សកម្មភាពសិក្សាសេដ្ឋកិច្ចសង្គម ភូមិនបណ្តែតទឹក ជំហាន១
ថ្ងៃព្រហស្បតិ៍ ១៤ កើត ដល់ថ្ងៃ សៅរ៍ ១ រោច ខែ ជេស្ធ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ០៤ ដល់ថ្ងៃទី ០៦ ខែមិថុនា ឆ្នាំ២០២០ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងមន្ត្រី បានបន្តចុះសិក្សាពីស្ថានភាពសេដ្ឋកិច្ច សង្គម លើការប្រើប្រាស់ធនធានធម្មជាតិនៅតំបន់ភូមិបណ្តែតទឹកបឹងទន្លេសាប ក្នុងជំហាន១ ស្ថិតនៅក្នុងភូមិសាស្ត្រឃុំកំពង់ហៅ ពោធិ៍ និងឃុំសំរោងសែន ស្រុកកំពង់លែង និងឃុំពាមឆ្កោក ស្រុកជលគិរី ខេត្តកំពង់ឆ្នាំង ។ ការសិក្សានេះ មានគោលបំណង ដើម្បីធ្វើបច្ចុប្បន្នភាពប្រជាសាស្ត្រ ទីតាំងតំបន់ភូមិបណ្តែតទឹក ប្រភេទលំនៅឋានភូមិបណ្តែតទឹកក្នុងតំបន់បឹងទន្លេសាប។
