ការអញ្ជើញចូលរួមរបស់ថ្នាក់ដឹកនាំអាជ្ញាធរទន្លេសាប ក្នុងសិក្ខាសាលាពិគ្រោះយោបល់ថ្នាក់ជាតិ
កាលពីថ្ងៃទី ០៤-០៥ ខែមីនា ឆ្នាំ ២០១៤ ឯកឧត្តម ខូវ មាស អគ្គលេខាធិការរង នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីលទ្ធផលនៃករណីសិក្សាសាកល្បងឧបករណ៍វាយតម្លៃដោយរហ័សនិរន្តរភាពវារីអគ្គសនីសម្រាប់អាងទន្លេស្រែពកភាគខាងក្រោម (National Consultation on the First Draft of Lower Sre Pok Report RSAT Assessment) ដែលរៀបចំដោយគណៈកម្មាធិការជាតិទន្លេមេគង្គកម្ពុជា ក្រោមអធិបតីភាព ឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គជាតិកម្ពុជា នៅទីរួមខេត្តកំពង់ចាម ។
សិក្ខាសាលា បានពិនិត្យលើរបាយការណ៍នៃលទ្ធផលសិក្សាសាកល្បងឧបករណ៍វាយតម្លៃ RSAT នៅអាងទន្លេស្រែពកភាគខាងក្រោម និងបានពិភាក្សា អំពី ដំណើរការនៃការគ្រប់គ្រងទិន្នន័យ និងការផ្សព្វផ្សាយព័ត៌មានជូនដល់ ក្រសួង ស្ថាប័នពាក់ព័ន្ធនានា ព្រមទាំងបានកំណត់នូវចំនុចជាអាទិភាពមួយចំនួនដូចជា ៖ ការបង្កើតវគ្គបណ្តុះបណ្តាល ទស្សនកិច្ចសិក្សា យុទ្ធសាស្ត្រនៃអនុវត្ត RSAT និងការតាមដ្ឋានសម្រាប់ជំហ៊ានបន្ទាប់ ។ សម្រាប់ផែនការសកម្មភាពកម្មវិធីវាយតម្លៃឧបករណ៍ RSAT ២០១៤-២០១៦ គឺបានជ្រើសរើស អាងទន្លេស្រែកពកក្រោម ដើម្បីធ្វើការពិនត្យតាមដ្ឋានបន្ត និងជ្រើសរើសយក ស្ទឹងពោធិសាតិ៍ សម្រាប់ធ្វើការសិក្សាវាយតម្លៃសាកល្បងបន្ត ។
