សកម្មភាពសិក្សា អំពីសក្តានុពលទេសចរណ៍ធម្មជាតិនៃខេត្តកំពង់ឆ្នាំង
នាថ្ងៃទី១២ ដល់ថ្ងៃទី១៥ ខែកុម្ភះ ឆ្នាំ ឆ្នាំ២០១៨ ឯកឧត្តម ខូវ មាស អគ្គលេខាធិការង បានចុះសិក្សា អំពីសក្តានុពលទេសចរណ៍ធម្មជាតិនៅតំបន់សត្វស្លាបនៅតំបន់ព្រៃកោះស្ថិតនៅព្រុំប្រទល់ឃុំផ្លូវទូក និងឃុំប្រឡាយមាស ដែលជាតំបន់សត្វស្លាបចុះមកចាប់ចំណីរៀងរាល់ឆ្នាំស្ថិតនៅខេត្តកំពង់ឆ្នាំង។ បច្ចុប្បន្នតំបន់នេះរងនូវការទន្ទ្រានដី ដើម្បីធ្វើដំណាំកសិកម្ម ដែលបង្កឲ្យមានបម្រែបម្រួល ប៉ះពាល់ដល់ ជម្រកមច្ឆាជាតិ និងពួកសត្វស្លាប ដែលការចុះរកចំណីរបស់សត្វស្លាបនៅតំបន់នេះមានការប្រែប្រួលពីមួយឆ្នាំ ទៅមួយឆ្នាំ។ ក្រុមការងារបានបន្តសិក្សាពីសក្តានុពលទេសចរណ៍មួយកន្លែងទៀត គឺការជិះរទេះគោឈើបុរាណ ដែលមានទីតាំងស្ថិតនៅភូមិកំពង់ត្រឡាច ឃុំកំពង់ត្រឡាច ដែលតំបន់នេះ មាន ភ្ញៀវទេសចរណ៍ដែលបានធ្វើដំណើរតាមកប៉ាល់បានចូលមកចត និងជិះរទេះគោកម្សាន្តតាមភូមិ ដោយចាប់ តាំងពីឆ្នាំ 2016 មក គឺភ្ញៀវទេសចរណ៍មានការកើនឡើងរហូតមកទល់ពេលបច្ចុប្បន្ន។
