ក្រុមការងារ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះសិក្សា និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកដែលអនុវត្តតំបន់នៅបឹងទន្លេសាប ខេត្តកំពង់ធំ
នៅថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២២ ខែកញ្ញា ឆ្នាំ២០២៣ ក្រុមការងារ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះសិក្សាស្វែងយល់ និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកនៅបឹងទន្លេសាប ស្រុកបារាយណ៍ ខេត្តកំពង់ធំ ។
ការចុះសិក្សានេះក្រុមការងារ បានជួបជាមួយអាជ្ញាធរដែនដី នៃឃុំបឹង ស្រុកបារាយណ៍ ។
ជាមួយនឹងសកម្មភាពនេះដែរក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលសង្ខេប រកឃើញថា :
១. ទទួលបានស្ថិតិគម្រោងអាទិភាពថ្នាក់ឃុំ និងស្រុក ចំនួន ៣៦ គម្រោងសម្រាប់អនុវត្តក្នុងឆ្នាំ ២០២៤ ហើយនឹងគ្រោងសមាហរណកម្មជាមួយដៃគូនាត្រីមាសទី ៤ ឆ្នាំ២០២៣ ខាងមុខ។
២. ទទួលបានជាការផ្លាស់ប្តូរបទពិសោធន៍ និងទស្សនទានទៅលើការពង្រឹងកិច្ចការងារកៀរគរគម្រោង និងការធ្វើសមាហរណកម្មគម្រោង សម្រាប់ចរចាជាមួយដៃគូម្ចាស់ជំនួយ។
៣. គម្រោងដែលគាំទ្រដោយដៃគូ និងគម្រោងកំពុងអនុវត្តមានការគាំទ្រពីដៃគូម្ចាស់ជំនួយតិចតួចពី ១ឆ្នាំទៅ ១ឆ្នាំ។
សូមជម្រាបជូនថា ៖ សកម្មភាពចុះសិក្សា និងបច្ចុប្បន្នភាពគម្រោងថ្នាក់ឃុំ និងថ្នាក់ស្រុកដែលអនុវត្តនៅតំបន់បឹងទន្លេសាបមានគោលបំណង សិក្សាស្វែងយល់ និងធ្វើបច្ចុប្បន្នភាពគម្រោងថ្នាក់ឃុំ និងស្រុកដែលមាននៅស្រុកបារាយណ៍ ខេត្តកំពង់ធំ សម្រាប់ចងក្រងជាស្ថិតិទៅតាមប្រភេទគម្រោង /វិស័យគម្រោង ជាធាតុចូលដើម្បីរៀបចំផែនការ កម្មវិធី/យុទ្ធសាស្ត្រ និងគោលនយោបាយ ។
