សកម្មភាពចុះសិក្សាស្រាវជ្រាវពីប្រភពទឹក លំហូរទឹក និងលទ្ធភាពស្រោចស្រព
ក្រុមការងារបច្ចេកទេសរបស់នាយកដ្ឋានធនធានធម្មជាតិ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយលោក វិន ប៊ុនពៅ អនុប្រធានក្តាប់រួម បានចុះសិក្សាស្រាវជ្រាវពីប្រភពទឹក លំហូរទឹក និងលទ្ធភាពស្រោចស្រពនៃស្ថានភាពទឹកស្ទឹងទាំង១១ នៅខេត្តចំនួន ៣ ជុំវិញបឹងទន្លេសាបមានខេត្តកំពង់ឆ្នាំង ពោធិ៍សាត់ និងខេត្តបាត់ដំបង ចាប់ពីថ្ងៃទី ៤ ដល់ថ្ងៃទី ៧ ខែសីហា ឆ្នាំ២០១៤ ។ ការសិក្សាស្រាវជ្រាវ ក្នុងគោលបំណង ធ្វើការតាមដានពីស្ថានភាពបម្រែបម្រួលរបបទឹក និងផលប៉ះពាល់ពីស្ទឹងនីមួយៗ ទាំងគុណសម្បត្តិ និង គុណវិបត្តិ។ ការសិក្សាស្រាវជ្រាវ បានជ្រើសរើសយកទីតាំងចំនួន ៤ កន្លែង គឺស្ទឹងបរិបូរណ៍ ស្ទឹងពោធិ៍សាត់ ស្ទឹងសង្កែ និងស្ទឹងមង្គលបូរី ដោយផ្តោតសំខាន់ទៅលើបរិមាណទឹកស្ទឹងនីមួយៗ ដែលអាចមានលទ្ធភាពស្រោចស្រពទាំងនៅរដូវប្រាំង និងរដូវវស្សា និងការប្រែប្រួលរូបសាស្ត្ររបស់ស្ទឹង។
