ការអញ្ជើញចូលរួមសិក្ខាសាលាពិគ្រោះយោបល់ថ្នាក់ជាតិ
ក្រោមការសម្របសម្រួលរបស់លេខាធិការដ្ឋានគណៈកម្មការទន្លេមេគង្គ និងគណៈកម្មាធិការជាតិទន្លេ មេគង្គកម្ពុជា លោក វិន ប៊ុនពៅ អនុប្រធាន ក្តាប់រួមនាយកដ្ឋានធនធានធម្មជាតិ នៃអគ្គលេខាធិការដ្ឋាន អាជ្ញាធរទន្លេសាប បានអញ្ជើញចូលរួមក្នុងសិក្ខាសាលាពិគ្រោះយោបល់ថ្នាក់ជាតិ ស្តីពី វិធីសាស្ត្រសម្រាប់ធ្វើសារពើភ័ណ្ឌតំបន់ដីសើម និងការគ្រប់គ្រងនិងវាយតម្លៃអេកូស៊ីស្តែម តំបន់ដីសើមនៅក្នុងអាងទន្លេមេគង្គ ក្រោម ដែលបានប្រព្រឹត្តនាថ្ងៃទី ១៨ ខែកក្កដា ឆ្នាំ២០១៤ នៅសណ្ឋាគារខ្សាច់មាស ខេត្តព្រះសីហនុ។ គោលបំណង នៃសិក្ខាសាលានេះគឺ (១) ធ្វើបទបង្ហាញពីវិធីសាស្ត្រសម្រាប់ធ្វើសារពើភ័ណ្ឌ តំបន់ដីសើម និងការគ្រប់គ្រង និងវាយតម្លៃអេកូស៊ីស្តែមតំបន់ដីសើម នៅក្នុងអាងទន្លេមេគង្គក្រោម ដល់គណៈ កម្មាធិការជាតិទន្លេមេគង្គ (២) ពិភាក្សាលើសក្តានុភាពនៃតំបន់ដីសើម សម្រាប់សាកល្បងលើការធ្វើសារពើភ័ណ្ឌ តំបន់ដីសើម ដែលចាប់អនុវត្តនាឆ្នាំ ២០១៤ ដល់ឆ្នាំ ២០១៩ ដែលមានប្រទេសចំនួន ២ គឺប្រទេសកម្ពុជា និងប្រទេសឡាវ សម្រាប់ទីតាំងចំនួន ១០ កន្លែង និង (៣) ទទួលនូវការណែនាំពីគណៈកម្មាធិការជាតិទន្លេមេគង្គចំពោះវិធានការបន្ទាប់ ។ សិក្ខាសាលាពិគ្រោះយោបល់ថ្នាក់ជាតិ ទទួលបាននូវលទ្ធផលដូចបានគ្រោងទុក និងសម្រាប់ការអនុវត្តបន្ត ។
