សកម្មភាពចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីរបាយការណ៍ចុងក្រោយនៃការសិក្សាសម្រាប់គ្រប់គ្រងហានិភ័យពីគ្រោះទឹកជំនន់
រាជធានីភ្នំពេញ÷ ថ្ងៃអង្គារ ៤កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី ០៥ ខែមេសា ឆ្នាំ ២០២២ ឯកឧត្តម ខូវ មាស អគ្គលេខាធិការរង និងលោក វិន ប៊ុនពៅ ប្រធាននាយកដ្ឋានធនធានធម្មជាតិនៃអាជ្ញាធរទន្លេសាប បានអញ្ជើញចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីរបាយការណ៍ចុងក្រោយនៃការសិក្សាសម្រាប់គ្រប់គ្រងហានិភ័យពីគ្រោះទឹកជំនន់ ដើម្បីដោះស្រាយមតិយោបល់របស់កម្ពុជា និងការវាយតម្លៃគុណភាពរបាយការណ៍ ដោយមានការអញ្ជើញចូលរួមពីតំណាងក្រសួង និងស្ថាប័នពាក់ព័ន្ធមួយចំនួន។ គោលបំណងនៃសិក្ខាសាលារួមមាន បង្កើនការយល់ដឹងរួមគ្នាអំពីរបាយការណ៍សិក្សាបឋមដែលបានបញ្ចប់ការសិក្សាកាលពីឆ្នាំ ២០២០ ពិនិត្យលើធាតុចូល វិធីសាស្ត្រ និងគុណភាពនៃរបាយការណ៍ផ្អែកលើមតិយោបល់ របស់ក្រសួងស្ថាប័នពាក់ព័ន្ធដែលបានស្នើកែសម្រួល និងពិនិត្យលើសេចក្តីព្រាងផែនទីបង្ហាញផ្លូវសម្រាប់បញ្ចប់របាយការណ៍។
