ការអញ្ជើញចូលរួមកិច្ចប្រជុំក្រុមជំនាញការស្តីពីការគ្រប់គ្រងអាង-បឹងចម្រុះ(ILBM-Heartware)
នាថ្ងៃទី ១៤ ដល់ ១៧ ខែកុម្ភៈ ឆ្នាំ ២០១៦ ក្រុមការងារបច្ចេកទេសរបស់អាជ្ញាធរទន្លេសាបដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានរៀបចំកិច្ចប្រជុំក្រុមជំនាញការអន្តរជាតិ ស្តីពីការគ្រប់គ្រងអាង-បឹងចម្រុះ( ILBM-Heartware ) នៅខេត្តសៀមរាប ក្រោមកិច្ចសហប្រតិបត្តិការរវាងអាជ្ញាធរទន្លេសាប( Tonle Sap Authority ) ជាមួយគណៈកម្មការបឹងអន្តរជាតិ( International Lack Environement Committee ) ។ កិច្ចប្រជុំ មានការចូលរួមពីក្រុមការងារបច្ចេកទេសនៃស្ថាប័នពាក់ព័ន្ធដូចជា ក្រសួងបរិស្ថាន គណៈកម្មាធិការជាតិទន្លេមេគង្គកម្ពុជា ក្រុមការងារ CDRI, IUCN និងវិទ្យាស្ថានបច្ចេកវិទ្យាកម្ពុជា ព្រមទាំងជំនាញការអន្តរជាតិមកពីប្រទេសជប៉ុន នេប៉ាល់ ម៉ាឡេស៊ី ហ្វីលីពីន ថៃ មានសមាជិកសរុបចំនួន ១៨ នាក់។
គោលបំណងនៃកិច្ចប្រជុំ ដើម្បីលើកកម្ពស់កិច្ចសហប្រតិបត្តិការ ដែលបម្រើផលប្រយោជន៍រួម ដូចជាៈ
១.បង្ហាញពីទស្សនទានរបស់ក្រុមការងារគ្រប់គ្រងអាង-បឹងចម្រុះ ( ILBM-Heartware concept )
២.បង្ហាញពីបទពិសោធន៍នៃការសហការគ្នាគ្រប់អាង - បឹងចម្រុះ រវាងគ្នាទឿវិញទៅមក
៣.ស្វែងយល់ពីការគ្រប់គ្រង ការអភិវឌ្ឍ និងបញ្ហាប្រឈមនានាក្នុងបឹងទន្លេសាប
៤.រៀបចំគម្រោង និងបណ្តាញនៃកិច្ចសហការរវាងបឹងទន្លេសាប និងក្រុមការងារ
គ្រប់គ្រងអាង-បឹងចម្រុះ។
៥. ទស្សនកិច្ចសិក្សានៅប្រាសាទអង្គរវត្ត និងតំបន់បឹងទន្លេសាប។
