ក្រោមកិច្ចសហការជាមួយវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) លើការអនុវត្តគម្រោងការប្រែប្រួលអាកាសធាតុ និងអភិបាលកិច្ចធនធានទឹកនៅប្រទេសកម្ពុជា ឯកឧត្តមមាស អឿន ទីប្រឹក្សាអាជ្ញាធរទន្លេសាប បានចូលរួមក្នុងកម្មវិធីប្រមូលទិន្នន័យ និងធ្វើការពិគ្រោះយោបល់ជាមួយស្ថាប័ន និងអាជ្ញាធរពាក់ព័ន្ធថ្នាក់ក្រោមជាតិ ជាមួយវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (វបសអ/CDRI) ចាប់ពីថ្ងៃទី 11 ដល់ថ្ងៃទី 16 ខែសីហា ឆ្នាំ 2014 នៅតំបន់ស្ទឹងជីនិត ស្រុកបារាយណ៍ ខេត្តកំពង់ធំ។ ក្រុមការងារបានរៀបចំកម្មវិធីប្រមូលទិន្នន័យ និងធ្វើការពិគ្រោះយោបល់ជាមួយស្ថាប័ន និងអាជ្ញាធរពាក់ព័ន្ធថ្នាក់ក្រោមជាតិ ដូចជា ថ្នាក់ឃុំ ភូមិ និង ប្រជាពលរដ្ឋក្នុងមូលដ្ឋាន ដើម្បីស្វែងយល់ពីអភិបាលកិច្ចធនធានទឹកនៅថ្នាក់ក្រោមជាតិ ក្នុងបរិបទ បំរែបំរួលអាកាសធាតុ (ទឹកជំនន់ និងគ្រោះរាំងស្ងួត បច្ចេកទេសកសិកម្ម និងទីផ្សារ ការឡើងកំដៅ របបទឹកភ្លៀងមិនទៀតទាត់) ។