សកម្មភាពចុះសិក្សាស្វែងយល់អំពីសហគមន៍នេសាទ
ចាប់ពីថ្ងៃទី ០៧ ដល់ថ្ងៃទី ១១ ខែមេសា ឆ្នាំ ២០១៤ ក្រុមការងារមន្ត្រីបច្ចេកទេសរបស់អាជ្ញាធរទន្លេសាប ដឹកនាំដោយលោក ស៊ិន វិសិទ្ធ ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាស្វែងយល់ពីសហគមន៍នេសាទ នៅតំបន់បឹងទន្លេសាប ក្នុងខេត្តពោធិ៍សាត់ និងខេត្តកំពង់ធំ ដើម្បីសិក្សាស្រាវជ្រាវ ស្វែងយល់ និងប្រមូលព័ត៌មាន ពីកត្តាវិជ្ជមាន និងអវិជ្ជមានរបស់សហគមន៍នេសាទ ដែលបាន និងកំពុងតែគ្រប់គ្រង និងទាញយកផលប្រយោជន៍ពីការប្រើប្រាស់ធនធានធម្មជាតិនៃបឹងទន្លេសាប ។ ជាមួយនឹងសកម្មភាពចុះសិក្សាស្វែងយល់ពីសហគមន៍ នេសាទ ក្រុមការងារ ក៏បានចុះធ្វើការសិក្សាបន្ថែមទៅលើ ផលិតផលកែច្នៃសរុប ដែលត្រូវនាំចេញទៅលក់នៅបរទេស និងទិន្នផលនេសាទសរុប ត្រូវយកមកកែច្នៃក្នុងឆ្នាំ ២០១៤ នេះ ។
