ក្រុមការងារមន្ត្រីបច្ចេកទេសអាជ្ញាធរទន្លេសាបចុះពិនិត្យមើលស្ថានភាពជាក់ស្តែងផ្ទៃដីស្រែប្រាំង
កាលពីថ្ងៃទី ១២ ដល់ថ្ងៃទី ១៣ ខែមីនា ឆ្នាំ២០១៤កន្លងទៅនេះ ក្រុមការងារមន្ត្រីបច្ចេកទេសរបស់ អាជ្ញាធរទន្លេសាបដឹកនាំដោយឯកឧត្តមអគ្គលេខាធិការ នៃអាជ្ញាធរទន្លេសាប រួមជាមួយនឹងប្រធានមន្ទីរ ធនធានទឹក និងឧតុនិយម ខេត្តសៀមរាប បានចុះពិនិត្យមើលស្ថានភាពជាក់ស្តែងផ្ទៃដីស្រែប្រាំង ដែលកំពុងទទួលរងផលប៉ះពាល់ក្នុងតំបន់ ២ និងតំបន់ ៣ ក្នុងទីតាំងឃុំអន្លង់សំណរ ស្រុកជីក្រែង ខេត្តសៀមរាប និងបានបន្តសកម្មភាពចុះពិនិត្យពីទិដ្ឋភាពទូទៅនៃការរុកទន្ទ្រានដីព្រៃលិចទឹក និងបទល្មើសប្រើប្រាស់ឧបករណ៍នេសាទខុសច្បាប់ ដែលបង្កផលប៉ះពាល់មកលើជីវចម្រុះ និងការបំពុលបរិស្ថានក្នុងបឹងទន្លេសាប ស្ថិតនៅឃុំកំពង់ឃ្លាំង ស្រុកសូទ្រនិគម ខេត្តសៀមរាប និងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។
