សកម្មភាពចុះសិក្សាលើស្ថានភាពទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មា
កំពង់ធំ: ថ្ងៃអង្គារ ១០រោច ដល់ថ្ងៃសុក្រ ១៣រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី ២៦ ដល់ថ្ងៃទី២៩ ខែមេសា ឆ្នាំ ២០២២ ក្រុមការងារនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវលើស្ថានភាព ទូទៅនៃការប្រែប្រួលបរិស្ថាន និងធនធានជលផលតំបន់បឹងទន្លេឆ្មា ឃុំពាមបាង ស្រុកស្ទោង ខេត្តកំពង់ធំ។ គោលបំណងនៃការសិក្សា គឺស្វែងយល់ពីសកម្មភាព និងបញ្ហាប្រឈមនានាដែលនាំឲ្យមានការប្រែប្រួលបរិស្ថាន និងធនធានធម្មជាតិនៅតំបន់បឹងទន្លេឆ្មា ព្រមទាំងវិធានការណ៍ សមស្របដើម្បីបន្សាំទៅនឹងការប្រែប្រួលទាំងនេះ។
