លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាថ្នាក់ជាតិ ស្តីពី “ការប្រែប្រួលអាកាសធាតុ យេនឌ័រ និងភាពងាយរងគ្រោះ” នៅសណ្ឋាគារ សាន់ និងមូន រាជធានីភ្នំពេញ
កាលពីថ្ងៃអង្គារ ១១រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែកក្កដា ឆ្នាំ ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាថ្នាក់ជាតិ ស្តីពី “ការប្រែប្រួលអាកាសធាតុ យេនឌ័រ និងភាពងាយរងគ្រោះ” ដែលមានសមាជិកចូលរួមសរុបចំនួន ៣៥ រូប ក្នុងនោះមានស្ត្រីចំនួន ១៩រូប។
គោលបំណងនៃសិក្ខាសាលាមាន៖
១. ទិដ្ឋភាពទូទៅនៃបញ្ហាយេនឌ័រ និងការប្រែប្រួលអាកាសធាតុ
២. ការបញ្ជ្រាបយេនឌ័រ ទៅក្នុងកិច្ចខិតខំប្រឹងប្រែងលើការប្រែប្រួលអាកាសធាតុ
៣. យុទ្ធសាស្ត្រភាពរួមនៃយេនឌ័រ សម្រាប់សកម្មភាពកាត់បន្ថយការប្រែប្រួលអាកាសធាតុ
៤. ការបញ្ជ្រាបយេនឌ័រ ទៅក្នុងយន្តការហិរញ្ញប្បទានការប្រែប្រួលអាកាសធាតុ៕
