សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២
ខេត្តបាត់ដំបង: នាថ្ងៃពុធ ៩ រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០១ ខែកញ្ញា ឆ្នាំ២០២១ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសក្រុមការងាររបស់នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គមលើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី២ នៅក្នុងភូមិសាស្ត្រឃុំព្រែកហ្លួង និងឃុំព្រៃចាស់ ស្រុកឯកភ្នំ ខេត្តបាត់ដំបង ។ ការអនុវត្តសកម្មភាពនេះ ក្នុងគោលបំណងដើម្បីធ្វើបច្ចុប្បន្នភាពទិន្នន័យប្រជាសាស្ត្រ ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹក
និងនិយាមការភូមិបណ្តែតទឹកនៅតាមទីតាំងតំបន់ នីមួយៗ និងស្វែងយល់ពីស្ថានភាពរស់នៅប្រចាំថ្ងៃនាពេលបច្ចុប្បន្នរបស់ពួកគាត់។
