ឯកឧត្តម ហ៊ែល តូនី អគ្គលេខាធិការ ជួបពិភាក្សាការងារជាមួយ អង្គការ UNESCO
នាព្រឹកថ្ងៃ ពុធ ៧ កើត ខែផល្គុន ឆ្នាំ រកា នព្វស័ក ព.ស ២៥៦១ ត្រូវនិង ថ្ងៃទី ២១ ខែកុម្ភៈ ឆ្នាំ ២០១៨ ឯកឧត្តម ហ៊ែល តូនី អគ្គលេខាធិការ តំណាងដ៏ខ្ពង់ខ្ពស់របស់ ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំ មន្ត្រីបច្ចេកទេសក្រោមឱវាទអាជ្ញាធរទន្លេសាប ជួបប្រជុំពិភាក្សា ជាមួយមន្ត្រីជាន់ខ្ពស់របស់អង្គការយូនីស្កូ ដឹកនាំដោយលោកស្រី Ms. Anne Lemaistre តំណាងអង្គការយូនីស្កូប្រចាំប្រទេសកម្ពុជានៅអគ្គលេខាធិការដ្ឋាន នៃអាជ្ញាធរទន្លេសាប ។ គោលបំណងនៃកិច្ចប្រជុំពិភាក្សា គឺធ្វើការសិក្សាស្វែងយល់ពីសកម្មភាពការងារ និងទិសដៅការងាររវាងភាគីស្ថាប័នទាំងពីរ ក្នុងការបង្កើននូវកិច្ចសហប្រតិបត្តិការក្នុងភាពជាដៃគូ ដើម្បីគ្រប់គ្រង អភិរក្ស និងអភិវឌ្ឍន៍ធនធានធម្មជាតិតំបន់បឹងទន្លេសាប ជាពិសេសការរក្សាបាននូវសុខមាលភាពតំបន់ស្នូលឋបនីយជីវមណ្ឌលបឹងទន្លេសាប ។ ជំនូបពិភាក្សាក្នងស្មារតីពង្រឹងតួនាទីភារកិច្ច និងប្រសិទ្ធភាពការងាររបស់អាជ្ញាធរទន្លេសាប ក្នុងការលើកកម្ពស់កិច្ចសហប្រតិបត្តិការជាមួយដៃគូពាក់ព័ន្ធ ។
