សកម្មភាពចូលរួមសិក្ខាសាលាថ្នាក់ជាតិ ស្តីពីការផ្សព្វផ្សាយឯកសារផែនទីបង្ហាញផ្លូវថ្នាក់ជាតិ CRBMFD
កាលពីថ្ងៃទី ២៥ ខែសីហា ឆ្នាំ២០១៤ លោក សរ គឹមសាន្ត ប្រធាននាយកដ្ឋានរដ្ឋបាល ផែនការ និង សហប្រតិបត្តិការ និងលោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានចូលរួមសិក្ខាសាលាថ្នាក់ជាតិ ស្តីពីការផ្សព្វផ្សាយឯកសារផែនទីបង្ហាញ ផ្លូវថ្នាក់ជាតិសម្រាប់មុខងារស្នូលនៃការគ្រប់គ្រងអាងទន្លេដើម្បីអនុវត្តវិមជ្ឈការគណៈកម្មការទន្លេមេគង្គសម្រាប់កម្ពុជា ( National Road Map of Core River Basin Management Function Decentralization_CRBMFD ) មាន ៩ ជំពូក រហូតដល់ឆ្នាំ២០៣០ ដែលបានរៀបចំដោយគណៈកម្មាធិការជាតិទន្លេមេគង្គកម្ពុជានៅសណ្ឋាគារភ្នំប្រុស ទីក្រុងកំពង់ចាម ដែលមានការអញ្ជើញចូលរួមពីសមាជិកក្រុមការងារបច្ចេកទេសអន្តរក្រសួង មាន MOWRAM MAFF MOE MOP MPWT MIME TSA និង NPC ។ សិក្ខាសាលា មានគោលបំណង ដើម្បីផ្សព្វផ្សាយឯកសារ Cambodia CRBMFD National Roadmap និងពិនិត្យ ពិភាក្សា លើបច្ចុប្បន្នភាពនៃផែនការសកម្មភាព(កញ្ចប់សកម្មភាពទី១៖ ៦ សកម្មភាព) សម្រាប់ ឆ្នាំ២០១២-២០១៥ ។ សិក្ខាសាលា ទទួលបាននូវចំណេះដឹងបន្ថែមទៀតក្នុងការអនុវត្តមផែនទីបង្ហាញផ្លូវថ្នាក់ជាតិនៅកម្រិតជាតិ និងយល់ដឹងច្បាស់លាស់ពីការធ្វើឲ្យប្រសើរទ្បើងនូវយន្តការសម្របសម្រួលដែលមានស្រាប់រវាងមន្ត្រីជាតិ សម្របសម្រួលវិមជ្ឈការមុខងារស្នូល មន្ត្រីជាតិ សម្រប សម្រួលកម្មវិធីនានា និងមន្ត្រីសម្របសម្រួលថ្នាក់តំបន់ ។
