សកម្មភាពចូលរួមវគ្គបណ្តុះបណ្តាលស្តីពី ការតំរង់ទិសក្នុងសកម្មភាពស្រាវ ជ្រាវដោយមានការចូលរួម (PAR Tools)
កាលពីថ្ងៃទី ១៦ ដល់ថ្ងៃទី ១៨ ខែកញ្ញា ឆ្នាំ ២០១៤ លោក ខូវ វេងសុង អនុប្រធានការិយាល័យធនធានរ៉ែ និង កញ្ញា ប៊ូ សុភ័ស្ភ ជាមន្ត្រីនាយកដ្ឋានធនធានធម្មជាតិ នៃអាជ្ញាធរទន្លេសាប បានចូលវគ្គបណ្តុះបណ្តាលស្តីពី ការតំរង់ទិសក្នុងសកម្មភាពស្រាវ ជ្រាវដោយមានការចូលរួម (PAR Tools) ដែលរៀបចំដោយអង្គការ World Fish ធ្វើនៅសាលប្រជុំកាកបាទក្រហមកម្ពុជា ក្នុងទីរួមខេត្តពោធិ៍សាត់ និងមានសមាសភាពចូលរួមចំនួន ៣១ នាក់ មានអាជ្ញាធរទន្លេសាប អង្គការដៃគូរ និងអ្នកសម្របសម្រួលតាមភូមិគោលដៅរបស់ World Fish នៅជុំវិញបឹងទន្លេសាប ។ វគ្គបណ្តុះបណ្តាលនេះ គឺដើម្បីពង្រឹងសមត្ថភាព និង អនុវត្តក្នុងដំណើរការសហគមន៍, បង្ហាញពីវិធីសាស្ត្រនៃការចូលរួម(PAR), កំណត់ក្រុមគោលដៅដែលត្រូជួប និងវីធីសាស្ត្រដែលត្រូវប្រើប្រាស់ រៀបចំផែនការក្នុងការពិភាក្សាជាមួយក្រុមគោលដៅចាស់ និងក្រុមគោលដៅថ្មី។ វគ្គបណ្តុះបណ្តាល បានលើកផែនការចុះអនុវត្ត ពីវិធីសាស្ត្រនេះនៅភូមិគោលដៅចំនួន ០៦ ក្នុងខេត្តចំនួន ០២ មាន ខេត្តពោធិ៍សាត់ និងខេត្តបាត់ដំបង ដែលនឹងប្រព្រឹត្តទៅចាប់ពីចុងខែកញ្ញា រហូតដល់ពាក់កណ្តាលខែតុលា ឆ្នាំ ២០១៤ ។
