សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២
ខេត្តបាត់ដំបង: នាថ្ងៃសុក្រ ១២ កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២០ ខែសីហា ឆ្នាំ២០២១ ក្រុមការងារមន្ត្រីបច្ចេកទេស នាយកដ្ឋាន នីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តចុះអនុវត្តន៍សកម្មភាពសិក្សាពីស្ថានភាពសេដ្ឋកិច្ចសង្គម លើការប្រើប្រាស់ធនធានធម្មជាតិនៅភូមិបណ្តែតទឹកបឹងទន្លេសាប ដំណាក់កាលទី ២ នៅក្នុងភូមិសាស្ត្រឃុំកំពង់ព្រះ ស្រុកសង្កែ និងឃុំជ្រៃ ស្រុកមោងឬស្សី ខេត្តបាត់ដំបង ។ ការអនុវត្តសកម្មភាពនេះ ដើម្បីធ្វេីបច្ចុប្បន្នភាពទិន្នន័យប្រជាសាស្ត្រ និយាមការទីតាំងតំបន់ភូមិបណ្តែតទឹក ចំនួនផ្ទះបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់គោលដៅសិក្សា និងបញ្ហាប្រឈមនានាទៅលើជីវភាពរស់នៅប្រចាំថ្ងៃរបស់ពួកគាត់ ។
