ការអញ្ជើញចូលរួមសិក្ខាសាលាផ្សព្វផ្សាយលទ្ធផលអនុវត្តគម្រោងកេតសាណា គ.ជ.គ.ម
ចាប់ពីថ្ងៃទី ២៣ ដល់ថ្ងៃទី ២៤ ខែកក្កដា ឆ្នាំ២០១៤ លោក យ៉ាន់ សំរិទ្ធ ប្រធាននាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានអញ្ជើញចូលរួមសិក្ខាសាលាផ្សព្វផ្សាយលទ្ធផល អនុវត្តគម្រោងស្តារ និងស្ថាបនាទ្បើងវិញបន្ទាន់ក្រោយព្យុះកេតសាណា និងការធ្វើតេសសាកល្បងប្រព័ន្ធផ្តល់ព័ត៌មានព្រមានជាមុនរបស់គណៈកម្មាធិការជាតិគ្រប់គ្រងគ្រោះមហន្តរាយ ដែលបានអនុវត្តគម្រោក្នុងរយៈពេល ៤ ឆ្នាំ (១០ វិច្ឆិកា ២០១០ ដល់ថ្ងៃទី ៣១ កក្កដា ២០១៤) ក្រោមហិរញ្ញប្បទានធនាគារពិភពលោក ។ សិក្ខាសាលា ក្នុងគោលបំណង ដើម្បីឲ្យក្រសួង ស្ថាប័ន ជាសមាជិក គ.ជ.គ.ម និងក្រសួងភ្នាក់ងារអនុវត្តគម្រោង (IAs) ព្រមទាំងជនបង្គោលខេត្តគោលដៅអនុវត្តគម្រោងទាំង ៨ បានយល់ដឹងពីលទ្ធផលអនុវត្តគម្រោងកន្លងមក ស្របតាមសមាសភាគទី៤ របស់គម្រោង រួមមានអនុសមាសភាគគម្រោង ផែនទីហានិភ័យសម្រាប់កម្ពុជា ការប៉ានស្មានការគ្រោះថ្នាក់ មុខសញ្ញាគ្រោះថ្នាក់ ផែនការយុទ្ធសាស្ត្រ សៀវភៅណែនាំ និងគោលការណ៍ណែនាំ (SOP for Flood EWS) ស្តីពីបទដ្ឋានសាងសង់សំណង់ផ្ទះដែលធន់នឹងទឹកជំនន់ និងខ្យល់ព្យុះ និងការរៀបចំប្រព័ន្ធផ្តល់ព៍ត៌មានជាមុន ។ សិក្ខាសាលា ក៍បានធ្វើការណែនាំ និងធ្វើលំហាត់សាកល្បងពីការត្រៀមបង្ការជាមុន ការជួយសង្គ្រោះ និងឆ្លើយតបពេលមានគ្រោះមហន្តរាយកើតទ្បើង៕
