ដំណើរបំពេញបេសកកម្មពិសេសលើការសិក្សាស្រាវជ្រាវ និងវាយតម្លៃធនធានធម្មជាតិ និងស្ថានភាពទូទៅនៃបឹងទន្លេសាបនារដូវបិទនេសាទ ឆ្នាំ ២០១២
អាជ្ញាធរទន្លេសាប បានធ្វើទស្សនៈកិច្ចសិក្សារយះពេល ៤ ថ្ងៃ ចាប់ពីថ្ងៃទី ១០ ដល់ថ្ងៃទី ១៣ ខែកក្កដា ឆ្នាំ ២០១២ ក្រោមការដឹកនាំដោយឯកឧត្តមសាស្ត្រាចារ្យ លឹម ពុយ និងអមដំណើរដោយក្រុមការងារ ពីរ នាយកដ្ឋាន គឺនាយកដ្ឋានធនធានធម្មជាតិ និងនាយកដ្ឋានអាជីវកម្ម និងអភិរក្ស អមដោយក្រុមការងារចំនួន ២២ នាក់
ដែលមានគោលបំណងស្រាវជ្រាវទៅលើជីវចម្រុះ នៃខេត្តជុំវិញបឹងទន្លេសាប ដើម្បីស្វែងយល់លើ ៖
- សិក្សាលើគុណភាពទឹក និងសេដ្ឋកិច្ចសង្គម
- សិក្សាវាយតម្លៃធនធានត្រីនារដូវត្រីពង និងផលស្តុកត្រី
- សិក្សាស្រាវជ្រាវអំពីរុក្ខជាតិព្រៃលិចទឹក និងជីវចម្រុះ
- សិក្សាស្រាវជ្រាវការធ្វើធអាជីវកម្ម
- សិក្សាស្រាវជ្រាវលើឧបករណ៍ពិសោធន៍ដោយមាន លប មង អួន និងសន្ទូច ដើម្បីវាយតម្លៃពី ផលស្តុកធនធានត្រីនូវបឹងទន្លេសាបនារដូវបិទនេសាទ
- សិក្សាស្រាវជ្រាវពីការរៀបចំតំបន់អភិរក្សលើឡូត៌នាសាទដែលបានលុបកាលពីឆ្នាំ ២០១១
- ការសិក្សាស្រាវជ្រាវអំពីសកម្មភាពនៃបទល្មើសនេសាទគ្រប់រូបភាព
- ការសិក្សាស្រាវជ្រាវពីបរិមាណ ប្រភេទ និងទំហំផលនេសាទ នូវតាមបណ្តាលយឿ (ទីតាំងប្រមូលទិញ ) ក្នុងបណ្តាលខេត្តនីមួយៗជុំវិញបឹងទន្លេសាប
ជាសរុប ក្រុមការងារអាជ្ញាធរទន្លេសាបនឹងធ្វើការបូកសរុប វាយតម្លៃលទ្ធផលការងារជូន ឯកឧត្តមប្រធានអាជ្ញាធរទន្លេសាប ។
