កិច្ចប្រជុំ ស្តីពីលទ្ធផលការសិក្សាស្រាវជ្រាវតាមដានផលចាប់ត្រីនៅខេត្តទាំង ០៥ ជុំវិញបឹងទន្លេសាប
ក្រោមការសម្របសម្រួលថ្នាក់ជាតិរបស់គណៈកម្មាធិការជាតិទន្លេមេគង្គកម្ពុជា អាជ្ញាធរទន្លេសាប បាន ទទួល អនុវត្តគម្រោង សិក្សាស្រាវជ្រាវតាមដានពីផលចាប់ត្រីនៅខេត្តទាំង ៥ ជុំវិញបឹងទន្លេសាប ក្រោមកម្មវីធីជលផលរបស់គណៈកម្មការទន្លេមេគង្គ (MRC) ហើយបានដឹកនាំ និងរៀបចំកិច្ចប្រជុំ ស្តីពីលទ្ធផលការសិក្សាស្រាវជ្រាវតាមដានផលចាប់ត្រីនៅខេត្តទាំង ០៥ ជុំវិញបឹងទន្លេសាប ស្ថិតក្រោមអធិបតីភាពឯកឧត្តម សូ សុភ័ទ្ទ អគ្គលេខាធិការរង អាជ្ញាធរទន្លេសាប និងជាប្រធានគណៈកម្មាធិការ សម្របសម្រួលថ្នាក់ជាតិនៃគណៈកម្មាធិការជាតិទន្លេមេគង្គកម្ពុជា ក្រោមការឧបត្ថម្ភគាំទ្រថវិកាពីគណៈកម្មការទន្លេមេគង្គ ដែលបានប្រព្រឹត្តទៅនៅទីរួមខេត្តសៀមរាប នាថ្ងៃទី ០៩ ខែឧសភា ឆ្នាំ២០១៤ ដោយមានការអញ្ជីញចូលរួមពីមន្ត្រីអជ្ញាធរទន្លេសាប មន្រី្តគណៈកម្មការជាតិទន្លេមេគង្គកម្ពុជា និងមន្ត្រីគណៈកម្មការទន្លេមេគង្គ ប្រជានេសាទជុំបិញបឹងទន្លេសាប និងស្ថាប៍នពាក់ព័ន្ធ ។ កិច្ចប្រជុំ មានគោលបំណង ៖ ទី១- បង្ហាញពីលទ្ធផលសម្រេចបាន នៃការអនុវត្តគម្រោងនា ឆ្នាំ២០១២-២០១៣. ទី២- ចែករំលែកនូវព័ត៌មានវិទ្យាសាស្ត្រ និងវិធីសាស្ត្រនៃការអនុវត្តគម្រោងផលចាប់ត្រី និង ទី៣- ប្រមូលមតិអ្នកចូលរួមដើម្បីពង្រឹងសកម្មភាពការងារគម្រោងអនុវត្តបន្តឲ្យកាន់តែមានប្រសិទ្ធភាព ។
