ការអញ្ជីញចូលរួមសិក្ខាសាលា នៃកម្មវិធី “BRIDGE Benefit Sharing” នាទីក្រុងបាងកក
នាថ្ងៃទី ១៥ ដល់ថ្ងៃទី ១៧ ខែកក្កដា ឆ្នាំ ២០១៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមសិក្ខាសាលាថ្នាក់តំបន់ នៃកម្មវិធី BRIDGE Benefit Sharing ដើម្បីធ្វើឲ្យប្រសើរឡើងនូវការគ្រប់គ្រងធនធានទឹកតំបន់ឆ្លងដែន (The improvement of tranboundary water governance) ដែលរៀបចំដោយអង្គការ International Union for Conservation of Nature (IUCN) នាទីក្រុងបាងកក ប្រទេសថៃ។ សិក្ខាសាលាបានបង្ហាញអំពីយន្តការនៃការគ្រប់គ្រងធនធានទឹកឆ្លងដែន ពិសេសគឺពាក់ព័ន្ធនឹងការសាងសង់ទំនប់វារីអគ្គិសនី និងការចែករំលែកអត្ថប្រយោជន៍ដល់ប្រទេសដែលមានព្រំប្រទល់ជាប់គ្នា។ ក្រោយពីបញ្ចប់សិក្ខាសាលារយៈពេលពីរថ្ងៃរួមមក នាថ្ងៃទី បី ក្រុមការងារនៃកម្មវិធី BRIDGE បើកកិច្ចប្រជុំបង្ហាញអំពីលទ្ធផលដែល កម្មវិធី BRIDGE វគ្គទី ២ សម្រេចបានកន្លងមក និងពិភាក្សាលើកផែនការសម្រាប់អនុវត្តកម្មវិធី BRIDGE វគ្គទី ៣ បន្តទៀតសម្រាប់ឆ្នាំ ២០១៥-២០១៨ ខាងមុខ។
