សកម្មភាពនៃការចុះសិក្សាអំពីរុក្ខជាតិព្រៃលិចទឹក
កាលពីថ្ងៃទី ១១ ដល់ថ្ងៃទី ១៣ ខែ មិថុនា ឆ្នាំ ២០១២ ក្រុម ការងាររបស់នាយកដ្ឋានធនធានធម្មជាតិ នៃអាជ្ញាធរ ទនេសាប បានចុះធ្វើ ការសិក្សាអំពីរុក្ខជាតិព្រៃលិចទឹក ដែល មានទីតាំងនៅ ឃុំកំពង់លួង ស្រុកក្រគរ ខេត្តពោធិ៍សាត់ ។
ការចុះសិក្សាអំពីរុក្ខជាតិព្រៃលិចទឹក នៅខេត្តពោធិ៍សាត់នេះ គឺក្រោមការដឹកនាំរបស់ លោក ខូវ មាស ប្រធាននាយក ដ្ឋានធនធានធម្ម ជាតិ ដែលមានការចង្អុលបង្ហាញពី ឯកឧត្តម លឹម ពុយ អនុប្រធានអាជ្ញាធរ ទន្លេសាប បានដឹកនាំ ក្រុមការងារចុះសិក្សាទៅ លើពពួក ដើមឈើធំ , ព្រៃគម្ពោធ , វល្លិ , ស្មៅ និង ពពួកវារីរុក្ខជាតិ និងដំណុះរុក្ខជាតិរបស់ ព្រៃលិចទឹក ដែលដុះឡើងវិញ មានអាយុកាល ១ឆ្នាំ និង ៤ឆ្នាំ ក្រោយពីមានការកាប់បំផ្លាញធ្វើស្រែចំការ និងព្រៃធម្មជាតិ ដែលមិនទាន់មានការកាប់បំផ្លាញ ។ ក្នុងនោះក្រុមការងារបានកំណត់ និងពិនិត្យយកសំណាករុក្ខជាតិព្រៃលិចទឹក សរុប មានចំនួន ៥២ ប្រភេទ ។
ក្រុមការងារ និងបន្តធ្វើការសិក្សាអំពីរុក្ខជាតិព្រៃលិចទឹក មុនរដូវទឹកតម្លើង និងក្រោយទឹកសម្រក បន្តទៀត ដើម្បី ឈានទៅដល់ការកំណត់អោយបានច្បាស់លាស់នូវលក្ខណៈជីវសាស្ត្រផ្សេងៗ របស់ប្រភេទរុក្ខជាតិព្រៃលិចទឹកនីមួយៗ ។
