ឯកឧត្តម លឹម គានហោ អនុញ្ញាតឲ្យគណប្រតិភូបារាំងចូលជួបសម្តែងការគួរសម និងពិភាក្សាការងារ
កាលពីថ្ងៃទី ៣១ ខែតុលា ឆ្នាំ ២០១១ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានអនុញ្ញាតឲ្យ គណប្រតិភូបារាំង ដែលមានលោក Jacques Oudin, លោក René Regnault ដែលជាសមាជិកព្រឹទ្ឋសភា និងលោក Michel Stein (មីហ្សែល ស្ទេន)ដែលជាភ្នាក់ងារគ្រប់គ្រងអាងទន្លេ
Loire-Bretagne ចូលជួបសម្តែងការគួរសម និងពិភាក្សាការងារនៅក្រសួងធនធានទឹក និងឧតុនិយម។
ការពីភាក្សានេះបានផ្តោតទៅលើគំរោងថវិការជំនួយរបស់ភាគីបារាំង ដើម្បីរៀបចំការគ្រប់គ្រងបឹងទន្លេសាប និងតំបន់ពាក់ព័ន្ឋ ដោយផ្តើមការសិក្សា នៅឆ្នាំ ២០១២ លើអាងទន្លេស្ទឹងសែន។
ក្រោយពីការពិភាក្សា ខាងភាគីបារាំងអាចផ្តល់ជំនួយជាថវិការប្រមាណ ៤០ម៉ឺនអ៊ឺរ៉ូ សម្រាប់ គម្រោងលើការ គ្រប់គ្រងបឹងទន្លេសាប ជាពិសេសអាងទន្លេស្ទឹងសែន ដែលស្ថិតនៅក្នុងខេត្ត កំពង់ធំ នៅឆ្នាំ ២០១២ -២០១៣ ខាងមុខ។
ឯកឧត្តមរដ្ឋមន្ត្រី បានថ្លែងអំណគុណរចំពោះរដ្ឋាភិបាលបារាំង ដែលបានផ្តល់ជំនួយលើគម្រោងនេះ។
កិច្ចពិភាក្សានេះបានបញ្ចប់ប្រកបដោយភាព ស្និទ្ឋស្នាល និងប្រកបដោយជោគជ័យ ។
