កិច្ចប្រជុំបច្ចេកទេសថ្នាក់ជាតិស្តីពីការតាមដាន ការវិវឌ្ឍន៍ជលផល និងការធ្វើវារីវប្បកម្ម
ថ្ងៃទីទី ០៨ ខែធ្នូ ឆ្នាំ២០១៤ លោក ស៊ិន វិសិទ្ធ ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងមន្ត្រីចំនួន ០៣នាក់បានចូលរួមកិច្ចប្រជុំបច្ចេកទេសជលផលថ្នាក់ជាតិស្តីពី ការតាមដានផលចាប់ ការអភិវឌ្ឍន៍ជលផល និងការធ្វើវារីវប្បកម្ម នៃកម្មវិធីជលផលរបស់គណៈកម្មការទន្លេមេគង្គ។ អង្គប្រជុំនេះក្រោមអធិបតីភាពឯកឧត្តម តែ ណាវុធ អគ្គលេខាធិការ នៃគណៈកម្មការជាតិទន្លេមេគង្គកម្ពុជា មានសមាជិកចូលរួមចំនួន ៣៩នាក់មកពីអាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា រដ្ឋបាលជលផល ក្រសួងបរិស្ថាន សកលវិទ្យាល័យភ្នំពេញ ក្រសួងអភិវឌ្ឍន៍ជនបទ ក្រោមអធិបតីភាពឯកឧត្តម តែ ណាវុធ អគ្គលេខាធិការ នៃគណៈកម្មការជាតិទន្លេមេគង្គកម្ពុជា។ អាជ្ញាធរទន្លេសាបបានទទួលការគាំទ្រថវិកា និងបច្ចេកទេសពី គណៈកម្មការជាតិទន្លេមេគង្គកម្ពុជាដើម្បីអនុវត្តគម្រាង ស្តីពី ការតាមដានផលចាប់ជាលក្ខណៈគ្រួសារនៅខេត្តជុំវិញបឹងទន្លេសាប។ តាមរយះគម្រោងនេះបានបង្ហាញថា ផលនេសាទជាលក្ខណៈគ្រួសារនៅខេត្តជុំវិញបឹងទន្លេសាបមានការថយចុះ។
