ការអញ្ជើញចូលរួមវេទិកាពិគ្រោះយោបល់ថ្នាក់តំបន់លើកទី៤ស្ដីពីយុទ្ធសាស្ដ្រ អភិវឌ្ឍន៍ អាងទន្លេមេគង្គ ២០១៦-២០២០ របស់គណៈកម្មការទន្លេមេគង្គ
ក្រោមការសម្របសម្រួលរបស់គណៈកម្មការទន្លេមេគង្គ នៅថ្ងៃទី ២០-២២ ខែវិច្ឆិកា ឆ្នាំ២០១៤ នៅសាលប្រជុំសណ្ឋាគារ អប្សរាអង្គរ ក្រុង-ខេត្ដសៀមរាប ឯកឧត្តម ហ៊ែល តូនី អគ្គលេខាធិការ អាជ្ញាធរទន្លេសាប បានអញ្ជើញចូលរួមក្នុងវេទិកា ពិគ្រោះយោបល់ថ្នាក់តំបន់លើកទី៤ ស្ដីពី យុទ្ធសាស្ដ្រ អភិវឌ្ឍន៍ អាងទន្លេមេគង្គ ២០១៦-២០២០ ក្រោមអធិបតីភាពដ៍ខ្ពង់ខ្ពស់របស់ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មារជាតិទន្លេមេគង្គកម្ពុជា និងជាសមាជិក ក្រុមប្រឹក្សាគណៈកម្មការទន្លេមេគង្គតំណាងកម្ពុជា ដោយ មានការអញ្ជើញ ចូលរួមពីសំណាក់ តំណាងក្រសួងស្ថាប័ន ពីប្រទេសទាំង៤ជាសមាជិកមាន កម្ពុជា, ឡាវ, ថៃ និង វៀតណាម ដៃគូសន្ទនារបស់ (MRC) ចិន និងមីម៉ាន់ម៉ា តំណាងដៃ គូអភិវឌ្ឍន៍ បណ្ដានាយក និងតំណាងអង្គការមិនមែន រដ្ឋាភិបាលជាតិ និងអន្ដរជាតិ តំណាង មកពីវិទ្យាស្ថានសិក្សាស្រាវជ្រាវជាតិ និងអន្ដរជាតិ គណៈកម្មាធិការអាងទន្លេមេគង្គ អង្គការសង្គមស៊ីវិល និងវិស័យឯកជន មានចំនួនសរុប២០៨រូប ។ គោលបំណងសំខាន់នៃវេទិកានេះ គឺដើម្បីផ្តល់ឳកាសដល់អ្នកអនុវត្ត និងអ្នកពាក់ព័ន្ធនានារួមគ្នាពិនិត្យទ្បើងវិញទៅលើការកសាងផែនការអភិវឌ្ឍន៍អាងទន្លេ និងពិភាក្សាអំពីវិធីសាស្ត្រ និងមធ្យោបាយដើម្បីឈានទៅកាន់ការអភិវឌ្ឍន៍អាងទន្លេប្រកបដោយឧត្តមភាព ។ ជាលទ្ធផលអង្គវេទិកាបានសម្រេច ឯកភាពខ្លឹមសារអនុសាសន៍និងមតិ យោបល់ដើម្បីកែលម្អឯកសារសេចក្ដីព្រៀង យុទ្ធសាស្ដ្រអភិវឌ្ឍន៍អាងទន្លេមេគង្គ២០១៦-២០២០ ៕
