សកម្មភាពវគ្គបណ្តុះបណ្តាលការផលិតវីដេអូ និងសរសេរអត្ថបទ (Social Media and Communication)
នាព្រឹកថ្ងៃចន្ទ ១១ រោច ខែ ស្រាពណ៍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២៦ ខែសីហា ឆឆ្នាំ២០១៩ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ខូវ មាស អគ្គលេខាធិការរង បានអញ្ជើញចូលរួមជាអធិបតីភាពក្នុងពិធី បើកវគ្គបណ្តុះបណ្តាលស្តីពី “ការផលិតវីដេអូ និងសរសេរអត្ថបទ សម្រាប់ Social Media and Communication” ដល់មន្ត្រីព័ត៌មានវិទ្យារបស់អគ្គលេខាធិការដ្ឋាន នៃអាជ្ញាធរទន្លេសាប ដែលមានេយៈពេល៣ថ្ងៃ ចាប់ពីថ្ងៃទី ២៦ ដល់ថ្ងៃទី ២៨ ខែសីហា ឆ្នាំ ២០១៩ ។ វគ្គបណ្តុះបណ្តាលនេះ ក្នុងគោលបំណង ដើម្បី៖
- បង្កើនចំណេះដឹងក្នុងការអនុវត្តបង្កើតមាតិកាវីដេអូ និងការសរសេរអត្ថបទសម្រាប់ផលិតវីដេអូ
- យល់ដឹងពីប្លង់ថត និង បច្ចេកទេសវីដេអូ និងបទយកការណ៍ និង Documentary
- យល់ដឹងពីការអនុវត្តជាក់ស្តែងនៃការថតវីដេអូ
- ការប្រើប្រាស់កម្មវិធីសម្រាប់កាត់តដើម្បីផលិតវីដេអូ
ជាលទ្ធផលនៃវគ្គបណ្តុះបណ្តាល សិក្ខាកាម នឹងទទួលបាននូវ ៖
- ចំណេះដឹងលើបច្ចេកទេសបង្កើតវីដេអូ សម្រាប់ social Media
- ចំណេះដឹងលើបច្ចេកទេសធ្វើបទសំភាសន៍ បទយកការណ៍ Video voxp-pop និងការប្រើប្រាស់កាមេរ៉ា
- យល់ដឹងពី A-Roll and B-Roll និងរបៀបរៀបចំផែនការសម្រាប់ធ្វើមាតិកា ដើម្បីផលិតវីដេអូ និងសរសេរអត្ថបទវិដេអូ
- ចំណេះដឹងពីការប្រើប្រាស់កម្មវិធីកាត់តក្នុងទូរស័ព្ទ សម្រាប់បង្កើតវីដេអូខ្លីដោយអនុវត្តន៍ជាក់ស្តែង។
