ឯកឧត្តម លឹម គានហោ បានអញ្ជើញចូលរួមចុះពិនិត្យទីតាំងព្រំប្រទល់ដីតំបន់២ និងតំបន់៣ ដែលរដ្ឋបាលខេត្តកំពង់ឆ្នាំងស្នើសុំកែសម្រួល
ថ្ងៃអង្គារ ១២រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២០ ខែធ្នូ ឆ្នាំ ២០២២ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមទាំងថ្នាក់ដឹកនាំអាជ្ញាធរទន្លេសាប និងមន្ត្រីបច្ចេកទេសពាក់ព័ន្ធ បានអញ្ជើញចូលរួមចុះពិនិត្យទីតាំងដីដែលរដ្ឋបាលខេត្តកំពង់ឆ្នាំងស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់ទន្លេសាបស្ថិតក្នុងភូមិសាស្ត្រខេត្តកំពង់ឆ្នាំង និងបានចូលរួមប្រជុំនៅសាលាខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ៕
