហានបន្ទាប់ និងអនុសាសន៍សម្រាប់ការបំពេញចន្លោះអំពីទិន្នន័យ Socio-Economic (SE) និង Gender and Vulnerability (G&V) ដែលបានកំណត់ជាពិសេស ហើយទិន្នន័យដែលត្រូវការសម្រាប់ធ្វើការវាយតម្លៃយេនឌ័រ និងសង្គមនៅឆ្នាំ 2024 និងអនុសាសន៍សម្រាប់កែលម្អការស្ទង់មតិជាតិ ការប្រមូលទិន្នន័យ និងយន្តការដំណើរការសម្រាប់ការរៀបចំផែនការ និងការសម្រេចចិត្តដែលមានស្រាប់នៅក្នុងប្រទេស ។

ក្រុមការងារ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះសិក្សា និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកដែលអនុវត្តតំបន់នៅបឹងទន្លេសាប ខេត្តកំពង់ធំ

2023-09-26T13:26:03+00:00

នៅថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២២ ខែកញ្ញា ឆ្នាំ២០២៣ ក្រុមការងារ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះសិក្សាស្វែងយល់ និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកនៅបឹងទន្លេសាប ស្រុកបារាយណ៍ ខេត្តកំពង់ធំ ។

ការចុះសិក្សានេះក្រុមការងារ បានជួបជាមួយអាជ្ញាធរដែនដី នៃឃុំបឹង ស្រុកបារាយណ៍ ។

ជាមួយនឹងសកម្មភាពនេះដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលសង្ខេប រកឃើញថា :
១. ទទួលបានស្ថិតិគម្រោងអាទិភាពថ្នាក់ឃុំ និងស្រុក ចំនួន ៣៦ គម្រោងសម្រាប់អនុវត្តក្នុងឆ្នាំ ២០២៤ ហើយនឹងគ្រោងសមាហរណកម្មជាមួយដៃគូនាត្រីមាសទី ៤ ឆ្នាំ២០២៣ ខាងមុខ។
២. ទទួលបានជាការផ្លាស់ប្តូរបទពិសោធន៍ និងទស្សនទានទៅលើការពង្រឹងកិច្ចការងារកៀរគរគម្រោង និងការធ្វើសមាហរណកម្មគម្រោង សម្រាប់ចរចាជាមួយដៃគូម្ចាស់ជំនួយ។
៣. គម្រោងដែលគាំទ្រដោយដៃគូ និងគម្រោងកំពុងអនុវត្តមានការគាំទ្រពីដៃគូម្ចាស់ជំនួយតិចតួចពី ១ឆ្នាំទៅ ១ឆ្នាំ។

សូមជម្រាបជូនថា ៖ សកម្មភាពចុះសិក្សា និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកដែលអនុវត្តនៅតំបន់បឹងទន្លេសាបមានគោលបំណង សិក្សាស្វែងយល់ និងធ្វើបច្ចុប្បន្នភាពគម្រោងថ្នាក់ឃុំ និងស្រុកដែលមាននៅស្រុកបារាយណ៍ ខេត្តកំពង់ធំ សម្រាប់ចងក្រងជាស្ថិតិទៅតាមប្រភេទគម្រោង /វិស័យគម្រោង ជាធាតុចូលដើម្បីរៀបចំផែនការ កម្មវិធី/យុទ្ធសាស្ត្រ និងគោលនយោបាយ ។

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានបន្តចុះសិក្សាស្រាវជ្រាវអំពីជីវៈចម្រុះ និងបរិមាណប្លង់តុង (Plankton) នៅតំបន់បឹងទន្លេសាប ដែលមានទំនាក់ទំនងទៅនឹងការលូតលាស់របស់ប្រភេទត្រីស នៅភូមិសាស្ត្រតំបន់បឹងទន្លេសាប និងដងស្ទឹងសែន ខ

2023-09-25T12:52:12+00:00

នៅថ្ងៃចន្ទ ៤កើត ខែភទ្របទ ដល់ ថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ដល់ ២២ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានធនធានធម្មជាតិ ដឹកនាំដោយលោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ ធ្វើការចុះសិក្សាស្រាវជ្រាវអំពីជីវៈចម្រុះ និងបរិមាណប្លង់តុង (Plankton) នៅតំបន់បឹងទន្លេសាប ដែលមានទំនាក់ទំនងទៅនឹងការលូតលាស់របស់ប្រភេទត្រីស នៅភូមិសាស្ត្រតំបន់បឹងទន្លេសាប និងដងស្ទឹងសែន ស្ថិតក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។
ការចុះសិក្សានេះ ក្រុមការងារស្រាវជ្រាវបានធ្វើការលើ ៖
ទី១. តាមដានលើគុណភាពទឹកបឹងទន្លេសាបដូចជា កម្រិតថ្លា, ជម្រៅទឹក, សីតុណ្ហភាព, ភាពចម្លងចរន្ត, អុកស៊ីសែនរលាយក្នុងទឹក និងសារធាតុ Chlorophyll។
ទី២. ការយកសំណាកទឹកមកពិនិត្យ/វិភាគលើសារធាតុប្លង់តុងសត្វ និងរុក្ខជាតិ។
ទី៣. សិក្សាតាមដាន និងវាយតម្លៃលើការលូតលាស់របស់ប្រភេទត្រីស និងពិនិត្យវាយតម្លៃពីចំនួនប្រភេទត្រី ទៅតាមលក្ខណៈប្រភេទលំនៅដ្ឋានត្រីតាមរយៈប្រភេទឧបករណ៍នេសាទ លប មងរាយ/បណ្តែត ដែលនេសាទក្នុងតំបន់សិក្សា។

ជាមួយនឹងសកម្មភាពក្រុមការងារមន្ត្រីចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
១. គុណភាពទឹកបឹងទន្លេសាប និងទឹកស្ទឹងសែនក្នុងខែកញ្ញាគឺមានគុណភាពល្អ ដោយទឹកមានភាពថ្លាប្រមាណ ១៥ ស.ម ទៅ ២៥ ស.ម ស៊ីតុណ្ណភាពទឹកមានចន្លោះពី ២៩ អង្សារសេ- ៣១ អង្សារសេ ចំណែកអុកស៊ីសែនរលាយក្នុងទឹកមានគ្រប់គ្រាន់លើសពី ៥.២ mgO2/L ។
២. ក្រុមការងារបានយកសំណាកទឹកដើម្បីពិនិត្យមើលសារធាតុប្លង់តុងចំនួន ០២ ទីតាំង គឺ (i) យកសំណាកទឹកនៅក្នុងតំបន់រ៉ាមសារស្ទឹងសែនក្នុងដងស្ទឹងសែន និង(ii) យកសំណាកទឹកនៅចំណុចមាត់បឹងទន្លេសាប(បឹងតូច)។
៣. យកសំណាកត្រីស្ថិតក្នុងលំដាប់ Cypriniformes ចំនួន ៥ ប្រភេទមានដូចជា ត្រីច្រកែង_Puntioplites procto-zysron, ត្រីឆ្កោក_Cyclocheilichthys enoplos ត្រីឆ្ពិនមាស_Hypsibarbus sp, ត្រីខ្នងវែង_ Dangila lineata និងត្រីក្រុសអុចកន្ទុយ_ Osteochilus hasselti ត្រូវបានយកមកវះពោះដើម្បីធ្វើវិភាគពី Stomach_contents របស់ត្រីនីមួយៗ និងបានពិនិត្យវាយតម្លៃលើស្ថានភាពលំនៅដ្ឋានត្រីក្នុងតំបន់សិក្សាផងដែរ។

សូមជម្រាបជូនថា : សកម្មភាពចុះសិក្សាស្រាវជ្រាវអំពីជីវៈចម្រុះ និងបរិមាណប្លង់តុង (Plankton) នៅតំបន់បឹងទន្លេសាប ដែលមានទំនាក់ទំនងទៅនឹងការលូតលាស់របស់ប្រភេទត្រីស នៅភូមិសាស្ត្រតំបន់បឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប ។
សកម្មភាពខាងលើនេះ មានគោលបំណង ៖
- វាយតម្លៃពីប្រភេទប្លង់តុងសត្វ និងរុក្ខជាតិដែលមាននៅក្នុងទឹកបឹងទន្លេសាប និងតំបន់ពាក់ព័ន្ធ។
- តាមដានការលូតលាស់ប្រភេទត្រីស(Cyprinidea) ចាប់ពីទើបបង្កកំណើតរហូតដល់ក្លាយជាត្រីមេបា។
- ធ្វើការវាយតម្លៃ និងផលប៉ះពាល់សម្រាប់ពពួកជីវៈចម្រុះក្នុងតំបន់សិក្សា។
- ប្រមូល ចងក្រងព័ត៌មាន ទិន្នន័យបឋមលើប្រភេទប្លង់តុងនៅតាមទីតាំងចុះសិក្សា សម្រាប់ចងក្រងជាឯកសារមូលដ្ឋាន លើការសិក្សាតាមដានជីវៈចម្រុះក្នុងតំបន់ទន្លេសាប។

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានបន្តចុះសិក្សាស្រាវជ្រាវអំពីជីវៈចម្រុះ និងបរិមាណប្លង់តុង (Plankton) នៅតំបន់បឹងទន្លេសាប ដែលមានទំនាក់ទំនងទៅនឹងការលូតលាស់របស់ប្រភេទត្រីស នៅភូមិសាស្ត្រតំបន់បឹងទន្លេសាប និងដងស្ទឹងសែន ខ

2023-09-25T12:52:12+00:00

ក្រុមប្រតិភូអាជ្ញាធរទន្លេសាប ចុះត្រួតពិនិត្យ និងស្វែងយល់ពីស្ថានភាពទូទៅបឹងទន្លេសាបនៅរដូវទឹកដំឡើង ក្នុងរដូវហាមឃាត់ការនេសាទ តាមបណ្តាឃុំនៅក្នុងស្រុកក្រគរ និងស្រុកកណ្តៀង ខេត្តពោធិ៍សាត់

2023-09-24T14:05:16+00:00

បន្ទាប់ពីទទួលបានការណែនាំដ៏ខ្ពង់ខ្ពស់បំផុតរបស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នៅថ្ងៃសៅរ៍ ៩កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ខែកញ្ញា ឆ្នាំ ២០២៣ ក្រុមមន្ត្រីប្រតិភូ ដឹកនាំដោយឯកឧត្តម ហ៊ែល តូនី អនុប្រធានក្តាប់រួម អមដោយ ឯកឧត្តម សរ គឹមសាន្ត អគ្គលេខាធិការ លោក វិន ប៊ុនពៅ ប្រធាននាយកដ្ឋានធនធានធម្មជាតិ រួមជាមួយមន្ត្រីជំនាញក្រោមឱវាទអាជ្ញាធរទន្លេសាប បានចុះពិនិត្យស្ថានភាពដីតំបន់ ៣ (ព្រៃលិចទឹក, បង្គោល) និងស្វែងយល់ពីស្ថានភាពទូទៅនៃបឹងទន្លេសាបនៅរដូវទឹកដំឡើងក្នុងរដូវហាមឃាត់ការនេសាទ ស្ថិតនៅឃុំកំពង់លួង, ឃុំកំពង់ពោធិ៍ ស្រុកក្រគរ និងឃុំកញ្ជរ, ឃុំរាំងទិល ស្រុកកណ្តៀង ខេត្តពោធិ៍សាត់ ។
ក្នុងដំណើរចុះបេសកកម្ម ក្រុមមន្ត្រីប្រតិភូ របស់អាជ្ញាធរទន្លេសាប បានផ្តោតលើ ៖
- ទី១ ពិនិត្យស្ថានភាពកម្រិតទឹកបឹងទន្លេសាប និងវាលទំនាបព្រៃលិចទឹក
- ទី២ ពិនិត្យស្ថានភាពដែនព្រៃលិចទឹកក្នុងតំបន់ ៣ និងតំបន់បានកាត់ឆ្វៀលចេញទុកសម្រាប់លំនៅដ្ឋាន និងអាស្រ័យផលរបស់ប្រជាពលរដ្ឋ
- ទី៣ ពិនិត្យស្ថានភាពលើផ្ទៃទឹកបឹងក្នុងរដូវហាមឃាត់
- ទី៤ ពិភាក្សាជាមួយអាជ្ញាធរដែនដី និងសហគមន៍ អំពីជីវភាពរស់នៅរបស់ប្រជាពលរដ្ឋពឹងអាស្រ័យនឹងធនធានបឹងទន្លេសាប រួមជាមួយបញ្ហាប្រឈម តម្រូវការ លើដំណោះស្រាយនៃការដាក់ចេញគោលនយោបាយរាជរដ្ឋាភិបាល ក្នុងការកាត់ឆ្វៀលដីទុកជូនជាលំនៅដ្ឋាន តំបន់អាស្រ័យផល និងតំបន់ការពារ ក្នុងតំបន់ទន្លេសាប ។

ជាមួយនឹងសកម្មភាពចុះរបស់ក្រុមមន្ត្រីប្រតិភូ របស់អាជ្ញាធរទន្លេសាប នៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី ១/. ទឹកបានបន្តឡើងលិចតំបន់ព្រៃលិចទឹក (តំបន់ ៣) ប្រមាណជា ៥០% ទៅ ៦០% បើធៀបនឹងខែកញ្ញា ឆ្នាំ ២០២២ នៅមានកម្រិតទាបជាង ១,១២ មែត្រ និងទាបជាង ឆ្នាំ២០២១ ចំនួន: ៤,៤ មែត្រ ។
ទី ២/. អាជ្ញាធរ ឃុំកំពង់ពោធិ៍ ឃុំកញ្ជរ សហគមន៍ និងប្រជាពលរដ្ឋ ដែលបាននិងកំពុងតាំងទីលំនៅ និងអាស្រ័យផលក្នុងតំបន់ហាមឃាត់ (តំបន់ ៣) បានសាទរ និងថ្លែងអំណរគុណដល់រាជរដ្ឋាភិបាល ដែលបានគិតគូរកាត់ឆ្វៀលជូនពួកគាត់ ។
ទី ៣/. តាមរយៈការជួបពិភាក្សាជាមួយអាជ្ញាធរឃុំ និងសហគមន៍ទេសចរ ការបង្កផលប៉ះពាល់មកលើធនធានបឹងទន្លេសាប ហេដ្ឋារចនាសម្ព័ន្ធមូលដ្ឋាន និងចរន្តទេសចរ បណ្តាលមកពីភាពអនាធិបតេយ្យការធ្វើអាជីវកម្មធនធានជលផល និងការដឹកជញ្ជូនហួសកម្រិត ជាពិសេស ខ្យង ក្តាម លៀស ក្នុងឃុំកំពង់លួង ។
ទី ៤/. ចំពោះទិដ្ឋភាពដីនៅក្រោមបង្គោលព្រំតំបន់ ៣ ក្នុងស្រុកក្រគរ ក៏នៅតែមានប្រជាពលរដ្ឋបន្តអាស្រ័យផល ក្នុងតំបន់មួយចំនួន ។ បើទោះបីជា អាជ្ញាធរមូលដ្ឋាន បានណែនាំដល់ប្រជាពលរដ្ឋកុំឲ្យបន្តរានដីព្រៃ និងដាំដុះបន្តទៀត ។
ទី ៥/. ជីវភាពរស់នៅរបស់ប្រជាពលរដ្ឋ ពឹងអាស្រ័យផ្ទាល់នឹងរបរនេសាទជាចម្បង និងការអាស្រ័យផលបន្តិចបន្តួច ។ ដោយសារជារដូវហាមឃាត់នេសាទ ហើយធនធានជលផលមានការធ្លាក់ចុះ ការនេសាទលក្ខណៈគ្រួសារ ជួបការលំបាកជីវភាព ដែលបង្ខំអោយគ្រួសារភាគច្រើនធ្វើចំណាកស្រុក ។

ជាមួយសកម្មភាពជួបពិភាក្សាជាមួយអាជ្ញាធរដែនដី និងសហគមន៍ ក៏បានលើកឡើងនូវបញ្ហាប្រឈម និងសំណូមពរមួយចំនួនដើម្បីឲ្យក្រុមប្រតិភូរបស់អាជ្ញាធរទន្លេសាប ជួយសម្របសម្រួលជាមួយក្រសួងស្ថាប័នជំនាញពាក់ពន្ធ័ជួយដោះស្រាយ និងបន្តទប់ស្កាត់ចាត់វិធានការអោយបានមុឺងម៉ាត់ចំពោះភាពអនាធិបតេយ្យទាំងការធ្វើអាជីវកម្មធនធានជលផលហួសកម្រិត, ការរំលោភបំពានដីព្រៃលិចទឹក ។ ក្នុងនោះ ស្នើសុំឲ្យមានការបោះបង្គោលព្រំ ឲ្យបានឆាប់ក្នុងតំបន់បានកំណត់កាត់ឆ្វៀល និងសុំជួយគាំទ្រគាំពារបរិស្ថាន (បង្គន់អនាម័យ, សំរាម, ការដាំព្រៃលិចទឹក) និងការផ្គត់ផ្គង់ទឹកស្អាតភូមិបណ្តែតទឹក ។

សូមជម្រាបជូនថា ៖ អាជ្ញាធរទន្លេសាប គឺជាសេនាធិការផ្ទាល់របស់រាជរដ្ឋាភិបាល ដែលបានកំណត់បេសកកម្មការងារច្បាស់លាស់នៅក្នុងបទដ្ឋានគតិយុត្តិ នៃការបង្កើតអាជ្ញាធរទន្លេសាប ក្នុងការសម្របសម្រួល សម្រាប់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ឲ្យប្រកបដោយនិរន្តរភាព ។ ការចុះពិនិត្យ និងស្វែងយល់អំពីស្ថានភាពទូទៅនៃបឹងទន្លេសាបរបស់ថ្នាក់ដឹកនាំ និងមន្ត្រីជំនាញរបស់អាជ្ញាធរទន្លេសាប គឺធ្វើស្របទៅនឹងតួនាទីភារកិច្ច និងការទទួលខុសត្រូវ ក្នុងការសិក្សាស្រាវជ្រាវ តាមដានត្រួតពិនិត្យ និងវាយតម្លៃលើការអនុវត្តគម្រោងនានា និងផ្តល់អនុសាសន៍ជូនរាជរដ្ឋាភិបាល ។ ជាពិសេស ការចូលរួមលើកកម្ពស់ប្រសិទ្ធភាពដល់ការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាល ក្នុងនីតិកាលទី ៧ នៃរដ្ឋសភា ។

លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ បន្តចុះសិក្សាស្វែងយល់ពិគ្រោះយោបល់ប្រាស្រ័យទាក់ទង និងចែករំលែកការ យល់ដឹងជាមួយ Environmental Think Tanks និងសម្របសម្រួលទំនាក់ទំនងបណ្តាញការងារThink Tanks នៅខេត្តពោធិ៍សាត់

2023-09-23T20:37:55+00:00

នៅថ្ងៃអង្គារ ៥កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៩ ខែកញ្ញា ឆ្នាំ២០២៣ មន្ត្រីនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក លឹម ហេង អនុប្រធាននាយកដ្ឋាន បានបន្តចុះសិក្សាស្វែងយល់ពិគ្រោះយោបល់ប្រាស្រ័យទាក់ទង និងចែករំលែកការយល់ដឹងជាមួយ Environmental Think Tanks និងសម្រប សម្រួលទំនាក់ទំនងបណ្តាញការងារ Think Tanks ស្ថិតនៅក្នុងឃុំស្រែស្តុក ស្រុកកណ្តៀង និងឃុំកំពង់ពោធិ៍ ស្រុកក្រគរ ខេត្តពោធិ៍សាត់ ។
ការសិក្សានេះ ក្រុមការងារស្រាវជ្រាវបាន៖
ទី ១. ជួបជាមួយអាជ្ញាធរដែនដី និងសហគមន៍នេសាទមាត់ព្រៃ និងសហគមន៍ធ្លាអំពិល-ថ្មី
ទី ២. ជួបសម្ភាសន៍ជាមួយប្រជាពលរដ្ឋ ពីស្ថានភាពទូទៅពាក់ព័ន្ធនឹងជីវភាពរស់នៅ និងធនធាននៅក្នុងតំបន់។
ជាមួយនឹងសកម្មភាពនេះដែរ ការសិក្សានៅតំបន់ពាក់ព័ន្ធខាងលើ ទទួលបានលទ្ធផល ដូចខាងក្រោម៖

ទី១.ស្ថានភាពទូទៅ
- សហគមន៍នេសាទមាត់ព្រៃ មានទំហំផ្ទៃដីអភិរក្សព្រៃលិចទឹក ប្រមាណ ៤៨៤ ហ.ត ។ ព្រៃលិចទឹកមានការបាត់បង់ប្រមាណជា ៤ទៅ ៥ ហ.ត ដោយសារភ្លើងឆេះ នៅឆ្នាំ២០១៦ ។
- សហគមន៍ធ្លាអំពិល-ថ្មី សព្វថ្ងៃនេះមិនមានសកម្មភាពនោះទេ ដោយសារបឹងព្រះស្តេច ដែលជាបឹងអភិរក្សរបស់ខ្លួនបានគោករាក់អស់ទៅហើយ ។ សហគមន៍កំពុងពិចារណា ស្នើសុំ បឹងបាក់ក្រជីង ទំហំ ៧ហ.ត ដើម្បីធ្វើជាបឹងអភិរក្សជំនួសវិញ ។
ទី២. មុខរបរសំខាន់ៗរបស់ប្រជាពលរដ្ឋក្នុងតំបន់សិក្សារួមមាន ៖ ធ្វើស្រែវស្សា- ស្រែប្រាំងប្រមាណ ៨០%, ក្រៅពីនេះជាអ្នកលក់ដូរ, នេសាទនៅរដូវទឹកដំឡើង, ចំណាកស្រុក ធ្វើសំណង់, រោងចក្រកាត់ដេរ និងចិញ្ចឹមសត្វគោ ក្របី មាន់ ទា ជាដើម ។
ទី៣. សហគមន៍បានទទួលការចូលរួមពីដៃគូមួយចំនួន ក្នុងកិច្ចការការពារ អភិរក្សធនធានធម្មជាតិរួមមាន ៖ រដ្ឋបាលជលផល ធនាគារអភិវឌ្ឍន៍អាសុី ADB, អង្គការអភិវឌ្ឍន៍នារីខ្មែរ និងអង្គការ មិត្តជនបទ, អង្គការស្តារកម្ពុជា ដោយផ្តោតសំខាន់លើសកម្មភាពចុះល្បាតប្រចាំខែ ការបោះបង្គោលព្រំដែនការពារ ដាំកូនព្រៃលិចទឹក ។
ទី៤. ធនធានត្រីថយចុះ បើប្រៀបធៀបនឹង ៤-៥ឆ្នាំចុងក្រោយនេះ ដោយសារ ការប្រើជី ថ្នាំកសិកម្ម ការបាត់បង់ព្រៃលិចទឹក, បទល្មើសប្រើប្រាស់ឧបករណ៍ខុសច្បាប់ និងការបូមទឹកច្រើនធ្វើស្រែប្រាំងហួសកម្រិត ។

សូមជម្រាបជូនថា : សកម្មភាពសិក្សាស្វែងយល់ពិគ្រោះយោបល់ ប្រាស្រ័យទាក់ទង និងចែករំលែកការយល់ដឹងជាមួយ Environmental Think Tanks និងសម្របសម្រួលទំនាក់ ទំនងបណ្តាញការងារ Think Tanks ។
មានគោលបំណងដើម្បី :
- ពិគ្រោះយោបល់ និងសិក្សាស្វែងយល់ ដើម្បីប្រមូលចងក្រងរាល់ព័ត៌មានទិន្នន័យ ដែលពាក់ព័ន្ធនឹងការគ្រប់គ្រង អភិរក្ស និងអភិវឌ្ឍន៍ធនធានកម្របឹងទន្លេសាប ។
- ចែករំលែកការយល់ដឹងពីហេតុផលប៉ះពាល់ និងការផ្តួចផ្តើមគំនិតក្នុងការការពារធនធានកម្រនៃបឹងទន្លេសាប ។
- ចងក្រងបណ្តាញទំនាក់ទំនងជាមួយ Environmental Think Tanks ក្នុងកិច្ចសហប្រតិបត្តិ ការចែករំលែកព័ត៌មានទិន្នន័យក្នុងការចូលរួមដល់ការគ្រប់គ្រង អភិរក្ស និងអភិ វឌ្ឍន៍ធនធានកម្របឹងទន្លេសាប ។

លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ បន្តចុះសិក្សាស្វែងយល់ពិគ្រោះយោបល់ប្រាស្រ័យទាក់ទង និងចែករំលែកការ យល់ដឹងជាមួយ Environmental Think Tanks និងសម្របសម្រួលទំនាក់ទំនងបណ្តាញការងារThink Tanks នៅខេត្តពោធិ៍សាត់

2023-09-23T20:37:55+00:00

លោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវអំពី ការកែច្នៃធនធានជលផល និងចរន្តអាជីវកម្មនៅខេត្តបន្ទាយ

2023-09-22T15:19:51+00:00

នៅថ្ងៃចន្ទ ៤កើត ដល់ថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៨ ដល់ថ្ងៃទី ២២ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាការកែច្នៃធនធានជលផល និងចរន្តអាជីវកម្ម នៅខេត្តបន្ទាយមានជ័យ។ ការចុះសិក្សានេះក្រុមការងារស្រាវជ្រាវបានជួបសម្ភាសន៍ជាមួយពាណិជ្ជករ អាជីវករ និងអ្នកកែច្នៃត្រី។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលបឋមរកឃើញថា ៖ ទី១. នៅរដូវបិទនេសាទនេះខេត្តបន្ទាយមានជ័យមានការច្នៃត្រីងៀត និងត្រីហើម ដោយបានប្រើប្រាស់បរិមាណត្រីស្រស់អស់ប្រមាណ ១០២,៦០០ គ.ក្រ។ ចំពោះការច្នៃដទៃទៀតដូចជា ប្រហុក ផ្អក និងត្រីឆ្អើរ… ប្រជាជនតែងតែធ្វើការច្នៃចាប់ពីខែតុលា ដល់ខែកុម្ភះ។
ទី២. ប្រភពត្រីសម្រាប់ផ្គត់ផ្គង់ការកែច្នៃ គឺមានប្រភពមកពីប្រទេសថៃ និងប្រទេសវៀតណាម ការធ្វើវារីវប្បកម្មក្នុងស្រុក (ត្រីរ៉ស់ ត្រីប្រា ត្រីពោរ ត្រីកន្ធរ) និងត្រីបឹងទន្លេសាប។
ទី៣. ចំពោះការកែច្នៃត្រីជាលក្ខណៈគ្រួសារមិនមានបច្ចេកទេសកែច្នៃត្រឹមត្រូវតាមស្រង់ដានោះទេ (លើផ្នែកអនាម័យ ដូចជា ទីតាំងកែច្នៃ ទឹកប្រើប្រាស់ កន្លែងទុកដាក់ផលិតផលសម្រេច)។
ទី៤. ត្រីធម្មជាតិនៅបឹងទន្លេសាបមិនអាចបំពេញតម្រូវការបានទេ ពោលគឺពឹងផ្អែកលើត្រីនាំចូលពីក្រៅប្រទេស។

សូមជម្រាបជូនថា ៖ សកម្មភាពការកែច្នៃធនធានជលផល និងចរន្តអាជីវកម្មនៅខេត្តបន្ទាយមានជ័យ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។សកម្មភាពខាងលើនេះ មានគោលបំណង៖
- តាមដានបរិមាណត្រីស្រស់ ប្រភេទនៃការកែច្នៃ និងបច្ចេកទេសនៃការកែច្នៃតាមប្រភេទនីមួយៗ
- សិក្សាការវិវត្តន៍នៃទីផ្សារតាមតំបន់នីមួយៗ។

លោកស្រី ប្រាក់ ចាន់វឌ្ឍនា អនុប្រធាននាយកដ្ឋាន និងក្រុមការងារការិយាល័យកសិកម្មចម្រុះ នៃនាយកដ្ឋានធនធានធម្មជាតិ បានបន្តចុះសិក្សាស្រាវជ្រាវ តាមដាន ការវិវត្តន៍ នៃគុណភាពដីលើដំណាំស្រូវនៅតំបន់ប្រព័ន្ធ ធារាសាស្ត្រអង្គគោក្នុងផ្ទៃរងទឹកភ្ល

2023-09-22T13:40:21+00:00

នៅថ្ងៃចន្ទ ៤កើត ខែភទ្របទ ដល់ ថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ដល់ ២២ ខែកញ្ញា ឆ្នាំ២០២៣ ក្រុមការងារនាយកដ្ឋានធនធានធម្មជាតិ ដឹកនាំដោយ លោកស្រី ប្រាក់ ចាន់វឌ្ឍនា អនុប្រធាននាយកដ្ឋាន បានចុះសិក្សាស្រាវជ្រាវ តាមដានការវិវត្តន៍ នៃគុណភាពដីលើដំណាំស្រូវនៅតំបន់ប្រព័ន្ធធារាសាស្ត្រអង្គគោក្នុងផ្ទៃរងទឹកភ្លៀងអាងស្ទឹងសែន ខេត្តកំពង់ធំ។

ការចុះសិក្សានេះ ក្រុមការងារ បានធ្វើលើ ៖
ទី ១. ជួបពិភាក្សាជាមួយប្រធានសហគមន៍កសិករប្រើប្រាស់ទឹកប្រព័ន្ធធារាសាស្ត្រអង្គគោ ស្តីពីស្ថានភាពការធ្វើស្រែនៅរដូវទី 2 (ស្រូវប្រថុយទឹក)ដែលចាប់ផ្តើមធ្វើពីពាក់កណ្តាលខែមេសា និងប្រមូលផលនៅចុងខែសីហា ឆ្នាំ 2023
ទី ២. ជួបពិភាក្សាជាមួយកសិករដែលបានសហការក្នុងការសិក្សានេះ ស្តីពីស្ថានភាពដីស្រែ និងស្ថានភាពការធ្វើស្រែរបស់ពួកគាត់
ទី ៣. ខួងយកសំណាកដីនៃដីស្រែដើម្បីយកទៅវិភាគគុណភាពដីនៅមន្ទីរពិសោធន៍គុណភាពដី

ចុះសិក្សានៅតំបន់ពាក់ព័ន្ធខាងលើជាលទ្ធផលឃើញថា ៖
ទី ១. ស្ថានភាពការធ្វើស្រែនៅរដូវទី 2 ឆ្នាំ 2023 ការច្រូតកាត់ប្រមូលផលស្រូវ(ពូជស្រូវ OM ៥៤៥១)៖ ទាបបំផុត4តោន/ha មធ្យម 5តោន/ha និងខ្ពស់បំផុត 6តោន/ha
ទី ២. តម្លៃស្រូវសើម៖ ពូជ OM៥៤៥១ (ពូជនាំចូលពីប្រទេសវៀតណាម) នៅដើមរដូវប្រមូលផលលក់បាន 1020 រៀល/Kg និងចុងរដូវប្រមូលផល តម្លៃពី 1250 រៀល-1300 រៀល/Kនិងពូជសែនក្រអូប(ពូជក្នុងស្រុក)៖ តម្លៃ 1200-1300 រៀល/Kg ។

សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដាន ការវិវត្តន៍ នៃគុណភាពដីលើដំណាំស្រូវនៅតំបន់ប្រព័ន្ធធារាសាស្ត្រអង្គគោក្នុងផ្ទៃរងទឹកភ្លៀងអាងស្ទឹងសែន គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប។

សកម្មភាពខាងលើនេះ មានគោលបំណង៖
- ចងក្រងជាប្រព័ន្ធទិន្នន័យមូលដ្ឋាន លើស្ថានភាពគុណភាពដីដំណាំស្រូវសម្រាប់ជាទិន្នន័យក្នុងការស្រាវជ្រាវ តាមដាន អំពីការវិវត្តន៍ នៃស្ថានភាពគុណភាពដីដែលទាក់ទងនឹងការអនុវត្តលើការដាំដុះ
- ចងក្រងជាប្រព័ន្ធទិន្នន័យមូលដ្ឋានលើបច្ចេកទេសក្នុងការដាំដុះដំណាំស្រូវ សម្រាប់ជាទិន្នន័យក្នុងការស្រាវជ្រាវ តាមដានអំពីបម្រែបម្រួលលើការដាំដុះ។

លោក លឹម វុទ្ធី អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងក្រុមការងារ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្សបានបន្ត ចុះធ្វើបច្ចុប្បន្នភាពបញ្ជីសារពើភ័ណ្ឌឧបករណ៍នេសាទនៅក្នុងភូមិសាស្ត្រ តំបន់បឹងទន្លេសាប ក្នុង

2023-09-21T20:17:04+00:00

នៅថ្ងៃចន្ទ ៤កើត ខែភទ្របទ ដល់ ថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ដល់ ២២ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំ ដោយ លោក លឹម វុទ្ធី អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះធ្វើបច្ចុប្បន្នភាពបញ្ជីសារពើភ័ណ្ឌឧបករណ៍ នេសាទ នៅក្នុងតំបន់បឹងទន្លេសាបក្នុងភូមិសាស្ត្រខេត្តសៀមរាប។ ការចុះសិក្សានេះ ក្រុមការងារបានធ្វើលើ ៖
១. ជួបជាមួយអាជ្ញាធរដែនដី និងជំនាញ ជលផលដើម្បីពិភាក្សាស្វែងយល់អំពីឧបករណ៍នេសាទ
២. សម្ភាសន៍អ្នកនេសាទនៅតាមតំបន់សិក្សា ដើម្បីយកព័ត៌មានពីឧបករណ៍នេសាទ។

ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើជាលទ្ធផលឃើញថា ៖
១. រកឃើញឧបករណ៍នេសាទសរុបចំនួន ១៦ ប្រភេទ ក្នុងនោះឧបករណ៍នេសាទលក្ខណៈគ្រួសារមានចំនួន ០៩ ប្រភេទ និងឧបករណ៍នេសាទខុសច្បាប់មានចំនួន ០៧ ប្រភេទ
២. ឧបករណ៍នេសាទដែលបើប្រាស់ច្រើនជាងគេក្នុងខែកញ្ញានេះមានដូចជាសៃយ៉ឺន មងរាយ សំណាញ់ កន្សុំ សន្ទូចរនង និងឧបករណ៍បរណរ៉ាវ

សូមជម្រាបជូនថាៈ សកម្មភាពចុះធ្វើបច្ចុប្បន្នភាពបញ្ជីសារពើភ័ណ្ឌឧបករណ៍នេសាទបឹងទន្លេសាបនៅក្នុងភូមិសាស្ត្រតំបន់បឹងទន្លេសាបក្នុងខេត្តសៀមរាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប។

សកម្មភាពខាងលើនេះ មានគោលបំណង៖
-ពិពណ៌នា ស្វែងយល់ និងធ្វើបច្ចុប្បន្នភាពបញ្ជីសារពើភ័ណ្ឌឧបករណ៍ នេសាទក្នុងតំបន់ទន្លេសាប
-ធ្វើជាសៀវភៅរូបភាព (Catalogue) ឧបករណ៍នេសាទ ។

អបអរសាទរការដាក់បញ្ចូលរមណីយដ្ឋានបុរាណវិទ្យា កោះកេរ ជាសម្បត្តិបេតិកភណ្ឌពិភពលោក របស់អង្គការយូណេស្កូ (UNESCO)

2023-09-20T10:43:06+00:00

ថ្ងៃអាទិត្យ ៣កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៧ ខែកញ្ញា ឆ្នាំ២០២៣ នៃពិធីអបអរសាទរការដាក់បញ្ចូលរមណីយដ្ឋានបុរាណវិទ្យា កោះកេរ ជាសម្បត្តិបេតិកភណ្ឌពិភពលោក របស់អង្គការយូណេស្កូ (UNESCO)។
យើងខ្ញុំជាថ្នាក់ដឹកនាំ និងមន្ត្រីរាជការបម្រើការងារនៅ អាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា និងនាយកដ្ឋានជលសាស្ត្រ ក្រោមឱវាទក្រសួងធនធានទឹក និងឧតុនិយម សូមអបអរសាទរ រមណីយដ្ឋានបុរាណវិទ្យា កោះកេរ ត្រូវបានដាក់បញ្ចូលជាសម្បត្តិបេតិកភណ្ឌពិភពលោករបស់អង្គការយូណេស្កូ (UNESCO) នាថ្ងៃទី ១៧ ខែកញ្ញា ឆ្នាំ២០២៣ ដែលបានប្រព្រឹត្តជាសាកល នៅទីក្រុងរីយ៉ាដ ប្រទេសអារ៉ាប៊ីសាអូឌីត។

អបអរសាទរការដាក់បញ្ចូលរមណីយដ្ឋានបុរាណវិទ្យា កោះកេរ ជាសម្បត្តិបេតិកភណ្ឌពិភពលោក របស់អង្គការយូណេស្កូ (UNESCO)

2023-09-20T10:43:06+00:00

កិច្ចប្រជុំពិនិត្យលើវឌ្ឍនភាពអនុវត្តគម្រោងសហប្រតិបត្តិការចំនួន ៣ ដែលបាន និងកំពុងអនុវត្តដោយអាជ្ញាធរទន្លេសាប

2023-09-18T20:18:44+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ។ព្រឹកថ្ងៃច័ន្ទ ៤កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៨ ខែកញ្ញា ឆ្នាំ ២០២៣ អាជ្ញាធរទន្លេសាប បានរៀបចំកិច្ចប្រជុំពិនិត្យលើវឌ្ឍនភាពអនុវត្តគម្រោងចំនួន ៣ ដែលបាន និងកំពុងអនុវត្តដោយអាជ្ញាធរទន្លេសាបក្រោមកិច្ចសហប្រតិបត្តិការពីដៃគូអភិវឌ្ឍន៍ និងទស្សនៈទានការងារពង្រឹងអាជ្ញាធរទន្លេសាប ក្រោមអធិបតីភាពឯកឧត្តម ប៊ុន ហ៊ាន រដ្ឋលេខាធិការ ក្រសួងធនធានទឹក និងឧតុនិយម ដែលទទួលជួយឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ក្នុងការសម្របសម្រួលកិច្ចការ អាជ្ញាធរទន្លេសាប ។
+ កិច្ចប្រជុំនេះ មានការចូលរួមពីឯកឧត្តមអនុប្រធាន អគ្គលេខាធិការ អគ្គលេខាធិការរង ប្រធាន អនុប្រធាននាយកដ្ឋាន ប្រធាន អនុប្រធានការិយាល័យ មន្ត្រី និងមន្ត្រីកិច្ចសន្យាក្រោមឱវាទអគ្គលេខាធិការដ្ឋានអាជ្ញាធរទន្លេសាប សរុបចំនួន ៧០ នាក់ ។
+ ក្រោយពីស្តាប់សេចក្តីរាយការណ៍សង្ខេបការងាររួមកន្លងមក របស់ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អង្គប្រជុំក៏បានធ្វើបទបង្ហាញ ស្តីពីវឌ្ឍនភាព និងលទ្ធផល នៃការអនុវត្តគម្រោងសហប្រតិបត្តិការទាំង ៣ របស់ប្រធានគម្រោង រួមមាន ៖ (1). គម្រោងការតាមដានផលចាប់នៅខេត្តជុំវិញបឹងទន្លេសាប បង្ហាញដោយ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស (2). គម្រោងការគ្រប់គ្រងធនធានទឹកចម្រុះអាងស្ទឹងសែន បង្ហាញដោយ ឯកឧត្តម លឹម ពុយ អនុប្រធាន អាជ្ញាធរទន្លេសាប (3). គម្រោងសិក្សាគំរូបច្ចេកវិទ្យា សង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាបកម្ពុជា បង្ហាញដោយ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងចុងក្រោយ (4). ទស្សនៈទានពង្រឹងការងារ អាជ្ញាធរទន្លេសាប បង្ហាញដោយ ឯកឧត្តម ហ៊ែល តូនី អនុប្រធានក្តាប់រួម នៃអាជ្ញាធរទន្លេសាប ។
+ បន្ទាប់ពីស្តាប់បទបង្ហាញខាងលើ អង្គប្រជុំបានពិនិត្យ និងពិភាក្សាការងារគ្នាយ៉ាងយកចិត្តទុកដាក់ក្នុងការចូលរួម លើកកម្ពស់ប្រសិទ្ធភាពការងារអង្គភាព និងបានឯកភាពគ្នាដូចខាងក្រោម ៖
1- ត្រូវពិនិត្យ និងកែសម្រួលសេចក្តីសម្រេចសមាសភាពក្រុមការងារអនុវត្តគម្រោងឡើងវិញ ដើម្បីស្នើសុំការសម្រេច និងអនុម័តដ៏ខ្ពង់ខ្ពស់បំផុតពីឯកឧត្តមប្រធាន អាជ្ញាធរទន្លេសាប ចំពោះគម្រោងកំពុងតែបន្តអនុវត្ត ករណីដូចជា ៖ គម្រោងគ្រប់គ្រងធនធានទឹកចម្រុះអាងស្ទឹងសែន និងគម្រោងការតាមដានផលចាប់នៅខេត្តជុំវិញបឹងទន្លេសាប (MRCs)
2- គម្រោងដែលបានបញ្ចប់ការគាំទ្រពីដៃគូ ត្រូវពិនិត្យរៀបចំយន្តការការងារជាថ្មីក្នុងការថែទាំ ដើម្បីឲ្យគម្រោងមាននិរន្តរភាព ដោយត្រៀមបញ្ចូលទៅក្នុងផែនការសកម្មភាពប្រចាំឆ្នាំរបស់អង្គភាព ក្នុងការស្វែងរកថវិកាគាំទ្របន្ត
3- ត្រូវបន្តពិនិត្យ និងរៀបចំការងារបន្តលើការងារព្រំតំបន់ 2 និងតំបន់ 3 បន្ទាប់ពីការកាត់ឆ្វៀល
4- ត្រូវបន្តពង្រឹងការងារស្នូល និងលើកកម្ពស់ប្រសិទ្ធភាព និងប្រសិទ្ធផលការងារអាជ្ញាធរទន្លេសាប ស្របតាមទស្សនៈទានការងារ ដែលបានកំណត់ ដោយឈរលើអភិបាលកិច្ច និងសុខដុមនីយកម្ម ។

លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ បន្តចុះសិក្សាស្វែងយល់ពីនិរន្តរភាពសហគមន៍ជុំវិញបឹងទន្លេសាបជាមួយគោលដៅអភិវឌ្ឍន៍ប្រកបដោយចីរភាព នៅខេត្តកំពង់ធំ

2023-09-16T16:35:25+00:00

ខេត្តកំពង់ធំ : នៅថ្ងៃពុធ ១៣រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៣ ខែកញ្ញា ឆ្នាំ២០២៣ មន្ត្រីនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក លឹម ហេង អនុប្រធាននាយកដ្ឋាន បានបន្តចុះសិក្សាស្វែងយល់ពីនិរន្តរភាពសហគមន៍ជុំវិញបឹងទន្លេសាបជាមួយគោលដៅអភិវឌ្ឍន៍ប្រកបដោយចីរភាព ស្ថិតនៅក្នុងឃុំត្រពាំងឬស្សី និងឃុំសាន់គ ស្រុកកំពង់ស្វាយ ខេត្តកំពង់ធំ ។

ការសិក្សានេះ ក្រុមការងារស្រាវជ្រាវបាន៖
ទី ១/. ជួបជាមួយអាជ្ញាធរដែនដី និងសហគមន៍នេសាទ
ទី ២/. ជួបសម្ភាសន៍ជាមួយប្រជាពលរដ្ឋ ពីស្ថានភាពទូទៅពាក់ព័ន្ធនឹងជីវភាពរស់នៅ និងធនធាននៅក្នុងតំបន់។

ជាមួយនឹងសកម្មភាពនេះដែរ ការសិក្សានៅតំបន់ពាក់ព័ន្ធខាងលើ ទទួលបានលទ្ធផល ដូចខាងក្រោម៖
ទី១/.ស្ថានភាពទូទៅក្នុងដែនអភិរក្សរបស់សហគមន៍នេសាទសាមគ្គីអភិវឌ្ឍន៍បឹងស្ពង់ សហគមន៍មានផ្ទៃដីអភិរក្សសរុប ៥៧៥ហ.ត ដែលមានទំហំអន្លង់អភិរក្សត្រីមេពូជ ទំហំ ៧០ x ៦០០ម៉ែត្រ ។ ផ្ទៃដីព្រៃលិចទឹកក្នុងដែនរបស់សហគមន៍រងការកាប់ទន្ទ្រានពីសំណាក់ក្រុមហ៊ុន និងប្រជាជនប្រមាណជា ៧០ហ.ត ដើម្បីយកដីធ្វើស្រែប្រាំង ។
ទី២/.មុខរបរសំខាន់ៗរបស់ប្រជាពលរដ្ឋក្នុងតំបន់សិក្សារួមមាន៖ ធ្វើស្រែប្រាំង ៨៥%(២ដង/ឆ្នាំ), មន្ត្រីរាជការ, លក់ដូរតាមផ្ទះ, នេសាទនៅរដូវទឹកដំឡើងបន្ទាប់ពីបញ្ចប់ការងារកសិកម្ម, ចំណាកស្រុកធ្វើសំណង់, រោងចក្រកាត់ដេរជាដើម ។
ទី៣/.សហគមន៍បានទទួលការចូលរួមពីសំណាក់ដៃគូមួយចំនួន ដែលបានចូលរួមចំណែកក្នុងកិច្ចការការពារ អភិរក្សធនធានធម្មជាតិរួមមាន ៖ រដ្ឋបាលជលផល អង្គការអភិវឌ្ឍន៍នារីខ្មែរ និងអង្គការJICA ផ្តោតលើសកម្មភាពការបោះបង្គោលព្រំដែនការពារ ដាំកូនឈើ ស្តារអន្លង់អភិរក្ស និងការល្បាតតំបន់អភិរក្ស ។
ទី៤/.ធនធានត្រីថយចុះប្រមាណជា ៣០% បើប្រៀបធៀបនឹង៥ឆ្នាំមុន ដោយសារ ការប្រើជី ថ្នាំកសិកម្ម ការបាត់បង់ព្រៃលិចទឹក, បទល្មើសប្រើប្រាស់ឧបករណ៍ខុសច្បាប់ និងការបូមទឹកច្រើនធ្វើស្រែប្រាំងហួសកម្រិត ។

សូមជម្រាបជូនថា : សកម្មភាពសិក្សាស្វែងយល់ពីនិរន្តរភាពសហគមន៍ជុំវិញបឹងទន្លេសាបជាមួយគោលដៅអភិវឌ្ឍន៍ប្រកបដោយចីរភាព ដើម្បីស្វែងយល់អំពីកម្រិតវិសាលភាពក្នុងការអភិវឌ្ឍន៍គោលសម្រួលស្ថាប័នពាក់ព័ន្ធ និងដៃគូអភិវឌ្ឍន៍ ក្នុងការចូលរួមគាំទ្រសកម្មភាពនៃការអភិវឌ្ឍន៍សហគមន៍ គ្រប់គ្រង និងអភិវឌ្ឍន៍តំបន់បឹងទន្លេសាប ដើម្បីលើកកម្ពស់ជីវភាពរស់នៅរបស់សហគមន៍ប្រកបដោយចីរភាព ។

លោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវ អំពី ការវាយតម្លៃលើការធ្វើអាជីវកម្មត្រី ត

2023-09-16T13:10:05+00:00

នៅថ្ងៃពុធ ១៣រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៣ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅក្នុងឃុំកំពង់ស្វាយ ក្រុងសេរីសោភ័ណ្ឌ ឃុំភ្នំលាប ស្រុកព្រះនេត្រព្រះ និងឃុំសំបួរ ស្រុកមង្គលបុរី ខេត្តបន្ទាយមានជ័យ។

ជាមួយនឹងសកម្មភាពនេះផងដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. ការធ្វើអាជីវកម្មត្រីមានចំនួន ៣ ច្រក (ច្រករបៀង) បរិមាណត្រីមានការថយចុះជាងរដូវបើកនេសាទ។
ទី២. ការធ្វើអាជីវកម្មត្រី និងត្រីនុយ ប្រជានេសាទប្រេីប្រាស់ឧបករណ៍នេសាទ មងរាយ បរ សម្រាស់ ឡើរ របាំងស្បៃមុង....។
ទី៣. តម្លៃត្រី និងត្រីនុយ មានតម្លៃថ្លៃជាងមុន ព្រោះបរិមាណផលចាប់មានការថយចុះ។
ទី៤. ការធ្វើវារីវប្បកម្មនៅខេត្តបន្ទាយមានជ័យភាគច្រើនចិញ្ចឹមត្រីក្នុង ស្រះ និងមានបន្តិចបន្តួចចិញ្ចឹមក្នុងបែរតាមបណ្តោយស្ទឹង។
ទី៥. ការធ្វេីអាជីវកម្មលើប្រភេទត្រីនុយមានមានផលវិជ្ជមាន (បំពេញតម្រូវការវារីវប្បកម្មក្នុងស្រុក) ផលអវិជ្ជមាន (ធ្វើឱ្យធនធានត្រីថយចុះ និងបាត់បង់ប្រភេទត្រីសាច់សម្រាប់បរិភោគ)។

សូមជម្រាបជូនថា ៖ សកម្មភាពចុះសិក្សាវាយតម្លៃលើការធ្វើអាជីវកម្មត្រី ត្រីនុយ វារីវប្បកម្ម និងចរន្តទីផ្សារច្រកចេញ-ចូល គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្មធនធានធម្មជាតិត្រី និងត្រីនុយ។
- ប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម។
- ចរន្តទីផ្សារនៃការធ្វើអាជីវកម្មធនធានធម្មជាតិ។

លោក ម៉ម សុធា ប្រធានការិយាល័យជីវចម្រុះ និងក្រុមការងារ នៃនាយកដ្ឋានធនធានធម្មជាតិបានបន្តចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រតំបន់បឹងទន្លេសាបក្នុងខេត្តសៀមរាប និង

2023-09-16T08:13:38+00:00

នៅថ្ងៃចន្ទ ១១រោច ខែស្រាពណ៍ ដល់ ថ្ងៃសុក្រ ១កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ដល់ ១៥ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានធនធានធម្មជាតិ ដឹកនាំដោយ លោក ម៉ម សុធា ប្រធានការិយាល័យជីវចម្រុះ បានចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រតំបន់បឹងទន្លេសាបក្នុងខេត្តសៀមរាប និងខេត្តបាត់ដំបង។

ការចុះសិក្សានេះ ក្រុមការងារបានធ្វើលើ ៖
ទី ១. សម្ភាសន៍អ្នកនេសាទនៅតាមតំបន់សិក្សា ដើម្បីយកព័ត៌មានពីឧបករណ៍នេសាទ។
ទី២. ប្រមូលសំណាករួមមានៈ ត្រី និងធនធានក្រៅពីត្រី, យកចំណុចកូអរដោនេ(X/Y), វាស់ជម្រៅទឹក, វាស់គុណភាពទឹក និងពិនិត្យលើលំនៅដ្ឋានត្រីនារដូវវស្សា។

ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១. រកឃើញត្រីចំនួន ៦ លំដាប់ ស្មើនឹង ២៣ ប្រភេទ ពីការនេសាទដោយឧបករណ៍ចំនួន ៤ ប្រភេទរួមមាន : មងរាយ មងបណ្តែត បរ និងសន្ទូច។ ក្នុងនោះត្រីកំពុងពងមាន ៣ ប្រភេទគឺ កញ្ចុះឆ្នូត កញ្ចុះបាយ និងឆ្លាំង។
ទី២. ធនធានក្រៅពីត្រីមានចំនួន ៦ អម្បូរ ស្មើនឹង ៧ ប្រភេទ។
ទី៣. កំរិតភាពថ្លានៃទឹកមានចាប់ពី ១-៥សម និងអុកស៊ីសែនរលាយក្នុងទឹក(DO)មានពី ២៣,៥-២៧,៥mg/l ទៅតាមតំបន់សិក្សា។
ទី៤. ប្រភេទព្រៃលិចទឹក ដែលជាលំនៅដ្ឋានត្រីនារដូវវស្សានេៈរួមមាន : រាំង ផ្ទោល ត្រោះ ច្រកែង ទៀនព្រៃ រញា បន្លាយួន វល្ល៍តាអើក ផ្កាស្នោ សារាយ …។ល។

សូមជម្រាបជូនថាៈ សកម្មភាពចុះធ្វើបច្ចុប្បន្នភាពធនធានជលផលតាមការប្រែប្រួលរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រតំបន់បឹងទន្លេសាបក្នុងខេត្តសៀមរាប និងខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប។

សកម្មភាពខាងលើនេះ មានគោលបំណង៖
- សិក្សាតាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍
- សិក្សាតាមដាន និងវាយតម្លៃគុណភាពទឹកបឹងទន្លេសាបទៅតាមទីតាំងសិក្សា។
- សិក្សាតាមដានលើលក្ខណៈជីវសាស្ត្ររបស់លៀស និងគ្រុំ លើការរស់នៅ ការបន្តពូជ និងការលូតលាស់ (រដូវប្រាំង/រដូវវស្សា)។

ឯកឧត្តម ហ៊ែល តូនី បានដឹកនាំកិច្ចប្រជុំពិភាក្សាពីវឌ្ឍនភាពការងារ និងគំនិតទស្សនទាន របស់នយកដ្ឋានត្រួតពិនិត្យការធ្វើអាជីវកម្ម និងអភិរក្ស

2023-09-15T14:12:04+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ។
ព្រឹកថ្ងៃសុក្រ ១កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែកញ្ញា ឆ្នាំ ២០២៣ នៅអគ្គលេខាធិការដ្ឋានអាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម បានដឹកនាំកិច្ចប្រជុំពិភាក្សាការងារពាក់ព័ន្ធនឹងតួនាទីភារកិច្ច និងការទទួលខុសត្រូវរបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដើម្បីពិនិត្យមើលពីវឌ្ឍនភាពការងារ និងគំនិតទស្សនទានរបស់នាយកដ្ឋាន ក្នុងការគ្រប់គ្រង និងអនុវត្តតួនាទីភារកិច្ចប្រកបដោយប្រសិទ្ធភាព និងប្រសិទ្ធផល ។
+ កិច្ចប្រជុំនេះ មានការចូលរួមពីឯកឧត្តម អនុប្រធាន អគ្គលេខាធិការ ប្រធាននាយកដ្ឋាននៃនាយកដ្ឋានចំណុះអគ្គលេខាធិការដ្ឋាន អទស , ប្រធាន និងអនុប្រធានការិយាល័យ ក្រោមឱវាទនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ។
+ បន្ទាប់ពីស្តាប់បទបង្ហាញស្តីពីវឌ្ឍនភាព និងគំនិតទស្សនទានរបស់ប្រធាននាយកដ្ឋាន និងចំណាប់អារម្មណ៍របស់ថ្នាក់ដឹកនាំ និងមន្ត្រីបច្ចេកទេសរួចមក ឯកឧត្តម ប្រធានអង្គប្រជុំ បានឯកភាពអំពីគំនិតទស្សនទាន ដែលបានលើកឡើងរបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ព្រមទាំងបានចង្អុលបង្ហាញនូវគំនិតជាយុទ្ធសាស្ត្រគន្លឹះមួយចំនួន ដើម្បីបង្កើនប្រសិទ្ធភាពក្នុងការគ្រប់គ្រង និងអនុវត្តតួនាទីភារកិច្ចឲ្យបានកាន់តែល្អប្រសើរបន្ថែមទៀត ក្នុងការលើកស្ទួយស្ថាប័ន ក្នុងស្មារតីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧ ដូចជា ៖
1- កែលម្អរក្នុងការគ្រប់គ្រង និងទទួលខុសត្រូវរបស់ថ្នាក់ដឹកនាំនាយកដ្ឋាន តាមការិយាល័យជំនាញ ដើម្បីប្រសិទ្ធភាពការងារ និងសុខដុមក្នុងនាយកដ្ឋាន។
2- បន្តអនុវត្តបញ្ចប់គម្រោងសកម្មភាព 2023 និងរៀបចំពិនិត្យ កែសម្រួលឲ្យបានច្បាស់លាស់ត្រឹមត្រូវ សម្រាប់ចងក្រងជារបាយការណ៍បច្ចេកទេសតាមសកម្មភាពនីមួយៗចុងឆ្នាំ២០២៣ និងត្រៀមលក្ខណៈបច្ចេកទេសឲ្យបានគ្រប់ជ្រុងជ្រោយចំពោះរបកគំហើញលទ្ធផលស្រាវជ្រាវ ក្នុងកិច្ចប្រជុំអន្តរក្រសួងជំនាញ
3- ពិនិត្យខ្លឹមសារបច្ចេកទេសគម្រោង ដែលត្រូវលើកឡើងសម្រាប់អនុវត្តន៍ឆ្នាំ 2024 អោយស្របនឹងតួនាទីភារកិច្ច និងការទទួលខុសត្រូវរបស់នាយកដ្ឋាន4- ដោយគម្រោងសកម្មភាពដែលមានលក្ខណៈអន្តរនាយកដ្ឋាន ត្រូវធ្វើការពិភាក្សាក្នុងលក្ខណៈកិច្ចសហប្រតិបត្តិការអន្តរនាយកដ្ឋាន ហើយត្រូវរៀបចំជា ក្រុមការងារបច្ចេកទេស សម្រាប់ដឹកនាំអនុវត្ត ករណីដូចជា ៖
(1). គម្រោងសិក្សាស្ទឹងទាំង១០ជុំវិញបឹងទន្លេសាប
(2). គម្រោងសកម្មភាពសិក្សាវាយតម្លៃបរិមាណផលចាប់ឡូត៍ដាយ និងការកែច្នៃត្រីតាមបណ្តាឡូត៍ដាយ ។

លោក សុខ រ៉ាយ៉ុង ប្រធានការិយាល័យអភិរក្ស នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំមន្ត្រីក្នុងការិយាល័យបន្តចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ។

2023-09-15T13:21:46+00:00

នៅថ្ងៃពុធ ១៣រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៣ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក សុខ រ៉ាយ៉ុង ប្រធានការិយាល័យអភិរក្ស បានបន្តចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។

ការចុះសិក្សានេះក្រុមការងារស្រាវជ្រាវបានធ្វើការជាមួយ ៖
១/. ជួបសម្ភាសន៍ជាមួយអាជ្ញាធរដែនដី មន្ត្រីបរិស្ថាន ដើម្បីដឹងពីបម្រែបម្រួលស្ថានភាពបរិស្ថាន ធនធានជលផល មូលហេតុនៃបម្រែបម្រួលទាំងនេះ និងស្ថានភាពនៃការតាំងលំនៅឋានរបស់ប្រជាជន។
២/. ជួបសម្ភាសន៍ជាមួយប្រជានេសាទ ដើម្បីយល់ដឹងពីបរិមាណផលនេសាទ បម្រែបម្រួលផលនេសាទ និងបញ្ហាបទល្មើស។
៣/. ចុះពិនិត្យ និងអង្កេតផ្ទាល់ពីស្ថានភាពទូទៅ និងស្ថានភាពជលសាស្ត្រនៃតំបន់រ៉ាមសារស្ទឹងសែន។

# ជាមួយនឹងសកម្មភាពនេះផងដែរក្រុមការងារមន្ត្រីចុះសិក្សានៅតំបន់ពាក់ព័ន្ធខាងលើ ជាលទ្ធផលបថមឃើញថា ៖
ទី១/.ស្ថានភាពទឹកទន្លេក្នុងឆ្នាំនេះមានលក្ខណះឡើងយឺត បើគិតក្នុងអំឡុងខែ កញ្ញានេះដូចគ្នាទឹកមានកំពស់ទាបជាងឆ្នាំ២០២២ ប្រមាណ១.៣ ម៉ែត្រ។ទី២/. ប្រជាជននៅក្នុងតំបន់នេះ៩០ ភាគរយ ប្រកបរបរនេសាទ ការតាំងទីលំនៅភាគច្រើននៅតាមដងស្ទឹងសែន ហើយប្រជាជន៤០ ភាគរយ តាំងទីលំនៅលើទឹកជាអចិន្ត្រៃយ៍ និង៦០ ភាគរយ តាំងទីលំនៅ៦ខែ លើទឹក និង៦ខែ លើគោក។
ទី៣/. ក្នុងតំបន់រ៉ាមសារស្ទឹងសែននាប៉ុន្មានឆ្នាំចុងក្រោយនេះបញ្ហាអាកាសធាតុមានការប្រែប្រួលខ្លាំងដូចជា ការកើនឡើងកំដៅ ទឹកកង្វក់ បញ្ហាខ្យល់ព្យុះ ឬខ្យល់កន្ត្រាក់តែងកើតមានជាញឹកញាប់។
ទី៤/. បរិមាណផលនេសាទនៅរដូវបិទនេសាទក្នុងឆ្នាំនេះមានការធ្លាក់ចុះបើប្រៀបធៀបជាមួយឆ្នាំ២០២១ និងឆ្នាំ២០២២(ឆ្នាំនេះទឹកស្អុយ)។
ទី៥/. តាមការពិនិត្យជាក់ស្តែងឃើញថានៅក្នុងតំបន់នេះកន្លែងដែលធ្លាប់មានភ្លើងឆេះព្រៃឥឡូវមានការដុះព្រៃលិចទឹកឡើងវិញពិសេសដើមត្រែង និងបន្លាយួន។

# សូមជម្រាបជូនថា៖ សកម្មភាពចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប ។ សកម្មភាពខាងលើនេះមានគោលបំណង៖
- ស្វែងយល់ពីស្ថានភាពបរិស្ថាន និងធនធានជលផលនៅតំបន់រ៉ាមសារស្ទឹងសែន
- វាយតម្លៃបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន
- ស្វែងយល់ពីកត្តាជម្រុញឲ្យមានការបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន
- ផ្តល់ជាអនុសាសន៍សម្រាប់កែលម្អ និងវិធានការបន្សាំទៅនឹងការប្រែប្រួលដើម្បីធានាបាននូវការអភិរក្ស អភិវឌ្ឍន៍បរិស្ថាន និងធនធានជលផលក្នុងតំបន់រ៉ាមសារស្ទឹងសែនឲ្យមានភាពប្រសើរឡើង។

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព ខេត្តពោធិ៍សាត់

2023-09-15T12:02:33+00:00

ខេត្តពោធិ៍សាត់: ថ្ងៃអង្គារ ១២រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១២ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព។

ការចុះសិក្សានេះ ក្រុមការងារបានចុះ ៖
ទី ១/. ជួបពិភាក្សាជាមួយអាជ្ញាធរ ដែនដី ឃុំរាំងទិល និងឃុំស្រែស្តុក
ទី ២/. ជួបពិភាក្សាជាមួយសហគមន៍នេសាទកោះព្រែករាំងទិល ក្នុងឃុំរាំងទិល និងសហគមន៍នេសាទចំរេះ ក្នុងឃុំស្រែស្តុក ។

# ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១/. ស្ថានភាពទូទៅសហគមន៍នេសាទកោះព្រែករាំងទិល ដែលបង្កើតឆ្នាំ២០០១ មានសមាជិកគណៈកម្មការសរុបចំនួន ១១នាក់ (ស្រី ១នាក់) ។ សហគមន៍នេះ មានដំណើរការងារជាប្រចាំថ្ងៃ ដោយអនុវត្តទៅតាមផែនការគ្រប់គ្រងកន្លែងនេសាទសហគមន៍កោះព្រែករាំងទិល ក្រោមជំនួយគាំទ្រទាំងបច្ចេកទេស សម្ភារៈ និងថវិកា ពីអង្គការ (WCS, CI និង Rico) និងខណ្ឌជលផល។
ទី២/. ស្ថានភាពទូទៅសហគមន៍នេសាទចំរេះ ចាប់ផ្តើមដំណើរការនៅឆ្នាំ២០០៨ ដែលមានសមាជិកគណៈកម្មការសរុបចំនួន ១១នាក់ (ស្រី ១នាក់) ដោយមានការជួយគាំទ្រពីអង្គការហៅកាត់ថា អកអ (បានបណ្តុះបណ្តាលដល់គណៈកម្មការពីការងារគ្រប់គ្រងសហគមន៍) និងជំនួយពី ADB (ការងារចុះល្បាត សម្ភារៈ និងបោះបង្គោលព្រំតំបន់អភិរក្សចំរេះ ទំហំ ២១ហ.ត) រយៈពេល ០៣ឆ្នាំកន្លងមក។
ទី៣/បច្ចុប្បន្ន ពួកគេបានកំពុងជួបកង្វះនូវធនធានមនុស្ស ថវិកា សម្ភារៈ បច្ចេកទេស គាំទ្រដល់ដំណើរការងារប្រចាំថ្ងៃរបស់គណៈកម្មការសហគមន៍ និងថវិកា ក្នុងការអនុវត្តផែនការសកម្មភាពរបស់សហគមន៍នៅមានដែនកម្រិត។

# សូមជម្រាបជូនថាៈ សកម្មភាពចុះសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍នេសាទប្រកបដោយនិរន្តរភាព ខាងលើនេះ មានគោលបំណងស្វែងយល់ :
- ១/.យន្តការគន្លឹះក្នុងការរៀបចំផែនការគ្រប់គ្រងសហគមន៍
- ២/. ប្រសិទ្ធភាពនៃការអនុវត្តផែនការគ្រប់គ្រងសហគមន៍នេសាទនៅតាមបណ្តាសហគមន៍នេសាទ និង
- ៣/. កិច្ចសហការ សម្របសម្រួល ជាមួយនឹងស្ថាប័នជំនាញ និងអ្នកពាក់ព័ន្ធ ក្នុងការគ្រប់គ្រងធនធានធម្មជាតិនៅតំបន់បឹងទន្លេសាប ។

ឯកឧត្តមអនុប្រធាន ទទួលបន្ទុកក្តាប់រួម អាជ្ញាធរទន្លេសាប ចុះពិនិត្យ និងសិក្សាស្វែងយល់ពីស្ថានភាពទូទៅបឹងទន្លេសាប នៅរដូវទឹកតំឡើង ក្នុងរដូវហាមឃាត់ការនេសាទ

2023-09-10T09:39:40+00:00

បន្ទាប់ពីទទួលបានការណែនាំដ៏ខ្ពង់ខ្ពស់បំផុតរបស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នៅថ្ងៃសៅរ៍ ៩រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៩ ខែកញ្ញា ឆ្នាំ ២០២៣ ឯកឧត្តម សរ គឹមសាន្ត អគ្គលេខាធិការស្តីទី រួមជាមួយមន្ត្រីជំនាញក្រោមឱវាទអាជ្ញាធរទន្លេសាប ដឹកនាំដោយឯកឧត្តម ហ៊ែល តូនី អនុប្រធាន ទទួលបន្ទុកក្តាប់រួម បានចុះពិនិត្យស្ថានភាពបង្គោលតំបន់៣ការពារព្រៃលិចទឹក និងសិក្សាស្វែងយល់ពីស្ថានភាពទូទៅនៃបឹងទន្លេសាប នៅរដូវទឹកតំឡើងក្នុងរដូវហាមឃាត់ការនេសាទ ស្ថិតក្នុងឃុំផ្លូវទូក ស្រុកកំពង់លែង និងឃុំឆ្នុកទ្រូ ឃុំចក និងឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង, ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។ ការចុះនៃក្រុមមន្ត្រីប្រតិភូ របស់អាជ្ញាធរទន្លេសាប បានធ្វើការផ្តោតលើ ៖
- ទី១ ពិនិត្យពីស្ថានភាពកម្រិតទឹកបឹងទន្លេសាប និងវាលទំនាបព្រៃលិចទឹក
- ទី២ ពិនិត្យស្ថានភាពដែនព្រៃលិចទឹកក្នុងតំបន់ ៣ និងតំបន់បានកាត់ឆ្វៀលចេញទុកសម្រាប់លំនៅដ្ឋាន និងអាស្រ័យផលរបស់ប្រជាពលរដ្ឋ
- ទី៣ ពិនិត្យមើលស្ថានភាពលើផ្ទៃទឹកបឹងក្នុងរដូវហាមឃាត់
- ទី៤ ពិភាក្សាជាមួយអាជ្ញាធរដែនដី និងសហគមន៍ អំពីជីវភាពរស់នៅរបស់ប្រជាពលរដ្ឋពឹងអាស្រ័យនឹងធនធានបឹងទន្លេសាប រួមជាមួយបញ្ហាប្រឈម តម្រូវការ លើដំណោះស្រាយនៃការដាក់ចេញគោលនយោបាយរបស់រាជរដ្ឋាភិបាល ក្នុងការកាត់ឆ្វៀលដីទុកជូនជាលំនៅដ្ឋាន តំបន់អាស្រ័យផល និងតំបន់ការពារ ។
ជាមួយនឹងសកម្មភាពចុះរបស់ក្រុមមន្ត្រីប្រតិភូ របស់អាជ្ញាធរទន្លេសាប នៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី ១/. ទឹកបានឡើងលិចតំបន់ព្រៃលិចទឹក (តំបន់ ៣) ប្រមាណជា 30% ទៅ ៤០% ហើយកម្រិតកម្ពស់ទឹកមានសភាពទាបបើធៀបនឹងកម្រឹតកម្ពស់ទឹកក្នុងខែកញ្ញា ឆ្នាំ២០២២ ។
(សូមបញ្ជាក់ថា ៖ កំពស់ទឹកបឹងទន្លេសាបស្ថានីយ៍កំពង់លួង នៅឆ្នាំ២០២២ =៦.០៥ម និងឆ្នាំ ២០២៣= ៤.៦៦ម តែឆ្នាំ២០២៣ ខ្ពស់ជាងឆ្នាំ ២០២១=៣.៤៧ម នៅថ្ងៃ ៩ ខែកញ្ញា ដូចគ្នា) ។
ទី ២/. អាជ្ញាធរដែនដី, សហគមន៍, និងប្រជាពលរដ្ឋ ដែលបាននិងកំពុងតាំងទីលំនៅ និងអាស្រ័យផលក្នុងតំបន់ហាមឃាត់ (តំបន់ ៣) បានសាទរ និងអរគុណជាអនេកប្បការក្នុងការដោះស្រាយគោនយោបាយរបស់រាជរដ្ឋាភិបាល ដែលបានគិតគូរចំពោះប្រជាពលរដ្ឋរស់នៅក្នុងតំបន់បឹងទន្លេសាប,
ទី ៣/. បទល្មើសនៅលើផ្ទៃបឹងទន្លេសាបក្នុងរដូវហាមឃាត់នៅតាមតំបន់ព្រៃទំនាបលិចទឹកក្នុងតំបន់ខាងលើ ត្រូវបានកាត់បន្ថយ បើធៀបនឹងរដូវកាលឆ្នាំកន្លងទៅ, គឺគ្រាន់តែមានកានេសាទជាលក្ខណៈគ្រួសារ,
ទី ៤/. ចំពោះទិដ្ឋភាពដីនៅក្រោមបង្គោលព្រំតំបន់ ៣ ស្ថិតក្នុងទីតាំងមួយចំនួន នៃស្រុកបរិបូរណ៍ ប្រជាពលរដ្ឋនៅតែបន្តអាស្រ័យផលក្នុងតំបន់ហាមឃាត់ជាដែនដីព្រៃលិចទឹក ដែលបានកំណត់ក្នុងអនុក្រឹត្យ
ទី ៥/. ជីវភាពរបស់ប្រជាពលរដ្ឋ ពឹងអាស្រ័យជាចម្បងរបរនេសាទ និងការធ្វើស្រែចំការនៅលើដីអាស្រ័យផល ហើយក៏មានការរីករាយជាមួយទិន្នផល និងតម្លៃស្រូវក្នុងរដូវប្រមូលផលឆ្នាំនេះ ។
ក្នុងសកម្មភាពជួបពិភាក្សាជាមួយអាជ្ញាធរដែនដី និងសហគមន៍ ក៏បានលើកឡើងនូវបញ្ហាប្រឈមមួយចំនួន និងសំណូមពរអោយក្រុមប្រតិភូ របស់អាជ្ញាធរទន្លេសាប ជួយសម្របសម្រួលជាមួយក្រសួងស្ថាប័នជំនាញថ្នាក់ជាតិ និងអាជ្ញាធរខេត្តកំពង់ឆ្នាំង និងខេត្តកំពង់ធំ ជួយពន្លឿននូវការស្នើសុំរបស់អាជ្ញាធរ និងប្រជាពលរដ្ឋនៃឃុំផ្លូវទូក និងឃុំផាត់សណ្តាយ ពាក់ព័ន្ធនឹងតំបន់កាត់ឆ្វៀល សម្រាប់លំនៅដ្ឋាន និងទីតាំងអាស្រ័យផល បើទោះបីជាត្រូវបានកំណត់និងអនុម័តក្នុងអនុក្រឹត្យរួចហើយក៏ដោយ ។
សូមជម្រាបជូនថា ៖ អាជ្ញាធរទន្លេសាប គឺជាសេនាធិការផ្ទាល់របស់រាជរដ្ឋាភិបាល ដែលបានកំណត់បេសកកម្មការងារច្បាស់លាស់នៅក្នុងបទដ្ឋានគតិយុត្តិ នៃការបង្កើតអាជ្ញាធរទន្លេសាប ក្នុងការសម្របសម្រួល សម្រាប់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ឲ្យប្រកបដោយចីរភាព ។ ការចុះពិនិត្យ និងស្វែងយល់អំពីស្ថានភាពទូទៅនៃបឹងទន្លេសាបរបស់មន្ត្រីថ្នាក់ដឹកនាំ និងមន្ត្រីជំនាញរបស់អាជ្ញាធរទន្លេសាប គឺធ្វើស្របទៅនឹងតួនាទីភារកិច្ច និងការទទួលខុសត្រូវ ក្នុងការសិក្សាស្រាវជ្រាវ តាមដានត្រួតពិនិត្យ និងវាយតម្លៃលើការអនុវត្តគម្រោងនានា និងផ្តល់អនុសាសន៍ជូនរាជរដ្ឋាភិបាល ។ ជាពិសេស ការចូលរួមលើកកម្ពស់ប្រសិទ្ធភាពដល់ការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាល ក្នុងនីតិកាលទី ៧ នៃរដ្ឋសភា ។

សកម្មភាពចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីឯកសារគោលនយោបាយសម្រាប់ជម្រើសការវិនិយោគ និងវិធានការពាក់ ព័ន្ធដើម្បីបង្កើនប្រសិទ្ធភាពផលិតកម្មជលផលក្រោមការផ្លាស់ប្តូរស្ថានភាពទន្លេ

2023-09-10T09:18:21+00:00

នាថ្ងៃទី០៨ ខែកញ្ញា ឆ្នាំ២០២៣ លោក ហេង សុវណ្ណារា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីឯកសារគោលនយោបាយសម្រាប់ជម្រើសការវិនិយោគ និងវិធានការពាក់ព័ន្ធ ដើម្បីបង្កើនប្រសិទ្ធភាពផលិតកម្មជលផលក្រោមការផ្លាស់ប្តូរស្ថានភាពទន្លេ ។ សិក្ខាសាលា បានដឹកនាំដោយឯកឧត្តម សូ សុភ័ទ្ទ អគ្កលេខាធិការនៃគណៈកម្មាធិការជាតិទន្លេមេគង្គកម្ពុជា បានដឹកនាំ និងមានការចូលរួមពី ក្រសួង-ស្ថាប័នពាក់ព័ន្ធ រួមមាន ក្រសួងធនធានទឹក និងឧតុនិយម រដ្ឋបាលជលផល អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា និងគណៈកម្មការទន្លេមេគង្គ។
សិក្ខាសាលានេះមានគោលបំណង ៖
1. ជម្រាបជូនអំពីស្ថានភាព និន្នាការ និងបញ្ហាប្រឈមសម្រាប់ការគ្រប់គ្រងជលផលប្រកបនិរន្តរភាពក្នុងអាងទន្លេមេគង្គក្រោម
2. ពិនិត្យ និងពិភាក្សាទៅលើ ឯកសារគោលនយោបាយសម្រាប់ជម្រើស ការវិនិយោគ និងវិធានការពាក់ព័ន្ធដើម្បីបង្កើនប្រសិទ្ធភាពផលិតកម្មជលផល ក្រោមការផ្លាស់ប្តូរស្ថានភាពទន្លេ ។
3. ពិភាក្សា និងប្រមូលធាតុចូល អំពីយុទ្ធសាស្ត្រអនុវត្ត ពីភាគីពាក់ព័ន្ធសម្រាប់ការអនុវត្តជំហានបន្ទាប់ ។

លោក សោម សំបូរ អនុប្រធានការិយាល័យអភិរក្ស នៃនាយកដ្ឋានត្រួតពិនិត្យ ការធ្វើអាជីវកម្ម និងអភិរក្ស បានបន្តសិក្សាអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤ ខេត្តសៀមរាប

2023-09-10T09:06:33+00:00

នៅថ្ងៃអង្គារ ៥រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៥ ខែកញ្ញា ឆ្នាំ២០២៣ ក្រុមការងារមន្ត្រីនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយ លោក សោម សំបូរ អនុប្រធានការិយាល័យអភិរក្ស បានបន្តចុះសិក្សាស្រាវជ្រាវអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤ ខេត្តសៀមរាប ស្ថិតនៅក្នុងសង្កាត់ចុងឃ្នៀស ក្រុងសៀមរាប។
ការចុះសិក្សានេះ ក្រុមការងារបាន ៖ ទី ១/. ជួបជាមួយអាជ្ញាធរដែនដី និងមន្ត្រីជំនាញជលផល ដោយធ្វើការពិភាក្សាស្វែងយល់ អំពីបញ្ហាប្រឈមក្នុងការគ្រប់គ្រង ការសហការ ការចូលរួមរបស់អ្នកពាក់ព័ន្ធទៅលើកិច្ចការងារអភិរក្ស។ ទី ២/. ជួបសម្ភាសន៍ជាមួយប្រជានេសាទ អំពីព័ត៌មានទូទៅពាក់ព័ន្ធនឹងការធ្វើនេសាទ ស្ថានភាពគ្រួសារ និងស្ថានភាពទូទៅធនធានជលផលក្នុងតំបន់។
ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលឃើញថា ៖
ទី១/. ស្ថានភាពទូទៅនៃតំបន់អភិរក្សនេះ មានផ្ទៃដីទំហំ ៩៨៦ហិកតា បានបោះបង្គោលព្រុំប្រទល់ទីតាំងកន្លែងអភិរក្សចំនួន ១៤ បង្គោល។ នៅរដូវប្រាំងកម្ពស់ទឹកជាមធ្យម ១ម៉ែត្រ ទៅ ១,៥ម៉ែត្រ កម្ពស់ទឹកនៅរដូវវស្សាគិតត្រឹមថ្ងៃ៥ ខែកញ្ញា ឆ្នាំ២០២៣ មានកម្ពស់ ៤,៨៥ម៉ែត្រ។
ទី២/. នៅក្នុងរដូវទឹកតម្លើងនេះ ប្រជានេសាទជាទូទៅភាគច្រើនប្រើឧបករណ៍នេសាទដូចជា៖ មងរាយ កន្សុំកំពឹស ឬសៃយឺន និងលបឡុក ដោយទទួលបានទិន្នផលនេសាទជាមធ្យម ១០គីឡូក្រាម/ថ្ងៃ។
ទី៣/.អាជ្ញាធរដែនដី និងមន្ត្រីជំនាញជលផលៈ ការផ្សព្វផ្សាយច្បាប់ លក្ខន្តិកៈ អំពីការប្រើប្រាស់ធនធានធម្មជាតិឱ្យមាននិរន្តរភាព មានសកម្មភាពតិចតួច ទន្ទឹមនេះ ផែនការក្នុងការគ្រប់គ្រង កែលំអរតំបន់អភិរក្ស ដូចជាដាំព្រៃលិចទឹក លែងកូនត្រី រៀបចំស្ថានីយ៍បណ្តុះកូនឈើ ស្តារបឹង ស្តារលូ ដាក់គល់ឈើ បោះបង្គោលព្រំ និងស្លាកសញ្ញាណែនាំផ្សេងៗ មានតិចតួចប៉ុណ្ណោះ ជាមួយគ្នានេះ ការផ្សព្វផ្សាយច្បាប់ លក្ខន្តិកៈ អំពីការប្រើប្រាស់ធនធានជលផលឱ្យមាននិរន្តរភាព មានសកម្មភាពតិចតួច។
បញ្ហាប្រឈមៈ កត្តាអាកាសធាតុ ព្រុះ ភ្លៀង ខ្យល់ បណ្ដាលឱ្យបាត់ឧបករណ៍នេសាទ និងមានការលំបាកក្នុងការចេញទៅធ្វើនេសាទ ជាមួយគ្នានេះ តម្លៃត្រីមានតម្លៃទាប ទន្ទឹមនេះ ប្រជានេសាទប្រើប្រាស់ឧបករណ៍នេសាទលបឡុក សំណូមពរសុំដាក់ឧបករណ៍ទាំងនោះប្រវែង ២៥០ម៉ែត្រ ដោយឡែកច្បាប់ជលផលបានអនុញ្ញាតត្រឹមប្រវែង ៧០ម៉ែត្រ ប៉ុណ្ណោះ។
សូមជម្រាបជូនថាៈ សកម្មភាពចុះសិក្សាស្រាវជ្រាវអំពីសក្ដានុពល និងប្រសិទ្ធភាពក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤ ខេត្តសៀមរាប ជាសកម្មភាពមួយ ក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៣ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង ១/. សិក្សាអំពីស្ថានភាពទូទៅ របស់តំបន់អភិរក្សជលផលអតីតឡូត៍នេសាទលេខ៤ ២/. ស្វែងយល់អំពីបញ្ហាប្រឈម ក្នុងការគ្រប់គ្រងតំបន់អភិរក្សជលផលអតីតឡូត៍នេសាទលេខ៤ ៣/. វិភាគស៊ីជម្រៅលើបញ្ហាប្រឈម ដែលពាក់ព័ន្ធក្នុងការគ្រប់គ្រង តំបន់អភិរក្សជលផលអតីតឡូត៍នេសាទលេខ៤ ដើម្បីផ្ដល់ជម្រើសដំណោះស្រាយសមស្រប។

កិច្ចប្រជុំពីវឌ្ឍនភាពនិងទស្សនទាន នៃការគ្រប់គ្រងពង្រឹងបណ្តាញផ្សព្វផ្សាយព័ត៌មានសម្រាប់អាជ្ញាធរទន្លេសាប

2023-09-08T22:37:09+00:00

រាជធានីភ្នំពេញ ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ។ រសៀលថ្ងៃសុក្រ ៨រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០៨ ខែកញ្ញា ឆ្នាំ ២០២៣ នៅអគ្គលេខាធិការដ្ឋានអាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម បានដឹកនាំកិច្ចប្រជុំពិភាក្សាការងារពាក់ព័ន្ធនឹងតួនាទីភារកិច្ច និងការទទួលខុសត្រូវរបស់នាយកដ្ឋាននីតិកម្ម និងផ្សព្វផ្សាយ ដើម្បីពិនិត្យមើលពីវឌ្ឍនភាពការងារ និងគំនិតទស្សនទានរបស់នាយកដ្ឋាន ក្នុងការគ្រប់គ្រងពង្រឹងបណ្តាញប្រព័ន្ធផ្សព្វផ្សាយ និងចែករំលែកព័ត៌មាន ចំណេះដឹងរបស់អាជ្ញាធរទន្លេសាប ។

+ កិច្ចប្រជុំនេះ មានការចូលរួមពីឯកឧត្តម អគ្គលេខាធិការស្តីទី ប្រធាននាយកដ្ឋាននៃនាយកដ្ឋានចំណុះអគ្គលេខាធិការដ្ឋាន អទស , ប្រធាន និងអនុប្រធានការិយាល័យ ក្រោមឱវាទនាយកដ្ឋាននីតិកម្ម និងផ្សព្វផ្សាយ ។

+ បន្ទាប់ពីស្តាប់បទបង្ហាញស្តីពីវឌ្ឍនភាព និងគំនិតទស្សនទាន នៃការគ្រប់គ្រងពង្រឹងបណ្តាញប្រព័ន្ធផ្សព្វផ្សាយ និងការចែករំលែកព័ត៌មានចំណេះដឹង និងចំណាប់អារម្មណ៍របស់ថ្នាក់ដឹកនាំ និងមន្ត្រីបច្ចេកទេស ។ ឯកឧត្តម ប្រធានអង្គប្រជុំ បានឯកភាពអំពីគំនិតទស្សនទាន ដែលបានលើកឡើងរបស់នាយកដ្ឋាននីតិកម្ម និងផ្សព្វផ្សាយ ព្រមទាំងបានចង្អុលបង្ហាញនូវគំនិតជាយុទ្ធសាស្ត្រគន្លឹះមួយចំនួន ដើម្បីបង្កើនប្រសិទ្ធភាពនៃការផ្សព្វផ្សាយ និងការចែករំលែកឲ្យបានកាន់តែល្អប្រសើរបន្ថែមទៀតក្នុងការវិវត្តរ៍ការងាររបស់ស្ថាប័ន ឲ្យស្របទៅសង្គមឌីជីថល ក្នុងស្មារតីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី ៧ ដូចជា ៖

1- បន្តលើកកម្ពស់ និងពង្រឹងផ្នែកហេដ្ឋារចនាសម្ព័ន្ឌព័ត៌មានវិទ្យា, ការប្រាស្រ័យទាក់ទង និងបច្ចេកវិទ្យា Information, Communication and Technology (ICT) ។
2- បន្តធ្វើបច្ចុប្បន្នភាព ដើម្បីឲ្យប្រព័ន្ធ Website និង Facebook របស់អាជ្ញាធរទន្លេសាបឲ្យកាន់តែប្រសើរឡើង
3- បន្តរៀបចំបង្កើតប្រព័ន្ធបណ្តាញផ្សព្វផ្សាយផ្សេងៗទៀត ដូចជា Telegram Channel ដើម្បីចែករំលែកព័ត៌មានបានរហ័ស ទាន់ពេល និងងាយស្រួលដល់មហាជនទទួលបានព័ត៌មាន
4- បន្តពិនិត្យសិក្សាលម្អិត លើការរៀបចំបង្កើត TSA Map information
5- កំណត់ទម្រង់បែបទ សម្រាប់ការសរសេរអត្ថបទខ្លី (Breaking News) ដើម្បីផ្សព្វផ្សាយក្នុងបណ្តាញសង្គម (Facebook) និង វេបសាយ (Web site)
6- នាយកដ្ឋាននីតិកម្ម និងផ្សព្វផ្សាយ ត្រូវបង្កើនប្រសិទ្ធភាពការងារក្នុងការធ្វើបច្ចុបុបន្នភាពលើកការគ្រប់គ្រងបណ្តាញផ្សព្វផ្សាយ, មាន Facebook , Website និង Sever របស់អាជ្ញាធរទន្លេសាប ឲ្យបានល្អប្រសើរ ។

ឯកឧត្តមរដ្ឋមន្ត្រី ថោ ជេដ្ឋា ជួបសំណេះសំណាលជាមួយថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ នៃក្រសួងធនធានទឹក និងឧតុនិយម

2023-09-08T12:48:33+00:00

នៅទីស្តីការក្រសួង នារសៀលថ្ងៃព្រហស្បតិ៍ ៧រោច ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៧ ខែកញ្ញា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានជួបសំណេះសំណាលប្រកបដោយភាពស្និទ្ធស្នាលជាមួយថ្នាក់ដឹកនាំ និងមន្ត្រីរាជការថ្នាក់កណ្តាលកម្រិតការិយាល័យ និងថ្នាក់មន្ទីររាជធានី-ខេត្ត នៃក្រសួងធនធានទឹក និងឧតុនិយម។ អានត...

សកម្មភាពសិក្សានិងវាយតម្លៃដែនព្រៃលិចទឹកតំបន់ ៣

2023-09-08T12:31:54+00:00

កំពង់ធំ ៖ កាលពីថ្ងៃចន្ទ ០៤ រោច ដល់ថ្ងៃពុធ ០៦ រោច ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៤-០៦ ខែកញ្ញា ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីនាយកដ្ឋានធនធានធម្មជាតិ នៃអាជ្ញាធរទន្លេសាប បន្តចុះសិក្សាស្រាវជ្រាវ និងវាយតម្លៃដែនព្រៃលិចទឹកតំបន់ ៣ ជុំវិញបឹងទន្លេសាប នៅក្នុងស្រុកកំពង់ស្វាយ និងក្រុងស្ទឹងសែន ខេត្តកំពង់ធំ ។

គោលបំណងនៃការសិក្សារួមមាន ៖
១. បន្តសិក្សាតាមដាន និងវាយតំលៃបង្គោលព្រំ និងផ្ទៃដីព្រៃកំណត់ដែនព្រៃលិចទឹកតំបន់ ៣ សរុប ៨០២បង្គោល (បន្ត)
២. សិក្សាតាមដាន និងវាយតម្លៃផ្ទៃដីកាត់ឆ្វៀល(ថ្មី)ក្នុងតំបន់ ២ និងតំបន់ ៣
៣. ពិនិត្យ និងវាយតម្លៃបឋមលើស្ថានភាពសេដ្ឋកិច្ច-សង្គមក្រោយពីកាត់ដីឆ្វៀលក្នុងតំបន់ ២ និងតំបន់៣ និង
៤. សិក្សាតាមដានលើការលូតលាស់ប្រភេទព្រៃលិចទឹក(ថ្មី)នៅតាមទីតាំងដែលបានដកហូតមកវិញក្រោយពីការទន្ទ្រាន ។
លទ្ធផលសង្ខេបការចុះសិក្សារួមមាន៖
• ពិនិត្យឃើញបង្គោលព្រំដែលព្រៃលិចទឹកបន្តការដួរ និងខុសទីតាំង
• ស្ថានភាពស្រែក្នុងដែនព្រៃលិចទឹកនៅតែបន្តធ្វើជារបៀបស្បែកខ្លា
• ដីស្រែទុកចោលត្រូវបានដំណុះព្រៃលិចទឹក ស្មៅ និងវល្លិ៍ឡើងវិញ
• ស្ថានភាពបង្គោលព្រំកំណត់ដីស្រែឆ្វៀលត្រូវបានដួល និងមិនទាន់បានដាំគ្រប់ទីតាំងនៅឡើយ
• ផ្ទៃដីស្រែមួយចំនួនត្រូវបានភ្ជួរទុកចោល ដើម្បីពន្លិចទឹកក្នុងរដូវវស្សា (ដីទន្ទ្រាន និងដីឆ្វៀលថ្មី) ។

សកម្មភាពសិក្សាលើសកម្មភាពចក្ខុវិស័យរបស់អ្នកពាក់ព័ន្ធថ្នាក់ក្រោមជាតិ

2023-09-08T12:24:45+00:00

កាលពីថ្ងៃទី០៤ ដល់ថ្ងៃទី០៨ ខែកញ្ញា ឆ្នាំ២០២៣ ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារ ចុះសិក្សា ស្រាវជ្រាវ លើសកម្មភាពចក្ខុវិស័យរបស់អ្នកពាក់ព័ន្ធថ្នាក់ក្រោមជាតិចំពោះបឹងទន្លេសាប ស្ថិតនៅឃុំស្នាមព្រះ ស្រុកបាកាន ខេត្តពោធិ៍សាត់ ។ គោលបំណង៖សិក្សា ស្រាវជ្រាវ និងចងក្រងពីចក្ខុវិស័យថ្នាក់ក្រោមជាតិនាបច្ចុប្បន្ន និងពេលអនាគតដើម្បីបានជាធាតុចូលម្រាប់រៀបចំផែនការយុទ្ធសាស្ត្ររបស់បឹងទន្លេសាប។
លទ្ធផលសង្ខេប៖ ទទួលបានជាធាតុចូលចក្ខុវិស័យថ្នាក់ក្រោមជាតិអំពីចំនុចវិជ្ជមាន/អវិជ្ជមានក្នុងវិស័យសេដ្ឋកិច្ចសង្គម បរិស្ថាន ធនធានធម្មជាតិ ធនធានទឹក និង ធនធានជលផល ដែលជះឥទ្ធិពលដល់បឹងទន្លេសាប និងតំបន់ពាក់ព័ន្ធផ្សេងៗទៀត។

សកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ

2023-09-08T08:45:37+00:00

ថ្ងៃអង្គារ ៥ រោច ដល់ថ្ងៃ ពុធ ៦ រោច ខែស្រាពណ៍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៥ ដល់ទី ០៦ ខែកញ្ញា ឆ្នាំ២០២៣ មន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក ស្រ៊ុន ស៊ីលីន អនុប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាការវិភាគតម្លៃ និងផលចំណេញក្នុងផលិតកម្មស្រូវនៅវាលទំនាបបឹងទន្លេសាប ស្ថិតក្នុងភូមិសាស្ត្រឃុំតាំងក្រសាំង ឃុំព្នៅ និងឃុំជ្រាប់ ស្រុកសន្ទុក ខេត្តកំពង់ធំ។ ការសិក្សានេះ ដើម្បីស្វែងយល់ស្ថានភាពចរន្តសេដ្ឋកិច្ចរបស់ប្រជាកសិករដែលប្រកបករបរស្រែប្រាំង និងវិភាគលើថ្លៃដើមផលិតផលស្រូវប្រាំងរបស់ប្រជាកសិករនៅក្នុងតំបន់វាលទំនាបបឹងទន្លេសាប។

សកម្មភាពសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍ ខេត្តកំពង់ឆ្នាំង

2023-09-06T13:51:43+00:00

ថ្ងៃអង្គារ ៥ រោច ដល់ថ្ងៃ ពុធ ៦ រោច ខែស្រាពណ៍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៥ ដល់ ទី ០៦ ខែកញ្ញា ឆ្នាំ២០២៣ លោកយ៉ាន់ សំរិទ្ធប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាពីបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍នេសាទនៅជុំវិញបឹងទន្លេសាបជាមួយមន្ទីរ អង្គភាពពាក់ព័ន្ធ អាជ្ញាធរឃុំកំពង់ត្រឡាច ស្រុកកំពង់ត្រឡាច និងឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។ ការសិក្សានេះ ដើម្បីស្វែងយល់ស្ថានភាពសេដ្ឋកិច្ចសង្គមពីជីវភាពរស់នៅរបស់ប្រជាសហគមន៍នេសាទលើការប្រើប្រាស់ធនធានធម្មជាតិនៅក្នុងតំបន់បឹងទន្លេសាប។

កិច្ចប្រជុំពិភាក្សាការងារលើដំណើរការប្រើប្រាស់ថវិកាបេសកកម្មបន្តចុះអនុវត្តផែនការសកម្មភាព

2023-09-03T12:47:57+00:00

រាជធានីភ្នំពេញ៖ នៅរសៀលថ្ងៃ សុក្រ ១ រោច ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ០១ ខែកញ្ញា ឆ្នាំ ២០២៣ ក្រោមការឯកភាពដ៏ខ្ពស់ខ្ពស់របស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានអនុញ្ញាតឲ្យឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ដឹកនាំកិច្ចប្រជុំពិភាក្សាការងារជាមួយឯកឧត្តមអនុប្រធាន ឯកឧត្តមអគ្គលេខាធិការស្តីទី ឯកឧត្តមអគ្គលេខាធិការរង និងលោកប្រធាននាយកដ្ឋានទាំង ៤ លើដំណើរការប្រើប្រាស់ថវិកាបេសកកម្មបន្តចុះអនុវត្តផែនការសកម្មភាពរបស់ថ្នាក់ដឹកនាំ និងមន្ត្រីរាជការអាជ្ញាធរទន្លេសាប ស្របតាមការអនុវត្តដំណើរការថវិកាកម្មវិធី ផ្អែកតាមសារាចរណែនាំ គោលការណ៍ហិរញ្ញវត្ថុជាធរមាន និងបានដាក់ចេញទស្សនទានពង្រឹងការងារ រួមជាមួយផែនការសកម្មភាពចំពោះមុខក្នុងរយៈពេល ៤ ខែ ឆ្នាំ ២០២៣ ។

ឯកឧត្តម ថោ ជេដ្ឋា ជួបសំណេះសំណាលជាមួយថ្នាក់ដឹកនាំក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប

2023-08-30T07:58:29+00:00

នៅរសៀលថ្ងៃអង្គារ ១៣កើត ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែសីហា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម និង ឯកឧត្តមកិត្តិបណ្ឌិត លឹម គានហោ បានជួបសំណេះសំណាលលើកដំបូងជាមួយថ្នាក់ដឹកនាំក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប នៅទីស្តីការក្រសួង។ អានត...

កិច្ចប្រជុំត្រួតពិនិត្យ តាមដានលទ្ធផលនៃការអនុវត្តផែនការសកម្មភាពការងារឆមាសទី ១ និងលើកទិសដៅការងារឆមាសទី ២ ឆ្នាំ ២០២៣

2023-08-16T08:28:13+00:00

នៅព្រឹកថ្ងៃអង្គារ ១៤រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៥ ខែសីហា ឆ្នាំ ២០២៣ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប តំណាងដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម និងជាប្រធានអាជ្ញាធរទន្លេសាប បានដឹកនាំសម្របសម្រួល កិច្ចប្រជុំត្រួតពិនិត្យ តាមដានលទ្ធផលនៃការអនុវត្តផែនការសកម្មភាពការងារឆមាសទី ១ និងលើកទិសដៅការងារឆមាសទី ២ ឆ្នាំ ២០២៣ របស់អាជ្ញាធរទន្លេសាប។ កិច្ចប្រជុំនេះ មានការចូលរួមពី ឯកឧត្តមអនុប្រធាន ឯកឧត្តមអគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីរាជការអាជ្ញាធរទន្លេសាបចំនួន ៦៥នាក់។

កិច្ចប្រជុំបានពិនិត្យ និងពិភាក្សាលើ ៖
១-ពិនិត្យមើលវឌ្ឍនភាពការងារ នៃការអនុវត្តសកម្មភាពនីមួយៗ ក្នុងឆមាសទី ១ ឆ្នាំ ២០២៣
២-ពិភាក្សាពីចំនុចខ្លាំង ចំនុចខ្សោយ ឧបសគ្គ/បញ្ហាប្រឈម និងដំណោះស្រាយ
៣-ផ្លាស់ប្តូរបទពិសោធន៍ និងចែករំលែកការយល់ដឹងតាមរយៈការអនុវត្តសកម្មភាពការងារនីមួយៗ
៤-លើកទិសដៅអនុវត្តបន្តការងារឆមាសទី ២ ឆ្នាំ ២០២៣។

សកម្មភាពចុះសិក្សាវាយតម្លៃ និងផលចំនេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប

2023-08-07T16:15:23+00:00

ខេត្តកំពង់ធំ: នាថ្ងៃព្រហស្បតិ៍ ០២ រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៣ ខែសីហា ឆ្នាំ ២០២៣ ក្រុមការងារមន្ត្រីបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក ស្រ៊ុន ស៊ីលីន អនុប្រធាននាយកដ្ឋាន បានបន្តធ្វើការសិក្សាការវិភាគតម្លៃ និងផលចំណេញក្នុងផលិតកម្មស្រូវនៅវាលទំនាបបឹងទន្លេសាប ស្ថិតក្នុងភូមិសា ស្ត្រសង្កាត់ស្រយ៉ូវ និងសង្កាត់អូរកន្ធរ ក្រុងស្ទឹងសែន ខេត្តកំពង់ធំ។ ការសិក្សានេះ ដើម្បីស្វែងយល់ស្ថានភាពចរន្តសេដ្ឋកិច្ចរបស់ប្រជាកសិករដែលប្រកបករបរស្រែប្រាំង និង វិភាគលើថ្លៃដើមផលិតផលស្រូវប្រាំងរបស់ប្រជាកសិករនៅក្នុងតំបន់វាលទំនាបបឹងទន្លេសាបបឹងទន្លេសាប។

សកម្មភាពចុះសិក្សាស្វែងយល់ពីប្រសិទ្ធភាពលើការអនុវត្ត និងយន្តការកសាងផែនការគ្រប់គ្រងសហគមន៍

2023-08-04T09:27:20+00:00

នាថ្ងៃព្រហស្បតិ៍ ០២ រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៣ ខែសីហា ឆ្នាំ ២០២៣ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមជាមួយក្រុមការងារមន្ត្រីបច្ចេកទេស បានបន្តចុះសិក្សាជំហ៊ាន២ ដើម្បីស្វែងយល់ពីប្រសិទ្ធភាពនៃការអនុវត្ត និងយន្តការគន្លឹះក្នុងការរៀបចំកសាងផែនការគ្រប់គ្រងសហគមន៍ ក៏ដូចជាដើម្បីជម្រុញដល់ការរៀបចំកសាងផែនការគ្រប់គ្រងសហគមន៍ រួមនឹងកិច្ចការ ការពារ អភិរក្ស អភិវឌ្ឍន៍ធនធានធម្មជាតិនៅតាមសហគមន៍មូលដ្ឋានប្រកបដោយនិរន្តរភាព នៅក្នុងសហគមន៍នេសាទបឹងប្រសាន ស្ថិតនៅក្នុងភូមិសាស្ត្រឃុំម្សាក្រង ស្រុកស្ទោង និងសហគមន៍នេសាទសាមគ្គីកំពង់គោ ស្ថិតក្នុងឃុំកំពង់គោ ស្រុកកំពង់ស្វាយ នៃខេត្តកំពង់ធំ ៕

សកម្មភាពវគ្គបណ្តុះបណ្តាល ស្តីពី Introduction to eSource Hydrological Modelling របស់គម្រោងកែលម្អវិស័យធារាសាស្ត្រកសិកម្ម

2023-06-29T13:53:30+00:00

រាជធានីភ្នំពេញ ៖ កាលពីថ្ងៃទី ២៦-២៧ ខែមិថុនា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋាន និងមន្ត្រីក្រុមការងារបច្ចេកទេស នៃនាយកដ្ឋានធនធានធម្មជាតិ បានចូលរួមវគ្គបណ្តុះបណ្តាល ស្តីពី Introduction to eSource Hydrological Modelling របស់គម្រោងកែលម្អវិស័យធារាសាស្ត្រកសិកម្ម (Irrigated Agriculture Improvement Project, IAIP) នៅសាលប្រជុំក្រសួងធនធានទឹក និងឧតុនិយម មានអញ្ជើញចូលរួមពីតំណាងក្រសួងធនធានទឹក និងឧតុនិយម អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា វិទ្យាស្ថានបច្ចេកវិទ្យាកម្ពុជា អគ្គិសនីកម្ពុជា និងមន្ត្រីដែលពាក់ព័ន្ធជាមួយគម្រោងមកពីក្រសួងស្ថាប័ន។
វគ្គបណ្តុះបណ្តាលនេះ មានគោលបំណង ៖
- គ្រប់គ្រងធនធានទឹកក្នុងព្រះរាជាណាចក្រកម្ពុជា តាមកម្មវិធី eWater Source
- ប្រើប្រាស់ម៉ូដែល និងធ្វើបច្ចុប្បន្នភាពវិស័យធនធានទឹកសម្រាប់ពេលអនាគតតាមកម្មវិធី eWater Source និង
- វិភាគ និងវាយតម្លៃពីការប្រែប្រួល នៃវិស័យធនធានទឹកក្នុងអាងទន្លេ និងអនុអាងទន្លេតាមរយៈម៉ូដែល eWater Source ។

សកម្មភាពវគ្គបណ្តុះបណ្តាល ស្តីពី Introduction to eSource Hydrological Modelling របស់គម្រោងកែលម្អវិស័យធារាសាស្ត្រកសិកម្ម

2023-06-29T13:53:30+00:00

សិក្ខាសាលាបណ្តុះបណ្តាល ស្តីពីការវិភាគផ្នែកសេដ្ឋកិច្ច និងដំណោះស្រាយតាមធម្មជាតិ

2023-05-28T14:02:47+00:00

រាជធានីភ្នំពេញ៖ នីថ្ងៃទី ២៥-២៦ ខែឧសភា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាបណ្តុះបណ្តាល ស្តីពីការវិភាគផ្នែកសេដ្ឋកិច្ច និងដំណោះស្រាយតាមធម្មជាតិ និងកិច្ចប្រជុំក្រុមការងារថ្នាក់ជាតិ នៃគម្រោងគ្រប់គ្រងទឹកជំនន់ និងភាពរាំងស្ងួត នៅតំបន់ព្រំដែនកម្ពុជា-ថៃ ដែលរៀបចំឡើងដោយគណៈកម្មាធិការជាតិទន្លេមេគង្គកម្ពុជា ដឹកនាំសម្របសម្រួលដោយ ឯកឧត្តម ពេជ ឌុន ទីប្រឹក្សា គ.ជ.ទ.ម.ក និងអញ្ជើញចូលរួមពីមន្ត្រីតំណាងក្រសួង ស្ថាប័ន មន្ទីរធនធានទឹក និងឧតុនិយមខេត្ត, ICEM, GIZ, លេខាធិការដ្ឋាន MRC ជំនាញការជាតិ អន្តរជាតិ សរុបចំនួន ២៦រូប។
គោលបំណងនៃសិក្ខាសាលាបណ្តុះបណ្តាលគឺ ៖
១-បង្ហាញពីការវិភាគផ្នែកសេដ្ឋកិច្ច និងដំណោះស្រាយតាមធម្មជាតិ នៅតំបន់ ៩C នៃស្ទឹងមង្គលបុរី
២-បង្ហាញពីសារៈសំខាន់នៃដំណោះស្រាយតាមធម្មជាតិសម្រាប់ធ្វើសេចក្តីសម្រេចិត្ត និងការធ្វើផែនការ។
គោលបំណងនៃកិច្ចប្រជុំក្រុមការងារថ្នាក់ជាតិគឺ ៖
១-ផ្សព្វផ្សាយនិងបកប្រែផែនទី ៩C-៩T
២-ពិនិត្យនិងធ្វើបច្ចុប្បន្នភាពនៃមូលនិធិ GEF-8 និង GCF
៣-ពិភាក្សាជំហានបន្ទាប់ សម្រាប់ឆ្នាំ២០២៣។

សកម្មភាពសិក្សាស្តីពីបច្ចុប្បន្នភាពប្រព័ន្ធធារាសាស្ត្រក្នុងខេត្តទាំង៦នៅជុំវិញបឹងទន្លេសាប

2023-05-28T13:55:59+00:00

ថ្ងៃចន្ទ ៣ កើត ខែជេស្ឋ ឆ្នាំថោះ ត្រូវនឹងថ្ងៃទី ២២ ខែឧសភា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋាន បានដឹកនាំក្រុមការងារមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប ចុះសិក្សាស្តីពីបច្ចុប្បន្នភាព ប្រព័ន្ធធារាសាស្ត្រក្នុងខេត្តទាំង ៦ នៅជុំវិញបឹងទន្លេសាប ស្ថិតនៅក្នុងស្ទឹងសែន និងស្រុកសន្ទុក ខេត្តកំពង់ធំ។ការសិក្សានេះមានគោលបំណងសំខាន់ៗផ្តោតលើ៖ ១. ចុះប្រមូលព័ត៌មាន ទិន្នន័យ និងបច្ចុប្បន្នភាពពីប្រព័ន្ធធារាសាស្ត្រក្នុងខេត្តទាំង ៦ ជុំវិញតំបន់ទន្លេសាប; ២. ចុះវាយតម្លៃការប្រើប្រាស់ និងគ្រប់គ្រងធន់ធានទឹក្នុងខេត្តទាំង ៦ ជុំវិញតំបន់ទន្លេសាប។

សកម្មភាពសិក្សាបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍ ខេត្តបន្ទាយមានជ័យ

2023-05-27T14:11:44+00:00

ថ្ងៃព្រហស្បតិ៍ ០៦ កើត ខែ ជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២៥ ខែឧសភា ឆ្នាំ២០២៣ លោកយ៉ាន់ សំរិទ្ធប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាពីបច្ចុប្បន្នភាពប្រជាសាស្ត្រ និងស្ថានភាពសេដ្ឋកិច្ចសង្គមរបស់ប្រជាសហគមន៍នេសាទនៅជុំវិញបឹងទន្លេសាបជាមួយមន្ទីរ អង្គភាពពាក់ព័ន្ធ អាជ្ញាធរឃុំគោកបល្ល័ង្គ ស្រុកមង្គលបូរី និងឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ ការសិក្សានេះ ដើម្បីស្វែងយល់ស្ថានភាពសេដ្ឋកិច្ចសង្គមពីជីវភាពរស់នៅរបស់ប្រជាសហគមន៍នេសាទលើការប្រើប្រាស់ធនធានធម្មជាតិនៅក្នុងតំបន់បឹងទន្លេសាប។

វគ្គបណ្តុះបណ្តាលស្តីពី ការសិក្សាពីប្លង់តុងរុក្ខជាតិ និងប្លង់តុងសត្វទឹកសាប សម្រាប់បឹងទន្លេសាប

2023-05-17T14:08:04+00:00

រាជធានីភ្នំពេញ : ដើម្បីពង្រឹងសមត្ថភាព និងបង្កើនចំណេះដឹងបន្ថែមដល់មន្ត្រីបច្ចេកទេស នៅថ្ងៃទី ១៥-១៦ ខែឧសភា ឆ្នាំ ២០២៣ អាជ្ញាធរទន្លេសាប បានរៀបចំវគ្គបណ្តុះបណ្តាលស្តីពីការសិក្សាពីប្លង់តុងរុក្ខជាតិ និងប្លង់តុងសត្វទឹកសាប សម្រាប់បឹងទន្លេសាប ក្រោមការដឹកនាំ និងសម្របសម្រួលដោយឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ដោយមានការចូលរួមពីមន្ត្រីបច្ចេកទេសអាជ្ញាធរទន្លេសាបចំនួន ១៥នាក់។ នៅក្នុងវគ្គបណ្តុះបណ្តាលជំហានទី១នេះ គឺផ្តោតសំខាន់លើការសិក្សាជាទ្រឹស្តី និងការអនុវត្តផ្ទាល់ នៃលក្ខណៈសំគាល់របស់ពពួកប្លង់តុង និងវដ្តជីវិតប្លង់តុង ជាពិសេសប្លង់តុងដែលទាក់ទងនឹងការលូតលាស់របស់ពពួកត្រី ស និងការអនុវត្តដោយផ្ទាល់ក្នុងការយកសំណាក ការរក្សាទុកសំណាក ការរៀបចំសំណាកពិនិត្យនៅមន្ទីរពិសោធន៍លើប្រភេទប្លង់តុងនីមួយៗ គុណវិបត្តិរបស់ប្លង់តុងលើគុណភាពទឹក និងការសរសេររបាយការណ៍លើ Primary production។

សកម្មភាពចុះធ្វើបច្ចុប្បន្នភាពធនធានជលផលតាមរបបជលសាស្ត្រ និងវាយតម្លៃគុណភាពទឹកបឹងទន្លេសាប

2023-05-17T13:59:00+00:00

ថ្ងៃសុក្រ ៨រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១២ ខែឧសភា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តចុះធ្វើបច្ចុប្បន្នភាពធនធានជលផលតាមរបបជលសាស្ត្រ និងវាយតម្លៃគុណភាពទឹកបឹងទន្លេសាបនៅក្នុងភូមិសាស្ត្រខេត្តសៀមរាប និងខេត្តបាត់ដំបង។

សកម្មភាពសិក្សាលើការវិភាគតម្លៃនិងផលចំណេញក្នុងផលិតកម្មស្រូវនៅវាលទំនាបបឹងទន្លេសាប

2023-05-17T13:51:42+00:00

ថ្ងៃពុធ ០៦ រោច ខែ ពិសាខ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១០ ខែឧសភា ឆ្នាំ២០២៣ ក្រុមការងារមន្ត្រីបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានធ្វើការសិក្សាលើការវិភាគតម្លៃនិងផលចំណេញក្នុងផលិតកម្មស្រូវនៅវាលទំនាបបឹងទន្លេសាប ខេត្តកំពង់ធំ ស្ថិតក្នុងភូមិសាស្ត្រឃុំកំពង់គោ និងឃុំសាន់គ ស្រុកកំពង់ស្វាយ ខេត្តកំពង់ធំ។ ការសិក្សានេះ ដើម្បីស្វែងយល់ស្ថានភាពចរន្តសដ្ឋកិច្ចរបស់ប្រជាកសិករដែលប្រកបករបរស្រែប្រាំង និងវិភាគលើថ្លៃដើមផលិតកម្ម និងផលិតផលផលិតកម្ម(ចំណេញខាត) រួមនឹងកត្តាដែលបាននិងកំពុងជះឥទ្ធិពលដល់សេដ្ឋកិច្ចគ្រួសារប្រជាកសិករនៅក្នុងតំបន់វាលទំនាបបឹងទន្លេសាបបឹងទន្លេសាប។

សកម្មភាពចូលរួមសន្និសីទថ្នាក់ជាតិ ស្តីពីភាពជាដៃគូនៃឋបនីយជីវមណ្ឌលបឹងទន្លេសាប

2023-05-04T08:21:19+00:00

ថ្ងៃពុធ ១៤កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី ០៣ ខែឧសភា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ និងលោក ណុំ សោភារិទ្ធ អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចូលរួមសន្និសីទថ្នាក់ជាតិ ស្តីពីភាពជាដៃគូនៃឋបនីយជីវមណ្ឌលបឹងទន្លេសាប និងជាវាគ្មិនចែករំលែកបទពិសោធន៍លើរបបជលសាស្ត្រ និងការគ្រប់គ្រងធនធានទឹកនៅតំបន់ទន្លេសាប ជាពិសេសតំបន់ឋបនីយជីវមណ្ឌលបឹងទន្លេសាប ដែលមានតំណាងក្រសួង ស្ថាប័ន អាជ្ញាធរខេត្តជុំវិញបឹងទន្លេសាប និងអង្គការក្រៅរដ្ឋាភិបាលនានាចូលរួម សរុបប្រមាណ ១០០នាក់ ក្រោមការដឹកនាំ និងសម្របសម្រួលដោយលោកជំទាវ ម៉ុម ថាវី រដ្ឋលេខាធិការក្រសួងបរិស្ថាន។ សន្និសីទនេះរៀបចំឡើងក្នុងគោលបំណង ចែករំលែកបទពិសោធន៍ ចំណោះដឹង និងពិភាក្សាអំពីដំណោះស្រាយគោលនយោបាយ និងវិទ្យាសាស្ត្រ ដើម្បីគ្រប់គ្រងតំបន់ឋបនីយជីវមណ្ឌលបឹងទន្លេសាបប្រកបដោយប្រសិទ្ធភាព និងកសាងកិច្ចសហប្រតិបត្តិការជាមួយអ្នកពាក់ព័ន្ធនឹងប្រព័ន្ធអេកូឡូស៊ី និងគំនិតផ្តួចផ្តើមនៅថ្នាក់ជាតិ និងថ្នាក់ក្រោមជាតិ។

សកម្មភាពចុះសិក្សាស្រាវជ្រាវប្រមូលទិន្នន័យផលចាប់ធនធានត្រី ខេត្តកំពង់ឆ្នាំង

2023-05-04T08:11:33+00:00

ថ្ងៃព្រហស្បតិ៍ ៨កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី ២៧ ខែមេសា ឆ្នាំ ២០២៣ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាតាមដាន និងប្រមូលទិន្នន័យពីផលចាប់ធនធានត្រី ស្ថិតនៅក្នុងភូមិសាស្ត្រស្រុកជាប់បឹងទន្លេសាប នៃខេត្តកំពង់ឆ្នាំង រួមមាន ៖ ស្រុកកំពង់ត្រឡាច ស្រុករលាប្អៀរ ស្រុកជលគីរី ក្រុងកំពង់ឆ្នាំង ស្រុកកំពង់លែង និងស្រុកបរិបូរណ៌។ ក្នុងការចុះសិក្សាសម្រាប់ខែទី៤ នៃឆ្នាំ២០២៣នេះដែរ ក្រុមការងារបានជួបប្រជុំជាមួយអាជ្ញាធរដែនដី ប្រជានេសាទ និងក្រុមការងារកត់ត្រា និងប្រមូលទិន្នន័យ ដើម្បីណែនាំបន្ថែមពីវិធីសាស្ត្រ និងបច្ចេកទេសកត់ត្រា និងប្រមូលទិន្នន័យអោយបានច្បាស់លាស់ និងត្រឹមត្រូវតាមស្តង់ដា។

សកម្មភាពចុះសិក្សាការធ្វើបច្ចុប្បន្នភាពបញ្ជីសារពើភ័ណ្ឌឧបករណ៍នេសាទខេត្តសៀមរាប

2023-04-28T15:36:35+00:00

ខេត្តសៀមរាប៖ ថ្ងៃចន្ទ ទី២៤ ដល់ថ្ងៃទី២៧ ខែមេសា ឆ្នាំ២០២៣ លោក ហេង សុវណ្ណារ៉ា ប្រធាននាយកដ្ឋានបានដឹកនាំក្រុមការងារបច្ចេកទេសនាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានបន្តចុះសិក្សាការធ្វើបច្ចុប្បន្នភាពបញ្ជីសារពើភ័ណ្ឌឧបករណ៍នេសាទ នៅភូមិត្នោតកំបុត ឃុំកំពង់ភ្លុក ស្រុកប្រាសាទបាគង និងភូមិ ១-៧ សង្កាត់ចុងឃ្នៀស ក្រុងសៀមរាប ការសិក្សានេះមានគោលបំណង ពិពណ៌នា ស្វែងយល់ និងធ្វើបច្ចុប្បន្នភាពបញ្ជីសារពើភ័ណ្ទឧបករណ៍នេសាទក្នុងតំបន់ទន្លេសាប និងធ្វើជាសៀវភៅរូបភាព (Catalogue) ឧបករណ៍នេសាទ។

សកម្មភាពចុះសិក្សាស្រាវជ្រាវប្រមូលទិន្នន័យផលចាប់ធនធានត្រី ខេត្តកំពង់ឆ្នាំង

2023-04-28T15:21:21+00:00

ថ្ងៃព្រហស្បតិ៍ ៨ កើត ខែពិសាខ ឆ្នាំថោះបញ្ចស័ក ព.ស២៥៦៦ ត្រូវនឹងថ្ងៃទី២៧ ខែមេសា ឆ្នាំ២០២៣ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប និងមានការចូលរួមសហការពីអាជ្ញាធរដែនដី និងប្រជានេសាទពាក់ព័ន្ធបានបន្តចុះសិក្សាស្រាវជ្រាវប្រមូលទិន្នន័យផលចាប់ធនធានត្រីស្ថិតនៅតំបន់ ស្រុកកំពង់ត្រឡាច ស្រុករលាប្អៀរ ស្រុកជលគីរី ក្រុងកំពង់ឆ្នាំង ស្រុកកំពង់លែង និងស្រុកបរិបូរណ៌ នៃខេត្តកំពង់ឆ្នាំង។ ការសិក្សាស្រាវជ្រាវនេះមានគោលបំណង គ្រប់គ្រងធនធានជលផលតាមលក្ខណ:បច្ចេកទេសវិទ្យាសាស្ត្រដែលបានចូលរួមក្នុងសេដ្ឋកិច្ចជាតិកម្ពុជា។ មួយវិញទៀតបានជាគុណប្រយោជន៍ផ្តល់ឲ្យយើងមានមូលដ្ឋានទិន្នន័យគ្រឹះគ្រប់គ្រាន់ក្នុងការចូលរួមជាមតិដើម្បី កំណត់គោលនយោបាយ ក្នុងការគ្រប់គ្រងវិស័យជលផលតំបន់បឹងទន្លេសាបឲ្យបានល្អប្រសើរ និងមាននិរន្តភាពខ្ពស់ទៅថ្ងៃអនាគត។

សកម្មភាពតាមដានគុណភាពទឹកនៅភូមិបណ្តែតទឹកបឹងទន្លេសាប

2023-04-27T16:01:07+00:00

ថ្ងៃពុធ ៧កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី ២៦ ខែមេសា ឆ្នាំ ២០២៣ លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ និងក្រុមការងារបច្ចេកទេស បានបន្តចុះតាមដានគុណភាពទឹក(លក្ខណៈរូប-គីមី)នៅភូមិបណ្តែតទឹកបឹងទន្លេសាប ស្ថិតក្នុងភូមិសាស្ត្រឃុំកំពង់លួង ខេត្តពោធិ៍សាត់ ឃុំឆ្នុកទ្រូ ខេត្តកំពង់ឆ្នាំង និងឃុំផាត់សណ្តាយ ខេត្តកំពង់ធំ។ ក្នុងការសិក្សាតាមដាននេះ ក្រុមការងារបានធ្វើការជ្រើសរើសទីតាំងចំនួន 12 ទីតាំងដែលមានប៉ារ៉ាមែត្រ pH, ORP, CT, DO, TDS, Turbidity, Transparency, chlorophyl, Cyanobacteria និងបានយកសំណាកទឹកមកធ្វើការវិភាគលើ TSS, NO3, NH4, TN, TP នៅមន្ទីរពិសោធន៍ ដើម្បីតាមដាន និងស្វែងយល់ពីការប្រែប្រួលគុណភាពទឹកបឹងទន្លេសាបតាមរដូវកាលនីមួយៗ។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញចុះពិនិត្យបច្ចេកទេសសាងសង់ និងដំឡើងស្ថានីយជលសាស្ត្រ និងឧតុនិយម ១១ ស្ថានីយ៍

2023-04-21T07:49:42+00:00

នាថ្ងៃទី ១៩ ខែមេសា ឆ្នាំ២០២៣ ត្រូវនឹងថ្ងៃពុធ ១៤ រោច ខែចេត្រ ឆ្នាំថោះ បញ្ចស័ក ២៥៦៦ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញដឹកនាំក្រុមការងារអនុវត្តន៍គម្រោងចុះពិនិត្យបច្ចេកទេសបញ្ចប់ការសាងសង់ និងដំឡើងស្ថានីយជលសាស្ត្រ និង ឧតុនិយម ១១ ស្ថានីយ៍ នៅតំបន់អាងបឹងទន្លេសាប និងការតភ្ជាប់បណ្តាញទទួល-បញ្ជូនទិន្នន័យ ព័ត៌មានជលសាស្ត្រ និងអាកាសធាតុនៅស្ថានីយឆ្នុកទ្រូ ពៅវើយ និងត្នោតជុំ ។

សកម្មភាពបន្តពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាននៅខេត្តសៀមរាប

2023-04-06T13:21:23+00:00

ថ្ងៃព្រហស្បតិ៍ ១រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០៦ ខែមេសា ឆ្នាំ២០២៣ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេស បន្តអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន និងសហគមន៍នេសាទក្របីរៀល ស្ថិតនៅសង្កាត់ក្របីរៀល ក្រុងសៀមរាប ខេត្តសៀមរាប ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប។

ឯកឧត្តម លឹម ពុយ ជួបពិភាក្សាការងារជាមួយអ្នកជំនាញខាងសិក្សាស្រាវជ្រាវលើប្លង់តុងទឹកសាបនៃប្រទេសបារាំង

2023-04-02T09:48:23+00:00

កាលពីថ្ងៃចន្ទ ៦កើត ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៧ ខែមីនា ឆ្នាំ ២០២៣ ឯកឧត្តម លឹម ពុយ អនុប្រធានអាជ្ញាធរទន្លេសាបទទួលជួយឯកឧត្តមប្រធានអាជ្ញាធរទន្លេសាបលើកិច្ចការបច្ចេកទេស និងសិក្សាស្រាវជ្រាវ និងជាប្រធានក្រុមការងារគម្រោងគ្រប់គ្រងធនធានទឹកចម្រុះអាងស្ទឹងសែន បានទទួលជួបលោកស្រី Patricia Reyes Marchant អ្នកជំនាញខាងសិក្សាស្រាវជ្រាវលើប្លង់តុងទឹកសាបនៃប្រទេសបារាំង ដើម្បីសហការធ្វើការសិក្សាស្រាវជ្រាវជាក់ស្តែងនៅតំបន់បឹងទន្លេសាប និងស្ទឹងសែន ព្រមទាំងបណ្តុះបណ្តាលដល់ក្រុមមន្ត្រីបច្ចេកទេសអាជ្ញាធរទន្លេសាប លើការសិក្សាពីប្រភេទប្លង់តុងរុក្ខជាតិ និងប្លង់តុងសត្វ ដើម្បីយល់ដឹងពីប្រភេទប្លង់តុងរុក្ខជាតិ និងសត្វដែលមាននៅតាមទីតាំងតាមរដូវកាលនីមួយៗ និងវាយតម្លៃលើបរិមាណប្លង់តុងរុក្ខជាតិ និងប្លង់តុងសត្វ ដែលជាចំណីអាហារសំខាន់បំផុតសម្រាប់ប្រភេទត្រី Cyprinidae (ត្រីរៀល ក្រុស ច្រកែង ឆ្កោក.។ល។ ក្នុងការលូតលាស់របស់កូនត្រី។

ឯកឧត្តម លឹម ពុយ បានអញ្ជើញចូលរួមប្រជុំ ក្រោមប្រធានបទ Mekong Research Symposium “Data into Action for Resilient Mekong”

2023-03-19T16:57:46+00:00

ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាថ្ងៃអង្គារ ៨រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៤ ខែមីនា ឆ្នាំ ២០២៣ ឯកឧត្តម លឹម ពុយ អនុប្រធានអាជ្ញាធរទន្លេសាប ទទួលជួយឯកឧត្តមប្រធានអាជ្ញាធរទន្លេសាបលើកិច្ចការបច្ចេកទេស និងសិក្សាស្រាវជ្រាវ បានអញ្ជើញចូលរួមប្រជុំ ក្រោមប្រធានបទ Mekong Research Symposium “Data into Action for Resilient Mekong” ដែលមានរយៈពេល ០៣ថ្ងៃ នៅទីក្រុងឈៀងរ៉ៃ ប្រទេសថៃ ដោយមានការអញ្ជើញចូលរួមពី បណ្តាប្រទេសតំបន់អាស៊ីដែលទន្លេមេគង្គហូរកាត់។ នៅក្នុងឱកាសនោះដែរ ឯកឧត្តមក៏បានអញ្ជើញធ្វើបទបង្ហាញស្តីពី Data on Tonle Sap Great Lake for Decision Making in Cambodia ជូនអង្គប្រជុំព្រមទាំងជាវាគ្មិនក្នុងកិច្ចពិភាក្សាប្តូរយោបល់លើការគ្រប់គ្រងទិន្នន័យ និងការផ្សព្វផ្សាយស្តីពីការប៉ះពាល់លើធនធានធម្មជាតិដែលទាក់ទងនឹងការផ្លាស់ប្តូរអាកាសធាតុលើអាងទន្លេមេគង្គ ជាពិសេសបឹងទន្លេសាប ។

ឯកឧត្តម លឹម ពុយ បានអញ្ជើញចូលរួមប្រជុំ ក្រោមប្រធានបទ Mekong Research Symposium “Data into Action for Resilient Mekong”

2023-03-19T16:57:46+00:00

សកម្មភាពសិក្សារបបជលសាស្ត្រក្នុងអាងស្ទឹងជីនិតខេត្តកំពង់ធំ

2023-03-19T16:53:26+00:00

ថ្ងៃចន្ទ ០៧រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៣ ខែមីនា ឆ្នាំ ២០២៣ លោក វិន ប៊ុនពៅ ប្រធាននាយកដ្ឋាន បានដឹកនាំក្រុមការងារមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប ចុះសិក្សារបបជលសាស្ត្រក្នុងអាងស្ទឹងជីនិត ស្ថិតក្នុងភូមិសាស្ត្រខេត្តកំពង់ធំ។ ការសិក្សានេះផ្តោតលើប្រព័ន្ធធារាសាស្ត្រ ការប្រើប្រាស់ទឹក និងការគ្រប់គ្រងធនធានទឹក ព្រមទាំងវាយតម្លៃលើការប្រែប្រួលគម្របដីក្នុងអាងស្ទឹងជីនិត ។

សកម្មភាពដំឡើងស្ថានីយតាមដានអាកាសធាតុ និងរបបជលសាស្ត្រ

2023-03-15T08:29:56+00:00

អាជ្ញាធរទន្លេសាប និងវិទ្យាស្ថានស្រាវជ្រាវ Nanjing Research Institute of Hydrology and Water Conservation Automation (NIHWA) នៃក្រសួងធនធានទឹក ប្រទេសចិន បានសហប្រតិបត្តិការអនុវត្តគម្រោងសិក្សាគំរូបច្ចេកវិទ្យាអង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាបក្នុងប្រទេសកម្ពុជា ចំនួន ១១ ស្ថានីយ។

ក្រុមការងារបច្ចេកទេសអាជ្ញាធរទន្លេសាប បានបន្តកិច្ចសហការជាមួយមន្ទីរជំនាញ អាជ្ញាធរដែនដី ក្នុងការសិក្សាជ្រើសរើសទីតាំង និងដំឡើងស្ថានីយរបបជលសាស្ត្រ និងអាកាសធាតុ ចំនួន ០៨ ទីតាំង នៅជុំវិញអាងបឹងទន្លេសាប មាន:

១. ខេត្តកំពង់ធំ មាន ៣ទីតាំង ចំនួន ៤

ស្ថានីយ (AWS, HQR ,H.R)

២. ខេត្តសៀមរាប មាន ១ទីតាំង ចំនួន ១

ស្ថានីយ (HQR)

៣. ខេត្តបាត់ដំបង មាន ២ទីតាំង ចំនួន

២ ស្ថានីយ (AWS ,H.R)

៤. ខេត្តពោធិសាត់ មាន ១ទីតាំង ចំនួន

២ ស្ថានីយ (AWS, HQR)

៥. ខេត្តកំពង់ឆ្នាំង មាន ១ទីតាំង ចំនួន

២ស្ថានីយ (AWS, H.R)។

សកម្មភាពចុះសិក្សា និងវាយតម្លៃដែនព្រៃលិចទឹកតំបន់ ៣ ខេត្តពោធិ៍សាត់

2023-03-12T15:09:52+00:00

ពោធិ៍សាត់: ថ្ងៃចន្ទ ១៥កើត ដល់ថ្ងៃសុក្រ ៤ រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៦ ដល់ថ្ងៃទី ១០ ខែមីនា ឆ្នាំ២០២៣ លោក វិន ប៊ុនពៅ ប្រធាននាយកដ្ឋាន បានដឹកនាំក្រុមការងារមន្ត្រីនាយកដ្ឋានធនធានធម្មជាតិ នៃអាជ្ញាធរទន្លេសាប បន្តចុះសិក្សាស្រាវជ្រាវ និងវាយតម្លៃដែនព្រៃលិចទឹកតំបន់ ៣ ជុំវិញបឹងទន្លេសាប នៅក្នុងស្រុកកណ្តៀង ខេត្តពោធិ៍សាត់ ។

គោលបំណងនៃការសិក្សារួមមាន ៖

១. បន្តតាមដាន និងវាយតំលៃបង្គោលព្រំ និងផ្ទៃដីព្រៃកំណត់ដែនព្រៃលិចទឹកតំបន់ ៣ សរុប ៨០២បង្គោល
២. តាមដាន និងវាយតម្លៃផ្ទៃដីកាត់ឆ្វៀល(ថ្មី)ក្នុងតំបន់ ២ និងតំបន់ ៣
៣. ពិនិត្យ និងវាយតម្លៃបឋមលើស្ថានភាពសេដ្ឋកិច្ច-សង្គមក្រោយពីកាត់ដីឆ្វៀលក្នុងតំបន់ ២ និងតំបន់៣ និង
៤. តាមដានលើការលូតលាស់ប្រភេទព្រៃលិចទឹក(ថ្មី)នៅតាមទីតាំងដែលបានដកហូតមកវិញក្រោយពីការទន្ទ្រាន ។

សកម្មភាពសិក្សាការប្រមូលទិន្នន័យផលចាប់ធនធានត្រី ខេត្តកំពង់ឆ្នាំង

2023-03-06T14:32:13+00:00

ថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០១ ខែមីនា ឆ្នាំ ២០២៣ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស នៃអគ្គលេខាធិការដ្ឋាន អាជ្ញាធរទន្លេសាប បានបន្តចុះសិក្សាស្រាវជ្រាវ និងប្រមូលទិន្នន័យផលចាប់ធនធានត្រី ស្ថិតនៅក្នុងភូមិសាស្ត្រខេត្តកំពង់ឆ្នាំង។ ការសិក្សានេះ ក្រុមការងារបានជ្រើសរើសទីតាំងស្រុកជាប់បឹងទន្លេសាបចំនួន ០៦ស្រុក ដែលមាន ២២ឃុំ និង៨៨ភូមិ ដើម្បីធ្វើការសិក្សា តាមដាន និងប្រមូលទិន្នន័យ ដោយចាប់ផ្តើមពីខែមករា នឹងបន្តរហូតដល់ខែធ្នូ ឆ្នាំ ២០២៣ ដែលមានរយៈពេល១២ខែ ស្របតាមផែនការសកម្មភាពការងារឆ្នាំ២០២៣ របស់អាជ្ញាធរទន្លេសាប ។

សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន

2023-02-27T11:30:21+00:00

នាថ្ងៃសុក្រ ៥កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៤ ខែកុម្ភ: ឆ្នាំ២០២៣ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន និងសហគមន៍នេសាទថ្មដប់មានជ័យ ស្ថិតនៅឃុំសំបួរ ស្រុកមង្គលបូរី ខេត្តបន្ទាយមានជ័យ ។ ការអនុវត្តសកម្មភាពនេះ ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍នេសាទ ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

ឯកឧត្តម ម៉ៅ ហាក់ ដឹកនាំកិច្ចប្រជុំផ្សព្វផ្សាយស្តីពី ការប្រើប្រាស់បណ្តាញផ្ទុកទិន្នន័យ (NAS) នៃអគ្គលេខាធិកាដ្ឋានអាជ្ញាធរទន្លេសាប

2023-02-22T12:45:59+00:00

ថ្ងៃអង្គារ ២កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២១ ខែកុម្ភៈ ឆ្នាំ ២០២៣ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំកិច្ចប្រជុំផ្សព្វផ្សាយស្តីពី ការប្រើប្រាស់បណ្តាញផ្ទុកទិន្នន័យ (NAS) ក្នុងការគ្រប់គ្រងព័ត៌មាន ទិន្នន័យរបស់អគ្គលេខាធិកាដ្ឋានអាជ្ញាធរទន្លេសាប ជូនដល់ថ្នាក់ដឹកនាំ និងមន្ត្រីអគ្គលេខាធិការដ្ឋាន អាជ្ញាធរទន្លេសាប ។
កិច្ចប្រជុំនេះ មានគោលបំណង ៖
-ស្វែងយល់ អំពីរបៀបទុកដាក់ទិន្នន័យ នៅក្នុងបណ្តាញផ្ទុកទិន្នន័យ (NAS)
-ការរៀបចំ ទុកដាក់ទិន្នន័យ ប្រកបដោយសុវត្ថិភាព និងការទាញយកទិន្នន័យមកប្រេីប្រាស់ ក្នុងអគ្គលេខាធិការដ្ឋានអាជ្ញាធរទន្លេសាប ។

ឯកឧត្តម ម៉ៅ ហាក់ ដឹកនាំកិច្ចប្រជុំផ្សព្វផ្សាយស្តីពី ការប្រើប្រាស់បណ្តាញផ្ទុកទិន្នន័យ (NAS) នៃអគ្គលេខាធិកាដ្ឋានអាជ្ញាធរទន្លេសាប

2023-02-22T12:45:59+00:00

ឯកឧត្តមសាស្ត្រាចារ្យ លឹម ពុយ ចុះសិក្សាស្រាវជ្រាវពី E-DNA ដើម្បីកំណត់អត្តសញ្ញាណលើប្រភេទត្រីនីមួយៗ

2023-01-29T16:03:23+00:00

ថ្ងៃសៅរ៍ ៧កើត ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៨ ខែមករា ឆ្នាំ ២០២៣ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ព្រមទាំងថ្នាក់ដឹកនាំ និងក្រុមការងារមន្ត្រីបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បានចុះសិក្សាស្រាវជ្រាវនៅគន្លងដាយលេខ ១៣ តាមដងទន្លេសាប ដើម្បីកំណត់អត្តសញ្ញាណ E-DNA លើប្រភេទត្រីនីមួយៗ ។

ជាលទ្ធផលក្រុមការងារបានរកឃើញប្រភេទត្រីមានចំនួន ៣២ ប្រភេទ ក្នុងចំណោមត្រីប្រមាណ ១៧១ ប្រភេទ ដែលមានក្នុងបញ្ជីសារពើភ័ណ្ឌរបស់អាជ្ញាធរទន្លេសាប និងបានស្រង់យកជាសំណាកដើម្បីទៅធ្វើការវិភាគនៅមន្ទីរពិសោធន៍នាប្រទេសបារាំង ។

សូមបញ្ជាក់ថា គម្រោងសិក្សា E-DNA លើប្រភេទត្រីនៃបឹងទន្លេសាប នឹងត្រូវសិក្សាស្រាវជ្រាវបន្តដើម្បីសម្រេចបានលើអត្តសញ្ញាណត្រីដែលមានក្នុងបញ្ជីសារពើភ័ណ្ឌអាជ្ញាធរទន្លេសាប ។

ឯកឧត្តមសាស្ត្រាចារ្យ លឹម ពុយ ចុះសិក្សាស្រាវជ្រាវពី E-DNA ដើម្បីកំណត់អត្តសញ្ញាណលើប្រភេទត្រីនីមួយៗ

2023-01-29T16:03:23+00:00

ឯកឧត្តម លឹម គានហោ រដ្ឋមន្រី្ត ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញចូលរួមប្រជុំពិនិត្យទីតាំងដីស្នើសុំកែសម្រួលព្រំប្រទល់តំបន់២ និងតំបន់៣ ខេត្តបាត់ដំបង

2023-01-28T18:07:00+00:00

ថ្ងៃព្រហស្បតិ៍ ៥កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៦ ខែមករា ឆ្នាំ ២០២៣ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដំណើរដោយថ្នាក់ដឹកនាំក្រសួង ថ្នាក់ដឹកនាំអាជ្ញាធរទន្លេសាប និងមន្ត្រីបច្ចេកទេសពាក់ព័ន្ធ បានអញ្ជើញចូលរួមប្រជុំពិនិត្យទីតាំងដីដែលរដ្ឋបាលខេត្តបាត់ដំបងស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់បឹងទន្លេសាបស្ថិតក្នុងភូមិសាស្ត្រខេត្តបាត់ដំបង នៅសាលប្រជុំសាលាខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ។

ឯកឧត្តម លឹម គានហោ រដ្ឋមន្រី្ត ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញចូលរួមប្រជុំពិនិត្យទីតាំងដីស្នើសុំកែសម្រួលព្រំប្រទល់តំបន់២ និងតំបន់៣ ខេត្តពោធិ៍សាត់

2023-01-25T17:57:28+00:00

ថ្ងៃពុធ ៤កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៥ ខែមករា ឆ្នាំ ២០២៣ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមទាំងថ្នាក់ដឹកនាំក្រសួង ថ្នាក់ដឹកនាំអាជ្ញាធរទន្លេសាប និងមន្ត្រីបច្ចេកទេសពាក់ព័ន្ធ បានអញ្ជើញចូលរួមប្រជុំពិនិត្យទីតាំងដីដែលរដ្ឋបាលខេត្តពោធិ៍សាត់ស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់បឹងទន្លេសាបក្នុងភូមិសាស្ត្រខេត្តពោធិ៍សាត់ នៅសាលប្រជុំសាលាខេត្តពោធិ៍សាត់ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ។

ឯកឧត្តម លឹម ពុយ ដឹកនាំកិច្ចប្រជុំពិភាក្សាការងារបច្ចេកទេសលើកសំណើគម្រោងសកម្មភាព ឆ្នាំ ២០២៣

2023-01-18T08:17:14+00:00

ព្រឹកថ្ងៃអង្គារ ១១រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៧ ខែមករា ឆ្នាំ ២០២៣ នៅអាជ្ញាធរទន្លេសាប ឯកឧត្តម លឹម ពុយ អនុប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាកិច្ចការបច្ចេកទេសលើគម្រោងផែនការសកម្មភាពសម្រាប់អនុវត្តឆ្នាំ ២០២៣ ។

កិច្ចប្រជុំបានពិនិត្យ និងពិភាក្សាលើគោលដៅនៃការសិក្សា គោលបំណង និងវិធីសាស្ត្រសិក្សាស្រាវជ្រាវ ដើម្បីបន្ស៊ីគ្នាទៅនឹងផែនការយុទ្ធសាស្ត្រអាជ្ញាធរទន្លេសាប ២០២១-២០២៥។

ឯកឧត្តម លឹម គានហោ អញ្ជើញចូលរួមពិនិត្យទីតាំងដីដែលរដ្ឋបាលខេត្តស្នើសុំកែសម្រួលព្រំប្រទល់តំបន់២ និងតំបន់៣ ខេត្តកំពង់ធំ

2022-12-27T17:44:47+00:00

នៅថ្ងៃចន្ទ ៤កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៦ ខែធ្នូ ឆ្នាំ២០២២ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមទាំងថ្នាក់ដឹកនាំក្រសួង ថ្នាក់ដឹកនាំអាជ្ញាធរទន្លេសាប និងមន្ត្រីពាក់ព័ន្ធ បានអញ្ជើញចូលរួមពិនិត្យទីតាំងដីដែលរដ្ឋបាលខេត្តស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់ទន្លេសាបក្នុងភូមិសាស្ត្រខេត្តកំពង់ធំ និងប្រជុំនៅសាលាខេត្តកំពង់ធំ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ ៕ អានត...

ឯកឧត្តម លឹម គានហោ បានអញ្ជើញចូលរួមចុះពិនិត្យទីតាំងព្រំប្រទល់ដីតំបន់២ និងតំបន់៣ ដែលរដ្ឋបាលខេត្តកំពង់ឆ្នាំងស្នើសុំកែសម្រួល

2022-12-20T14:19:56+00:00

ថ្ងៃអង្គារ ១២រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២០ ខែធ្នូ ឆ្នាំ ២០២២ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមទាំងថ្នាក់ដឹកនាំអាជ្ញាធរទន្លេសាប និងមន្ត្រីបច្ចេកទេសពាក់ព័ន្ធ បានអញ្ជើញចូលរួមចុះពិនិត្យទីតាំងដីដែលរដ្ឋបាលខេត្តកំពង់ឆ្នាំងស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់ទន្លេសាបស្ថិតក្នុងភូមិសាស្ត្រខេត្តកំពង់ឆ្នាំង និងបានចូលរួមប្រជុំនៅសាលាខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ៕

ឯកឧត្តម ម៉ៅ ហាក់ ដឹកនាំមន្ត្រីបច្ចេកទេសអាជ្ញាធរទន្លេសាប ចូលរួមប្រជុំពិភាក្សាដើម្បីរៀបចំសមាសភាពរបស់អង្គភាពគ្រប់គ្រងគោលដៅទេសចរណ៍តំបន់បឹងទន្លេសាប

2022-12-01T15:05:55+00:00

ថ្ងៃពុធ ទី ៣០ ខែវិច្ឆិកា ឆ្នាំ ២០២២ ដោយមានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ចូលរួមប្រជុំពិភាក្សាដើម្បីរៀបចំសមាសភាពរបស់អង្គភាពគ្រប់គ្រងគោលដៅទេសចរណ៍តំបន់បឹងទន្លេសាប ដែលជាអង្គភាពគ្រប់គ្រងគោលដៅទេសចរណ៍ដោយឡែក នៃគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ តាមរយៈប្រព័ន្ធ Zoom ដែលដឹកនាំដោយឯកឧត្តមបណ្ឌិត ឈន សុភាព រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងអញ្ជើញចូលរួមពីតំណាងក្រសួងស្ថាប័ន និងអាជ្ញាធរពាក់ព័ន្ធជាច្រើនរូប។

សកម្មភាពចុះសិក្សាទីតាំងដំឡើងស្ថានីយជលសាស្ត្រ និងឧតុនិយម

2022-10-29T05:58:55+00:00

នាថ្ងៃសុក្រ ៤ កើត ខែកក្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៨ ខែតុលា ឆ្នាំ ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងលោក វិន ប៊ុនពៅ ប្រធាននាយកដ្ឋានធនធានធម្មជាតិ រួមជាមួយមន្ត្រី និងក្រុមការងារបច្ចេកទេសអនុវត្តន៍គម្រោងស្តីពីគម្រោងសិក្សាគំរូបច្ចេកវិទ្យា សង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាប ប្រទេសកម្ពុជា ( Pilot Project of Hydro-Meteorological Data Observation and Transmission Technology in Cambodia) រវាងអាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ និងស្វ័យប្រវត្តិកម្ម ការអភិរក្សទឹកណានជីង (NIHWA)នៃក្រសួងធនធានទឹកចិន សរុបចំនួន ១១ ទីតាំង នៃបណ្តាស្ទឹងសំខាន់ៗជុំវិញបឹងទន្លេសាប រួមមានស្ទឹងសែន ស្ទឹងស្រែង ស្ទឹងសិរីសោភ័ណ្ឌ ស្ទឹងសង្កែ ស្ទឹងពោធិ៍សាត់ និងបឹងទន្លេសាប (តំបន់ព្រែកទាល់ ឆ្នុកទ្រូ និងពាមបាង-ទន្លេឆ្មារ) ។

សិក្ខាសាលាស្តីពីសុពលភាពសម្រាប់ការវាយតម្លៃស្ថានភាពប្រព័ន្ធដំបូង និងគម្លាតនៅកម្ពុជា

2022-10-26T09:58:18+00:00

រាជធានីភ្នំពេញៈ នាថ្ងៃអង្គារ ១ កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៥ ខែតុលា ឆ្នាំ ២០២២ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាស្តីពីសុពលភាពសម្រាប់ការវាយតម្លៃស្ថានភាពប្រព័ន្ធដំបូង និងគម្លាតនៅកម្ពុជា នៅសណ្ឋាគារកាំបូឌីយ៉ាន់ណា ដែលបានដឹកនាំ និងសម្របសម្រួលដោយ លោក អ៊ុំ រីណា ប្រធាននាយកដ្ឋានឧតុនិយម នៃក្រសួងធនធានទឹក និងឧតុនិយម និងកញ្ញា ខាលីណេ លី តំណាងអង្គការប្រព័ន្ធប្រកាសអាសន្ន (EWS) ពហុមុខងារជាមុនសម្រាប់តំបន់អាស៊ី និងអាហ្វ្រិក (RIMES) ដែលមានសិក្ខាកាមចូលរួមសរុបប្រមាណ ៣៨ រូប មកពីក្រសួងស្ថាប័នពាក់ព័ន្ធ ។ សិក្ខាសាលានេះ មានគោលបំណងរួមគឺ៖

1- បង្ហាញសាវតាគម្រោង និងការវាយតម្លៃទិដ្ឋភាពទូទៅនៃគម្រោង CREWS រវាងកម្ពុជា និងឡាវ
2- ការចូលរួមពីភាគីពាក់ព័ន្ធលើផ្នែក EWS, IWRM, DRRM និង CCA ដើម្បីពិភាក្សាពីតម្រូវការ និងភាពខ្វះចន្លោះផ្សេងៗក្នុងការទទួលបានព័ត៌មាន EWS ធៀបនឹងទិន្នន័យព្យាករណ៍ និងការជូនដំណឹងនៅកម្ពុជា
3- ធ្វើឱ្យមានសុពលភាពលទ្ធផលនៃការវាយតម្លៃលើផ្នែកនៃ៖
- គោលនយោបាយ, ច្បាប់ និងក្របខ័ណ្ឌស្ថាប័នសម្រាប់ EWS, IWRM, DRRM និង CCA នៅកម្ពុជា
- ហេដ្ឋារចនាសម្ព័ន្ធ EWS ផ្នែកព្យាករណ៍ ការជូនដំណឹង និងការផ្សព្វផ្សាយ
- បច្ចុប្បន្នភាពលើការព្យាករណ៍ និងការជូនដំណឹងរបស់នាយកដ្ឋានឧតុនិយម (DOM) និងនាយកដ្ឋានជលសាស្ត្រ និងការងារទន្លេ (DHRW) ព្រមទាំងតម្រូវការទិន្នន័យ ការទទួលទិន្នន័យរបស់ភ្នាក់ងារ និងអ្នកប្រើប្រាស់
- កម្មវិធី ឬដំណើរការគម្រោងសម្រាប់ EWS, IWRM, DRR/DRM និង CCA នៅក្នុងប្រទេសកម្ពុជា និង
- តម្រូវការ និងវិធីសាស្ត្រក្នុងការទទួលបានទិន្នន័យសម្រាប់កម្មវិធីអាទិភាពនៃគម្រោង ។
4- ការផ្តល់អនុសាសន៍ដល់គម្រោង CREWS និងគំនិតផ្តួចផ្តើមអភិវឌ្ឍន៍សមត្ថភាពទាក់ទងនឹង EWS នាពេលអនាគតនៅក្នុងប្រទេសកម្ពុជា ឬតំបន់ (កម្ពុជា និងឡាវ) ។

សកម្មភាពក្រុមការងារអាជ្ញាធរទន្លេសាបអមដំណើរជាមួយគណៈប្រតិភូចិន បន្តទស្សនកិច្ចស្វែងយល់ពីស្ថានភាពរស់នៅរបស់ប្រជាពលរដ្ឋនៅបឹងទន្លេសាប របបជលសាស្ត្រ ជីវចម្រុះ និងផលចាប់ធនធានជលផល(ត្រី)

2022-10-26T06:36:04+00:00

នាព្រឹកថ្ងៃ សុក្រ ១១ រោច ខែអស្សុជ ឆ្នាំខាល ចត្វាស័ក ព.ស ២០៦៦ ត្រូវនឹងថ្ងៃទី ២១ ខែ តុលា ឆ្នាំ២០២២ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរន្លេសាប បានដឹកនាំជំនួបពិភាក្សាការងារជាមួយគណៈប្រតិភូចិន ដឹកនាំដោយលោក Hao Zhao អគ្គលេខាធិការ LMC Water Center ។ ឯកឧត្តម បានជម្រាបជូនអំពីតួនាទី ភារកិច្ច បេសកកម្មស្នូល និងសមិទ្ធផលស្នាដៃ ដែលអង្គភាពសម្រេចបានកន្លងមក ព្រមទាំងទស្សនទានរបស់អាជ្ញាធរទន្លេសាប នឹងបន្តពង្រឹងកិច្ចប្រតិបត្តបត្តិការជាមួយដៃគូអភិវឌ្ឍន៍លើការសិក្សាស្រាវជ្រាវនៅតំបន់ជុំវិញបឹងទន្លេសាប រួមមានការគ្រប់គ្រប់បឹងទន្លេសាប វិស័យជលផល ប្រព័ន្ធអេកូឡូស្ស៊ី និងសេដ្ឋកិច្ចសង្គមលើជីវភាពរស់នៅរបស់ប្រជាពលរដ្ឋក្នុងតំបន់បឹងទនលេសាប ជាដើម។
សមាភគីគណៈប្រតិភូចិនបានជម្រាបជូនផងដែរពីគោលបំណងនៃដំណើរបំពេញទស្សកិច្ចដើម្បីស្វែងយល់ពីស្ថាប័នអាជ្ញាធរទន្លេសាប និងបន្តគាំទ្រដល់សំណើរបស់ឯកឧត្តម នឹងផ្តល់ជាជំនួយបច្ចេកទេសលើកសំណើគម្រោងសម្រាប់អនុវត្តឆ្នាំ២០២៤ ខាងមុខ ហើយព្រមទាំងផ្តល់អាហារូបករណ៍ដល់មន្ត្រី អាជ្ញាធរទន្លេសាបមានបំណងចង់បន្តការសិក្សានៅ Nanjing Research Institute of Hydrology and Water Conservation Auto ក្រោមគម្រោងមេគង្គឡាងឆាន(LMC) ។ ក្នុងដំណើរទស្សនកិច្ចនេះដែរ មន្ត្រីក្រុមការងារអាជ្ញាធរទន្លេសាប បានអមដំណើរអគណៈប្រតិភូចិន បន្តទស្សនកិច្ចស្វែងយល់ពីស្ថានភាពរស់នៅប្រជាពលរដ្ឋនៅបឹងទន្លេសាប របបជលសាស្ត្រ ជីវចម្រុះ និងផលចាប់ធនធានជលផល(ត្រី) នៅខេត្តកំពង់ឆ្នាំង(ឃុំឆ្នុកទ្រូ និងសង្កាត់ផ្សារឆ្នាំង) និងទន្លេមេគង្គ (តំបន់ស្ពានព្រែកតាមាក់) នាថ្ងៃទី ២២ ខែតុលា ឆ្នាំ២០២២។

ឯកឧត្តម ម៉ៅ ហាក់ អនុប្រធានអាជ្ញាធរន្លេសាប ដឹកនាំជំនួបពិភាក្សាការងារជាមួយគណៈប្រតិភូចិន

2022-10-26T06:24:11+00:00

នាព្រឹកថ្ងៃ សុក្រ ១១ រោច ខែអស្សុជ ឆ្នាំខាល ចត្វាស័ក ព.ស ២០៦៦ ត្រូវនឹងថ្ងៃទី ២១ ខែ តុលា ឆ្នាំ២០២២ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរន្លេសាប បានដឹកនាំជំនួបពិភាក្សាការងារជាមួយគណៈប្រតិភូចិន ដឹកនាំដោយលោក Hao Zhao អគ្គលេខាធិការ LMC Water Center ។ ឯកឧត្តម បានជម្រាបជូនអំពីតួនាទី ភារកិច្ច បេសកកម្មស្នូល និងសមិទ្ធផលស្នាដៃ ដែលអង្គភាពសម្រេចបានកន្លងមក ព្រមទាំងទស្សនទានរបស់អាជ្ញាធរទន្លេសាប នឹងបន្តពង្រឹងកិច្ចប្រតិបត្តបត្តិការជាមួយដៃគូអភិវឌ្ឍន៍លើការសិក្សាស្រាវជ្រាវនៅតំបន់ជុំវិញបឹងទន្លេសាប រួមមានការគ្រប់គ្រប់បឹងទន្លេសាប វិស័យជលផល ប្រព័ន្ធអេកូឡូស្ស៊ី និងសេដ្ឋកិច្ចសង្គមលើជីវភាពរស់នៅរបស់ប្រជាពលរដ្ឋក្នុងតំបន់បឹងទនលេសាប ជាដើម។
សមាភគីគណៈប្រតិភូចិនបានជម្រាបជូនផងដែរពីគោលបំណងនៃដំណើរបំពេញទស្សកិច្ចដើម្បីស្វែងយល់ពីស្ថាប័នអាជ្ញាធរទន្លេសាប និងបន្តគាំទ្រដល់សំណើរបស់ឯកឧត្តម នឹងផ្តល់ជាជំនួយបច្ចេកទេសលើកសំណើគម្រោងសម្រាប់អនុវត្តឆ្នាំ២០២៤ ខាងមុខ ហើយព្រមទាំងផ្តល់អាហារូបករណ៍ដល់មន្ត្រី អាជ្ញាធរទន្លេសាបមានបំណងចង់បន្តការសិក្សានៅវិទ្យាស្ថានទឹក NAJIN ក្រោមគម្រោងមេគង្គឡាងឆាន(LMC) ។ ក្នុងដំណើរទស្សនកិច្ចនេះដែរ មន្ត្រីក្រុមការងារអាជ្ញាធរទន្លេសាប បានអមដំណើរអគណៈប្រតិភូចិន បន្តទស្សនកិច្ចស្វែងយល់ពីស្ថានភាពរបស់នៅរបស់ប្រជាពលរដ្ឋរស់នៅបឹងទន្លេសាប របបជលសាស្ត្រ ជីវចម្រុះ និងផលចាប់ធនធានជលផល(ត្រី) នៅខេត្តកំពង់ឆ្នាំង(ឃុំឆ្នុកទ្រូ និងសង្កាត់ផ្សារឆ្នាំង) និងទន្លេមេគង្គ (តំបន់ស្ពានព្រែកតាមាក់) នាថ្ងៃទី ២២ ខែតុលា ឆ្នាំ២០២២។

សិក្ខាសាលាពិគ្រោះយោបល់កម្រិតបច្ចេកទេសស្តីពី ផែនការយុទ្ធសាស្ត្រផ្សព្វផ្សាយ និងទាក់ទាញទេសចរណ៍ខេត្តសៀមរាប

2022-10-26T06:15:09+00:00

ខេត្តសៀមរាប÷ ថ្ងៃទី ១៨-១៩ ខែតុលា ឆ្នាំ ២០២២ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប និងជាសមាជិកគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ បានចូលរួមសិក្ខាសាលាពិគ្រោះយោបល់កម្រិតបច្ចេកទេសស្តីពី ផែនការយុទ្ធសាស្ត្រផ្សព្វផ្សាយ និងទាក់ទាញទេសចរណ៍ខេត្តសៀមរាបឆ្នាំ ២០២៣-២០២៦ ក្រោមការដឹកនាំសម្របសម្រួលដោយឯកឧត្តម សុង តុងហាប់ រដ្ឋលេខាធិការក្រសួងទេសចរណ៍ និងជាប្រធានអនុគណៈកម្មការផ្សព្វផ្សាយ និងទាក់ទាញទេសចរណ៍នៃគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ ដែលមានសមាសភាពចូលរួមមកពីតំណាងក្រសួងស្ថាប័នពាក់ព័ន្ធ ថ្នាក់ជាតិ ថ្នាក់ក្រោមជាតិ សមាគមន៍ និងគ្រឹះស្ថានឯកជន ចំនួន ១៦៥ នាក់។
សិក្ខាសាលានេះ មានគោលបំណងសំខាន់ដើម្បីចូលរួមស្តារឡើងវិញនូវទីផ្សារទេសចរណ៍ អោយប្រសើរដូចមុនពេលមានវិបត្តិជំងឺកូវីដ-១៩ នៅត្រឹមឆ្នាំ ២០២៦ ដែលមានទិសដៅចម្បងរួមមាន ៖
១. ការទាក់ទាញប្រភពទីផ្សារទេសចរណ៍សំខាន់ៗ។
២. ការផ្សព្វផ្សាយទេសចរណ៍នៃខេត្តសៀមរាបគ្រប់រូបភាព និងគ្រប់មធ្យោបាយ។
៣. បង្កើតសកម្មភាពការចូលរួមពីសំណាក់មហាជនទូទៅ។

សកម្មភាពសិក្សាសេដ្ឋកិច្ចសង្គមភូមិបណ្តែតទឹក ខេត្តពោធិ៍សាត់

2022-10-13T13:51:37+00:00

ថ្ងៃពុធ ០២ រោច ខែ អស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១២ ខែតុលា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាសេដ្ឋកិច្ចសង្គមលើជីវភាព រស់នៅប្រចាំថ្ងៃរបស់ប្រជាពលរដ្ឋនៅក្នុងភូមិសាស្ត្រភូមិបណ្តែតទឹក ស្ថិតនៅឃុំអន្សាចំបក់ ស្រុកក្រគរ ខេត្តពោធិ៍សាត់។ ការសិក្សានេះ ដើម្បីស្វែងយល់ពីបញ្ហាប្រឈមនានាក្នុងជីវភាពរស់នៅប្រចាំថ្ងៃលើការប្រកបរបរចិញ្ចឹមជីវិតរបស់ប្រជាពលរដ្ឋរស់នៅភូមិបណ្តែតទឹកបឹងទន្លេសាប ។

សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធអាជ្ញាធរមូលដ្ឋាន ខេត្តសៀមរាប

2022-09-30T14:14:31+00:00

នាថ្ងៃសុក្រ ៥កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៣០ ខែកញ្ញា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន និងសហគមន៍នេសាទចុងឃ្នៀស ស្ថិតនៅសង្កាត់ចុងឃ្នៀស ក្រុងសៀមរាប ខេត្តសៀមរាប ។ ការអនុវត្តសកម្មភាពនេះ ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍នេសាទ ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពសិក្សាសេដ្ឋកិច្ចសង្គមភូមិបណ្តែតទឹក ខេត្តសៀមរាប

2022-09-23T10:36:07+00:00

ខេត្តសៀមរាប: នាថ្ងៃព្រហស្បតិ៍ ១២ រោច ខែ ភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២២ ខែកញ្ញា ឆ្នាំ២០២២ ក្រុមការងារមន្ត្រីបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក ស្រ៊ុន ស៊ីលីន អនុប្រធាននាយកដ្ឋាន បានបន្តការសិក្សាសេដ្ឋកិច្ចសង្គមលើជីវភាព រស់នៅប្រចាំថ្ងៃរបស់ប្រជាពលរដ្ឋនៅភូមិបណ្តែតទឹកនៅក្នុងភូមិសាស្ត្រភូមិបណ្តែតទឹក ស្ថិតនៅឃុំកែវពណ៌ ស្រុកពួក ខេត្តសៀមរាប ។ ការសិក្សានេះ ដើម្បីស្វែងយល់ពីស្ថានភាពសេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាជនលើការប្រើប្រាស់ធនធានធម្មជាតិ រួមជាមួយបញ្ហាប្រឈមនានាក្នុងការប្រកបរបរចិញ្ចឹមជីវិតរបស់ប្រជាពលរដ្ឋរស់នៅភូមិបណ្តែតទឹកបឹងទន្លេសាប ។

សកម្មភាពសិក្សាពីបញ្ហាប្រឈមលើវិស័យសង្គមកិច្ច និងការងារ ខេត្តពោធិ៍សាត់

2022-09-22T22:24:53+00:00

នាថ្ងៃ ពុធ ១១រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២១ ខែ កញ្ញា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាពីបញ្ហាប្រឈមលើវិស័យសង្គមកិច្ច និងការងាររបស់ប្រជាពលរដ្ឋរស់នៅក្នុងតំបន់បឹងទន្លេសាប ស្ថិតនៅក្នុងភូមិសាស្ត្រឃុំកំពង់ពោធិ៍ និង ឃុំស្នាអន្សា ស្រុកក្រគរ ខេត្តពោធិ៍សាត់ ។ ការសិក្សានេះ ដើម្បីស្វែងយល់ពីស្ថានភាពទូទៅ និងបញ្ហាប្រឈមនានាលើវិស័យសង្គមកិច្ច និងការងារ និងកត្តាជម្រុញលើកកម្ពស់ការអភិវឌ្ឍន៍វិស័យសង្គមកិច្ចក្នុងតំបន់ជុំវិញបឹងទន្លេសាប។

សកម្មភាពសិក្សាស្វែងយល់ពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រង សហគមន៍

2022-09-16T07:56:47+00:00

លោក យ៉ាន់ សំរិទ្ធ ប្រធាននាយកដ្ឋាន រួមនឹងក្រុមការងារមន្ត្រីបច្ចេកទេស នាយកដ្ឋាន នីតិកម្ម និងផ្សាព្វផ្សាយ នៃអាជ្ញាធរទន្លេសាប បានបន្តធ្វើការសិក្សាស្វែងយល់ពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រង សហគមន៍ ប្រកបដោយនិរន្តរភាព ជាមួយស្ថាប័នជំនាញពាក់ព័ន្ធ ស្ថិតនៅក្នុងភូមិសាស្ត្រខេត្តបន្ទាយមានជ័យ នាថ្ងៃសុក្រ ៦ រោច ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៦ ខែកញ្ញា ឆ្នាំ២០២២។ គោលបំណង នៃ ការសិក្សានេះ គឺដើម្បីស្វែងយល់ពីប្រសិទ្ធភាពនៃការអនុវត្ត និងយន្តការគន្លឹះក្នុងការរៀបចំកសាងផែនការគ្រប់គ្រងនៅតាមសហគមន៍មូលដ្ឋាន និងជម្រុញដល់ការរៀបចំកសាងផែនការគ្រប់គ្រងសហគមន៍ ដើម្បីកិច្ចការពារ អភិរក្ស អភិវឌ្ឍ ធនធានធម្មជាតិនៅតាមសហគមន៍មូលដ្ឋាន ប្រកបដោយនិរន្តរភាព។

វគ្គបណ្តុះបណ្តាលស្តីពី "វិធីសាស្ត្រក្នុងការសរសេរព័ត៌មាន និងផលិតវីដេអូបែបបទយកការណ៍ (Features)"

2022-09-10T15:49:43+00:00

នាព្រឹកថ្ងៃទី ០៧ ខែកញ្ញា ឆ្នាំ ២០២២ នៅសាលប្រជុំគណៈកម្មាធិការជាតិទន្លេមេគង្គកម្ពុជា រាជធានីភ្នំពេញ ឯកឧត្តម ម៉ៅហាក់ អនុប្រធាន អាជ្ញាធរទន្លេសាប ដំណាងដ៍ខ្ពង់ខ្ពស់ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញបើកសិក្ខាសាលាបណ្តុះបណ្តាល ស្តីពីវិធីសាស្ត្រក្នុងការសរសេរព័ត៌មាន និងផលិតវីដេអូបែបបទយកការណ៍ (Features)" ដែលវគ្គបណ្ដុះបណ្ដាលនេះ ប្រព្រឹត្តទៅមានរយៈពេលចំនួន ០២ថ្ងៃ មានសិក្ខាកាមចូលរួម ចំនួន ៣០នាក់ ជាមន្ត្រីអាជ្ញាធរទន្លេសាប មន្ត្រីមកពីនាយកដ្ឋានជលសាស្ត្រ និងគណៈកម្មាធិការជាតិទន្លេមេគង្គកម្ពុជា។ វគ្គបណ្ដុះបណ្តាលគោលបំណងសំខាន់ៗ ដើម្បីពង្រឹង និងបង្កើនចំណេះដឹងបន្ថែមដល់មន្ត្រីបច្ចេកទេសអាជ្ញាធរទន្លេសាប និងមន្ត្រីនៃស្ថាប័នដៃគូរពាក់ព័ន្ធ ក្នុងការសរសេរព័ត៌មាន (5Ws & H) ។ ជាលទ្ធផល សិក្ខាកាម ទទួលបាននូវៈ
- យល់ដឹងឲ្យកាន់ច្បាស់ពីធាតុផ្សំ និងគ្រោងឆ្អឹងនៃការធ្វើបទយកការណ៍
- យល់ដឹងពីវិធីសាស្ត្រនៃការប្រើប្រាស់សំណួរដើម្បីសម្ភាសន៍
- យល់ដឹងបន្ថែមពីរបៀប ជ្រើសរើសប្រធានបទ
- យល់ដឹងពីរបៀបថតរូបភាព
- ចេះរៀបចំផែនការ និងបែកចែការងារមុនពេលចុះថត ពេលចុះថត និងក្រោយពេលចុះថតរួច
- យល់ដឹងកាន់តែច្បាស់ពីហានិភ័យការងារពេលចុះថតបទយកការណ៍ ។

វគ្គបណ្តុះបណ្តាលស្តីពី "វិធីសាស្ត្រក្នុងការសរសេរព័ត៌មាន និងផលិតវីដេអូបែបបទយកការណ៍ (Features)"

2022-09-10T15:49:43+00:00

សិម្មភាពសិក្សាការកែច្នៃធនធានជលផលនិងចរន្តអាជីវកម្ម

2022-09-01T14:48:10+00:00

ខេត្តកំពង់ធំ៖ ថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៣១ ខែសីហា ឆ្នាំ២០២២ លោក ហេង សុវណ្ណារ៉ា ប្រធាននាយកដ្ឋានបានដឹកនាំមន្ត្រីបច្ចេកទេសក្នុងនាយកដ្ឋានត្រួតពិនិត្យកាធ្វើអាជីវកម្ម និងអភិរក្ស នៃអាជ្ញាធរទន្លេសាប ចុះសិក្សាការកែច្នៃធនធានជលផល និងចរន្តអាជីវកម្ម។ ការសិក្សានេះផ្តោតសំខាន់លើ៖
១/ តាមដានបរិមាណត្រីស្រស់ ប្រភេទនៃការកែច្នៃ និងបច្ចេកទេសនៃការកែច្នៃតាមប្រភេទនីមួយៗ
២/ សិក្សាពីការវិវត្តន៍នៃចរន្តទីផ្សារតាមតំបន់នីមួយៗក្នុងអំឡុងឆ្នាំ២០១៨ ដល់បច្ចុប្បន្ន។

សកម្មភាពសិក្សាពីបច្ចុប្បន្នភាពធនធានត្រី សប្បីសត្វ វារីសត្វ ល្មូន

2022-09-01T14:38:17+00:00

ថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៣១ ខែ សីហា ឆ្នាំ ២០២២ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេសបន្តចុះសិក្សាពីបច្ចុប្បន្នភាពធនធានត្រី សប្បីសត្វ វារីសត្វ ល្មូន តាមការប្រែប្រួលរបបជលសាស្ត្របឹង និងផលប៉ះពាល់ទឹកបឹងទន្លេសាបខេត្តបាត់ដំបង និងខេត្តសៀមរាប។ការសិក្សានេះដើម្បី:
១. ធ្វើបច្ចុប្បន្នភាពធនធានជលផលលើលក្ខណៈជីវសាស្ត្រ (ត្រី និងក្រៅពីត្រី) និងវាយតម្លៃផលចាប់ទៅតាមប្រភេទឧបករណ៍នេសាទ ព្រមទាំងធ្វើបច្ចុប្បន្នភាពលំនៅដ្ឋានធនធានជលផលនៅក្នុងតំបន់ទីជម្រាលអាងទន្លេសាប (រដូវប្រាំង/រដូវវស្សា)
២. សិក្សាពីផលប៉ះពាល់គុណភាពទឹកបឹងទន្លេសាប នៅក្នុងភូមិបណ្តែតទឹក និងតាមទីតាំងសិក្សាតាមដាន
៣. ធ្វើបច្ចុប្បន្នភាពផែនទីទីតាំងនេសាទធនធានជលផលទៅតាមប្រភេទទីជម្រក (រដូវប្រាំង/រដូវវស្សា)។

សកម្មភាពសិក្សា វាយតម្លៃកការធ្វើអាជីវកម្មធនធានជលផល

2022-09-01T14:26:47+00:00

ខេត្តបាត់ដំបង៖ ថ្ងៃចន្ទ ទី២៩ ខែសីហា ឆ្នាំ ២០២២ លោក លឹម វុទ្ធី អនុប្រធាននាយកដ្ឋាន បានដឹកនាំមន្ត្រីក្រុមការងារបច្ចេកទេសនាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចុះសិក្សាស្រាវជ្រាវ វាយតម្លៃការធ្វើអាជីវកម្មធនធានជលផល និងក្តាប់ស្ថានភាពទូទៅស្ថិតនៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ។ ការសិក្សានេះផ្តោតសំខាន់ទៅលើ៖
- ប្រមូលព័ត៌មានទីតាំងនេសាទ និងឧបករណ៍ប្រើប្រាស់ ដើម្បីរៀបចំផែនទី និងវិភាគលើអាជីវកម្មធនធានជលផល ។

សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន ខេត្តបាត់ដំបង

2022-08-31T17:17:55+00:00

នាថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៣១ ខែកញ្ញា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន និងសហគមន៍នេសាទរហាលសួងស្ដីក្រោម ស្ថិតនៅឃុំព្រែកហ្លួង ស្រុកឯកភ្នំ ខេត្តបាត់ដំបង។ ការអនុវត្តសកម្មភាពនេះ ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍នេសាទ ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពចូលរួមកិច្ចប្រជុំការងារថ្នាក់ជាតិស្តីពី ការដាក់ពាក្យស្នើសុំដើម្បីបានក្លាយជាស្ថាប័នដែលមានការទទួលស្គាល់ជាផ្លូវការ

2022-08-24T14:37:27+00:00

សៀមរាបៈនាថ្ងៃអង្គារ ១១រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ២៣ ខែសីហា ឆ្នាំ ២០២២ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាបបានចូលរួមកិច្ចប្រជុំការងារថ្នាក់ជាតិ ស្តីពីការដាក់ពាក្យស្នើសុំរបស់គណ:កម្មការទន្លេមេគង្គ ដើម្បីបានក្លាយជាស្ថាប័ន ដែលមានការទទួលស្គាល់ជាផ្លូវការ ក្នុងការប្រើប្រាស់មូលនិធិអាកាសធាតុបៃតង ដែលរៀបចំដោយគណ:កម្មាធិការជាតិទន្លេមេគង្គកម្ពុជា (CNMC) ក្រោមការដឹកនាំសម្របសម្រួលដោយ ឯកឧត្តម សូ សុភ័ទ្ទ អគ្គលេខាធិការគណ:កម្មាធិការជាតិទន្លេមេគង្គកម្ពុជា ។

គោលបំណងនៃកិច្ចប្រជុំគឺ៖
(១) ការរៀបចំ និងផែនការរបស់លេខាធិការដ្ឋាន គណៈកម្មការទន្លេមេគង្គ (MRCS) ក្នុងការដាក់ពាក្យស្នើសុំជូនទៅមូលនិធិអាកាសធាតុបៃតង (GCF) ដើម្បីបានក្លាយជាអង្គភាព/ស្ថាប័នផ្លូវការ ក្នុងការប្រើប្រាស់មូលនិធិនេះ
(២) ផ្តល់ការបំភ្លឺអំពីគម្រោងស្នើសុំនៃការដាក់ពាក្យស្នើសុំរបស់ MRC
(៣) ប្រមូលមតិយោបល់ និងការណែនាំពីគណៈកម្មាធិការជាតិទន្លេមេគង្គកម្ពុជា និង GCF NDA ស្តីពី GCF readiness support សម្រាប់ MRCS និង
(៤) ប្រមូលមតិយោបល់ និងការណែនាំ និងការគាំទ្រពីគណៈកម្មាធិការជាតិទន្លេមេគង្គកម្ពុជា និង GCF NDA ចំពោះការដាក់ពាក្យស្នើសុំរបស់ MRC ដើម្បីបានក្លាយជាអង្គភាព/ស្ថាប័នផ្លូវការ ក្នុងការប្រើប្រាស់ GCF និងទទួលបាននូវលិខិតតែងតាំង៕

កិច្ចប្រជុំពិភាក្សាជាមួយក្រុមការងារសិក្សាស្រាវជ្រាវ WEPA (Water Environment Partnership in Asia)

2022-08-23T08:42:13+00:00

រាជធានីភ្នំពេញ៖ នារសៀលថ្ងៃចន្ទ ទី ២២ ខែសីហា ឆ្នាំ ២០២២ លោក វិន ប៊ុនពៅ ប្រធាននាយកដ្ឋានធនធានធម្មជាតិ និងមន្ត្រីបច្ចេកទេស នៃអាជ្ញាធរទន្លេសាប បានចូលរួមប្រជុំពិភាក្សា ដែលបដឹកនាំសម្របសម្រួលដោយឯកឧត្តម ឈា ប៊ុនរិទ្ធ អគ្គនាយកកិច្ចការបច្ចេកទេស និងក្រុមការងារមន្ត្រីបច្ចេកទេស នៃក្រសួងធនធានទឹក និងឧតុនិយម បានជួបពិភាក្សាជាមួយក្រុមការងារសិក្សាស្រាវជ្រាវ WEPA (Water Environment Partnership in Asia) ដែលបានសហការជាមួយក្រសួងបរិស្ថាន ក្នុងការអនុវត្តកម្មវិធី “ការកសាងសមត្ថភាពមន្ត្រីថ្នាក់ក្រោមជាតិ លើការកំណត់អត្តសញ្ញាណប្រភពបំពុលទឹក និងបរិមាណបន្សុទ្ធសារធាតុបំពុលចូលក្នុងបឹងទន្លេសាប” នៅតំបន់ទន្លេសាប ។

កិច្ចពិភាក្សាខាងលើមានគោលបំណង ៖
១- បង្ហាញសង្ខេបពីសកម្មភាពការងាររួមរបស់គម្រោង WEPA នៅកម្ពុជា
២- ប្រមូលព័ត៌មាន និងទិន្នន័យពាក់ព័ន្ធ គុណភាពទឹកក្នុងតំបន់ទន្លេសាប
៣- ពិភាក្សាស្វែងយល់ពីគោលនយោបាយ រួមនៃបរិស្ថានទឹកបឹងទន្លេសាបរបស់ក្រសួងធនធានទឹក និងឧតុនិយម និងអាជ្ញាធរទន្លេសាប ។
៤- សិក្សាផលប៉ះពាល់គុណភាពទឹកបឹងពីរោងចក្រឧស្សាហកម្ម, ជី-ថ្នាំកសិកម្ម, វារីវប្បកម្ម និងការបញ្ចេញចោលកាកសំណល់នៃទីប្រជុំ-ភូមិបណ្តែតទឹក ។ល។

កិច្ចប្រជុំពិភាក្សាជាមួយក្រុមការងារសិក្សាស្រាវជ្រាវ WEPA (Water Environment Partnership in Asia)

2022-08-23T08:42:13+00:00

ប្រជុំពិភាក្សាការងារស្តីពី គម្រោង CREWS សម្រាប់ការទទួលបានប្រព័ន្ធប្រកាសអាសន្នក្នុងតំបន់ទន្លេសាប (Cambodia and Lao project)

2022-08-23T08:24:48+00:00

នាថ្ងៃទី២២ ខែសីហា ឆ្នាំ២០២២ កិច្ចប្រជុំពិភាក្សាការងារស្តីពី គម្រោង CREWS សម្រាប់ការទទួលបានប្រព័ន្ធប្រកាសអាសន្នក្នុងតំបន់ទន្លេសាប (Cambodia and Lao project) នៅសាលប្រជុំ នៃអាជ្ញាធរទន្លេសាប ដែលមានការចូលរួមដោយ លោក វិន ប៊ុនពៅ ប្រធាននាយកដ្ឋានធនធានធម្មជាតិ និងមន្ត្រីបច្ចេកទេសនាយកដ្ឋានធនធានធម្មជាតិនៃអាជ្ញាធរទន្លេសាប ។

គោលបំណង នៃកិច្ចប្រជុំពិភាក្សា ៖
- សាកសួរ និងស្វែងយល់ អំពីផែនការយុទ្ធសាស្ត្រ របស់អាជ្ញាធរទន្លេសាប
- សាកសួរព័ត៌មាន អំពីប្រព័ន្ធប្រកាសភាពអាសន្ន (early warning system) និង hydro meteorological ក្នុងតំបន់ជុំវិញបឹងទន្លេសាប
- ស្វែងយល់ អំពី ចំនួនប្រជាជន ផលប៉ះពាល់ និងជីវភាពរស់នៅរបស់ប្រជាជន រស់នៅក្នុងតំបន់ជុំវិញបឹងទន្លេសាប ។

ប្រជុំពិភាក្សាការងារស្តីពី គម្រោង CREWS សម្រាប់ការទទួលបានប្រព័ន្ធប្រកាសអាសន្នក្នុងតំបន់ទន្លេសាប (Cambodia and Lao project)

2022-08-23T08:24:48+00:00

សកម្មភាពចុះសិក្សាតាមដានពីលំហូរចូល-ចេញនៃធនធានត្រីពីទន្លេមេគង្គចូលទៅទន្លេសាប

2022-08-19T14:21:28+00:00

ថ្ងៃពុធ ៥រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី ១៧ ខែសីហា ឆ្នាំ ២០២២ ការសិក្សានេះ បានដឹកនាំសម្របសម្រួលដោយលោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ និងក្រុមការងារមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាតាមដានពីលំហូរចូល-ចេញនៃធនធានត្រីពីទន្លេមេគង្គចូលទៅទន្លេសាប នៅខេត្តកណ្តាល និងខេត្តកំពង់ចាម។ គោលបំណងនៃការសិក្សាតាមដាននេះគឺ៖
១.សិក្សាតាមដានពីពេលវេលាចាប់មានវត្តមានកូនត្រីហូរចូលទៅបឹងទន្លេសាប និងតំបន់ពាក់ព័ន្ធ
២.សិក្សាផ្តោតសំខាន់លើការលូតលាស់ជាប្រចាំខែរបស់កូនត្រី ដែលបានបំលាស់ទីចូលបឹងទន្លេសាប មុននឹងវាធ្វើបំលាស់ទីចេញពីបឹងទន្លេសាប
៣.សិក្សាតាមដានលើលក្ខណៈជីវសាស្ត្រ និងវដ្តជីវិតនៃប្រភេទត្រីដែលធ្វើចរាចររយៈចម្ងាយឆ្ងាយ នៅតំបន់បឹងទន្លេសាប ទន្លេសាប និងតំបន់ពាក់ព័ន្ធ។

សកម្មភាពមន្ត្រីនាយកដ្ឋាននីតិកម្ម និងផ្សព្វផ្សាយ បន្តសិក្សាពីវិស័យសង្គមកិច្ច និងការងារ ខេត្តបាត់ដំបង

2022-08-17T13:57:32+00:00

នាថ្ងៃ ពុធ ៥រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៧ ខែសីហា ឆ្នាំ២០២២ ការសិក្សានេះ បានដឹកនាំសម្របសម្រួលដោយលោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាពីវិស័យសង្គមកិច្ច និងការងាររបស់ប្រជាពលរដ្ឋរស់នៅក្នុងតំបន់បឹងទន្លេសាប ស្ថិតនៅក្នុងភូមិសាស្ត្រឃុំព្រែកខ្ពប ស្រុកឯកភ្នំ និង ឃុំតាលាស់ ស្រុកមោងឬស្សី ខេត្តបាត់ដំបង ។ ការសិក្សានេះ ដើម្បីស្វែងយល់ពីស្ថានភាពទូទៅ និងបញ្ហាប្រឈមនានាលើវិស័យសង្គមកិច្ច និងការងារ និងកត្តាបង្កការរាំងស្ទះលើកកម្ពស់ការអភិវឌ្ឍន៍វិស័យសង្គមកិច្ចក្នុងតំបន់ជុំវិញបឹងទន្លេសាប ។

សកម្មភាពសិក្សា វាយតម្លៃកការធ្វើអាជីវកម្មធនធានជលផល

2022-08-12T13:24:15+00:00

ខេត្តពោធិ៍សាត់ ៖ ថ្ងៃអង្គារ៍ ១២កើត រហូតដល់ថ្ងៃ សុក្រ ១៥កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៩ ដល់ថ្ងៃទី ១២ ខែសីហា ឆ្នាំ២០២២ លោក ហេង សុវណ្ណារ៉ា ប្រធាននាយកដ្ឋាន បានដឹកនាំក្រុមការងារបច្ចេកទេសនាយកដ្ឋានត្រួត ពិនិត្យការធ្វើអាជីកម្ម និងអភិរក្ស នៃអាជ្ញាធរទន្លេសាប ចុះសិក្សាស្រាវជ្រាវ វាយតម្លៃការធ្វើអាជីវកម្មធនធានជលផល និងក្តាប់ស្ថានភាពទូទៅស្ថិតនៅឃុំកំពង់លួង ឃុំអន្លង់ត្នោត ឃុំកំពង់ពោធិ៍ ស្រុកក្រគរ និងឃុំរាំងទិល ស្រុកកណ្តៀង នៅខេត្តពោធិ៍សាត់។ ការសិក្សានេះផ្តោតសំខាន់ទៅលើ៖

- សិក្សាវាយតំលៃធនធានជលផលលើអាជីវកម្មធនធានធម្មជាតិ វារីវប្បកម្ម និងចរន្តទីផ្សារតាមច្រកចេញ-ចូលត្រី

- សិក្សាពីការកែច្នៃធនធានជលផល និងចរន្តទីផ្សារ

- តាមដានបទល្មើសនេសាទតាមទីតាំង ឧបករណ៍ប្រើប្រាស់ ដោបង្ហាញផែនទីទៅតាមទីតាំងបទល្មើស។

កិច្ចប្រជុំពិគ្រោះយោបល់ថ្នាក់ជាតិលើកទី១ ស្តីពីការរិះរកមធ្យោបាយ សម្រាប់លទ្ធភាពនៃការបង្កើតមូលនិធិមេគង្គ

2022-08-11T08:56:14+00:00

រាជធានីភ្នំពេញ ៖ ថ្ងៃអង្គារ ១២កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ០៩ ខែសីហា ឆ្នាំ ២០២២ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាបបានចូលរួមកិច្ចប្រជុំពិគ្រោះយោបល់ថ្នាក់ជាតិលើកទី១ ស្តីពីការរិះរកមធ្យោបាយ សម្រាប់លទ្ធភាពនៃការបង្កើតមូលនិធិមេគង្គ ដែលរៀបចំដោយគណ:កម្មាធិការជាតិទន្លេមេគង្គកម្ពុជា (CNMC) ក្រោមការដឹកនាំសម្របសម្រួលដោយ ឯកឧត្តម គល់ វឌ្ឍនា អគ្គលេខាធិការរងគណ:កម្មាធិការជាតិទន្លេមេគង្គកម្ពុជា និងមានការចូលរួមពីតំណាងក្រសួង-ស្ថាប័នពាក់ព័ន្ធ។

សកម្មភាពសិក្សាសេដ្ឋកិច្ចសង្គមភូមិបណ្តែតទឹក ខេត្តពោធិ៍សាត់

2022-08-11T08:22:18+00:00

ការបន្តសកម្មភាពការសិក្សាសេដ្ឋកិច្ចសង្គមលើជីវភាព រស់នៅប្រចាំថ្ងៃរបស់ប្រជាពលរដ្ឋនៅភូមិបណ្តែតទឹកនៅក្នុងភូមិសាស្ត្រភូមិបណ្តែតទឹក ស្ថិតនៅឃុំកំពង់លួង ស្រុកក្រគរ ខេត្តពោធិ៍សាត់ គឺដើម្បីស្វែងយល់ពីស្ថានភាពសេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាជនលើការប្រើប្រាស់ធនធានធម្មជាតិ រួមជាមួយបញ្ហាប្រឈមនានាក្នុងការប្រកបរបរចិញ្ចឹមជីវិតរបស់ប្រជាពលរដ្ឋរស់នៅភូមិបណ្តែតទឹកបឹងទន្លេសាប ។

ការសិក្សានេះ បានដឹកនាំសម្របសម្រួលដោយលោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប ចាប់ពីថ្ងៃអង្គារ ១២ កេីត ដល់ថ្ងៃពុធ ១៣ កើត ខែ ស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៩ ដល់ថ្ងៃទី ១០ ខែសីហា ឆ្នាំ២០២២ ។

សកម្មភាពសិក្សាតាមដាន វាយតម្លៃ និងប្រមូលទិន្នន័យផលចាប់ធនធានត្រី ខេត្តកំពងឆ្នាំង

2022-08-07T12:03:07+00:00

នា ថ្ងៃ ពុធ ៦កើត ខែ ស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០៣ ខែសីហា ឆ្នាំ ២០២២ ក្រុមការងារបច្ចេកទេសអាជ្ញាធរទន្លេសាប ដឹកនាំដោយលោក ភេម ស៊ា ទីប្រឹក្សាអាជ្ញាធរទន្លេសាប បានបន្តចុះសិក្សាតាមដាន វាយតម្លៃ និងប្រមូលទិន្នន័យផលចាប់ធនធានត្រី នៅភូមិសាស្ត្រឃុំសែប(កំពង់ប្រាសាទ) ស្រុកកំពង់ត្រឡាច ឃុំទឹកហូត ស្រុករលាប្អៀរ និងឃុំពាមឆ្កោក ស្រុកជលគីរី នៃខេត្តកំពង់ឆ្នាំង ដែលមានការចូលរួមពីតំណាងអាជ្ញាធរដែនដី និងប្រជានេសាទដែលពាក់ព័ន្ធ ។

ឯកឧត្តម ខូវ មាស អគ្គលេខាធិការរង អញ្ជើញចូលរួមកិច្ចប្រជុំ និងទស្សនកិច្ចសិក្សា ការផ្លាស់ប្តូរបទពិសោធន៍នៃសហគមន៍

2022-08-07T09:14:02+00:00

នាថ្ងៃទី ០៣-០៥ ខែសីហា ឆ្នាំ ២០២២ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប និងជាសមាជិកគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ និងលោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ និងជាសមាជិកលេខាធិកាដ្ឋាននៃគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ បានអញ្ជើញចូលរួមកិច្ចប្រជុំ និងទស្សនកិច្ចសិក្សា ការផ្លាស់ប្តូរបទពិសោធន៍នៃសហគមន៍កំពង់ភ្លុក កំពង់ឃ្លាំង និងចុងឃ្នៀស ដើម្បីរៀបចំផែនការ " Clean and Green " នៃយុទ្ធនាការ " កម្ពុជាស្អាត កម្ពុជាបៃតង " របស់ក្រុមការងារគណៈកម្មាធិការជាតិវាយតម្លៃទីក្រុងស្អាត នៃក្រសួងទេសចរណ៍ ដោយមានកិច្ចសហការជាមួយអង្គការដៃគូ River Ocean Cleanup និងអង្គការ Everwave នៃប្រទេសអាល្លឺម៉ង់។

ឯកឧត្តម ខូវ មាស អញ្ជើញចូលរួមពិធី " ប្រកាសផ្សព្វផ្សាយសមាសភាព និងយន្តការអនុវត្តចំណុះឱ្យគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ

2022-08-02T22:16:44+00:00

សៀមរាប÷ ថ្ងៃចន្ទ ៤កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី ០១ ខែសីហា ឆ្នាំ ២០២២ ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប និងជាសមាជិកគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ

បានអញ្ជើញចូលរួមពិធី " ប្រកាសផ្សព្វផ្សាយសមាសភាព និងយន្តការអនុវត្តចំណុះឱ្យគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ និងប្រកាសដាក់ឱ្យអនុវត្តផែនការសកម្មភាពផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥" ។

វគ្គបណ្តុះបណ្តាលស្តីពីការប្រើប្រាស់ឧបករណ៍ Acoustic Doppler Current Profile (ADCP)

2022-08-01T14:47:55+00:00

រាជធានីភ្នំពេញ៖ ដើម្បីពង្រឹងសមត្ថភាពមន្ត្រីរាជការអាជ្ញាធរទន្លេសាបលើការប្រើប្រាស់ឧបករណ៍ ADCP នាថ្ងៃទី ២៨ ដល់ ២៩ ខែកក្កដា ឆ្នាំ ២០២២ អាជ្ញាធរទន្លេសាបបានរៀបចំបើកវគ្គបណ្តុះបណ្តាលស្តីពីការប្រើប្រាស់ឧបករណ៍ Acoustic Doppler Current Profile (ADCP) ជូនដល់មន្ត្រីបច្ចេកទេសអាជ្ញាធរទន្លេសាបចំនួន២០នាក់ និង ៤នាក់ ជាមន្ត្រីនាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយម ដែលប្រព្រឹត្តិទៅក្រោមអធិបតីភាពឯកឧត្តម ម៉ៅ ហាក់ អនុប្រធានអាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ។

សិក្ខាសាលានេះមានគោលបំណង ៖

-ពង្រឹងសមត្ថភាពមន្ត្រីអាជ្ញាធរទន្លេសាបក្នុងការប្រើប្រាស់ឧបករណ៍ ADCP ឲ្យស្ទាត់ជំនាញ ព្រមទាំងការថែទាំឧបករណ៍ ។

-ប្រមូល និងវិភាគទិន្នន័យ ដែលទទួលបានពីការវាស់វែង លើលំហូរទឹក ចរន្តទឹក ជម្រៅទឹក រយៈកម្ពស់តួបាត ទន្លេ ស្ទឹង បឹង ។

សារៈសំខាន់លើការប្រើប្រាស់ឧបករណ៍ ADCP គឺការធ្វើការសិក្សាលើរបបជលសាស្ត្រទន្លេ ស្ទឹង បឹង និងសិក្សាតាមដានលើការប្រែប្រួលនៃរបបទឹក ការប្រែប្រួលបាតតួទន្លេ ស្ទឹង បឹង ដែលបាន និងកំពុងកើតមាននៅតាមទន្លេ ស្ទឹង បឹង ជាដើម ដើម្បីធ្វើការវិភាគ សិក្សាលម្អិត លើមូលហេតុចម្បងៗ ដែលបាន និងកំពុងកើតមានដោយការអភិវឌ្ឍ និងអភិរក្ស ក្នុងបរិបទនៃការប្រែប្រួលអាកាសធាតុ ។

វគ្គបណ្តុះបណ្តាលស្តីពីការប្រើប្រាស់ឧបករណ៍ Acoustic Doppler Current Profile (ADCP)

2022-08-01T14:47:55+00:00

សិក្ខាសាលានេះមានគោលបំណង ៖

កិច្ចប្រជុំពិគ្រោះយោបល់ថ្នាក់ជាតិ ស្តីពីការធ្វើបច្ចុប្បន្នភាពផែនការគ្រប់គ្រងតំបន់រ៉ាមសារព្រែកទាល់រយៈពេល ៥ ឆ្នាំ

2022-07-25T22:12:39+00:00

បាត់ដំបង ៖ ដោយមានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នៅថ្ងៃសុក្រ ៩រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ២២ ខែកក្កដា ឆ្នាំ ២០២២ លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាបបានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីការធ្វើបច្ចុប្បន្នភាពផែនការគ្រប់គ្រងតំបន់រ៉ាមសារព្រែកទាល់រយៈពេល ០៥ឆ្នាំ (២០២២-២០២៦) នៅខេត្តបាត់ដំបង ដែលរៀបចំឡើងដោយក្រសួងបរិស្ថាន ក្រោមអធិបតីភាពឯកឧត្តម ស្រ៊ុន ដារិទ្ធិ រដ្ឋលេខាធិការក្រសួងបរិស្ថាននិងមានការចូលរួមពីតំណាងក្រសួង-ស្ថាប័ន និងអាជ្ញាធរខេត្តបាត់ដំបងដែលពាក់ព័ន្ធ។

កិច្ចប្រជុំពិគ្រោះយោបល់នេះ ផ្តោតសំខាន់លើ ៧ចំណុច ដូចខាងក្រោម ៖

១-ប្រតិបត្តិការ និងការថែរក្សាតំបន់រ៉ាមសារ តំបន់ទ្រនាប់ និងអន្តរតំបន់

២-ការអភិរក្ស និងការគ្រប់គ្រងធនធានជីវចម្រុះ

៣-សារពើភ័ណ្ឌធនធាន ការអង្កេតតាមដាន ឃ្លាំមើល និងការសិក្សាស្រាវជ្រាវ

៤-កម្មវិធីបន្សាំ និងឆ្លើយតបនឹងការប្រែប្រួលអាកាសធាតុ

៥-ការអភិវឌ្ឍទេសចរណ៍ធម្មជាតិ និងការអប់រំសហគមន៍

៦-ការសិក្សា និងការគាំទ្រដល់ការបង្កើតជម្រើសមុខរបរ

៧-និងសហប្រតិបត្តិការអន្តរជាតិ

ប្រជុំអន្តរក្រសួងដើម្បីចុះពិនិត្យ សិក្សាការប្រើប្រាស់ដីសាធារណៈរបស់រដ្ឋ

2022-07-21T13:43:33+00:00

ថ្ងៃចន្ទ ៥រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៨ ខែកក្កដា ឆ្នាំ ២០២២ លោក វិន ប៊ុនពៅ និងលោក ខូវ វេងសុង តំណាងឯកឧត្តម ម៉ៅ ហាក់ អនុប្រធានអាជ្ញាធរទ្លេសាប និងជាសមាជិកក្រុមការងារអន្តរក្រសួងដើម្បីចុះពិនិត្យ សិក្សាការប្រើប្រាស់ដីសាធារណៈរបស់រដ្ឋ បានចូលរួមប្រជុំអន្តរក្រសួង ដើម្បីពិភាក្សាពីការប្រើប្រាស់ដីសាធារណៈរបស់រដ្ឋ នៅខេត្តកែប ខេត្តកំពត ខេត្តព្រះសីហនុ និងខេត្តកោះកុង ក្រោមការដឹកនាំសម្របសម្រួលដោយតំណាងក្រសួងសេដ្ឋកិច្ច និងហិរញ្ញវត្ថុ និងមានការចូលរួមពីតំណាងក្រសួងស្ថាប័ន និងអាជ្ញាធរខេត្តពាក់ព័ន្ធ។ ក្រុមការងារអន្តរក្រសួងនឹងបន្តកិច្ចប្រជុំនៅខេត្តតាកែវ និងខេត្តមណ្ឌលគីរី ។

កិច្ចប្រជុំការងារថ្នាក់ជាតិលើកទី២ ដើម្បីពិនិត្យពិភាក្សាលើសេចក្តីព្រាង នៃសេចក្តីថ្លែងការណ៍ និងកម្មវិធីសម្រាប់កិច្ចប្រជុំកំពូល MRC លើកទី៤

2022-07-19T10:39:30+00:00

កំពង់ចាម÷ ថ្ងៃចន្ទ ៥រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី ១៨ ខែកក្កដា ឆ្នាំ ២០២២ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមកិច្ចប្រជុំការងារថ្នាក់ជាតិលើកទី២ ដើម្បីពិនិត្យពិភាក្សាលើសេចក្តីព្រាង នៃសេចក្តីថ្លែងការណ៍ និងកម្មវិធីសម្រាប់កិច្ចប្រជុំកំពូល MRC លើកទី៤ និងសន្និសីទអន្តរជាតិ និងឯកសារទស្សនទាននៃផែនការអភិវឌ្ឍន៍ស្ថាប័នរបស់ MRC។ កិច្ចប្រជុំនេះមានការអញ្ជើញចូលរួមពីមន្ត្រីពាក់ព័ន្ធការងារមេគង្គកន្លងមកពីបណ្តាក្រសួង និងស្ថាប័នពាក់ព័ន្ធមួយចំនួន។

កិច្ចប្រជុំការងារថ្នាក់ជាតិលើកទី២ ដើម្បីពិនិត្យពិភាក្សាលើសេចក្តីព្រាង នៃសេចក្តីថ្លែងការណ៍ និងកម្មវិធីសម្រាប់កិច្ចប្រជុំកំពូល MRC លើកទី៤

2022-07-19T10:39:30+00:00

កិច្ចប្រជុំត្រួតពិនិត្យ តាមដានលទ្ធផលការអនុវត្តនផែនការសកម្មភាពការងារប្រចាំឆមាសទី១ ឆ្នាំ ២០២២

2022-07-14T14:44:19+00:00

ដោយមានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម និងជាប្រធានអាជ្ញាធរទន្លេសាប នៅព្រឹកថ្ងៃពុធ ១៥កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៣ ខែកក្កដា ឆ្នាំ ២០២២ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំសម្របសម្រួល កិច្ចប្រជុំត្រួតពិនិត្យ តាមដានលទ្ធផលការអនុវត្តផែនការសកម្មភាពការងារឆមាសទី ១ និងលើកទិសដៅការងារឆមាសទី ២ ឆ្នាំ ២០២២ របស់អាជ្ញាធរទន្លេសាប។ កិច្ចប្រជុំនេះ មានការចូលរួមពី ឯកឧត្តមអនុប្រធាន ឯកឧត្តមអគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីរាជការអាជ្ញាធរទន្លេសាបចំនួន ៧២នាក់។

កិច្ចប្រជុំបានពិនិត្យ និងពិភាក្សាលើ ៖

១-ពិនិត្យមើលវឌ្ឍនភាពការងារ នៃការអនុវត្តសកម្មភាពនីមួយៗ ក្នុងឆមាសទី ១ ឆ្នាំ ២០២២។

២-ពិភាក្សាពីចំនុចខ្លាំង ចំនុចខ្សោយ ឧបសគ្គ/បញ្ហាប្រឈម និងដំណោះស្រាយ។

៣-ផ្លាស់ប្តូរបទពិសោធន៍ និងចែករំលែកការយល់ដឹងតាមរយៈការអនុវត្តសកម្មភាពការងារនីមួយៗ។

៤-លើកទិសដៅអនុវត្តការងារឆមាសទី ២ ឆ្នាំ ២០២២។

សកម្មភាពសិក្សាយន្តការគន្លឹះការកសាងផែនការគ្រប់គ្រងសហគមន៍ ខេត្តកំពង់ធំ

2022-06-22T15:00:21+00:00

នាថ្ងៃពុធ ៨ រោច ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវ នឹងថ្ងៃទី ២២ ខែមិថុនា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និង មន្ត្រី បច្ចេកទេស នៃអាជ្ញាធរទន្លេសាប បានបន្តការចុះសិក្សាពីប្រសិទ្ធភាពលើការអនុវត្ត និងយន្តការគន្លឹះក្នុងការកសាងផែនការគ្រប់គ្រងសហគមន៍ ប្រកបដោយនិរន្តរភាព ជាមួយស្ថាប័ន ជំនាញពាក់ព័ន្ធ ស្ថិតនៅក្នុងភូមិសាស្ត្រខេត្តកំពង់ធំ ។
គោលបំណងនៃការសិក្សានេះ គឺដើម្បីស្វែងយល់ពីប្រសិទ្ធភាពនៃការអនុវត្ត និងយន្តការគន្លឹះក្នុងការរៀបចំកសាងផែនការគ្រប់គ្រងនៅ តាមសហគមន៍មូលដ្ឋាន និងជម្រុញដល់ការរៀបចំកសាងផែនការគ្រប់គ្រងសហគមន៍ ដើម្បីកិច្ចការពារ អភិរក្ស អភិវឌ្ឍ ធនធានធម្មជាតិនៅតាមសហគមន៍មូលដ្ឋាន ប្រកបដោយនិរន្តរភាព។

សកម្មភាពសិក្សាពីស្ថានភាព សង្គមកិច្ច ផ្នែកវិស័យអប់រំ សុខាភិបាល ការងារ មុខរបរ និង ការប្រើប្រាស់ ធនធានធម្មជាតិ

2022-06-19T15:42:37+00:00

សកម្មភាពក្រុមការងារនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បន្តចុះការសិក្សាស្វែងយល់ពីស្ថានភាពទូទៅ និងបញ្ហាប្រឈមនានាលើវិស័យសង្គមកិច្ច និងការងារ នៅតំបន់បឹងទន្លេសាប ស្ថិតនៅក្នុងភូមិសាស្ត្រឃុំគោកបល្ល័ង្គ ស្រុកមង្គលបូរី និងសង្កាត់កោះពងសត្វ ក្រុងសិរីសោភ័ណ្ឌ ខេត្តបន្ទាយមានជ័យ នាថ្ងៃទី ១៦ ខែមិថុនា ឆ្នាំ ២០២២ ។

ឯកឧត្តមសាស្ត្រាចារ្យ លឹម ពុយ ចុះពិនិត្យទិដ្ឋភាពជាក់ស្តែងស្ថានភាពស្ទឹងស្ទោង ព្រមទាំងសិក្សាតាមដានលើធនធានត្រី និងសិប្បីសត្វតំបន់បឹងទន្លេឆ្មារ

2022-06-19T15:33:22+00:00

ថ្ងៃព្រហស្បតិ៍ ៤រោច ដល់ថ្ងៃអាទិត្យ ៧រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៩ ដល់ថ្ងៃទី ២២ ខែឧសភា ឆ្នាំ ២០២២ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ទទួលបន្ទុកការងារបច្ចេកទេស និងសហការី សហការជាមួយរដ្ឋបាលជលផល មន្ទីរបរិស្ថាន អាជ្ញាធរដែនដីគ្រប់លំដាប់ថ្នាក់ និងកងកម្លាំង បានចុះពិនិត្យទិដ្ឋភាពជាក់ស្តែងលើស្ថានភាពស្ទឹងស្ទោង ព្រមទាំងសិក្សាតាមដានលើធនធានត្រី និងសិប្បីសត្វនៅតំបន់បឹងទន្លេឆ្មារ នៃខេត្តកំពង់ធំ ។

ជាលទ្ធផលបឋម ៖

- នៅថ្ងៃទី ២០ ខែឧសភា ឆ្នាំ ២០២២ កម្ពស់ទឹកនៅបឹងទន្លេសាបនៅស្ថានីយជលសាស្ត្រស្វ័យប្រវត្តិកំពង់លួងមានប្រមាណ 1.10 m ចំណែកកម្ពស់ទឹកនៅបឹងទន្លេឆ្មារ មានជាមធ្យម 1.20 m សីតុណ្ហភាព 31 oC និង Conductivity មាន 50 S/cm, pH មានតម្លៃ 7.1 និងកម្រិតអុកស៊ីសែន មានចំនួន 5.2 mg/l ។

- ស្ថានភាពទឹកស្ទឹងស្ទោង ដែលចាប់ផ្តើមមានជំនន់ដោយទឹកភ្លៀង មានកម្ពស់មធ្យមប្រមាណ 1.8 m ។

- ស្ថានភាពលើធនធានត្រីនៅខែ ឧសភា ឆ្នាំ ២០២២ ក្រោយពីបឹងទន្លេឆ្មារនារដូវប្រាំងឆ្នាំ ២០២០ ដែលមានជម្រៅទឹកតែប្រមាណ 0.20 m ហើយធនធានត្រីមានភាពខ្សត់ខ្សោយជាទីបំផុតនៅក្នុងបឹង ក្រុមការងារបានចុះស្រង់ប្រភេទត្រីប្រមាណ 23 ប្រភេទ ក្នុងនោះប្រភេទត្រីដែលមានភាពសម្បូរច្រើនជាងគេ មាន ត្រីកញ្ចុះ, ត្រីរៀលតុប, ត្រីច្រកែង, ត្រីឆ្ពិន, ត្រីឆ្លាំង និងត្រីកំភ្លាញភ្លុក។ ចំណែកឯប្រភេទត្រីដែលមានទំហំលើសពី 2០ Cm មាន ត្រីឆ្កោក ត្រីស្លាត ត្រីឆ្ពិន ត្រីឆ្លាំង ត្រីប្រា ត្រីអណ្តែង និងត្រីរ៉ស់ ។

- ក្រុមការងារបានសិក្សាតាមដានលើសិប្បីសត្វជាពិសេស លៀស (Corbicula spp.) លើការបន្តពូជ និងការលូតលាស់ ។

ការសិក្សាតាមដានលើធនធានត្រី សិប្បីសត្វ និងគុណភាពទឹកនៃបឹងទន្លេឆ្មារ នឹងបន្តរហូតដល់ឆ្នាំ 2023 ។

សកម្មភាពពង្រឹងបណ្ដាញទំនាក់ទំនង ការងារជាមួយជាមួយអាជ្ញាធរមូលដ្ឋាន និងសហគមន៍នេសាទ

2022-06-15T14:41:33+00:00

ខេត្តពោធិ៍សាត់: នាថ្ងៃអង្គា ១៥ កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៤ ខែមិថុនា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញទំនាក់ទំនង ការងារជាមួយជាមួយអាជ្ញាធរមូលដ្ឋាន និងសហគមន៍នេសាទស្រីចឹក ស្ថិតនៅក្នុងភូមិសាស្ត្រឃុំកញ្ជរ ស្រុកកណ្ដៀង ខេត្តពោធិ៍សាត់។ គោលបំណងនៃការអនុវត្តសកម្មភាពនេះ ដើម្បីបង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ ធនធានធម្មជាតិតំបន់ជុំវិញបឹងទន្លេសាបប្រកបដោយចីរភាព និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពចុះសិក្សាពីប្រសិទ្ធភាពការអនុវត្តច្បាប់ និងស្វែងយល់ពីទំនាស់ផលប្រយោជន៍លើការប្រើប្រាស់ធនធានធម្មជាតិខេត្តបាត់ដំបង

2022-05-14T09:17:48+00:00

ថ្ងៃព្រហស្សតិ៍ ១២កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ១២ ខែឧសភា ឆ្នាំ ២០២២ មន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានបន្តសិក្សាលើការអនុវត្តច្បាប់ និងផ្សព្វផ្សាយលិខិតបទដ្ឋានគតិយុត្តិ ដើម្បីការអភិរក្ស និងការប្រើប្រាស់ធនធានធម្មជាតិក្នុងតំបន់បឹងទន្លេសាប ស្ថិតនៅឃុំបឹងព្រីង ស្រុកថ្មគោល ខេត្តបាត់ដំបង។

សកម្មភាព ស្តីពីការសិក្សាកែលំអ លើការគ្រប់គ្រងធនធានធម្មជាតិ ក្នុងសហគមន៍មូលដ្ឋាន

2022-05-13T14:52:47+00:00

ខេត្តសៀមរាប: នាថ្ងៃព្រហស្បតិ៍ ១២ កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ១២ ខែឧសភា ឆ្នាំ២០២២ ក្រុមការងារមន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ បានបន្ដអនុវត្តន៍សកម្មភាព ស្តីពីការសិក្សាកែលំអ លើការគ្រប់គ្រងធនធានធម្មជាតិ ក្នុងសហគមន៍មូលដ្ឋាន តំបន់បឹងទន្លេសាប ជាមួយស្ថាប័ន និងអង្គភាព ជំនាញពាក់ព័ន្ធ នៅខេត្តសៀមរាប ដើម្បី ស្វែងយល់ កការលើកកម្ពស់ការគ្រប់គ្រង អភិរក្ស អភិវឌ្ឍន៍ ធនធានធម្មជាតិ នៅតាមសហគមន៍មូលដ្ឋានប្រកបដោយនិរន្តរភាព។

ការសិក្សាសេដ្ឋកិច្ចសង្គមលើជីវភាពរស់នៅប្រចាំថ្ងៃរបស់ប្រជាពលរដ្ឋនៅភូមិបណ្តែតទឹក

2022-05-06T12:01:08+00:00

ខេត្តពោធិ៍សាត់: នាថ្ងៃ ព្រហស្បតិ៍ ០៥ កើត ខែ ពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ០៥ ខែឧសភា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាសេដ្ឋកិច្ចសង្គមលើជីវភាព រស់នៅប្រចាំថ្ងៃរបស់ប្រជាពលរដ្ឋនៅភូមិបណ្តែតទឹកនៅក្នុងភូមិសាស្ត្រភូមិបណ្តែតទឹក ស្ថិតនៅឃុំរាំងទិល ស្រុកកណ្តៀង ខេត្តពោធិ៍សាត់។ ការសិក្សានេះក្នុងគោលបំណងដើម្បីស្វែងយល់ពីស្ថានភាពសេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាជនលើការប្រើប្រាស់ធនធានធម្មជាតិ រួមជាមួយបញ្ហាប្រឈមនានាក្នុងការប្រកបរបរចិញ្ចឹមជីវិតរបស់ប្រជាពលរដ្ឋរស់នៅភូមិបណ្តែតទឹកបឹងទន្លេសាប ។

សកម្មភាពសិក្សាតាមដានរបបជលសាស្ត្រ គុណភាពទឹក ព្រមទាំងលំហូរធនធានរ៉ែខ្សាច់នៅតំបន់ទីជម្រាលអាងទន្លេសាប

2022-05-03T14:03:58+00:00

កំពង់ធំ ៖ ថ្ងៃអង្គារ ១០រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២៦ ខែមេសា ឆ្នាំ ២០២២ លោក វិន ប៊ុនពៅ ប្រធាននាយកដ្ឋាន និងក្រុមការងារបច្ចេកទេសការិយាល័យធនធានរ៉ែ នៃនាយកដ្ឋានធនធានធម្មជាតិ បានបន្តចុះសិក្សាស្រាវជ្រាវ នៅស្ទឹងសែន ដែលជាតំបន់ទីជម្រាលអាងទន្លេសាបក្នុងខេត្តកំពង់ធំ ដែលមានបំណង ៖

-តាមដានរបបជលសាស្ត្រ របបទឹកភ្លៀង និងទឹកបឹងទន្លេសាប ។

-ពិនិត្យ ស្ថានភាពទូទៅ លើទិដ្ឋភាព នៃការទាញយកខ្សាច់នៅក្នុងតំបន់ទីជម្រាលបឹងទន្លេសាប និងតំបន់ពាក់ព័ន្ធ ។

-វាយតម្លៃពីស្ថានភាពប្រែប្រួលនៃកំណកខ្សាច់ និងផលប៉ះពាល់ពីការអភិវឌ្ឍ និងការប្រើប្រាស់ខ្សាច់ក្នុងតំបន់សិក្សា នៅ ស្ទឹងបរិបូរណ៍ ស្ទឹងពោធិ៍សាត់ និងស្ទឹងសែន។

សកម្មភាពចុះសិក្សានិងវិភាគទិន្នន័យលើធនធានជលផល ខេត្តកំពងឆ្នាំង

2022-04-29T11:27:47+00:00

ថ្ងៃ សុក្រ ១៣ រោច ខែ ចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ២៩ ខែ មេសា ឆ្នាំ ២០២២ លោក ភេម ស៊ា ទីប្រឹក្សាអាជ្ញាធរទន្លេសាប និងក្រុមការងារបច្ចេកទេសបានចុះប្រមូលទិន្នន័យ ដែលមានការចូលរួមពីអាជ្ញាធរដែនដីនៅស្រុកកំពង់ត្រឡាច ស្រុករលាប្អៀរ និងស្រុកជលគីរី ខេត្តកំពង់ឆ្នាំង លើសកម្មភាពសិក្សាស្រាវជ្រាវ និងការវិភាគលើធនធានជលផល ដែលជាផែនការសកម្មភាពមួយ សម្រាប់ឆ្នាំ ២០២២ ។

សកម្មភាពចុះសិក្សាលើស្ថានភាពទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មា

2022-04-29T11:16:52+00:00

កំពង់ធំ: ថ្ងៃអង្គារ ១០រោច ដល់ថ្ងៃសុក្រ ១៣រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី ២៦ ដល់ថ្ងៃទី២៩ ខែមេសា ឆ្នាំ ២០២២ ក្រុមការងារនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មា ឃុំពាមបាង ស្រុកស្ទោង ខេត្តកំពង់ធំ។ គោលបំណងនៃការសិក្សា គឺស្វែងយល់ពីសកម្មភាព និងបញ្ហាប្រឈមនានាដែលនាំឲ្យមានការប្រែប្រួលបរិស្ថាន និងធនធានធម្មជាតិនៅតំបន់បឹងទន្លេឆ្មា ព្រមទាំងវិធានការណ៍ សមស្របដើម្បីបន្សាំទៅនឹងការប្រែប្រួលទាំងនេះ។

ឯកឧត្តម លឹម គានហោ អញ្ជើញចូលរួមផ្ទាល់ក្នុងកិច្ចប្រជុំកំពូលលើកទី៤ ស្តីពី “បញ្ហាទឹកនៅតំបន់អាស៊ី-ប៉ាស៊ីហ្វិក”

2022-04-24T06:09:27+00:00

នៅថ្ងៃសៅរ៍ ៧រោច ខែចេត្រ ឆ្នាំខាល ត្រីស័ក ព.ស.២៥៦៦ ត្រូវនឹងថ្ងៃទី២៣ ខែមេសា ឆ្នាំ២០២២ ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម បានចូលរួមក្នុងសមាសភាពគណៈប្រតិភូជាន់ខ្ពស់កម្ពុជា ដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញចូលរួមផ្ទាល់ក្នុងកិច្ចប្រជុំកំពូលលើកទី៤ ស្តីពី “បញ្ហាទឹកនៅតំបន់អាស៊ី-ប៉ាស៊ីហ្វិក” ក្រោមមូលបទ “ទឹកសម្រាប់ការអភិវឌ្ឍដោយចីរភាព - ឧត្តមានុវត្តន៍ និងអ្នកបន្តវេនជំនាន់ក្រោយ” នៅទីក្រុងខឺម៉ាមូតុ ប្រទេសជប៉ុន ។ អានត...

សកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់យន្តការដោះស្រាយវិវាទផលប្រយោជន៍ប្រើប្រាស់ធនធានធម្មជាតិនៅតំបន់បឹងទន្លេសាប

2022-04-22T15:06:20+00:00

ថ្ងៃព្រហស្សតិ៍ ៥រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ២១ ខែមេសា ឆ្នាំ ២០២២ មន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានបន្តសិក្សាលើការអនុវត្តច្បាប់ និងផ្សព្វផ្សាយលិខិតបទដ្ឋានគតិយុត្តិ ដើម្បីការអភិរក្ស និងការប្រើប្រាស់ធនធានធម្មជាតិក្នុងតំបន់បឹងទន្លេសាបនៅសហគមន៍នេសាទរុងរឿង ស្ថិតនៅឃុំតាឡំ ស្រុកមង្គលបូរី ខេត្តបន្ទាយមានជ័យ។

សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធ អាជ្ញាធរមូលដ្ឋាន ខេត្តកំពង់ឆ្ឆាំង

2022-04-22T06:31:12+00:00

ខេត្តកំពង់ឆ្នាំង : នាថ្ងៃព្រហស្សតិ៍ ៥ រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ២១ ខែមេសា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងារនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយអង្គភាពជំនាញពាក់ព័ន្ធអាជ្ញាធរមូលដ្ឋាន និងសហគមន៍នេសាទផ្លូវទូក ស្ថិតនៅក្នុងភូមិសាស្ដ្រឃុំផ្លូវទូក ស្រុកកំពង់លែង ខេត្តកំពង់ឆ្នាំង។ គោលបំណងនៃការអនុវត្តសកម្មភាពនេះ ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពសិក្សាពីឥទ្ធិពលកំណែទម្រង់គោលនយោបាយរាជរដ្ឋាភិបាលលើការគ្រប់គ្រងធនធានធម្មជាតិក្នុងសហគមន៍មូលដ្ឋាន

2022-04-06T15:02:58+00:00

ខេត្តបន្ទាយមាន័យ: នាថ្ងៃពុធ ៥ កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ៦ ខែមេសា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានចុះអនុវត្តន៍សកម្មុភាព សិក្សាពីឥទ្ធិពលកំណែទម្រង់គោលនយោបាយរាជរដ្ឋាភិបាល លើការគ្រប់គ្រងធនធានធម្មជាតិ ក្នុងសហគមន៍មូលដ្ឋាន តំបន់បឹងទន្លេសាប ជាមួយស្ថាប័ន អង្គភាពជំនាញពាក់ព័ន្ធ ស្ថិតនៅក្នុងភូមិសាស្ត្រខេត្តបន្ទាយមានជ័យ។ គោលបំណងនៃការអនុវត្តសកម្មភាពនេះ ដើម្បី ស្វែងយល់ ពីឥទ្ធិពលនៃកំណែទម្រង់លើការគ្រប់គ្រងធនធានធម្មជាតិ នៅតាមសហគមន៍មូលដ្ឋាន និងសម្របសម្រួលក្នុងការលើកកម្ពស់ ការគ្រប់គ្រង អភិរក្ស អភិវឌ្ឍន៍ ធនធានធម្មជាតិ នៅតាមសហគមន៍មូលដ្ឋានប្រកបដោយនិរន្តរភាព។

សកម្មភាពចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីរបាយការណ៍ចុងក្រោយនៃការសិក្សាសម្រាប់គ្រប់គ្រងហានិភ័យពីគ្រោះទឹកជំនន់

2022-04-05T15:05:04+00:00

រាជធានីភ្នំពេញ÷ ថ្ងៃអង្គារ ៤កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី ០៥ ខែមេសា ឆ្នាំ ២០២២ ឯកឧត្តម ខូវ មាស អគ្គលេខាធិការរង និងលោក វិន ប៊ុនពៅ ប្រធាននាយកដ្ឋានធនធានធម្មជាតិនៃអាជ្ញាធរទន្លេសាប បានអញ្ជើញចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីរបាយការណ៍ចុងក្រោយនៃការសិក្សាសម្រាប់គ្រប់គ្រងហានិភ័យពីគ្រោះទឹកជំនន់ ដើម្បីដោះស្រាយមតិយោបល់របស់កម្ពុជា និងការវាយតម្លៃគុណភាពរបាយការណ៍ ដោយមានការអញ្ជើញចូលរួមពីតំណាងក្រសួង និងស្ថាប័នពាក់ព័ន្ធមួយចំនួន។ គោលបំណងនៃសិក្ខាសាលារួមមាន បង្កើនការយល់ដឹងរួមគ្នាអំពីរបាយការណ៍សិក្សាបឋមដែលបានបញ្ចប់ការសិក្សាកាលពីឆ្នាំ ២០២០ ពិនិត្យលើធាតុចូល វិធីសាស្ត្រ និងគុណភាពនៃរបាយការណ៍ផ្អែកលើមតិយោបល់ របស់ក្រសួងស្ថាប័នពាក់ព័ន្ធដែលបានស្នើកែសម្រួល និងពិនិត្យលើសេចក្តីព្រាងផែនទីបង្ហាញផ្លូវសម្រាប់បញ្ចប់របាយការណ៍។

សកម្មភាពចូលរួមកិច្ចប្រជុំពិភាក្សាលើឯកសារទស្សនទានសម្រាប់ការរៀបចំកិច្ចប្រជុំកំពូល គណៈកម្មការទន្លេមេគង្គ (MRC) លើកទី ៤ និងសន្និសីទអន្តរជាតិ (The 4th MRC Summit and International Conference)

2022-04-05T14:48:58+00:00

កំពង់ចាម÷ ថ្ងៃព្រហស្បតិ៍ ១៤ រោច ខែផល្គុនឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី ៣១ ខែមីនា ឆ្នាំ២០២២ ឯកឧត្តម ខូវ មាស អគ្គលេខាធិការរងនៃអាជ្ញាធរទន្លេសាប បានអញ្ជើញចូលរួមកិច្ចប្រជុំពិភាក្សាលើ ឯកសារទស្សនទានសម្រាប់ការរៀបចំកិច្ចប្រជុំកំពូល គណៈកម្មការទន្លេមេគង្គ (MRC) លើកទី ៤ និងសន្និសីទអន្តរជាតិ (The 4th MRC Summit and International Conference) ដែលគ្រោងរៀបចំនៅក្នុងខែ មេសា ឆ្នាំ២០២៣ នៅប្រទេសឡាវ។ គោលបំណងនៃកិច្ចប្រជុំ គឺអង្គប្រជុំបានពិភាក្សាលើចំណុចសំខាន់ៗនៃសន្និសីទដែលបានរៀបចំធ្វើនាពេលកន្លង និងសមិទ្ធផលដែលសម្រេចបានក្នុងផែនការ BDS 2021-2030។ អង្គប្រជុំបានផ្តល់នូវធាតុចូលសំខាន់ៗមួយចំនួនបន្ថែមទៀត ដើម្បីដាក់បញ្ចូលទៅក្នុងរបៀបវារៈនៃកិច្ចប្រជុំកំពូលលើកទី៤ ដែលបានគ្រោងនិងរៀបចំធ្វើនៅក្នុងឆ្នាំ ២០២៣ នាពេលខាងមុខ។

សកម្មភាពចូលរួមកិច្ចប្រជុំពិភាក្សាលើឯកសារទស្សនទានសម្រាប់ការរៀបចំកិច្ចប្រជុំកំពូល គណៈកម្មការទន្លេមេគង្គ (MRC) លើកទី ៤ និងសន្និសីទអន្តរជាតិ (The 4th MRC Summit and International Conference)

2022-04-05T14:48:58+00:00

សកម្មភាពការសិក្សាពីស្ថានភាពសង្គមកិច្ច និងការងារប្រកបរបររបស់ប្រជាពលរដ្ឋរស់នៅក្នុងតំបន់បឹងទន្លេសាប

2022-04-05T14:40:03+00:00

ខេត្តកំពង់ធំ៖ ថ្ងៃពុធ ១៣រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ៣០ ខែមីនា ឆ្នាំ ២០២២ មន្ត្រីក្រុមការងារបច្ចេកទេសរបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានចុះធ្វើការសិក្សាពីស្ថានភាពសង្គមកិច្ច និងការងារប្រកបរបររបស់ប្រជាពលរដ្ឋរស់នៅក្នុងតំបន់បឹងទន្លេសាប ស្ថិតនៅក្នុងភូមិសាស្ត្រឃុំពង្រ ស្រុកតាំងគោក ឃុំចុងដូង ស្រុកបារាយណ៍ ឃុំព្នៅ ស្រុកសន្ទុក និងសង្កាត់អូរកន្ធរ ក្រុងស្ទឹងសែន ខេត្តកំពង់ធំ ។

សកម្មភាពចូលរួមកិច្ចប្រជុំក្រុមការងារថ្នាក់ជាតិលើកទី ៦ ស្តីពីការគ្រប់គ្រងទឹកជំនន់ និងភាពរាំងស្ងួត នៅតំបន់ព្រុំដែន កម្ពុជា-ថៃ

2022-04-05T14:27:57+00:00

រាជធានីភ្នំពេញ៖ ថ្ងៃចន្ទ ១១រោច ខែផល្គុនឆ្នាំឆ្លូវ ត្រីស័កព.ស ២៥៦៥ ត្រូវនឹងថ្ងៃទី ២៨ ខែមីនា ឆ្នាំ ២០២២ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំក្រុមការងារថ្នាក់ជាតិលើកទី ៦ ស្តីពីការគ្រប់គ្រងទឹកជំនន់ និងភាពរាំងស្ងួត នៅតំបន់ព្រុំដែន កម្ពុជា-ថៃ ក្រោមការដឹកនាំ និងសម្របសម្រួលដោយឯកឧត្តម ឡុង សារាវុធ អគ្គលេខាធិការរង គ.ជ.ទ.ម.ក តាមប្រព័ន្ធវីដេអូ ដោយមានការចូលរួមពីមន្ត្រីតំណាងក្រសួង-ស្ថាប័នពាក់ព័ន្ធ រួមមាន៖ MOWRAM, MAFF, MOE, MRD, MME, MPWT, NCDM, PDOWRAM, ICEM, GIZ, MRCS, TSA, CNMC និងជំនាញការជាតិ និងអន្តរជាតិ សរុបចំនួន ២៧ រូប ។

គោលបំណងនៃកិច្ចប្រជុំ គឺ ៖

១-ពិនិត្យ និងវាយតម្លៃលើការនុវត្តក្នុងជំហានទី ២ (២០២០-២០២១) ព្រមទាំងរៀបចំ ផែនការសកម្មភាពបន្ត សម្រាកជំហានទី ៣។

២-ពិភាក្សាផែនការយុទ្ធសាស្ត្រ និងផែនការមូលនិធិ សម្រាប់សកម្មភាពរួម នៃផែនការមេនៃគម្រោង។

៣-បង្ហាញពីការអនុវត្ត ការវាយតម្លៃសេដ្ឋកិច្ច នៃការរិចរិលដី ដើម្បីស្វែងរកដំណោះស្រាយសមស្រប លើការអភិវឌ្ឍប្រកបដោយនិរន្តរភាព ។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងលើកទី២ ស្តីពី "វិធានការបង្គ្រាបបទល្មើសជលផលលើបឹងទន្លេសាប"

2022-03-29T07:00:38+00:00

អនុវត្តតាមស្មារតីនៃកិច្ចប្រជុំចង្អៀតកាលពីថ្ងៃទី២៤ ខែមីនា កន្លងមកស្តីពី "វិធានការបង្គ្រាបបទល្មើសជលផលលើបឹងទន្លេសាប" តាមបទបញ្ញាដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃសៅរ៍ ៩រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៦ ខែមីនា ឆ្នាំ២០២២ បានរៀបចំកិច្ចប្រជុំអន្តរក្រសួងលើកទី២ ទាក់ទងបញ្ហានេះដើម្បីពិភាក្សាបន្ថែមលើសេចក្តីសម្រេចរបស់កិច្ចប្រជុំលើកទី១ ជាមួយក្រសួងពាក់ព័ន្ធ និងអាជ្ញាធរខេត្តទាំង៦ ដែលនៅជាប់បឹងទន្លេសាប។ អានត...

សកម្មភាពមន្ត្រីអាជ្ញាធរទន្លេសាប ចុះសិក្សាពីប្រសិទ្ធភាពការអនុវត្តច្បាប់ និងស្វែងយល់ពីទំនាស់ផលប្រយោជន៍លើការប្រើប្រាស់ធនធានធម្មជាតិខេត្តកំពង់ឆ្នាំង

2022-03-25T09:42:46+00:00

ខេត្តកំពង់ឆ្នាំង:ថ្ងៃព្រហស្បតិ៍ ៧រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៤ ខែមីនា ឆ្នាំ ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និផ្សព្វផ្សាយ និងក្រុមការងារមន្ត្រីបច្ចេកទេស បានអនុវត្តសកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍ក្នុងការប្រើប្រាស់ធនធានធម្មជាតិនៅតំបន់បឹងទន្លេសា បស្ថិតនៅឃុំប្រឡាយមាស ស្រុកកំពង់លែង ខេត្តកំពង់ឆ្នាំង។

ការសិក្សានេះ ដើម្បីស្វែយល់ពីប្រសិទ្ធភាពលើការអនុវត្តច្បាប់ ទំនាស់ផលប្រយោជន៍លើការទាញយកធនធានធម្មជាតិ ព្រមទាំងស្វែងយល់ពីវិធីសាស្ត្រក្នុងការដោះស្រាយវិវាទនៅក្នុងសហគមន៍មូលដ្ឋាន ។

សកម្មភាពថ្នាក់ដឹកនាំអាជ្ញាធរទន្លេសាបចុះ ជួបពិគ្រោះយោបល់ជាមួយអាជ្ញាធរដែនដីនៅខេត្តកំពង់ឆ្នាំង

2022-03-25T09:30:46+00:00

ថ្ងៃពុធ ៦រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៣ ខែមីនា ឆ្នាំ ២០២២ ឯកឧត្តម ហ៊ែល តូនី អនុប្រធានអាជ្ញាធរទន្លេសាប និងក្រុមការងារ បានចុះជួបពិគ្រោះយោបល់ជាមួយអាជ្ញាធរដែនដី សហគមន៍ពាក់ព័ន្ធ និងប្រជាពលរដ្ឋ ដើម្បីពង្រឹងក្របខ័ណ្ឌស្ថាប័ន និងការសម្របសម្រួលក្នុងការអភិវឌ្ឍក្របខ័ណ្ឌគោលនយោបាយ ផែនការយុទ្ធសាស្ត្រ និងផែនការចង្អុលបង្ហាញ/ផែនការមេសម្រាប់តំបន់ទន្លេសាប នៅឃុំអំពិលទឹក ស្រុកកំពង់ត្រឡាច និងឃុំកំពង់ព្រះគគីរ ស្រុកបរិបូរណ៍ ខេត្តកំពង់ឆ្នាំង ។

ការចុះរបស់ក្រុមការងារ ក្នុងការអនុវត្តសកម្មភាពខាងលើ ផ្តោតសំខាន់ទៅលើការគ្រប់គ្រងធនធានទឹក និងបរិស្ថាន និងស្ថានភាពសេដ្ឋកិច្ចសង្គម ក្នុងគោលបំណងប្រមូលចងក្រងរាល់ព័ត៌មានទិន្នន័យដែលពាក់ព័ន្ធនឹងការគ្រប់គ្រង អភិរក្ស និងអភិវឌ្ឍន៍ធនធានកម្របឹងទន្លេសាប ក្នុងការរៀបចំផែនការ កម្មវិធី យុទ្ធសាស្ត្រ និងគោលនយោបាយ ។

កិច្ចប្រជុំពិភាក្សាអំពីបេសកម្មត្រួតពិនិត្យការអនុវត្តកម្មវិធីដែលធ្វើឡើងដោយទីភ្នាក់ងារបារាំងសម្រាប់ការអភិវឌ្ឍ AFD

2022-03-19T22:44:52+00:00

នៅរសៀលថ្ងៃសុក្រ ១រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៨ ខែមីនា ឆ្នាំ ២០២២ កម្មវិធីគ្រប់គ្រងធនធានទឹក និងការផ្លាស់ប្តូរកសិកម្មនៅកម្ពុជា (WAT4CAM) ជំហ៊ានទី១ ភាគីអនុវត្ត និងគ្រប់គ្រងកម្មវិធីបានជួបប្រជុំពិភាក្សាអំពីបេសកម្មត្រួតពិនិត្យការអនុវត្តកម្មវិធីដែលធ្វើឡើងដោយទីភ្នាក់ងារបារាំងសម្រាប់ការអភិវឌ្ឍ AFD ។ អានត...

កិច្ចប្រជុំពិភាក្សាអំពីបេសកម្មត្រួតពិនិត្យការអនុវត្តកម្មវិធីដែលធ្វើឡើងដោយទីភ្នាក់ងារបារាំងសម្រាប់ការអភិវឌ្ឍ AFD

2022-03-19T22:44:52+00:00

សកម្មភាពពង្រឹងបណ្ដាញទំនាក់ទំនង ការងារជាមួយជាមួយអាជ្ញាធរមូលដ្ឋាន និងសហគមន៍នេសាទ

2022-03-16T22:09:48+00:00

ខេត្តកំពង់ធំ: នាថ្ងៃពុធ ១៤ កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៦ ខែមីនា ឆ្នាំ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញទំនាក់ទំនង ការងារជាមួយជាមួយអាជ្ញាធរមូលដ្ឋាន និងសហគមន៍នេសាទបឹងប្រសាន ស្ថិតនៅក្នុងភូមិសាស្ត្រឃុំម្សាក្រង ស្រុកស្ទោង ខេត្តកំពង់ធំ។ គោលបំណងនៃការអនុវត្តសកម្មភាពនេះ ដើម្បីបង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ ធនធានធម្មជាតិតំបន់ជុំវិញបឹងទន្លេសាបប្រកបដោយចីរភាព និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់យន្តការដោះស្រាយវិវាទផលប្រយោជន៍ប្រើប្រាស់ធនធានធម្មជាតិនៅតំបន់បឹងទន្លេសាប

2022-03-16T21:37:23+00:00

ខេត្តសៀមរាប: ថ្ងៃពុធ ៧កើត ដល់ថ្ងៃសៅរ៍ ១០កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៩ ដល់ថ្ងៃទី ១២ ខែមីនា ឆ្នាំ ២០២២ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានចុះសិក្សាលើការអនុវត្តច្បាប់ និងផ្សព្វផ្សាយលិខិតបទដ្ឋានគតិយុត្តិ ដើម្បីការអភិរក្សនិងការប្រើប្រាស់ធនធានធម្មជាតិក្នុងតំបន់បឹងទន្លេសាប នៅសហគមន៍នេសាទត្រពាំងធំ ស្ថិតនៅឃុំត្រពាំងធំ ស្រុកប្រាសាទបាគង ខេត្តសៀមរាប។

សកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់យន្តការដោះស្រាយវិវាទផលប្រយោជន៍ប្រើប្រាស់ធនធានធម្មជាតិនៅតំបន់បឹងទន្លេសាប

2022-03-16T21:37:23+00:00

សកម្មភាពចុះសិក្សា និងតាមដានរបបជលសាស្ត្រ គុណភាពទឹកបឹងទន្លេសាប និងការបញ្ចេញចោលកាកសំណល់រឹង-រាវនៅតាមភូមិបណ្តែតទឹក

2022-03-16T21:18:38+00:00

ថ្ងៃពុធ ៧កើត ដល់ថ្ងៃសៅរ៍ ១០កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៩ ដល់ថ្ងៃទី ១២ ខែមីនា ឆ្នាំ ២០២២ លោក វិន ប៊ុនពៅ ប្រធាននាយកដ្ឋាន និងក្រុមការងារនាយកដ្ឋានធនធានធម្មជាតិ បានបន្តចុះសិក្សា និងតាមដានរបបជលសាស្ត្រ គុណភាពទឹកបឹងទន្លេសាប និងការបញ្ចេញចោលកាកសំណល់រឹង-រាវនៅតាមភូមិបណ្តែតទឹកសំខាន់ៗ ព្រមទាំងសិក្សាលំហូរកករដីបាតស្ទឹងបរិបូណ៍ នៅតំបន់ទីជម្រាលអាងទន្លេសាប ខេត្តកំពង់ឆ្នាំង ។

កិច្ចសម្ភាសន៍ជាមួយអគ្គនាយកដ្ឋានទូរទស្សន៍ជាតិកម្ពុជា ក្រោមប្រធានបទស្តីអំពី "ទិវាពិភពលោកទឹក និងឧតុនិយម ២២ មីនា ២០២២

2022-03-16T20:48:33+00:00

ដោយមានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នៅព្រឹកថ្ងៃចន្ទ ៥កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៧ ខែមីនា ឆ្នាំ ២០២២ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានធ្វើកិច្ចសម្ភាសន៍ជាមួយអគ្គនាយកដ្ឋានទូរទស្សន៍ជាតិកម្ពុជា ក្រោមប្រធានបទស្តីអំពី "ទិវាពិភពលោកទឹក និងឧតុនិយម ២២ មីនា ២០២២ ។

ក្នុងកិច្ចសម្ភាសន៍នេះ ឯកឧត្តម ម៉ៅ ហាក់ បានជម្រាបជូននូវ ៖

១. អំពីប្រធានបទទិវាពិភពលោកទឹក សម្រាប់ឆ្នាំ ២០២២ គឺ "ទឹកក្រោមដី គឺទឹកដែលមើលមិនឃើញ តែអាចមើលឃើញ" ។ ទិវាពិភពលោកទឹក គឺជាការចូលរួមជាសកលរបស់អ្នកជំនាញផ្នែកទឹក និងឧតុនិយម ដោយលើកឡើងនូវប្រធានបទសំខាន់ៗ សម្រាប់ផ្តល់ជាទស្សនៈលើបញ្ហាទឹក និងឧតុនិយមដើម្បីជាមូលដ្ឋានលើការសិក្សា ស្រាវជ្រាវ និងផ្តល់ជាអនុសាសន៍។

២. ស្ថានភាពទឹក និងឧតុនិយមនៅលើពិភពលោកនាពេលបច្ចុប្បន្ន និងបាតុភូតដែលអាចកើតឡើង។ ការកើនកំដៅភពផែនដី ដែលជាកក្តាចម្បងនៃការប្រែប្រួលអាកាសធាតុ ។

៣. ស្ថានភាពអាកាសធាតុនៅកម្ពុជាក្នុងឆ្នាំ២០២២ និងការត្រៀមខ្លួនរបស់ប្រជាកសិករ សម្រាប់ការងារបង្កបង្កើតផល និងការត្រៀមបង្ការដើម្បីឆ្លើយតបទៅនឹងគ្រោះធម្មជាតិដែលអាចកើតមានឡើង ជាយថាហេតុ ដែលពាក់ព័ន្ធនឹងអាកាសធាតុ ។

៤-សមិ្ធផលសំខាន់ៗលេីវិស័យធនធានទឹក និងឧតុនិយមនៅកម្ពុជា។

៥-ការចូលរួមអបអរសាទរ ទិវាពិភពលោកទឹក និងឧតុនិយម។

ឯកឧត្តម លឹម គានហោ អញ្ជើញចូលរួមកិច្ចប្រជុំបូកសរុបលទ្ធផលនៃការចុះអនុវត្តវិធានការចំពោះការកាន់កាប់ទីតាំងដីព្រៃលិចទឹកតំបន់ទន្លេសាប

2022-03-11T13:55:28+00:00

នៅព្រឹកព្រហស្បតិ៍ ៨កើត ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១០ ខែមីនា ឆ្នាំ២០២២ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមទាំងថ្នាក់ដឹកនាំ និងក្រុមការងារបច្ចេកទេសអាជ្ញាធរទន្លេសាប បានអញ្ជើញចូលរួមកិច្ចប្រជុំបូកសរុបលទ្ធផលនៃការចុះអនុវត្តវិធានការចំពោះការកាន់កាប់ទីតាំងដីព្រៃលិចទឹកតំបន់ទន្លេសាប អានត...

សកម្មភាពបណ្តុះបណ្តាលអ្នកប្រមូលទិន្នន័យលើធនធានជលផលខេត្តកំពង់ឆ្នាំង

2022-02-28T16:11:38+00:00

ថ្ងៃព្រហស្បតិ៍ ១រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៧ ខែ កុម្ភ: ឆ្នាំ ២០២២ លោក ភេម ស៊ា ទីប្រឹក្សាអាជ្ញាធរទន្លេសាប និងក្រុមការងារបច្ចេកទេស បានចុះធ្វើការជ្រើសរើស និងបណ្តុះបណ្តាលអ្នកប្រមូលទិន្នន័យ ដែលមានការចូលរួមពីអាជ្ញាធរដែនដី នៅក្រុងកំពង់ឆ្នាំង ស្រុកកំពង់លែង និងស្រុកបរិបូរណ៍ ខេត្តកំពង់ឆ្នាំង លើសកម្មភាពសិក្សាស្រាវជ្រាវ និងការវិភាគលើធនធានជលផល ដែលជាផែនការសកម្មភាពមួយសម្រាប់ឆ្នាំ ២០២២ ។

សកម្មភាពក្រុមការងារអាជ្ញាធរទន្លេសាបចុះពិនិត្យស្ថានភាពជាក់ស្តែងបង្គោលព្រំតំបន់ ៣ ខេត្តទាំង ៦ជុំវិញបឹងទន្លេសាប

2021-12-18T11:50:08+00:00

សកម្មភាពក្រុមការងារអាជ្ញាធរទន្លេសាប និងមន្ទីរធនធានទឹក និងឧតុនិយមខេត្តទាំង ៦ជុំវិញបឹងទន្លេសាប គិតមកដល់ល្ងាចថ្ងៃទី ១៧ ខែធ្នូ ឆ្នាំ ២០២១ សម្រេចបាន ៖ អានត...

សិក្ខាសាលាផ្សព្វផ្សាយស្តីពី ឯកសារយុទ្ធសាស្ត្រអភិវឌ្ឍន៍អាងទន្លេឆ្នាំ ២០២១-២០៣០ និងផែនការយុទ្ធសាស្ត្រឆ្នាំ ២០២១-២០២៥

2021-12-13T07:45:10+00:00

ថ្ងៃសុក្រ ៦កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១០ ខែធ្នូ ឆ្នាំ ២០២១ លោក ណុំ សោភារិទ្ធិ អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមសិក្ខាសាលាផ្សព្វផ្សាយស្តីពី ឯកសារយុទ្ធសាស្ត្រអភិវឌ្ឍន៍អាងទន្លេឆ្នាំ ២០២១-២០៣០ និងផែនការយុទ្ធសាស្ត្រឆ្នាំ ២០២១-២០២៥ ដែលឯកសារទាំងពីរនេះបានទទួលការអនុម័តយល់ព្រមពីក្រុមប្រឹក្សាគណៈកម្មការទន្លេមេគង្គក្នុងឆ្នាំ ២០២០។ សិក្ខាសាលាផ្សព្វផ្សាយនេះរៀបចំដោយគណៈកម្មាធិការជាតិទន្លេមេគង្គកម្ពុជា នៅមន្ទីរផែនការខេត្តកំពង់ចាម ខេត្តកំពង់ចាម ក្នុងគោលបំណងចម្បងគឺផ្សព្វផ្សាយពីផ្នែកសំខាន់ៗ និងពិភាក្សាពីការចូលរួមអនុវត្តយុទ្ធសាស្ត្រ និងផែនការយុទ្ធសាស្ត្រអាងទន្លេសម្រាប់ការគ្រប់គ្រងអាងទន្លេមេគង្គ និងធ្វើឲ្យស្ថានភាពអាងជារួមបានប្រសើរឡើង។

ឯកឧត្តម លឹម គានហោ បានអញ្ជើញចូលរួមកិច្ចប្រជុំពិភាក្សាការងារដើម្បីចុះត្រួតពិនិត្យ និងចាត់វិធានការបង្ក្រាបការទន្ទ្រានដីរដ្ឋក្នុងដែនព្រៃលិចទឹកតំបន់បឹងទន្លេសាប

2021-12-13T07:37:00+00:00

នៅព្រឹកថ្ងៃអាទិត្យ ១កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែធ្នូ ឆ្នាំ២០២១ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចូលរួមកិច្ចប្រជុំពិភាក្សាការងារដើម្បីចុះត្រួតពិនិត្យ និងចាត់វិធានការបង្ក្រាបការទន្ទ្រានដីរដ្ឋក្នុងដែនព្រៃលិចទឹកតំបន់បឹងទន្លេសាបក្នុងភូមិសាស្ត្រខេត្តពោធិ៍សាត់ អានត...

ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប បានចុះពិនិត្យសកម្មភាពការពារច្រាំងទន្លេមេគង្គបន្ទាន់

2021-11-27T12:52:35+00:00

នៅថ្ងៃសុក្រ ៧រោច ខែកត្ដិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៦ ខែវិច្ឆិកា ឆ្នាំ២០២១ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និងក្រុមការងារនាយកដ្ឋានជលសាស្ត្រ និងការងារទន្លេ បានចុះពិនិត្យសកម្មភាពការពារច្រាំងទន្លេមេគង្គបន្ទាន់ នៅភូមិពាម ឃុំរការកោង១ ស្រុកមុខកំពូល ខេត្តកណ្តាល ដែលរងការបាក់ច្រាំងទន្លេប្រវែង ៣៥ម៉ែត្រ និងបាក់ចូលដល់ផ្លូវលេខ 70A នៅវេលាយប់ថ្ងៃទី២២ ខែវិច្ឆិកា ឆ្នាំ២០២១ កន្លងមកនេះ ។ ចាប់ថ្ងៃនោះមកដល់ពេលនេះ ក្រុមការងារ ក្រសួងធនធានទឹក និងឧតុនិយម បានប្រឹងប្រែងយ៉ាងសកម្មដើម្បីធ្វើការទប់ការពារច្រាំងទន្លេ ដោយបានចាក់ខ្សាច់បំពេញជើងទេរច្រាំង និងរៀបដាក់បាវខ្សាច់ Geotextile Bags ដើម្បីពង្រឹងច្រាំងទន្លេឡើងវិញ បានប្រមាណ 30% ហើយ។

សូមបញ្ជាក់ថា ក្រសួងធនធានទឹក និងឧតុនិយម នឹងរៀបចំការពារច្រាំងទន្លេឲ្យរឹងមាំនៅតំបន់នេះប្រវែង ៨០០ម៉ែត្រ ដែលមាន ២ជំហាន (ជំហានទី១ ប្រវែង ៤១០ម៉ែត្រ និងជំហានទី២ ប្រវែង ៣៩០ម៉ែត្រ) ដោយរៀបដាក់ប្រអប់ថ្ម (Gabion Boxs) នៅរដូវប្រាំងនេះខាងមុខនេះ ៕

សកម្មភាពសិក្សាពីស្ថានភាពសង្គមមកិច្ច ផ្នែកវិស័យអប់រំ សុខាភិបាល ការងារ មុខរបរ និងការប្រើប្រាស់ធនធានធម្មជាតិ

2021-11-27T12:27:26+00:00

នាថ្ងៃសុក្រ ៧រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៦ ខែ វិច្ឆិកា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាពីស្ថានភាពសង្គមមកិច្ច ផ្នែកវិស័យអប់រំ សុខាភិបាល ការងារ និងមុខរបរ នឹងការប្រើប្រាស់បរិស្ថានធនធានធម្មជាតិនៅខេត្តបាត់ដំបង និង ខេត្តបន្ទាយមានជ័យ ។ ការសិក្សានេះ ដើម្បីប្រមូលចងក្រងទិន្នន័យ ព័ត៌មានលើវិស័យសង្គមកិច្ចទៅនឹងការប្រើប្រាស់ធនធានធម្មជាតិ និង ស្វែងយល់ពីដំណើរការអនុវត្តគោលនយោបាយសង្គមកិច្ចនៅថ្នាក់ក្រោមជាតិ ព្រមទាំងបញ្ហាប្រឈមនានាលើវិស័យសង្គមកិច្ចក្នុងតំបន់គោលដៅសិក្សា។

កិច្ចប្រជុំស្តីពីការរៀបចំផែនការសកម្មភាពឆ្នាំ២០២២ របស់អគ្គលេខាធិការដ្ឋាននៃអាជ្ញាធរទន្លេសាប

2021-11-23T23:19:10+00:00

ថ្ងៃចន្ទ ១១ កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៥ ខែវិច្ឆិកា ឆ្នាំ២០២១ នៅសាលប្រជុំគណៈកម្មាធិការជាតិទន្លេមេគង្គកម្ពុជា ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប និងជាតំណាងដ៏ខ្ពង់ខ្ពស់ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាស្តីពីផែនការសកម្មភាពឆ្នាំ២០២២ ដោយមានការចូលរួមពីឯឧត្តមអគ្គលេខាធិការ អគ្គលេខាធិការរង ទីប្រឹក្សា ប្រធាននាយកដ្ឋាន និងមន្ត្រីដែលពាក់ព័ន្ធសរុបចំនួន២៥រូប។

បន្ទាប់ពីកិច្ចប្រជុំបានពិនិត្យ និងពិភាក្សាលម្អិតតាមសកម្មភាពនីមួយៗលើសេចក្តីព្រាងតារាម៉ាទ្រិចផែនការសកម្មភាពការងារប្រចាំឆ្នាំ ២០២២ របស់អាជ្ញាធរទន្លេសាប (ពាក់ព័ន្ធការងារបច្ចេកទេស) ដោយសម្រេចរក្សាទុកសកម្មភាពស្រាវជ្រាវមួយចំនួនដែលចាំបាច់ និងសកម្មភាពមួយចំនួនជាសកម្មភាពថ្មីដើម្បីឆ្លើយតបនឹងចក្ខុវិស័យនៃផែនការយុទ្ធសាស្ត្រថ្មី និងស្របទៅនឹងបរិបទបច្ចុប្បន្ននៃការប្រែប្រួលយ៉ាងគំហុកនៃអេកូស៊ីសស្តែមតំបន់បឹងទន្លេសាប និងតំបន់ពាក់ព័ន្ធដោយសារកត្តាមនុស្ស និងកត្តាបម្រែបម្រួលអាកាសធាតុ។

សកម្មភាពសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មារ

2021-11-22T16:19:29+00:00

ថ្ងៃពុធ ១៣កើត ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៧ ខែវិច្ឆិកា ឆ្នាំ ២០២១ លោក ណុំ សោភារិទិ្ធ អនុប្រធាននាយកដ្ឋាន និងក្រុមការងារនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះការសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មារឃុំពាមបាង ស្រុកស្ទោង ខេត្តកំពង់ធំ។

គោលបំណងនៃការសិក្សា គឺស្វែងយល់ពីកត្តាអាកាសធាតុ និងបញ្ហាប្រឈមផ្សេងៗ ដែលនាំឲ្យមានការប្រែប្រួលបរិស្ថាន និងធនធានជលផលនៅតំបន់បឹងទន្លេឆ្មា ព្រមទាំងពិចារណាលើវិធានការណ៍សមស្របណាមួយ ដើម្បីបន្សាំនឹងការប្រែប្រួលបរិស្ថាននេះ ។ ក្រុមការងារបានជួបពិភាក្សាជាមួយអាជ្ញាធរមូលដ្ឋាន និងអ្នកនេសាទដើម្បីស្វែងយល់បន្ថែមពីរបបជលសាស្ត្រ ការនេសាទ និងកត្តានានាដែលនាំឲ្យមានការប្រែប្រួល។

សកម្មភាពសិក្សាពីស្ថានភាពសង្គមមកិច្ច ផ្នែកវិស័យអប់រំ សុខាភិបាល ការងារ មុខរបរ និងការប្រើប្រាស់ធនធានធម្មជាតិ

2021-11-22T16:11:29+00:00

ថ្ងៃអង្គារ ១២កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៦ ខែវិច្ឆិកា ឆ្នាំ ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីក្រុមការងារបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តការសិក្សាពីស្ថានភាពសង្គមមកិច្ច ផ្នែកវិស័យអប់រំ សុខាភិបាល ការងារ មុខរបរ និងការប្រើប្រាស់ធនធានធម្មជាតិនៅក្នុងភូមិសាស្ត្រ ខេត្តពោធិ៍សាត់ និងខេត្តបាត់ដំបង ។ ការសិក្សានេះ ដើម្បីប្រមូលចងក្រងទិន្នន័យ ព័ត៌មានលើវិស័យសង្គមកិច្ចទៅនឹងការប្រើប្រាស់ធនធានធម្មជាតិ និងស្វែងយល់ពីដំណើរការអនុវត្តគោលនយោបាយសង្គមកិច្ចនៅថ្នាក់ក្រោមជាតិ ព្រមទាំងបញ្ហាប្រឈមនានាលើវិស័យសង្គមកិច្ចក្នុងតំបន់គោលដៅសិក្សា។

សកម្មភាព សិក្សា ពី ស្ថានភាព សេដ្ឋកិច្ចសង្គម លើ ការប្រើប្រាស់ ធនធានធម្មជាតិ នៅ ភូមិ បណ្តែត ទឹក បឹង ទន្លេសាប ដំណាក់កាល ទី ២

2021-11-22T15:52:19+00:00

ថ្ងៃសុក្រ ៨ កើត ខែ កត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១២ ខែវិច្ឆិកា ឆ្នាំ ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីក្រុមការងារបច្ចេកទេសរបស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានអនុវត្តន៍បញ្ចប់សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រភូមិបណ្តែតទឹក នៃខេត្តបាត់ដំបង ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹក និងនិយាមការភូមិបណ្តែតទឹកនៅតាមទីតាំងតំបន់នីមួយៗ និងស្វែងយល់ពីស្ថានភាពរស់នៅប្រចាំថ្ងៃនាពេលបច្ចុប្បន្នរបស់ពួកគាត់ ។

សកម្មភាពចុះសិក្សាដែនព្រៃលិចទឹកតំបន់ ៣ និងបច្ចុប្បន្នភាពគម្របដីព្រៃលិចទឹក

2021-11-22T15:41:12+00:00

ថ្ងៃចន្ទ ០៤ កើត ដល់ថ្ងៃ សុក្រ ០៨ កើត ខែ កត្តិក ឆ្នាំ ឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ០៨ ដល់ថ្ងៃទី ១២ ខែ វិច្ឆិកា ឆ្នាំ ២០២១ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បន្តចុះសិក្សាដែនព្រៃលិចទឹកតំបន់ ៣ និងបច្ចុប្បន្នភាពគម្របដីព្រៃលិចទឹក ព្រមទាំងការប្រើប្រាស់ដីកសិកម្ម និងជីគីមី-ថ្នាំកសិកម្ម នៅក្នុងខេត្តកំពង់ធំ ។ ការចុះសិក្សានេះ ដើម្បីធ្វើបច្ចុប្បន្នភាពព័ត៌មាន ទិន្នន័យ និងលក្ខណៈជីវសាស្ត្រព្រៃលិចទឹក និងដែនព្រៃលិចទឹកតំបន់ ៣ ដើម្បីបច្ចុប្បន្នភាពផែនទីប្រើប្រាស់ដី និងគម្របដីលើការគ្រប់គ្រងព្រៃលិចទឹក ។

សកម្មភាពចុះសិក្សានិងតាមដានពីសង្វាក់ផលិតកម្មត្រីនុយ

2021-11-22T15:30:11+00:00

ថ្ងៃអង្គារ ១២រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ០២ ខែវិច្ឆិកា ឆ្នាំ ២០២១ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារចុះសិក្សា និងតាមដានពី សង្វាក់ផលិតកម្មត្រីនុយនៅខេត្តកំពង់ឆ្នាំង និងខេត្តពោធិ៍សាត់។

ការសិក្សានេះផ្តោតសំខាន់ទៅលើ ៖

- សិក្សា និងវាយតម្លៃលើបរិមាណត្រីនុយដែលមានតម្រូវការក្នុងស្រុក និងការនាំចេញក្នុងការធ្វើវារីវប្បកម្ម

- សិក្សាពីប្រភព និងប្រភេទត្រីនុយដែលធ្វើអាជីវកម្ម

- សិក្សាពីផលប៉ះពាល់នៃការធ្វើអាជីវកម្មត្រីនុយ។

សកម្មភាពចុះសិក្សាស្វែងយល់ពីយន្តការដោះស្រាយវិវាទលើការទាញយកផលប្រយោជន៍ក្នុងការប្រើប្រាស់ធនធានធម្មជាតិនៅតំបន់បឹងទន្លេសាប

2021-11-18T15:23:36+00:00

ខេត្តបាត់ដំបង: ថ្ងៃ អង្គារ ១២ កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៦ ខែវិច្ឆិកាឆ្នាំ២០២១ លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តអនុវត្តសកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍ក្នុងការប្រើប្រាស់ធនធានធម្មជាតិនៅតំបន់បឹងទន្លេសាប ស្ថិតនៅឃុំព្រៃតូច ស្រុកមោងឫស្សី ខេត្តបាត់ដំបង។ការសិក្សានេះ ដើម្បីស្វែងយល់ពីប្រសិទ្ធភាពលើការអនុវត្តច្បាប់ ទំនាស់ផលប្រយោជន៍លើការទាញយកធនធានធម្មជាតិ ព្រមទាំងស្វែងយល់ពីវិធីសាស្ត្រក្នុងការដោះស្រាយវិវាទនៅក្នុងសហគមន៍មូលដ្ឋានក្នុងការធានានិរន្តភាពធនធម្មជាតិ ។

សកម្មភាពចុះសិក្សាតំបន់អភិរក្សជលផលកំពង់ភ្លុក

2021-11-01T09:02:02+00:00

ថ្ងៃចន្ទ ៤រោច ដល់ថ្ងៃសុក្រ ៨រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៥ ដល់ថ្ងៃទី ២៩ ខែតុលា ឆ្នាំ ២០២១ លោក ណុំ សោភារិទ្ធិ អនុប្រធាននាយកដ្ឋាន និងក្រុមការងាររបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានបន្តចុះសិក្សាតំបន់អភិរក្សជលផលកំពង់ភ្លុក ស្ថិតនៅឃុំកំពង់ភ្លុក ស្រុកប្រាសាទបាគង ខេត្តសៀមរាប។ ការសិក្សានេះ មានគោលបំណងស្វែងយល់ពីស្ថានភាព នៃតំបន់អភិរក្សជលផល ជាមួយការប្រែប្រួលនៃស្ថានភាពជលសាស្ត្រ អេកូឡូស៊ី និងជីវចម្រុះ។ ក្នុងរយៈពេលនៃការចុះសិក្សានេះ ក្រុមការងារបានចុះជួបក្រុមប្រឹក្សាឃុំ និងសហគមន៍នេសាទដើម្បីស្វែងយល់បន្ថែមលើការងារគ្រប់គ្រងធនធានធម្មជាតិជាពិសេស ធនធានជលផល ព្រមទាំងស្វែងយល់ពីផែនការ និងសកម្មភាពអភិវឌ្ឍន៍របស់ឃុំដែលផ្តោតទៅលើការងារគ្រប់គ្រងធនធានធម្មជាតិ និងប្រព័ន្ធអេកូឡូស៊ី។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2021-11-01T08:41:52+00:00

ថ្ងៃអង្គារ ១៣កើត ដល់ថ្ងៃសៅរ៍ ២រោច ខែ អស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៩ ដល់ថ្ងៃទី ២៣ ខែតុលា ឆ្នាំ ២០២១ លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំមន្ត្រីក្រុមការងារបច្ចេកទេស នៃអាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំអន្សាចំបក់ ឃុំអូសន្តាន់ និងឃុំកំពង់ពោធិ៍ ស្ថិតនៅក្នុងស្រុកក្រគរ ខេត្តពោធិ៍សាត់ ។

ការសិក្សាស្រាវជ្រាវនេះមានគោលបំណង ប្រមូលទិន្នន័យស្ថិតិផលនេសាទ ដើម្បីស្វែងយល់ពីនិន្នាការការប្រែប្រួលផលនេសាទ គួបផ្សំនឹងការប្រែប្រួលតម្លៃត្រី ដើម្បីធ្វើការវិភាគសេដ្ឋកិច្ចសង្គមក្នុងតំបន់នោះ ។

សកម្មភាពសិក្សាពីបច្ចុប្បន្នភាពធនធានជលផល និងការប្រើប្រាស់ធនធានទាំងនោះ ក្នុងវារីវប្បកម្មនៅតំបន់អាងស្ទឹង នៃបឹងទន្លេសាប

2021-10-24T15:12:07+00:00

ថ្ងៃសុក្រ ១រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២២ ខែ តុលា ឆ្នាំ២០២១ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាពីបច្ចុប្បន្នភាពធនធានជលផល និងការប្រើប្រាស់ធនធានទាំងនោះ ក្នុងវារីវប្បកម្មនៅតំបន់អាងស្ទឹង នៃបឹងទន្លេសាប ក្នុងខេត្តកណ្តាល និងខេត្តកំពង់ឆ្នាំង។

គោលបំណងសិក្សារួមមាន ៖

១.សិក្សាធនធានជលផលលើលក្ខណៈជីវសាស្ត្រត្រី និងជីវសាស្ត្រផ្សេងទៀតក្រៅពីត្រី ព្រមទាំងសិក្សាលើផលចាប់ទៅតាមប្រភេទឧបករណ៍នេសាទ ។

២.បន្ដពិនិត្យ និងវាយតម្លៃសមាសភាពប្រភេទធនធានជលផលសម្រាប់វារីវប្បកម្ម ដូចជា សម្រាប់ ចំណីត្រី និងចំណីក្រពើ ជាដើម ។

៣.បន្ដវាយតម្លៃលើសមាសភាពប្រភេទត្រីនុយ មួយចំនួន ដែលអាចក្លាយទៅជាប្រភេទត្រីធំបាន ។

៤.បន្ដការតាមដានលើការវិវត្តសន្ទស្សន៍របស់កន្សោមពងធនធានជលផល ដើម្បីស្វែងយល់ពីការបង្កកំណើត ។

៥.បន្តសិក្សាទីជម្រកធនធានជលផល នៅក្នុងតំបន់អាងស្ទឹង នៃបឹងទន្លេសាប ទាំងនៅរដូវប្រាំង និងនៅរដូវវស្សា ព្រមទាំងរៀបចំផែនទីទីតាំងជម្រកធនធានជលផល ។

៦.ចងក្រងសៀវភៅ និងរៀបចំរបាយការណ៍បឋម នៃប្រភេទធនធានត្រី និងធនធានពាក់ព័ន្ធនៅក្នុងតំបន់អាងស្ទឹងនៃបឹងទន្លេសាប ។

សកម្មភាពសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មារ

2021-10-23T08:02:34+00:00

ថ្ងៃចន្ទ ១២កើត ដល់ថ្ងៃសុក្រ ១ រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៨ ដល់ថ្ងៃទី ២២ ខែតុលា ឆ្នាំ ២០២១ លោក ណុំ សោភារិទ្ធិ អនុប្រធាននាយកដ្ឋាន និងក្រុមការងាររបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានបន្តចុះសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មារឃុំពាមបាង ស្រុកស្ទោង ខេត្តកំពង់ធំ។

គោលបំណងនៃការសិក្សា គឺស្វែងយល់ពីកត្តា អាកាសធាតុ និងបញ្ហាប្រឈមផ្សេងៗ ដែលនាំឲ្យមានការប្រែប្រួលបរិស្ថាន និងធនធានជលផលនៅតំបន់បឹងទន្លេឆ្មារ ព្រមទាំងពិចារណាលើវិធានការណ៍សមស្របណាមួយ ដើម្បីបន្សាំនឹងការប្រែប្រួលបរិស្ថាននេះ ។ ក្នុងពេលនោះដែរ ក្រុមការងារបានជួបពិភាក្សាជាមួយអាជ្ញាធរមូលដ្ឋាន ដើម្បីពិនិត្យលើការសង្កេត តាមដានរបបទឹក នៅប៉ុន្មានឆ្នាំក្រោយនេះ និងការប្រើប្រាស់ទឹកតាមដងស្ទឹងស្ទោង សម្រាប់ស្រោចស្រពលើដីកសិកម្ម គួបផ្សំនឹងព័ត៌មានលេីការធ្វើនេសាទ និងការប្រែប្រួលធនធានជលផលក្នុងតំបន់នោះ ។

កិច្ចប្រជុំថ្នាក់តំបន់ ស្តីពីការបញ្ជ្រាបផែនការយុទ្ធសាស្ត្រ សកម្មភាពបន្ស៊ាំនឹងការប្រែប្រួលអាកាសធាតុ (MASAP)

2021-10-23T07:57:09+00:00

ថ្ងៃទី ១៩ ខែតុលា ឆ្នាំ២០២១ ត្រូវនឹងថ្ងៃ អង្គារ ១៣ កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ដោយមានការអនុញ្ញាតដ៏ខ្ពង់ខ្ពស់ពីឯកឧត្តម លឹម គានហោ ប្រធានអាជ្ញាធរទន្លេសាប លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំថ្នាក់តំបន់ ស្តីពីការបញ្ជ្រាបផែនការយុទ្ធសាស្ត្រ សកម្មភាពបន្ស៊ាំនឹងការប្រែប្រួលអាកាសធាតុ (MASAP) នៅក្នុងគោលការណ៍ណែនាំនៃភាពបន្ស៊ាំគ្រោះរាំងស្ងួត និងការទទួលស្គាល់មូលនិធិអាកាសធាតុ នៅសាលប្រជុំ គណៈកម្មាធិការជាតិទន្លេមេគង្គកម្ពុជា តាមរយៈប្រព័ន្ធវីដេអូ ដែលសហការរៀបចំដោយលេខាធិការដ្ឋាន MRC និងអង្គការដៃគូសកល ព្រមទាំងការចូលរួមពីក្រសួង-ស្ថាប័ន និងគណ:កម្មាធិការជាតិទន្លេមេគង្គសម្រាប់ប្រទេសទាំង ៤ គឺកម្ពុជា ឡាវ ថៃ និងវៀតណាម ។ ភាគីកម្ពុជាដឹកនាំដោយ ឯកឧត្តម គល់ វឌ្ឍនា អគ្គលេខាធិការរងនៃគណៈកម្មាធិការជាតិទន្លេមេគង្គកម្ពុជា និងមន្ត្រីតំណាងមកពីក្រសួងធនធានទឹក និងឧតុនិយម ក្រសួងបរិស្ថាន ក្រសួងកសិកម្ម រុក្ខាប្រម៉ាញ់ និងនេសាទ អាជ្ញាធរទន្លេសាប និងមន្ត្រីគណ:កម្មាធិការជាតិទន្លេមេគង្គកម្ពុជា សរុបចំនួន ១២នាក់ និងអង្គការដៃគូផ្សេងៗ

គោលបំណងនៃកិច្ចប្រជុំពិភាក្សារួមមាន៖

១- ពិភាក្សាលើឯកសារបច្ចេកទេស ស្តីពីសកម្មភាពបន្ស៊ាំនឹងការការបញ្ជ្រាបប្រែប្រួលអាកាសធាតុ (MASAP) ក្នុងគោលការណ៍ណែនាំនៃភាពបន្ស៊ាំគ្រោះរាំងស្ងួតរបស់ MRC ។

២- ពិភាក្សាលើសេចក្តីព្រាងរបាយការណ៍បឋម ស្តីពីវឌ្ឍនភាពសកម្មភាពនៃការទទួលស្គាល់មូលនិធិអាកាសធាតុ និងពិភាក្សាលើផែនការការងារសម្រាប់ដំណើរការទទួលស្គាល់គុណភាពឯកសារគម្រោង ។

៣- ពិភាក្សាស្តីពីការទទួលបានលិខិតផ្លូវការសម្រាប់ដំណើរការទទួលស្គាល់គុណភាពមូលនិធិអាកាសធាតុ ។

៤- ពិភាក្សាអំពីលក្ខណៈសម្បត្តិសម្រាប់គាំទ្រដល់ការត្រៀមខ្លួនជាមុនលើដំណើរការមូលនិធិអាកាសធាតុបៃតង/មូលនិធិបន្សាំ ។

កិច្ចប្រជុំថ្នាក់តំបន់ ស្តីពីការបញ្ជ្រាបផែនការយុទ្ធសាស្ត្រ សកម្មភាពបន្ស៊ាំនឹងការប្រែប្រួលអាកាសធាតុ (MASAP)

2021-10-23T07:57:09+00:00

គោលបំណងនៃកិច្ចប្រជុំពិភាក្សារួមមាន៖

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២

2021-10-16T11:45:22+00:00

ខេត្តសៀមរាប: នាថ្ងៃ ពុធ ៧ កើត ខែ អស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៣ ខែ តុលា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងាររបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រភូមិបណ្តែតទឹក ឃុំល្វែងឬស្សី និងឃុំអន្លង់សំណរ ស្រុកជីក្រែង ខេត្តសៀមរាប ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកនិងនិយាមការភូមិបណ្តែតទឹកនៅតាមទីតាំងតំបន់នីមួយៗ និងស្វែងយល់ពីស្ថានភាពជីវភសពរស់នៅប្រចាំថ្ងៃនាពេលបច្ចុប្បន្នរបស់ពួកគាត់ ។

ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ដឹកនាំមន្ត្រីបច្ចេកទេសចុះធ្វើការតាមដងទន្លេសាប និងបឹងទន្លេសាប

2021-10-11T10:50:08+00:00

ថ្ងៃសុក្រ ១០ រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០១ ខែតុលា ឆ្នាំ ២០២១ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស ចុះធ្វើការតាមដងទន្លេសាប និងតំបន់បឹងទន្លេសាប ចាប់ពីចំណុចភូមិសាស្ត្រ ឃុំកោះចិន ស្រុកពញាឮ ខេត្តកណ្តាល ឆ្ពោះទៅកាន់បឹងទន្លេសាប តាមទីតាំងសំខាន់ៗដូចជា តំបន់ឆ្នុកទ្រូ តំបន់ផាត់សណ្តាយ តំបន់កំពង់លួង តំបន់កោះក្អែក តំបន់ពាក់កន្ទេល តំបន់កំពង់ឃ្លាំង តំបន់មាត់ខ្លា និងតំបន់បឹងទន្លេឆ្មារ។ ក្នុងដំណើរបេសកកម្មនេះ មានគោលបំណងសំខាន់ៗដូចជា ៖

1-ពិនិត្យលើស្ថានភាព ទិដ្ឋភាពទូទៅនៅតំបន់ទន្លេសាប

2-តាមដានសកម្មភាពអាជីវកម្មនេសាទនៅរដូវបើកនេសាទ

3-សិក្សាលើធនធានជលផល (ត្រី ពស់ និងសិប្បីសត្វ) ដែលទឹកបឹងទន្លេសាប មានកម្ពស់ទឹក ៥ ម៉ែត្រ

4-ការលូតលាស់របស់ប្រភេទត្រីដែលប្រជាជនយកទៅកែច្នៃធ្វើប្រហុក

5-យកសំណាកទឹក និងវាស់វែងជម្រៅទឹកតាមទីតាំងសំខាន់ៗនៅតំបន់បឹងទន្លេសាប។

សកម្មភាពលើការពង្រឹងបណ្ដាញទំនាក់ទំនងការងារជាមួយអាជ្ញាធរមូលដ្ឋាន និងសហគមន៍នេសាទ

2021-10-03T08:07:51+00:00

ខេត្តកំពង់ធំ: នាថ្ងៃសុក្រ ១០ រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០១ ខែតុលា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន នីតិកម្ម និងផ្សព្វផ្សាយ រួមនឹងក្រុមការងារមន្ត្រីបច្ចេកទេស បានបន្តអនុវត្តន៍សកម្មភាពពង្រឹងបណ្ដាញ ទំនាក់ទំនង ការងារជាមួយជាមួយអាជ្ញាធរមូលដ្ឋាន និងសហគមន៍នេសាទព្រះគន្លង ស្ថិតនៅក្នុងភូមិសាស្ត្រឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។ គោលបំណងនៃការអនុវត្តសកម្មភាពនេះ ដើម្បី(I) បង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ ធនធានធម្មជាតិតំបន់ជុំវិញបឹងទន្លេសាបប្រកបដោយចីរភាព និង(ii) បង្កើត និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានដែលកើតមានឡើងនៅក្នុងតំបន់ជុំវិញបឹងទន្លេសាប។

សកម្មភាពសិក្សាដែនព្រៃលិចទឹកតំបន់ ៣ និងបច្ចុប្បន្នភាពគម្របដីព្រៃលិចទឹក ខេត្តកំពង់ធំ

2021-09-28T09:54:13+00:00

ថ្ងៃអង្គារ ១៥កើត ដល់ថ្ងៃសៅរ៍ ០៤រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២១ ដល់ថ្ងៃទី ២៥ ខែកញ្ញា ឆ្នាំ ២០២១ លោក វិន ប៊ុនពៅ ប្រធាននាយកដ្ឋាន និងមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាដែនព្រៃលិចទឹកតំបន់ ៣ និងបច្ចុប្បន្នភាពគម្របដីព្រៃលិចទឹក នៅភូមិសាស្ត្រតំបន់ផាត់សណ្តាយ ស្រុកកំពង់ស្វាយ ខេត្តកំពង់ធំ ។ ការចុះសិក្សានេះ ដើម្បីធ្វើបច្ចុប្បន្នភាពព័ត៌មាន ទិន្នន័យដែនព្រៃលិចទឹកតំបន់ ៣ , សិក្សាពីការកំណត់តំបន់វារីរុក្ខជាតិកំប្លោក និងស្ថានភាពបម្រែបម្រួលនៃកំប្លោក។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2021-09-28T09:45:12+00:00

ថ្ងៃចន្ទ ១៤កើត ដល់ថ្ងៃសុក្រ ៣រោច ខែ ភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២០ ដល់ថ្ងៃទី ២៤ ខែកញ្ញា ឆ្នាំ ២០២១ លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំមន្ត្រីក្រុមការងារបច្ចេកទេសនៃអាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំអន្សាចំបក់ អូសន្តាន់ និងកំពង់ពោធិ៍ ស្ថិតនៅក្នុងស្រុកក្រគរ ខេត្តពោធិ៍សាត់ ។
-ការសិក្សាស្រាវជ្រាវនេះមានគោលបំណង
ប្រមូលទិន្នន័យស្ថិតិផលនេសាទ ដើម្បីស្វែងយល់ពីនិន្នាការការប្រែប្រួលផលនេសាទ គួបផ្សំនឹងការប្រែប្រួលតម្លៃត្រី ដើម្បីធ្វើការវិភាគសេដ្ឋកិច្ចសង្គមក្នុងតំបន់នោះ ។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២

2021-09-23T11:01:00+00:00

ខេត្តសៀមរាប: នាថ្ងៃ ពុធ ១ រោច ខែ ភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២២ ខែកញ្ញា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងាររបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រភូមិបណ្តែតទឹក ឃុំកំពង់ភ្លុក ស្រុកប្រាសាទបាគង ឃុំដានរុន និងឃុំកំពង់ឃ្លាំង ស្រុកសូទ្រនិគម ខេត្តសៀមរាប ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកនិងនិយាមការភូមិបណ្តែតទឹកនៅតាមទីតាំងតំបន់នីមួយៗ និងស្វែងយល់ពីស្ថានភាពជីវភសពរស់នៅប្រចាំថ្ងៃនាពេលបច្ចុប្បន្នរបស់ពួកគាត់ ។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២

2021-09-10T10:47:14+00:00

ខេត្តបាត់ដំបង: នាថ្ងៃព្រហស្បតិ៍ ៣ កេីត ខែ ភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៩ ខែកញ្ញា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងាររបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រភូមិព្រែកទាល់ អន្លង់តាអួ កំពង់ប្រហុក និងភូមិថ្វាង ឃុំកោះជីវាំង ស្រុកឯកភ្នំ ខេត្តបាត់ដំបង ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹក
និងនិយាមការភូមិបណ្តែតទឹកនៅតាមទីតាំងតំបន់ នីមួយៗ និងស្វែងយល់ពីស្ថានភាពរស់នៅប្រចាំថ្ងៃនាពេលបច្ចុប្បន្នរបស់ពួកគាត់ ។
សូមអរគុណ។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២

2021-09-03T09:51:52+00:00

ខេត្តបាត់ដំបង: នាថ្ងៃពុធ ៩ រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០១ ខែកញ្ញា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងាររបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រឃុំព្រែកហ្លួង និងឃុំព្រៃចាស់ ស្រុកឯកភ្នំ ខេត្តបាត់ដំបង ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹក
និងនិយាមការភូមិបណ្តែតទឹកនៅតាមទីតាំងតំបន់ នីមួយៗ និងស្វែងយល់ពីស្ថានភាពរស់នៅប្រចាំថ្ងៃនាពេលបច្ចុប្បន្នរបស់ពួកគាត់។

សកម្មភាពសិក្សាលើធនធានត្រី

2021-09-03T09:04:48+00:00

ខេត្តពោធិ៍សាត់៖ ថ្ងៃពុធ ២រោច ដល់ថ្ងៃ សៅរ៍ ៥រោច ខែ ស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២៥ ដល់ថ្ងៃទី ២៨ ខែសីហា ឆ្នាំ ២០២១ លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បានចុះអនុវត្តន៍សកម្មភាពសិក្សាលេីធនធានត្រី ក្នុងឃុំអន្សាចំបក់ អូសន្តាន់ និងកំពង់ពោធិ៍ ស្ថិតនៅក្នុងស្រុកក្រគរ ខេត្តពោធិ៍សាត់ ។
ការសិក្សាស្រាវជ្រាវនេះមានគោលបំណង៖
-ប្រមូលទិន្នន័យស្ថិតិផលនេសាទ ដែលមាទិន្នន័យការប្រែប្រួល និងតម្លៃត្រី
-ដើម្បីធ្វើការវិភាគទៅតាមលក្ខណ:វិទ្យាសាស្ត្រដែលជាផ្នែកមួយដ៏សំខាន់ចូលរួមក្នុងវិស័យសេដ្ឋកិច្ចជាតិ។

សកម្មភាពសិក្សាពីប្រសិទ្ធភាពការអនុវត្តច្បាប់និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍លើការប្រើប្រាស់ធនធានធម្មជាតិនៅតំបន់បឹងទន្លេសាប

2021-09-01T17:09:52+00:00

ខេត្តកំពង់ធំ: ថ្ងៃចន្ទ ៧រោច ដល់ថ្ងៃពុធ ៩រោច ខែស្រាពណ៌ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែសីហា ដល់ថ្ងៃទី០១ ខែកញ្ញា ឆ្នាំ២០២១ លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តចុះអនុវត្តសកម្មភាពការសិក្សាពីប្រសិទ្ធភាពការអនុវត្តច្បាប់ និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍ក្នុងការប្រើប្រាស់ធនធានធម្មជាតិនៅតំបន់បឹងទន្លេសាប សហគមន៍ឧកញ៉ាមហាពពាយ ស្ថិតនៅឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ។
ការសិក្សានេះ ដើម្បីស្វែយល់ពីប្រសិទ្ធភាពការអនុវត្តច្បាប់ និងបញ្ហាប្រឈមនានា ដែលធ្វើឲ្យមានការរាំងស្ទះដល់ដំណើរអនុវត្តច្បាប់លើការការពារធនធានធម្មជាតិ រួមទាំងវិធីសាស្ត្រគន្លឹះក្នុងយន្ត ការដោះស្រាយវិវាទនៅក្នុងសហគមន៍មូលដ្ឋាន ។ កាសិក្សា បានបង្ហាញថា:
- ប្រសិទ្ធភាពនៃការអនុវត្តច្បាប់នៅមិនទាន់បានរឹតបន្តឹងលើការដោះស្រាយវិវាទ ឫទំនាស់ក្នុងការប្រើប្រាស់ធនធានធម្មជាតិ ។
- ការដោះស្រាយវិវាទភាគច្រើនមានលក្ខណៈក្រៅប្រព័ន្ធតុលាការ ដោយធ្វើការអប់រំ ណែនាំលើកទី១ លើកទី២ លើកទី៣ ការព្រមានផ្ទាល់មាត់ ឫលាយលក្ខណ៍អក្សរ ឲ្យផ្អាកការនេសាទ ធ្វើកិច្ចសន្យាបញ្ឈប់ការនេសាទ ។

សកម្មភាពសិក្សាពីបច្ចុប្បន្នភាពជីវសាស្ត្រព្រៃលិចទឹកតំបន់២ តំបន់៣ និងគម្របដីព្រៃលិចទឹក

2021-09-01T14:01:38+00:00

កំពង់ធំ៖ ថ្ងៃអង្គារ ១ រោច ដល់ថ្ងៃសុក្រ ៤ រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២៤ ដល់ថ្ងៃទី ២៧ ខែសីហា ឆ្នាំ ២០២១ លោក វិន ប៊ុនពៅ និងក្រុមការងារ ននាយកដ្ឋានធនធានធម្មជាតិ បានបន្តចុះសិក្សាស្តីពីបច្ចុប្បន្នភាពជីវសាស្ត្រព្រៃលិចទឹកតំបន់២ តំបន់៣ និងគម្របដីព្រៃលិចទឹកព្រមទាំងការធ្វេីកសិកម្ម ដោយប្រេីប្រាស់ជីគីមី និងថ្នាំកសិកម្ម នៅស្រុកបារាយណ៍ ខេត្តកំពង់ធំ ។
គោលបំណងក្នុងការចុះសិក្សាស្រាវជ្រាវមានដូចខាងក្រោម ៖
-បច្ចុប្បន្នភាពព័ត៌មាន ទិន្នន័យ និងលក្ខណៈជីវសាស្ត្រព្រៃលិចទឹក និងការចុះអធិការកិច្ចដែន ព្រៃលិចទឹកតំបន់៣ ដើម្បីបច្ចុប្បន្នភាពផែនទីប្រើប្រាស់ដី និងគម្របដីលើការគ្រប់គ្រងព្រៃលិចទឹក
-សិក្សាលើករណីនៃការប្រើប្រាស់ធនធានព្រៃលិចទឹក និងវាលស្មៅនៅក្នុងតំបន់សិក្សា ។

កិច្ចប្រជុំពិគ្រោះយោបល់ថ្នាក់ជាតិស្តីពីវេទិកាបច្ចេកទេសនៃមូលដ្ឋានសេដ្ឋកិច្ច-សង្គម

2021-08-30T11:26:16+00:00

ខេត្តកំពង់ចាម៖ នាថ្ងៃ ចន្ទ ៧ រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែសីហា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានចូលរួមពិគ្រោះយោបល់ថ្នាក់ជាតិស្តីពីវេទិកាបច្ចេកទេសនៃមូលដ្ឋាន សេដ្ឋកិច្ច-សង្គម ដែលមានការចូលរួមពីមន្ត្រីតំណាងពីក្រសួង-ស្ថាប័នពាក់ព័ន្ធ។ កិច្ចប្រជុំនេះ ដើម្បី (១) បង្ហាញពីរចនាសម្ព័ន្ធលម្អិតនៃមូលដ្ឋានទិន្នន័យមុខងារចម្បង និងចំនុចប្រទាក់ក្រឡា របស់វានិង(២) ស្វែងរកមតិយោបល់ពីបណ្តាក្រសួង-ស្ថាប័នពាក់ព័ន្ធអំពីព័ត៌មានលម្អិត បច្ចេកទេសទាំងនោះ។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២

2021-08-30T06:40:48+00:00

ខេត្តបាត់ដំបង: នាថ្ងៃព្រហស្បតិ៍ ៣ រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៦ ខែសីហា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រី បច្ចេកទេសនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាព សិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រឃុំជ្រៃ ស្រុកមោងឬស្សី និងឃុំព្រៃចាស់ ស្រុកឯកភ្នំ ខេត្តបាត់ដំបង ។
ការអនុវត្តសកម្មភាពនេះ ដើម្បីធ្វើបច្ចុប្បន្នភាពទិន្នន័យ ប្រជាសាស្ត្រចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹក និងនិយាមការ ទីតាំងតំបន់នីមួយៗក្នុងតំបន់គោលដៅសិក្សា និង ស្វែងយល់ពីស្ថានភាពរស់នៅប្រចាំថ្ងៃរបស់ពួកគាត់ ។

សកម្មភាពលើការពង្រឹងបណ្ដាញទំនាក់ទំនងការងារជាមួយអាជ្ញាធរមូលដ្ឋាន និងសហគមន៍នេសាទ

2021-08-23T19:32:34+00:00

ខេត្តកំពង់ឆ្នាំង៖ នាថ្ងៃព្រហស្បតិ៍ ១១កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៩ ខែសីហា ឆ្នាំ ២០២១ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេសបន្តអនុវត្តសកម្មភាពលើការពង្រឹងបណ្ដាញ ទំនាក់ទំនងការងារជាមួយអាជ្ញាធរមូលដ្ឋាន និងសហគមន៍នេសាទអន្លង់អក ស្ថិតនៅឃុំកំពង់អុស ស្រុកជលគីរី ខេត្តកំពង់ឆ្នាំង។ ការអនុវត្តសកម្មភាពនេះមានគោលបំណង ដូចខាងក្រោម ៖
១- បង្កើតទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធក្នុងការចែករំលែកចំណេះដឹងទិន្នន័យព័ត៌មានទាំងវិជ្ជមាន និងអវិជ្ជមានលើការគ្រប់គ្រងធនធានធម្មជាតិ និងបរិស្ថាន។
២- បង្កើត និងពង្រឹងក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋានក្នុងការផ្ដល់ព័ត៌មានលើការគ្រប់គ្រងធនធាន ធម្មជាតិនៅក្នុងតំបន់បឹងទន្លេសាប។

សកម្មភាពសិក្សាពីប្រសិទ្ធភាពការអនុវត្តច្បាប់និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍ លើការប្រើប្រាស់ធនធានធម្មជាតិនៅតំបន់បឹងទន្លេសាប

2021-08-23T19:23:32+00:00

ថ្ងៃអង្គារ ៩កើត ដល់ថ្ងៃព្រហស្បតិ៍ ១១កើត ខែស្រាពណ៌ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៧ ដល់ថ្ងៃទី ១៩ ខែសីហា ឆ្នាំ ២០២១ លោក លឹម ហេង អនុប្រធាននាយកដ្ឋាន នីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេសនៃអាជ្ញាធរទន្លេសាប បានបន្តសិក្សាស្វែង យល់ពីយន្តការលេីការគ្រប់គ្រង និងការប្រើប្រាស់ធនធានធម្មជាតិនៅតំបន់បឹងទន្លេសាប នៅ សហគមន៍នេសាទ សំរិទ្ធជ័យ ស្ថិតនៅ ឃុំកំពង់ត្រឡាច ស្រុកកំពង់ត្រឡាច និងសហគមន៍ បត់ត្រង់ ស្ថិតនៅឃុំកោះថ្កូវ ស្រុកជលគីរី ខេត្តកំពង់ឆ្នាំង ។
ការសិក្សានេះ មានគោលបំណងប្រមូលព័ត៌មាន និងចងក្រងជាទិន្នន័យ ដែលបានអនុវត្ត ជាក់ស្តែង ដោយធ្វេីការវិភាគរកចំណុចខ្លាំង និងចំណុចខ្សោយ ដេីម្បីជាមូលដ្ឋានលេីការរៀបចំពន្យល់ណែនាំដល់សហគមន៍រួមគ្នាអនុវត្តឲ្យកាន់តែល្អប្រសើរ ផ្អែកលេីឯកសារគតិយុត្តិដែល មានធរមាន លេីការគ្រប់គ្រង និងការអភិរក្សធនធានធម្មជាតិនៅបឹងទន្លេសាបប្រកបដោយ និរន្តរភាព ។

សកម្មភាពចូលរួមកិច្ចសន្ទនាកម្រិតបច្ចេកទេសរួមគ្នារវាងអាស៊ាន និងគណៈកម្មការទន្លេមេគង្គ (ASEAN-MRC) ស្តីពីសន្តិសុខទឹកលើកទី ១

2021-08-23T19:12:12+00:00

កំពង់ចាម៖ ថ្ងៃព្រហស្បតិ៍ ១១កើត ដល់ថ្ងៃសុក្រ ១២កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៩ ដល់ថ្ងៃទី ២០ ខែសីហា ឆ្នាំ ២០២១ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាបបានចូលរួមកិច្ចសន្ទនាកម្រិតបច្ចេកទេសរួមគ្នារវាងអាស៊ាន និងគណៈកម្មការទន្លេមេគង្គ (ASEAN-MRC) ស្តីពីសន្តិសុខទឹកលើកទី ១ នៅទីរួមខេត្តកំពង់ចាម តាមប្រព័ន្ធវីដេអូ ដែលសហការរៀបចំដោយលេខាធិការដ្ឋាន MRC និងលេខាធិការដ្ឋាន ASEAN និងមន្ត្រីប្រតិភូអន្តរក្រសួង-ស្ថាប័នមកពីក្រសួងធនធានទឹក និងឧតុនិយម ក្រសួងការបរទេស និងសហប្រតិបត្តិការអន្តរជាតិ ក្រសួងបរិស្ថាន ក្រសួងរ៉ែ និងថាមពល ក្រសួងកសិកម្ម រុក្ខាប្រម៉ាញ់ និងនេសាទ ក្រសួងសាធារណការ និងដឹកជញ្ជូន អាជ្ញាធរទន្លេសាប និងគណ:កម្មាធិការជាតិទន្លេមេគង្គកម្ពុជា ព្រមទាំងវិទ្យាស្ថាន និងអង្គការដៃគូផ្សេងៗ សរុបប្រមាណ ១២០ រូប ។ គោលបំណងនៃកិច្ចសន្ទនា ដើម្បីផ្តល់វេទិការពិភាក្សាចែករំលែកបទពិសោធន៍ និងរកដំណោះស្រាយរួមគ្នា លើការប្រឈមសន្តិសុខទឹកនៅក្នុងតំបន់អាស៊ាន រួមមាន៖ កង្វះទឹក គុណភាពទឹក និងគ្រោះហានិភ័យបណ្តាលមកពីការប្រែប្រួលអាកាសធាតុ និងការពិភាក្សារួមគ្នា ស្តីពីកិច្ចសហប្រតិបត្តិការ និងគាំទ្រលើសក្តានុពលរវាងអាស៊ាន និង MRC ក៏ដូចជាក្នុងចំណោមដៃគូផ្សេងៗ ដើម្បីសហការគ្នាលើកកម្ពស់ការគ្រប់គ្រង និងអភិបាលកិច្ចសន្តិសុខទឹកនៅក្នុងតំបន់អាស៊ាន។

សកម្មភាពចូលរួមកិច្ចសន្ទនាកម្រិតបច្ចេកទេសរួមគ្នារវាងអាស៊ាន និងគណៈកម្មការទន្លេមេគង្គ (ASEAN-MRC) ស្តីពីសន្តិសុខទឹកលើកទី ១

2021-08-23T19:12:12+00:00

សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២

2021-08-23T19:07:02+00:00

ខេត្តបាត់ដំបង: នាថ្ងៃសុក្រ ១២ កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២០ ខែសីហា ឆ្នាំ២០២១ ក្រុមការងារមន្ត្រីបច្ចេកទេស នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តចុះអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២ នៅក្នុងភូមិសាស្ត្រឃុំកំពង់ព្រះ ស្រុកសង្កែ និងឃុំជ្រៃ ស្រុកមោងឬស្សី ខេត្តបាត់ដំបង ។ ការអនុវត្តសកម្មភាពនេះ ដើម្បីធ្វេីបច្ចុប្បន្នភាពទិន្នន័យប្រជាសាស្ត្រ និយាមការទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមនានាទៅលើជីវភាពរស់នៅប្រចាំថ្ងៃរបស់ពួកគាត់ ។

សកម្មភាពសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២

2021-08-16T10:59:48+00:00

ខេត្តកំពង់ធំ៖ ថ្ងៃអង្គារ ២ កើត ដល់ថ្ងៃព្រហស្បតិ៍ ៤ កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១១ ដល់ថ្ងៃទី ១២ ខែសីហា ឆ្នាំ២០២១ ក្រុមការងារមន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការ អនុវត្តទៅលើការគ្រប់គ្រងធនធានធម្មជាតិ ជំហាន២ ជាមួយអាជ្ញាធរមូលដ្ឋាន និងសហគមន៍នេសាទក្បាលស្ទឹង ស្ថិតក្នុងភូមិសាស្ត្រ ឃុំចំណាក្រោម ស្រុកស្ទោង និងសហគមន៍នេសាទ អភិវឌ្ឍន៍ព្រែកកំពង់ចាម ស្ថិតក្នុងភូមិសាស្ត្រ ឃុំបារាយណ៍ ស្រុកបារាយណ៍ ខេត្តកំពង់ធំ។
ការសិក្សានេះ ដើម្បីស្វែងយល់ពីដំណើរការនៃការគ្រប់គ្រង ការពារ និងការអភិរក្ស បញ្ហាប្រឈមដែលកំពុងកើតមានឡើងក្នុងសហគមន៍ រួមទាំងយន្តការដោះស្រាយបញ្ហាប្រឈមនានា ក្នុងការការពារ អភិរក្សធនធានធម្មជាតិក្នុងដែនសហគមន៍នេសាទទាំងពីរប្រកបដោយនិរន្តរភាព។
ការសិក្សា បានបង្ហាញឲ្យឃើញពីភាពប្រឈមមួយចំនួន ដែលបាន និងកំពុងជះឥទ្ធិពលដល់ដំណើរការបំពេញតួនាទី ភារកិច្ច ការងារប្រចាំថ្ងៃរបស់សហគមន៍នេសាទទាំងពីរ ក្នុងកិច្ចការការពារ គ្រប់គ្រង អភិរក្សធនធានធម្មជាតិ ក្នុងតំបន់ រួមមាន៖
- បញ្ហាការរីករាលដាលនៃជម្ងឺកូវីត-១៩ ជាហេតុនាំឲ្យមានភាពអសកម្ម លើការអនុត្តការងារប្រចាំថ្ងៃ ជាពិសេស ការយាមល្បាតក្នុងតំបន់អភិរក្ស
- សហគមន៍នេសាទទាំងពីរ មិនទាន់បានធ្វើបច្ចុប្បន្នភាពលើផែនការគ្រប់គ្រងសហគមន៍ឡើងវិញ ដែលធ្វើឲ្យមានភាពចន្លោះប្រហោង ក្នុងការដឹកនាំ គ្រប់គ្រង ការពារ និងអភិរក្ស
- គណកម្មការសហគមន៍ ទទួលបានការបណ្ដុះបណ្ដាលកសាងសមត្ថភាព និងការគាំទ្រ បច្ចេកទេស ធនធានថវិកានៅមានកម្រិត សម្រាប់ដំណើរការការងារប្រចាំថ្ងៃ
- ការអនុវត្តការងារជូបការលំបាក ដោយសារសមាជិកគណកម្មការសហគមន៍ទាំងពីរ បានផុតអាណត្តិ ហើយពុំទាន់មានការរៀបចំបោះឆ្នោតជ្រើសរើសគណ:កម្មការសហគមន៍ថ្មី ស្របទៅតាមអាណត្តិ (៥ឆ្នាំ)
- សមាជិកគណកម្មការសហគមន៍មានកង្វះខាតលើតម្រូវចាំបាច់ជីវភាពរស់នៅប្រចាំថ្ងៃ ពួកគេមួយចំនួនបោះបង់បង់ចោលការងារស្នូល ទៅរកការងារផ្សេងៗ ដើម្បីបង្កើនចំណូលទ្រទ្រង់ជីវភាពគ្រួសារ
- ការទប់ស្កាត់បទល្មើសនេសាទ និងការទន្ទ្រានដីព្រៃលិចទឹក ក្នុងដែនសហគមន៍ពុំសូវមានប្រសិទ្ធភាព ក៏ព្រោះ កង្វះមធ្យោបាយធ្វើដំណើរ (ទូក-បាឡា) ធនធានថវិកា និងកិច្ចសហការចុះអន្តរាគមន៍មិនទាន់ពេលវេលា៕

កិច្ចប្រជុំត្រួតពិនិត្យ តាមដានលទ្ធផលការអនុវត្តផែនការសកម្មភាពការងាក្នុងឆមាសទី១ និងលើកទិសដៅបន្តឆមាសទី២ របស់អគ្គលេខាធិការដ្ឋានអាជ្ញារទន្លេសាប

2021-08-14T12:47:42+00:00

រាជធានីភ្នំពេញ៖ ថ្ងៃសុក្រ ៥កើត ខែស្រាពណ៌ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៣ ខែសីហា ឆ្នាំ ២០២១ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាបតំណាងដ៏ខ្ពង់ខ្ពស់របស់ឯកឧត្តម លឹម គានហោ ប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំត្រួតពិនិត្យ តាមដានលទ្ធផលការអនុវត្តផែនការសកម្មភាពការងាក្នុងឆមាសទី១ និងលើកទិសដៅបន្តឆមាសទី២ ប្រចាំឆ្នាំ ២០២១ របស់អគ្គលេខាធិការដ្ឋាន អាជ្ញាធរទន្លេសាប តាមរយៈប្រព័ន្ធអនឡាញ Zoom ដោយមានការចូលរួមពី ឯកឧត្តមអនុប្រធាន ឯកឧត្តមអគ្គលេខាធិការ អគ្គលេខាធិការរង ឯកឧត្តមជំនួយការ លោកទីប្រឹក្សា លោក លោកស្រីជាប្រធាន អនុប្រធាននាយកដ្ឋាន និងមន្ត្រីពាក់ព័ន្ធសរុបចំនួន ៤២នាក់។ កិច្ចប្រជុំ បានពិនិត្យមើល វឌ្ឍនភាពការអនុវត្តសកម្មភាពសិក្សាស្រាវជ្រាវ ប្រចាំឆមាសទី១ ដោយពិភាក្សាគ្នាលើចំណុចខ្លាំង ចំណុចខ្សោយ និងបញ្ហា ប្រឈម ។ ឈរលើបទពិសោធន៍សិក្សានេះ កិច្ចប្រជុំ បានពិភាក្សាគ្នា ដោយលើកទិសដៅឆមាសទី២ គឺធ្វើការសិក្សា ស្រាវជ្រាវ បន្ត ស្របគ្នាជាមួយនឹង ការកែលំអវិធីសាស្ត្រសិក្សាស្រាវជ្រាវ តាមលក្ខណៈវិទ្យាសាស្ត្រ ដើម្បីជាមូលដ្ឋានលើការគ្រប់គ្រង និងអភិរក្សបឹងទន្លេសាប ក្នុងដែនសមត្ថកិច្ចរបស់អាជ្ញាធរទន្លេសាប។

កិច្ចប្រជុំ ស្ដីពី ការរៀបចំផែនការថ្នាក់តំបន់ ត្រៀមទុកជាមុន ដើម្បីបង្កើតផែនការអាងទន្លេបន្សុំាមួយដែលនាំមកនូវសុខភាពល្អប្រសើរ និងនិរន្តរភាពនៃការអភិវឌ្ឍវិស័យធនធានទឹក

2021-08-13T15:46:20+00:00

កំពង់ចាម៖ ថ្ងៃចន្ទ ១កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែសីហា ឆ្នាំ ២០២១ ឯកឧត្តម ខូវ មាស អគ្គលេខាធិការរងនៃអាជ្ញាធរទន្លេសាប បានអញ្ជើញចូលរួមកិច្ចប្រជុំពិគ្រោះយោបល់ថ្នាក់ជាតិ ដែលរៀបចំដោយគណ:កម្មាធិការជាតិទន្លេមេគង្គកម្ពុជា ដើម្បីពិនិត្យលើសេចក្ដីព្រាងលើកទី២ នៃឯកសារគោលគំនិត ស្ដីពី ការរៀបចំផែនការថ្នាក់តំបន់ ត្រៀមទុកជាមុន ដើម្បីបង្កើតផែនការអាងទន្លេបន្សុំាមួយដែលនាំមកនូវសុខភាពល្អប្រសើរ និងនិរន្តរភាពនៃការអភិវឌ្ឍវិស័យធនធានទឹក និងវិស័យពាក់ព័ន្ធដ៍ទៃទៀត។
គោលបំណងនៃកិច្ចប្រជុំរួមមាន ៖
- ពិភាក្សា និងផ្តល់យោបល់លើសេចក្តីព្រាងលើកទី២ នៃឯកសារគោលគំនិត និងផែនការបន្សាំនៃការគ្រប់គ្រងអាងទន្លេ (Proactive Regional Plan and Adaptive Basin Plan)
- ពិនិត្យមើលយន្តការ តួនាទី និងការចូលរួមនៃដំណើរការផែនការអភិវឌ្ឍន៍អាងទន្លេថ្នាក់ជាតិ (National Basin Development Plan)
- ពិភាក្សាលើធាតុចូលទាំងឡាយរបស់ភាគីកម្ពុជា ដើម្បីដាក់ជូនទៅគណ:កម្មការទន្លេមេគង្គ (Mekong River Commission- MRC)។

កិច្ចប្រជុំពិគ្រោះយោបល់ថ្នាក់ជាតិលើកទី៣ ស្តីពីការធ្វើបច្ចុប្បន្នភាពផែនការចង្អុលថ្នាក់ជាតិ(NIP) ឆ្នាំ 2021-2025

2021-08-13T15:35:08+00:00

ថ្ងៃសុក្រ ១៣រោច ខែទុតិយាសាឍ ត្រូវនឹងថ្ងៃទី ០៦ ខែសីហា ឆ្នាំ ២០២១ ឯកឧត្តម សរ គឹមសាន្ត អគ្គលេខាធិការរង អាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិលើកទី៣ ស្តីពីការធ្វើបច្ចុប្បន្នភាពផែនការចង្អុលថ្នាក់ជាតិ(NIP) ឆ្នាំ 2021-2025 នៅសណ្ឋាគារភ្នំប្រុស ទីរួមខេត្តកំពង់ចាម។
កិច្ចប្រជុំរៀបចំដោយគណ:កម្មាធិការជាតិទន្លេមេគង្គកម្ពុជាមានគោលបំណងប្រមូលមតិយោបល់ និងធាតុចូល ពីបណ្តាក្រសួងស្ថាប័នពាក់ព័ន្ធ ដើម្បីរៀបចំឯកសារ (NIP) ប្រកបដោយសក្ដានុពលសម្រាប់ប្រទេសកម្ពុជា។

កិច្ចប្រជុំពិគ្រោះយោបល់ថ្នាក់ជាតិលើកទី៣ ស្តីពីការធ្វើបច្ចុប្បន្នភាពផែនការចង្អុលថ្នាក់ជាតិ(NIP) ឆ្នាំ 2021-2025

2021-08-13T15:35:08+00:00

សិក្ខាសាលាស្តីពី ការវាយតម្លៃផលប៉ះពាល់លើសហគមន៍នៅតាមដងទន្លេមេគង្គ និងទន្លេសាប

2021-08-13T15:31:02+00:00

រាជធានីភ្នំពេញ៖ រសៀលថ្ងៃ សុក្រ ១៣រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៦ ខែសីហា ឆ្នាំ២០២១ យោងចំណារដ៏ខ្ពង់ខ្ពស់របស់ ឯកឧត្តម លឹម គានហោ ប្រធានអាជ្ញាធរទន្លេសាប លោក ហេង សុវណ្ណារ៉ា ប្រធាននាយដ្ឋានត្រួតពិនិត្យការធ្វើអាជីវកម្ម និងអភិរក្ស អញ្ជើញចូលរួមសិក្ខាសាលាតាមប្រព័ន្ធអនឡាញ ដើម្បីផ្ទៀងផ្ទាត់លើរបាយការណ៍សិក្សា ស្តីពី ការវាយតម្លៃផលប៉ះពាល់លើសហគមន៍នៅតាមដងទន្លេមេគង្គ និងទន្លេសាប ដោយសារកម្ពស់ទឹកមានកម្រិតទាបក្នុងឆ្នាំ ២០១៩ និងឆ្នាំ២០២០ ដែលមានការរៀបចំដោយ វេទិកានៃអង្គការមិនមែនរដ្ឋាភិបាលស្តីពីកម្ពុជា (The NGO FORUM on Cambodia) ដែលមានសមាសភាពចូលរួមចំនួន ៥៣ រូប មកពីស្ថាប័នដូចជា The NGO Forum on Cambodia, OXFAM, MOWRAM, MAFF, TSA, MRCS, សម្ព័ន្ធទន្លេកម្ពុជា និងតំណាងមកពីសហគមន៍។
សិក្ខាសាលានេះមានគោលបំណង ដើម្បីគណនាអំពីតម្លៃខាតបង់លើផលិតកម្មស្រូវ និងផលចាប់ត្រីក្នុងតំបន់ដោយសារកម្ពស់ទឹកទន្លេមេគង្គទាបក្នុងឆ្នាំ២០១៩ និងឆ្នាំ២០២០ ផលប៉ះពាល់លើសេដ្ឋកិច្ចសង្គមរបស់សហគមន៍លើដងទន្លេ និងចងក្រងពីវិធីសាស្ត្រក្នុងការដោះស្រាយបញ្ហារបស់សហគមន៍។

សកម្មភាពសិក្សាពីប្រសិទ្ធភាពការអនុវត្តច្បាប់និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍លើការប្រើប្រាស់ធនធានធម្មជាតិនៅតំបន់បឹងទន្លេសាប

2021-07-27T10:43:50+00:00

ខេត្តកំពង់ធំ: ថ្ងៃពុធ ៥កើត ដល់ថ្ងៃសុក្រ ៧កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ដល់ថ្ងៃទី១៦ ខែកក្កដា ឆ្នាំ២០២១ លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានចុះអនុវត្តសកម្មភាពសិក្សាពីប្រសិទ្ធភាពការអនុវត្តច្បាប់ និងស្វែងយល់ពីយន្តការដោះស្រាយវិវាទលើការទាញយកផលប្រយោជន៍លើការប្រើប្រាស់ធនធានធម្មជាតិនៅតំបន់បឹងទន្លេសាប របស់សហគមន៍បឹងរំពេរ ស្ថិតក្នុងភូមិសាស្ត្រឃុំតាំងក្រសាំង ស្រុកសន្ទុក ខេត្តកំពង់ធំ ។

ការសិក្សានេះ ដើម្បីស្វែយល់ពីប្រសិទ្ធភាពនៃការអនុវត្តច្បាប់ និងបញ្ហាប្រឈម ដែលធ្វើឲ្យមានការរាំងស្ទះដល់ដំណើរការការពារធនធានធម្មជាតិ និងការគ្រប់គ្រងក្នុងសហគមន៍ រួមទាំងវិធីសាស្ត្រគន្លឹះក្នុងការដោះស្រាយវិវាទនៅក្នុងសហគមន៍មូលដ្ឋាន ។

ក្រុមការងារបានធ្វើការប្រមូលទិន្នន័យ ព័ត៌មានពីអាជ្ញាធរមូលដ្ឋានឃុំតាំងក្រសាំង គណះកម្មការសហគមន៍ និងប្រជានេសាទ ។ ជាលទ្ធផលបឋមបានបង្ហាញឲ្យឃើថា:
- ប្រសិទ្ធភាពការអនុវត្តច្បាប់នៅមានកម្រិត ដោយអនុវត្តមិនទាន់បានល្អប្រសើរនៅឡើយលើការគ្រប់គ្រង ការពារ និងអភិរក្ស ធនធានជលផល និងធនធានធម្មជាតិ
- ការដោះស្រាយបញ្ហាបទល្មើសនេសាទកើតឡើងនៅក្នុងតំបន់ ភាគច្រើនមានលក្ខណៈក្រៅប្រព័ន្ធតុលាការ ដោយធ្វើការណែនាំ ការអប់រំ មួយដង ទៅ ពីរដង ក្នុងករណីពួកគេនៅតែបន្តប្រព្រឹត្តបទល្មើសទៀត និងធ្វើកាបញ្ជូនទៅសង្កាត់/ខណ្ឌជលផល ដើម្បីអនុវត្តន៍នីតិវិធីបន្ត ចំពោះប្រជាពលរដ្ឋនេសាទប្រើប្រាស់ឧបករណ៍នេសាទខុសច្បាប់ នេសាទនៅក្នុងតំបន់អភិរក្ស និងនេសាទនៅរដូវហាមឃាត់ ជាដើម៕

ឯកឧត្តម ស៊ិន វិសិទ្ធ អគ្គលេខាធិការ ចុះធ្វើការប្រមូលព័ត៌មានទិន្នន័យជាក់ស្តែង ដើម្បីធ្វើបច្ចុប្បន្នភាពអំពីផ្ទៃដីព្រៃលិចទឹកតំបន់ ៣

2021-07-26T22:44:47+00:00

ខេត្តពោធិ៍សាត់៖ ថ្ងៃសុក្រ ១៤កើត ដល់ថ្ងៃចន្ទ ២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២៣ ដល់ថ្ងៃទី ២៦ ខែកក្កដា ឆ្នាំ ២០២១ ឯកឧត្តម ស៊ិន វិសិទ្ធ អគ្គលេខាធិការ នៃអាជ្ញាធរទន្លេសាប បានដឹកនាំក្រុមការងារបច្ចេកទេស ចុះតាមដានផលប៉ះពាល់ផ្ទាល់លើតំបន់ ៣ នៅក្នុងភូមិសាស្ត្រខេត្តពោធិ៍សាត់។ ការចុះសិក្សានេះ ជាការធ្វើអធិការកិច្ច និងប្រមូលព័ត៌មានទិន្នន័យជាក់ស្តែង ដើម្បីធ្វើបច្ចុប្បន្នភាពអំពីផ្ទៃដីព្រៃលិចទឹកតំបន់ ៣ និងបង្គោលព្រំកំណត់តំបន់ ៣ សម្រាប់ការងារអភិរក្សព្រៃលិចទឹកនៅជុំវិញបឹងទន្លេសាប។ សម្រាប់ខេត្តពោធិ៍សាត់ មានផ្ទៃដីព្រៃលិចទឹកចំនួន ៩៤,០៤២ ហិកតា និងបង្គោលចំនួន ៧៦ បង្គោល (តាមអនុក្រឹត្យលេខ ១៩៧ ចុះថ្ងៃទី ២៩ ខែសីហា ឆ្នាំ ២០១១) ដោយឡែកបេសកកម្មនេះក្រុមការងារបានពិនិត្យដោយផ្ទាល់លើបង្គោលលេខ ១៩០, ១៩១, ១៩២, ១៩៤, ១៩៥, ១៩៦, ១៩៧, ១៩៨, ១៩៩, ១៨១, ១៨២, ១៨៥ និង ១៨៧ ។

សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២

2021-07-26T14:22:36+00:00

ខេត្តកំពង់ធំៈ នាថ្ងៃព្រហស្បតិ៍ ១៣ កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២២ ខែកក្កដា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេស នៃនាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តចុះអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២ នៅក្នុងភូមិសាស្ត្រភូមិបាឡត និងភូមិពេជចក្រី ឃុំពាមបាង ស្រុកស្ទោង ខេត្តកំពង់ធំ។ ការអនុវត្តសកម្មភាពនេះ ដើម្បីធ្វេីបច្ចុប្បន្នភាពទិន្នន័យប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមលើជីវភាពរស់នៅប្រចាំថ្ងៃរបស់ពួកគាត់ ។

ជាលទ្ធផល ក្រុមការងារបានយកចំណុចនិយាមការ តំបន់ដែលមានផ្ទះបណ្តែតទឹក ចំនួនខ្នងផ្ទះបណ្តែតទឹក ចំនួនបែរ និងស្ថិតិប្រជាសាស្ត្រតាមបណ្តាភូមិគោលដៅសិក្សា។ ជាមួយគ្នានេះបញ្ហាដែលប្រឈមនឹងជីវភាពរស់នៅប្រចាំថ្ងៃរបស់ពួកគាត់ ទាំងពីរភូមិខាងលើជាភូមិឧបសម្ព័ន្ធ បាននិងកំពុងជួបការលំបាកស្វែងរកដៃគូអភិវឌ្ឍន៍ជួយគាំទ្រទាំងបច្ចេកទេស និងថវិកា (សាលារៀនបាក់បែក) និងកង្វះទឹកស្អាតប្រើប្រាស់នារដូវប្រាំង ស្របពេលដែលមុខរបរចម្បងប្រចាំថ្ងៃពឹងលើការនេសាទទាំងស្រុង តែផលចាប់ត្រីនិងការចិញ្ចឹមត្រីបន្តធ្លាក់ចុះ ។

ឯកឧត្តម ស៊ិន វិសិទ្ធ អគ្គលេខាធិការ ចុះធ្វើការប្រមូលព័ត៌មានទិន្នន័យជាក់ស្តែង ដើម្បីធ្វើបច្ចុប្បន្នភាពអំពីផ្ទៃដីព្រៃលិចទឹកតំបន់ ៣

2021-07-24T12:12:46+00:00

ខេត្តកំពង់ធំៈ នៅថ្ងៃ សុក្រ ០៧កើត ដល់ថ្ងៃ ចន្ទ ១០កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៦ ដល់ថ្ងៃទី ១៩ ខែកក្កដា ឆ្នាំ ២០២១ ឯកឧត្តម ស៊ិន វិសិទ្ធ អគ្គលេខាធិការ នៃអាជ្ញាធរទន្លេសាប បានដឹកនាំក្រុមការងារបច្ចេកទេស ចុះតាមដានផលប៉ះពាល់ផ្ទាល់លើតំបន់ ៣ នៅក្នុងភូមិសាស្ត្រខេត្តកំពង់ធំ ។ ការចុះសិក្សានេះ ជាការធ្វើអធិការកិច្ច និងប្រមូលព័ត៌មានទិន្នន័យជាក់ស្តែង ដើម្បីធ្វើបច្ចុប្បន្នភាពអំពីផ្ទៃដីព្រៃលិចទឹកតំបន់ ៣ និងបង្គោលព្រំកំណត់តំបន់ ៣ សម្រាប់ការងារអភិរក្សព្រៃលិចទឹកនៅជុំវិញបឹងទន្លេសាប។ សម្រាប់ខេត្តកំពង់ធំមានផ្ទៃដីព្រៃលិចទឹកចំនួន ១៣២,០៨១ ហិកតា និងបង្គោលចំនួន ១៣២ បង្គោល (តាមអនុក្រឹត្យលេខ ១៩៧ ចុះថ្ងៃទី ២៩ ខែសីហា ឆ្នាំ ២០១១) ដោយឡែកបេសកកម្មនេះក្រុមការងារបានពិនិត្យដោយផ្ទាល់លើបង្គោលលេខ ៦៧៩, ៦៨០, ៦៨១, ៦៨២, ៧៦៤, ៧៦៥, ៧៦៦, ៧៦៧, ៧៩៦ និង ៧៩៧ ។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានជួនសំណេះសំណាលជាមួយមន្ត្រីរបស់នាយកដ្ឋាននីតិកម្ម និងផ្សព្វផ្សាយ

2021-07-19T15:08:52+00:00

នាព្រឹកថ្ងៃ ចន្ទ ១០ កើត ខែ ទុតិយាឍ ឆ្នាំឆ្លូវ ត្រី ស័ក ព.ស ២៥៦៥ ត្រូវ នឹង ថ្ងៃទី ១៩ ខែកក្កដា ឆ្នាំ ២០២១ ឯកឧត្តម ម៉ៅ ហាក់ អនុប្រធានអាជ្ញាធរ ទន្លេសាប បានជួបប្រជុំសំណេះសំណាលការងារជាមួយមន្ត្រីរបស់នាយកដ្ឋាន នីតិកម្ម និងផ្សព្វផ្សាយ ដែលមានការចូលរួមពី ប្រធាននាយកដ្ឋាន អនុប្រធាននាយកដ្ឋាន និងមន្ត្រីក្រោមឪវាទនៃការិយាល័យទាំង៣ ។ កិច្ចប្រជុំសំណេះសំណាល់នេះ ឯកឧត្តម បានទទួលបានមតិយោបល់ពីនាយកដាននីតិកម្ម និងផ្សព្វផ្សាយ និងធ្វើការដោះស្រាយ ដើម្បីបង្កើនប្រសិទ្ធភាពការងារបន្ត។

សកម្មភាពសិក្សាបច្ចុប្បន្នភាពធនធានជលផលនិងការប្រើប្រាស់ធនធានជលផលក្នុងវារីវប្បកម្ម

2021-07-18T14:15:04+00:00

ថ្ងៃពុធ ៥កើត ដល់ ថ្ងៃសៅរ៍ ៨កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៤ ដល់ថ្ងៃទី ១៧ ខែកក្កដា ឆ្នាំ ២០២១ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាពីបច្ចុប្បន្នភាពធនធានជលផល (ត្រី និងក្រៅពីត្រី) និងការប្រើប្រាស់ធនធានជលផលក្នុងវារីវប្បកម្មនៅតំបន់ទីជម្រាលអាងទន្លេសាបនៅក្នុងខេត្តសៀមរាប និងបាត់ដំបង។
គោលបំណងសិក្សាមាន៖
១, ធ្វើបច្ចុប្បន្នភាពធនធានជលផលលើលក្ខណៈជីវសាស្ត្រ (ត្រី និងក្រៅពីត្រី) និងការវាយតម្លៃលើផលចាប់តាមប្រភេទឧបករណ៍នេសាទ
២, បន្ដពិនិត្យ និងវាយតម្លៃសមាសភាពប្រភេទធនធានជលផលសម្រាប់វារីវប្បកម្ម (ចំណីត្រី និងក្រពើ)
៣, បន្ដវាយតម្លៃលើសមាសភាពប្រភេទត្រី(ត្រីនុយ) ដែលអាចវិវត្តន៍ទៅជាប្រភេទត្រីធំ និងត្រីកម្រ
៤, បន្ដការតាមដាមលើការវិវដ្ដសន្ទស្សន៍របស់កន្សោមពងធនធានជលផលដើម្បីបន្ដស្វែងយល់ពីការបង្កកំណើត
៥, បច្ចុប្បន្នភាពលំនៅដ្ឋានធនធានជលផល(ត្រី) នៅក្នុងតំបន់ទីជម្រាលអាងទន្លេសាប (រដូវប្រាំង និងវស្សា)
៦, បច្ចុប្បន្នភាពផែនទីទីតាំងនេសាទធនធានជលផលទៅតាមប្រភេទលំនៅដ្ឋាន(ជម្រក) និង
៧, ចងក្រងសៀវភៅ និងរៀបចំរបាយការណ៍មឋម នៃប្រភេទធនធានត្រី និងក្រៅពីត្រីនៅក្នុងតំបន់ទីជម្រាលអាងទន្លេសាប ។
ជាលទ្ធផលសិក្សារួមមាន ៖
១, កំណត់បាននូវនិយាមកាតាមទីតាំងដាក់ឧបករណ៍នេសាទនីមួយៗ និងពិនិត្យស្ថានភាពទូទៅនៅតាមតំបន់សិក្សា
២, បានវាស់គុណភាពទឹកចំនួន ៦ទីតាំងដោយប្រើប្រាស់ឧបរករណ៍ BBE algae (វាស់ស្ទង់ស្លែ , កករ, កម្រិតល្អក់) និងពិលវាស់ជម្រៅទឹក
៣, បានធ្វើការវាស់/ថ្លឹង និងវះកាត់មើលកន្សោមពងរបស់ត្រីសរុបចំនួន ៦លំដាប់ ស្មើនឹង ២៣ប្រភេទ៕

សកម្មភាពសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២

2021-07-16T10:01:59+00:00

ខេត្តពោធិ៍សាត់: ថ្ងៃចន្ទ ៣ កើត ដល់ថ្ងៃព្រហស្បតិ៍ ៦ កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១២ ដល់ថ្ងៃទី ១៥ ខែកក្កដា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមនឹងក្រុមការងារមន្ត្រីបច្ចេកទេស បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២ ជាមួយអាជ្ញាធរមូលដ្ឋាន និងសហគមន៍នេសាទបឹងអន្លង់ព្រីង ស្ថិតក្នុងភូមិសាស្ត្រ ឃុំអន្លង់វិល ស្រុកកណ្ដៀង និងសហគមន៍នេសាទកំពង់ប្រាក់ ស្ថិតក្នុងភូមិសាស្ត្រ ឃុំស្នាអន្សារ ស្រុកក្រគរ ខេត្តពោធិ៍សាត់។
ការសិក្សានេះ ដើម្បីស្វែងយល់ពីដំណើរការនៃការគ្រប់គ្រង ការពារ និងការអភិរក្ស បញ្ហាប្រឈមដែលកំពុងកើតមានឡើងក្នុងសហគមន៍ រួមទាំងយន្តការដោះស្រាយបញ្ហាប្រឈមនានា ក្នុងការការពារ អភិរក្សធនធានធម្មជាតិក្នុងដែនសហគមន៍នេសាទទាំងពីរប្រកបដោយនិរន្តរភាព។
ជាលទ្ធផលបឋម ភាពប្រឈមដែលបាននឹងកំពុងកើតមានឡើងក្នុងសហគមន៍នេសាទទាំងពីរ រួមមានៈ
- សហគមន៍ នេសាទទាំងពីរ មិនទាន់មានការរៀបចំបោះឆ្នោតជ្រើសរើសគណ:កម្មការសហគមន៍ថ្មី ស្របទៅតាមអណ្ណត្ដ (៥ឆ្នាំ) ដែលនាំឲ្យរចនាស័ម្ពន្ធដឹកនាំគ្រប់គ្រង មានលក្ខណៈធូររលុង
- កង្វះ ការគាំទ្រ បច្ចេកទេស និងធនធានថវិកា សម្រាប់កិច្ចដំណើរការ ការងារប្រចាំថ្ងៃក្នុងសហគមន៍ ដែលនាំឲ្យសមាជិកគណ:កម្មការសហគមន៍បាក់ទឹកចិត្ត និងងាកពីការងារស្ម័គ្រចិត្ត ទៅបំពេញតម្រូវការជីវភាពរបស់ខ្លួន
- ការអនុវត្ត ច្បាប់នៅថ្នាក់មូលដ្ឋាន នៅមានកម្រិត ដោយផ្អែកលើមនោសញ្ចេតនាយោគយល់ ព្រោះ កម្រិតជីវភាពប្រជាសហគមន៍នៅមានលក្ខណ:ខ្សត់ខ្សោយ។

សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប

2021-07-13T15:24:58+00:00

ខេត្តកំពង់ធំៈ នាថ្ងៃពុធ ១៣ រោច ខែបឋមាសាឍ ដល់ថ្ងៃសៅរ៍ ១ កើត ខែទុតិយសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៧ ដល់ថ្ងៃទី១០ ខែកក្កដា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ត្រីបច្ចេកទេស នៃនាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានចុះអនុវត្តសកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២ នៅក្នុងភូមិសាស្ត្រភូមិពាមបាង និងភូមិដូនស្តើង នៃឃុំពាមបាង ស្រុកស្ទោង ខេត្តកំពង់ធំ។

គោលបំណងនៃការអនុវត្តសកម្មភាពនេះគឺដើម្បីធ្វើបច្ចុប្បន្នភាពទិន្នន័យប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមលើជីវភាពរស់នៅប្រចាំថ្ងៃរបស់ពួកគាត់ ។

ជាលទ្ធផលបឋម ក្រុមការងារបានយកចំណុចនិយាមកាបាន ០៤ ទីតាំង នៃភូមិពាមបាង ០២ ទីតាំង (ព្រែកពាមបាង និងព្រែកពន្លេចកង្កែប) និង ០២ ទីតាំង នៃភូមិដូនស្តើង (ទីតាំងក្នុងភូមិដូនស្តើង និងទីតាំងអន្លង់តាអោន) ។ ចំនុចខាងលើមានគ្រួសារសរុបចំនួន ៣៨៨ គ្រួសារ, មានផ្ទះស្មើនឹង ៣៦៨ ខ្នងផ្ទះ , មានបែរត្រីចំនួន ១៦៩ បែរ (បែរអត់ចិញ្ចឹមត្រី មានប្រមាណ ៤០%)។ ជីវភាពរស់ប្រចាំជាចម្បងពឹងផ្អែកលើការនេសាទប្រមាណជា ៩៨%។

សកម្មភាពសិក្សាតាមដានស្តីពីលំហូរចូលនៃធនធានកូនត្រី និងការបំលាស់ទីចេញនៃធនធានត្រី

2021-07-13T15:16:48+00:00

ថ្ងៃអង្គារ ១២រោច ដល់ ថ្ងៃសុក្រ ១៥រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ដល់ថ្ងៃទី០៩ ខែកក្កដា ឆ្នាំ២០២១ លោក វិន ប៊ុនពៅ ប្រធាននាយកដ្ឋាន បានដឹកនាំមន្ត្រីក្រុមការងារបច្ចេកទេស នៃនាយកដ្ឋានធនធានធម្មជាតិ បានចុះសិក្សាតាមដានស្តីពីលំហូរចូលនៃធនធានកូនត្រី និងការបំលាស់ទីចេញនៃធនធានត្រីតាមការប្រែប្រួលរបបជលសាស្ត្ររវាងទន្លេមេគង្គ និងទន្លេសាប។ ការសិក្សានេះមានគោលបំណងដូចខាងក្រោម÷
១/.ពិនិត្យ និងជ្រើសរើសទីតាំងសម្រាប់ធ្វើការសិក្សាតាមដាន និងសិក្សាស្វែងយល់ពីទិដ្ឋភាពជាក់ស្តែងលើសកម្មភាពនេសាទក្នុងតំបន់សិក្សា
២/.សិក្សាតាមដានពីពេលវេលាដែលចាប់មានវត្តមានកូនត្រីហូរចូលទៅបឹងទន្លេសាប
៣/.សិក្សាផ្តោតសំខាន់លើការលូតលាស់ជាប្រចាំខែរបស់កូនត្រីដែលបានបំលាស់ទីចូលបឹងទន្លេសាប មុននឹងវាធ្វើបំលាស់ទីចេញពីបឹងទន្លេសាប
៤/.សិក្សាលើលក្ខណៈជីវសាស្ត្រ និងវដ្តជីវិតនៃប្រភេទត្រីមួយចំនួននៅបឹងទន្លេសាប ទន្លេសាប និងតំបន់ពាក់ព័ន្ធ ។
ជាលទ្ធផល គឺក្រុមការងារកំណត់បាននូវនិយាមកាលើទីតាំងដែលនឹងត្រូវចុះសិក្សាតាមដាន, បានប្រមូលព័ត៌មានលើទិដ្ឋភាពទូទៅនៃសកម្មភាពនេសាទក្នុងតំបន់សិក្សា និងបានពិនិត្យលើសំណាកត្រីប្រមាណ ១០ប្រភេទ ដែលនេសាទបានក្នុងតំបន់សិក្សា។

ឯកឧត្តម ម៉ៅ ហាក់ ផ្តល់បទសម្ភាសន៍ដល់ទូរទស្សន៍បាយ័នពីសារៈសំខាន់របស់បឹងទន្លេសាប

2021-07-07T17:49:50+00:00

រាជធានីភ្នំពេញ៖ នារសៀលថ្ងៃអង្គារ ១២រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែកក្កដា ឆ្នាំ២០២១ ដោយទទួលបានការឯកភាពដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានផ្តល់បទសម្ភាសន៍ដល់ទូរទស្សន៍បាយ័ន ស្តីពី សារៈសំខាន់របស់បឹងទន្លេសាប ក្រៅពីត្រី។ ក្នុងបទសម្ភាសន៍បានផ្តោតសំខាន់លើសំណួរដូចខាងក្រោម ៖
- ក្រៅពីត្រី តើបឹងទន្លេសាបមានធនធានកម្រអ្វីខ្លះ?
- ធនធានទាំងនោះ ផ្តល់អត្ថប្រយោជន៍អ្វីខ្លះ ដល់សេដ្ឋកិច្ចជាតិ, បរិស្ថាន, និងវិស័យនានា?
- តើល្បាប់ភក់នៅបាតបឹងទន្លេសាប មានសារៈប្រយោជន៍អ្វីខ្លះ?
- បឹងទន្លេសាបជាអតីតសមុទ្រទឹកប្រៃ តើបឹងនេះអាចមានធនធានរ៉ែប្រេងកាតដែររឺទេ?
- កត្តាអ្វី ដែលបឹងទន្លេសាប មានលក្ខណៈពិសេសជាងគេក្នុងលោក ដែលមានទឹកហូរចូល ហើយហូរត្រឡប់ចេញទៅវិញ?
ជាការឆ្លើយតប ដែលមានខ្លឹមសារសង្ខេប ដូចខាងក្រោម ៖
- ជារួមបឹងទន្លេសាប ជាសម្បត្តិធម្មជាតិមួយដ៏វិសេសវិសាល ជាបឹងទឹកសាបធម្មជាតិធំជាងគេនៅអាស៊ីអាគ្នេយ៍ ដែលអាចផ្គត់ផ្គង់ប្រូតេអ៊ីនដល់ប្រជាជនកម្ពុជាប្រមាណ ១៥លាននាក់ និងជាអាងស្តុកទឹកធម្មជាតិ ដែលសម្រួលដល់ការស្រូបយកទឹកពីទន្លេមេគង្គ និងដៃស្ទឹងសំខាន់ៗ នៅជុំវិញបឹង រហូតដល់ប្រមាណ ៤.៥០០ លានម៉ែត្រត្រីគុណ ជារៀងរាល់ឆ្នាំ ។
- ក្រៅពីត្រី បឹងទន្លេសាបមានធនធានធម្មជាតិ ដូចជាវារីជាតិ និងសិប្បីជាតិ ព្រមទាំងព្រៃលិចទឹក ដែលមានលក្ខណៈចម្រុះ ជាអេកូស៊ីស្តែមបឹងទន្លេសាប។
- ពពួកវារីសត្វមាន ០៦អម្បូរ ចែកជា ១១ប្រភេទ ពពួកសិប្បីសត្វ មាន ០៥អម្បូរ ចែកជា ១២ប្រភេទ។
- ប្រភេទព្រៃលិចទឹកទាំងអស់មានប្រមាណ ២០០ប្រភេទ ។ ដោយឡែកការសិក្សាស្រាវជ្រាវ ដោយអាជ្ញាធរទន្លេសាប នៅឆ្នាំ២០១០ រកឃើញ ១៥១ប្រភេទ និងនៅឆ្នាំ២០១៩ រកឃើញ ១៩៦ប្រភេទ ក្នុងនោះ ចែកជាពពួកដើមឈើ ពពួកព្រៃគម្ពោធ ពពួកវល្លិ៍ ពពួកវារីរុក្ខជាតិ និងពពួកស្មៅ ។
- បឹងទន្លេសាបបានផ្តល់ប្រយោជន៍ដល់សេដ្ឋកិច្ចគ្រួសារ ដែលរស់នៅក្នុងបឹង និងជុំវិញបឹងប្រមាណ ៥លាននាក់ ។
- បឹងទន្លេសាប ជាបឹងធម្មជាតិមួយ ដែលមានលក្ខណៈរក្សាអេកូស៊ីស្តែម និងរក្សាលំនឹងបរិស្ថានទឹក ។
- បឹងទន្លេសាបបម្រើឲ្យវិស័យជាច្រើន ដូចជា វិស័យធនធានទឹក វិស័យកសិកម្ម ការដាំដុះ វិស័យទេសចរណ៍ វិស័យបរិស្ថាន និងវិស័យដឹកជញ្ជូនជាដើម ។
- រីឯល្បាប់ភក់វិញ ជាប្រភពជីធម្មជាតិដ៏ល្អឥតខ្ចោះ ជាលំនៅដ្ឋានដល់វារីជាតិ សិប្បីសត្វ ព្រៃលិចទឹក ដែលជាការរក្សានូវអេកូស៊ីស្តែមបឹងធម្មជាតិនេះ ។
- ការវិវត្តនៃបឹងទន្លេសាប គឺកកើតឡើងប្រមាណ ១០.០០០ឆ្នាំមុន ដូចនេះ ការសិក្សា ឬក៏មតិដែលលើកឡើងថា មានរ៉ែប្រេងកាតនោះ អាជ្ញាធរទន្លេសាបមិនជំទាស់ទេ តែនេះជាការសិក្សាមួយ ដែលហួសពីដែនសមត្ថកិច្ច និងហួសពីសមត្ថភាព។
- របបទឹកហូរចូល និងហូរចេញ គឺជារបបជលសាស្ត្រ ដែលមានទំនាក់ទំនងគ្នារវាងទន្លេមេគង្គ និងទន្លេសាប ដែលផ្តល់នូវលក្ខណៈពិសេសគ្មានពីរ នូវផលប្រយោជន៍ ក្នុងលក្ខណៈធម្មជាតិ លើការគ្រប់គ្រងទឹកជំនន់ ការធ្វើនាវាចរ ការដាំដុះ ការនេសាទ និងរក្សានូវអេកូស៊ីស្តែមបឹង ។
ក្រៅពីសំណួរខាងលើ ឯកឧត្តម ម៉ៅ ហាក់ បានបញ្ជាក់ជូនបន្ថែមអំពី ៖
- ការព្រួយបារម្ភ អំពីទឹកទាបប៉ុន្មានឆ្នាំនេះ? គឺជាការប៉ះពាល់ពីទំនប់វារីអគ្គិសនីដែរឬទេ?
- ការសិក្សាឃើញថា កម្ពស់ទឹកបឹងនៅទសវត្សរ៍ចុងក្រោយមានសភាពទាបជាងមធ្យមច្រើនឆ្នាំមែន តែជាគោលការណ៍នៃការសាងសង់ទំនប់គឺ រក្សាទឹកទុក ដើម្បីប្រើប្រាស់នៅពេលខ្វះទឹក ដូចនេះ ពុំមានបាត់ទឹកទៅណាទេ មានដែរការបាត់បង់ទឹក នោះដោយរំហួតនៅផ្ទៃទឹកនៃអាងទឹកតែប៉ុណ្ណោះ ។
- ការប្រែប្រួលអាកាសធាតុ និងការប៉ះពាល់ដល់បឹងទន្លេសាបដែរឬទេ?
- ប្រាកដណាស់ ការប្រែប្រួលអាកាសធាតុនឹងប៉ះពាល់ភពផែនដីយើងទាំងមូល ជាពិសេសក្នុងពេលបច្ចុប្បន្ន បុព្វបទការកើនឡើងកំដៅភពផែនដី ជាប្រធានបទ ដែល
ប្រទេសឧស្សាហកម្មធំៗនៅលើពិភពលោកកំពុងបារម្ភ ដែលប្រទេសទាំងនោះបានបញ្ចេញឧស្ម័នពុលទៅបរិយាកាសដ៏ច្រើនលើសលុប ។ រីឯប្រទេសកម្ពុជាបច្ចុប្បន្ន គឺជាអ្នកលក់ឧស្ម័នកាបូនបានរាប់លានដុល្លារវិញនោះទេ ៕

សកម្មភាពសិក្សាបច្ចុប្បន្នភាពប្រភេទ សិប្បីសត្វ វារីសត្វ ល្មូន និងផលប៉ះពាល់បរិស្ថានទឹកពីការនេសាទលៀស

2021-07-07T10:18:51+00:00

ថ្ងៃសុក្រ ៨ រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២ ខែកក្កដា ឆ្នាំ ២០២១ ក្រុមការងារនាយកដ្ឋានធនធានធម្មជាតិ នៃអាជ្ញាធរទន្លេសាទ បានចុះសិក្សាស្រាវជ្រាវ ស្តីពីគម្រោងបច្ចុប្បន្នភាពប្រភេទ សិប្បីសត្វ វារីសត្វ ល្មូន និងផលប៉ះពាល់បរិស្ថានទឹកពីការនេសាទលៀសនៅតំបន់កោះក្អែក ស្រុកក្រគរ ខេត្តពោធិ៍សាត់ ។ គោលបំណងនៃការ
សិក្សាស្រាវជ្រាវនេះរួមមាន៖
១. ស្រាវជ្រាវឯកសារដែលមានស្រាប់ លើការសិក្សាប្រភេទធនធានជលផលក្រៅពីត្រី (លៀស ខ្ចៅ និងគ្រុំ) និងផលប៉ះពាល់នៃការនេសាទលៀស ដោយប្រើទូកម៉ាស៊ីនអូស និងឧបករណ៍ផ្សេងៗមួយចំនួន
២. វាស់កម្ពស់ទឹកបឹងសម្រាប់ការនេសាទ លៀស ខ្ចៅ គ្រុំ ធៀបនឹងស្ថានីយជលសាស្ត្រកំពង់លួង
៣. បច្ចុប្បន្នភាពទីតាំងនេសាទលៀស ប្រភេទឧបករណ៍នេសាទនៅទីតាំងកោះក្អែក និងពាមបាង/ទន្លេឆ្មារ
៤. ពិនិត្យ និងវិភាគគុណភាពទឹកដោយប្រើប្រាស់ឧបករណ៍ស្វ័យប្រវត្តិបឋមនៅលើទីតាំងផ្ទាល់ និង
យកសំណាកទឹកមកពិនិត្យនៅក្នុងមន្ទីរពិសោធន៍គុណភាពទឹករបស់ក្រសួងធនធានទឹក និងឧតុនិយម
៥. ដង់ស៊ីតេ និងបរិមាណធនធានសិប្បីសត្វ (លៀស ខ្ចៅ គ្រុំ) ក្នុង១០០ម៉ែត្រក្រឡា
៦. វដ្តជីវិត (ចំណី ប្រភព ការបន្តពូជ ទំហំ និងទីជម្រក) របស់លៀស នៅតំបន់កោះក្អែក និងពាមបាង/បឹងទន្លេឆ្មារ
៥. ដង់ស៊ីតេ និងបរិមាណធនធានសិប្បីសត្វ (លៀស ខ្ចៅ គ្រុំ) ក្នុង១០០ម៉ែត្រក្រឡា
៦. វដ្តជីវិត (ចំណី ប្រភព ការបន្តពូជ ទំហំ និងទីជម្រក) របស់លៀស នៅតំបន់កោះក្អែក និងពាមបាង/បឹងទន្លេឆ្មារ ។

ឯកឧត្តម ម៉ៅ ហាក់ បានដឹកនាំកិច្ចប្រជុំតាម Video Conference (Zoom) ស្តីពី the kickoff of the Sub-Component 3.2 :

2021-07-02T16:20:24+00:00

នៅថៃ្ងពុធ ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៣០ ខែមិថុនា ឆ្នាំ២០២១ ឯកឧត្តម ម៉ៅ ហាក់ នាយកកម្មវិធី WAT4CAM ជំហានទី១ នៃក្រសួងធនធានទឹក និងឧតុនិយម និងលោកម៉ួង ស៊ីដេត តំណាងទីភ្នាក់ងារបារាំងសម្រាប់ការអភិវឌ្ឍ (AFD) អានត...

ឯកឧត្តម ម៉ៅ ហាក់ បានដឹកនាំកិច្ចប្រជុំតាម Video Conference (Zoom) ស្តីពី the kickoff of the Sub-Component 3.2 :

2021-07-02T16:20:24+00:00

ឯកឧត្ដម ម៉ៅ ហាក់ ចុះពិនិត្យវាយតម្លៃ បញ្ចប់សុពលភាព គម្រោងការពារច្រាំងព្រែកកុយ

2021-07-02T15:57:06+00:00

ព្រឹកថ្ងៃសុក្រ ០៨រោច ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០២ ខែកក្កដា ឆ្នាំ២០២១ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និង គណៈកម្មាធិការលទ្ធកម្ម (គល) និង (អល) នៃក្រសួងធនធានទឹក និងឧតុនិយម អានត...

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប សម្រសម្រួលដឹកនាំកិច្ចប្រជុំការងារអាជ្ញាធរទន្លេសាប

2021-06-24T12:10:42+00:00

នាព្រឹកថ្ងៃព្រហស្បតិ៍ ១៥កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៤ ខែមិថុនា ឆ្នាំ២០២១ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានសម្រសម្រួលដឹកនាំកិច្ចប្រជុំស្តីពីការប្រកាសតួនាទី លោក ឡុក សីលា ជាប្រធាននាយកដ្ឋានស្តីទី នៃនាយកដ្ឋានរដ្ឋបាល ផែនការ និងសហប្រតិបត្តិការ ជំនួស លោក សំឯល ហាគីម ដែលមានបញ្ហាសុខភាព និងស្នើសុំចូលនិវត្តន៍ និងការងារប្រចាំថ្ងៃរបស់អគ្គលេខាធិការដ្ឋាន អាជ្ញាធរទន្លេសាមួយចំនួនផ្សេងទៀត។ កិច្ចប្រជុំ មានការអញ្ជើញចូលរួមដោយឯកឧត្តម អនុប្រធានអាជ្ញាធរទន្លេសាប ឯកឧត្តម អគ្គលេខាធិការ អគ្គលេខាធិការរង ជំនួយការឯកឧត្តមប្រធាន ទីប្រឹក្សា ប្រធាននាយកដ្ឋានក្រោមឱវាទទាំង៤ ។
ក្នុងឱកាសនេះនេះដែរ ឯកឧត្តម ប្រធានអង្គប្រជុំ បាននាំមតិផ្តាំផ្ញើដ៍ខ្ពង់ខ្ពស់របស់ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នូវការកោតសសើរដ៍ស្មោះចំពោះលោក សំឯល ហាគីម ដែលបានខិតខំប្រែងបំពេញការងារកន្លងមក និងសូមលោក ឡុក សីលា ដែលត្រូវបានទទួលតួនាទីថ្មី ត្រូវបន្តខិតខំប្រឹងប្រែងបំពេញការងារឲ្យបានល្អប្រសើរ ។ ដោយឡែក ចំពោះរាល់ការសម្រេចចិត្តចាត់ចែងការងារប្រចាំថ្ងៃទាំងអស់ រួមទាំងកិច្ចការរដ្ឋបាលទូទៅ ហិរញ្ញវត្ថុ ការគ្រប់គ្រងសម្ភារៈ ការគ្រប់គ្រង-ថែទាំយានយន្ត របស់ឯកឧត្តមអគ្គលេខាធិការសព្វថ្ងៃ ផ្ទេរជូនទៅ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាបវិញ ដើម្បីធ្វើការងារសម្របសម្រួលដឹកនាំ សម្រេចការងារក្នុងស្ថាប័នជំនួសឯកឧត្តមប្រធាន អាជ្ញាធរទន្លេសាប ។

កិច្ចប្រជុំស្ដីពីកម្មវិធីតាមដានការបំពុលដោយសារធាតុ ផ្លាស្ទិកក្នុងទន្លេមេគង្គ

2021-06-22T19:59:55+00:00

រាជធានីភ្នំពេញ , ថ្ងៃអង្គារ ១៣ កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែមិថុនា ឆ្នាំ២០២១ នៅសាលប្រជុំគណ:កម្មាធិការជាតិទន្លេមេគង្គកម្ពុជា ឯកឧត្តម ខូវ មាស អគ្គលេខាធិការរងនៃអាជ្ញាធរទន្លេសាប បានអញ្ជើញចូលរួមកិច្ចប្រជុំ ក្រុមជំនាញការផ្នែកបរិស្ថាន ថ្នាក់តំបន់ តាមរយៈប្រព័ន្ធវីដេអូ (Zoom Meeting) ស្ដីពីកម្មវិធីតាមដានការបំពុលដោយសារធាតុ ផ្លាស្ទិកក្នុងទន្លេមេគង្គ ។
គោលបំណងនៃកិច្ចប្រជុំរួមមាន៖
- បទបង្ហាញពិភាក្សា និងធាតុចូលលើទិន្នន័យបឋមនៃវិធីសាស្ត្រតាមដានការបំពុលដោយសារធាតុ ផ្លាស្ទិក (RPM)។
- ពិភាក្សា ការឯកភាពលើពេលវេលា និងការផ្ដល់ជាអនុសាសន៍ លើរបាយការណ៍បញ្ចប់សម្រាប់ថ្នាក់តំបន់ ស្តីពី ស្ថានភាព និងការបំពុលដោយសារផ្លាស្ទិកនៅតាមបណ្តាប្រទេសនៃអនុតំបន់ទន្លេមេគង្គ។

ឯកឧត្តមសាស្ត្រចារ្យ លឹម ពុយ អនុប្រធានអាជ្ញាធរទន្លេសាប ដឹកនាំការសិក្សាតាមដានលើតំណាក់កាលដើមរដូវបន្តពូជ

2021-06-11T11:10:43+00:00

រាជធានីភ្នំពេញ៖ នៅបន្ទប់ពិសោធន៍អាជ្ញាធរទន្លេសាប នាថ្ងៃពុធ ១៤ រោច និងថ្ងៃព្រហស្បតិ៍ ១៥រោច ខែជេស្ឋ ឆ្នាំ ឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៩ និងទី១០ ខែមិថុនា ឆ្នាំ ២០២១ ឯកឧត្តមសាស្ត្រចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំក្រុមការងារបច្ចេកទេស នៃនាយកដ្ឋានធនធានធម្មជាតិ និងនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ធ្វើការសិក្សា តាមដាន លើតំណាក់កាលដើមរដូវបន្តពូជ នៃប្រភេទត្រីមួយចំនួនដែលបានមកពីបឹងទន្លេសាបនៅតំបន់កោះក្អែក នៃខេត្តពោធិ៍សាត់ និងតំបន់ផាត់សណ្តាយ នៃខេត្តកំពង់ធំ ។ ជាលទ្ធផល ក្រុមការងារ បានពិនិត្យលើសំណាកត្រីចំនួន ៤៥៦ក្បាល ដែលមានប្រភេទត្រីសរុបចំនួន ៥៨ប្រភេទ។ ក្នុងចំណោមប្រភេទត្រី ៥៨ប្រភេទនេះ ក្រុមការងារ បានធ្វើការវាស់វែង និងពិនិត្យលើកន្សោមពងរបស់ត្រីចំនួន ៣១ប្រភេទដែលចាប់ផ្តើមធ្វើការបន្តពូជ។

កិច្ចសម្ភាសន៍ជាមួយទីភ្នាក់ងារសារព័ត៌មានកម្ពុជា ស្តីពី ផែនការសកម្មភាព ដើម្បីធានានិរន្តរភាពការប្រើប្រាស់ជីវចម្រុះ និងការអភិវឌ្ឍបឹងទន្លេសាប

2021-06-11T06:25:08+00:00

រាជធានីភ្នំពេញ៖ នារសៀលថ្ងៃព្រហស្បតិ៍ ១ កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១០ ខែមិថុនា ឆ្នាំ២០២១ ដោយទទួលបានការឯកភាពដ៏ខ្ពង់ខ្ពស់ពី ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងឯកឧត្តម ស៊ិន វិសិទ្ធ អគ្គលេខាធិការ បានផ្តល់បទសម្ភាសន៍ដល់ទីភ្នាក់ងារសារព័ត៌មានកម្ពុជា (AKP) ស្តីពី ផែនការសកម្មភាពរបស់អាជ្ញាធរទន្លេសាប ដើម្បីធានានិរន្តរភាពនៃការប្រើប្រាស់ជីវចម្រុះ និងការអភិវឌ្ឍបឹងទន្លេសាប ។ ក្នុងបទសម្ភាសន៍បានផ្តោតសំខាន់លើសំណួរដូចខាងក្រោម៖
១. តើសក្តានុពលនៃបឹងទន្លេសាប ដោយផ្សារភ្ជាប់ទៅនឹងជីវភាពរស់នៅប្រចាំថ្ងៃរបស់ប្រជាជនកម្ពុជា
២. ការអភិវឌ្ឍអ្វីមួយ តែងតែមានផលប៉ះពាល់តិច ឬច្រើនដល់ការអភិវឌ្ឍ តើអាជ្ញាធរទន្លេសាបមានដំណោះស្រាយយ៉ាងណាពាក់ព័ន្ធនឹងបញ្ហានេះ?
៣. ដើម្បីធានានិរន្តភាព ការប្រើប្រាស់ជីវចម្រុះ ការអភិវឌ្ឍផ្សេងៗនៃបឹងទន្លេសាប តើអាជ្ញាធរទន្លេសាប មានផែនការអ្វីខ្លះទៅថ្ងៃខាងមុខ?។ ក្រៅពីសំណួរខាងលើ ឯកឧត្តម អនុប្រធាន និងឯកឧត្តមអគ្គលេខាធិការក៏បានបញ្ជាក់បន្ថែមនូវសមិទ្ធិផលធំៗ និងជាប្រវត្តិសាស្ត្រដែលអាជ្ញាធរទន្លេសាបសម្រេចបានមានដូចជា៖
១/ ការបោះបង្គោលចំនួន ៨០២ បង្គោល ដើម្បីកំណត់ដែនព្រៃលិចទឹកចំនួន ៦៤៧.៤០៦ហិកតានៅជុំវិញបឹងទន្លេសាប(អនុក្រឹត្យលេខ១៩៧)
២/ ការផលិតសៀវភៅរូបភាពត្រី (Fish Atlas Book)
៣/ ការផលិត និងចងក្រងឯកសារស្រាវជ្រាវ របាយការណ៍បច្ចេកទេស ព័ត៌មាន ទិន្នន័យ ប្រកបដោយលក្ខណៈបច្ចេកទេសជាដើម៕

កិច្ចប្រជុំពិគ្រោះយោបល់ ស្តីពីការរៀបចំផែនការចង្អុលថ្នាក់ជាតិឆ្នាំ២០២១-២០២៥

2021-06-11T06:17:43+00:00

កំពង់ចាម៖ នាថ្ងៃទី០៧ ខែមិថុនា ឆ្នាំ២០២១ ឯកឧត្តម សរ គឹមសាន្ត អគ្គលេខាធិការរងនៃអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិលើកទី២ ស្តីពីការរៀបចំផែនការចង្អុលថ្នាក់ជាតិឆ្នាំ២០២១-២០២៥ ដោយមានការចូលរួមពីមន្ត្រីតំណាងក្រសួង-ស្ថាប័នពាក់ព័ន្ធ សរុប ២៥រូប។
កិច្ចប្រជុំនេះបានទទួលលទ្ធផលដូចជា៖
១/ បានពិនិត្យផ្តល់យោបល់លើគម្រោងមួយចំនួនដែលក្រសួង ស្ថាប័នមាន សម្រាប់ដាក់បញ្ចូលក្នុងផែនការចង្អុលទិសថ្នាក់ជាតិ២០២១ ២០២៥ ជាពិសេស គ្រប់គ្រងភាពរាំងស្ងួត ទឹកក្រោមដី និងប្រព័ន្ធព័ត៌មាន ដែលគម្រោងទាំងនេះពុំសូវទទួលបានចំំណាប់អារម្មណ៍ច្រើនទេ និងពុំមានអាទិភាពខ្ពស់នៅថ្នាក់តំបន់
២/ បានផ្តល់ជាអនុសាសន៍ឲ្យតំណាងក្រសួង ស្ថាប័នពាក់ព័ន្ធគិតគូររកគម្រោងដែលមានផលប្រយោជន៍រួមសម្រាប់កិច្ចគ្រប់គ្រងអាងទន្លេមេគង្គឲ្យមាននិរន្តរភាព និងមានផលប្រយោជន៍សម្រាប់សហគមន៍រស់នៅតាមដងទន្លេមេគង្គក្នុងប្រទេសកម្ពុជា ជៀសវាងនូវការរុញការងារគ្រប់គ្រងអាងទន្លេមេគង្គចូលទៅក្នុងបញ្ហាភូមិសាស្ត្រនយោបាយ។

កិច្ចប្រជុំស្តីពីលទ្ធផលដំបូងនៃការសាកល្បងអនុវត្ត ការតាមដានបរិស្ថានរួម និងសំណើកែសម្រួលបណ្តាញស្នូលនៃការត្រួតពិនិត្យតាមដានទន្លេ

2021-06-11T06:11:46+00:00

រាជធានីភ្នំពេញ៖ ថ្ងៃចន្ទ ១២រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៧ ខែមិថុនា ឆ្នាំ២០២១ នៅសាល ប្រជុំគណៈកម្មការជាតិទន្លេមេគង្គកម្ពុជា លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងការអភិរក្ស នៃអាជ្ញាធរទន្លេសាប និងលោក អ៊ូ ទូច អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានចូល រួមកិច្ចប្រជុំក្រុមជំនាញការផ្នែកបរិស្ថានថ្នាក់តំបន់តាមប្រព័ន្ធអនឡាញ (Zoom) ស្តីពីលទ្ធផលដំបូងនៃការសាកល្បងអនុវត្ត ការតាមដានបរិស្ថានរួម និងសំណើកែសម្រួលបណ្តាញ ស្នូលនៃការត្រួតពិនិត្យតាមដានទន្លេ។ កិច្ចប្រជុំខាងលើនេះ មានការចូលរួមពីក្រុមជំនាញការរបស់គណៈកម្មការទន្លេមេគង្គចំនួន ៨ នាក់ មន្ត្រីគ្រប់គ្រងជាន់ខ្ពស់តាមវិស័យពាក់ព័ន្ធ ចំនួន ៥ នាក់ ថ្នាក់ដឹកនាំជាតិតាមវិស័យចំនួន ៥ នាក់ តំណាងអ្នកធ្វើគម្រោងវារីអគ្គិសនីចំនួន ៦ នាក់ តំណាង បណ្តាញឃ្លាំមើលទន្លេមេគង្គក្នុងអាងទន្លេមេគង្គក្រោម ចំនួន ៨ នាក់ តំណាងក្រុមជំនាញការ GIZ ចំនួន ៣ នាក់ តំណាងជំនាញការ ICEM ចំនួន ៥ នាក់ តំណាងជំនាញការ CSU ចំនួន ២ នាក់ តំណាង AWP ចំនួន ១ នាក់ តំណាង DFAT ចំនួន ១ នាក់ តំណាង CNR ចំនួន ២ នាក់ និងមានរបៀបវារៈដូចខាងក្រោម៖
១. បង្ហាញលទ្ធផល និងអនុសាសន៍ដំបូងពីគម្រោងសាកល្បងការគ្រប់គ្រងបរិស្ថានរួមគ្នា
២. បង្ហាញវិធីសាស្ត្រត្រួតពិនិត្យការធ្វើចរាចរណ៍ត្រី និងវិធីសាស្ត្រដែលត្រូវធ្វើសាកល្បងនៅទំនប់វារីអគ្គិសនីដនសាហុង
៣. បង្ហាញការយល់ដឹងរួមអំពីស្ថានភាពបច្ចុប្បន្ននៃគម្រោងសាកល្បងគ្រប់គ្រងបរិស្ថានរួមគ្នា
៤. បង្ហាញពីដំណើរការ និងពេលវេលានៅសល់សម្រាប់ការបញ្ចប់គម្រោងសាកល្បងគ្រប់គ្រងបរិស្ថានរួមគ្នា
៥. ធ្វើការពិភាក្សា និងឯកភាពលើគំនិត និងវិធីសាស្ត្រដែលបានស្នើដើម្បីចាប់ផ្តើមដំណាក់កាលដំបូងសម្រាប់ការវាយតំលៃ និងរៀបចំសារជាថ្មីនៃបណ្តាញឃ្លាំមើលទន្លេមេគង្គក្នុងអាងទន្លេមេគង្គក្រោម។

កិច្ចប្រជុំតាមប្រព័ន្ធវីដេអូ ស្តីពី European Investment Bank, EIB Workshops on Framework loan allocation process/disbursement/environment/social standards and Procurement

2021-06-02T17:07:19+00:00

រាជធានីភ្នំពេញ៖ ថ្ងៃអង្គារ ៦រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០១ ខែមិថុនា ឆ្នាំ២០២១ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ឯកឧត្តម ស៊ិន វិសិទ្ធ អគ្គលេខាធិការអាជ្ញាធរទន្លេសាប អមដោយ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមកិច្ចប្រជុំតាមរយៈប្រព័ន្ធវីដេអូ ស្តីពី European Investment Bank, EIB Workshops on Framework loan allocation process/disbursement/environment/social standards and Procurement ដែលដឹកនាំដោយ ឯកឧត្តម ចាន់ ស៊ីណាត អនុរដ្ឋលេខាធិការ និងជានាយកគម្រោង PMU-ADB និង WB MOWRAM នៃក្រសួងធនធានទឹក និងឧតុនិយម ជាមួយភាគី EIB ( European Investment Bank) និងភាគីពាក់ព័ន្ធផ្សេងទៀត។ សម្រាប់ភាគីខាងកម្ពុជាមានការចូលរួមដោយតំណាងក្រសួងសេដ្ឋកិច្ច និងហិរញ្ញវត្ថុ តំណាងគណៈកម្មាធិការជាតិទន្លេមេគង្គកម្ពុជា ក្រុមការងារ PMU លោកប្រធាននាយកដ្ឋានជលសាស្ត្រ និងការងារទន្លេ ប្រធាននាយកដ្ឋានឧតុនិយម និងប្រធាន-អនុប្រធានមន្ទីរធនធានទឹក និងឧតុនិយមខេត្តពាក់ព័ន្ធមានដូចជា ខេត្តបាត់ដំបង, កំពង់ធំ, កំពង់ចាម, តាកែវ និងខេត្តកំពត៕

កិច្ចប្រជុំតាមប្រព័ន្ធវីដេអូ ស្តីពី European Investment Bank, EIB Workshops on Framework loan allocation process/disbursement/environment/social standards and Procurement

2021-06-02T17:07:19+00:00

សិក្ខាសាលាស្តីពី ការរៀបចំគម្រោងការលើកកម្ពស់ការគ្រប់គ្រងទឹកក្រោមដីឆ្លងដែនប្រកបដោយចីរភាព រវាងតំបន់ទំនាបទន្លេមេគង្គនៃប្រទេសកម្ពុជា និងដែនដីសណ្តរនៃតំបន់មេគង្គវៀតណាម

2021-05-31T23:17:09+00:00

រាជធានីភ្នំពេញ៖ ថ្ងៃអង្គារ ១៤កើត ខែជេស្ឋ ឆ្នាំឆ្លូវ ត្រូវនឹងថ្ងៃទី២៥ ខែឧសភា ឆ្នាំ២០២១ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងការអភិរក្ស និងលោក ខ្វាន់ ភក្ត្រា ប្រធានការិយាល័យធនធានរ៉ែ នាយកដ្ឋានធនធានធម្មជាតិ នៃអាជ្ញាធរទន្លេសាបបានចូលរួមសិក្ខាសាលាពិគ្រោះយោបល់ថ្នាក់ជាតិតាមរយះ Zoom Meeting ស្តីពី “ការរៀបចំគម្រោងការលើកកម្ពស់ការគ្រប់គ្រងទឹកក្រោមដីឆ្លងដែនប្រកបដោយចីរភាព រវាងតំបន់ទំនាបទន្លេមេគង្គនៃប្រទេសកម្ពុជា និងដែនដីសណ្តរនៃតំបន់មេគង្គវៀតណាម”។
កិច្ចប្រជុំនេះមានគោលបំណង៖
១/ ដើម្បីប្រមូលមតិយោបល់ពីក្រសួង-ស្ថាប័ន ថ្នាក់ជាតិ ដែលមានការពាក់ព័ន្ធ ដើម្បីដាក់ចូល ក្នុងសមាសភាគទាំង៥ នៃគម្រោងកាន់តែមានភាពល្អប្រសើរ។
២/ ស្នើសុំភាគីពាក់ព័ន្ធធ្វើលិខិតសហហិរញ្ញប្បទានដើម្បីគាំទ្រគម្រោង
៣/ បង្កើតទស្សនៈទានចំណុចគន្លឹះឲ្យគម្រោង។

កិច្ចប្រជុំ ស្តីពីការធ្វើ វិចារណកម្ម ផែនការសកម្មភាពការងារ អាជ្ញាធរទន្លេសាប ឆ្នាំ២០២១

2021-05-31T23:09:27+00:00

ថ្ងៃ សុក្រ ១០ កើត ខែ ជេស្ន ឆ្នាំ ឆ្លូវ ត្រីស័ក ព . ស ២៥៦៥ ត្រូវ នឹង ថ្ងៃទី ២១ ខែ ឧសភា ឆ្នាំ ២០២១ នៅសាលប្រជុំអាជ្ញាធរទន្លេសាប ឯកឧត្តម សាស្ត្រចារ្យ លឹម ពុយ អនុប្រធាន អាជ្ញាធរទន្លេសាប បាន ដឹកនាំសម្របសម្រួលកិច្ចប្រជុំ ស្តីពី ការធ្វើ វិចារណកម្ម ផែនការ សកម្មភាព ការងារអាជ្ញាធរទន្លេសាប ប្រចាំឆ្នាំ ២០២១ ដោយមានការអញ្ជើញចូលរួមពីឯកឧត្តម អនុប្រធាន ឯកឧត្តមអគ្គលេខាធិការ ឯកឧត្តមអគ្គលេខាធិការរង លោកប្រធាននាយកដ្ឋានទាំង៤ និងមន្ត្រីជំនាញពាក់ព័ន្ធ។ កិច្ចប្រជុំ បានផ្តោតសំខាន់លើផែនការសកម្មភាពប្រចាំឆ្នាំ ២០២១ ឲ្យស្របតាមសារាចរ ណែនាំលេខ ០០៤ សហវ ចុះ ថ្ងៃទី ០៤ ខែ ឧសភា ឆ្នាំ ២០២១ របស់ ក្រសួងសេដ្ឋកិច្ច និង ហិរញ្ញវត្ថុ ស្តីពីការធ្វើ វិចារណកម្ម និងការពង្រឹង ប្រសិទ្ធភាព សម្រាប់ អនុវត្ត ច្បាប់ ស្តីពី ហិរញ្ញវត្ថុ សម្រាប់ ការគ្រប់គ្រង ឆ្នាំ ២០២១ ។

សេចក្តីជូនដំណឹង ស្តីពី ការអញ្ជើញចូលរួមដេញថ្លៃការងារផ្គត់ផ្គង់សម្ភារៈការិយាល័យ ឆ្នាំ ២០២១

2021-03-26T08:10:29+00:00

អាជ្ញាធរទន្លេសាប (ក្រសួងធនធានទឹក និងឧតុនិយម) សូមជូនដំណឹងដល់បណ្តាលក្រុមហ៊ុន/សហគ្រាស(គិតទាំងសហគ្រាស ឯកត្តបុគ្គល) ទាំងអស់ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជាអោយបានជ្រាប់ថា ៖ អាជ្ញាធរទន្លេសាប និងដាក់ឲ្យដេញថ្លៃជាសាធារណៈ ដើម្បីផ្គត់ផ្គង់សម្ភារៈការិយាល័យ ឆ្នាំ ២០២១ របស់អាជ្ញាធរទន្លេសាប ។
កាលបរិច្ឆេទឈប់ទទួលសំណើរដេញថ្លៃ នៅម៉ោង ៩:០០ នាទីព្រឹក ថ្ងៃទី១៩ ខែមេសា ឆ្នាំ ២០២១។
ការបើកសំណើរដេញថ្ងៃ នឹងប្រព្រឹត្តទៅនៅអង្គភាពលទ្ធកម្ម តាមអាសយដ្ឋានខាងលើ វេលាម៉ោង ៩:០០ នាទីព្រឹក ថ្ងៃទី១៩ ខែមេសា ឆ្នាំ ២០២១។

សេចក្តីជូនដំណឹង ស្តីពី ការអញ្ជើញចូលរួមដេញថ្លៃការងារផ្គត់ផ្គង់ប្រេងឥន្ទនៈឆមាសទី១ ឆ្នាំ ២០២១

2021-03-03T12:45:27+00:00

កិច្ចប្រជុំផ្ទៃក្នុង ស្តីពីការពិនិត្យសេចក្តីព្រាងចុងក្រោយនៃផែនការសកម្មភាពការងារឆ្នាំ២០២១

2021-02-11T12:26:37+00:00

នាព្រឹកថ្ងៃពុធ១៣រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១ នៅសាលប្រជុំក្រសួងធនធានទឹក និងឧតុនិយម ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំផ្ទៃក្នុង ស្តីពីការពិនិត្យសេចក្តីព្រាងចុងក្រោយនៃផែនការសកម្មភាពការងារឆ្នាំ២០២១ របស់អគ្គលេខាធិការដ្ឋាន នៃអាជ្ញាធរទន្លេសាប។ ជាលទ្ធផល កិច្ចប្រជុំបានឯកភាពកែសម្រួលខ្លឹមសារ
ប្រធានបទសកម្មភាព ២០២១ និងតារាងម៉ាទ្រិច ដើម្បីបន្ស៉ីលេខរៀងនៃផែនការមុនដាក់ស្នើសុំឯកឧត្តមប្រធានពិនិត្យ និងសម្រេចដ៏ខ្ពង់ខ្ពស់ ។ ផែនការសកម្មភាពនេះ អាចនឹងពិនិត្យកែសម្រួលឡើងវិញក្នុងរយះពេលអនុវត្តបាន៦ខែ ករណីមានការចាំបាច់ ដោយជួបបញ្ហាប្រឈម នានាមិនអាចអនុវត្តន៍បន្តបាន។

កិច្ចប្រជុំស្តីពីការពិនិត្យវឌ្ឍនភាពការងារ២០២០ និងផ្សព្វផ្សាយផែនការយុទ្ធសាស្ត្រឆ្នាំ២០២១-២០២៥

2020-12-17T12:00:48+00:00

នាព្រឹកនៅថ្ងៃពុធ ២កើត ខែបុស្ស ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ នៅទីស្តីការក្រសួងធនធានទឹក និងឧតុនិយម ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប ជួយឯកឧត្តមប្រធានលើការងាររដ្ឋបាល បុគ្គលិក និងសហប្រតិបត្តិការជាតិ និងអន្តរជាតិ ជាតំណាងដ៏ខ្ពង់ខ្ពស់ឯកឧត្តមប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំខាងលើ។ កិច្ចប្រជុំនេះ មានរបៀបវារៈចំនួន៣ (១) ផ្សព្វផ្សាយផែនការយុទ្ធសាស្ត្រឆ្នាំ២០២១-២០២៥ របស់អាជ្ញាធរទន្លេសាប, (២). ពិនិត្យវឌ្ឍនភាពការងារអនុវត្តផែនការសកម្មភាពឆ្នាំ២០២០ និងលើកទិសដៅឆ្នាំ២០២១ របស់អគ្គលេខាធិការដ្ឋាននៃអាជ្ញាធរទន្លេសាបនិង(៣).ដំណើរការកសាងផែនការសកម្មភាពការងារឆ្នាំ២០២១។ កិច្ចប្រជុំនេះមានការចូលរួមពីឯកឧត្តមអនុប្រធាន អទស អគ្គលេខាធិការ អគ្គលេខាធិការរងជំនួយការឯកឧត្តមប្រធាន ទីប្រឹក្សា និងលោកប្រធាននាយកដ្ឋានចំណុះអគ្គលេខាធិការដ្ឋានទាំង៤ ផងដែរ។

សកម្មភាពចុះពិនិត្យស្ថានភាពទូទៅតាមដងទន្លេសាបចាប់ពីជួរឡូត៍ដាយលេខ២ ដល់លេខ ១៥

2020-11-30T15:19:26+00:00

នាថ្ងៃសៅរ៍ ៦កើត ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២១ ខែវិច្ឆិកា ឆ្នាំ២០២០ ឯឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំក្រុមការងាររបស់អគ្គលេខាធិការដ្ឋាន និងក្រុមការងារបច្ចេកទេសបានចុះពិនិត្យស្ថានភាពទូទៅតាមដងទន្លេសាបស្ថិតកុ្នងភូមិសាស្ត្ររាជធានីភ្នំពេញ និងខេត្តកណ្តាល ចាប់ពីជួរឡូត៍ដាយលេខ ២ ស្ថិតនៅក្រោយស្ថានីយ៍ទូរទស្សន៍ CTN ខ័ណ្ឌឬស្សីកែវ រាជធានីភ្នំពេញរហូតដល់ ជួរឡូត៍ដាយលេខ ១៥ ស្ថិតនៅភូមិតាពៅ ឃុំកោះចិន ស្រុកពញាឮ ខេត្តកណ្តាល ។ ការចុះពិនិត្យស្ថានភាពទូទៅផលចាប់តាមឡូត៍ដាយនេះ មានគោលបំណង៖
១/ ពិនិត្យសកម្មភាពនេសាទក្នុងឡូត៍ដាយត្រី និងការនេសាទក្រៅពីឡូត៍ដាយត្រី
២/ តាមដានបរិមាណផលចាប់ ប្រភេទត្រី ការធ្វើចរាចរត្រី ភាពសម្បូរ និងតាមដានពិសេសលើប្រភេទត្រីកម្រ
៣/ ផ្តល់ការណែនាំបន្ថែមដល់ក្រុមការងារដែលកំពុងប្រចាំការតាមមាត់ដាយត្រីនីមួយៗ
៤/ ការប្រើប្រាស់សៀវភៅរូបភាពត្រីឡូត៍ដាយដែលផលិតដោយអាជ្ញាធរទន្លេសាប
៥/ រំលឹកដល់ម្ចាស់មាត់ដាយត្រីឲ្យប្រលែងវិញនូវប្រភេទត្រីកម្រ និងពពួកត្រីជិតផុតពូជពេលចាប់បាន និងកុំឲ្យបោះសំរាមចូលក្នុងទឹកទន្លេវិញ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-11-30T15:09:44+00:00

នៅថ្ងៃ អង្គារ ០២ កើត ដល់ថ្ងៃ ព្រហស្បតិ៍ ០៤ កើត ខែ មិគសិរ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ១៧ ដល់ថ្ងៃទី ១៩ ខែ វិច្ឆិកា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំក្បាលត្រាច កំពង់លួង និងឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

សកម្មភាពចូលរួមកិច្ចប្រជុំថ្នាក់តំបន់ ស្តីពីការណែនាំការអភិវឌ្បច្ចេកទេស

2020-11-30T13:09:25+00:00

នាថ្ងៃពុធ ១២រោច ដល់ ថ្ងៃព្រហស្បតិ៍្ត១៤រោច ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៤-១៦ ខែតុលា ឆ្នាំ២០២០ លោក ហេង សុវណ្ណារ៉ា បានចូលរួមប្រជុំតាមរយៈ Video Conference ក្រោមការសម្របសម្រួលពីលេខាធិការដ្ឋានMRC ដើម្បីពិគ្រោះយោបល់ជាមួយប្រទេសជាសមាជិកមេគង្គដ៏ទៃទៀត។
គោលបំណងនៃកិច្ចប្រជុំ គឺដើម្បី៖
1/. បង្ហាញកំណត់ចំណាំ, រចនាសម្ព័ន្ធ និងខ្លឹមសារនៃការណែនាំបច្ចេកទេសពីរគឺផែនទីបង្ហាញផ្លូវ
ការអភិវឌ្ឍការណែនាំបច្ចេកទេសនីមួយៗនិងសេចក្តីព្រាងនៃការណែនាំបច្ចេកទេសសម្រាប់ការស្ដារឡើងវិញនូវទីជម្រកដោយប្រយោលដើម្បីទទួលបានប្រព័ន្ធអេកូឡូស៊ីល្អនៅតាមតំបន់ឆ្លងដែនក្នុងតំបន់អាងទន្លេមេគង្គក្រោម និងសេចក្តីព្រាងនៃការណែនាំបច្ចេកទេសសម្រាប់ការគ្រប់គ្រងធនធានជលផលឆ្លងដែនអាងទន្លេមេគង្គក្រោម។
២/. ពិភាក្សានិងផ្តល់យោបល់លើកំណត់ចំណាំ, រចនាសម្ព័ន្ធនិងខ្លឹមសារនៃការណែនាំបច្ចេកទេសនីមួយៗនិងចាប់ផ្តើមធ្វើសេចក្តីព្រាងដើម្បីបង្កើតសេចក្តីព្រាងទី ១ សម្រាប់ការពិគ្រោះយោបល់ថ្នាក់ជាតិនៅចន្លោះខែតុលា - វិច្ឆិកា ឆ្នាំ២០២០ ។

សកម្មភាពសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២ ខេត្តកំពង់ឆ្នាំង និងខេត្តកំពង់ធំ

2020-11-20T09:35:53+00:00

នាថ្ងៃពុធ ៣ កើត ដល់ថ្ងៃសុក្រ ៥ កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៨ ដល់ថ្ងៃទី ២០ ខែវិច្ឆិកា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាន និងក្រុមការងារមន្ដ្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២ ជាមួយអាជ្ញាធរមូលដ្ឋាន និងសហគមន៍នេសាទខ្លាគ្រហឹម ស្ថិតក្នុងភូមិសាស្ត្រ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង និងសហគមន៍នេសាទបឹងរំពេរ ឃុំតាំងក្រសាំង ស្រុកសន្ទុក ខេត្តកំពង់ធំ។ ការសិក្សានេះ ដើម្បីស្វែងយល់ពីដំណើរការនៃការគ្រប់គ្រង ការការពារ ការអភិរក្ស និងបញ្ហាប្រឈមដែលកំពុងកើតមានឡើងក្នុងសហគមន៍ នេសាទទាំងពីរ រួមទាំងយន្តការក្នុងការដោះស្រាយ និងការចូលរួមការពារធនធានធម្មជាតិប្រកបដោយនិរន្តរភាព៕

ឯកឧត្តមសាស្ត្រាចារ្យ លឹម ពុយ នាំយកឧបករណ៍តម្រងទឹកភ្លៀងចំនួន ៧ តម្លើងតាមភូមិបណ្តែតទឹកជុំវិញបឹងទន្លេសាប

2020-11-14T16:38:26+00:00

ថ្ងៃអង្គារ ១០រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១០ ខែ វិច្ឆិកា ឆ្នាំ ២០២០ ឯកឧត្តម លឹម ពុយ អនុប្រធានអាជ្ញាធរទន្លេសាប និងសហការីបាននាំយកឧបករណ៍តម្រងទឹកភ្លៀងចំនួន ៧ ទៅតម្លើង នៅតាមភូមិបណ្តែតទឹកជុំវិញបឹងទន្លេសាប រួមមានខេត្តសៀមរាប ២ ទីតាំងស្ថិតភូមិព្រែកស្រមោច ឃុំកំពង់ឃ្លាំង ស្រុកសូត្រនីគមន និងភូមិចុងឃ្នៀស សង្កាត់ចុងឃ្នៀស ។ ខេត្តបាត់ដំបង ១ ទីតាំងគឺភូមិព្រែកទាល់ ឃុំកោះជីវាំង។ ខេត្តពោធិ៍សាត់ ២ ទីតាំងគឺ ភូមិព្រែកត្របែក (ក្នុងសហគមន៍នេសាទស្រីចឹក) ឃុំកញ្ជរស្រុកកណ្តៀង និងភូមិទី១ ឃុំកំពង់លួង ស្រុកក្រគរ និងខេត្តកំពង់ធំ ២ ទីតាំងគឺ: ភូមិដូនស្តើង ឃុំពាមបាង ស្រុកស្ទោង និងភូមិផាត់សណ្តាយ ឃុំផាត់សណ្តាយ ស្រុកកំពង់ស្វាយ ។
តម្រងទឹកភ្លៀងដែលបានតម្លើងនៅទីតាំងទាំង ៧ ដូចបានរៀបរាប់ខាងលើនឹងចាប់ផ្ដើមដំណើរការដើម្បីស្រង់បរិមាណទឹកភ្លៀងនៅជុំវិញបឹងទន្លេសាប ចាប់ពីថ្ងៃទី ១១ខែវិច្ឆិកា ឆ្នាំ២០២០ នេះតទៅ។

សកម្មភាពសិក្សាពីសេដ្ឋកិច្ច សង្គម លេីការប្រើប្រាស់ធនធានធម្មជាតិនៅតំបន់ភូមិបណ្តែតទឹកក្នុងជំហាន១នៅឃុំផាត់សណ្តាយ

2020-11-13T08:52:41+00:00

នាថ្ងៃពុធ ១១ រោច ដល់ថ្ងៃសុក្រ ១៣ រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១១-១៣ ខែវិច្ឆិកា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹកនៅតំបន់បឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រភូមិទួលនាងសាវ និងភូមិនាងសាវ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ កាលពីថ្ងៃ ពុធ ១១ រោច ដល់ថ្ងៃសុក្រ ១៣ រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១១-១៣ ខែវិច្ឆិកា ឆ្នាំ២០២០។ ការអនុវត្តសកម្មភាពនេះ ដើម្បីធ្វើបច្ចុប្បន្នភាពទិន្នន័យប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមលើជីវភាពរស់នៅប្រចាំថ្ងៃរបស់ពួកគាត់។

សកម្មភាពសិក្សាពីបច្ចុប្បន្នភាពព្រៃលិចទឹកតំបន់ ៣ និងលក្ខណៈជីវសាស្ត្រព្រៃលិចទឹក តំបន់រ៉ាមសាស្ទឹងសែន

2020-11-08T11:42:55+00:00

នាថ្ងៃពុធ ០៤ រោច ដល់ថ្ងៃសុក្រ ០៦ រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៤ ដល់ថ្ងៃទី ០៦ ខែវិច្ឆិកា ឆ្នាំ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ និងមន្ត្រីបច្ចេកទេសបានបន្តចុះសិក្សាស្រាវជ្រាវពីបច្ចុប្បន្នភាពព្រៃលិចទឹកតំបន់ ៣ និងលក្ខណៈជីវសាស្ត្រព្រៃលិចទឹក ព្រមទាំងការប្រើប្រាស់ព្រៃលិចទឹក ស្ថិតនៅក្នុង តំបន់រ៉ាមសាស្ទឹងសែន ឃុំកំពង់គោ ស្រុកកំពង់ស្វាយ និងសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។

សកម្មភាពសិក្សាពីប្រសិទ្ធភាពពីការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ខេត្តពោធិសាត់ និងខេត្តបន្ទាយមានជ័យ

2020-11-07T22:29:06+00:00

នាថ្ងៃអង្គារ ៣ រោច ដល់ថ្ងៃព្រហស្បតិ៍ ៥ រោច ខែកត្ដិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៣ ដល់ថ្ងៃទី ០៥ ខែវិច្ចិកា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ដ្រី បច្ចេកទេស នៃនាយកដ្ឋាននីតិកម្ម និងផ្សព្វផ្សាយ បានបន្តធ្វើការចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជំហាន២ ជាមួយអាជ្ញាធរមូលដ្ឋាន និងសហគមន៍នេសាទរួបរួម ស្ថិតក្នុងភូមិសាស្ត្រ ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យ និងសហគមន៍នេសាទកោះក្អែក ឃុំរាំងទិល ស្រុកកណ្តៀង ខេត្តពោធិ៍សាត់។ ការសិក្សានេះ ដើម្បីស្វែងយល់ពីដំណើរការនៃការគ្រប់គ្រង ការពារ និងការអភិរក្ស បញ្ហាប្រឈមដែលកំពុងកើតមានឡើងក្នុងសហគមន៍ រួមទាំងយន្តការក្នុងការដោះស្រាយ និងការចូលរួមការពារធនធានធម្មជាតិក្នុងសហគមន៍នេសាទរួបរួម និងសហគមន៍នេសាទកោះក្អែកប្រកបដោយនិរន្តរភាព៕

សកម្មភាពសិក្សាតាមដានធនធានជលផលពីការប៉ះពាល់បម្រែបម្រួលអាកាសធាតុនៅបឹងទន្លេឆ្មា

2020-11-05T15:14:10+00:00

នាថ្ងៃ ពុធ ១២កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៨ ខែតុលា ឆ្នាំ២០២០ ក្រុមការងារអគ្គលេខាធិការអាជ្ញាធរទន្លេសាបដឹកនាំដោយ ឯកឧត្តម ខូវ មាស អគ្គលេខាធិការរង បានបន្តចុះសិក្សាស្រាវជ្រាវតាមដានធនធានជលផលកំពុងរងផលប៉ះពាល់ពីការបម្រែបម្រួលអាកាសធាតុនៅតំបន់បឹងទន្លេឆ្មា ស្ថិតនៅក្នុងឃុំពាមបាង ស្រុកស្ទោង ខេត្តកំពង់ធំ ។
ការសិក្សានេះមានគោលបំណងសំខាន់គឺៈ
-ពិនិត្យពីស្ថានភាពទូទៅនៅតំបន់បឹងទន្លេឆ្មា និងផលប៉ះពាល់ក្រោយពីមានបម្រែបម្រួលអាកាសធាតុនៅរដូវទឹកតំឡើង
- ប្រមូលព័ត៌មានផលចាប់ ប្រភេទ និងស្ថានភាពធនធានត្រី និងព្រៃលិចទឹក
- ដើម្បីត្រៀមរៀបចំផែនការសកម្មភាពសម្រាប់សិក្សាស្រាវជ្រាវនៅពេលខាងមុខ។

សកម្មភាពចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីសំណើគម្រោងវារីអគ្គិសនី សាណាខាំ

2020-11-05T15:05:02+00:00

នាថ្ងៃអង្គារ ១១កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៧ ខែតុលា ឆ្នាំ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីសំណើគម្រោងវារីអគ្គិសនី សាណាខាំ របស់ប្រទេសឡាវ នៅក្នុងខេត្តសៀមរាប ។ គោលបំណងនៃកិច្ចប្រជុំនេះមាន ៖
-លើកកម្ពស់ការយល់ដឹងពីកិច្ចព្រមព្រៀងមេគង្គ ១៩៩៥ នីតិវិធីស្តីពីការជូនដំណឹង ការពិគ្រោះយោបល់ជាមុន និងការព្រមព្រៀង PNPCA ដំណើរការពិគ្រោះយោបល់ជាមុន និងវឌ្ឍនភាព និងស្ថានភាពបច្ចុប្បន្ននៃដំណើរការគម្រោងវារីអគ្គសនី សាណាខាំ (SNHPP)
-ផ្តល់ការយល់ដឹងអំពីទិដ្ឋភាពទូទៅនៃ SNHPP
-សិក្សាពិនិត្យឡើងវិញលើសេចក្តីព្រាងទី ១ នៃរបាយការណ៌សិក្សា ពិនិត្យបច្ចេកទេសឡើងវិញលើសំណុំឯកសារ និងសំណើគម្រោង SNHPP និងប្រមូលផ្តុំនូវមតិយោបល់ និងអនុសាសន៍នានា ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-10-23T10:04:39+00:00

ថ្ងៃ អង្គារ ២កើត ដល់ថ្ងៃ ព្រហស្បត្តិ ៤កើត ខែ កត្កិក ឆ្នាំកុរ ទោស័ក ព.ស ២៥៦៤ ត្រូវនឹងថ្ងៃទី ២០ ដល់ថ្ងៃទី ២២ ខែ តុលា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំកំពង់លួង ឃុំក្បាលត្រាច ឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រីទៅតាមលក្ខណៈវិទ្យាសាស្ត្រ ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

កិច្ចប្រជុំ ស្តីពី ផែនការក្របខណ្ឌឆ្នាំ២០២១ នៅក្រសួងមុខងារសាធារណៈ

2020-10-23T09:50:45+00:00

រាជធានីភ្នំពេញ៖ នាព្រឹកថ្ងៃពុធ ៥កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែតុលា ឆ្នាំ២០២០ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ នៃអគ្គលេខាធិការដ្ឋាន អាជ្ញាធរទន្លេសាប បានចូលរួមកិច្ចប្រជុំ ស្តីពី ផែនការក្របខណ្ឌ ឆ្នាំ២០២១ ដែលដឹកនាំដោយឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈដោយមានការចូលរួមពីឯកឧត្តម លោកជំទាវ លោក លោកស្រី ជាតំណាងក្រសួង ស្ថាប័ននានា របស់រាជរដ្ឋាភិបាល ។

សកម្មភាពសិក្សា ពីការពង្រឹងបណ្ដាញទំនាក់ទំនងការងារជាមួយសហគមន៍ចុងឃ្នៀស ខេត្តសៀមរាប

2020-10-23T09:18:24+00:00

នាថ្ងៃពុធ ១២ រោច ដល់ថ្ងៃសុក្រ ១៤ រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៤-១៦ ខែតុលា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមជាមួយមន្ត្រីបច្ចេកទេស បានបន្តចុះអនុវត្តន៍សកម្មភាព ពង្រឹងបណ្ដាញ ទំនាក់ទំនង ការងារជាមួយសហគមន៍ចុងឃ្នៀស ក្នុងការតាមដាន និងចែករំលែកទិន្នន័យ ព័ត៌មានអំពីផលប៉ះពាល់ទៅលើការ គ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងបរិស្ថានប្រកបដោយចីរភាព ស្ថិតនៅក្នុងភូមិសាស្ត្រសង្កាត់ចុងឃ្នៀស ក្រុងសៀមរាប ខេត្តសៀមរាប ។ គោលបំណងនៃការអនុវត្តសកម្មភាពនេះគឺដើម្បី:
- បង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ ក្នុងការចែករំលែកចំណេះដឹង ទិន្នន័យ ព័ត៌មាន ពីផលប៉ះពាល់ធនធាន ធម្មជាតិ និងបរិស្ថាន
- បង្កើតក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានទាន់ហេតុការណ៍ពីផលប៉ះពាល់ ដែលកើតមានឡើងនៅក្នុងតំបន់បឹងទន្លេសាប ។

សកម្មភាពចូលរួមកិច្ចប្រជុំថ្នាក់តំបន់ស្តីពីការរៀបចំគោលការណ៍បច្ចេកទេសសម្រាប់ការគ្រប់គ្រងជលផលឆ្លងដែន

2020-10-23T09:12:33+00:00

នាព្រឹកថ្ងៃសុក្រ ១៤រោច ខែអស្សុជ ឆ្នាំជូត ទោស័ក ព.ស២៥៦៤ ត្រូវនិងថ្ងៃទី១៦ ខែតុលា ឆ្នាំ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចូលរួមកិច្ចប្រជុំថ្នាក់តំបន់ស្តីពីការរៀបចំគោលការណ៍បច្ចេកទេសសម្រាប់ការគ្រប់គ្រងជលផលឆ្លងដែន តាមរយៈ Video Conference ដោយមានការចូលរួមពីប្រទេសជាសមាជិកMRC លេខាធិការដ្ឋានMRC ជំនាញការអន្តរជាតិ និងអ្នកសង្កេតការមកពីអង្គការ SEAFDEC, UN-FAO/RAPA, World Fish Center និង FISHBIO ។
ជាលទ្ធផលកិច្ចប្រជុំបាន៖ (១) ពិភាក្សាលើសេចក្តីព្រាងទី១ នៃគោលការណ៍បច្ចេកទេសសម្រាប់ការគ្រប់គ្រងជលផលឆ្លងដែន ឲ្យមានភាពច្បាស់លាស់ ទៅតាមមេរៀន និងបទពិសោធន៍កន្លងមក និង (២) ឯកភាពអំពីផែនទីវិថីសម្រាប់ការរៀបចំគោលការណ៍បច្ចេកទេសសម្រាប់ការគ្រប់គ្រងជលផលឆ្លងដែន។

កម្មភាពសិក្សាពីសេដ្ឋកិច្ចសង្គមការប្រើប្រាស់ធនធានធម្មជាតិនៅ់ភូមិបណ្តែតទឹកតំបន់បឹងទន្លេសាបឃុំផាត់សណ្តាយជំហាន១

2020-10-10T08:17:15+00:00

ថ្ងៃសុក្រ ៧ រោច ដល់ ៩រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៩ -១០ ខែតុលា ឆ្នាំ២០២០
លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹកនៅតំបន់បឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំផាត់សណ្តាយ ស្រុកកំពង់ស្វាយ ខេត្តកំពង់ធំ កាលពីថ្ងៃសុក្រ ៧ រោច ដល់ ៩រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៩ -១០ ខែតុលា ឆ្នាំ២០២០។ ការអនុវត្តសកម្មភាពនេះ ដើម្បីធ្វើបច្ចុប្បន្នភាពទិន្នន័យប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមលើជីវភាពរស់នៅប្រចាំថ្ងៃរបស់ពួកគាត់។

សកម្មភាពសិក្សាពីធនធានរ៉ែខ្សាច់នៅតាមដងស្ទឹង

2020-10-10T08:08:50+00:00

នាថ្ងៃ អង្គារ ៤រោច ដល់ ថ្ងៃព្រហស្បតិ៍ ៦រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៦ ដល់ ០៨ ខែតុលា ឆ្នាំ២០២០ ក្រុមការងារនាយកដ្ឋានធនធានធម្មជាតិ នៃអាជ្ញាធរទន្លេសាបដែលដឹកនាំដោយ លោក វិន ប៊ុនពៅ ជាប្រធាននាយកដ្ឋាន បានបន្តចុះសិក្សាស្រាវជ្រាវពីធនធានរ៉ែខ្សាច់នៅតាមដងស្ទឹងស្ទឹងបរិបូរណ៍ក្នុងខេត្តកំពង់ឆ្នាំង ស្ទឹងពោធិ៍សាត់និងស្ទឹងកំពង់ឡខេត្តពោធិ៍សាត់ ។ គោលបំណងនៃការសិក្សារួមមាន ៖
1-ការវាយតម្លៃបរិមាណលំហូរខ្សាច់ស្ទឹង-ទន្លេ (ស្ទឹងបរិបូរណ៍, ពោធិ៍សាត់ និងស្ទឹងកំពង់ឡ) តាមបែបធម្មជាតិ និងការប្រែប្រួលផ្សេងៗនៅតាមសំណង់នៅតាមដងស្ទឹង
2-បរិមាណនៃការទាញយករ៉ែខ្សាច់ និងល្បាយខ្សាច់ដីស
3-ការប្រែប្រួលលក្ខណៈរូបសាស្ត្រស្ទឹង-ទន្លេ និងជំនួយរូបភាពពីដ្រូនក្នុងពេលចុះសិក្សា ។

សកម្មភាពគម្រោងតាមដានផលចាប់របស់អ្នកនេសាទនៅតាមដងស្ទឹង

2020-10-10T08:03:16+00:00

នាថ្ងៃ ចន្ទ ៣រោច ដល់ថ្ងៃ ពុធ ៥រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ៥ ដល់ថ្ងៃទី ៧ ខែតុលា ឆ្នាំ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំក្រុមការងារចុះអនុវត្តសកម្មភាពតាមដានផលចាប់របស់អ្នកនេសាទនៅតាមដងស្ទឹងទាំង ៤ ស្ទឹងជុំវិញបឹងទន្លេសាប មានស្ទឺងពោធិ៍សាត់ ស្ទឹងសង្កែ ស្ទឹងសែន និងស្ទឹងជីនិត ដើម្បី :
១/ តាមដាន និងត្រួតពិនិត្យលើសៀវភៅកត់ត្រារបស់អ្នកនេសាទ
២/ ណែនាំ និងបណ្តុះបណ្តាលបន្ថែមលើវិធីសាស្ត្រកត់ត្រាទិន្នន័យ
៣/តាមដានទីតាំងដាក់ឧបករណ៍នេសាទ ដោយយកទីតាំងដាក់ឧបករណ៍នេសាទ
៤/ តាមដានបរិមាណផលសរុបប្រចាំថ្ងៃ ប្រភេទត្រី និងតម្លៃត្រី ។

ឯកឧត្តម លឹម ពុយ ដឹកនាំកិច្ចប្រជុំតាមរយះ Video Conference ជាគម្រោង Satreps

2020-10-06T11:47:15+00:00

នារសៀលថ្ងៃចន្ទ ៣រោច ខែអស្សុជ ឆ្នាំជូត ទោស័ក ពស ២៥៦៤ ត្រូវនឹងថ្ងៃទី០៥ ខែតុលា ឆ្នាំ២០២០ ឯកឧត្តម លឹម ពុយ
អនុប្រធានអាជ្ញាធរទន្លេសាប អមដោយ ឯកឧត្តម ស៊ិន វិសិទ្ធ អគ្គលេខាធិការ និងសហការីបានចូលរួមកិច្ចប្រជុំតាមរយះ Video Conference ជាមួយក្រុមការងារគម្រោង Satreps ដោយមានការចូលរួមពី វិទ្យាស្ថានបច្ចេកវិទ្យាកម្ពុជា និងភាគីជប៉ុន និងសម្របសម្រួលពីតំណាង JICA ។ កិច្ចប្រជុំនេះមានគោលបំណងសំខាន់គឺ ៖
(១) ពិនិត្យលើ វឌ្ឍនភាពការងារគម្រោង
(២) ការតម្លើងថ្មី និងការជួសជួលស្ថានីយ៍ឧតុនិយមស្វ័យប្រវត្តិនៅបឹងទន្លេសាប
(៣) កិច្ចសហប្រតិបត្តិការ លើការបណ្តុះបណ្តាលធនធានមនុស្ស និងផែនការបន្តនាពេលខាងមុខ ។ តាមរយះការពិភាក្សាគ្នាយើងទទួលលទ្ធផលសំខាន់ៗមួយចំនួនដូចខាងក្រោម ៖
(១) ភាគីជប៉ុននឹងយកអនុសាស្ត្ររបស់ ឯកឧត្តម លឹម ពុយ លើកត្តាបម្រែបម្រួលរបបជលសាស្ត្រនិងគុណភាពទឹកខ្លាំងបំផុតនៅឆ្នាំ២០២០ ដែលជម្រៅទឹកបឹងទន្លេសាបធ្លាក់មកត្រឹម ២០សង់ទីម៉ែត្រ តាមរយៈការផ្សារភ្ជាប់នៃលទ្ធផលការងាររបស់ភាគីជប៉ុនលើម៉ូដែលនៃការប្រែប្រួលបរិមាណអាសូតនិងផូស្វ័រតាមរដូវការ (mesotrophic lake)
(២) ភាគីជប៉ុននឹងពិចារណាលើផែនការយុទ្ធសាស្ត្រ ២០២១-២០២៥ របស់អគ្គលេខាធិការដ្ឋានអទស
(៣) ភាគីជប៉ុននឹងគ្រោងជួសជួលស្ថានីយ៍ឧតុនិយមស្វ័យប្រវត្តិឡើងវិញក្រោយអាក់ខានជាច្រើនលើក
(៤) ភាគីជប៉ុននឹងបន្តសហការជាមួយ អទស ក្នុងការតាមដានគុណភាពទឹក និងបម្រែបម្រួលរបបជលសាស្ត្រ
(៥) អទស នឹងទទួលបន្ទុកលើការសរសេរជំពូកទី៣១ និង៣២ ដើម្បីចូលក្នុង Sprinker
(៦) មន្ត្រីបច្ចេកទេស អទស ០២ រូប នឹងទទួលបានវគ្គបណ្តុះបណ្តាលនៅជប៉ុន នាឆ្នាំ២០២១ ។

ឯកឧត្តម លឹម ពុយ ដឹកនាំកិច្ចប្រជុំតាមរយះ Video Conference ជាគម្រោង Satreps

2020-10-06T11:47:15+00:00

ឯកឧត្តមសាស្ត្រាចារ្យ លឹម ពុយ ចុះពិនិត្យស្ថានភាពទូទៅតំបន់បឹងទន្លេសាប

2020-10-01T10:57:31+00:00

នាថ្ងៃចន្ទ ១១កើត ដល់ថ្ងៃ ព្រហស្បតិ៍ ១៤ កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកញ្ញា ដល់ថ្ងៃទី០១ ខែតុលា ឆ្នាំ២០២០ ក្រុមការងារបច្ចេកទេសដឹកនាំដោយលោកសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ទទួលបន្ទុកការងារបច្ចេកទេស បានចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាបមុនរដូវបើកនេសាទ ក្នុងពេលដែលរបបជលសាស្ត្របឹងទន្លេសាបមានកម្រិតកម្ពស់ទឹកតែ ៣,៥៥ ម៉ែត្រ (បើប្រៀបធៀបទៅនឹងឆ្នាំ២០១៩ ក្នុងរយ:ពេលដូចគា្នកម្ពស់ទឹកបឹងទន្លេសាបមានរហូតដល់ ៦ ម៉ែត្រ) ។
ការចុះពិនិត្យនេះមានគោលបំណងដូចខាងក្រោម៖
១/ ពិនិត្យស្ថានភាពទូទៅលើប្រភេទកូនត្រីដែលទើបនឹងបង្កកំណើត
២/ តាមដានលើប្រភេទកូនត្រីដែលធ្វើការលូតលាស់តាមលំនៅដ្ឋានដូចជា ព្រៃគុម្ពោត ព្រៃលិចទឹក និងវាលស្មៅលិចទឹក.
៣/ តាមដានលើផលចាប់ធនធានជលផលនៅតាមបណ្តាទីតាំងផែឡើងត្រីសំខាន់ៗ
៤/ តាមដានគុណភាពទឹកនៅលើ ១៣ ទីតាំង នៅក្នុងបឹងទន្លេសាប និងស្ថានភាពរបបជលសាស្ត្រនៃស្ទឹងសំខាន់ៗមួយចំនួនជុំវិញបឹងទន្លេសាបដូចជា ស្ទឹងពោធិ៍សាត់, ស្ទឹងសង្កែ និងស្ទឹងសែន ។

ឯកឧត្ដម ម៉ៅ ហាក់ ចុះពិនិត្យ និងធ្វើការសិក្សាស្ថានភាពច្រាំងទន្លេមេគង្គ

2020-09-30T16:05:07+00:00

ព្រឹកថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និងលោក យា វឿន ប្រធានមន្ទីរធនធានទឹក និងឧតុនិយមខេត្តត្បូងឃ្មុំ បានដឹកនាំក្រុមការងារបច្ចេកទេសនាយកដ្ឋានជលសាស្ត្រ និងការងារទន្លេ ចុះពិនិត្យ និងធ្វើការសិក្សាស្ថានភាពច្រាំងទន្លេមេគង្គ នៅឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ ចំនួន ០៣កន្លែង អានត...

សកម្មភាពចូលរួមប្រជុំ Videoconference ពីរៀបចំផែនការសកម្មភាពគម្រោង និងយន្តការមូលនិធិ MRC

2020-09-30T15:30:18+00:00

នាថ្ងៃចន្ទ ១១កើត ដល់ ថ្ងៃអង្គារ ១២កើត ខែអស្សុជ ឆ្នាំជូត ទោលស័ក ព.ស ២៥៦៤ ត្រូវនឹងថ្ងៃទី២៨ ដល់ ២៩ ខែកញ្ញា ឆ្នាំ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមប្រជុំ ក្រោមការសម្របសម្រួលពីគណៈកម្មាជាតិទន្លេមេគង្គកម្ពុជា ស្តីពី ការរៀបចំផែនការសកម្មភាពគម្រោង និងយន្តការមូលនិធិសម្រាប់អនុវត្តន៍យុទ្ធសាស្ត្រគ្រប់គ្រងបរិស្ថានដោយ ផ្តល់អាទិភាពលើធនធានបរិស្ថានក្នុងអាងទន្លេ តាមរយៈ Videoconference នៅរាជថានីភ្នំពេញ ដែលមានចំនួន ៤ប្រទេស ចូលរួម ដូចជា កម្ពុជា ឡាវ ថៃ និងប្រទេសវៀតណាម ។
គោលបំណងនៃការប្រជុំរួមមាន៖
(i) ការធ្វើបទបង្ហាញ ពិភាក្សា ទទួលយកនូវគំនិតយោបល់ និងឈានទៅដល់ការសម្រេចទៅលើគម្រោងការស្នើសុំជាសង្ខេប ដើម្បីឆ្ពោះទៅកាន់ការរៀបចំគម្រោងអាស្រ័យទៅលើសកម្មភាព សម្រាប់អនុវត្តន៍នៅមេគង្គStrategy Basin wide Environmental Managermant Plan( SBEM )
(ii) ការធ្វើបទបង្ហាញ ពិភាក្សា និងទទួលយកការណែនាំទៅលើដែនវិសាលភាពជារួម និងគ្របដណ្ដប់ នៃសំណើរគម្រោងដំបូង នៅក្នុងសេចក្ដីព្រាងPBAP ឬធ្វើការកែសម្រួលទៅតាមភាពចាំបាច់ សម្រាប់ការពន្យល់យ៉ាងលំអិតបន្ថែម និងការពិភាក្សានៅក្នុងការប្រជុំពិគ្រោះយោបល់ថ្នាក់ជាតិនៅក្នុងខែតុលា ឆ្នាំ២០២០។
(iii) ពិភាក្សានូវការអនុវត្តនៃគម្រោងខុសៗគ្នាទៅលើធនធានខុសៗគ្នា និងការអនុវត្តន៍ជាអាទិភាពនៃធនធាននីមួយៗ ។
(iv)ពិភាក្សាទៅលើជម្រើស និងវិធីសាស្ត្រ ដើម្បីធ្វើឱ្យជំនួយនៃPBAP ប្រកបដោយនិរន្តរភាព ។

សកម្មភាពចូលរួមប្រជុំ Videoconference ពីរៀបចំផែនការសកម្មភាពគម្រោង និងយន្តការមូលនិធិ MRC

2020-09-30T15:30:18+00:00

ឯកឧត្ដម ម៉ៅ ហាក់ ចុះពិនិត្យ វាយតម្លៃ គម្រោងការពារច្រាំងទន្លេមេគង្គ

2020-09-25T15:54:18+00:00

ថ្ងៃសុក្រ ៨កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែកញ្ញា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និងគណកម្មាធិការលទ្ធកម្ម (គល) និង (អល) និងតំណាង ក្រសួងសេដ្ឋកិច្ច និងហិរញ្ញវត្ថុ ព្រមទាំងលោក យិន សាវុធ ប្រធាននាយកដ្ឋានជលសាស្ត្រ និងការងារទន្លេ និងក្រុមការងារបច្ចេកទេសក្រុមការងារនាយកដ្ឋានជលសាស្ត្រ និងការងារទន្លេ និង លោកប្រធានមន្ទីរធនធានទឹក និងឧតុនិយមខេត្តកំពង់ចាម និងខេត្តត្បូងឃ្មុំ បានចុះពិនិត្យ វាយតម្លៃ អានត....

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-09-23T13:47:13+00:00

ថ្ងៃ ចន្ទ ០៤ កើត ដល់ថ្ងៃ ពុធ ០៦ កើត ខែ អស្សុជ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ២១ ដល់ថ្ងៃទី ២៣ ខែ កញ្ញា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំក្បាលត្រាច កំពង់លួង និងឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

កិច្ចប្រជុំពិនិត្យ ពិភាក្សាសេចក្តីព្រាងផែនការយុទ្ធសាស្ត្រ សម្រាប់អាជ្ញាធរទន្លេសាប ២០២១-២០២៥

2020-09-15T11:27:46+00:00

បច្ចេកទេសនៅក្នុងខ្លឹមសារសេចក្តីព្រាងផែនការយុទ្ធសាស្ត្រ សម្រាប់អាជ្ញាធរទន្លេសាប ២០២១-២០២៥ ដំណាក់កាលទី II ។
កិច្ចប្រជុំបានឯកភាពទៅលើចំនុចសំខាន់នៃកិច្ចពិភាក្សា និងការផ្តល់គំនិតយោបល់ល្អៗបន្ថែម ដើម្បីអោយក្រុមការងារធ្វើការពិនិត្យកែសម្រួលខ្លឹមសារផែនការយុទ្ធសាស្ត្រ អោយមានភាពរលូនយកទៅអនុវត្តប្រកបដោយប្រសិទ្ធភាព និងទទួលបានប្រសិទ្ធផលខ្ពស់តាមការរំពឹងទុកក្នុងរយៈពេល ៥ ឆ្នាំបន្ទាប់នេះ ។ អង្គប្រជុំក៏បានឯកភាពនឹងប្រជុំពិនិត្យពិភាក្សាបន្ថែមទៀតលើសេចក្តីព្រាងលើកទី ២ និងតារាងម៉ាទ្រិចសកម្មភាពជាយុទ្ធសាស្ត្រ បន្ទាប់ពីក្រុមការងារធ្វើការកែសម្រួលស្របតាមគំនិតយោបល់នៃការពិភាក្សាក្នុងកិច្ចប្រជុំលើសេចក្តីព្រាងលើកទី១ នេះ មុននឹងដាក់សំណើសុំគោលការណ៍ពិនិត្យ និងសម្រេចអនុម័តពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ដើម្បីដាក់ឲ្យអនុវត្តជាផ្លូវការក្នុងឆ្នាំ ២០២១ ខាងមុខនេះ ។

ឯកឧត្តមសាស្ត្រាចារ្យ លឹម ពុយ អនុប្រធាន អាជ្ញាធរទន្លេសាប បាននាំយកធុងចម្រោះទឹកស្អាត ដាក់ភូមិបណ្តែទឹក

2020-09-15T11:24:29+00:00

ថ្ងៃ ព្រហស្បតិ៍ ទី ៨ រោច ដល់ ថ្ងៃ សៅរ៍ ១០ រោច ខែ ភទ្របទ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី១០ ដល់ ១២ ខែ កញ្ញា ឆ្នាំ ២០២០ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប និងសហការី បាននាំយកធុងចម្រោះទឹកស្អាត (Safe Water Cube) ចំនួន ៥ ដែលជាអំណោយរបស់ Zayed sustainability Prize ទៅដាក់នៅភូមិបណ្តែតទឹកចំនួន៤ គឺភូមិពាមបាង ភូមិពេជ្រក្រី ភូមិដូនស្តើង និងភូមិពៅវើយ ដែលស្ថិតក្នុងឃុំពាមបាង ស្រុកស្ទោង ខេត្តកំពង់ធំ បន្ថែមលើធុងចម្រោះទឹកស្អាតទាំង 25 ធុងដែលបានដាក់នៅតាមភូមិបណ្តែតទឹកនាពេលកន្លងមកនៅតាមបណ្តាឃុំដែលនៅជុំវិញបឹងទន្លេសាប មានដូចជាឃុំឆ្នុកទ្រូ, ផាត់សណ្តាយ, កំពង់លួង, រាំងទិល, កំពង់ឃ្លាំង, កំពង់ភ្លុក, មាត់ខ្លា, កោះជីវាំង, និងឃុំកែវពណ៌ តាមរយៈគម្រោងការគ្រប់គ្រងធនធានទឹកចម្រុះ នៃអាងស្ទឹងសែន នៃអាជ្ញាធរទន្លេសាប ។
ការបំពាក់ធុងចម្រោះទឹកស្អាត SWC នេះ មានគោលបំណងជួយលើកម្ពស់សុខមាលភាពរបស់ប្រជាជន ពិសេសសិស្សានុសិស្សដែលរស់នៅ និងសិក្សានៅតាមភូមិបណ្តែតទឹក ដោយការប្រើប្រាស់ទឹកស្អាតសម្រាប់រិភោគប្រចាំថ្ងៃ។

សកម្មភាពសិក្សាស្រាវជ្រាវពី បច្ចុប្បន្នភាពធនធានជលផល និងការប្រើប្រាស់ធនធានជលផលនៅក្នុងបឹងទន្លេសាប និងតំបន់ពាក់ព័ន្ធ

2020-09-15T11:12:42+00:00

ថ្ងៃ សុក្រ ៩រោច ដល់ថ្ងៃអាទិត្យ ១១ រោច ខែ ភទ្របទ ជូត ទោស័ក ព.ស ២៥៦៤ ត្រូវនឹងថ្ងៃទី១១ ដល់ថ្ងៃទី ១៣ ខែ កញ្ញា ឆ្នាំ ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រី បច្ចេកទេសចុះសិក្សាស្រាវជ្រាវពី បច្ចុប្បន្នភាពធនធានជលផល និងការប្រើប្រាស់ធនធានជលផលនៅក្នុងបឹងទន្លេសាប និងតំបន់ពាក់ព័ន្ធក្នុងខេត្តកំពង់ឆ្នាំង ពោធិ៍សាត់ បាត់ដំបង កំពង់ធំ និងសៀមរាប ។ ការសិក្សានេះដើម្បី៖
១. បច្ចប្បន្នភាពទិន្នន័យត្រី និងក្រៅពីត្រីលើលក្ខណៈជីវសាស្ត្រ និងការវាយតម្លៃលើដង់ស៊ីតេប្រភេទ បរិមាណនេសាទ ឧបករណ៍នេសាទ និងប្រភពទីផ្សារ
២. ពិនិត្យ និងវាយតម្លៃសមាសភាពប្រភេទធនធានជលផលសម្រាប់វារីវប្បកម្ម(ចំណីត្រី និងក្រពើ)
៣. វាយតម្លៃលើសមាសភាពប្រភេទត្រី(ត្រីនុយ) ដែលអាចវិវឌ្ឍន៍ទៅជាប្រភេទត្រីធំ និងប្រភេទត្រីកម្រ
៤. បច្ចប្បន្នភាពលំនៅដ្ឋានធនធានជលផល(ត្រី)នៅតំបន់បឹងទន្លេសាប និងមេគង្គ-បាសាក់
៥. តាមដានការវិវដ្តសន្ទស្សន៍របស់កន្សោមពងធនធានជលផលដើម្បីស្វែងយល់ពីការបង្កកំណើត
៦. បច្ចប្បន្នភាពផែនទីទីតាំងនេសាទធនធានជលផលទៅតាមប្រភេទលំនៅដ្ឋាន ។

សេចក្តីជូនដំណឹង ស្តីពី ការអញ្ញើញចូលរួមពិគ្រោះថ្លៃការងារផ្គត់ផ្គង់សម្ភារៈបច្ចេកទេសព័ត៌មានវិទ្យាឆ្នាំ២០២០

2020-09-14T15:42:02+00:00

សិក្សាពីប្រជាសាស្ត្រ សេដ្ឋកិច្ចសង្គមនៅតំបន់ភូមិបណ្តែតទឹកតំបន់បឹងទន្លេសាប ជំហាន១

2020-09-11T16:23:12+00:00

ខេត្តពោធិ៍សាត់ៈ
ថ្ងៃព្រហស្បតិ៍ ៨ រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១០ ខែកញ្ញា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ភូមិបណ្តែតទឹកនៅតំបន់បឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំបឹងបត់កណ្តោល មេទឹក និងឃុំអូរតាប៉ោង ស្រុកបាកាន ខេត្តពោធិ៍សាត់។
ការសិក្សានេះ ដើម្បីធ្វើបច្ចុប្បន្ន ភាពប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក/លិចទឹក ប្រភេទលំនៅឋាន និងស្វែងយល់បញ្ហាប្រឈមនានាលើជីវភាពរស់នៅប្រចាំថ្ងៃរបស់ពួកគាត់ភូមិបណ្តែតទឹកក្នុងតំបន់គោលដៅសិក្សា។

សកម្មភាពចូលរួមកិច្ចប្រជុំស្តីពីការគ្រប់គ្រងគ្រោះទឹកជំនន់ និងរាំងស្ងួតឆ្លងដែនកម្ពុជា-ថៃ (9C+9T)

2020-09-10T14:04:43+00:00

នាថ្ងៃសុក្រ ២ រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៤ ខែ កញ្ញា ឆ្នាំ ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមកិច្ចប្រជុំក្រុមការងារថ្នាក់ជាតិលើកទី១ ស្តីពីការគ្រប់គ្រងគ្រោះទឹកជំនន់ និងរាំងស្ងួតឆ្លងដែនកម្ពុជា-ថៃ (9C+9T) នៅសណ្ឋាគារ....រាជាធានីភ្នំពេញ ។
គោលបំណងនៃកិច្ចប្រជុំរួមមាន៖
(១)-ពិភាក្សាលើប្រភពសក្តានុពលមូលនិធិ និងសំណើសុំមូលនិធិសម្រាប់អនុវត្តគម្រោង
(២)-ពិនិត្យលើប្រធានបទសំខាន់ៗសម្រាប់កម្មវិធីកសាងសមត្ថភាពរបស់អ្នកពាក់ព័ន្ធគម្រោង
(៣)-ពិភាក្សាលើយន្តការអនុវត្តជាក់ស្តែង ការ និងផែនការសម្រាប់ការងារនៅត្រីមាសបន្តបន្ទាប់ ។

សកម្មភាពចូលរួមកិច្ចប្រជុំស្តីពីការគ្រប់គ្រងគ្រោះទឹកជំនន់ និងរាំងស្ងួតឆ្លងដែនកម្ពុជា-ថៃ (9C+9T)

2020-09-10T14:04:43+00:00

សកម្មភាពគម្រោងតាមដានផលចាប់របស់អ្នកនេសាទនៅតាមដងស្ទឹងទាំង ៤

2020-09-05T11:44:13+00:00

ថ្ងៃព្រហស្បតិ៍ ១រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៣ ខែកញ្ញា ឆ្នាំ ២០២០ ក្រុមការងារមន្ត្រីបច្ចេកទេស នៃអាជ្ញាធរទន្លេសាប ដឹកនាំដោយ លោក ហេង សុវណ្ណារ៉ា ប្រធាននាយកដ្ឋាន បាននឹងកំពុងបន្តចុះអនុវត្តសកម្មភាពគម្រោងតាមដានផលចាប់របស់អ្នកនេសាទនៅតាមដងស្ទឹងទាំង ៤ ស្ទឹងជុំវិញបឹងទន្លេសាបមានស្ទឹងជីនិត ស្ទឹងសែន ស្ទឹងសង្កែ ស្ទឹងពោធិ៍សាត់។ ការសិក្សានេះ ដើម្បី ៖
- ធ្វើបច្ចុប្បន្នភាពការងារបច្ចេកទេស
- ត្រួតពិនិត្យឧបករណ៍នេសាទដែលបានខូចខាត
- ប្រគល់សៀវភៅកត់ត្រាទិន្នន័យ និងសៀវភៅរូបភាពត្រីថ្មី ដល់អ្នកនេសាទតាមស្ទឹងនិមួយៗតាមតម្រូវការចាំបាច់ក្នុងការអនុវត្តការងារកត់ត្រាប្រចាំថ្ងៃ ។

សកម្មភាពសិក្សាពីការពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន

2020-09-04T14:00:37+00:00

នាថ្ងៃពុធ ១៥ កើត ដល់ថ្ងៃសុក្រ ២ រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០២-០៤ ខែកញ្ញា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមជាមួយមន្ត្រីបច្ចេកទេស បានបន្តចុះអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន ក្នុងការតាមដាន និងចែករំលែកទិន្នន័យ ព័ត៌មានអំពីផលប៉ះពាល់ទៅលើការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងបរិស្ថានប្រកបដោយចីរភាព ក្នុងសហគមន៍នេសាទផាត់សណ្ដាយ ស្ថិតនៅក្នុងភូមិសាស្ត្រឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ ។
គោលបំណងនៃការអនុវត្តសកម្មភាពនេះគឺដើម្បី:
- បង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ ក្នុងការចែករំលែកចំណេះដឹង ទិន្នន័យ ព័ត៌មាន ពីផលប៉ះពាល់ធនធានធម្មជាតិ និងបរិស្ថាន
- បង្កើតក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានទាន់ហេតុការណ៍ពីផលប៉ះពាល់ដែលកើតមានឡើងនៅក្នុងតំបន់បឹងទន្លេសាប ៕

សកម្មភាពចូលរួមកិច្ចប្រជុំពិភាក្សាលើគម្រោងផែនការថវិកាឆ្នាំ ២០២១

2020-09-04T12:05:55+00:00

រាជធានីភ្នំពេញ៖ ថ្ងៃ ព្រហស្បតិ៍ ០១ រោច ខែ ភទ្របទ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែកញ្ញា ឆ្នាំ២០២០ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប ថ្នាក់ដឹកនាំអគ្គលេខាធិការដ្ឋាន និងមន្ត្រីជំនាញអាជ្ញាធរទន្លេសាប បានចូលរួមកិច្ចប្រជុំពិភាក្សាលើគម្រោងផែនការថវិកាឆ្នាំ ២០២១ ជាមួយក្រសួងសេដ្ឋកិច្ច និងហិរញ្ញវត្ត នៅទីស្តីការក្រសួងសេដ្ឋកិច្ច និងហិរញ្ញវត្ថុ៕

ឯកឧត្តម លឹម ពុយ អញ្ញើញចុះធ្វើបច្ចុប្បន្នភាពប្រព័ន្ធធារាសាស្ត្រ CISIS MOWRAM

2020-09-02T12:28:27+00:00

នៅថ្ងៃអង្គារ ១៤កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១ ខែកញ្ញា ឆ្នាំ២០២០ ឯកឧត្តម លឹម ពុយ អនុប្រធានអាជ្ញាធរទន្លេសាប និងជាទីប្រឹក្សាក្រសួងធនធានទឹក និងឧតុនិយម និងក្រុមការងារ អមដំណើរក្រុមការងារមន្ទីរធនធានទឹក និងឧតុនិយមខេត្តព្រៃវែង Read More...

ឯកឧត្តម លឹម ពុយ អញ្ញើញចុះធ្វើបច្ចុប្បន្នភាពប្រព័ន្ធធារាសាស្ត្រ CISIS MOWRAM

2020-09-02T12:28:27+00:00

ឯកឧត្ដម ម៉ៅ ហាក់ បានអញ្ញើញចុះពិនិត្យ វាយតម្លៃ គម្រោងការពារច្រាំងទន្លេ ដែលសម្រេចបាន ១០០%

2020-09-01T14:49:05+00:00

ថ្ងៃចន្ទ ១៣កើត ដល់ថ្ងៃអង្គារ ១៤កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣១ ខែសីហា ដល់ថ្ងៃទី០១ ខែកញ្ញា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និងគណកម្មាធិការលទ្ធកម្ម (គល) និង (អល) និងតំណាង ក្រសួងសេដ្ឋកិច្ច និងហិរញ្ញវត្ថុ ព្រមទាំងលោក យិន សាវុធ ប្រធាននាយកដ្ឋានជលសាស្ត្រ និងការងារទន្លេ និងក្រុមការងារបច្ចេកទេសក្រុមការងារនាយកដ្ឋានជលសាស្ត្រ និងការងារទន្លេ និងលោកប្រធានមន្ទីរធនធានទឹក និងឧតុនិយមខេត្តកណ្តាល ខេត្តកំពង់ចាម និងខេត្តត្បូងឃ្មុំ បានចុះពិនិត្យ វាយតម្លៃ អានត....

សកម្មភាពចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីការរៀបចំគម្រោងបន្ស៊ាំនឹងការប្រែប្រួលអាកាសធាតុឆ្លងដែន

2020-09-01T14:27:06+00:00

នាថ្ងៃ ចន្ទ ១៣ កើត ខែ ភទ្របទ ឆ្នាំ ជូត ទោស័ក ព .ស ២៥៦៤ ត្រូវនឹងថ្ងៃទី៣១ ខែសីហា ឆ្នាំ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីការរៀបចំគម្រោងបន្ស៊ាំនឹងការប្រែប្រួលអាកាសធាតុឆ្លងដែន របស់គណៈកម្មការទន្លេមេគង្គនៅទីរួមខេត្តកំពង់ធំ ដោយមានការអញ្ជើញចូលរួមពីតំណាងក្រសួងពាក់ព័ន្ធ និងមន្ត្រីពាក់ព័ន្ធ។
កិច្ចប្រជុំមានបានពិនិត្យ ផ្តល់យោបល់ និងឯកភាពគ្នានៅកម្រិតជាតិ លើសេចក្តីព្រាងសំណើគម្រោងបន្ស៊ាំនឹងការប្រែប្រួលអាកាសធាតុឆ្លងដែន ក្នុងក្របខណ្ឌគណៈកម្មការទន្លេមេគង្គ ចំនួន ០៤គម្រោងគឺ គម្រោងទី១៖ ការរួមបញ្ចូលគ្នានូវការគ្រប់គ្រងទឹកជំនន់ និងភាពរាំងស្ងួត ជាមួយការជូនដំណឹងជាមុន សម្រាប់ការបន្ស៊ាំនឹងការប្រែប្រួលអាកាសធាតុ គម្រោងទី២៖ ប្រសិទ្ធភាពនៃការគ្រប់គ្រងទឹកជំនន់ និងភាពរាំងស្ងួត ដើម្បីធានានូវសន្តិសុខទឹកក្នុងតំបន់ដីសណ្តរមេគង្គ គម្រោងទី៣៖ ការអនុវត្តកសិកម្មប្រកបដោយភាពធន់នឹងអាកាសធាតុ៖ ការពង្រឹងការបន្ស៊ាំក្នុងវិស័យកសិកម្មក្នុងអាងទន្លេមេគង្គភាគខាង ក្រោម និងគម្រោងទី៤៖ ការធ្វើឲ្យប្រសើរឡើងនូវអភិបាលកិច្ច និងការគ្រប់គ្រងទឹកឆ្លងដែន ដោយគិតពីការរួមបញ្ចូលគ្នានូវការគ្រប់គ្រងអាងស្តុកទឹក និងអាងស្តុកទឹកទំនប់វារីអគ្គិសនី ទៅក្នុងយុទ្ធសាស្ត្របន្ស៊ាំនឹងការប្រែប្រួលអាកាសធាតុ ក្នុងតំបន់ផ្ទៃរងទឹកភ្លៀង 3S៕

សកម្មភាពចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ

2020-08-31T14:11:19+00:00

ខេត្តសៀមរាប: នាថ្ងៃចន្ទ ៦ កើត ដល់ថ្ងៃពុធ ៨ កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៤ ដល់ថ្ងៃទី ២៦ ខែសីហា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមនឹងក្រុមការងារមន្ត្រីបច្ចេកទេស បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជាមួយមន្ត្រីស្ថានប័នជំនាញពាក់ព័ន្ធថ្នាក់ក្រោមជាតិ និងអង្គការក្រៅរដ្ឋាភិបាល ក្នុងដំណាក់កាលទី១ ដើម្បីធ្វើបច្ចុប្បន្នភាពទិន្នន័យសហគមន៍នេសាទ និងដំណើរការនៃការគ្រប់គ្រង ក្នុងខេត្តសៀមរាប ។

ឯកឧត្តមសាស្ត្រាចារ្យ លឹម ពុយ ដឹកនាំកិច្ចប្រជុំជាមួយអង្គការ IUCN ,CI និងអង្គការ FACT

2020-08-29T13:36:52+00:00

នាព្រឹក ថ្ងៃ សុក្រ ១០ កើត ខែ ភទ្របទ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ២៨ ខែ សីហា ឆ្នាំ ២០២០ ឯកឧត្តម សាស្ត្រាចារ្យ លឹម ពុយ អនុប្រធានអាជ្ញាធរទន្លេសាប អមដោយអគ្គលេខាធិការ និងប្រធាននាយកដ្ឋានជំនាញ បានជួបប្រជុំជាមួយអង្គការសហភាពអន្តរជាតិដើម្បីការអភិរក្សធម្មជាតិ (IUCN) អង្គការអភិរក្សអន្តរជាតិ (CI) និងអង្គការសម្ព័ន្ធភាពដើម្បីអភិរក្សធនធានជលផល (FACT)។ ជំនួបប្រជុំនេះដើម្បីពង្រឹងកិច្ចសហប្រតិបត្តិការជាមួយអង្គការអន្តរជាតិ-អង្គការជាតិលើកិច្ចការគ្រប់គ្រងធនធានធម្មជាតិនៅតំបន់បឹងទន្លេសាបឲ្យកាន់តែមានប្រសិទ្ធភាពថែមទៀត ដោយផ្តោតជាពិសេសលើ ការការពារភ្លើងឆេះព្រៃ ការស្តារព្រៃលិចទឹកឡើងវិញ និងស្ថានភាពទូទៅនៃការគ្រប់គ្រងផ្ទៃបឹងទន្លេសាប និងតំបន់ទំនាបលិចទឹកនៅជុំវិញបឹងទន្លេសាប ។ សូមបញ្ជាក់ថា អង្គការ IUCN, CI និង FACT បាន និងកំពុងរួមគ្នារៀបចំសំណើគម្រោងមូលនិធីពីសហភាពអឺរ៉ុបក្នុងគោលបំណងដើម្បីពង្រឹងប្រសិទ្ធភាពការគ្រប់គ្រងធនធានធម្មជាតិតំបន់បឹងទន្លេសាប ។

ឯកឧត្តមសាស្ត្រាចារ្យ លឹម ពុយ ដឹកនាំកិច្ចប្រជុំជាមួយអង្គការ IUCN ,CI និងអង្គការ FACT

2020-08-29T13:36:52+00:00

សកម្មភាពចូលរួមកិច្ចប្រជុំពី យេនឌ័រថ្នាក់ជាតិសម្រាប់លើកទិសដៅបន្តឆ្នាំ ២០២១

2020-08-29T13:28:01+00:00

នៅ ថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៧ ខែសីហា ឆ្នាំ២០២០ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ នៃអាជ្ញាធរទន្លេសាប បានចូលរួមជាមួយក្រុមការងារយេនឌ័រក្រសួងធនធានទឹក និងឧតុនិយម នៅខេត្តកំពង់ធំ។ កិច្ចប្រជុំនេះ មានគោលបំណង ៖
១- បរិយាប័ន ដែលឆ្លើយតបនឹងSDG អនុសាសន៍របស់ប្រមុខរាជរដ្ឋាភិបាល និងCEDAW CSDG & COB 57 ចំណុច និងGMSP WRS ឆ្នាំ២០១៩-២០២៣ និងគម្រោងADB
២- ពិភាក្សាពីវឌ្ឍនភាព បញ្ហាប្រឈម ទិសដៅឆ្នាំ ២០២១ និងអនុវត្តសកម្មភាពការងារពាក់ព័ន្ធនឹងយេនឌ័រក្នុងវិស័យធនធានទឹកតាមអង្គភាពជំនាញ និងមន្ទីរធនធានទឹក និងឧតុនិយមរាជធានី ខេត្ត ដែលឆ្លើយតបនឹង GMSP in WRS ឆ្នាំ២០១៩-២០២៣
៣- ចុះទស្សនកិច្ចសិក្សា និងពិភាក្សាពីតួនាទី និងបញ្ហាយេនឌ័រពាក់ព័ន្ធនឹងបទពិសោធន៍ និងបញ្ហាប្រឈមនៃការងារយេនឌ័រនៅក្នុង សហគមន៍កសិករប្រើប្រាស់ទឹកប្រព័ន្ធធារាសាស្ត្រស្ទឹងជីនិត ៕

កិច្ចប្រជុំក្រុមការងារថ្នាក់ជាតិ ស្តីពី ការគ្រប់គ្រងគ្រោះទឹកជំនន់ និងរាំងស្ងួត នៅតំបន់ព្រំដែនកម្ពុជា-ថៃ

2020-08-29T11:24:42+00:00

ខេត្តកំពង់ធំ ៖ ថ្ងៃសុក្រ ១០ កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៨ ខែសីហា ឆ្នាំ២០២០ នាខេត្តកំពង់ធំ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចូលរួមកិច្ចប្រជុំក្រុមការងារថ្នាក់ជាតិ ស្តីពី ការគ្រប់គ្រងគ្រោះទឹកជំនន់ និងរាំងស្ងួត នៅតំបន់ព្រំដែនកម្ពុជា-ថៃ ដែលជាផ្នែកមួយនៃអនុតំបន់ 9C និង 9T ដែលរៀបចំដោយគណៈកម្មការជាតិទន្លេមេគង្គកម្ពុជា និងមានការអញ្ជើញចូលរួមពី ជំនាញការជាតិ និងមន្ត្រីនៃក្រសួងស្ថាប័នពាក់ពន្ធនានា ក្រោមអធិបតីភាព ឯកឧត្តម សូ សុភ័ទ្ទ អគ្គលេខាធិការ គណៈកម្មាធិការជាតិទន្លេមេគង្គកម្ពុជា។ កិច្ចប្រជុំបានពិភក្សា និងពិនិត្យ លើ របាយការណ៍បឋមរបស់ក្រុមការងារថ្នាក់ជាតិ និងផ្តល់មតិធាតុចូល ទស្សនទាននៃគំនិតអភិវឌ្ឍន៍នានា ដើម្បីដាក់ជូនអង្គប្រជុំ (Video Conference) របស់គណៈកម្មការទន្លេមេគង្គ (MRC) ដែលនឹងប្រព្រឹត្តទៅនាថ្ងៃទី ៤ ខែកញ្ញា ឆ្នាំ២០២០ នាពេលខាងមុខ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-08-15T11:55:12+00:00

ខេត្តពោធិ៍សាត់ ៖ ថ្ងៃ ពុធ ០៨ រោច ដល់ថ្ងៃ សុក្រ ១០ រោច ខែ ស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១២ ដល់ថ្ងៃទី ១៤ ខែ សីហា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំកំពង់លួង ឃុំក្បាលត្រាច ឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រីទៅតាមលក្ខណៈវិទ្យាសាស្ត្រ ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

សិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹក ជំហាន១

2020-08-12T16:45:20+00:00

ខេត្តពោធិ៍សាត់ៈ ថ្ងៃចន្ទ ៦ រោច ដល់ថ្ងៃពុធ ៨ រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១០ ដល់ថ្ងៃទី ១២ ខែសីហា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹកនៅតំបន់បឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំរាំងទិល និងឃុំកញ្ជរ ស្រុកកណ្តៀង ខេត្តពោធិ៍សាត់ ។
គោលបំណងនៃការសិក្សានេះ ដើម្បីធ្វើបច្ចុប្បន្នភាពប្រជាសាស្ត្រ ទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក/លិចទឹក
ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា។

សកម្មភាពសិក្សានៃការប្រែប្រួលគម្របដីជុំវិញបឹងទន្លេសាប

2020-08-06T11:31:43+00:00

នាថ្ងៃច័ន្ទ ១៤កើត ដល់ថ្ងៃ ពុធ ០១រោច ខែស្រាពណ៍ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៣ ដល់ ០៥ ខែសីហា ឆ្នាំ ២០២០ ក្រុមការងារមន្ត្រីបច្ចេកទេសដឹកនាំដោយ លោក លឹម វុទ្ធី អនុប្រធាននាយកដ្ឋានត្រួតពិនិត្យកាធ្វើអាជីវកម្ម និងអភិរក្ស បានបន្តចុះអនុវត្តគម្រោងសកម្មភាពដំណាក់កាលទី ៣ ឆ្នាំ ២០២០ លើការសិក្សាស្រាវជ្រាវស្តីអំពី ការវាយតម្លៃនៃការប្រែប្រួលគម្របដី និងស្វែងយល់អំពីមូលហេតុដែលបណ្តាលឲ្យមានបម្រែបម្រួលគម្របដីក្នុងតំបន់វាលទំនាបលិចទឹកជុំវិញបឹងទន្លេសាប និងដើម្បីរៀបចំធ្វើផែនទីគម្របដី ។ ការសិក្សាលើកនេះស្ថិតនៅស្រុកបាកានខេត្តពោធិ៍សាត់ និងស្រុកមោងឬស្សី ស្រុកសង្កែ ខេត្តបាត់ដំបងដោយចុះសិក្សាជាក់ស្តែងអំពី៖
- ការប្រើប្រាស់ដីជាក់ស្តែង
- សិក្សា និងប្រមូលស្ថិតិនៃការប្រែប្រួលគម្របដី
- ស្វែងយល់អំពីមូលហេតុនៃការបម្រែបម្រួលនៃគម្របដី
- បានប្រមូលនិយាមការនៃប្រភេទគម្របដីសំខាន់ៗ សម្រាប់ជាធាតុចូលក្នុងការរៀបចំផែនទីគម្របដី។

សកម្មភាពពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន ខេត្តបាត់ដំបង

2020-08-05T09:26:47+00:00

នាថ្ងៃចន្ទ ១៤ កើត ដល់ថ្ងៃពុធ ១ រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៣-០៥ ខែសីហា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមជាមួយមន្ត្រីបច្ចេកទេស បានបន្តចុះអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន ក្នុងការតាមដាន និងចែករំលែកទិន្នន័យ ព័ត៌មានអំពីផលប៉ះពាល់ទៅលើការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងបរិស្ថានប្រកបដោយចីរភាព ក្នុងសហគមន៍នេសាទព្រែកទាល់ ស្ថិតនៅក្នុងភូមិសាស្ត្រឃុំកោះជីវាំង ស្រុកឯកភ្នំ ខេត្តបាត់ដំបង ។

គោលបំណងនៃការអនុវត្តសកម្មភាពនេះគឺដើម្បី:
- បង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ ក្នុងការចែករំលែកចំណេះដឹង ទិន្នន័យ ព័ត៌មាន ពីផលប៉ះពាល់ធនធានធម្មជាតិ និងបរិស្ថាន
- បង្កើតក្រុមបណ្ដាញទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានទាន់ហេតុការណ៍ពីផលប៉ះពាល់ដែលកើតមានឡើងនៅក្នុងតំបន់បឹងទន្លេសាប ៕

សកម្មភាពសិក្សាតាមដានធនធានជលផលកំពុងរងផលប៉ះពាល់ពីការប្រែប្រួលអាកាសធាតុ នៅតំបន់បឹងទន្លេឆ្មារ

2020-07-31T08:32:10+00:00

ខេត្តកំពង់ធំ ៖ ថ្ងៃ ពុធ ៩កើត ដល់ថ្ងៃ សុក្រ ១១កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៩ ដល់ ៣១ ខែកក្កដា ឆ្នាំ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារចុះសិក្សាតាមដានធនធានជលផលកំពុងរងផលប៉ះពាល់ ពីការប្រែប្រួលអាកាសធាតុនៅតំបន់បឹងទន្លេឆ្មារ ស្ថិតនៅក្នុងឃុំពាមបាង ស្រុកស្ទោង ខេត្តកំពង់ធំ ។
ការសិក្សានេះមានគោលបំណងសំខាន់គឺ៖
- ស្វែងយល់ពីស្ថានភាពទូទៅ និងផលប៉ះពាល់នៃបម្រែបម្រួលអាកាសធាតុ
- ប្រមូលព័ត៌មានផលចាប់ ប្រភេទ និងស្ថានភាពធនធានជលផល និងព្រៃលិចទឹក
- ដើម្បីជាធាតុចូលត្រៀមរៀបចំផែនការសកម្មភាពសម្រាប់នាយកដ្ឋានឲ្យស្របនឹងបរិបទនាពេលបច្ចុប្បន្ន និងអនាគត ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-07-29T14:21:10+00:00

ថ្ងៃ ព្រហស្បតិ៍ ០៣ កើត ដល់ថ្ងៃ សៅរ៍ ៥ កើត ខែ ស្រាពណ៍ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ២៣ ដល់ថ្ងៃទី ២៥ ខែ កក្កដា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំក្បាលត្រាច កំពង់លួង និងឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

សកម្មភាពសិក្សាពីប្រសិទ្ធភាព ការចូលរួមពីសហគមន៍នេសាទក្នុងការការគ្រប់គ្រងធនធានធម្មជាតិ ជំហាន១

2020-07-24T15:20:19+00:00

ខេត្តកំពង់ឆ្នាំង: នាថ្ងៃព្រហស្បតិ៍ ៣ កើត ដល់ថ្ងៃសៅរ៍ ៥ កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៣ ដល់ថ្ងៃទី ២៥ ខែកក្កដា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ រួមនឹងក្រុមការងារមន្ត្រីបច្ចេកទេស បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជាមួយមន្ត្រីស្ថានប័នជំនាញពាក់ព័ន្ធថ្នាក់ក្រោមជាតិ និងអង្គការក្រៅរដ្ឋាភិបាល ក្នុងដំណាក់កាលទី១ ដើម្បីធ្វើបច្ចុប្បន្នភាពទិន្នន័យសហគមន៍នេសាទ និងដំណើរការនៃការគ្រប់គ្រង ក្នុងខេត្តកំពង់ឆ្នាំង ។

ឯកឧត្ដម ម៉ៅ ហាក់ ចុះពិនិត្យ និងវាយតម្លៃ វឌ្ឍនភាពការងារការពារច្រាំងទន្លេបាសាក់

2020-07-23T06:45:50+00:00

សៀលថ្ងៃពុធ ២កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២២ ខែកក្កដា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប លោក អ៊ុក វណ្ណា ប្រធានមន្ទីរធនធានទឹក និងឧតុនិយមខេត្តកណ្តាល និងក្រុមការងារនាយកដ្ឋានជលសាស្ត្រ និងការងារទន្លេ ។អានត...

ឯកឧត្តមសាស្ត្រាចារ្យ លឹម ពុយ អនុប្រធាន អទស សិក្សាលើធនធានខ្សាច់តាមបណ្តោយស្ទឹងពោធិ៍សាត់

2020-07-20T16:02:55+00:00

ថ្ងៃចន្ទ ១រោច និងថ្ងៃអង្គារ ២រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងទី០៦ និង ០៧ ខែកក្កដា ឆ្នាំ២០២០ ឯកឧត្តម លឹម ពុយ អនុប្រធានអាជ្ញាធរទន្លេសាប និងក្រុមការងារធនធានរ៉ែ នៃនាយកដ្ឋានធនធានធម្មជាតិ ចុះសិក្សាស្រាវជ្រាវលើធនធានរ៉ែខ្សាច់តាមបណ្តោយស្ទឹងពោធិ៍សាត់ លើប្រវែងប្រមាណ 200 Km ។
ការចុះសិក្សាស្រាវជ្រាវនេះ ផ្តោតលើតំបន់ខ្ពង់រាប នៃស្ទឹងពោធិ៍សាត់ រហូតដល់តំបន់ទំនាប នៃបឹងទន្លេសាប ដែលមានគោលបំណងដូចខាងក្រោម៖
១. ប្រមូលទិន្នន័យ និងពត៌មានស្តីពីអាជីវកម្មខ្សាច់តាមដងស្ទឹងពោធិ៍សាត់
២. ស្រង់ទីតាំងដែលមានការដុះខ្សាច់តាមដងស្ទឹងដោយយោងលើភាពបត់បែននៃស្ទឹង
៣. វាយតម្លៃជាបឋមនូវបរិមាណខ្សាច់តាមទីតាំងសំខាន់ៗដែលមានការដុះខ្សាច់
៤. សិក្សាលើគុណភាពខ្សាច់ដោយធ្វើការវិភាគលើសំណាកដែលស្រង់លើទីតាំងមួយចំនួន

ឯកឧត្តម ហ៊ែល តូនី អនុប្រធាន អទស សម្របសម្រួលដឹកនាំកិច្ចប្រជុំពិគ្រោះយោបល់លើទស្សនទាននៃដំណើរការរៀបចំផែនការប្រតិបត្តិប្រាស្រ័យទាក់ទង ២០២១-២០២៣

2020-07-11T06:40:48+00:00

រាជធានីភ្នំពេញៈ ក្នុងស្មារតីយកចិត្តទុកដាក់បន្តពង្រឹងការងារទទួលខុសត្រូវរបស់អាជ្ញាធរទន្លេសាប ឲ្យបានកាន់តែមានប្រសិទ្ធភាព ក្នុងដំណាក់កាលបដិវត្តឧស្សាហកម្ម 4.0 អាស្រ័យតាមប្រព័ន្ធបច្ចេកវិទ្យាព័ត៌មាន ឌីជីថល (Digital Information Technology System) រួមជាមួយការគាំទ្រដល់ដំណើរការបច្ចុប្បន្នភាពនៃការកសាងនិងអនុវត្តផែនការយុទ្ធសាស្ត្រ ៥ ឆ្នាំ ២០២១-២០២៥ ឲ្យទទួលបានជោគជ័យ ។ នាព្រឹកថ្ងៃទី១០ ខែកក្កដា ឆ្នាំ ២០២០ នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំប្រជុំពិគ្រោះយោបល់លើគំនិតផ្តួចផ្តើមទស្សនទាននៃដំណើរការរៀបចំផែនការប្រតិបត្តិប្រាស្រ័យទាក់ទង ២០២១-២០២៣ ក្រោមការដឹកនាំសម្របសម្រួលដោយ ឯកឧត្តម ហ៊ែល តូនី អនុប្រធានអាជ្ញាធរទន្លេសាប ទទួលជួយលើការងារផែនការ និងគោលនយោបាយ តំណាងដ៏ខ្ពង់ខ្ពស់របស់ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ដោយមានកចូលរួមពីឯកឧត្តម អស់លោក-លោកស្រី ដែលជាអនុប្រធាន អទស អគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីបច្ចេកទេសក្រោមឱវាទអាជ្ញាធរទន្លេសាប ។
គោលបំណងសំខាន់នៃកិច្ចប្រជុំ រួមមាន ៖
⁃ ពិភាក្សាឯកភាពលើដំណើរការកសាង និងយន្តការនៃការរៀបចំកសាងផែនការ
⁃ ពិភាក្សាលើ គោលបំណង ទស្សនវិស័យ និងបេសកកម្ម មុននឹងឈានទៅកសាងរៀបចំផែនការ
⁃ ពិនិត្យលើដំណើរការកសាងតាមជំហាននីមួយៗ
⁃ ពិភាក្សាជម្រើសលើទម្រង់នៃការកសាងផែនការ តើវាគួរជាផែនការយុទ្ធសាស្ត្រប្រាស្រ័យទាក់ទង ឬ ផែនការប្រតិបត្តិប្រាស្រ័យទាក់ទង (The Strategic Communication Plan or The Operational Communication Plan)។ឭ

កិច្ចប្រជុំគណៈកម្មការអន្តរក្រសួង ឆ្លងសេចក្តីព្រាងបឋម "ផែនការមេ សម្រាប់ការអភិវឌ្ឍវិស័យទេសចរណ៍ខេត្តសៀមរាបឆ្នាំ២០២០-២០៣៥"

2020-07-09T10:31:59+00:00

នាថ្ងៃពុធ ០៣រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ ខេត្តសៀមរាប ឯកឧត្តម សរ គឹមសាន្ត អគ្គលេខាធិការរង អាជ្ញាធរទន្លេសាប បានអញ្ជើញចូលរួមកិច្ចប្រជុំគណៈកម្មការអន្តរក្រសួង ឆ្លងសេចក្តីព្រាងបឋម "ផែនការមេ សម្រាប់ការអភិវឌ្ឍវិស័យទេសចរណ៍ខេត្តសៀមរាបឆ្នាំ២០២០-២០៣៥" ។ កិច្ចប្រជុំដើម្បីសិក្សារៀបចំផែនការមេ សម្រាប់ការអភិវឌ្ឍវិស័យទេសចរណ៍ នៅខេត្តសៀមរាប ។

សកម្មភាពចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកនៅតំបន់បឹងទន្លេសាប

2020-07-04T13:35:07+00:00

ខេត្តពោធិសាត់ៈ ថ្ងៃព្រហស្បត៍ ១២ កើត ដល់ថ្ងៃសៅរ៍ ១៤ កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០២ ដល់ថ្ងៃទី ០៤ ខែកក្កដា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានបន្តចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ភូមិបណ្តែតទឹកនៅតំបន់បឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំអន្សាចំបក់ ក្បាលត្រាច និងឃុំស្នាអន្សា ស្រុកក្រគរ ខេត្តពោធិ៍សាត់។
គោលបំណងនៃការសិក្សានេះ ដើម្បីធ្វើបច្ចុប្បន្នភាពប្រជាសាស្ត្រ ទីតាំងតំបន់ភូមិចំនួនផ្ទះភូមិបណ្តែតទឹក/លិចទឹកប្រភេទ លំនៅឋាន ភូមិបណ្តែតទឹកក្នុងតំបន់គោលដៅសិក្សា។

ឯកឧត្តមសាស្ត្រាចារ្យ លឹម ពុយ ចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប

2020-06-30T15:00:01+00:00

ចាប់ពីថ្ងៃសៅរ៍ ៧ កើត ដល់ថ្ងៃ អង្គារ ១០ កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ដល់ទី៣០ ខែមិថុនា ឆ្នាំ២០២០ ក្រុមការងារបច្ចេកទេសដឹកនាំដោយលោកសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ទទួលបន្ទុកការងារបច្ចេកទេស បានចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប។
ការចុះពិនិត្យនេះមានគោលបំណងធំៗរួមមាន៖
១/ ហោះហើរតាមរយៈយន្តហោះខ្នាតតូច MOWRAM FLY នៅតំបន់ ៣ ជុំវិញបឹងទន្លេសាប ដើម្បីពិនិត្យមើលស្ថានភាពជាក់ស្តែងពេលដែលកម្ពស់ទឹកនៃបឹងទន្លេសាបមានប្រមាណតែ០.៥០ ម៉ែត្រ នៅចុងខែមិថុនា ឆ្នាំ២០២០ នេះ
២/ ស្រង់ទិន្នន័យលើភាពសម្បូរ លើជីវសាស្ត្រលើប្រភេទត្រីប្រមាណ ៦០ ប្រភេទ ព្រមទាំងលើផលចាប់តាមឧបករណ៍នេសាទ នៃធនធានត្រីនៅតំបន់ឆ្នុកទ្រូ តំបន់ផាត់សណ្តាយ តំបន់កំពង់លួង តំបន់កោះក្អែក និងតំបន់បឹងទន្លេឆ្មារ
៣/ ការតាមដាន លើគុណភាពទឹកនៅបឹងទន្លេសាប និងភូមិបណ្តែតទឹក
៤/ ការកកស្ទះ នៃវារីរុក្ខជាតិដូចជាកំប្លោកនៅតាមផ្នែកខាងក្រោមនៃបឹងទន្លេសាប និងដើមឈើព្រៃលិចទឹក ។

សកម្មភាពចុះពិនិត្យស្ថានភាពទូទៅបឹងទន្លេសាបនិងរបបជលសាស្ត្រមានការប្រែប្រួល

2020-06-27T15:18:22+00:00

ខេត្តសៀមរាប-បាត់ដំបង ៖ ដោយទទួលបានការឯកភាពដ៏ខ្ពង់ខ្ពស់ពីឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នៅថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០២០ ឯកឧត្តម ស៊ិន វិសិទ្ធ អគ្គលេខាធិការ អមដោយលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងមន្ត្រីបច្ចេកទេស បានចុះពិនិត្យស្ថានភាពទូទៅនៃបឹងទន្លេសាបចំពេលដែលស្ថានភាពរបបជលសាស្ត្រមានការប្រែប្រួលខ្លាំង និងពិនិត្យស្ថានភាពទូទៅមុនរបបទឹកហូរចូលបឹងទន្លេសាប ។ ការសិក្សានេះក្រុមការងារបានប្រើប្រាស់ទិន្នន័យរបបជលសាស្ត្ររបស់ក្រសួងធនធានទឹក និងឧតុនិយម ទិន្នន័យតាមដានពីប្រព័ន្ធផ្ការណប ការប្រើប្រាស់យន្តហោះខ្នាតតូច (MOWRAM FLY) និងការចុះអង្កេតផ្ទាល់នៅចំណុចសំខាន់ៗនៃខេត្តជុំវិញបឹងទន្លេសាបដោយផ្តោតសំខាន់លើ ៖ ផលប៉ះពាល់នៃបម្រែបម្រួលរបបជលសាស្ត្រ លើគុណភាពទឹក បរិមាណផលនេសាទ ព្រៃលិចទឹក និងសេដ្ឋកិច្ចសង្គម ។

សកម្មភាពចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ នៃតំបន់ឋបនីយមណ្ឌលបឹងទន្លេសាប

2020-06-27T15:03:45+00:00

ខេត្តបាត់ដំបង ៖ ថ្ងៃព្រហស្បតិ៍ ៥កើត ដល់ថ្ងៃសៅរ៍ ៧កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៥ ដល់ថ្ងៃទី ២៧ ខែមិថុនា ឆ្នាំ២០២០ មន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក លឹម ហេង អនុប្រធាននាយកដ្ឋាន បានបន្តចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់
នៃតំបន់ឋបនីយមណ្ឌលបឹងទន្លេសាប
សិ្ថតនៅក្នុងភូមិសាស្ត្រ ឃុំតាពូង ស្រុកថ្មគោល ខេត្តបាត់ដំបង។ ការសិក្សានេះ មានគោលបំណង ដើម្បីធ្វើបច្ចុប្បន្នភាព ប្រជាសាស្ត្រ និងស្ថានភាពជីវភាពរស់នៅប្រចាំថ្ងៃរបស់ប្រជាពលរដ្ឋលើការប្រើប្រាស់ធនធានធម្មជាតិ បរិស្ថាន និងបញ្ហាប្រឈមនានាលើជីវភាពរស់នៅរបស់ពួកគាត់ ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-06-27T14:53:04+00:00

ថ្ងៃ ពុធ ០៤ កើត ដល់ថ្ងៃ សុក្រ ៦ កើត ខែ អាសាឍ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ២៤ ដល់ថ្ងៃទី ២៦ ខែ មិថុនា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំក្បាលត្រាច កំពង់លួង និងឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

ឯកឧត្ដម ម៉ៅ ហាក់ ចុះពិនិត្យវាយតម្លៃ បញ្ចប់សុពលភាព គម្រោងការពារច្រាំងទន្លេបណ្តោះអាសន្ន

2020-06-27T08:59:13+00:00

ព្រឹកថ្ងៃសុក្រ ៦កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវថ្ងៃទី២៦ ខែមិថុនា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និង គណកម្មាធិការលទ្ធកម្ម (គល) និង (អល) និងតំណាង ក្រសួងសេដ្ឋកិច្ច និងហិរញ្ញវត្ថុ ព្រមទាំងលោក ស៊ុយ សុវណ្ណ អនុប្រធាននាយកដ្ឋានជលសាស្ត្រ និងការងារទន្លេ និងក្រុមការងារបច្ចេកទេសក្រុមការងារនាយកដ្ឋានជលសាស្ត្រ និងការងារទន្លេ និងលោក អ៊ុក វណ្ណា ប្រធានមន្ទីរធនធានទឹក និងឧតុនិយមខេត្តកណ្តាល បានចុះពិនិត្យវាយតម្លៃ បញ្ចប់សុពលភាព គម្រោងការពារច្រាំងទន្លេបណ្តោះអាសន្ន និងបន្ទាន់ ប្រវែង ១០០ម៉ែត្រ នៅតំបន់បង្គោលព្រំដែនលេខ 245/4(1) អានត...

សកម្មភាពសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ

2020-06-27T06:17:58+00:00

ខេត្តពោធិ៍សាត់ ថ្ងៃពុធ ៤ កើត ដល់ថ្ងៃសុក្រ ៦ កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៤ ដល់ថ្ងៃទី ២៦ ខែមិថុនា ឆ្នាំ២០២០:
លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជាមួយមន្ត្រីស្ថាប័នជំនាញពាក់ព័ន្ធថ្នាក់ក្រោមជាតិ និងអង្គការក្រៅរដ្ឋាភិបាល ក្នុងដំណាក់កាលទី១ ដើម្បីធ្វើបច្ចុប្បន្នភាពទិន្នន័យព័ត៌មាន និងដំណើរការការគ្រប់គ្រង របស់សហគមន៍នេសាទ។

កិច្ចប្រជុំពិភាក្សាពិគ្រោះយោបល់ពីដំណើរការបច្ចុប្បន្នភាពនៃការរៀបចំផែនការយុទ្ធសាស្ត្រ សម្រាប់អាជ្ញាធរទន្លេសាប ២០២១-២០២៥

2020-06-17T14:14:39+00:00

ក្នុងស្មារតីបន្តពង្រឹងតួនាទីភារកិច្ច និងការទទួលខុសត្រូវស្នូលរបស់អាជ្ញាធរទន្លេសាប ក៏ដូចជាការចូលរួមលើកកម្ពស់ដល់ប្រសិទ្ធភាពនៃការអនុវត្តគោលនយោបាយរបស់រាជរដ្ឋាភិបាលកម្ពុជា នាព្រឹកថ្ងៃទី ១៧ ខែមិថុនា ឆ្នាំ ២០២០ នៅអគ្គលេខាធិការដ្ឋាន អាជ្ញាធរទន្លេសាប បានដំណើរការរៀបចំកិច្ចប្រជុំពិភាក្សាពិគ្រោះយោបល់ អំពីដំណើរការបច្ចុប្បន្នភាពនៃការរៀបចំផែនការយុទ្ធសាស្ត្រ សម្រាប់អាជ្ញាធរទន្លេសាប ២០២១-២០២៥ ក្រោមការដឹកនាំសម្របសម្រួលដោយ ឯកឧត្តម ហ៊ែល តូនី អនុប្រធានអាជ្ញាធរទន្លេសាប ទទួលបន្ទុកកិច្ចការផែនការ និងគោលនយោបាយ តំណាងដ៏ខ្ពង់ខ្ពស់របស់ឯកឧត្តមប្រធានអាជ្ញាធរទន្លេសាប ដោយមានការចូលរួម
ពីថ្នាក់ដឹកនាំជាអនុប្រធានទទួលបន្ទុកកិច្ចការបច្ចេកទេស អនុប្រធានទទួលបន្ទុកកិច្ចការរដ្ឋបាល-សហប្រតិបត្តិការ ប្រធាន-អនុប្រធាននាយកដ្ឋាន និងមន្ត្រីជំនាញថ្នាក់ការិយាល័យក្រោមឱវាទអាជ្ញាធរទន្លេសាប រួមជាមួយមន្ត្រីជំនាញផែនការរបស់ក្រសួងធនធានទឹក និងឧតុនិយម និងគណៈកម្មាធិការជាតិទន្លេមេគង្គកម្ពុជា។
ផ្អែកលើទស្សនវិស័យយូអង្វែង ត្រូវបានកំណត់ក្នុងផែនការយុទ្ធសាស្ត្រ របស់អាជ្ញាធរទន្លេសាប ២០១៦-២០២០ “អាជ្ញាធរទន្លេសាប ក្លាយជាស្ថាប័ន ឬអង្គភាពគំរូមួយក្នុងការចែករំលែកផ្សព្វផ្សាយ និងសម្របសម្រួលប្រកបដោយប្រសិទ្ធភាពលើការគ្រប់គ្រង អភិរក្ស និងអភិវឌ្ឍតំបន់ទន្លេសាបឲ្យប្រកបដោយចីរភាព” ដែលជាត្រីវិស័យដ៏មានសារៈប្រយោជន៍ សម្រាប់មន្ត្រីថ្នាក់ដឹកនាំ និងមន្ត្រីក្រោមឱវាទអាជ្ញាធរទន្លេសាប ទទួលបានពុទ្ធិ និងយកទៅប្រើប្រាស់ក្នុងសកម្មភាពអាទិភាពផ្សេងៗ ។ កិច្ចប្រជុំពិភាក្សាពិគ្រោះយោបល់ខាងលើនេះ បានយកចិត្តទុកដាក់ពិចារណា និងបន្តនូវការវិភាគលើចំនុចខ្លាំង ចំនុចខ្សោយ កាលានុវត្តភាព និងភាពគម្រាមកំហែង (SWOT) ចំពោះស្ថានភាពបច្ចុប្បន្នទៅលើ ៤ ចំនុច ដូចជា ៖ (១). ដំណើរការសកម្មភាពការងារផ្ទៃក្នុងអាជ្ញាធរទន្លេសាប, (២). ដំណើរការសកម្មភាពកិច្ចសហប្រតិបត្តិការ, (៣). ដំណើរការផ្សារភ្ជាប់បឹងទន្លេសាប, តំបន់ទីជម្រាល, និងតំបន់មេគង្គ, (៤). បទពិសោធន៍នៃការអនុវត្តផែនការយុទ្ធសាស្ត្រ ២០១៦-២០២០ ។

ជារួមលទ្ធផលនៃកិច្ចប្រជុំពិភាក្សានេះ បានឆ្លុះបញ្ចាំងនូវចំនុចសំខាន់ៗជាច្រើន ដែលបានផ្តល់ជាគំនិតយោបល់ និងអនុសាសន៍ពីមន្ត្រីថ្នាក់ដឹកនាំ និងមន្ត្រីជំនាញផែនការ ដែលជាកត្តាលីករ ឬធាតុចូលដ៏មានសារៈសំខាន់ ដើម្បីឲ្យលេខាធិការដ្ឋានផែនការ យកទៅពិចារណា រៀបចំ និងកែសម្រួលខ្លឹមសារផែនការយុទ្ធសាស្ត្រ របស់អាជ្ញាធរទន្លេសាប ២០១៦-២០២០ ឲ្យបានកាន់តែប្រសើរឡើង សម្រាប់ដាក់ជូនអង្គប្រជុំពិភាក្សានៅជំហានបន្ទាប់ ។

ឯកឧត្តមសាស្ត្រាចារ្យ លឹម ពុយ ដឹកនាំកិច្ចប្រជុំពីការសិក្សារបបជលសាស្ត្រនឹងធនធានទឹកបឹងទន្លេសាប

2020-06-17T06:01:58+00:00

ថ្ងៃ ចន្ទ ១០ រោច ខែ ជេស្ឋ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ១៥ ខែ មិថុនា ឆ្នាំ ២០២០ នៅអគ្គលេខាធិការដ្ឋានអាជ្ញាធរទន្លេសាប ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំសម្របសម្រួលកិច្ចពីការសិក្សារបបជលសាស្ត្រដែលទាក់ទងនឹងធនធានទឹកបឹងទន្លេសាប ។ កិច្ចប្រជុំបានពិភាក្សាផ្តោតសំខាន់លើ៖
១. សេចក្តីសង្ខេបលើលំហូរទឹកចូលបឹងទន្លេសាប
២. ការប្រមូលផ្តុំទិន្នន័យរបបជលសាស្ត្រតាមដងស្ទឹងជុំវិញបឹងទន្លេសាប និងទន្លេមេគង្គ
៣. ការវិភាគបឋមលើធនធានទឹកនៃស្ទឹង ទន្លេ បឹង តាមរដូវកាល និងតាមទិន្នន័យជលសាស្ត្រដែលមានស្រាប់តាំងពីឆ្នាំ ១៩៦០ រហូតដល់បច្ចុប្បន្ន
៤. ពិភាក្សាពីជំហានបន្ទាប់នៃការសិក្សា ។

វគ្គបណ្តុះបណ្តាលស្តីពីការប្រើប្រាស់កម្មវិធី WordPress

2020-06-12T09:46:18+00:00

នាព្រឹកថ្ងៃព្រហស្បតិ៍ ៦រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១១ ខែមិថុនា ឆ្នាំ ២០២០ នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប មានការរៀបចំបើកវគ្គបណ្តុះបណ្តាលស្តីពីការប្រើប្រាស់កម្មវិធី WordPress ក្នុងការគ្រប់គ្រងគេហទំព័រ ដែលបានអញ្ជើញចូលរួមជាអធិបតីភាពក្នុងពិធីបើកវគ្គបណ្តុះបណ្តាលដោយឯកឧត្តម សរ គឹមសាន្ត អគ្គលេខាធិការរង ដែលមានសិក្ខាកាមចូលរួមចំនួន ៧នាក់ ។ វគ្គបណ្តុះបណ្តាលនេះមានរយៈពេល ២ថ្ងៃ ពីព្រហស្បតិ៍ ៦រោច ដល់ថ្ងៃ សុក្រ ៧ រោចខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១១ ដល់ ១២ ខែមិថុនា ឆ្នាំ ២០២០ដោយមានការសហការរៀបចំដោយនាយកដ្ឋានរដ្ឋបាល ផែនការ និងសហប្រតិបត្តិការ ។ គោលបំណងសំខាន់ៗនៃវគ្គបណ្តុះបណ្តាល ដើម្បី ៖

១. បង្កើនសមត្ថភាពមន្ត្រីបច្ចេកទេសក្នុងការគ្រងគ្រង ថែរក្សា កែលម្អ គេហទំព័រ ឲ្យមានភាពប្រសើរឡើង
២. បង្កើនប្រសិទ្ធិភាពលើការគ្រងគ្រងទិន្នន័យ គេហទំព័រ ដោយការប្រើប្រាស់កម្មវិធី WordPress
៣. បង្កើនប្រសិទ្ធភាព គុណភាព និងភាពទាក់ទាញ ដើម្បីទទួលការចាប់អារម្មណ៍ពីអ្នកចូលទស្សនាគេហទំព័រ លើការផ្សព្វផ្សាយសកម្មភាពសម្របសម្រួល និងសិក្សាស្រាវជ្រាវរបស់អាជ្ញាធរទន្លេសាប ។
ជាកិច្ចបញ្ចប់វគ្គបណ្តុះបណ្តាល សិក្ខាកាម នឹងទទួលបាននូវ៖
ជាកិច្ចបញ្ចប់វគ្គបណ្តុះបណ្តាល សិក្ខាកាម នឹងទទួលបាននូវ៖
-ទទួលបានចំណេះដឹងពីបៀប Install និងប្រើប្រាស់ WordPress ទាំងក្នុង Local និងនៅលើ Server
-ទទួលបានការយល់ដឹងពីការប្រើ Cpanel របស់ Server
-សិក្ខាកាមបាន អនុវត្ត ក្នុងការបង្កើតវេសសាយដោយខ្លួនឯង បានម្នាក់១
-យល់ដឹងក្នុងការធ្វើអោយវេបសាយរក្សាបាននៅសុវត្ថិភាព។

វគ្គបណ្តុះបណ្តាលស្តីពីការប្រើប្រាស់កម្មវិធី WordPress

2020-06-12T09:46:18+00:00

សកម្មភាពសិក្សាសេដ្ឋកិច្ចសង្គម ភូមិនបណ្តែតទឹក ជំហាន១

2020-06-07T09:58:07+00:00

ថ្ងៃព្រហស្បតិ៍ ១៤ កើត ដល់ថ្ងៃ សៅរ៍ ១ រោច ខែ ជេស្ធ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៤ ដល់ថ្ងៃទី ០៦ ខែមិថុនា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រី បានបន្តចុះសិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹកបឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំកំពង់ហៅ ពោធិ៍ និងឃុំសំរោងសែន ស្រុកកំពង់លែង និងឃុំពាមឆ្កោក ស្រុកជលគិរី ខេត្តកំពង់ឆ្នាំង ។ ការសិក្សានេះ មានគោលបំណង ដើម្បីធ្វើបច្ចុប្បន្នភាពប្រជាសាស្ត្រ ទីតាំងតំបន់ភូមិបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់បឹងទន្លេសាប។

ឯកឧត្តម ម៉ៅ ហាក់ ចុះពិនិត្យវាយតម្លៃគម្រោងការពារច្រាំងទន្លេមេគង្គខេត្តកណ្តាល

2020-06-05T14:23:56+00:00

នាព្រឹកថ្ងៃសុក្រ ១៥កើត ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៥ ខែមិថុនា ឆ្នាំ២០២០ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និង គណកម្មាធិការលទ្ធកម្ម (គល) និង (អល) និងតំណាង ក្រសួងសេដ្ឋកិច្ច និងហិរញ្ញវត្ថុ ព្រមទាំងលោក យិន សាវុធ ប្រធាននាយកដ្ឋានជលសាស្ត្រ និងការងារទន្លេ និងក្រុមការងារបច្ចេកទេស បានចុះពិនិត្យវាយតម្លៃគម្រោងការពារច្រាំងទន្លេមេគង្គ នៅតំបន់រកាកោង អានត...

សកម្មភាពសិក្សាពីសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់នៃតំបន់បឋនីយមណ្ឌលបឹងទន្លេសាប ខេត្តសៀមរាប

2020-05-29T12:50:39+00:00

ថ្ងៃពុធ ១៥ កើត ដល់ថ្ងៃសុក្រ ០២ រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៧ ដល់ថ្ងៃទី ២៩ ខែឧសភា ឆ្នាំ២០២០ មន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក លឹម ហេង អនុប្រធាននាយកដ្ឋាន បានបន្តចុះការសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ នៃតំបន់បឋនីយមណ្ឌលបឹងទន្លេសាបសិ្ថតនៅក្នុងភូមិសាស្ត្រ ឃុំសំបួរ ស្រុកក្រឡាញ់ ខេត្តសៀមរាប។ ការសិក្សានេះ មានគោលបំណង ដើម្បីធ្វើបច្ចុប្បន្នភាព ប្រជាសាស្ត្រ និងស្ថានភាពជីវភាពរស់នៅប្រចាំថ្ងៃរបស់ប្រជាពលរដ្ឋលើការប្រើប្រាស់ធនធានធម្មជាតិ បរិស្ថាន និងបញ្ហាប្រឈមនានាលើជីវភាពរស់របស់ពួកគាត់ ។

សកម្មភាពសិក្សាពីប្រសិទ្ធភាព ការចូលរួមពីសហគមន៍នេសាទក្នុងការការគ្រប់គ្រងធនធានធម្មជាតិ ជំហាន១

2020-05-29T08:20:31+00:00

នាថ្ងៃពុធ ៦ កើត ដល់ថ្ងៃសុក្រ ៨ កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៧ ដល់ថ្ងៃទី ២៩ ខែឧសភា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីបច្ចេកទេស បានបន្តចុះសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជាមួយមន្ត្រីស្ថានប័នជំនាញពាក់ព័ន្ធថ្នាក់ក្រោមជាតិ និងអង្គការក្រៅរដ្ឋាភិបាល ក្នុងដំណាក់កាលទី១ ដើម្បីធ្វើបច្ចុប្បន្នភាពទិន្នន័យសហគមន៍នេសាទ និងដំណើរការនៃការគ្រប់គ្រង ក្នុងខេត្តបាត់ដំបង ៕

សកម្មភាព ឯកឧត្តម លឹម ពុយ ចុះធ្វើបច្ចុប្បន្នប្រព័ន្ធធារាសាស្រ្ត CISIS MOWRAM នៅខេត្តកំពង់ចាម

2020-05-27T09:49:29+00:00

នៅថ្ងៃចន្ទ ៤កើត ដល់ថៃ្ងអង្គារ ៥កេីត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ដល់ថៃ្ងទី២៦ ខែឧសភា ឆ្នាំ២០២០ ឯកឧត្តម លឹម ពុយ អនុប្រធានអាជ្ញាធរទន្លេសាប និងជាទីប្រឹក្សា ក្រសួង ធនធានទឹក និងឧតុនិយម និងក្រុមការងារ អមដំណើរដោយមន្ទីរធនធានទឹក និងឧតុនិយមខេត្តកំពង់ចាម អានត...

សកម្មភាព ឯកឧត្តម លឹម ពុយ ចុះធ្វើបច្ចុប្បន្នប្រព័ន្ធធារាសាស្រ្ត CISIS MOWRAM នៅខេត្តកំពង់ចាម

2020-05-27T09:49:29+00:00

ឯកឧត្ដម ម៉ៅ ហាក់ ចុះពិនិត្យវឌ្ឍនភាពគម្រោងការងារការពារច្រាំងព្រែកអន្លង់គគី ខេត្តកំពង់ចាម

2020-05-24T15:17:52+00:00

ព្រឹកថ្ងៃអាទិត្យ ៣កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៤ ខែឧសភា ឆ្នាំ២០២០ ឯកឧត្ដម ម៉ៅ ហាក់ អនុប្រធានអាជ្ញាធរទន្លេសាប និងឯកឧត្ដម អ៊ុន ចាន់ដា អភិបាលខេត្តកំពង់ចាម លោក តាំង សុផាត អគ្គនាយករងកិច្ចការបច្ចេកទេស លោក យិន សាវុធ ប្រធាននាយកដ្ឋានជលសាស្ត្រ និងការងារទន្លេ និងលោក អ៊ុម វិបុល ប្រធានមន្ទីរ ធនធានទឹក និងឧតុនិយម ខេត្តកំពង់ចាម អានត....

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ ខេត្តសៀមរាប

2020-05-21T06:39:31+00:00

ថ្ងៃ ចន្ទ ១២ រោច ដល់ថ្ងៃពុធ ១៤ រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៨ ដល់ថ្ងៃទី ២០ ខែឧសភា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានបន្តចុះការសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ សិ្ថតនៅក្នុងភូមិសាស្ត្រ ឃុំកំពង់ភ្លុក ស្រុកប្រាសាទបាគង ខេត្តសៀមរាប ។ ការសិក្សានេះ មានគោលបំណង ដើម្បីធ្វើបច្ចុប្បន្នភាព ប្រជាសាស្ត្រ និងស្ថានភាពជីវភាពរស់នៅរបស់ប្រជាពលរដ្ឋលើការប្រើប្រាស់ធនធានធម្មជាតិបរិស្ថាននៅតំបន់ទ្រនាប់នៃតំបន់បឋនីយមណ្ឌល
បឹងទន្លេសាប និងបញ្ហាប្រឈមនានាលើជីវភាពរស់នៅប្រចាំថ្ងៃរបស់ពួកគាត់ ។

កិច្ចប្រជុំពិគ្រោះយោបល់ថ្នាក់ជាតិចុងក្រោយ ស្តីពីសេចក្តីព្រាងយុទ្ធសាស្ត្រអភិវឌ្ឍន៍អាងទន្លេមេគង្គ ២០២១-២០៣០

2020-05-18T13:56:28+00:00

ថ្ងៃចន្ទ ១២ រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៨ ខែឧសភា ឆ្នាំ២០២០ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិចុងក្រោយ ស្តីពី សេចក្តីព្រាងយុទ្ធសាស្ត្រអភិវឌ្ឍន៍អាងទន្លេមេគង្គ ២០២១-២០៣០ និងផែនការយុទ្ធសាស្ត្រ ២០២១-២០២៥ របស់គណៈកម្មាធិការទន្លេមេគង្គ ដែលរៀបចំដោយគណៈកម្មការជាតិទន្លេមេគង្គកម្ពុជា និងមានការអញ្ជើញចូលរួមពីមន្ត្រីនៃក្រសួង និងស្ថាប័នពាក់ពន្ធនានា ក្រោម អធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា។ កិច្ចប្រជុំបានពិភក្សាអំពីធាតុចូល ធាតុចេញ និងការផ្តល់នូវទស្សនទាននៃគំនិតអភិវឌ្ឍន៍នានា លើផែនការនៃការអភិវឌ្ឍន៍អាងទន្លេប្រកបដោយចីរភាព។

សកម្មភាពចុះសិក្សាតាមដានគុណភាពទឹក និងការបំពុល បរិស្ថានពីការបញ្ចេញចោលកាកសំណល់នៅ់អាងស្ទឹងសំខាន់ៗ

2020-05-18T13:43:47+00:00

ចាប់ពីថ្ងៃទី ០៧ ដល់ ០៩ ខែ ឧសភា ឆ្នាំ ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានបន្តចុះសិក្សាស្រាវជ្រាវ តាមដានគុណភាពទឹក អាងស្ទឹងសំខាន់ៗ និងការបំពុលបរិស្ថានពីការបញ្ចេញចោលកាកសំណល់នៅតាមទីប្រជុំជន សិប្បកម្ម និងឧស្សាហកម្ម នៅខេត្តកំពង់ឆ្នាំង ពោធិ៍សាត់ និងកំពង់ធំ ។
គោលបំណងសិក្សា ផ្តោតលើ៖
- គុណភាពទឹកតំបន់បឹងទន្លេសាប និងតំបន់ពាក់ព័ន្ធនៅទីប្រជុំជន (ភូមិបណ្តែតទឹក) និងផ្ទៃបឹងលើប៉ារ៉ាម៉ែត្រសំខាន់ៗ
- បំពុលបរិស្ថានពីការបញ្ចេញចោលកាកសំណល់តាមទីប្រជុំជន សិប្បកម្ម (ផលិតទឹកកក, ទឹកស្អាត (ទឹកបរិសុទ្ធ), ទូកប៉ាឡា...) និងឧស្សាហកម្ម (រោងចក្រសំលៀកបំពាក់, ចំណីអាហារ, ចំណីសត្វ, ជីកសិកម្ម, បោកកក់...) ក្នុងតំបន់ទន្លេសាប និងតំបន់ពាក់ព័ន្ធ
- វិភាគសំណាកទឹកនៅមន្ទីរពិសោធន៍នៃក្រសួងធនធានទឹកនិងឧតុនិយម ប្រើប្រាស់ឧបករណ៍ស្ទង់គុណភាពទឹកភ្លាមៗ មានដូចជា៖ (pH Meter, Oximeter, Conductivity Meter, BBE Algae, Sechhi Disk, HANNA និងEXO-II)
- បច្ចុប្បន្នភាពទិន្នន័យគុណភាពទឹកបឹងទន្លេសាប និងស្ទឹងធំៗនៅតាមតំបន់សិក្សានីមួយៗ ។

សកម្មភាពការសិក្សាវាយតម្លៃផលចាប់ធនធានត្រី ខេត្តពោធិ៍សាត់

2020-05-18T11:57:34+00:00

ថ្ងៃ ពុធ ០៧ រោច ខែ ពិសាខ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ១៣ ខែ ឧសភា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំអន្សាចំបក់ ឃុំក្បាលត្រាច និងឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

កិច្ចប្រជុំស្តីពីការធ្វើវិចារណកម្មផែនការសកម្មភាពការងារប្រចាំឆ្នាំ២០២០

2020-05-12T15:52:32+00:00

ថ្ងៃ ច័ន្ទ ៥រោច ខែ ពិសាខ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ១១ ខែ ឧសភា ឆ្នាំ ២០២០ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំផ្ទៃក្នុង ស្តីពី ការធ្វើវិចារណកម្មផែនការសកម្មភាពការងារប្រចាំឆ្នាំ២០២០ ដោយមានការចូលរួមពី ឯកឧត្តមអនុប្រធាន ឯកឧត្តមអគ្គលេខាធិការ ឯកឧត្តមទីប្រឹក្សា ឯកឧត្តមអគ្គលេខាធិការរង លោកទីប្រឹក្សា លោកប្រធាននាយកដ្ឋាន និងមន្ត្រីជំនាញពាក់ព័ន្ធ ។ កិច្ចប្រជុំផ្តោតសំខាន់លើ ផែនការសកម្មភាពប្រចាំឆ្នាំ២០២០ ឲ្យស្របតាមសារាចរណែនាំលេខ ០០៣ សហវ ចុះថ្ងៃទី ០៨ ខែ មេសា ឆ្នាំ ២០២០ របស់ក្រសួងសេដ្ឋកិច្ច និងហិរញ្ញវត្ថុ ស្តីពី ការធ្វើវិចារណកម្ម និងការពង្រឹងប្រសិទ្ធភាពចំណាយលើកទី ២ សម្រាប់អនុវត្តច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២០ ។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ភូមិបណ្តែតទឹកបឹងទន្លេសាប

2020-05-09T11:46:51+00:00

ថ្ងៃសុក្រ ២ រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៨ ខែឧសភា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានបន្តចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ភូមិបណ្តែតទឹកបឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំផ្លូវទូក ស្រុកកំពង់លែង ខេត្តកំពង់ឆ្នាំង ។ ការសិក្សានេះ មានគោលបំណង ដើម្បីធ្វើបច្ចុប្បន្នភាពប្រជាសាស្ត្រ ទីតាំងតំបន់ភូមិបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់បឹងទន្លេសាប។

ឯកឧត្តមសាស្ត្រាចារ្យ លឹម ពុយ ដឹកនាំកិច្ចប្រជុំ ពីវឌ្ឍនភាពការងារ និងទិសដៅបន្ត

2020-05-03T14:44:39+00:00

នាព្រឹកថ្ងៃ ពុធ ៨ កើត ខែ ពិសាខ ឆ្នាំ ជូត ទោស័ក ព.ស ២៥៦៣ ត្រូវនឹងថ្ងៃទី ២៩ ខែ មេសា ឆ្នាំ ២០២០ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំកិច្ចប្រជុំបច្ចេកទេសផ្ទៃក្នុងរបស់នាយកដ្ឋានធនធានធម្មជាតិ និងនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដើម្បីពិភាក្សាលើ ៖
១/ វឌ្ឍនភាពការងារ និងទិសដៅបន្ត
២/ ការតម្រង់ទិស និងវិធីសាស្ត្រនៃការចុះសិក្សាស្រាវជ្រាវលើការងារបច្ចេកទេស
៣/ ការធ្វើវិចារណកម្មលើផែនការសកម្មភាពឆ្នាំ២០២០ មួយចំនួន។

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ ខេត្តបាត់ដំបង

2020-04-09T21:14:58+00:00

ថ្ងៃចន្ទ ១៤ កើត ដល់ថ្ងៃព្រហស្បតិ៍ ០២ រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៦ ដល់ថ្ងៃទី ០៩ ខែមេសា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានចុះការសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ទ្រនាប់ (តំបន់២ និងតំបន់៣) សិ្ថតនៅក្នុងភូមិសាស្ត្រ ឃុំតាប៉ុន ស្រុកសង្កែ ខេត្តបាត់ដំបង។ ការសិក្សានេះ មានគោលបំណង ដើម្បីធ្វើបច្ចុប្បន្នភាព ប្រជាសាស្ត្រ និងការប្រកបរបរចិញ្ចឹមជីវិតរបស់ប្រជាពលរដ្ឋលើការប្រើប្រាស់ធនធានធម្មជាតិបរិស្ថាននៅតំបន់ទ្រនាប់នៃតំបន់បឋនីយមណ្ឌលបឹងទន្លេសាប និងបញ្ហាប្រឈមនានាលើជីវភាពរស់នៅប្រចាំថ្ងៃរបស់ពួកគាត់ ។

សកម្មភាពសិក្សាពីការគ្រប់គ្រងសហគមន៍នេសាទ

2020-04-04T08:58:35+00:00

ថ្ងៃអង្គារ០៨ កើត ដល់ថ្ងៃសុក្រ ខែ ចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៣១ ខែមីនា ដល់ថ្ងៃទី០៣ ខែមេសា ឆ្នាំ ២០២០ ក្រុមការងារបច្ចេកទេសនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក លឹម វុទ្ធី អនុប្រធាននាយកដ្ឋាន បានបន្តចុះអនុវត្តសកម្មភាពការងារសិក្សាស្រាវជ្រាវ ស្តីពី ដំណើរការ និងប្រសិទ្ធភាពនៃការគ្រប់គ្រងសហគមន៍នេសាទបឹងបានទី ស្ថិតនៅឃុំត្នោតជុំ ស្រុកសន្ទុក និងសហគមន៍នេសាទឡូត៍លេខ ៧ នៅឃុំបារាយណ៍ ស្រុកបារាយណ៍ ខេត្តកំពង់ធំ។
ការសិក្សាស្រាវជ្រាវនេះផ្តោតសំខាន់លើ៖
- ស្វែងយល់ពីបច្ចុប្បន្នភាពនៃដំណើរការ និងប្រសិទ្ធិភាពក្នុងការគ្រប់គ្រងរបស់សហគមន៍នេសាទក្នុងតំបន់ជុំវិញបឹងទន្លេសាប
- ស្វែងយល់ពីរចនាសម្ព័ន្ធនៃការគ្រប់គ្រងរបស់សហគមន៍នេសាទនីមួយៗ

សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិខេត្តកំពង់ឆ្នាំង

2020-04-03T21:01:39+00:00

ថ្ងៃពុធ ០៩ កើត ដល់ថ្ងៃសៅរ៍ ១២ កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០១ ដល់ថ្ងៃទី ០៤ ខែមេសា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅតំបន់ភូមិបណ្តែតទឹកបឹងទន្លេសាប ក្នុងជំហ៊ាន១ ដើម្បីធ្វើបច្ចុប្បន្នភាពភូមិបណ្តែតទឹក ស្ថិតនៅក្នុងភូមិសាស្ត្រស្រុកបរិបូណ៌ ស្រុករលាប្អៀរ ក្រុងកំពង់ឆ្នាំង ខេត្តកំពង់ឆ្នាំង ។ ការសិក្សានេះ មានគោលបំណងដើម្បីពិនិត្យផ្ទៀងផ្ទាត់បច្ចុប្បន្នភាពប្រជាសាស្ត្រ លំនៅដ្ឋាន និងទីតាំងភូមិបណ្តែតទឹក/តំបន់មានផ្ទះបណ្តែតទឹក រួមនឹងបញ្ហាប្រឈមនានា ដែលបាន នឹងកំពុងកើតមានក្នុងតំបន់បឹងទន្លេសាប ៕

សកម្មភាពការសិក្សាវាយតម្លៃផលចាប់ធនធានត្រីខេត្តពោធិ៍សាត់

2020-04-03T20:40:35+00:00

ថ្ងៃ អង្គារ ០៨ កើត ដល់ថ្ងៃ សុក្រ ១១កើត ខែ ចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៣១ ខែ មីនា ដល់ថ្ងៃទី ០៣ ខែ មេសា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប បន្តចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រី ក្នុងឃុំអន្សាចំបក់ ឃុំក្បាលត្រាច ឃុំស្នាអន្សា ស្ថិតនៅក្នុងស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រី ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

សកម្មភាពចុះពិនិត្យវាយតម្លៃគម្រោងការពារច្រាំងទន្លេមេគង្គ

2020-03-31T15:25:24+00:00

ព្រឹកថ្ងៃចន្ទ ៧កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣០ ខែមីនា ឆ្នាំ២០២០ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងលោក យិន សាវុធ ប្រធាននាយកដ្ឋានជលសាស្ត្រ និងការងារទន្លេ ក្រសួងធនធានទឹក និងឧតុនិយម បានសហការជាមួយ អានត...

សកម្មភាពការពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន

2020-03-26T14:58:17+00:00

នាថ្ងៃចន្ទ ១៥ រោច ខែផល្គុន ដល់ថ្ងៃសុក្រ ៤ កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃ ២៣-២៧ ខែមីនា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ ជាមួមមន្ត្រីបច្ចេកទេស បានចុះអនុវត្តន៍សកម្មភាពពង្រឹងបណ្ដាញទំនាក់ទំនងការងារជាមួយស្ថាប័ន និងសហគមន៍មូលដ្ឋាន ក្នុងការតាមដាននិងចែលរំលែកទិន្នន័យ ព័ត៍មានពីផលប៉ះពាល់ទៅលើគ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងបរិស្ថានប្រកបដោយចីរភាព ក្នុងតំបន់ជុំវិញបឹងទន្លេសាប ស្ថិតនៅក្នុងភូមិសាស្ត្រខេត្តកំពង់ឆ្នាំង និងខេត្តពោធិ៍សាត់ ។
ការអនុវត្តសកម្មភាពនេះ ក្នុងគោលបំណងដើម្បី:
១.បង្កើនទំនាក់ទំនងកិច្ចសហប្រតិបត្តិការជាមួយមន្ត្រីស្ថាប័នជំនាញពាក់ព័ន្ធ ក្នុងការចែករំលែកចំណេះដឹង ទិន្នន័យ ព័ត៌មាន ពីផលប៉ះពាល់ធនធានធម្មជាតិ និងបរិស្ថាន
២.បង្កើតបណ្ដាណទំនាក់ទំនង ជាមួយអាជ្ញាធរ និងសហគមន៍មូលដ្ឋាន ក្នុងការផ្ដល់ព័ត៌មានទាន់ហេតុការណ៍ពីផលប៉ះពាល់ដែលកើតមានឡើងនៅក្នុងតំបន់បឹងទន្លេសាប។

ឯកឧត្តមសាស្ត្រាចារ្យ លឹម ពុយ ចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប

2020-03-18T11:53:11+00:00

ថ្ងៃច័ន្ទ ១រោច ដល់ថ្ងៃសុក្រ ៥រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៩ ដល់ថ្ងៃទី១៣ ខែមីនា ឆ្នាំ២០២០ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ទទួលបន្ទុកការងារបច្ចេកទេស បានដឹកនាំមន្ត្រីក្រុមការងារចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប។ សកម្មភាព ការចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប រួមមាន៖
- ហោះហើរប្រើប្រាស់យន្តហោះខ្នាតតូច MOWRAM FLY ដើម្បីពិនិត្យទិដ្ឋភាពជាក់ស្តែងនៅនៅតំបន់ ៣ នៃខេត្តកំពង់ឆ្នាំង តាមបណ្តាកោះ ព្រមទាំងដំណាំដាំដុះនៅតំបន់ឆ្នុកទ្រូ ផាត់សណ្តាយ និងតំបន់ ៣ នៃស្រុកកំពង់លែង
- បណ្តុះបណ្តាលភ្នាក់ងារ អ.ទ.ស នៅជុំវិញបឹងទន្លេសាបលើការប្រើប្រាស់ឧបករណ៍ GPS Garmin 64
- ស្រង់ទិន្នន័យផលចាប់ធនធានត្រីនៅតំបន់ឆ្នុកទ្រូ តំបន់ផាត់សណ្តាយ តំបន់កំពង់លួង តំបន់កោះក្អែក តំបន់បឹងទន្លេឆ្មារ និងតំបន់ចុងឃ្នៀស
- ការតាមដាន លើគុណភាពទឹកនៅបឹងទន្លេសាប និងភូមិបណ្តែតទឹក
- ការតាមដានលើការប្រើប្រាស់ជី និងថ្នាំសម្លាប់សត្វល្អិតសម្រាប់ដំណាំដែលបានដាំដុះនៅតាមកោះក្នុងខេត្តកំពង់ឆ្នាំង និងតំបន់ផាត់សណ្តាយ ខេត្តកំពង់ធំ ។

សកម្មភាពសិក្សាប្រមូលព័ត៌មានទីតាំងឧបករណ៍នេសាទខេត្តពោធិ៍សាត់

2020-03-14T15:33:08+00:00

ថ្ងៃច័ន្ទ ១រោច ដល់ថ្ងៃសុក្រ ៥រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៩ ដល់ថ្ងៃទី១៣ ខែមីនា ឆ្នាំ២០២០ លោក លឹម វុទ្ធី អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្សបានដឹកនាំក្រុមការងារចុះសិក្សាស្រាវជ្រាវ តាមដាន ប្រមូលព័ត៌មាន និងពិនិត្យជាក់ស្តែងពីស្ថានភាពទូទៅក្នុងតំបន់បឹងទន្លេសាប ខេត្តពោធិ៍សាត់ គោលបំណងសំខាន់ក្នុងការសិក្សាស្រាវជ្រាវនេះគឺ ៖
១. ប្រមូលព័ត៌មានទីតាំងឧបករណ៍នេសាទនៅខេត្តជុំវិញបឹងទន្លេសាប
២. តាមដានពីស្ថានភាពទូទៅដែលកើតមាននៅក្នុងតំបន់បឹងទន្លេសាប
៣. រៀបចំជាផែនទីបង្ហាញពីទីតាំង និងឧបករណ៍នេសាទ នៅខេត្តជុំវិញបឹងទន្លេសាប ។

សកម្មភាពសិក្សាប្រសិទ្ធភាពពីសហគមន៍នេសាទក្នុងការគ្រប់គ្រងធនធានធម្មជាតិ

2020-03-14T12:01:41+00:00

ថ្ងៃអង្គារ ២ រោច ដល់ថ្ងៃ សៅរ៍ ៦ រោច ខែផល្គុន ឯកស័ក ព.ស ២៥៦៣ ត្រូវនឹងថ្ងៃទី ១០ ដល់ថ្ងៃទី ១៤ ខែមីនា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមមន្ត្រីការងារបច្ចេកទេស បានចុះធ្វើការសិក្សាពីប្រសិទ្ធភាព នៃការចូលរួមពីសហគមន៍នេសាទក្នុងការអនុវត្តទៅលើការគ្រប់គ្រងធនធានធម្មជាតិ ជាមួយមន្ត្រីស្ថានប័នជំនាញពាក់ព័ន្ធថ្នាក់ក្រោមជាតិ ក្នុងដំណាក់កាលទី១ ដើម្បីធ្វើបច្ចុប្បន្នភាពទិន្នន័យសហគមន៍នេសាទ និងដំណើរការនៃការគ្រប់គ្រង ក្នុងខេត្តកំពង់ធំ។

ការផ្សព្វផ្សាយពីបញ្ជ្រៀប ការយល់ដឹងយេនឌ័រ

2020-03-14T11:42:02+00:00

ថ្ងៃ ព្រហស្បតិ៍ ៩ រោច ខែ ផល្គុន ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១២ ខែ មីនា ឆ្នាំ ២០២០ នៅអគ្គលេខាធិការដ្ឋាន អាជ្ញាធរទន្លេសាប មានរៀបចំផ្សព្វផ្សាយ ស្តីពី បញ្ជ្រៀបការយល់ដឹងយេនឌ័រ និង ដំណើរទស្សនៈកិច្ចសិក្សា ដែលសម្របសម្រួលដឹកនាំដោយ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប ។ ការផ្សព្វផ្សាយមានគោលបំណង ៖
១/ ពង្រឹងការយល់ដឹងឲ្យកាន់តែស៊ីជម្រៅពីយេនឌ័រដល់មន្ត្រី អទស ពី តួនាទី ភារកិច្ច និងសមភាព សមធម៌ យេនឌ័រ ក្នុងអង្គភាព និងការអភិវឌ្ឍន៍ជីវភាពរបស់សហគមន៍
២/ បង្កើនការយល់ដឹងពីសារៈសំខាន់ធនធានធម្មជាតិបឹងទន្លេសាប
៣/ បំផុសឲ្យកាន់តែស៊ីជម្រៅឲ្យអ្នកពាក់ព័ន្ធស្រឡាញ់ ការពារ ថែរក្សា និងអភិរក្សធនធានធម្មជាតិ
៤/ សម្រាប់ថ្ងៃបន្ទាប់សមាជិកអង្គប្រជុំនឹងធ្វើទស្សនៈកិច្ចសិក្សាស្វែងយល់ ការចូលរួមរបស់ស្ត្រីនៅថ្នាក់សហគមន៍ ថ្នាក់ភូមិ និងថ្នាក់ឃុំ,សកម្មភាពកែឆ្នៃត្រីឆ្អើរ, ការចែកចាយផលនេសាទ, ការគ្រប់គ្រងសម្រាម, សកម្មភាពអភិរក្សធនធានធម្មជាតិ, សហគមន៍កែឆ្នៃកំប្លោក, ការប្រកបរបរកស៊ីរបស់ស្រីក្នុងសហគមន៍, តំបន់អភិរក្សជលផល ព្រៃលិចទឹក ភូមិបណ្តែតទឹក និងទិដ្ឋភាពទូទៅបឹងទន្លេសាប នៅក្នុងតំបន់ឆ្នុកទ្រូ ស្រុក បរិបូរណ៍ ខេត្តកំពង់ឆ្នាំង ។

សេចក្តីជូនដំណឹង ការអញ្ញើញចូលរួមដេញថ្លៃការងារផ្គត់ផ្គង់ប្រេងឥន្ទនៈឆមាសទី១ ឆ្នាំ ២០២០

2020-03-09T15:46:42+00:00

អាជ្ញាធរទន្លេសាប (ក្រសួងធនធានទឹក និងឧតុនិយម) សូមជូនដំណឹងដល់បណ្តាលក្រុមហ៊ុន/សហគ្រាស (គិតទាំង
សហគ្រាសឯកត្តបុគ្គល) ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជាអោយបានជ្រាបថា៖
អាជ្ញាធរទន្លេសាប និងដាក់ឲ្យដេញថ្លៃជាសាធារណៈ ដើម្បីផ្គត់ផ្គង់ប្រេងឥន្ទនៈឆមាសទី១ ឆ្នាំ ២០២០ របស់អាជ្ញាធរទន្លេសាប។
កាលបរិច្ឆេទឈប់ទទួលសំណើរដេញថ្លៃ នៅម៉ោង ៩:០០ នាទីព្រឹក ថ្ងៃទី ០៧ ខែមេសា ឆ្នាំ ២០២០។
ការបើកសំណើដេញថ្លៃ នឹងប្រព្រឹត្តទៅនៅអង្គភាពលទ្ធកម្ម តាមអាសយដ្ឋានខាងលើ វេលាម៉ោង ៩:០០ នាទីព្រឹក ថ្ងៃទី ០៧ ខែមេសា ឆ្នាំ ២០២០។

សកម្មភាពសិក្សា ស្ដីពីការតាមដានសង្វាក់ផលិតកម្មត្រីនុយ ខេត្តសៀមរាប

2020-03-06T16:12:57+00:00

ថ្ងៃអង្គារ ១០កើត ដល់ថ្ងៃ សៅរ៍ ១៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ដល់ថ្ងៃទី០៧ ខែមីនា ឆ្នាំ២០២០ លោក លឹម វុទ្ធី អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារ ចុះសិក្សាស្រាវជ្រាវស្ដីពី ការតាមដានសង្វាក់ផលិតកម្មត្រីនុយនៅឃុំកំពង់ឃ្លាំង ស្រុកសូទ្រនិគម ឃុំកំពង់ភ្លុក ស្រុកប្រាសាទបាគង សង្កាត់ចុងឃ្នៀស ក្រុងសៀមរាប និងឃុំកែវពណ៌ ស្រុកពួក ខេត្ត សៀមរាប។
ការសិក្សានេះផ្ដោតសំខាន់ទៅលើ ៖
- សិក្សា និងវាយតម្លៃលើបរិមាណត្រីនុយដែលមានតម្រូវការក្នុងស្រុក និងការនាំចេញក្នុងការធ្វើវារីវប្បកម្ម
- សិក្សាពីប្រភព និងប្រភេទត្រីនុយដែលធ្វេីអាជីវកម្ម
- សិក្សាពីផលប៉ះពាល់នៃការធ្វើអាជីវកម្មត្រីនុយ
- រៀបចំផែនទីបង្ហាញភូមិបណ្ដែតទឹកដែលមានការធ្វើវារីវប្បកម្មទាំងក្នុងបែរ និងលើគោក ។

សកម្មភាពចុះសិក្សា ស្ដីពីការធ្វើអាជីវកម្មសិប្បីសត្វ ខេត្តសៀមរាប

2020-03-06T16:07:04+00:00

ថ្ងៃព្រហស្បតិ៍ ១២ កើត ខែ ផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៥ ខែ មីនា ឆ្នាំ ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារចុះសិក្សា ស្ដីពី ការធ្វើអាជីវកម្មសិប្បីសត្វ (លៀស ខ្ចៅ និងខ្យង) នៅក្នុងខេត្តសៀមរាប ។
ការសិក្សានេះមានគោលបំណង ៖
-សិក្សាតាមដានបរិមាណនៃការធ្វើអាជីវកម្មសិប្បីសត្វ
-សិក្សាចរន្តទីផ្សារនៃការធ្វើអាជីវកម្មសិប្បីសត្វ
-វាយតម្លៃលើសិប្បីសត្វដែលយកទៅប្រើប្រាស់ក្នុងការចិញ្ចឹមសត្វ និងការបរិភោគ ។

សកម្មភាពការសិក្សាតាមដានផលចាប់ធនធានជលផល ខេត្តពោធិ៍សាត់

2020-03-06T16:00:32+00:00

ថ្ងៃព្រស្បតិ៍ ១២ កើត ខែ ផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៥ ខែ មីនា ឆ្នាំ ២០២០ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អាជ្ញាធរទន្លេសាប ចុះអនុវត្តន៍សកម្មភាពការសិក្សាវាយតម្លៃផលចាប់ធនធានត្រីនៅតំបន់ស្រុកក្រគរ ខេត្តពោធិ៍សាត់ ។ ការសិក្សាស្រាវជ្រាវនេះមានគោលបំណងដើម្បីប្រមូលទិន្នន័យស្ថិតិផលនេសាទ និងតម្លៃត្រីទៅតាមលក្ខណៈវិទ្យាសាស្ត្រ ដែលបានចូលរួមចំណែកដ៏សំខាន់ក្នុងវិស័យសេដ្ឋកិច្ចជាតិ ។

សិក្ខាសាលា ស្តីពីកម្មវិធីផ្សព្វផ្សាយព័ត៌មានពីការប្រែប្រួលអាកាសធាតុនៅកម្ពុជា

2020-03-06T15:50:09+00:00

ថ្ងៃពុធ ១១ កើត ខែផល្គុន ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី ៤ ខែ មីនា ឆ្នាំ ២០២០ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលា ស្តីពីកម្មវិធីផ្សព្វផ្សាយរបាយការណ៍ពីព័ត៌មានសម្រាប់ប្រជាពលរដ្ឋយល់ដឹងលើថវិកាឆ្លើយតបនឹងការប្រែប្រួលអាកាសធាតុនៅកម្ពុជា ។
គោលបំណងនៃសិក្ខាសាលាមានដូចជា៖
១-ចែករំលែក និងផ្តល់ព័ត៌មានដល់ភាគីពាក់ព័ន្ធ លើការចំណាយសាធារណៈរបស់រដ្ឋ សម្រាប់ឆ្លើយតបនឹងការប្រែប្រួលអាកាសធាតុ
២-ផែនការរបស់ស្ថាប័ន និងដៃគូសន្ទនា ដើម្បីឆ្លើយតបនឹងតម្រូវការរបស់ប្រជាពលរដ្ឋលើការបន្សាំ និងការកាត់បន្ថយការប្រែប្រួលអាកាសធាតុនៅកម្ពុជា
៣-ពិនិត្យ និងពិភាក្សាលើលទ្ធផលសិក្សាស្រាវជ្រាវ ពីការប្រែប្រួលអាកាសធាតុ ។

សកម្មភាពសកិច្ចប្រជុំបូកសរុបលទ្ធផលអនុវត្តន៍សកម្មភាពការងារឆ្នាំ២០១៩ និងផែនការសកម្មភាពការងារឆ្នាំ២០២០ របស់នាយកដ្ឋាននីតិកម្ម និងផ្សព្វផ្សាយ

2019-12-11T23:24:32+00:00

នាព្រឹកថ្ងៃទី ១១ ខែធ្នូ ឆ្នាំ២០១៩ សាលប្រជុំអគ្គលេខាធិកាដ្ឋាន នៃអាជ្ញាធរទន្លេសាប ឯកឧត្តម សរ គឹមសាន្ត អគ្គលេខាធិការរង នៃអាជ្ញាធរទន្លេសាប បានដឹកនាំសម្របសម្រួលកិច្ចប្រជុំពីវឌ្ឍនភាពការងារអនុវត្តន៍ឆ្នាំ២០១៩ និងទិសដៅការងារឆ្នាំ២០២០ របស់នាយកដ្ឋាននីតិកម្ម និងផ្សព្វផ្សាយនៃអាជ្ញាធរទន្លេសាប ។ កិច្ចប្រជុំ បានធ្វើការបូកសរុបលទ្ធផលអនុវត្តន៍សកម្មភាពការងារឆ្នាំ២០១៩ និងពិនិត្យពិភាក្សាលើផែនការសកម្មភាពការងារឆ្នាំ២០២០។ ក្នុងឱកាសនេះដែរ បន្ទាប់ពីបានពិភាក្សារួចមក ឯកឧត្តម អគ្គលេខាធិការរង បានផ្តល់មតិក្នុងការតម្រង់ទិសមួយចំនួន ដើម្បីឲ្យការអនុវត្តផែនការសកម្មភាពឆ្នាំ២០២០ សម្រេចជោគជ័យ និងមានប្រសិទ្ធភាព ស្របតាមតួនាទី ភារកិច្ចស្នូលរបស់នាយកដ្ឋាននីតិកម្ម និងផ្សព្វផ្សាយ និងតួនាទី ភារកិច្ចរបស់អាជ្ញាធរទន្លេសាប ហើយបានផ្តាំផ្ញើដល់មន្ត្រីនាយកដ្ឋាននីតិកម្ម និងផ្សព្វផ្សាយ ឲ្យបន្តបង្កើនកិច្ចសហការគ្នាអនុវត្តការងារ និងមានសាមគ្គីភាពប្រកបដោយសុខដម្យរម្មនីយកម្ម។

ឯកឧត្តមសាស្ត្រចារ្យ លឹម ពុយ ដឹកនាំក្រុមការងារធ្វើសំណាកត្រីនៅបន្ទប់ពិសោធន៍

2019-12-11T23:20:53+00:00

នាថ្ងៃព្រហស្បតិ៍ ០៩ កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៥ ខែធ្នូ ឆ្នាំ ២០១៩ ឯកឧត្តមសាស្ត្រចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំមន្ត្រីបច្ចេកទេស ធ្វើសំណាកត្រីយកមកពីមាត់គន្លងដាយត្រីលើប្រភេទត្រីសំខាន់ៗ និងប្រភេទត្រីចម្រុះ នៅបន្ទប់ពិសោធន៍ អទស និងការបញ្ចូលទិន្នន័យដើម្បី៖
១/ រៀបចំសំណាកនីមួយៗដោយចាប់ផ្តើមធ្វើការពិនិត្យលើប្រភេទត្រី កំណត់ឈ្មោះវិទ្យាសាស្ត្រច្បាស់លាស់របស់ប្រភេទត្រី
២/ វាស់ប្រវែង ទម្ងន់ត្រីនីមួយៗ បញ្ចូលទៅក្នុង Database តាមគន្លងដាយ ថ្ងៃយកសំណាក ពេលវេលាយកសំណាក
ទម្ងន់ផលចាប់នៃម៉ោងយកសំណាក, ឈ្មោះលំដាប់របស់ប្រភេទត្រី ឈ្មោះគ្រួសារត្រី
ឈ្មោះភាសារខ្មែរ ឈ្មោះវិទ្យាសាស្ត្រ ។
៣/ ធ្វើការរក្សាតំណាងសំណាកប្រភេទត្រីមួយចំនួនសម្រាប់បង្រៀនលើការពិនិត្យ និងកំណត់ប្រភេទត្រី និងឈ្មោះវិទ្យាសាស្ត្រច្បាស់លាស់នៅលើកក្រោយៗទៀត ។

ឯកឧត្តម សរ គឹមសាន្ត អគ្គលេខាធិការរង ចូលរួមដំណើរទស្សនកិច្ចស្វែងយល់ពី់វិស័យទេសចរណ៍តំបន់បឹងទន្លេសាប

2019-12-09T14:36:32+00:00

នាថ្ងៃសៅរ៍ ១១ កើត មិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៧ ខែធ្នូ ឆ្នាំ ២០១៩ ឯកឧត្តម សរ គឹមសាន្ត អគ្គលេខាធិការរង អាជ្ញាធរទន្លេសាប និងលោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានចូលរួមអមដំណើរគណ:ប្រតិភូក្រុមអ្នកជំនាញការនៃគណៈកម្មាធិការជាតិសម្របសម្រួលការគាំពារ និងអភិវឌ្ឍន៍តំបន់ប្រវត្តិសាស្ត្រអង្គរ(ICC ANGKOR) ក្នុងដំណើរទស្សនកិច្ចស្វែងយលពី់វិស័យទេសចរណ៍នៅតំបន់បឹងទន្លេសាប (ចុងឃ្នៀស និងកំពង់ភ្លុក)។ ការទស្សកិច្ចនេះដើម្បីជម្រុញបង្កើនបន្ថែមនូវផលិតផលទេសចរណ៍ឲ្យកាន់មានភាពសម្បូរណ៍បែប ដោយតភ្ជាប់ពីតំបន់ប្រវត្តិសាស្ត្រ់អង្គរ ទៅតំបន់អេកូទេសចរណ៍ធម្មជាតិបឹងទន្លេសាប ។

សកម្មភាពសិក្សាពីស្ថានភាពសេដ្ឋកិច្ចសង្គមការប្រើប្រាស់ធនធានធម្មជាតិ ផ្នែកជីវចម្រុះនៅតំបន់ស្នូលស្ទឹងសែន

2019-12-09T14:24:18+00:00

នាថ្ងៃ ពុធ ០៨ កើត ដល់ថ្ងៃ សៅរ៍ ទី ១១ កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៤ ដល់ថ្ងៃទី ០៧ ខែធ្នូ ឆ្នាំ ២០១៩ លោក ភេម ស៊ា ទីប្រឹក្សាអាជ្ញាធរទន្លេសាប និងមន្ត្រីការងារបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះបញ្ចប់សកម្មភាពសិក្សាពីស្ថានភាពសេដ្ឋកិច្ចសង្គមនិងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន ស្រុកកំពង់ស្វាយ ខេត្តកំពង់ចាម ។ ការសិក្សានេះមានគោលបំណងសំខាន់ៗដូចជា ៖
(១) ការប្រើប្រាស់ធនធានជលផលនៅតំបន់ស្នូល
(២)ធ្វើបច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បីសត្វ។

សកម្មភាពចូលរួមវគ្គបណ្តុះបណ្តាលស្តីពីការងារកម្មវិធីវិនិយោគសាធារណៈនិងអនុវត្តថវិកាកម្មវិធី

2019-12-04T15:51:59+00:00

ថ្ងៃអង្គារ ៧កើត ដល់ថ្ងៃព្រហសត្ប៍ ៩កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៣ ដល់ ០៥ ខែធ្នូ ឆ្នាំ ២០១៩ នៅសាលប្រជុំទីស្តីការក្រសួងធនធានទឹក និងឧតុនិយម លោកស្រី ទេស សុដាវី អនុប្រធាននាយកដ្ឋាន រដ្ឋបាល ផែនការ និងសហប្រតិបត្តិការ និងមន្រ្តីជំនាញ នៃអគ្គលេខាធិការដ្ឋាន អាជ្ញាធរទន្លេសាប បានចូលរួមវគ្គបណ្តុះបណ្តាល ស្តីពី ៖
-ការរៀបចំកសាងផែនការលើវិស័យធនធានទឹក និងឧតុនិយម ការងារកម្មវិធីវិនិយោគ សាធារណៈ ត្រួតពិនិត្យ តាមដានការអនុវត្តផែនការយុទ្ធសាស្រ្ត ២០១៩-២០២៣
-ការអនុវត្តនីតិវិធីលទ្ធកម្មសាធារណៈ និងអនុវត្តថវិកាកម្មវិធី
វគ្គបណ្តុះបណ្តាលនេះ មានការចូលរួមពីតំណាងនាយកដ្ឋានក្រោមឱវាទក្រសួងធនធានទឹក និងឧតុនិយម អាជ្ញាធរទនេ្លសាប គណៈកម្មាធិការជាតិមេគង្គកម្ពុជា និងមន្ទីរធនធានទឹក និងឧតុនិយមទាំង ២៥ រាជធានី-ខេត្ត ។

ឯកឧត្តមសាស្ត្រចារ្យ លឹម ពុយ ដឹកនាំក្រុមការងារតាមដានចរាចរត្រីតាមដងទន្លេសាប និងការនេសាទតាមឡូត៍ដាយត្រី

2019-12-02T12:48:31+00:00

ថ្ងៃ សៅរ៍ ៤ កើត ខែ មិគសិរ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ៣០ ខែ វិច្ឆិកា ឆ្នាំ ២០១៩ ឯកឧត្តមសាស្ត្រចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំមន្ត្រីបច្ចេកទេស ចុះពិនិត្យតាមដានការធ្វើចរាចរត្រីតាមដងទន្លេសាប និងការនេសាទតាមឡូត៍ដាយត្រីនៅរាជធានីភ្នំពេញ និងខេត្តកណ្តាល ។ ការសិក្សានេះ មានគោលបំណងដូចខាងក្រោម៖
១/ តាមដានការធ្វើចរចរត្រីពីបឹងទន្លេសាបចុះតាមដងទន្លេសាប
២/ តាមដានល្បឿន និងជម្រៅទឹកតាមមាត់គន្លងនីមួយៗ
៣/ ពិនិត្យលើសំណាកត្រីដូចជា ទំហំត្រី ប្រភេទត្រី ការរីកលូតលាស់ ...
៤/ ស្ថានភាពការធ្វើអាជីវកម្មតាមឡូត៍ដាយ
៥/ តាមដានសកម្មភាពនេសាទផ្សេងៗក្រៅពីមាត់ដាយ ។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានអញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក

2019-12-02T12:40:35+00:00

ព្រឹកថ្ងៃសៅរ៍ ៤កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣០ ខែវិច្ឆិកា ឆ្នាំ២០១៩ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងជាប្រធាន មុខព្រួញខេត្តកំពង់ស្ពឺ ខេត្តកណ្តាល និងរាជធានីភ្នំពេញ លោក ម៉ៅ ប៊ុនធឿន ប្រធានមន្ទីរធនធានទឹក និងឧតុនិយម និងលោកស្រី ទេព កញ្ជនា អភិបាលរងខណ្ឌកំបូល បានអញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន ចុះថ្ងៃទី២១ ខែវិច្ឆិកា ឆ្នាំ២០១៩ របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក នៅសហគមន៍ប្រេីប្រាស់ទឹកប្រទះឡាង ដោយមានការចូលរួម មន្ដ្រីជំនាញចៅសង្កាត់ ក្រុមប្រឹក្សាសង្កាត់ ក្នុងខណ្ឌកំបូល សហគមន៍កសិករប្រើប្រាស់ទឹក សរុបចំនួន ៤៨នាក់ Read More... ។
ក្នុងកិច្ចប្រជុំផ្សព្វផ្សាយនេះ បានលេីកពីបញ្ហាប្រឈមជាសកល ដែលបណ្តាលមកពីការប្រែប្រួលអាកាសធាតុ និងអំពីសន្តិសុខទឹក។

ឯកឧត្តម លឹម ពុយ បានអញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក

2019-12-02T12:31:53+00:00

រសៀលថ្ងៃសុក្រ ៣កើត ខែមិគសិរ ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី២៩ ខែវិច្ឆិកា ឆ្នាំ២០១៩ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប ឯកឧត្តម លឹម ពុយ និងឯកឧត្តម ជង សេងអ៊ីម ដែលជាប្រធាន អនុប្រធានមុខព្រួញខេត្តកំពង់ស្ពឺ ខេត្តកណ្តាល និងរាជធានីភ្នំពេញ និងឯកឧត្ដម តាំង ម៉េងលាន អភិបាលរងខេត្តកណ្តាល អមដោយមន្ទីរជំនាញជុំវិញខេត្ត បានអញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន ចុះថ្ងៃទី២១ ខែវិច្ឆិកា ឆ្នាំ២០១៩ របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក នៅសាលប្រជុំខេត្តកណ្តាល ដោយមានការចូលរួម អភិបាល អភិបាលស្រុក-ក្រុង មន្ទីរជុំវិញក្នុងខេត្ត លោក-លោកស្រី មេឃុំ-ចៅសង្កាត់ សរុបចំនួន ២៥៣នាក់ អានត... ។

ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម អញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក

2019-12-02T12:14:08+00:00

ព្រឹកថ្ងៃព្រហស្បតិ៍ ២កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៩ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តម ដែលជាប្រធាន អនុប្រធានមុខព្រួញខេត្តកំពង់ស្ពឺ ខេត្តកណ្តាល និងរាជធានីភ្នំពេញ និងថ្នាក់ដឹកនាំក្រសួងជាច្រើនរូបទៀត បានអញ្ជើញជាអធិបតីក្នុងពិធីផ្សព្វផ្សាយសារាចរលេខ ១១ សរណន ចុះថ្ងៃទី ២១ ខែវិច្ឆិកា ឆ្នាំ ២០១៩ របស់រាជរដ្ឋាភិបាល ស្តីពីការចាត់វិធានការថែរក្សាទឹកទុក នៅសាលប្រជុំសាលាខេត្តកំពង់ស្ពឺ អានត....។

សកម្មភាពសិក្សាពីបម្រែបម្រួលរបបជលសាស្ត្រ និងលក្ខណៈជីវសាស្ត្រ ការបន្លាស់ទីធនធានជីវៈចម្រុះនៅតំបន់ទន្លេសាប និងតំបន់ពាក់ព័ន្ធ

2019-12-02T11:43:37+00:00

ថ្ងៃ អង្គារ ០៨រោច ដល់ថ្ងៃ សៅរ៍ ១២រោច ខែ កត្តិក ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១៩ ដល់ថ្ងៃទី ២៣ ខែ វិច្ឆិកា ឆ្នាំ ២០១៩ ក្រុមការងារបច្ចេកទេសដឹកនាំដោយលោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បន្តចុះអនុវត្តសកម្មភាពសិក្សាស្រាវជ្រាវពីបម្រែបម្រួលរបបជលសាស្ត្រ និងលក្ខណៈជីវសាស្ត្រនៃការបន្លាស់ទីធនធានជីវៈចម្រុះនៅតំបន់ទីជម្រាលបឹងទន្លេសាប និងតំបន់ពាក់ព័ន្ធលើទីតាំងដូចខាងក្រោម៖
1- តំបន់ឆ្នុកទ្រូ ខេត្តកំពង់ឆ្នាំង
2- តំបន់ផាត់សណ្តាយ និងតំបន់ពាមបាង ខេត្តកំពង់ធំ
3- តំបន់កំពង់លួង និងតំបន់រាំងទិល ខេត្តពោធិ៍សាត់
4- តំបន់ព្រែកទាល់ និងតំបន់ពាក់កន្ទេល ខេត្តបាត់ដំបង
5- តំបន់កំពង់ឃ្លាំង និងតំបន់មាត់ខ្លា ខេត្តសៀមរាប
គោលបំណងនៃការសិក្សានេះដើម្បី៖
- ធ្វើបច្ចប្បន្នភាពប្រភេទត្រី និងផលចាប់ ការយកសំណាកត្រីតាមឧបករណ៍នេសាទដែលបានកំណត់
- វាយតម្លៃពីស្ថានភាពទូទៅនៃប្រភេទត្រីកម្រ ឬកំពុងរងគ្រោះថ្នាក់
- វាយតម្លៃពីការធ្វើចរាចរចេញ-ចូលរបស់ធនធានត្រីមួយចំនួនទៅតាមកម្រិតកម្ពស់ទឹកបឹងទន្លេសាប ការលូតលាស់នៃត្រីដោយផ្តោតលើទំហំ និងប្រវែងត្រីនីមួយៗ
- ធ្វើសន្ទស្សន៍ការវិវត្តន៍របស់កន្សោមពងត្រីមួយចំនួនធៀបនឹងទំហំដងខ្លួនក្នុងពេលបច្ចុប្បន្ន ការបង្កកំណើតនៃប្រភេទកូនត្រី
- ពីប្រភេទទីជម្រក ឬលំនៅដ្ឋានរបស់ធនធានជលផលទៅតាមរដូវកាល
- គុណភាពទឹក ( ប្រើប្រាស់ឧបករណ៍សម្រាប់វាស់លើគុណភាពទឹក៖ ឧបករណ៍វាស់ជម្រៅទឹក Plastimo Echotest ii, ឧបករណ៍ Hanna និងឧបករណ៍មើលកំហាប់ស្លែ Algae torch )
- ធនធានក្រៅពីត្រី (ពពួកសិប្បីសត្វ និងវារីសត្វ)។

វគ្គបណ្តុះបណ្តាលស្តីពីជំនាញភាពជាអ្នកដឹកនាំសម្រាប់ការគ្រប់គ្រង ក្នុងការប្រាស្រ័យទាក់ទង និងដោះស្រាយវិវាទ

2019-11-30T15:56:37+00:00

នៅព្រឹកថ្ងៃពុធ ១កើត ខែ មិគសិរ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២៧ ខែវិច្ឆិកា ឆ្នាំ ២០១៩ នៅអគ្គលេខាធិការដ្ឋាន អាជ្ញាធរទន្លេសាប រៀបចំវគ្គបណ្តុះបណ្តាល ស្តីពី ជំនាញភាពជាអ្នកដឹកនាំសម្រាប់ការគ្រប់គ្រង ក្នុងការប្រាស្រ័យទាក់ទង និងដោះស្រាយវិវាទ ក្រោមអធិបតីភាព ឯកឧត្តម ខូវមាស អគ្គលេខាធិការរង អាជ្ញាធរទន្លេសាប ដែលមានសិក្ខាកាមចូលរួមសរុបចំនួន១៩ រូប ។
គោលបំណងនៃ វគ្គបណ្តុះបណ្តាលនេះ ដើម្បីកសាងសមត្ថភាពបន្ថែមដល់សិក្ខាកាមជាមន្ត្រីឲ្យមានចំណេះដឹង ជំនាញ និង បទពិសោធន៍ថ្មីៗ ដើម្បីឲ្យការអនុវត្តបានងាយស្រួល និងប្រកបដោយទំនុកចិត្តក្នុងការប្រើប្រាស់វិធីសាស្ត្រវិទ្យាសាស្ត្រ ស្តីពី ភាពជាអ្នក ដឹកនាំ និងគ្រប់គ្រងក្នុងការប្រាស្រ័យទាក់ទង និងដោះស្រាយវិវាទប្រកបដោយប្រសិទ្ធភាព។

សកម្មភាពសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិនៅតំបន់ជុំវិញបឹងទន្លេសាប

2019-11-29T21:53:06+00:00

ថ្ងៃចន្ទ ១៤ រោច ខែកត្ដិក ដល់ថ្ងៃសុក្រ ៣ កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃ ២៥-២៩ ខែវិច្ឆិកា ឆ្នាំ២០១៩ លោក យ៉ាន់ សំរិទ្ធ
ប្រធាននាយកដ្ឋាននីតិកម្ម និងផ្សព្វផ្សាយនិងមន្ត្រីក្រុមការងារ បានចុះអនុវត្តន៍់បញ្ចប់សកម្មភាពការសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិប្រកបដោយសមធម៌ និងចីរភាព ជាមួយស្ថាប័នជំនាញពាក់ព័ន្ធ នៃតំបន់ជុំវិញបឹងទន្លេប។ ការសិក្សានេះ ដើម្បីពិភាក្សា ស្វែងយល់ពីទំនាស់អត្ថប្រយោជន៍ (Conflict Interest) រវាងបណ្ដាអ្នកពាក់ព័ន្ធ ក្នុងការទាញយកធនធានធម្មជាតិ រួមទាំងវិធីសាស្ត្រ និងយន្តការគន្លឹះក្នុងការដោះស្រាយបញ្ហា សម្រាប់ភាពជោគជ័យក្នុងការគ្រប់គ្រងធនធានធម្មជាតិក្នុងតំបន់ទន្លេសាបអោយមានចីរភាព ៕

ឯកឧត្តម លឹម ពុយ ដឹកនាំកិច្ចប្រជុំពិភាក្សាការងារគម្រោង SATREPS

2019-11-24T10:34:36+00:00

ថ្ងៃ ព្រហសត្បិ៍ ១០ រោច ខែ កត្កិក ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២១ ខែ វិច្ឆិកា ឆ្នាំ ២០១៩ នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាការងារជាមួយក្រុមការងារគម្រោង SATREPS តំណាងដោយសាស្ត្រាចារ្យ YOSHIMURA ប្រធានគម្រោង SATREPS រួមមានតំណាង JICA តំណាង ITC។ កិច្ចប្រជុំផ្តោតលើខ្លឹមសារសំខាន់ៗដូចតទៅ៖
1) ទិន្នន័យគុណភាពទឹកលើ 55 ទីតាំងយកសំណាក ត្រូវផ្តល់មកអោយ អ.ទ.ស មុននឹងបន្តការសហការនៅឆ្នាំ 2020 លើការសិក្សាតាមដានលើគុណភាពទឹករវាងស្ថាប័នទាំង 2
2) ក្រោយពីពិនិត្យច្បាស់លាស់លើទិន្នន័យដែល អ.ទ.ស ទទួលបាន នឹងមានការប្រជុំពិភាក្សាលើកិច្ចសហការនៅឆ្នាំ 2020 ដោយផ្តោតលើការទទួលខុសត្រូវរបស់ អ.ទ.ស លើការចុះយកសំណាកទឹក និងគម្រោង SATREPS- ITC លើការវិភាគសំណាកទឹក
3) ផែនការគោលរបស់ អ.ទ.ស ផ្តោតលើទីតាំងសិក្សាសំខាន់ៗ ដូចជា៖
(ក) ការតាមដានគុណភាពទឹកដែលបង្កដោយវិស័យកសិកម្ម នៃតំបន់កំពង់ភ្លុក-កំពង់ឃ្លាំង
(ខ) ការតាមដានគុណភាពទឹកដែលបង្កដោយកត្តាមនុស្សនៅភូមិបណ្តែកទឹកនៃតំបន់កំពង់លួង
(គ) ការតាមដានគុណភាពទឹកដែលបង្កដោយលំហូរសំនឹកដីពីអាងទន្លេស្ទឹងសែន។
កិច្ចប្រជុំពិភាក្សា នឹងបន្តនៅខែមករា ឆ្នាំ 2020 និងចាប់អនុវត្តនៅខែមេសា ឆ្នាំ 2020។

ឯកឧត្តម លឹម ពុយ ដឹកនាំកិច្ចប្រជុំពិភាក្សាការងារគម្រោង SATREPS

2019-11-24T10:34:36+00:00

សកម្មភាពការស្រាវជ្រាវពីជីវចម្រុះតំបន់ស្នូលស្ទឹងសែន

2019-11-23T15:48:58+00:00

នាថ្ងៃ ពុធ ០៩ រោច ដល់ថ្ងៃ សៅរ៍ ទី ១២ រោច ខែ កត្តិក ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២០ ដល់ថ្ងៃទី ២៣ ខែ វិច្ឆិកា ឆ្នាំ ២០១៩ លោក ភេម ស៊ា ទីប្រឹក្សាអាជ្ញាធរទន្លេសាប និងមន្ត្រីការងារបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធាន ធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន ស្ថិតក្នុងឃុំផាត់
សណ្តាយ ស្រុកកំពង់ស្វាយ ខេត្តកំពង់ធំ។ ការសិក្សានេះមានគោលបំណងសំខាន់ៗដូចជា ៖
(១) តាមដានលើការប្រើប្រាស់ធនធានជលផលនៅតំបន់ស្នូល
(២)ធ្វើបច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បីសត្វ។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំ វេទិកាមូសុងលើកទី៨

2019-11-23T15:36:51+00:00

នាព្រឹកថ្ងៃព្រហស្បតិ៍ ១០រោច ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែវិច្ឆិកា ឆ្នាំ២០១៩ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំ វេទិកាមូសុងលើកទី៨ " 8th Monsoon Forum of Cambodia ដោយសហការរៀបចំដោយនាយកដ្ឋានឧតុនិយម និងនាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និង ឧតុនិយម ក្រោមជំនួយគម្រោងឧបត្ថម្ភគាំទ្ររបស់ អង្គការ UNDP និងRIMES ។ គោលបំណងវេទិកានេះគឺ ៖
-ពង្រឹង ការព្យាករណ៍ឧតុនិយម និងជលសាស្ត្រ ពង្រីកនិងឆ្លើយតបតាមតម្រូវការរបស់វិស័យផ្សេងៗ
-បង្កើនសមត្ថភាពព្យាករណ៍ រយៈពេលខ្លី មធ្យម វែង
-បង្កើនសមត្ថភាពព្យាករណ៍ កម្ពស់ទឹក និងការងារទន្លេ
-ពង្រឹងប្រព័ន្ធជូនដំណឹង ពីបាតុភូតអាកាសធាតុ ដើម្បីត្រៀមបង្ការ និងកាត់បន្ថយផលប៉ះពាល់ពីគ្រោះធម្មជាតិនានា ៕

សកម្មភាពសិក្សាពីសេដ្ដកិច្ចសង្គមនៅទីជម្រាលអាងស្ទឹងតំបន់បឹងទន្លេសាប

2019-11-07T17:36:50+00:00

នាថ្ងៃចន្ទ ៨ កើត ដល់ថ្ងៃសុក្រ ១២កើត ខែកត្តិក ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ៤ ដល់ថ្ងៃទី ៨ ខែវិច្ឆិកា ឆ្នាំ២០១៩ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តចុះអនុវត្តន៍សកម្មភាពលើការសិក្សាពីបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅតំបន់ទីជម្រាលអាងស្ទឹងសំខាន់ៗជុំវិញបឹងទន្លេសាប ក្នុងជំហាន ២ នៃតំបន់បឹងទន្លេសាប ស្ថិតនៅក្នុងខេត្តកំពង់ឆ្នាំង ពោធិសាត់ និងខេត្តកំពង់ធំ។ ការសិក្សានេះ ដើម្បីធ្វើបច្ចុប្បន្នភាពប្រជាស្រាស្ត្រ សេដ្ឋកិច្ច សង្គមកិច្ច និងសារៈប្រយោជន៍ដែលទទួលបានពីអាងស្ទឹង ព្រមទាំងបញ្ហាដែល បាន និងកំពុងប្រឈម និងយន្តការគន្លឹះក្នុងការគ្រប់គ្រង និងអភិវឌ្ឍន៍ទីជម្រាលអាងស្ទឹងនេះប្រកបដោយប្រសិទ្ធភាព និងមាននីរន្តរភាព។

សកម្មភាពចុះសិក្សាស្រាវជ្រាវពីការបន្លាស់ទីធនធានជលផលនៅបឹងទន្លេសាប និងតំបន់ពាក់ព័ន្ធ

2019-11-07T17:21:18+00:00

ថ្ងៃអង្គារ៩ កើត ដល់ថ្ងៃសុក្រ ១២រោច ខែកក្តិក ឆ្នាំ ច សំរិទ្ធស័ក ព.ស ២៥៦២ ត្រូវនឹងថ្ងៃទី ៥ ដល់ ៨ ខែវិច្ឆិកា ឆ្នាំ ២០១៩ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារបច្ចេកទេសចុះសិក្សាស្រាវជ្រាវ ស្តីពីការបន្លាស់ទីធនធានជលផលនៅតំបន់បឹងទន្លេសាប ទន្លេមេគង្គ ទន្លេបាសាក់ និងតំបន់ពាក់ព័ន្ធក្នុងខេត្តកំពង់ចាម ខេត្តក្រចេះ និងខេត្តស្ទឹងត្រែង ។
គោលបំណងនៃការសិក្សាដើម្បី៖
១. បច្ចប្បន្នភាពជីវសាស្ត្រត្រី និងផលចាប់នៅតាមតំបន់នីមួយៗខាងលើ
២. ប្រមូលសំណាកត្រីមកពិនិត្យនៅតាមទីតាំងសិក្សានីមួយៗខាងលើ
៣. វាយតម្លៃពីការធ្វើចរាចរចេញ_ចូលរបស់ធនធានប្រភេទត្រីមួយចំនួនទៅតាមទំហំ និងប្រវែងនិមួយៗ
៤. ធ្វើការសិក្សាពីសន្ទស្សន៍ការវិវត្តន៍របស់កន្សោមពងត្រីមួយចំនួនធៀបនឹងទំហំដងខ្លួនក្នុងពេលបច្ចុប្បន្ន ដើម្បីសិក្សាស្វែងយល់បន្ថែមពីការងារបង្កកំណើតនៃប្រភេទកូនត្រី ។

សកម្មភាពតាមដានផលចាប់របស់អ្នកនេសាទនៅតាមដងស្ទឹងទាំង ១០ ជុំវិញបឹងទន្លេសាប

2019-11-07T17:07:29+00:00

ថ្ងៃ ចន្ទ ៨ កើត ដល់ថ្ងៃសុក្រ ១២ កើត ខែកក្តិក ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ០៤ ដល់ថ្ងៃទី ០៨ ខែ វិច្ឆិកា ឆ្នាំ ២០១៩ នៅខេត្តទាំង ៦ ជុំវិញបឹងទន្លេសាប លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្សបានដឹកនាំមន្ត្រីបច្ចេកទេសក្រោមឱវាទ បានបន្តចុះអនុវត្តសកម្មភាពតាមដានផលចាប់នៅតាមដងស្ទឹងទាំង ១០ ជុំវិញបឹងទន្លេសាប។ សកម្មភាពជំហានទី២ នេះមានទិសដៅការងារដូចជា :
១/ តាមដាន និងត្រួតពិនិត្យលើសៀវភៅកត់ត្រារបស់អ្នកនេសាទ
២/ ណែនាំ និងបណ្តុះបណ្តាលបន្ថែមលើវិធីសាស្ត្រកត់ត្រាទិន្នន័យ
៣/ តាមដានទីតាំងដាក់ឧបករណ៍របស់អ្នកនេសាទដាក់ឧបករណ៍
៤/ ធ្វើផែនទីលម្អិតតាមដងស្ទឹងនិមួយៗ
៥/ តាមដានបរិមាណផលសរុបរបស់អ្នកនេសាទត្រីចាប់បានសរុប សំណាក ប្រភេទត្រី និងតម្លៃត្រី ។

សកម្មភាពចូលរួមកិច្ចប្រជុំពិគ្រោះយោបល់លើកចុងក្រោយស្តីពី Wide Fisheries Management And Development Strategy 2018-2022

2019-11-03T16:14:03+00:00

នាថ្ងៃព្រហស្បតិ៍ ៤កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣១ ខែតុលា ឆ្នាំ២០១៩ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមកិច្ចប្រជុំពិគ្រោះយោបល់លើកចុងក្រោយស្តីពី Finalization of the Project Base Action Plan of Mekong Basin -Wide Fisheries Management And Development Strategy 2018-2022 នៅទីក្រុងបាងកក ប្រទេសថៃ ។ គោលបំណងកិច្ចប្រជុំ ៖
១- ដើម្បីកែសម្រួលលើកចុងក្រោយនៃគម្រោងផែនការយុទ្ធសាស្ត្រ PPAB
២- លើកគម្រោងផែនការយុទ្ធសាស្ត្រនេះទៅ Mekong Joint Committee (MJC) ពិចារណា និងសម្រេច
៣- ស្វែងរកថវិកាជាមួយដៃគូរដើម្បីអនុវត្តន៍គម្រោង ។

សកម្មភាពចូលរួមកិច្ចប្រជុំពិគ្រោះយោបល់លើកចុងក្រោយស្តីពី Wide Fisheries Management And Development Strategy 2018-2022

2019-11-03T16:14:03+00:00

ឯកឧត្តម ខូវ មាស អគ្គលេខាធិការរង ចូលរួមសិក្ខាសាលាថ្នាក់ជាតិ ស្តីពី ការធ្វើបច្ចុប្បន្នភាពយុទ្ធសាស្ត្រអភិវឌ្ឍន៍អាងទន្លេ ២០២១-២០៣០

2019-11-03T16:04:38+00:00

ថ្ងៃព្រហស្បតិ៍ ៤កើត ដល់ថ្ងៃ ៥កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣១ ដល់ថ្ងៃទី១ ខែវិច្ឆិកា ឆ្នាំ២០១៩ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមសិក្ខាសាលាថ្នាក់ជាតិ ស្តីពី ការធ្វើបច្ចុប្បន្នភាពយុទ្ធសាស្ត្រអភិវឌ្ឍន៍អាងទន្លេ ២០២១-២០៣០ នៅទីរួមខេត្តសៀមរាប ដោយមានការចូលរួមពីស្ថាប័នពាក់ព័ន្ធនានា និងទីប្រឹក្សាបច្ចេកទេសជាតិ និងអន្តរជាតិ។ សិក្ខាសាលាបានពិភាក្សាអំពីធាតុចូល និងគន្លឹះសំខាន់ៗនៃការអភិវឌ្ឍន៍ ដើម្បីឈានទៅដល់ការរៀបចំផែនការអភិវឌ្ឍន៍អាងទន្លេ (Basin Development Plan, 2021-2030) និងការរៀចំផែនការយុទ្ធសាស្ត្រ (Strategic Plan , 2021-2025) ប្រកបដោយប្រសិទ្ធភាព និងស្របទៅតាមផែនការអភិវឌ្ឍន៍ជាតិ (SDGs)។

សកម្មភាពសិក្សាស្រាវជ្រាវពីបម្រែបម្រួលរបបជលសាស្ត្រ និងលក្ខណៈជីវសាស្ត្រនៃការបន្លាស់ទីធនធានជីវៈចម្រុះ

2019-10-30T12:33:56+00:00

ថ្ងៃ ចន្ទ ៨រោច ដល់ថ្ងៃ សុក្រ ១២រោច ខែ អស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២១ ដល់ថ្ងៃទី ២៥ ខែ តុលា ឆ្នាំ ២០១៩ ក្រុមការងារបច្ចេកទេសដឹកនាំដោយលោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះអនុវត្តន៍សកម្មភាពសិក្សាស្រាវជ្រាវពីបម្រែបម្រួលរបបជលសាស្ត្រ និងលក្ខណៈជីវសាស្ត្រនៃការបន្លាស់ទីធនធានជីវៈចម្រុះនៅតំបន់ទីជម្រាលបឹងទន្លេសាប និងតំបន់ពាក់ព័ន្ធ នៅតំបន់ឆ្នុកទ្រូ ខេត្តកំពង់ឆ្នាំង តំបន់ផាត់សណ្តាយ និងបឹងទន្លេឆ្មារ ខេត្តកំពង់ធំ តំបន់កំពង់លួង ខេត្តពោធិ៍សាត់ តំបន់ព្រែកទាល់និងពាក់កន្ទេល ខេត្តបាត់ដំបង និងតំបន់កំពង់ឃ្លាំង និងមាត់ខ្លា ខេត្តសៀមរាប ។ គោលបំណងនៃការសិក្សានេះដើម្បី៖
- ធ្វើបច្ចប្បន្នភាពប្រភេទត្រី និងផលចាប់នៅតាមតំបន់ខាងលើតាមរយៈការយកសំណាកត្រីតាមឧបករណ៍នេសាទដែលបានកំណត់
- វាយតម្លៃពីស្ថានភាពទូទៅនៃប្រភេទត្រីកម្រ ឬកំពុងរងគ្រោះថ្នាក់
- វាយតម្លៃពីការធ្វើចរាចរចេញ-ចូលរបស់ធនធានត្រីមួយចំនួនទៅតាមកម្រិតកម្ពស់ទឹកបឹងទន្លេសាប ការលូតលាស់នៃត្រីដោយផ្តោតលើទំហំ និងប្រវែងត្រីនីមួយៗ
- ធ្វើសន្ទស្សន៍ពីការវិវត្តន៍របស់កន្សោមពងត្រីមួយចំនួនធៀបនឹងទំហំដងខ្លួនក្នុងពេលបច្ចុប្បន្ន ដើម្បីសិក្សាស្វែងយល់បន្ថែមពីការងារបង្កកំណើតនៃប្រភេទកូនត្រី។
- ពិនិត្យស្ថានភាពទូទៅលើប្រភេទទីជម្រក ឬលំនៅដ្ឋានរបស់ធនធានជលផលទៅតាមរដូវកាល
- គុណភាពទឹក ( ប្រើប្រាស់ឧបករណ៍សម្រាប់វាស់លើគុណភាពទឹក៖ ឧបករណ៍ពិនិត្យភាពថ្លានៃទឹក Secchi disk, ឧបករណ៍វាស់ជម្រៅទឹក Plastimo Echotest ii, ឧបករណ៍ EXO Censer វាស់ DO, Conductivity និងឧបករណ៍មើលកំហាប់ស្លែ Algae torch )
- ធនធានក្រៅពីត្រី (ពពួកសិប្បីសត្វ និងវារីសត្វ)។

ឯកឧត្តម សរ គឹមសាន្ត អគ្គលេខាធិការរង អញ្ជើញចូលរួមសិក្ខាសាលាផ្សព្វផ្សាយថ្នាក់ជាតិ ខេត្តកំពង់ចាម

2019-10-30T12:19:20+00:00

ថ្ងៃព្រហសត្បិ៍ ១១ រោច ដល់ថ្ងៃសុក្រ ១២ រោច ខែ អស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី២៤-២៥ ខែតុលា ឆ្នាំ២០១៩ ឯកឧត្តម សរ គឹមសាន្ត អគ្គលេខាធិការរង អាជ្ញាធរទន្លេសាប បានអញ្ជើញចូលរួមសិក្ខាសាលាផ្សព្វផ្សាយថ្នាក់ជាតិ ស្តីពី (១) របាយការណ៍អាងទន្លេ ឆ្នាំ២០១៨ (២) គោលការណ៍វាយ តម្លៃផលប៉ះពាល់បរិស្ថានឆ្លងដែន និង (៣) ក្របខ័ណ្ឌសូចនាកររបស់គណៈកម្មការទន្លេមេគង្គ ។ សិក្ខសាលានេះ មានការចូលរួមពីមន្ត្រីនៃក្រសួងស្ថាប័នពាក់ព័ន្ធ រួមមាន ក្រសួងធនធានទឹក និងឧតុនិយម ក្រសួងបរិស្ថាន ក្រសួងផែនការ ក្រសួងរ៉ែ និងថាមពល ក្រសួងសាធារណៈការ និងដឹកជញ្ជូន រដ្ឋបាលជលផលនៃក្រសួងកសិកម្ម រុក្ខា ប្រមាញ់ និងនេសាទ អាជ្ញាធរទន្លេសាប មន្ត្រីគណៈកម្មាធិការជាតិទន្លេមេគង្គកម្ពុជា និងមន្ត្រីនៃលេខាធិការដ្ឋានគណៈកម្មការទន្លេមេគង្គ។
ជាលទ្ធផលនៃសិក្ខាសាលា អ្នកចូលរួមបានយល់ដឹងពីស្ថានភាពនៃអាងទន្លេមេគង្គ និងអំពីក្របខណ្ឌសូចនាករ ដើម្បីប្រើប្រាស់សម្រាប់ការវាយតម្លៃស្ថានភាព និងហេតុប៉ះពាល់នៃអាងទន្លេដែលកើតឡើងពីការអភិវឌ្ឍ ក្នុងក្របខណ្ឌ MRC។ ឯកសារសំខាន់ៗរបស់ MRC (SOBR-2018, MRC-IF និង TbEIA) ត្រូវបានទទួលយក និងប្រើប្រាស់ជាឯកសារយោងផ្សេងៗ ដោយស្ថាប័នពាក់ព័ន្ធ និងភាគីថ្នាក់ជាតិ។

សកម្មភាពចូលរួមកិច្ចប្រជុំពិគ្រោះយោបល់ថ្នាក់ជាតិស្តីពីការបញ្ជ្រាបយុទ្ធសាស្ត្រ និងផែនការសកម្មភាពបន្ស៊ាំការប្រែប្រួលអាកាសធាតុ

2019-10-30T12:09:19+00:00

ថ្ងៃ សុក្រ ៥ រោច ខែអស្សុជ ឆ្នាំ កុរ ឯកស័ក ពស ២៥៦៣ ត្រូវនឹងថ្ងៃទី ១៨ ខែតុលា ឆ្នាំ ២០១៩ នៅក្រុងសៀមរាប ខេត្តសៀមរាប លោក វិន ប៊ុនពៅ ប្រធាននាយដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពី ការបញ្ជ្រាបយុទ្ធសាស្ត្រ និងផែនការសកម្មភាពបន្ស៊ាំ ការប្រែប្រួលអាកាសធាតុរបស់គណៈកម្មការទន្លេមេគង្គនៅថ្នាក់ជាតិ និងការអភិវឌ្ឍគម្រោងបន្ស៊ាំឆ្លងដែន ។ គោលបំណងនៃកិច្ចគប្រជុំ ដើម្បីៈ
១/ ពិភាក្សា និងជ្រើសរើសសេចក្តីសម្រេចចិត្ត ស្ពីពី គោលនយោបាយ យុទ្ធសាស្ត្រ ឬ កម្មវិធីថ្នាក់ជាតិ និងក្រោមជាតិសម្រាប់ដំណាក់កាលទី ២ នៃសក្តានុពល MASAP ក្នុងកម្រិតជាតិ
២/ ពិនិត្យ និងផ្តល់យោបល់លើសំណើគម្រោងបន្ស៊ាំសក្តានុពលឆ្លងដែន ។

សកម្មភាពការស្រាវជ្រាវពីជីវចម្រុះតំបន់ស្នូលស្ទឹងសែន

2019-10-22T14:38:37+00:00

ពីថ្ងៃ ពុធ ០៣ រោច ដល់ថ្ងៃ សៅរ៍ ទី ០៦ រោច ខែអស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១៦ ដល់ថ្ងៃទី ១៩ ខែតុលា ឆ្នាំ ២០១៩ លោក ភេម ស៊ា ទីប្រឹក្សាអាជ្ញាធរទន្លេសាប និងមន្ត្រីនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ចសង្គមនិងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។ គោលបំណងសំខាន់ៗ នៃការសិក្សានេះ ដើម្បី៖
(១) បន្តការតាមដានជីវភាពរស់នៅប្រចាំថ្ងៃរបស់ប្រជាពលរដ្ឋពីការប្រើប្រាស់ធនធានជលផល(ផលចាប់ប្រចាំថ្ងៃ)
(២)ធ្វើបច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បីសត្វ។

ឯកឧត្តមសាស្ត្រាចារ្យ លឹម ពុយ ដឹកនាំកិច្ចប្រជុំពិភាក្សារបាយការណ៍បច្ចេកទសឆ្នាំ២០១៩ និងផែនការសកម្មភាព២០២០

2019-10-18T15:15:33+00:00

ថ្ងៃព្រហស្បតិ៍ ៤រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៧ ខែតុលា ឆ្នាំ២០១៩ នៅអគ្គលេខាធិការដ្ឋានអាជ្ញាធរទន្លេសាប ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាការងារលើរបាយការណ៍បច្ចេកទសឆ្នាំ២០១៩ និងផែនការសកម្មភាព២០២០ របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ។ កិច្ចប្រជុំក្នុងគោលបំណង ៖
១/ តាមដានការអនុវត្ត និងត្រៀមរៀបចំរបាយការណ៍បច្ចេកទស នៃសកម្មភាពឆ្នាំ២០១៩
២/ ពង្រាងលើកផែនការសកម្មភាពបច្ចេកទេសដើម្បីអនុវត្តនៅឆ្នាំ ២០២០ ។

សកម្មភាពចុះសិក្សាស្រាវជ្រាវពីការបន្លាស់ទីធនធានជលផលនៅបឹងទន្លេសាប និងតំបន់ពាក់ព័ន្ធ

2019-10-18T15:10:11+00:00

ថ្ងៃ ពុធ ១១ កើត ដល់ថ្ងៃសុក្រ ១៣ កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៩ ដល់ ១១ ខែតុលា ឆ្នាំ ២០១៩ លោក វិន ប៊ុនពៅ ប្រធានធាននាយកដ្ឋាន បានដឹកនាំក្រុមការងារនាយកដ្ឋានធនធានធម្មជាតិ ចុះសិក្សាស្រាវជ្រាវពីការបន្លាស់ទីធនធានជលផលនៅតំបន់បឹងទន្លេសាប ទន្លេមេគង្គ ទន្លេបាសាក់ និងតំបន់ពាក់ព័ន្ធក្នុងរាជធានីភ្នំពេញ ខេត្តកណ្តាល និងខេត្តព្រៃវែង ដែលការសិក្សានេះបានផ្តោតលើ៖
១. ការធ្វើបច្ចប្បន្នភាពជីវសាស្ត្រត្រី និងផលចាប់នៅតាមតំបន់សិក្សាខាងលើ
២. ការប្រមូលសំណាកត្រីមកពិនិត្យនៅតាមទីតាំងសិក្សានីមួយៗខាងលើ
៣. វាយតម្លៃពីការធ្វើចរាចរចេញ_ចូលរបស់ធនធានប្រភេទត្រីមួយចំនួនទៅតាមទំហំ និងប្រវែងនិមួយៗ
៤. ធ្វើការសិក្សាពីសន្ទស្សន៍ការវិវត្តន៍របស់កន្សោមពងត្រីមួយចំនួនធៀបនឹងទំហំដងខ្លួនក្នុងពេលបច្ចុប្បន្ន ដើម្បីសិក្សាស្វែងយល់បន្ថែមពីការងារបង្កកំណើតនៃប្រភេទកូនត្រី ។

សកម្មភាពសិក្សាពីសេដ្ឋកិច្ចសង្គមនិងការប្រើប្រាស់ធនធានធម្មជាតិនៅតំបន់ស្នូលស្ទឹងសែន

2019-10-11T10:00:07+00:00

ថ្ងៃអង្គារ ១០ កើត ដល់ថ្ងៃសុក្រ ១៣ កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៨ ដល់ថ្ងៃទី១១ ខែតុលា ឆ្នាំ២០១៩ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រីបច្ចេកទេស បានបន្តចុះសិក្សាពីស្ថានភាពសេដ្ឋកិច្ចសង្គមនិងការប្រើប្រាស់ ធនធានធម្មជាតិនៅតំបន់ស្នូលស្ទឹងសែន ស្ថិតនៅក្នុងភូមិសាស្ត្រឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។ ការសិក្សានេះ មានគោលបំណងស្វែងយល់ពីរចនាសម្ព័ន តួនាទី ភារកិច្ចរបស់ស្ថាប័ន អង្គភាពពាក់ព័ន្ធ សហគមន៍មូលដ្ឋាន និងដៃគូអភិវឌ្ឍន៍ ក្នុងដំណើរការ គ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងបរិស្ថាននៅក្នុងតំបន់ស្នូលស្ទឹងសែន។

កិច្ចប្រជុំក្រុមការងារបច្ចេកទេសទាក់ទងនឹង Environmental DNA Technology

2019-10-10T14:52:42+00:00

ព្រឹកថ្ងៃ ព្រហស្បតិ៍ ១២ កើត ខែអស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១០ ខែតុលា ឆ្នាំ ២០១៩ នៅអគ្គលេខាធិការដ្ឋាន អាជ្ញាធរទន្លេសាប ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានដឹកនាំកិច្ចប្រជុំផ្ទៃក្នុង ក្រុមការងារបច្ចេកទេសទាក់ទងនឹង environmental DNA technology ដើម្បីត្រៀមជួបពិភាក្សាជាមួយប្រតិភូ Institute of Hydroecology នៃសាធារណៈរដ្ឋប្រជាមានិតចិន ដែលនឹងមកជួបពិភាក្សាការងារកិច្ចសហប្រតិបត្តិការ ពីថ្ងៃទី ២៣ ដល់ ថ្ងៃទី ២៦ ខែតុលា ឆ្នាំ ២០១៩ ខាងមុខនេះ ។
គោលបំណង នៃកិច្ចប្រជុំ គឺ ៖១/ ការលើកយកបទពិសោធន៍ពីវគ្គបណ្តុះបណ្តាលនៅប្រទេសចិនកន្លងមក
២/ ការរៀបចំគោលគំនិតសម្រាប់លើកជាគម្រោងស្នើសុំសម្រាប់កិច្ចសហការក្នុងការសិក្សាស្រាវជ្រាវទៅភាគីចិន ។

កិច្ចប្រជុំក្រុមការងារបច្ចេកទេសទាក់ទងនឹង Environmental DNA Technology

2019-10-10T14:52:42+00:00

សកម្មភាពចូលរួមកិច្ចប្រជុំពិភាក្សាការងារពិនិត្យលើតម្រូវការទិន្នន័យ នៃគោលការណែនាំបច្ចេកទេសសម្រាប់ការអនុវត្តក្របខណ្ឌសូចនាករគណ:កម្មការទន្លេមេគង្គ

2019-10-10T14:42:40+00:00

ថ្ងៃអង្គារ ១០កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៨ ខែតុលា ឆ្នាំ២០១៩ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមកិច្ចប្រជុំពិភាក្សាការងារពិនិត្យលើតម្រូវការទិន្នន័យ នៃគោលការណែនាំបច្ចេកទេសសម្រាប់ការអនុវត្តក្របខណ្ឌសូចនាករគណ:កម្មការទន្លេមេគង្គ នៅសណ្ឋាគារ អិល ប៊ី អិន អាសាន(LBM ASEAN)ក្រុងកំពង់ចាម ខេត្តកំពង់ចាម ។
គោលបំណងនៃកិច្ចប្រជុំនេះ
១-ពិនិត្យ និងពិភាក្សាអំពីតារាងម៉ាទ្រីសនៃតម្រូវការទិន្នន័យ
២-ពិនិត្យ និងពិភាក្សាលើសេចក្តីព្រាងនៃ DAGAP ដោយផ្តោតលើការប្រមូលធាតុផ្សំចូលពីក្រសួងស្ថាប័នគោលដៅ អំពីផែនការចំណាយនិងការផ្តល់ទិន្នន័យដែលបានស្នើសម្រាប់DAGAP ។

សកម្មភាពចូលរួមកិច្ចប្រជុំពិភាក្សាការស្រាវជ្រាវកសាងគម្រោងអភិវឌ្ឍន៍លើវិស័យធនធានទឹកជាមួយអង្គការFAO

2019-10-10T14:31:18+00:00

នៅព្រឹកថ្ងៃអង្គារ ១០កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៨ ខែតុលា ឆ្នាំ២០១៩ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប
បានចូលរួមកិច្ចប្រជុំកិច្ចប្រជុំពិភាក្សាការស្រាវជ្រាវកសាងគម្រោងអភិវឌ្ឍន៍លើវិស័យធនធានទឹកជាមួយអង្គការFAOនៅក្រសួងធនធានទឹក ឧតុនិយម ដោយមានការចូលរួមអគ្គលេខាធិការរងនៃគណៈកម្មាធិការជាតិទន្លេមេគង្គ ប្រធាននាយកដ្ឋានពីបណ្តានាយកដ្ឋានជំនាញចំណុះក្រសួង និងជំនាញការ ADB។
កិច្ចប្រជុំនេះក្នុងគោលបំណងធ្វើកិច្ចសហប្រតិបត្តិការឡើងវិញរវាងក្រសួងធនធានទឹក និងឧតុនិយម និងអង្គការFAOលើការងារដូចតទៅ ៖
១- បង្កើនការស្រាវជ្រាវកសាងគម្រោងអភិវឌ្ឍន៍លើវិស័យធនធានទឹកដោយមានលក្ខណៈគ្រប់ជ្រុងជ្រោយប្រកបដោយការទាក់ទាញអ្នកវិនិយោគពីស្ថាប័នហិរញ្ញប្បទានធំៗ ក្នុងពិភពលោកឲ្យបោះទុនធំៗជាអតិបរិមាលើគម្រោងគ្រប់គ្រងវិស័យធនធានទឹក។
២- អង្គការ UN-FAO និងសហការជិតស្និទ្ធជាមួយនឹងរដ្ឋាភិបាលប្រទេស Australia ដើម្បីបង្កើនការធ្វើទំនើបកម្មលើវិស័យធារាសាស្ត្រ ក្នុងប្រទេសកម្ពុជា។
អង្គប្រជុំខាងលើបានប្រព្រឹត្តទៅទទួលនូវលទ្ធផលផ្លែផ្កាខ្ពស់ជាអតិបរមា ក្នុងបរិយាកាសស្និទ្ធស្នាល និងសហប្រតិបត្តិការល្អយូរអង្វែង។

សកម្មភាពចូលរួមកិច្ចប្រជុំពិភាក្សាការស្រាវជ្រាវកសាងគម្រោងអភិវឌ្ឍន៍លើវិស័យធនធានទឹកជាមួយអង្គការFAO

2019-10-10T14:31:18+00:00

សកម្មភាពទូទៅ

កិច្ចប្រជុំ​អន្តរក្រសួង​ស្ថាប័ន ពិភាក្សា​ពាក់ព័ន្ធ​នឹង​ឋបនីយ​ជីវ​មណ្ឌល​បឹង​ទន្លេសាប

ទិដ្ឋភាព​ប្រសព្វ​ខ្សែទឹក​ទន្លេសាប និង​ខ្សែទឹក​ទន្លេមេគង្គ​នៅ​រាជធានី​ភ្នំពេញ រដូវប្រាំង​

ឯកឧត្តម ខូវ មាស អគ្គលេខាធិការរង អាជ្ញាធរ​ទន្លេសាប បាន​អញ្ជើញ​ចូលរួម​ទិវា​ជាតិ​អាហារូបត្ថម្ភ​លើក​ទី​១០

ទិដ្ឋភាព ឃុំ​កំពង់​លួង ស្រុក​ក្រគរ ខេត្តពោធិ៍សាត់ នៅ​រដូវវស្សា ថ្ងៃទី​៥ ខែតុលា ឆ្នាំ ២០២៣

កិច្ចប្រជុំអន្តរក្រសួងស្ថាប័ន ពិភាក្សាពាក់ព័ន្ធនឹងឋបនីយជីវមណ្ឌលបឹងទន្លេសាប

ទិដ្ឋភាពប្រសព្វខ្សែទឹកទន្លេសាប និងខ្សែទឹកទន្លេមេគង្គនៅរាជធានីភ្នំពេញ រដូវប្រាំង

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមទិវាជាតិអាហារូបត្ថម្ភលើកទី១០

ទិដ្ឋភាព ឃុំកំពង់លួង ស្រុកក្រគរ ខេត្តពោធិ៍សាត់ នៅរដូវវស្សា ថ្ងៃទី៥ ខែតុលា ឆ្នាំ ២០២៣