សកម្មភាពការស្រាវជ្រាវពីជីវចម្រុះតំបន់ស្នូលស្ទឹងសែន
ពីថ្ងៃ ពុធ ០៣ រោច ដល់ថ្ងៃ សៅរ៍ ទី ០៦ រោច ខែអស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១៦ ដល់ថ្ងៃទី ១៩ ខែតុលា ឆ្នាំ ២០១៩ លោក ភេម ស៊ា ទីប្រឹក្សាអាជ្ញាធរទន្លេសាប និងមន្ត្រីនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ចសង្គមនិងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។ គោលបំណងសំខាន់ៗ នៃការសិក្សានេះ ដើម្បី៖
(១) បន្តការតាមដានជីវភាពរស់នៅប្រចាំថ្ងៃរបស់ប្រជាពលរដ្ឋពីការប្រើប្រាស់ធនធានជលផល(ផលចាប់ប្រចាំថ្ងៃ)
(២)ធ្វើបច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បីសត្វ។
