កិច្ចជំនួបពិភាក្សាការងារជាមួយក្រុមការងារតំណាងទីភ្នាក់ងារអាឡឺម៉ង់ (GIZ)
នាព្រឹកថ្ងៃព្រហស្បតិ៍ទី ០៦កើត ខែមិគសិរ ឆ្នាំ ច សំរិទ្ធស័ក ព.ស២៥៦២ ត្រូវនឹងថ្ងៃទី១៣ ខែធ្នូ ឆ្នាំ២០១៨ នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ស៊ិន វិសិទ្ធ អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានជួបសន្ទនាជាមួយក្រុមការងារតំណាងទីភ្នាក់ងារអាឡឺម៉ង់ (GIZ) ដើម្បីស្វែងយល់អំពីទស្សនវិស័យរបស់អាជ្ញាធរទន្លេសាប ចំពោះគណ:កម្មការទន្លេមេគង្គលើការងារគ្រប់គ្រងទឹកឆ្លងដែន។ ភាគី GIZ ចង់សិក្សាស្វែងយល់អំពី ៖
- ភាពជោគជ័យរបស់ MRC ក្នុងការសម្របសម្រួលលើអត្ថប្រយោជន៍សក្តានុពលនៃការគ្រប់គ្រងទឹកឆ្លងដែន។
- ស្វែងយល់អំពីការចូលរួមរបស់ដៃគូរពាក់ព័ន្ធនានាជាមួយ MRC លើការគ្រប់គ្រងធនធានទឹកឆ្លងដែន។
- ប្រមូលព័ត៌មាន ការចែករំលែក និងអនុសាសន៍ ដើម្បីជាមធ្យោបាយបង្កើតការគាំទ្រដល់ MRC នាពេលខាងមុខបន្ថែមទៀត។
