អាជ្ញាធរ ខេត្ដព្រះវិហារ បើកវេទិកា សាធារណៈ ជួបជាមួយមន្ដ្រីរាជការ កម្លាំង ប្រដាប់អាវុធ និងប្រជាពលរដ្ឋ នៅស្រុកជាំក្សាន្ដ ៖
ឯកឧត្តម អ៊ឹង គឹមលាង អគ្គលេខាធិការរង អ.ទ.ស និងជាសមាជិកក្រុមការងារថ្នាក់កណ្តាល បានចុះជំរុញគោលនយោបាយយុទ្ធសាស្ត្រចតុកោណ និងវេទិកាសាធារណៈរបស់ក្រសួងដោយមានការ អនុញ្ញាតដ៏ខ្ពង់ខ្ពស់ បានចូលរួមបើកវេទិកាសាធារណៈ តាមរយៈការជួបជាមួយមន្ត្រីរាជការថ្នាក់ ស្រុក/ឃុំ/ភូមិ កងកម្លាំងប្រដាប់អាវុធ និងប្រជាពលរដ្ឋ នៅឃុំចំនួន ២ នៃស្រុកជាំក្សាន្ត គឺឃុំជាំក្សាន្ត និងឃុំទឹកក្រហម និងនៅស្រុកគូលែន និងខេត្តព្រះវិហារ នៅថ្ងៃទី 19-20 ខែ មីនា ឆ្នាំ2014 ។ ការរៀបចំវេទិសាធារណៈនេះ បានធ្វើឡើងក្រោមអធិបតីភាពនាយឧត្តមសេនីយ៍ មាស សុខា ប្រធានក្រុមការងារថ្នាក់ជាតិចុះជួយមូលដ្ឋានខេត្តព្រះវិហារ អភិបាលព្រះវិហារ លោក អ៊ុំ ម៉ារ៉ា និងមានការចូលរួមពីសំណាក់មន្ត្រីពាក់ព័ន្ធមួយចំនួនទៀត ដើម្បីពិនិត្យ និងដោះស្រាយលើបញ្ហាផ្សេងៗ ដែលកើតមាន ការថ្នាំងថ្នាក់នានា ដែលបាន និងកំពុងកើតឡើងក្នុងមូលដ្ឋានរបស់ពួកគាត់នាពេលបច្ចុប្បន្ន ។
