សកម្មភាពចុះសិក្សាករណីស្នើសុំសាងសង់ផ្លូវលំ ស្ថិតក្នុងឃុំរាំងទិល នៅស្រុកកណ្តៀង ខេត្តពោធិ៍សាត់
កាលពីថ្ងៃទី ២១ ដល់ថ្ងៃទី ២៣ ខែឧសភា ឆ្នាំ ២០១៤ មន្ត្រីជាន់ខ្ពស់ក្រោមឳវាទក្រសួងធនធានទឹក និងឧតុនិយម ដឹកនាំដោយ ឯកឧត្តម ចាន់ យុត្ថា អគ្គាធិការនិងជា នាយកខុទ្ទកាល័យឯកឧត្តមរដ្ឋមន្ត្រីក្រសួងធនធានទឹក និងឧតុនិយម រួមជាមួយមន្ត្រីបច្ចេកទេសមកពីក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ និងក្រសួងអភិវឌ្ឍន៍ជនបទ បានចុះសិក្សាដល់ទីតាំងលើករណីស្នើសុំគោលការណ៍សាងសង់ផ្លូវលំប្រវែង ៨០០០ មែត្រដែលស្ថិតនៅឃុំរាំងទិល ស្រុកកណ្តៀង ខេត្តពោធិ៍សាត់ និងបានរៀបចំប្រជុំពិភាក្សាពិគ្រោះយោបល់ជាមួយនឹងមន្ត្រីបច្ចេកទេសថ្នាក់ខេត្ត អំពីហេតុប៉ះពាល់វិជ្ជមាន និងអវិជ្ជមាន នៃការសាងសង់ផ្លូវលំប្រវែង ៨០០០ មែត្រនេះ ដើម្បីប្រមូលយកនូវមតិយោបល់ពីអន្តរក្រសួង និងមន្ទីរ-ស្ថាប័នពាក់ព័ន្ធ និងរៀបចំរបាយការណ៏ដាក់ជូនរាជរដ្ឋាភិបាល ធ្វើការពិនិត្យ និងសម្រេច ។
