មន្ត្រីក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើសក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងខេត្តសៀមរាប
កាលពីថ្ងៃអង្គារ ៦កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៨ ខែតុលា ឆ្នាំ២០២៤ មន្ត្រីក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ សក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងឃុំកំពង់ឃ្លាំង ខេត្តសៀមរាប ។
ការចុះសិក្សារបស់ក្រុមការងារមានដូចខាងក្រោម៖
១-ជួបជាមួយនឹងតំណាងអ្នកសម្របសម្រួលទេសចរណ៍នៅក្នុងឃុំកំពង់ឃ្លាំង ពិភាក្សា និងស្វែងយល់ពីស្ថានភាពទូទៅនៃទេសចរណ៍ដែលមាននៅក្នុងឃុំ រួមបញ្ចូលទាំង ចំនួនភ្ញៀវទេសចរណ៍មកទស្សនា
២- ការរៀបចំបែងចែកវេនសម្រាប់ប្រជាជនដែលបើកទូកដឹកភ្ញៀវទេសចរណ៍ ចំនួនប្រជាពលរដ្ឋដែលបម្រើសេវាកម្មទេសចរណ៍ (ចំនួនអ្នកបើកទូក/កាណូត ចំនួនផ្ទះស្នាក់)
៣- ជួបជាមួយអាជ្ញាធរដែនដី ថ្នាក់ឃុំ អំពីផែនការដែលឃុំចូលរួមក្នុងការជួយដល់ផ្នែកទេសចរណ៍ក្នុងតំបន់ និងដៃគូរសហការនានាពាក់ព័ន្ធនឹងវិស័យទេសចរណ៍ដែលជួយដល់ឃុំកំពង់ឃ្លាំង។
សូមជម្រាបជូនថា៖ សកម្មភាពនេះមានគោលបំណង ធ្វើបច្ចុប្បន្នភាពដែលប្រជាជនបាននឹងកំពុងរស់នៅក្នុងភូមិបណ្ដែតទឹក ចងក្រងពីស្ថានភាពជាក់ស្ដែងក្នុងភូមិបណ្ដែតទឹក ចងក្រងសក្ដានុពលទេសចរណ៍ សហគមន៍នេសាទ ធនធានធម្មជាតិដែលមានតម្លៃក្នុងការជួយគាំទ្រដល់សេដ្ឋកិច្ចប្រជាជនដែលនៅក្នុងតំបន់៕
