សកម្មភាពសិក្សាស្វែងយល់ពីតំបន់អភិរក្សជលផល
ក្រុមការងារមន្ត្រីបច្ចេកទេសក្រោមឱវាទអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក ស៊ិន វិសិទ្ធ ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាស្វែងយល់ពីតំបន់អភិរក្សជលផល កំពង់ភ្លុក ខេត្តសៀមរាប និងតំបន់អភិរក្សជលផល ពាក់កន្ទេល ខេត្តបាត់ដំបង កាលពីថ្ងៃទី ០៣-០៤ ខែកក្កដា ឆ្នាំ ២០១៤ ។ ការសិក្សាស្វែងយល់របស់ក្រុមការងារ បានផ្តោតជាសំខាន់ទៅលើស្ថានភាពទូទៅនៃតំបន់អភិរក្ស ធនធានតំបន់អភិរក្ស ផែនការគ្រប់គ្រង ចំនុចខ្លាំង និងចំនុចខ្សោយរបស់តំបន់អភិរក្សជលផល ដែលបាននឹងកំពុងគ្រប់គ្រង និងការទាញយកផលប្រយោជន៍ធនធានធម្មជាតិពីបឹងទន្លេសាប ។ ម្យ៉ាងទៀត ការសិក្សានេះ គឺមានគោលបំណងធ្វើការសិក្សាស្វែងយល់ឲ្យស៊ីជម្រៅនឹងទីតាំងជាក់ស្តែងតំបន់អភិរក្សជលផល ដើម្បីប្រមូលផ្តុំនូវព័ត៌មាន-ទិន្នន័យក្នុងការចូលរួមចំណែកក្នុពង្រឹងប្រសិទ្ធភាព ដល់ការគ្រប់គ្រងតំបន់អភិរក្សជលផល ទាំងការប្រើប្រាស់ និងថែរក្សាការពារធនធានធម្មជាតិអោយមាននិរន្តភាព។
