ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញចុះពិនិត្យបច្ចេកទេសសាងសង់ និងដំឡើងស្ថានីយជលសាស្ត្រ និងឧតុនិយម ១១ ស្ថានីយ៍
នាថ្ងៃទី ១៩ ខែមេសា ឆ្នាំ២០២៣ ត្រូវនឹងថ្ងៃពុធ ១៤ រោច ខែចេត្រ ឆ្នាំថោះ បញ្ចស័ក ២៥៦៦ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញដឹកនាំក្រុមការងារអនុវត្តន៍គម្រោងចុះពិនិត្យបច្ចេកទេសបញ្ចប់ការសាងសង់ និងដំឡើងស្ថានីយជលសាស្ត្រ និង ឧតុនិយម ១១ ស្ថានីយ៍ នៅតំបន់អាងបឹងទន្លេសាប និងការតភ្ជាប់បណ្តាញទទួល-បញ្ជូនទិន្នន័យ ព័ត៌មានជលសាស្ត្រ និងអាកាសធាតុនៅស្ថានីយឆ្នុកទ្រូ ពៅវើយ និងត្នោតជុំ ។
