សកម្មភាពសិក្សាតាមដានធនធានជលផលកំពុងរងផលប៉ះពាល់ពីការប្រែប្រួលអាកាសធាតុ នៅតំបន់បឹងទន្លេឆ្មារ
ខេត្តកំពង់ធំ ៖ ថ្ងៃ ពុធ ៩កើត ដល់ថ្ងៃ សុក្រ ១១កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៩ ដល់ ៣១ ខែកក្កដា ឆ្នាំ២០២០ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារចុះសិក្សាតាមដានធនធានជលផលកំពុងរងផលប៉ះពាល់ ពីការប្រែប្រួលអាកាសធាតុនៅតំបន់បឹងទន្លេឆ្មារ ស្ថិតនៅក្នុងឃុំពាមបាង ស្រុកស្ទោង ខេត្តកំពង់ធំ ។
ការសិក្សានេះមានគោលបំណងសំខាន់គឺ៖
- ស្វែងយល់ពីស្ថានភាពទូទៅ និងផលប៉ះពាល់នៃបម្រែបម្រួលអាកាសធាតុ
- ប្រមូលព័ត៌មានផលចាប់ ប្រភេទ និងស្ថានភាពធនធានជលផល និងព្រៃលិចទឹក
- ដើម្បីជាធាតុចូលត្រៀមរៀបចំផែនការសកម្មភាពសម្រាប់នាយកដ្ឋានឲ្យស្របនឹងបរិបទនាពេលបច្ចុប្បន្ន និងអនាគត ។
