សិក្ខាសាលាថ្នាក់ជាតិលើកទី ០១ ស្តីពី ការសិក្សារួមគ្នាទៅលើអនាគតទន្លេមេគង្គ ដោយកំណត់អំពីជម្រើសអនាគតសម្រាប់ទន្លេសាប
១.ក្រោមគំនិតផ្តួចផ្តើមរបស់មន្ត្រីនិងអ្នកជំនាញ ការនៃតំបន់មេគង្គ បានរៀបចំគម្រោងស្តីពីការ សិក្សាស្រាវជ្រាវ ពីអនាគត តំបន់ មេគង្គ ដែលគាំទ្រ មូលនិធិដោយ CSIRO និង Aus AID កាលពីខែ កក្កដា ឆ្នាំ ២០១០ ។ គម្រោងនេះ នឹងផ្តល់នូវការយល់ដឹង តាម
មាត្រដ្ឋានផ្សេងៗគ្នា ដោយការសម្រេចក្នុងការជ្រើស រើសតំបន់ គោលដៅជាក់ស្តែងចំនួន ៥ ដើម្បីធ្វើជា ករណីសិក្សា ដូចជា ៖ នៅភាគខាងត្បូងប្រទេសឡាវ យ៉ុនណាន ភាគខាងឦសាន្ត ប្រទេសថៃ តំបន់ទន្លេសាបនៃប្រទេស កម្ពុជា និងតំបន់ដីសណ្ត មេគង្គប្រទេសវៀតណាម ។ គោលបំណង គឺជួយជាគំនិត ដល់ការធ្វើសេចក្តីសម្រេចចិត្តនៅថ្នាក់ ជាតិ និងថ្នាក់តំបន់ អំពីបញ្ហាការប្រើប្រាស់ទឹក សន្តិសុខស្បៀងអាហារ និងការផ្គត់ផ្គង់ថាមពល ។ ជាពិសេសគោលដៅ របស់គម្រោង គឺជួយលើកកម្ពស់ការទ្រទ្រង់ជីវភាពរស់ និងសុខមាលភាពសហគមន៍នៅតំបន់មេគង្គ ដោយផ្តល់ជាត្រៃ វិស័យសម្រាប់ធ្វើសេចក្តីសម្រេច និងវិនិយោគ ឱ្យកាន់តែប្រសើរឡើង សម្រាប់ផលិតផល និងការធ្វើសម្បទាន និងការ ប្រើប្រាស់ថាមពល ចំណីអាហារ និងទឹកប្រកបដោយសមធម៌ ។
២.ក្រោមកិច្ចសហការជាមួយនឹង ឧត្តមក្រុមប្រឹក្សាសេដ្ឋកិច្ចជាតិ សាកលវិទ្យាល័យបច្ចេកវិទ្យា ព័ត៌មានវិទ្យា (តិចណូ) និង ក្រោមការឧបត្ថម្ភគាំទ្រមូលនិធិដោយ CSIRO, Aus AID និង Aalto University កាលពីថ្ងៃទី ១៦-១៨ ខែមីនា ឆ្នាំ ២០១១ អាជ្ញាធរទន្លេសាប បានរៀបចំសិក្ខាសាលាថ្នាក់ជាតិលើកទី ១ ស្តីពី ការសិក្សារួមគ្នាទៅលើអនាគតទន្លេមេគង្គ ដោយកំណត់អំពីជម្រើសអនាគតសម្រាប់ទន្លេសាប ស្ថិតក្រោមអធិបតីយភាព ឯកឧត្តម សូ សុភ័ទ្ទ អគ្គលេខាធិការរង អាជ្ញាធរទន្លេសាប តំណាងដ៏ខ្ពង់ខ្ពស់របស់ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប និង ឯកឧត្តម រស់ សីលវ៉ា អគ្គលេខាធិការរង ឧត្តមក្រុមប្រឹក្សាសេដ្ឋកិច្ចជាតិកម្ពុជា និងមាន ការអញ្ជើញចូលរួមពីក្រសួង-ស្ថាប័នពាក់ព័ន្ធ អង្គការមិនមែនរដ្ឋាភិបាល សកលវិទ្យាល័យ មន្ទីរជំនាញ អាជ្ញាធរដែនដី មន្ត្រីជំនាញអាជ្ញាធរទន្លេសាប ។
៣.គោលបំណងសិក្ខាសាលា គឺការកំណត់ឱ្យបានច្បាស់ពីបម្រែបម្រួលអនាគតរបស់បឹងទន្លេសាប ដើម្បីបង្កើតបានទស្សនៈ ថ្មីៗ ដោយឆ្លើយតបនឹងការប្រើប្រាស់ឧបករណ៍ និងអភិក្រមសេណារីយ៉ូឱ្យបានសមស្រប ។ ជាក់ស្តែង គឺការសិក្សាស្វែង យល់ និងដកស្រង់រាល់គំនិត បទពិសោធន៍ និងការយល់ដឹងរបស់អ្នកពាក់ព័ន្ធ និងអ្នកចូលរួមចំពោះផលប៉ះពាល់មកលើ ធនធានធម្មជាតិតំបន់ទន្លេសាប និងការទ្រទ្រង់ជីវភាពរស់នៅរបស់ប្រជាជននៅតំបន់ទន្លេសាប ដែលបណ្តាលមកពីកត្តា ការអភិវឌ្ឍន៍នៅតាមដងទន្លេមេ របស់ទន្លេមេគង្គខាងលើ ដោយធៀបពីអតីតកាល បច្ចុប្បន្ន និងទៅអនាគតកាល ។
៤.សិក្ខសាលា បានប្រព្រឹត្តទៅអស់រយៈពេល ០៣ ថ្ងៃ ទៅតាមរបៀបវារៈដែលបានគ្រោងទុក ដោយបានលើកយកបទ បង្ហាញសំខាន់ៗ និងទាញចំណាប់អារម្មណ៍សិក្ខាកាមឱ្យយល់ពីការប្រើប្រាស់នូវក្របខ័ណ្ឌសេណារីយ៉ូវិភាគនៅក្នុងគម្រោង ដើម្បីកំណត់អោយឃើញពីផលប៉ះពាល់ក្នុងការប្រើប្រាស់ និងការទាញយកនូវផលប្រយោជន៍ធនធានធម្មជាតិពីបឹងទន្លេ សាប និងទន្លេមេគង្គ នាំឱ្យមានផលប៉ះពាល់ដល់ជីវៈចម្រុះ ប្រព័ន្ធអេកូឡូស៊ី ជាពិសេសការទ្រទ្រង់ជីវភាពរស់នៅ និងគុណ ភាពទឹក ។ ដើម្បីធ្វើអោយសិក្ខាកាម យល់ច្បាស់ និងស៊ីជម្រៅចំពោះការរៀបចំក្របខ័ណ្ឌសេណារីយ៉ូវិភាគរបស់គម្រោង អង្គសិក្ខាសាលា បានរៀបចំនូវដំណើរទស្សនៈកិច្ចសិក្សានៅតាមសហគមន៍ ដែលបានកំពុងតែទទួលផលប្រយោជន៍ពី គម្រោងនានា និងធនធានធម្មជាតិនៃតំបន់បឹងទន្លេសាប ក្នុងការទ្រទ្រង់ជីវភាពរស់នៅ ។ តាមរយៈការរៀបចំក្របខ័ណ្ឌ សេណារីយ៉ូវិភាគនេះ អង្គសិក្ខាសាលា ក៏បានធ្វើការបែងចែកក្រុមពិភាក្សា ដើម្បីពិភាក្សា និងពិនិត្យមើលអំពីបម្រែបំរួល សេដ្ឋកិច្ច-សង្គមកិច្ច និងធនធានធានធម្មជាតិ និងបរិស្ថាន នៅតំបន់ជុំវិញបឹងទន្លេសាប និងតំបន់ពាក់ព័ន្ធ ជាពិសេសការទ្រ ទ្រង់ជីវភាពរស់នៅ និងភាពដែលងាយរងគ្រោះរបស់ប្រជាជននៅតំបន់ទន្លេសាបនិងតំបន់ពាក់ព័ន្ធ ហើយក៏បានធ្វើការ ពិចារណាអំពីសក្តានុពល
និងភាពចៃដន្យសម្រាប់ការអភិវឌ្ឍន៍ និងកិច្ចការពារប្រកបដោយចិរភាព ។
៥.អង្គសិក្ខាសាលា បានទទួលនូវលទ្ធផលដូចខាងក្រោម ៖
- ប្រមូលបាននូវរាល់ព័ត៌មាន បញ្ហា និងដំណោះស្រាយជាច្រើន ដែលមានសារៈប្រយោជន៍ ក្នុងការរៀបចំ ម៉ូដែលសេណារីយ៉ូ ដើម្បីធ្វើវាយតម្លៃ និងវិភាគ ។
- សិក្ខាកាម បានទទួលនូវការយល់ដឹងអំពីសារៈសំខាន់ក្នុងការគ្រប់គ្រង អភិរក្ស និងអភិវឌ្ឍន៍បឹងទន្លេសាប និង តំបន់ពាក់ព័ន្ធ ប្រកបដោយនិរន្តរភាព ក្នុងការរួមចំណែកការអភិវឌ្ឍន៍សេដ្ឋកិច្ច និងសង្គមនៅកម្ពុជា ។
- សិក្ខាកាម ទទួលបាននូវគំនិត និងយល់ដឹង អំពីការប្រើប្រាស់នូវក្របខ័ណ្ឌម៉ូដែលសេណារីយ៉ូ Model Scenario ដើម្បីធ្វើការវាយតម្លៃ និងវិភាគរាល់បញ្ហា ដែលកើតមានឡើងនៅបឹងទន្លេសាប និងតំបន់ពាក់ព័ន្ធ នាពេល កន្លងមក និងពេលអនាគត សម្រាប់ផ្តល់ជាព័ត៌មាន និងអនុសាសន៍ ក្នុងការរៀបចំគោលនយោបាយដ៏ត្រឹមត្រូវ សម្រាប់ការងារគ្រប់គ្រង អភិរក្ស និងអភិវឌ្ឍន៍បឹងទន្លេសាប និងតំបន់ពាក់ព័ន្ធ ។
៦. ជាមួយនឹងលទ្ធផលនៃសិក្ខាសាលាថ្នាក់ជាតិលើកទី ០១ នេះ ក្រុមការងារ និងអ្នកជំនាញការរបស់គម្រោង នឹងរៀប ចំនូវឯកសាររបាយការណ៍ជំហានដំបូង នៃការប្រើប្រាស់ម៉ូដែលសេណារីយ៉ូ មកធ្វើការវាយតម្លៃ និងវិភាគទៅលើផលប៉ះ ពាល់ និងសក្តានុពលនៃធនធានធម្មជាតិបឹងទន្លេសាប និងតំបន់ពាក់ព័ន្ធ រួមជាមួយនឹងរបាយការណ៍ជំហានដំបូងរបស់ថ្នាក់ តំបន់ ដើម្បីដាក់ជូន និងពិភាក្សានៅក្នុងអង្គសិក្ខាសាលាថ្នាក់ជាតិលើកទី ០២ ដែលនឹងគ្រោងរៀបចំធ្វើនៅក្នុងខែ កក្កដា ឆ្នាំ ២០១១ នៅទីរួមខេត្តបាត់ដំបង ។
