ឯកឧត្តមសាស្ត្រាចារ្យ លឹម ពុយ ដឹកនាំមន្ត្រីចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាប
ថ្ងៃ អង្គារ ៣ កើត ដល់ថ្ងៃ សុក្រ ៦កើត ខែ អស្សុជ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១ ដល់ទី ៤ ខែតុលា ឆ្នាំ ២០១៩ ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ទទួលបន្ទុកការងារបច្ចេកទេស បានដឹកនាំក្រុមការងារបច្ចេកទេសចុះពិនិត្យទិដ្ឋភាពជាក់ស្តែងនៅតំបន់បឹងទន្លេសាបលើទីតាំងតំបន់ឆ្នុកទ្រូ ផាត់សណ្តាយ និងបឹងទន្លេឆ្មា កំពង់លួង ព្រែកទាល់ និងតំបន់ពាក់កន្ទេល។ ការចុះពិនិត្យនេះមានគោលបំណងធំៗសរុបចំនួន ៤ រួមមាន៖
១. គុណភាពទឹក (ប្រើប្រាស់ឧបករណ៍សម្រាប់វាស់លើគុណភាពទឹក៖ DO meter, Conductivity meter, Secchi disk, ឧបករណ៍វាស់ជម្រៅទឹក Plastimo Echotest ii,និងឧបករណ៍មើលកំហាប់ស្លែ Algae torch )
២. ប្រភេទត្រីចាប់បានតាមទីតាំងនីមួយៗ
៣. កត់សម្គាល់និងប្រៀបធៀបស្ថានភាពទីជម្រកធនធានជលផល (Habitat) ក្នុងពេលបច្ចុប្បន្នទៅនឹងខែមុនៗតាមរយៈការពិនិត្យជាក់ស្តែង និងប្រើប្រាស់ Drone
៤. ធនធានក្រៅពីត្រី (ពពួកសិប្បីសត្វ និងវារីសត្វ)។
