សកម្មភាពចុះសិក្សាស្រាវជ្រាវ នៅតំបន់អភិរក្សជលផលក្នុងបឹងទន្លេសាប
ក្រុមការងារមន្ត្រីបច្ចេកទេសនាយកដ្ឋានត្រួតពិនិត្យការធ្វើអាជីវកម្ម និងអភិរក្ស របស់អាជ្ញាធរទន្លេសាប ដឹកនាំដោយ លោក ភេម ស៊ា អនុប្រធាននាយកដ្ឋាន បានចុះសិក្សាស្រាវជ្រាវនៅតំបន់អភិរក្សជលផលក្នុង បឹងទន្លេសាប នៅទីតាំងតំបន់ ២ (ពីរ) ស្ទួន ក្នុងខេត្តកំពង់ធំ និងកំពង់ប្រាក់ ក្នុងខេត្តពោធិ៍សាត់ ក្នុងគោល បំណងប្រមូលព័ត៌មាន-ទិន្នន័យ សម្រាប់ធ្វើការសិក្សា និងវិភាគនូវរបកគំហើញពីភាពវិជ្ជមាន និងអវិជ្ជមាន អំពី ការគ្រប់គ្រងធនធានជលផលនៅតំបន់អភិរក្សក្នុងបឹងទន្លេសាប បន្ទាប់ពីធ្វើកំណែទម្រង់ ដែលការចុះសិក្សា ស្រាវជ្រាវរបស់ក្រុមការងារនេះ បានចាប់ផ្តើមពីថ្ងៃទី ០៣-១០ ខែមីនា ឆ្នាំ២០១៤ ។
ក្នុងសកម្មភាពចុះសិក្សាស្រាវជ្រាវរបស់ក្រុមការងារមន្ត្រីបច្ចេកទេស បានចុះពិនិត្យ និងសិក្សាទៅលើ ស្ថានភាពទូទៅក្នុងតំបន់អភិរក្សជលផលទាំង ២ (ពីរ) ទីតាំង (បង្គោលតំបន់អភិរក្ស) និងបានជួបសម្ភាសន៍ ផ្ទាល់ជាមួយនឹងស្ថាប័នជលផល អាជ្ញាធរដែនដី និងអ្នកជំនាញពាក់ព័ន្ធ នៅក្នុងតំបន់អភិរក្សខាងលើនេះ ។
