ឯកឧត្តម លឹម ពុយ ចុះទៅពិនិត្យទីតាំងឡូត៍ដាយ
នាព្រឹកថ្ងៃទី ១៩ ខែវិច្ឆិកា ឆ្នាំ២០១១ កន្លងទៅថ្មីៗនេះ ឯកឧត្តម លឹម ពុយ អនុប្រធានអាជ្ញាធរទន្លេសាប អមដោយលោកប្រធាននាយកដ្ឋាន រួមទាំងមន្ត្រីរបស់អាជ្ញាធរទន្លេសាប និងនិស្សិតចំនួន ៣៤នាក់បាន ចុះទៅពិនិត្យទីតាំងដាយត្រី និងការធ្វើអាជីវកម្មឡូត៍ដាយនៅរាជធានី និង ខេត្តកណ្តាល ។
បន្ទាប់មកក្រុមការងារបានចុះទៅ ឡូត៍ដាយលេខ៩ របស់រដ្ឋបាលជលផល ដែលជាឡូត៍សិក្សាស្រាវជ្រាវ ដើម្បីធ្វើការពិនិត្យល្បឿនទឹកហូរ និងបានធ្វើការរាប់ចំនួនប្រភេទត្រី និងវាស់ប្រវែងប្រភេទត្រីនីមួយៗ ជាពិសេសបានបង្រៀន អំពីរបៀបប្រើប្រាស់ថ្នាំសន្លប់ ។ ជាលទ្ធផលដែលក្រុមការងារសម្រេច បានអោយដឹងថា ល្បឿនរបស់ទឹក ហូរគឺ ១.៧m ក្នុង១វិនាទី និងបានវាស់ប្រវែង និងថ្លង់ទម្ងន់របស់ត្រីចំនួន ៣០ប្រភេទ។
