ការចូលរួមកិច្ចប្រជុំអន្តរក្រសួង ពិភាក្សាបញ្ហាគម្រោងវិនិយោគរបស់ក្រុមហ៊ុន Sea Pac Investment និងក្រុមហ៊ុន Sou Ching Port Investment
នាថ្ងៃទី 04 ខែកញ្ញា ឆ្នាំ2015 លោក ស៊ិន វិសិទ្ធ ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចូលរួមកិច្ចប្រជុំអន្តរក្រសួងពិភាក្សាបញ្ហាគម្រោងវិនិយោគរបស់ក្រុមហ៊ុន Sea Pac Investment និងក្រុមហ៊ុន Sou Ching Port Investment ដឹកនាំដោយឯកឧត្តម ណៅ ធួក អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ដែលមានចូលរួមពីស្ថាប័នពាក់ព័ន្ធរួមមាន តំណាងក្រសួងសេដ្ឋកិច្ច និងហិរញ្ញវត្ថុ ក្រសួងរៀបចំដែនដីនគរូបនីយកម្ម និងសំណង់ ក្រសួងធនធានទឹក និងឩតុនិយម ក្រសួងកសិកម្ម រុក្ខាប្រមាញ់ និងនេសាទ រដ្ឋបាលជលផល និងតំណាងអាជ្ញាធរខេត្តសៀមរាប សរុបចំនួន ២១ រូប ។ ជាលទ្ធផល កិច្ចប្រជុំបានឯកភាពបង្កើតក្រុមការងារចម្រុះដឹកនាំដោយក្រសួងកសិកម្ម រុក្ខាប្រមាញ់ និងនេសាទ នឹងចុះពិនិត្យស្ថានភាពជាក់ស្តែងឡើងវិញ ដើម្បីឲ្យការអភិវឌ្ឍគោរពតាមបទដ្ឋានគតិយុត្តិ។
