សកម្មភាពនៃការចុះសិក្សាពីរុក្ខជាតិព្រៃលិចទឹកនៅតំបន់ 3
កាលពីថ្ងៃទី ២០ ដល់ថ្ងៃទី ២១ ខែសីហា ឆ្នាំ ២០១២ ក្រុមការងារ របស់នាយកដ្ឋានធនធានធម្មជាតិនៃអាជ្ញាធរ ទនេ្លសាប បានចុះ ធ្វើការសិក្សាពីរុក្ខជាតិព្រៃលិចទឹកដែលមានទីតាំងនៅ ភូមិអូរពាមក្របៅ ឃុំកំពង់ចិនខាងត្បូង ស្រុកស្ទោង ខេត្តកំពង់ធំ ។
ការចុះសិក្សាអំពីរុក្ខជាតិព្រៃលិចទឹក នៅខេត្តកំពង់ធំ គឺក្រោមការចង្អុលបង្ហាញពី សាស្ត្រាចារ្យ លឹម ពុយ អនុប្រធានអាជ្ញាធរទន្លេសាបដើម្បីធ្វើការសិក្សាទៅលើចំណុចគោល ៣ ធំៗគឺៈ
- សិក្សាពីដំណុះដុះឡើងវិញតាមរយៈគល់ និងឬស ក្រោមពីមានការកាប់បំផ្លាញឈួសឆាយ និងដុតបំផ្លាញដើម្បីធ្វើស្រែ
- សិក្សាលើកូនព្រៃលិចទឹកដំណុះថ្មីឡើងវិញពីគ្រាប់ដោយធម្មជាតិ
- សិក្សាពីអត្រារស់របស់កូនឈើព្រៃលិចទឹកដែលបានដាំឡើងវិញ ។
ការសិក្សាស្រាវជ្រាវនេះនឹងបន្តទៅទៀត រៀងរាល់ ២ ខែម្តង លើកលែងតែកំពស់ទឹកមាន
ប្រមាណ ៣ ម៉ែត្រលិចរុក្ខជាតិព្រៃលិចទឹកនៅតំបន់ ៣ ។
