ការអញ្ជើញចូលរួមសិក្ខាសាលាបច្ចេកទេស ស្តីពីវិមជ្ឈការនៃប្រព័ន្ធទិន្នន័យសេដ្ឋកិច្ចសង្គម របស់ MRC
នៅក្រុងសៀមរាប នាថ្ងៃទី ១៧ ដល់ថ្ងៃទី ១៨ ខែធ្នូ ឆ្នាំ២០១៤ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងលោក សាំង រ៉ូឡា អនុប្រធានការិយាល័យផែនការ និងសហប្រតិបត្តិការ បានអញ្ជើញចូលរួម សិក្ខាសាលាបច្ចេកទេស ស្តីពីវិមជ្ឈការនៃប្រព័ន្ធទិន្នន័យសេដ្ឋកិច្ចសង្គម របស់គណៈកម្មការទន្លេមេគង្គ (MRC) នៅកម្ពុជា ដែលរៀបចំឡើងដោយគណៈកម្មាធិការជាតិទន្លេមេគង្គកម្ពុជា ក្រោមអធិបតីភាពដ៍ខ្ពង់ខ្ពង់ ឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងមានការអញ្ជើញចូលរួមពីក្រសួង ស្ថាប័ន ដែលជាសមាជិក មានចំនួន ៣៨ នាក់ ។ សិក្ខាសាលា មានគោលបំណង ដើម្បី ស្វែងយល់អំពី ផែនការនៃការអនុវត្តវិមជ្ឈការនៃប្រព័ន្ធទិន្នន័យសេដ្ឋកិច្ចសង្គម របស់គណៈកម្មការទន្លេមេគង្គ (MRC) នៅកម្ពុជា និងអំពីទិដ្ឋភាព និងស្ទាបស្ទង់សមត្ថភាពបច្ចេកទេសនិងរដ្ឋបាលនៃប្រព័ន្ធទិន្នន័យសេដ្ឋកិច្ច ព្រមទាំងពិភាក្សាទៅលើការទទួលខុសត្រូវរបស់ក្រសួង ស្ថាប័ន ពាក់ព័ន្ធរួមទាំងតម្រូវការសមត្ថភាពបច្ចេកទេសគ្រប់គ្រង និងធនធានសម្រាប់អនុវត្តផែនការនេះ ។
