ការចូលរួមសិក្ខាសាលាពិគ្រោះយោបល់ថ្នាក់ជាតិស្តីពី ការពិនិត្យ និងការធ្វើបច្ចុប្បន្នភាពយុទ្ធសាស្ត្រ និងផែនការសកម្មភាពជាតិស្តីពីជីវៈចម្រុះ (NBSAP) និងរបាយការណ៍ស្ថានភាពជីវៈចម្រុះជាតិ
នាថ្ងៃទី ០៤ ខែកញ្ញា ឆ្នាំ២០១៤ នៅសណ្ឋាគារសាន់វ៉េ រាជធានីភ្នំពេញ លោក លោក ប៉ុន វុឌ្ឍី ប្រធានការិយាល័យជីវៈចម្រុះ នាយកដ្ឋានធនធានធម្មជាតិ អាជ្ញាធរទន្លេសាប បានចូលរួមក្នុងសិក្ខាសាលាពិគ្រោះយោបល់ជាតិ ស្តីពី ការពិនិត្យឡើងវិញ និងការធ្វើបច្ចុប្បន្នភាពយុទ្ធសាស្ត្រ និងផែនការសកម្មភាពជាតិស្តីពីជីវៈចម្រុះ (NBSAP) និងរបាយការណ៍ស្ថានភាពជីវៈចម្រុះជាតិ ដែលរៀបចំទ្បើងក្នុងនាមជាស្ថាប័នទទួលបន្ទុកអនុវត្តការងារអនុសញ្ញាសហប្រជាជាតិស្តីពីជីវៈចម្រុះ នៃក្រសួងបរិស្ថាន ក្រោមធិបតីភាពឯឧត្តម យិន គឹមស៊ាន រដ្ឋលេខាធិការ ក្រសួងបរិស្ថាន និងមានអញ្ជើញចូលរួមពីក្រសួង ស្ថាប័នពាក់ព័ន្ធ មានក្រសួងធនធានទឹក និងឧតុនិយម អាជ្ញាធរទន្លេសាប ក្រសួងទេសចរណ៍ រដ្ឋបាលព្រៃឈើ ក្រសួងអភិវឌ្ឍន៍ជនបទ ក្រសួងអប់រំ យុវជន និងកីទ្បា ក្រសួងផែនការ ក្រសួងរ៉ែ និងថាមពល រដ្ឋបាលជលផល តំណាងដៃគូអភិវឌ្ឍន៍ និងអង្គការក្រៅរដ្ឋាភិបាល ។ សិក្ខាសាលាថ្នាក់ជាតិនេះ ដើម្បីពិនិត្យ និងពិភាក្សាផ្លាស់ប្តូរយោបល់ និងកែសម្រួលទិនិ្នន័យ -ព័ត៌មានជីវៈចម្រុះ លើសេចក្តីព្រាង NBSAP និងរបាយការណ៍ស្ថានភាពជីវៈចម្រុះជាតិ ជាមួយបណ្តាស្ថាប័ន អង្គាករដៃគូ និងអ្នកពាក់ព័ន្ធនានា។
